النعامه

تغيّر الدستـور ياراعـي الحـوم=ياحر شف فوقك تحـوم الحمامـه
قم يالسنافي خلها تجلـس رخـوم=بنقالي الحـاره زعيـم الامامـه
باقي تغشّـوا يامسميـن وقـروم=وعلى المراكي اقلطـي يانعامـه
صارت قديمه سالفة عرف وسلوم=والابيض المعروف صاير جهامه
العود هز الراس بأوكـي معلـوم=وبن الشيوخ الهاي صارت سلامه
رجال عليهم وقف الرخص بالسوم=وبو العصا المملوك زحّف عمامه
نفز ياحضروا هـذولاك ونقـوم=بيّد الزمن يلعب بنا لعـب دامـه
الخادم اصبح بالنهايـات مخـدوم=والشيخ راع مناقصـات القمامـه
عبدالكريم امن الدلع صار كـروم=والبنت يمكن اخـر الليـل زامـه
بمجالس فلوس النواميس ملطـوم=رجلٍ علومـه ماتثمـن شهامـه
شوري عليك انك تحطين فطـوم=حدٍ لأساطير الخـرف والقوامـه
الكايده ماهي حلى طعـم حلقـوم=لاتصدقين المسخـره والدرامـه
والله غنيمه ياحصل بالدجى نـوم=وماكل اسامه فيه خصلة اسامـه
أخاف تلحقني العذاريـب واللـوم=ان مانصفت القاف قبل ارتطامـه
فيني وفيه من العنا حفنة همـوم=وحزني يتجدد مع بدايات عامـه
صحيح واجد بالسما لمعة نجـوم=لكن لها بالنـور راعـي علامـه
اظن واجب نطحة القـوم بالقـوم=والسيف ياصاحن تلاشى صيامـه
وياخيبته ياصار به حضرة البـوم=عزيله الماخوذ عجـل انخدامـه
ان كان حاضرها عويدات وجروم=امقابـل الكايـد يجيـب الندامـه

صح لسانك اخوي : فلاح السعد :

"على القصيده "

صح لسانك وعلا شانك

جزل ياسعد....لاعدمتك

صح السانك اااااااااااااالف

يابو ضاري

أخي فلاح السعد العزيز ،،،

صح الله لسانك وقصيدة جزله ونتظر جديدك.

لك أجمل تحيه ،،،

صح لسانك اخوي : فلاح السعد :

الرائع فلاح السعد

صح هتانك وعطرك وحرفك المميز بشخصك

بكل صدق قصيده جميله ومميزه وتعتبر من الروائع بالحكمه

تحرض الشخص بجماله ان لايفارق هذا المتصفح الذي يشع جمال

دمت وجه للسعد وعنوان للفلاح

أبيات رائعه

تسلم يا فلاح السعد

صح لسانك مليااااااار أخوي فلاح

قصيدة ولا أروع

وبإنتظار جديدك يالغالي

تغيّر الدستـور ياراعـي الحـومياحر شف فوقك تحوم الحمامـه
قم يالسنافي خلها تجلـس رخـومبنقالي الحـاره زعيـم الامامـه
باقي تغشّـوا يامسميـن وقـروموعلى المراكي اقلطـي يانعامـه
صارت قديمه سالفة عرف وسلوموالابيض المعروف صاير جهامه



الله الله
صح لسانك يافلاح