[أنت] الزميل عرار

بسم الله الرحمن الرحيم
السلام عليكم ورحمة الله وبركاته
اخواني الاعضاء اخواتي العضوات زوار نشامى شمر الكرام
كانا معنا في هذا المنتدى زميل قدير وعزيز لم نرى منه الا المحبة والإخلاص أحب الجميع وأحبه الجميع
هو الزميل عرار
الروقي ابو فيصل
ومع الأسف فقدناه ولانعلم ماسبب انقطاعه عنا وهو عزيز وغالي وقد سبق أن أنقطع فتره عنا
وقال فيه اسطورة الشعر عبدالله المفضلي
هذه الابيات ونعيدها لكم وله لعل وعسى أن تصل اليه ونتمنى أن يكون في خير ان شاء الله

وين انت عنا غايباً ياولد روق = خاويتنا خوة عزيز وفقدناك
بشٌر عسى راسك سليماً من العوق = طمٌن محبينك عسى الخير مسعاك
لعل شمسك ياابيض الوجه بشروق = عساك يالطيب تهنا بدنياك
للناس عند الناس شرهات وحقوق = وحقك علينا نذكرك ما نسيناك
والا انت سابق ماانت بالطيب مسبوق = المنتدى كله يعدٌد مزاياك
مثلك يابو فيصل من الناس موثوق = عدل المبادي شوفته فوق الا فلاك
ربعك لهم بالمجد هومات وطروق = اهل الجمايل كل مطنوخ شرواك
عتيبه الهيلا على مرتع النوق =في زوغة الاذهان يردون الادراك

ابو فيصل
عزيز وغالي يالعزوة
أتمنى أن تكون بخير


.. .. . .

شكرا ابو غازي على التذكير والتذكر للاخوة الغائبون عسى ان يكونون بخير ونامل ان تصلهم تلك الرسائل من اخوانهم وان نراهم هنا وهم في اتم الصحة والعافية

دمت يا ابى غازي بكل خير

شكرا ابو غازي على التذكير والتذكر للاخوة الغائبون عسى ان يكونون بخير ونامل ان تصلهم تلك الرسائل من اخوانهم وان نراهم هنا وهم في اتم الصحة والعافية

دمت يا ابى غازي بكل خير

مشرفنا العام
شكراً لك بارك الله فيك كلام جميل حفظك ربي ورعاك
نسأل الله العلي العظيم أن يكون الأخ العزيز / عرار بأتم الصحة والعافية وأن يعود لنا
وهو بخير وصحة وسلامه وفق الله الجميع لكل خير.
مع أطيب التحايا والمنـى للجميع،،،

سلمت يابوغازي وصح لسان الشاعر
ولاعليكم زود ياشمر والشكر موصول للاخوان جميعاً
اما بالنسبة لابو فيصل الروقي وبحكم توجيه الرسالة لي
وبحكم أني روقي فلك مني ان ابذل الجهد لتوصل له وهذا
من اقل حقوقكم علينا وانا خوك بس ياليت تزودني بأسمه كامل
او بالفخذ التي ينتمي اليها ابو فيصل ولك الشكر
وان شاء الله يكون بخير وسلامه

اي والله فقدناه وان شاء الله انه بخير وعافيه يااارب

يعطيكـ العافيه ابو غازي دائماا تتفقدنا

كل الشكر

لاهنت يابوغازي وصبي شمر لاعدمناك فمن الاخوة الاخ يسأل عن اخوه

يالعرب

أغليت العتيبي من غلاكم له

وودي ادْلي بدلْوي

واقول

دُوك النّشاما تِنْتِخِي يالرّوقي =مالكْ علامكْ هاجر ٍ لاحْبابكْ؟
وِش ْسالفةْ دمْع ٍ نِزلْ مِنْ مُوقِي ؟=مدْرِي!! ولكنّ السّببْ فِغْيابكْ
عجّلْ علينا واطْف حِرّ الشّوقِي =بِقْلُوب تِغْلِي مِنْ وراك اِتْرابكْ
ياوافي ٍ ماسِرْت درْب البُوقِي =جِدّانكْ أحْيوا فيك صِدْق اِعْرابكْ
يفْداك شاوِيّ ٍ عليه اللّوقِي =واللي يِمِدّ بْلُومِتكْ وِاِعْتابكْ
وِينكْ ؟ ترى طُول الكرا في مُوقي =سكّان يُوم اِنّكْ جِفِيت اصْحابكْ
تِكْفى ترى صدْري سِكنْه التّوقِي =لِوْجُودكْ وشُمّة عتِيق اطْيابكْ

الله يذكره بمايسره ابو فيصل
ونعم الزميل والرفيق والجميع فاقدينه ولاكن نعزي انفسنا بأن مشاغل الدنياء والحياة هي سبب الغياب
وإلا هو يعلم قدره ومعزته عندنا ونعلم معزتنا وقدرنا عنده سامحه الله
صح السن الشعراء والحقيقة تجير مثل هذه التذكيرات والنداءات لأخي المشرف العام جزاه الله خير
ولإدارتة المؤقرة
بيض الله وجيهكم
تحيااااتي لكم

بحول الله ... الا يطبح عليكم هنيا.... الرجال تسان ماهو راعي حلال ... وطرش خاصة النياق يسحرن راعيهن ويدله ... وكاد مشغول ... لاتبطي علينا ياخلف ابوي ... يابو فيصل ... انا جديد ... لاكن شفت الطيب والاخواه .... مع هالاجواد اللي مثلك ... وشرواك