ديوان الشاعر / ضاري الزوبعي

مشتاق لك محتاج لك

	مشتاق لك محتاج لك تئبشني=انا احبك انت تشكل آسي مهضوم حكيك بالغلا ينعشني=صب السوالف والمسامع كاسي انـا غــيابـك يتعــبن يدوشــني=خل العتب وارجع هنا يا قاسي زعلان شفني يالغلا فرفشني=ما غير حبك يـمتلي به راسي طاري الزعل يا منوتي يخرشني=والبعد سبب ضيقتي و هوجاسي متى على الله غيمك يطرطشني=عطشان شوفك يا بعد جلاسي افحص غلاي و شوفني وبحبشني=انــا الـفريـد بحبي واحـساسي على خـدودك يالغــلا انقــشني=يغـنيني وصلك عن مواصل ناسي اروى غلاي وذوقني واعطشني=واسكن هواجس شعري وقرطاسي اتعب اذا يا غلوتي تطنشني=بدونك اعلن بالغلا افلاسي اخاف غيرك من يدك يلطشني=افـهم علي ولا تـدوخ راسـي انـا غـيابك يا الغــلا لـيشـني=متى على الله تفهمن ياقاسي

خل السوالف بيننا سر يا شيخ ضاري الشمري

	ماني من اللي يلطخ القاف تلطيخ=وماني مع اللي يكسره في وزانه الشعر ديوان العرب ..فيه تأريخ=ماهو على يا دان ياليل دانه من صارت ابيات القصايد مصاليخ=تهز في مدح السفيه.. بليانه والصدق ضاع وداهمتنا صواريخ=والكذب شاع ..ويمدحون اتزانه ايه اعتزلت المنبرة ..يالنواذيخ=وجاك الهديفه ..يعتلي هالمكانه بالذل لونه ينفخ الصدر تنفيخ= مكسور عين ..اللي تقنطر حصانه من ينكسر عظمه له الجبر يا ذيخ=وما ينجبر كسر العيون المهانه واليا قبلت تعيش في ظل توبيخ=حاول تموت ومعك ورث وضمانه يلومني ..عن غيبتي بالتواريخ= ما يدري ان العيش صعب احتضانه اتعب ولاني مرضخ الراس ترضيخ=واكد نفسي ما قبلت الاهانه ينهرني اللي جده يبيع ..بطيخ =ويامرني اللي عزوته في جمانه احاول ابقى ضمن مفرد مطانيخ=ولا انجمع في حصنهم والحصانة شعري احشمه عن قوافي مصاليخ= ما لي ومال اللي يدور الاعانه خل السوالف بيننا سر يا شيخ=وخل القصيده تندثر في مكانه 😉

مبطي سمعنا عن مروات الاجواد(معانقه شعريه بعد انقطاع عن منتدى نشامى شمر) ضاري الناهض الزوبعي

	المدح صار لكل لوتي ..وقواد=واللي مواضيه سقاطه بسقاطه وشلون نقدر ننحسب ضمن قصاد=ونسكن بلاط اللي توسخ بلاطه ماهي عباره ..ننطقه ضمن الاضداد=ولاهي عبارة تنذكر للاحاطه تفهم مضامينه على غير الاقصاد=وتجهل مقاصدها ..بقصد العباطه تدري من اللي يسرق اقوات الاوغاد=نفسه هو اللي يسجدون ببساطه ارقام شفهم دون عشرات واحاد=قيماتهم صارت بعينه ...فراطه للانبطاح بساعة الضيق.....معتاد=وقت الرخى يفرض علينا نشاطه شفت العرب قسمين ..عايد ومعتاد= والبسط كلمه ..غير معنى بساطه مبطي سمعنا عن مروات الاجواد= واليوم نسمع ..عن فعول (الوساطه)

