13-10-2020 | #1 |
|
جروح المعاناه
انا أشهد ان أقسى جروح المعاناه =لاصارت طعون القرايب كثيره صبرت حتى وصل الصبر منهاه=مبطي وسيف الشعر داخل جفيره لو هو بعيد الساس تقفي وتنساه =والكل منكم ينتحي له بديره تاخذ حقوقك من عيونه وتجفاه =وتلقى من عيال الاجاويد غيره مار القريب اللي يعدك من اعداه =هذا على كبدك سواة السعيره تعطيه من خيرك وبالشر يجزاه =عفن السجايا والصفات الحقيره لارحم أبو عرقً على الخبث جراه =دامه تذرى بالنسب والعشيره شفت الحسد والحقد بيح خفاياه =وفي نفعتي دايم يدينه قصيره غره سكوتي يوم ماببحث اقصاه =وقتً مضى ماودي اجرح ضميره واليوم دام الصبر واصل لمنهاه =والصبر علقم والتجارب مريره معاد فيه مجاملات اومداراه=اقفا زمان التضحيات الكبيره اللي يقدم شي بالمثل يلقاه =والصدق مايزعل نقي السريره ومن لاوقف جنبك اليا صرت تنخاه =لاتلتفت له بالظروف العسيره ومن لايداري خاطرك ليه تدراه =لاصار هو نايم وعينك سهيره واللي جحد طيبك فلا تتبع رضاه =يحسب على مثلك عمى بالبصيره ومن لا يحشمك لاتجي له و تنصاه =لو حدتك يمه سيوف شطيره واللي زعل لو الغلط منك ماجاه=يزعل وترويه البحور الغزيره الشاعر بدر الخمسان |
|
14-10-2020 | #3 |
شيخ شمل وفاارس يوم مغازي الأولين
|
رد: جروح المعاناه
الشاعر القدير بدر الخمسان
شاعر من العيار الثقيل حياك الله يالنمشي وننتظر جديدك صح السانك بحجم الكون ودي لك يسبق ردي |
|
14-10-2020 | #4 |
|
رد: جروح المعاناه
صح السانك اخوي بدر الخمسان
|
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض ! |
14-10-2020 | #6 |
الإدارة
|
رد: جروح المعاناه
شاعرنا القدير بدر الخمسان سعداء لإنضمامك لقافلتنا المتواضعة اهلا بك ببيتك الثاني شبكة نشامى شمر صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام