حب البدو .....

حـــب البــــــدو ....

حــب البـــدو ماهــو جـديـدً قـديـمـي = مـن خـلقتي وانا الـذي فـــوق خمسـين
حــب الابــل والخيــل فـينـي مقيـمـي = وحــب الغنـم ينبـض بنبض الشـــرايين
القلـب فـي عشـق الصحاري يهيــمي = ضــلعــانها واســـهولهـا والمطـــامـين
مــا بـيـننـــا ودً وحـــبً حـــميـمـــي = عــلاقـــة المســلم بالايمــان والــدّيــن
اشــد وانــزل مــع رفيــقً حشـــيمي = بـروضً خضــر يمتـد مـا بين ضـلعيـن
واحرص على عرف الشجاع الحليمي = هـــذاك قــربــــه ينشــــرا بالمـلايـيـن
قــربـه ولا قــرب الخسـيس اللئيـمي = مثـــل الافـاعــي ســـمّها بــين نـابيـــن
والله مــا اغبـــط الغنـــي والزعيـمي = ليا صـــرت انــا مـرتــاح والله امعافيـن
حــيث القنـاعـــه للقــنوع الفهيـمــي = تســوى كـنوز الهنــد والسـند والصيـن
هــذا هــوى بـالـي وربـي كـــريـمي = ســبحانـه اللــي عـــز الاســـلام بالدّيـن

بـقـلمـــي ...........

الشاعر/ محمد بن سوعان صح لسانك /

تحياتي لك :

والله مــا اغبـــط الغنـــي والزعيـمي = ليا صـــرت انــا مـرتــاح والله امعافيـن
حــيث القنـاعـــه للقــنوع الفهيـمــي = تســوى كـنوز الهنــد والسـند والصيـن
هــذا هــوى بـالـي وربـي كـــريـمي = ســبحانـه اللــي عـــز الاســـلام بالدّيـن

محمد سوعان
صح لسانك مليارات عزالله صدقت وابدعت في هذه القصيده
خاصه هالابيات الاخيره

نايف الشويب

هلا والله وكل الغلا يسعدني تواجدك الرائع والجميل
اخوي الكريم .
تقبل خالص مودتي والتقدير

الاستاذ والشاعر الكبير
مشعل عسام التريباني

مرحب تراحيب المطر والهماليل ........ واعداد ما قامت تدافق اسيوله

نورت متصفحي
تقبل خالص الشكر والتقدير وصادق الموده .

عياده الجهيلي
وهج الابداع
شعاع توهجك انار متصفحي هلا والله وغلا
تقبل خالص مودتي وتقديري لك
لاهنت .

محمد الشميلي ابو طارق

هلا وغلا نورت اسعدني مرورك الرائع لاخلا ولاعدم
تقبل خالص الشكر والتقدير ووافر الموده
هلابك لاهنت .

شاعرنا القدير محمد سوعان الربيع
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

استاذنا ابو غازي

هلا والله وكل الغلا يسعدني ويسرني مرورك الطيب والرائع
تقبل خالص الشكر والتقدير وصادق الموده
لك تحياتي
لاهنت .

ابوفهد

صح لسانك ملايين ولايكفون

لاهنت