النايفة والفارقة بوصوفه

	النايفة والفارقه.. بوصوفه=روحي عليها ..دايما ملهوفه النادره في حسنها .......والطلة ==مثل الفرس بس فرق مو معسوفه ماهي من اللي وصفهن حي الله =كنه على عرش الحسن موصوفه اصيلتن ..ما قادها كل فارس=اصل ونسب مبخونتن معروفه ليا مشت تزهر ورود دروبه =وليا وقفت هيبه ملك بوقوفه ما مثلها في شامها وحجازه=ولا بصرته ولا موصله والكوفه جسمه مزيج من التناقض لكن=فيه الجمال الي تعبت بشوفه الخصر ضيق مثل وصف الدله =ومن تحتها ياوسع وصف ردوفه وجهه مثل ذاك الصباح المشرق=وينام ليله ...في صعيد كتوفه وزودن على حسنه عقلها راجح =ماهي من اللي لا حكت ملقوفه اسمه ورسمه والوصف والمنطق=ليا نطقت اسمي ..تزين حروفه ويكفيك عن كل الوصوف عيونه=ومن فوقهن سلت عليك سيوفه يالله عساني مافقدت وصاله =ويالله عساني ما انحرم من شوفه

وش يضمن التاريخ والوضع لولاش

	ما تضمن الماضي اذا واقعك ماش= دام الوقائع ..شوفنا.. يزورنه وش يضمن التاريخ والوضع لولاش=دام الصحيح بواقعك يعسكونه يعني على ما قيل مع لمعة فلاش= بعض الاوادم ..قاموا يلمعونه نصفه بحضن الفرس والنصف قرداش=وروسن على روس الملا يحكمونه ولا عاد تلقى الامن في دار الاحباش=وفي مصر شفت الحاكم يفرعنونه وعراق صارت تحكمه شلة اوباش=وارض الجزيره خيرها ينهبونه والشعب جايع همه الشعب يعتاش= واللي حكمهم قام يلوي قرونه ان عاش وضعه مجمله غرف انعاش=وان مات ..في حفره..فقر يدفنونه شعبي تهجر ..مالقى شي يعتاش=واللي بقى في موطنه يقصفونه وعودهم للشعب خيمه مع فراش= ووجبه على ..ذله تسمى معونه الماضي اللي مالنا فيه دحباش=وش يبثت انه صدق لا تصدقونه دام الوقائع بعيننا طاش ما طاش=واللي تردى ..كلهم يمدحونه واللي كلوا حق الشعب صارو كباش= كل من يخالف نهجهم ينطحونه ومن هو يقاوم ظلمهم صار بكاش= واللي يطالب بالعدل يقتلونه مني نصيحه خوذها يالخوي كاش=ولا اريد من بعض البشر يفهمونه ماضيك كله والروايات فشفاش= حاضرك شوف عيونك يزورونه

ايه اعشقك عشق الطنايا الصناديد

	ما ريد ابين حاجتي فيك ماريد=مالي على فرقى الغلا مقدريه انتي على ما قيل من دون تحديد=عزوة رجالن مرتوين الحمية اجيك لهفة واحتري بك مواعيد=لا نامت عيون البشر والبريه انتي ابتسامه طفل في ليلة العيد=وانتي اليدين الطاهرة والنديه ابي ارتوي بك ما ابي حب تقصيد=لا تذبحيني بالغلا ....يا بنيه استوطنيني شعب يبصم بتأييد=ما دام صرتي بالغلا مرجعيه ارتب حروفي بوصفك اناشيد=واجند حروف القصيد العذيه خليني اقطف من وصوفك عناقيد=لو يزعلون اهل النفوس الرديه ايه اعشقك عشق الطنايا الصناديد=للحرب ..يوم ان المعارك قويه

ما ينفعك جدك ولا تاريخه هذي سوالف وجهها متشوّّه(قصيدة موقف المعذرة على قساوة بعض الالفاظ)

ما ينفعك جدك ولا تاريخه

	لا تقول لي دنيا غدت محلوّه=بالعفرته ولا نعيش بقوّه من ساهموا في بعثهم باذلالي=والعز خافت في جبيني ضوّه هي قيمتي صارت ترى بإثباتي=على الورق..مطبوعه ومطلوّه ما ينفعك جدك ولا تاريخك=هذي سوالف وجهها متشوّه راحت على الشلفى..ولا به شلفى=صارت بيدين اللي لباس مموّه يعني يجيك اللي جذوره خادم=يامر ..وانت اللي يبونه سوّه طبع الردي يبقى ردي بجذوره=لو هو لسانه بالحديث مفوّه خشمه من الخسه يجيك مبوّز= ووجهه من الدغمه يجيك مشوّه ما ينفعك طيبك معاه ..وفعلك=ولا يقدّر وقفتك ...والخوّوووة واللي يجيك من الفراغ يهايط= ولا نفع رفعه ..وبيده قوّه يصرف على اللي بطونهم مليانه= وبطون ربعه ..من الفقر مخلوّه ويكرّم اللي ما يتكرم فعله =ويقدّر اللي كل حياته سوّه ندري بأنه يدري إنا ندري=لكننا نعطيه ياخذ جوّه ولا انت يا وجه القبيح المنتن=ما فيك فود ولا معاك مروّه ماضيك اسود من وجيه أجدادك=واللي قريته عن جدودك طوّه لولا تضاريس نفعت جدانك= جدك طقوع ولا طلع برنوّه في سايكس بيكو رحمه لامثالك=حظك رماك بديرتن ..مرجوّه ولا انت واطي من سلايل واطي= ابوك ..كلب وميمتك سرنوّه من طاح حظ الشمري ببلادي=حتى الصلب تاخذ علينا خوّه

من يمدحك باشياء واجد مهي فيك

	ماني وصيك يوم شعري.. يوصيك =مرات شيطان القصيده......... يعمك شيطان شعري من زمان الصعاليك =حذراك لا منه زعل .......لا يخمك يمسي نصوح ويصبح الصبح دبيك =يدبك على إيقاع ......ما هو بيمك حاكم ..ونسله ..من سلايل مماليك=لو كان همه ..... مختلف ما يهمك مرات يجبرها على هيك ما هيك =واحيان يبكي... من عناه ويضمك بالامس ماسك بالخفى خط ديريك =جنب عجاجه ..لا انطنخ ..لا يدمك دامه على درب النصيحه يماشيك=اسمع ..ولا تفتح مع الريح......فمك لا تستمع قول الردي في عزاويك=ولا تقبل اقوال الردي بأبن عمك يبقى عضيدك ..يوم تظلم لياليك=همك .يهمه...وهم...همه......يهمك ومن يمدحك باشياء واجد مهي فيك =باشياء ماهي فيك يرجع ......يذمك

حنا لنا حصري لقبنا طنايا

	يقصر عمر ..من لا يهاب.... المنايا =ويطول عمر اللي اذا صحت به فز الموت.. واحد ..والنوايا مطايا =وعيال..... زوبع للمنايا ..تجهز حنا لنا في... صفحة العز رايا =رماحنا في صدر الاعدا تمركز روس الجيوش وغيرنا بالنهايا=نجز... راس اللي يبي دارنا جز حنا لنا التاريخ ....يضرب تحايا =الارض من سطوة هل العز تهتز حنا لنا ....حصري لقبنا......... طنايا =يا محرف التاريخ في حضرتك طز ارواح ربعي ..دون ارضه ...هدايا =نعيش....... عز وموتنا..عز في عز اما انت يلي .....منبطح بالزوايا=اكبر معارك حضرتك مع صحن رز

عيني على برقا وقلبي مع روق

	عيني على برقا وقلبي مع روق =ذاك الغزال اللي سكن في خفوقي مياس قد وناعم الخد غرنوق=وانا عليه من العواذل شفوقي اصبحت قلبي بين الاضلاع مسروق=من اللي غلاها سارين في عروقي مبسم وزول وطول وانساب وعروق =ياليت...عرقه..مشتبك في عروقي طعم الصباح بصوتها العذب مرموق =وادري علي من العذارى تلوقي كني لها من بدت الناس مخلوق=بعده ظلام وطلته هي شروقي اشتاق له دايم يداعبني الشوق =وادري يداعبها مع الريح شوقي عيني على برقا وقلبي مع روق=وانا لعيون الغالية صرت روقي