ديوان الشاعر / نايف العبيد العتيبي

[نايف العبيد العتيبي]

قنيب الشمري وصدى العتيبي








السلام عليكم ورحمة الله وبركاته



مصافحة أولى أتمنى أن ترتقي لذائقتكم ياسادة

وأشكر الأخ القدير فيصل الجبرين على الدعوة الكريمة



/



يقول جدي بيطار الشعر ( بريك الأسعدي ) في الخوّة والرفاقة :






وقرب حبيب(ن) من حبيب(ن) يسرني = والبغض هذا من مناه البعايد





/




هناا أود ويشرفني أن أطرح لكم قصيدة صديقي ورفيق الدرب



الشاعر : عقلاء مرزوق التريباني الشمري راعي قفار ( قفار قرية تقع جنوب شرق عقدة في حائل )



التي أسندها علي , وردي على قصيدته حيث تذكرت تلك الأيام الجميلة التي قضيناها سوى



اما بحكم عمل أو قوانيص وكواشيت !!





وهذه قصيدة / عقلاء التريباني الشمري التي ارسلها لي :







البارحه كزيّت خط ومكاتيب = فرايد(ن) طاروقها ايب وآيب



تحمل سلام لراعي الجود والطيب = للنايف الحاضر ولوكان غايب



للنادر اللي مسكنه بالشناخيب = يفرد جناح العز وسط الهبايب



يمنى يمدّه دايم اتصيب ماتخيب =من لابة(ن) ماهي عليهم غرايب



على صحاصيح الخلا ذيب ويليب = يفزع ولو كانت عليه الضرايب



خوة عتيبي مابها اي تجريب = اهل السطر على المهار النجايب



مهما الزمن يخفيك ياراعي الطيب = يبقى شذى طيبك على النفس طايب



في كل يوم(ن) تشرق وتغيب = تبقى رفيق الروح لوكنت غايب



مايلحقن في صاحبي شك(ن) أو ريب = إن صارت الهيجاء وصارت حرايب



لي بالشدايد ياجماعه مقاضيب = انخا عتيبه بالقسا والمصايب



عقب الكدر تركد وتصفي المشاريب = التضحيه مايشترونه وهايب



وختامها ياهل الوفا والمواجيب = يخشرك ربي بالدعا والطلايب





/






وهنا جوابي له :







سلام(ن) احلا من لبن شمخ النيب = للشمري عقلا عريب النسايب



راعي قفار امكمل العقل ومنيب = من لابة(ن) يوم الملاقا نوايب



راع القنص راع البواريد والجيب = ياعنك ياهو شيب من ظهر شايب



كم ليلة(ن) واياه دجنا الجراجيب = وقطعت أنا واياه دو وشعايب



ياما قنصنا بالسهل والدباديب = يوم الخرينق دون ضرغط لعايب



اليا طلبنا الصيد عطب المضاريب = واليا خبطنا كاسبين الجلايب



وياما تجاذبنا القصايد تجاذيب = وياما سمرنا بالغداري صحايب



قدوعنا من تمر بقعاء مذانيب = وزهابنا مع فجّة النور طايب



وبرية(ن) تطبخ بنار ولواهيب = تشذى خضاب اللي تكد الذوايب



عز الله إن الشمري بالسفر شيب = حطّه على يمناك لاصرت هايب



والذيب لامنّه عوى جاوبه ذيب = واليا وحيت الصوت شد العصايب



أبشر بعزّك ياحصان الاطاليب = وحنّا نحل امحملكات اللوايب



إن كانها بالطيب قحص(ن) مناجيب = وإن كانها بالحرب جينا كتايب



يستاهل اللايوث ليث المراقيب = لو راحت الأرواح دونه ذهايب



شمّر خوال ابريك راع المواجيب = اللي يهلّي بالضعن والركايب



ليت الأناثي لنجبت مثله اتجيب = والاّ عسى تركا عليها النصايب









وسلامتكم

[نايف العبيد العتيبي]

إلى العبيد مع التحيّة







بسم الله الرحمن الرحيم







/







هل تسمحون لي أن أقف على أطلال أهلي وجداّني ؟؟







/





\





/







قصيدة موجهة إلى هلي حمولة العبيد في بقعاء

وأخص بها عمي خلف الحميدي العبيد أمير العشيرة

وعمي حمود الحميدي العبيد أطال الله في عمرهما

ولمتذوقي الشعر عامة :








ماهو تعصّب أو جهالة وراعين = يوم آتنومس وافتخر ياشبابه

ابفتخر مادام ربعي على الدين = ومادمت ذيب(ن) والجماعه ذيابه

ابسرج خيول الشعر بالميادين = مادمت آمثّل لابتي بالنيابه

إن كانها بالطيب عندي براهين = فعايل(ن) ماهي هروج وكتابه

قصر الحصن يشهد لنا قبل والحين = ماكر هل الفزعات كل(ن) لجابه

تسعين ليله وآل مرشد مقيمين = مامنهم اللي شاف منّا عيابه

ياما رعت ذيدانهم خايع(ن) زين = ميرادها عدن(ن) قراح(ن) شرابه

في قصرة اللي خطّو اسمه بقوسين = بريك مشرّع للمسايير بابه

وإن كانها بالشعر عندي شياطين = رمد(ن) تزاوغني خضوع ومهابه

قبايل(ن) تحدّرو لي من القين = عجوزهم عميا عليها عصابه

وان كانها بالفخر نعم(ن) ونعمين = معرّب الجدين عز ونجابه

الجد أخو عفراء زعيم الميامين = اندى من الشهلول وبل السحابه

راع القصر راع النخل والبساتين = مضيّف الخطاّر مصخي زهابه

اللي يهلّي بالضعوف المساكين = فاخر به الهربيد وكل(ن) حكابه

اللي ذبح ذبّاح أبوه وقضى الدين = وخضّب هكالصنديد شذرة نصابه

واخوه من داس الخطر والثعابين = خميس لامن الزمن عض نابه

حامي حمى الوندات سقم المعادين = الفارس الخضاع متعب ركابه

وجدّي من أمي سعد زبن المخلين = ابن الحتيرش مايزعزع جنابه

اللي ينام وليل شانيه ليلين = مزبان ابن مرداس يوم الحرابه

هذا وأنا من دار قوم(ن) عزيزين = بقعاء صفاة العز والعز ربا به

سواعد(ن) بديار طي(ن) قديمين = جينا بعد دور النبي والصحابه

وداعتك يالنود ودّي سلامين = لعمي خلف وحمود وباقي القرابه

ومرّي على الجرباء ومرّي على العين = ومرّي على اللويمي وعالي هضابه

ومرّي على قصور وحيور الكريمين = حي(ن) عبيد النهيت ياما مشابه

آل العبيد أهل الزعامه من سنين = الورع منهم عن ثمانين لابه

ألاد حرب(ن) من سلالة سلاطين = نعم العمد ذروة سلايل عتابه

عسرين بالشدات يسرين باللين = حمولة(ن) كل(ن) يحسِّب حسابه

وإلاّ البقية كفو ناس(ن) حشيمين = شمالها واللي ورى حد طابه

واختامها رب السماوات يامعين = تنجيني من حر اللهيب وعذابه












وسلامتكم











دُمتم بود

[نايف العبيد العتيبي]

حايل بعد حيي






سلام يغشاكم حتى مطلع الفجر ..!!

/

حايل بعد حيي


http://www.naif9122.com/rm/hailB3d7i.ra



http://www.naif9122.com/nn9122/hailB3d7i.jpg






يستلج القلب لاهبّ الشمال = وينبلج صدري ليا شفت الجبل



بين أجا وسلمى مشاريف الجبال = إجتمعنا في دجى ليل(ن) هشل



ليلة(ن) ماهي مثل باق الليال = رفرف الخفاّق والكل إحتفل



ودامهم أعطوك ياشعري مجال = إنتهض مثل الأصيل إليا صهل



بسرج أمهار القوافي بإبتهال = وانظم القيفان والشعر الجزل



إيه أعرف إنّك هبالٍ في هبال = إن طغيت أنهيت كل غث وهزل



تِسكر عقول(ن) وتودعها ثكال = وكم صميّدع من تبهلالك زِِمل



إيتنّحى من تذمّه بإنعزال = ومن تبيه اتوّصله كوكب زحل



طال ليلي والعنا والشوق طال = وغير حايل ما ملأ عيني مَحل



دار حاتم طي وقروم العيال = منبع الأخيار في ذيك الُطلل



مارأت عيني مثل زينه جمال = إن رضى منّي عذولي أو زَعل



صيفها هايل ومرباعه خيال = وجوّها ياناس يفتلني فتل



وماالوم اللي تغنّابه وقال : = صوب حايل قلبي العاشق رَحل



ياسقى الله يوم غناّبه طلال = مالت اعذوق البختري والنفل



ديرة الأجواد وزحول الرجال = جودهم غيث(ن) تهامل وانهمل



ديرة أهل الطيب مافيهم جدال = طيبهم ديم(ن) على الوادي هطل



الله يغيثه من مزون الخيال = وترتع بغدرانه أجوال الحَجل



وعشت ياسعود السعد واف الخصال = يالأمير اللي على العليا نزل



كامل الأوصاف ولله الكمال = ضاري(ن) ساطي وزيزوم(ن) عدل



حنضل(ن) حلتيت بحلوق الحثال = وللهجافا فيّ وظلال وسهل



ارتقى بحايل طناطير(ن) عوال = قادها للمجد وكل سايح ذهل



يامعدّيها مراقيب(ن) طوال = ياهلال(ن) هل في حايل وحل



العرب لاشبّهت تضرب مثال = وانت ماتوفيك أمثال وجمل



السموحه دام أوجزت المقال = أشهد إن الشاعر ابوصفك بحل



قد سمعت ابمامضى حكمه تقال = خير قول المرء : ماقلَّ ودل !








وسلامتكم ....






للحفظ ... اضغط هُناا (http://www.naif9122.com/zip/hailB3d7i.zip)







WIDTH=1 HEIGHT=1

[نايف العبيد العتيبي]

اهداء لكل عاشق يعاني من حرقة الإنتظار !!



http://www.naif9122.com/rm/phrt.ra


للحفظ ... اضغط هُناا (http://www.naif9122.com/zip/phrt.zip)



/



بهّرت لك حدب المحاني معاميل= وزلّيت لك من نبض الأشواق دلّه
ماغير أنا والليل والثالث سهيل= اقلط ترى مليت غنج وجبلّه ..!
كم لي وانا آخايل طيوفك تخاييل = بصبي عيني صورتك مستقلّه
كم لي وأنا آحايل ظروفي تحاييل = وانته سيوف الهجر دايم تسلّه
يسريبي الهاجوس مع رهبة الليل = اطوي شريطٍ قد مضالي وافلّه
يوم السوالف بيننا والتعاليل = يوم الهوى مابين خلٍ وخلّه
تطري علي لابِهّر الكيف بالهيل = ولاهيجن الجمّال لعيون بِلّه
ولاجاذب المعواد صوت المحاحيل = ولاداعب النبنوب ورده وفلّه
انته غناتي بالسنين المقابيل= وانته صباحات الشروق المطلّه
ياللي هدبك الخرس سودٍ مظاليل= من شاهدك لوهو شجيعٍ تذلّه
لولاي أحبك مازعجت المراسيل= وسامرت نجمات السما المسفهلّه
وحاربت جلسات العرب والتعاليل = وشريت مجلاسك عن الناس كلّه
ذللّت لك جزل التماثيل تذليل = وظللتك بحبٍ تفييت ظلّه
ونحت لك بقصى الضماير تماثيل = وبنيت لك في داخل القلب فلّه
اشكي عليك الحال يانافل الجيل = انته تعرف العلم دِقّه وجِلّه
كلّه على شان الوفاء والمواصيل = بيدك تعقد الحبل وبيدك تحلّه
ماغير أنا والليل والثالث سهيل= اقلط ترى مليت غنج وجبلّه ..!




تحيتي المُبجّلة ياسادة

[نايف العبيد العتيبي]

ساحر الشرق والحلم الأول



بسمْ الله الَرحمَن الرحيْم

\

سُبحان من لبس العز والوقار سبحان من تعطف بالمجد وتكرّم به
سبحان من لا ينبغي التسبيح إلاّ له سبحان من أحصى كل شئ علمه سبحان ذي المَن
والنعم سبحان ذو القدرة والكرم , اللهم اني اسألك بمعاقد العز من عرشك ومنتهى الرحمَة
من كتابك واسمك الأعظم وكلماتك التامة التي تمت صدقا وَعدَلا .

/



أرتّل آيات الدُخان والمعوذات والذاريات ترتيلا وتقرأ داهية بنت لاهية وردي بُكرة وأصيلا ..!!
ويُوؤّل رؤياي أرطبون فوق قمّة إسطفيون العظيم تأويلا .. !!
أحَلام عابرة وأمواج مُتلاطمة
وبَوْتقة مِن خيوط اَلْجَافَا وَالْجامَا إِكْتسحَت أَركانَ مِحرَابِي !!
وَحدَهم اَلْفِيزيَائيوّن مَن يُدرِكون سُرعة اَلْضَوء هُنَاا !!

\

على المفقور القديم المُهمل أقرطس إلى طرَفة ابن العبد زَاجي !!
ليجد حلاً لخاله المتلمّس !!





ساحر الشرق العماني أرسل ملوكٍ ثماني داهموني في مكاني حضّروا عندي عصير=



=جوني من شرقٍ وغربا يضربون القاع ضربا بين جلديّة وجربا قالوا جيناك بخبر





نقوةٌ ملوك غطارس حضّروا من أرض فارس معهم سيوف ومهارس والزبرجد والحرير=



=قاصديني في مهمّه من عصورٍ مدلهمّه طلسموا طرسي بغمّه ليلة الحادي عشر





أقبلوا مثل الغمامة دهمٍ بغلس وجهامة قيلهم يلبس عمامة يمتطي ظهر البعير=



=يالفى ليتك تشوفه يوم يقرع لي دفوفه أبرصٍ يخفي كفوفه أشرمٍ أزغر عطر





يالفى سكني وجني مسلمٍ شيعي وسنيّ لوتشوفه تستجنّي أو بعد عقلك يطير=



=أبشع من الداب صوره ينفث النيران زوره تصعطك ريحة بخوره غيمةٍ مابه مطر





أرمدٌ ينفث رماده حاملٌ معه القلاده تحكي عن قصة بلاده قال خذها يالأمير=



=قلت له مالي وماله دوّرو صاحب جلاله قال لي فيك الدلاله وارثٍ ذاك القصر





قد أتيناك بصحيفه قرطستهالك كفيفه كاهنة حمّير طريفه قبل أن يُخلق زهير=



=قلت مدّولي كتابي وانفضوا عنّي ترابي واسمعوا باقي جوابي يامراسيل البشر





قرّبوا طرسي وزاجي دامني قيل الزراجي حاملٌ سيف الخفاجي عامرٌ ذاك الشهير=



=تعرف أهل النوق وسمي مُعترِف خصمي بقسمي نايفٌ معروف اِسمي من لوى بقعاء شهر





مثل ابن الحوفزان من أساطير الزمان رد جيش المرزبان يوم ذي قار المرير=



=أجذب الشعر بعنانه حاكمه مع موبذانه شاربه شرب إستكانه ليت قومي تدّكر





هزبرٌ سيضم وزافر قاهر أقزام وسنافر شوكةٌ في حلق كافر لايجاريني جرير=



=شايلٍ بالكف رايه ماجداي إلاّ جدايه سبعةٌ ساروا ورايه خلّدوا فيني شعر





شاعرٌ يبدع فرايد ماشقى بأهل الجرايد فوق هام المجد نايد ماسكن بير ومحير=



=إيه أنا اللي صنت قافي عن هواذير الخفافي حالهم حال الهرافي يالفى وإلاّ البقر





ينقدوني يشتموني يلعنوني يلسبوني أدري عنهم مايبوني لاصغير ولاكبير=



=مير أنا مالد فيهم كل ماقالوه فيهم وآعسى الله يقتفيهم بالزلازل في سحر





يامزلزل قوم هود من بنو صخرِ ثمود داحر أحبار اليهود أنت لي نعم النصير=



=أحصهم ياربي عدّا من حكابي أو تعدّا أو تعشّى أو تغدّا اِنتقملي يا أبر





ليمتى وآنا أجامل يالفى والنور خامل مالقيت اليوم صامل لاضويل ولاشوير=



=ناسٍ اتجمّع قشوشه طبعهم طبع الدحوشه تخدم العفن لقروشه مالهم عندي قدر





يالفى والوقت ساطي ماصفى للدمرياطي سافلٍ ملعون واطي من يثار ولايثير=



=صارت فروخ الثعالي تدحم أصحاب المعالي والزحازيح الرجالي مالها بطن وظهر





جلستي خالي خلاوي يالفى والنجم ضاوي مبعدٍ عن كل غاوي عندي تسواله كثير=



=خايعٍ والجوغايم بين هوبان وقوايم تسوى جلسات الرخايم والهلايم والغجر





آه من دنيا غريبه في حقيقتها مصيبه من وثق فيها تصيبه ماصفت لإبن الزبير=



=في تبهلاله بغيضه من تبسمّله تغيضه ريفها يقفاه قيضه عافها حتى عمر





صرت في دنياي زاهد مُعرضٌ عن كل ناهد أشدخٌ أغلب مجاهد عالني ربي صغير=



=من وأنا طفلٍ رضيع عالي الهمّه رفيع لاينازعني شجيع وحدي عن ميّة نفر





حصنتني حيزبون ورقاني أرطبون بالصمد والكافرون فوق قبقاب وحصير=



=دنيا زاد المزدكيّة عن فصول المسرحيّة أخبرت نوت القضيّة وابن يقضان انتحر





أذن المذّن وكبّر وانقشع ليلي وأدبر وانتهى حلمي وغبّر مثل دخاّنٍ وكير=



=ذاك حلمٍ قد حلمته في منام الليل نمته عن جنابك ماكتمته يالفى مثل السحر





يالفى الهفتاء سلامي قبل ما أختم كلامي يادويدار الظلامي شوشليٍ من مطير=



=قالها شاعر هوازن ماشكى رج التوازن وارث كنوز ومخازن لاقصد ينحت صخر











دُمتم بود

[نايف العبيد العتيبي]

توصيني يالغالي وأنا العام اوصّيك
...... وأنا اللي هويتك دون هذي وذيّه

WIDTH=425 HEIGHT=344


للحفظ اضغط هنا
(http://www.naif9122.com/zip/tosini.zip)

دُمتم بود

[نايف العبيد العتيبي]

السلام عليكم

/

سلامي على اللي مايجيب المراسيل ..!!




width=425 height=344





سلامي على اللي مايجيب المراسيل=عزيزٍ وله في داخل القلب منزال
آنا آغليه لو يقطع حبال المواصيل=ولجله آكابد كايد الحظ لو مال
غرامه في قلبي مايجي فيه تبديل=تزول الليالي لكن الحب لازال
ليا رن جوالي تشب القناديل=ويرجف خفوقي كل مااوحيت الإرسال
ليالي سمرناها سرور وتعاليل=سقى الله لامنّه زهمني بجواّل
يالبيه ياصوته قصيد ومواويل=ليا قال ( أحبك ) خافقي يهذل اِهذال
سباني وخلاّني طريح الغرابيل=ودمعي من اسبابه على الخد هطاّل
همومي تزايد كل ماعسعس الليل=آعاني مجاهيم النوى واشهب اللاّل
ذرايف دموعي فوق خدّي هماليل=آلا واعذابي من جفى خالي البال
من الدهر والدنيا تشيب الرياجيل=ظروف الليالي كل يومٍ لها حال
وآنا خلّي شيّبني وشفت البهاذيل=سوافيه حدتني على طامن الجال
آنا فيه مَسْمَع هرجة القال والقيل=أجل كيف يسمع بي صواديف الآقوال
يصدّق كلام اللي علومه سراميل=وآنا لجل عينه ماتوحّيت الآنذال
آنا اللي تجرهدت الدروب المسافيل=ونطّيت من شانه على النايد العال
هجرني وخلاّني آسير المناديل=شخاتير دمعي فوق الآوجان شلاّل
عسى الله يغيثه من صدوق المخاييل=ويرويه من نو الحيا وبل هماّل
وتبقى مرابيعه دماث وتساهيل=وتختال آزاهيره عقب وقت الآمحال



دُمتم بود

[نايف العبيد العتيبي]

السلام عليكم

/

للتواصل ونبذ الفواصل ..!!

شمر أهل الرمح والسيف الشطير



اضغط هنا .... للحفظ (http://www.naif9122.com/zip/shmrahlrm7.zip)



راكب اللي لامشى كنه أميرِ=ايتباهى ويتغنّج في فخر

أقصد الفكسار ليش إنه خطير=موترٍ بين المخاليق اشتهر

من قبل قولي تمثّل به مرير=ووصفه فرحان بأبيات وشعر

وارد اليابان صنّاعه خبير=يقطع أميال ومسافات ووعر

في مزاياته وفي شكله مثير=معجزة يابان إبداع وفكر

لمع زيكه كنه السيف الشطير=في يمين الشمري يوم الظفر

يوم يقبل مثل موسى بن نصير=وإن تقفيته عقيدٍ منتصر

أفنس الخشه تكل خشة بعير=عابسٍ وجهه تكل ضابط خفر

أبيضٍ لونه مثل سن الغرير=أو ذكر بطس على ضفّة نهر

كشنه الديباج وأسلاك الحرير=مقعدٍ طبي وتكّاية ظهر

والسيور اللي تدور وتستدير=كن توحاّبه صدى نايف صقر

لانوى الممشى وعزّم بالمسير=وش يسوّي الرنج عنده والهمر

مايدوّر به بدل شخصٍ بصير=ولاقناه إلاّ فطينٍ مقتدر

كل حاجه تستشير ابها شوير=ماعدى الفكسار لو عندك نظر

لنّه المجلوب للدرب العسير=لنّه المطلوب بدروب السفر

مايطقّه كل محتاج وفقير=ولامسح كبوّته الوجه الودر

مركب شيوخ وهوامير ووزير=والضعيّف يفرك ايدينه قهر

لاعطاه القاز سوّاقه يطير=واعتقد لوله جناحاتٍ شهر

نيزكٍ يقطع دياجير وهجير=مثل ماكوك الفضاء يرسل شرر

سايقه حرٍ من ربوعي جدير=من ضنا الهيلا طويلين العمر

انطلاقة رحلته تلعة زرير=ومدرجه حايل وشمّر يابشر

الطنايا فيهم أبياتي تحير=كيف أوصّف مفخرتهم في شطر

شمّر أهل الرمح والسيف الشطير=تقطف أرقاب العدى قطف الثمر

محتمين الدار لاصاح النذير=لابسين الطاس والجوخ الحمر

للمعادي حنظليل وزمهرير=وللموالي يوس فندي وزهر

تكرم العاني وتفزع للقصير=تنصر المضيوم وتدوس الخطر

من زبنهم ينعم ويصبح بخير=ومن تحداهم يبي ينطح صخر

كم عقيدٍ منّهم عوّد كسير=وقام ينطي ربعه دروس وعبر

وياصلاة الله عدد ماطار طير=للرسول اللي فدى الدين ونشر
وسلامتكم

[نايف العبيد العتيبي]

مصافحة لقنوف الشعر ورواّده..!!

/

WIDTH=425 HEIGHT=344



يزورني طيفك مع الليل ساري = واشم طيبك والمحك طيف وأحلام
اصيح بسمك واحسبك لي مباري = اسمع صدى صوتك وآخايلك قدام
تغرني دايم طيوف الغداري = افز واعي واكتشف كله أوهام
من فرحتي ناديت بسمك اجهاري = فضحت نفسي والمخاليق نيّام
أسهر على شانك ولانته بداري = أرقد دقيقه وأكثر الليل ما نام
يطري على طاريك مليون طاري = شاعرك من زود التباريح منضام
أفراح عمري مثل شمس العصاري = ياسرع ماتغرب وتاتيك بعسام
صبري قضى من لوعتي وانتظاري = تكفى ترى حالى غدى جلد وعظام
قربك هناي وغيبتك إنتحاري = أرجوك لاتبعد ترى بعدك إعدام
شوفك سحايب ترتوي به دياري = وش عاد لو شوفك من العام للعام
شوفك مثل شمسٍ عشقها نهاري = تشرق على كل الكواكب والأجرام
حبك نهر وسط الشرايين جاري = حبك سحر عيّشني في غي وهيام
تفرك يميني يوم أشوفك يساري = وآعض لامنك تثنيت الإبهام
ياللي شعرك الليل فيه المساري = من شاهدك لو يسهر الليل مايلام
مثلك أبد ماشفت يابو خزاري = ياناقض المرجود يالابس زمام
انته غرامي غايتي وإختياري = يشهد على ماقول حبري والأقلام
مهما تغيب وتبتعد عن مساري = تبقى مواثيق الغلا طول الأيام


اضغط هنا .... للحفظ (http://www.naif9122.com/zip/yzorni.zip)

دُمتم بود

[نايف العبيد العتيبي]

السلام على المارقون ... والرحمة الأبدية على الطارقون ..!!

/

عبر سقيا فنتازية وشرفات سماوية .. !!
أزجي طلاسمي فراديس تترنح على مدى العبق .. وأقطارِ الألَق ,
لتدس نبضات الخيال بذوراً بوشم نورٍ يعانق ماوراء السماء
من لدن أرواح المطرِ .

/

http://www.naif9122.com/nn9122/wadi3bgr.gif

لولا الطرس الذي اطلّسمه , واللحن الذي اقسّمه , والخيال الذي
ارسمه , لأصبحت خبراً لأفعال الزمان الناسخة ..!!


وادي عبقر



جرّيت ونّه جلجلت وادي عبقر=كم هيقمانيٍ جزع من سمعها

عن كل ذي عنقر وكل ذات عنقر=الأبلق أشباح الأوابد ردعها

حتى رضيع الديد منها تعكّر=نسى حليب أمّه تكل مارضعها

حبريت أوحى للبطارق وأخبر=حيّر أولي الألباب يومه شلعها

يرقص على موّاله الشاه بندر=ويبكي على أطلالها مستمعها

يجرّها الصمصام من فوق منبر=نسناس غبسه بالعوالي سفعها

نمير إبن عامر على الدرب يسبر=والحظ قاطع درب روحي نزعها

تزلزلت من زاجي املوك حمّير=وباذان نادى والقساوس جمعها

إستبقروا من حرف طرسٍ تعبقر=واحروفهم تقزّمت من لفعها

الجارية مع بطنها اليوم تبقر=باتت قطع واشلاء كلٍ مزعها

وردٍ زمرّد نرد بأشقر تمشقر=عندل تعنّدل غنجها مانفعها

من دمّه النجس الطفيلي تعفّر=وعلى مساطيب العرايا جضعها

الدايخ السكّير يسكب وينثر=على جسدها الخمر محدٍ منعها

تناهشتها ريط بخّوت نصّر=وكل زايف وجاير بكفّه صفعها

كاهن جنب من غي الأوباش حذّر=الحنضلة والغرقدة من زرعها

يومه شهر كفوفه الشعث وأشّر=أبصارهم تشخّصت من رفعها

من حشرجات الصوت كلٍّ تجمّهر=ينعي ختولٍ وقتها قد خثعها

وصّى على دم اليتيمة وأنذر=الويل للي ضامها أو خدعها

يدعي عساهم بالهوان المعمّر=وشوك البلنز احلوقهم تبتلعها

شربت من كوز أهل بابل وبربر=وشاشة ملوك الليل طرسي فجعها

صميّدعٍ مثل الهزبر الغضنفر=وردي شياطين الآبالس صرعها

ضمضم عنمنم للطوابير حيدر=سحم الأفاعي والعقارب سبعها

هدّيت تمثالٍ نطو فيه تنتر=ويد السوارق سمهريّي قطعها

ونسفت عجل السامري يوم خوّر=يلعن أبو البدعه على مبتدعها

ونفذت لأقطار المعارج بدوجر=وأًوتيت كنز ومبلغ العلم معها

وأصبحت قرطٍ قمطريرٍ ومخطر=بحلق الطفاس اللي تغر مجتمعها

بالزيف عاشوا بين كسرى وقيصر=وبالكذب والإجحاف كلٍ تبعها

كيف الثعل بعد إختزاله تقسّور=والقسورة ضيم الليالي صدعها

من قبلي قاله ذلك الشيب بندر=ماكل من هاز الطويلة طلعها


صاحبكم المُسلم ..!!

[نايف العبيد العتيبي]

السلام عليكم ورحمة الله وبركاته....

/

باقة ورد شعريّة ارسلها للأستاذ / محمد بن فهد الدخيل ( أبو ياسر )
وحقيقة هذا الرجل , يستاهل كل خير ,رجل شهم وكريم وصاحب فزعة ونخوة
وهوا من رجالات بقعاء الذين عُرف عنهم النخوة والفزعة والكرم ..!!
ويعلم الله إني أحب هذا الرجل في الله , وعسى الله يحفظه ويخليه لأولاده وأحبابه ..!!


http://www.naif9122.com/nn9122/m7mdfhd.jpg

/

http://www.naif9122.com/rm/m7mdfhd.ra



هاضت قريحة شاعر القيفاني = في مدح أبوياسر زبون العاني

محمد ولد فهد الدخيل الطيّب = نعم الرجل فالنايبات حصاني

طيْب ومراجل والتواضع ساسه = بقعاء تماريبه على البلداني

فالموقف الإنساني دايم حاضر = يصلح ويجمع فرقة الإخواني

يشفق على العليا ولا يتنازل = يرقى سنود بهمّة الشجعاني

شوفه صباح وضحكته ترنيمه = شوفه يواسي خاطر الزعلاني

مقبول عند الناس واهل الديره = ليّن جناب وحازمٍ متفاني

تاجر .. قلوب أهل اللواء رصيده = على النقاء خاويته وخاواني

ياكم حضرلي إمسية شعريّه = يجلس اقبالي شايشٍ طرباني

من قبل ما تبدأ وهو متواجد = واليا ختمت الأمسية حيّاني

اِرسل له ابيوت الوفاء منظومه = عقدٍ من الياقوت والمرجاني

امغلّفه بالديدحان البرّي = والقحويان ونفحة الريحاني

مثل ماقال الشاعر البقعاوي = ( ريحة عطيطه ريحة التكّاني)

واللي يقولون المدح مسبّه = بوجه الرجل ذي حيلة الغيراني

هي عادةٍ عند العرب منتشره = في شرعهم مدح الرجل نقصاني !!

مايمدحونه في حياته لله = وإن مات قالوا : مات أبو الإحساني

المدح لو إنه حرام ومنكر = كان الرسول أنكر شعر حسّاني

آبمدح الطيّب علاً وافخر به = وفلان خلّه يقتدي بفلاني

أنا لقيت إن الوفاء مامثله = والله على بذل الوفاء يجزاني

وقفة وفاء للي وقف يدعمني =اللي حضر للأمسية من شاني

أقصد ولد فهد الدخيل محمد = إنسان يسواله مِيَة إنساني

انظم به بيوت الشعر موزونه = واكبر خساره كان مايقراني


للحفظ ..هنا (http://www.naif9122.com/rar/m7mdfhd.rar)

/
\
/

دُمتم بود

[نايف العبيد العتيبي]

سَلامٌ مِنْ الله يَحفّكم طَمَأنيْنَة

/

سِيرياليّة أعشقهَا , وَهي من القصائِد المُقرّبة لنفسي

بَيضَاء

مِن غيْر سوء
سريالية نائفية ..



في مقاويس المحاني ألف جنيّة تلوج = كن يطيرّها مع الصفرة ملافيح العجاج
ولحّنت لي بنت ميمون الكريمة مونلوج = وسبّبت في قاعة القصر المعظّم ارتجاج
طقّو الزيران معها قطعة أحباشٍ زنوج = ورقّصت سبعين عفراء في تهنفلها غناج
تنتحي لإبن اليتيمة كل ماهبّت خجوج = في غطاليسٍ بهيمة مايضوّيها سراج
تقتطفلي سنديان الشعر من ذيك المروج = في طلاسم بابليّة قرطستها لي بزاج
حبرها من دم سلمى نادلة بار العلوج = وكاغده أبيض من الجمّار كنّه ناب عاج
هينمانيّة حروفه أخرست عوج الهروج = هيقمانيّة عزيفه عكّرت صاف المزاج
والهموم المدلهمّة في تقسطلها تروج = مثل فلك النون يوم إنه تمايل به وراج
آتمقّل بالليالي والدهر فينا يموج = وآتصفح كيتلوج العمر في ضحكة حجاج
مسرحيّة والليالي صفصفتها بالدروج = قبل شهريار يدعي شهرزاده للزواج
ماتحسفت ابولوجي لين ضيّعت الخروج = لعبة الدنيا متاهه والبشر فيها عياج
السعيد اللي يقّدي خطوته قبل الولوج = والتعيس اللي وطى ذيل الحنش لحظة هياج
الليالي صيعريّة والأمل مثل الخلوج = والمنايا صيرميّة والأماني بإندلاج
لودرى طرفه بحتفه كان ماباج الفجوج = وانتهى مثل النميري خلف قضبان وسياج
لكن الرهبوت مدلج والمنايا فوج فوج = معتزي بالله يدعي بالحرم له ألف حاج
هيّضه صوت الهديل اللي يسوج الفكر سوج = عيطبول الأخشبين اللي لها بالمجد تاج
يوسفيّة طائفيّة يانعه فيها نضوج = من شرب من عين ماها قال ماء غيره هماج
أنور من الكهرمانة وأحمر من الورد روج = خيزرانة لاتثنّت مالت القاع إبتهاج
إعوجاجيّة جسدها زلزلت هاك البروج = خصرها الهايف يندّد قسوة الردف إحتجاج
كفّنيني ياهنوف الريم يالترف الغنوج = عن عفاريتٍ توارى بالثرى تحت الزراج
وحندسيني في ثليلٍ فاحمٍ مثل الدلوج = واسكبي لي من خمور الأندرينا في زجاج
شاعرك سكّان عبقر في دهاليزه تدوج = تمتمت له أم معبد واسحنت بخته بصاج
بايعه تسعين سفلي أقبلو فوق السروج = وفوق راسه تسعه وتسعين ديدبان ماج
انفثي بإذني تبارك والمعارج والبروج = واختميها بالمثاني وانقعيها لي علاج



كُنت هُنَا مُمسكاً بثوْب اَللّيل , أرجُوه أنْ يَبقى لِتغفو هِي عَليْه ..!!

/
\
/

هَمسَة :
ليست حقيقة الشاَعر بما يُظهره لَكم . بَل بِمَا لا يستَطيع أنْ يُظهره.
لِذلك إذَا أردتم أن تعرفوه ، فلا تصغوا إلى مَا يَقوله , بَل إلى مَا لا يَقوله..!!

دُمتم بِود

[نايف العبيد العتيبي]

غبتي .. ..


غبتي وجيتيني بعد طول غيبات = ياغايبه عن غيبتك حدثيني
اشوف بعيونك ندم وانكسارات = توّك تحسين بشقاي وحنيني
توّك تعرفين الغلا والتنهات = توّك تعرفين الغرام وتجيني
غبتي ثلاث سنين في صمت وسكات = وانا على لاماك افرك يديني
اسأل ونشّد والامل مابعد مات = عندي أمل في رجعتك تحتويني
اسهر واعاني والمدامع هميلات = واقنب واجر الصوت مالي عويني
فكري تشتّت بين غفوه وسجّات = صدّك ثلاث سنين قطّع وتيني
كذا تركتيني اعيش المعانات = حتى جليسي شاف حزني بعيني
اسهر وافكّر والليالي طويلات = بين الهجير وبين عتمة سنيني
ازعج لك حروف التباريح بابيات = ماكنت اظنك ناوية تتركيني
فجأة تغيرتي علي دون سيّات = مدري وش اللي صار بينك وبيني
غبتي وجيتيني ندم وانكسارات = ياغايبه عن غيبتك حديثيني

[نايف العبيد العتيبي]

أبْيَاْت محمومة قرطستها إلى الزميل والصديق
الشاعر والإعلامي الكويتي : شهاب الأحمد
width=1 height=1
...
برقية عاجلة من السعودية إلى الكويت .. ..



مبداي بالفرد الصمد رب الأرباب = سبحانه اللي كلّنا نلتجيبه
اللي دحى أرضه ورسّابها أطناب = بسمه طواريق الشعر نبتديبه
اللي نصر عبده على جمع الأحزاب = دحر جيوش الشرك وأظهر حبيبه
اللي بعث لإبن آدم القاتل غراب = حتى يسوّي مثله ويقتديبه
امعاون النملة على بذل الأسباب = اللي يشاهدها ويسمع دبيبه
فيه أبتدي ماغيره اليوم غلاّب = العز بيده والظفر والغليبه
هاتو لي بوكي والقلم واجفو الباب = حالي مع القيفان حاله غريبه
خلوني لحالي ابكتب لي كتاب = مشاعري من واقعي مستصيبه
هاض الخفوق وهاجس الشعر شباّب = واسترسلت خلج المشاعر ذهيبه
من دار أخو نورة إلى دار الأحباب = دار الصباح أرض الكويت الحبيبه
شاعر يترجم مالجى فيه بإسهاب = آساعديٍ من سلايل عتيبه
يسند تماثيله على الشمري (شهاب) = اللي شعم ناره براس الشذيبه
الأسلمي حلو النبا ريف الأصحاب = راعي اللحيسة والعلوم المنيبه
ياشهاب من هم الدهر عارضي شاب = ومن واقع الأيام حالي كئيبه
ياشهاب دنيانا تطوّى تكل داب = نيبانها تضرس ويقرش ذنيبه
ياشهاب كم لاعت مواليف وأحباب = وكم فرّقت بين الحبيب وحبيبه
ياشهاب قلبي من تبهلالها تاب = عفت الحياة وكل شيٍ تجيبه
ياشهاب كلاّته تكاليف واتعاب = الناصح اللي مايوارد قليبه
ياشهاب حتى الذيب جايع ومرتاب = من هولها وال*** يقنب قنيبه
ياشهاب مايبحل بها كل لعّاب = والطالب المطلوب أصبح طليبه
ياشهاب وش علم العرب صارو أحزاب = أحوالهم ياشهاب صارت عجيبه
ياشهاب راع المصلحة صار كذاّب = يومي نخيته زل ربي حسيبه
حتى الخوي ياشهاب فيه الرجى خاب = جحد جهودي له ليالٍ عصيبه
يوم الرخى تلقى لك أحباب وأصحاب = وان طحت حطّو فوق راسك نصيبه !
آخر مطاف الآدمي حفنة تراب = والله يجنبنا السعير ولهيبه
وصلاة ربي عد ما سالت شعاب = على رسولٍ كلنا نحتذيبه



دُمتم بود

[نايف العبيد العتيبي]

السلام عليكم

/

قصيدة تشرفت بإلقائها على مسرح التوعية الإسلامية في الإصبوحة الشعرية
التي أقامتها إدارة التربية والتعليم بحائل يوم الإثنين الماضي 21/5/1432هـ

width=1 height=1


ملك ملك ماهوب حاجة شهادات = يشهد له التاريخ عدلٍ قيادي.. ..



بسم الله الرحمن رب السماوات = المالك المعبود رب العبادي
سبحانه اللي يبعث العبد لا مات = ويحاسب المخلوق يوم المعادي
فيه القصايد نبتديها والأبيات = من لا ذبه ماهو عن الدرب غادي
ومن بعدها جينا نصوغ العبارات = ونشارك الشعّار بإسمى المبادي
جينا نلبي من قصدنا بدعوات = عاداتنا دايم نجيب المنادي
في محفل التعليم رمز الحضارات =جينا نصوغ الشعر عنبر وكادي
لهل الحفل نرفع سلام وتحيات = أهلاً وسهلاً عد ماسال وادي
نقولها بالحفل مرة ومرات = حياّكم الله والمشاعر تنادي
نهدي لكم من مشتل الشعر باقات = أزكى من أنسام الصبا والبرادي
في مسرح التعليم نرفع شعارات = يعيش أبو متعب وتحيا بلادي
ملك ملك ماهو بحاجة شهادات = يشهد له التاريخ عدلٍ قيادي
من أبرز أفكاره حوار الديانات = واثق من إسلامه فطينٍ حيادي
للدين والإسلام أنشأ وزارات = الحج والأوقاف والخير زادي
ومشّى للأيتام الفقارى معاشات = تدعي له بليل الدياجي آيادي
أصدر على شان المواطن قرارات = حتى يعم الخير كل البوادي
حقق لجل شعبه جميع الطموحات = نهر العطاء منه الجميع استفادي
شعبه يحبّه حب ماهي مراوات = شعبه يحبّه حب ما هو بعادي
ندعي لبو متعب طهور وسلامات = وعسى الرخى بالمملكة بإزديادي
وسلطان أبو خالد عظيم السجلات = حليم متواضع كريمٍ جوادي
ولي عهد المملكة بالمهمات = يمين أبو متعب بشوشن وهادي
حاتم زمانه والعطايا جزيلات = كم بايسٍ جاله وجاب إعتمادي
للمعتدي يرسل كتايب وغارات = ليث الوغى لا جا نهار الطرادي
ونايف رقى بالأمن فوق المجرات = قضى على الإرهاب وأهل الفسادي
له في مجال الأمن صولة وجولات = ولهيئة المعروف شجّع وأشادي
الداخلية تفتخر فيه بالذات = لنه بها يعمل بجد واجتهادي
الله يعز الدار شعب وقيادات = والله يديم الأمن هذا المرادي
واختامها صلوا كثير الصلاوات = للي دعانا للهدى والرشادي



لحفظ القصيدة بالصوت .. اضغط على الرابط

http://www.naif9122.com/rar/to3iheslamih.rar


وسلامتكم