25-04-2006
|
#1 | |
 
|
ليه تكرهوننا بفعل الخير
بسم الله الرحمن الرحيم
السلام عليكم ورحمة الله وبركاته اخوانى النشاما قل الخير بالناس والسبب بعض الانظمه الجائره التى حرمت الكثير من الناس فعل الطيب لااحد ينفعل لنتكلم بصراحه وبواقعيه مطلقه اسمعوا هالسالفه البارح جرت على اخوكم تهول وتشيب بالراس اتصل على واحد من الشباب وقال يامغترب انا بطاقه الاحوال والصراف ضاعن وابحول لرصيدك فلوس واسحبهن وش رايك قلت زين وعجب عين (مهى هذى سالفتنا يالربع ) المهم حول الدريهمات ومرن علشان نسحبهن لوه وتخبرون ايام راتب الدنيا زحمه ومن صراف الى صراف وانا واعدن الخال انوه يشوف خشتى (حلوك وجه ) :cool: ومستعجل طلعت من البيت ماخذيت الجوال بس بطاقه الصراف ومن مكان الى مكان وكله زحمه تذكرت صرافه على له خط واخبره فاضيه دايم قلت لخويي وش رايك نروح للصرافه اللى بالخط قال تم المهم مشينا يمه وفعلا كما توقعت فاضيه ماعنده الا حول خمس سيارات (تهون ) ماهى شين المهم وحنا راجعين الا هكالحادث والناس متجمعه عليه وش رايك يالخوى نمرهم ونساعدهم وحنا نجى الا بوه لوه واحد يشخر شخير يالربع يبى يموت واخوكم كماتعرفون عسكرى عنده شوى خبره طبيه بالاسعافات الاوليه الوكاد اسعفناه يامار كل ماله بزود موات الرجل يالربع تذكرت انى معى فرشه بالسياره لاضاق صدرى خذيت عزبتى وفرشتى وطلعت اتسلى بلى مكان اجلس به ياما تروح ضيقه هالصدر واصيح لخويي شف بدبه السياره فرشه جبه لعنبوا حيك المهم راعى لى خويي بنظره لن انساها ماحييت (تقل يقول وش لك وللمشاكل ) الهلال الاحمر تقوم ناقه صالح وهو ماجى (حسبنا الله ونعم الوكيل ) المهم حطينا الفرشه ودربيناه ياما صار على الفرشه لان شيله يمكن يكون مكسور وانت ماتدرى تزيد الحمى مليله المهم تشاقلناه ياما حطيناه بالمرتبه الخلفيه وخليت خويي يجلس بجنبه ويوم بغيت اركب السياره سمعت واحد يقول قعد به هالخبل بغيت اخجمه بس الوقت من ذهب وطبلون السياره (شويهينه ) اسم سيارتى والاشارات انسى الوقفه عنده وللمستشفى بسرعه وانزل بسرعه وصياح يالربع الحقوا المصاب تكفون وين الاجاويد المهم تجمعت الدكاتره وشالوه داخل ولغرفه العمليات وبغيت اروح هالحين انتهت مهمتى ولله الحمد وشوى يقولون نبى احد يتبرع بالدم فصيلته نادره والحمد لله مطابقه لفصيله دمى واتبرع له مع العلم انى متبرع خلال ثلاث شهور مرتين وهى تضر بالصحه ولكن نبغى ماعند الله عزوجل وانا على كرسى التبرع مادريت الا بالعسكر على راسى ويقولون انت اللى جبت الرجال قلت ايه انا هو على بالى يبون يشكرونى (وانا مابى منهم شكر يعلم الله ) وهم يجيبون هكالدفتر واسمك وعنوانك وليه صدمته قلت يالربع انا مسعفه حتى خويي معى اسئلوه (ليتن ماقلته تسان شاف لنا واسطه بس امر ربك وصار )وهم يشيلونوه ومادرى وين وودوه المهم ومن هالاسئله وليه وبينك وبينه عداوه قلت يالربع اسمعوا هذى السالفه حادث ورجال مصاب واسعفته وهذا اثباتى وانا اعمل بالمكان الفلانى وباى وقت تبونى اجيكم وهم يضحكون تجينا من قال لك انك تبى تروح اصلا ويبون يسحبونى قلت اصبروا خلونى اكمل جميلى واخلص هالتبرع بس وبعده (هذا وجهى تسان اسعفت احد المهم انتهينا وهم يشيلونى وادور جوالى ابتصل اثرينى ناسيه بالبيت وللمركز وللتوقيف بدون كلام يالربع مهى هى انا فاعل خير ) واسمع ضحكه داخل التوقيف بجنبى يافاعل خير الصباح رباح وعين خير وادع ان الرجال مايموت بس لانتحمل رقبته وادور الصوت ياهذا خويي وش جابك بهذا قال انت يافاعل الخير سحبونى للتوقيف بعد اشارتك وجدعونى بهذا بدون كلام المهم كلمت الخفير نبى ضابط الخفر وينهوا قال نايم ولانقدر نزعجه (الله واكبر هالحين بطلبنا تزعجه وهو يصك الباب الخارجى ويطلع ) المهم طول ليلى يالله انه مايموت يارب انت تعلم انى ماسويته الا علشان اجرك وثوابك ارحمنا يا ارحم الراحمين وبالصباح مادريت الايدعونى ويامار بوه لو شايب عندهم جالس ماتكلم ويوم سئلن الضابط انت اللى اسعفت الرجال وهو يقوم الشايب ويحبن على راسى الله يجزاك خير ياولدى الله يخليك لهلك ويبارك بك ومن هالدعاوى المهم من انت يالشايب الله يخليك ماعرفك والله قال انا ابو الولد اللى اسعفته الله يجزاك خير قلت ايه اسعفته واخرته بالسجن عطونى التلفون ابى اتصل على اهلى واطمنهم على من البارح مايدرون وين انا حى والا ميت وادق على التلفون ولايرد على الا العجوز وينك يامغترب ياهالسربوت ياقليل الحياء عينى ماغمضت اتحراك وليه تسوى هالعمل بس كل يوم وانت مشغلنا عليك (تخبرون قلب الام ) ماعلمته انى بالسجن والا تسان رايحتن به قلت ساعه بالكثير وانا عندكم ان شاء الله وهى تسكر التلفون زعلانه ماتدرى عن وضعى وعن هاللى جرالى وسئلت الضابط تعرفون ان بعملكم هذا يقل الخير بين الناس لو ماسعفته وخليته لهالناس اللى بكل حادث تجيك وتصور يكون احسن والا اسعافى له احسن مارد على الابكلمتين اول شى هذا النظام والثانى انت تبغى الجزاء من الله مهو من الناس المهم طلعت انا وخويي من التوقيف وللمستشفى مرينا الرجال يامار حالته مستقره والحمد لله وامه اول ماشافتن وهى تبتسى يالربع وتصلخ له قلاده بصدره وتجدعه على وقالت ياولدى والله انك تستاهل البيضاء تغزلك والله ماهذا حقك ياولدى قلت اسمعى ماجيت ادور حقوق انا جيت ازور اخوى بالدم معطيه من دمى ترينى وذهبك خليه معك مالى به عازه لكن انتى وشايبك من وين قالت حنا من وادى السعلوه (ديره بجنبنا حول خمسين كيلو كله بدو ) قلت اسمعى هالحين تمشين معنا للبيت وتريحين والعصر تمرينه قالت ياوليدى انا ماغمضت عينى من البارح (وتذكرت امى وحاله )قلت لايكثر ويالله معى للبيت بسرعه المهم جينا للبيت ومعى هالشيبان واول ماشافتن العجوز وثيابى كله دم وهى تصيح كل يوم وانت بمشكله ومسوى لك خنقه مع احد قلت اسمعى يابنت هالحين معى ضيوف وقلطى هالبنت معتس وجهزوا لنا القهوه وخلوا ضيوفنا يرتاحون وتعالى اعلمك باللى صار (وعلمته بالسالفه واطمئن قلبه ) هالحين عندى كم استفسار لو مات الرجال من يتحمله ان كان ماجاء ابوه وهله ابخرث بالسجن قولكم الجندى اللى صك الباب الخارجى انا اشتكيه ضابط خفر النيم اصكه بلوه شكوى ياما يعرف ان الله حق ان قابلت حادث هل تسعفه ام لا برايك انت اخى لو جرى لك ماجرى لى وش يكون موقفك ان صادفت حادث ولقيت ناس تصور وش ودك تسوى بهم متى يتعدل وضع الهلال الاحمر بقولكم نبغى التفاعل منكم |
|
|
|
25-04-2006
|
#2 | |
|
والله يارجل نظامن غبر
ويقطع نية الخير ويخليك لاشفت المصاب تنحاش عنه بس الواحد يدور الاجر من الله ولاتعدى احد الا انت مسعفه حتى لو سجنوك مانت الا على اجر |
|
|
|
|
26-04-2006
|
#4 | |
|
O?°( مشرف سابق )°?O
|
جزاك الله كل خير يالمغترب على هالفزعه
وكل واحد عنده فزعه يبي يسوي مثلك لكن القانون ماخلى لراعي الفزعه شين اما الهلال الاحمر واجد ودايم نسمع ونقرا الشكاوي عليهم بس لا حياة لمن تنادي |
|
|
|
26-04-2006
|
#5 | ||||||||||||||||||||||||
|
هلا يابو قالش بارك الله فيك تحس بالغبن لاشفت عملهم بس ربك يعين |
||||||||||||||||||||||||
|
|
|
26-04-2006
|
#6 | ||||||||||||||||||||||||
|
هلا باخوى ضارى مبروك هالاسم الجديد مشكور لكلماتك الطيبه القانون بيد من لايعرف تطبيقه مشكله مالمانع من اخذ الاثبات ومكان العمل وتركك تذهب فى حال سبيلك |
||||||||||||||||||||||||
|
|
|
26-04-2006
|
#7 | ||||||||||||||||||||||||
|
هلا بنجم اخوى مشكور لمرورك الكريم الهلال الاحمر يغط بسبات عميق |
||||||||||||||||||||||||
|
|
|
26-04-2006
|
#8 | |
|
اولاً بيض الله وجهك ثانياً يامغترب أنت رجل عسكري و تعرف الإجراءات الروتينيه نرجع لموضوعك الروتين اللي حاصل له مصالح وله مفاسد ومن مصالحه إن أغلب الذين يقومون بإسعاف المصابين و خصوصاً مصابي الحوادث لا توجد لديهم أدنى خلفية عن المساعدات الأوليه مما قد ينتج عنه آثار سلبيه على الشخص المصاب تفوق ما سببه له الحادث الأصلي تقول أنا قصدي الخير أقول لك النية وحدها غير كافيه و أنت تتعامل مع نظام أصم خالي من المشاعر لا يقبل إلا أدلة محسوسه وأنت لم تقدم دليلحسي على براءتك ولم يقبض على المتسبب بالحادث فشيء طبيعي أن تدخل في دائرة الشك تقول أنا من أسعفه أنا تبرعت له بالدم أقول لك هذا ليس دليل و إذا أتينا للمفاسد التي يحدثها هذا الروتين نجد أن هذا الروتين يعمل على ترسيخ مبدأ (نفسي نفسي) لا كرهاً في عمل الخير والمساعده بل خوفاً من الوقوع تحت طائلة هذا الروتين الأصم مما ينتج عنه زيادة الوفيات وخاصه أن أغلب المصابين بهذه الحوادث تكون إصاباتهم كسور و نزيف و الإمتناع عن مساعدتهم في وقف النزيف سيؤدي بهم إلى الوفاة وخاصة على الطرق السريعة التي يتأخر فيها وصول الهلال الأحمر للحادث لساعات في بعض الأحيان :::: الحل :::: الحل من وجهت نظر شخصية مايلي _ أخذ كفالة على المسعف وعدم توقيفه . _ التقليل من الروتين الذي يقوم به موظفي الهلال الأحمر عند الإتصال عليهم . (اسمك , متى صار الحادث , أنت وينك الحين , ...الخ ) هذا الإجراء يستغرق مالا يقل عن ثلاث دقائق و تجهيز السيارة و المعدات يستغرق مالا يقل عن 5_10 دقائق << يعني 13 دقيقه راحت هدر ؟؟!! _ مكافئة الطاقم (مسعفي الهلال الاحمر) في حال إنقاض المصاب في وقت قياسي (سواء مكافئة مالي أو عينية أو إجازة أو إحتساب نقاط ) . _ تكثيف دورات الإسعافات الأولية للمواطنين و طلاب المدارس . |
|
|
|
|
26-04-2006
|
#10 | |
|
هلا اخوي مغترب
انا اقول مافيه شئ انك تفعل الخير وجزاك الله خير إنك اسعفت الرجال والحمدلله إنك مادور شكر وهالكلام ان تدور الأجر عند الله ...... وعلى فكرة اخوي مغترب هذي مثل سالفة خالي توه طالع إجازة من الكلية جاي من حايل وهو على الخط شاف واحد يأشر تعداه بكم كيلووو وبعدين رجعله قال ابيه يونسن المهم يوم رجعله مايمديه ركب الشارع إلا بهاك ( مهو هاكات لايروح فكرك بعيد ) بهذيك التريله اللي صعدت فوق الكبوت ..... الزبدة بوم راحو للمستشفى طلع الرجال اللي ركبه معه نفسية وقام يهايط على خالي انت رجال وجزاك الله خير انك ركبتن معاك ... وكلما يجون الشرطة ياخذون اقواله ينام .. ودخلوا الخال بالسجن تعال لين ناخذ اقوال الرجال واقعدبه يوم يومين ... لين يجيك الفرج . وبعد فترة دبرنا واسطه وطلعان الخال من المستشفى ومن الشرطة .. وبعد شهر الرجال قام يطالب يبي فلوووووووس .. كلمناه وين كلامك وين وين قال الحين ابي فلووووس كم تبي قال 2000 ريال .. يعني الحين أنا مركبك وفوق كل هذا تبي مني فلووووس +_+_+ الف شكر لك اخوي اخوك : الحـــــر |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
