ديوان الشاعر / أبو عارف [الأرشيف]

أبو عارف

27-06-2009, 01:04

شكراً لك الأميره على الدعوة لهذه المسابقة الإجتماعية بارك الله فيكوإليك مشاركتي بهذه المسابقة وهي حول آفة المخدرات المدمرة

---------------------------------------

المخدرات وما أدراك ما المخدرات إنها الموت والسم القاتل إنها آفة العصر وهي محرمة دولياً ودينياً وعقوبة مروجيها الإعدام وهي مادة مدمرة للعقل والجسم والحياة وهي مع شديد الأسف منتشرة بين الشباب بشكل مخيف وينذر بالخطر ولاحول ولاقوة إلا بالله.

وهذه المادة المخدرة القاتلة يعتبرها الكثير من عديمي الدين والضمير تجارة رابحة ويهربونها من مصادرها بشتى الوسائل والأساليب الملتوية عبر الحدود إلى جميع الدول بحيث تصل إلى متعاطيها من الشباب حديثي السن ومدمنيها من غيرهم ممن غرر بهم من أجل كسب المال .

وتعتبر المخدرات اليوم من أشد الأوبئة فتكاً بالشباب ومصيبتها الكبرى تقع في إنعكاس ذلك الخطر على كافة المجتمع من حوادث السرق القتل والعنف وشتى أنواع المصائب على يد هؤلاء المتعاطين فأصبحوا يشكلون خطراً جسيماً على انفسهم وعلى عوائلهم واهليهم وعلى كافة المجتمع بالأذى والحمى.

آمل من الله العلي القدير أن يحمينا ويحمي شباب المسلمين من شر هذه المخدرات القاتلة والمدمرة للدين والمال والعرض والإنسان.

هذا وبمناسبة زيارة لجنة التوعية من خطر المخدرات للمنطقة الشرقية قبل عدة سنوات قلت هذه القصيدة بعنوان قصة مروج :

سمعت قصة واحد (ن) بالسجوني = يقول ذبح السيف ياناس هايبه
يقول أفضل بالرصاص إذبحوني = والعين ملفوف عليها عصايبه
لعل بعض الناس مايعرفوني = ودي لو التنفيذ والشمس غايبه
أنتم عرفتوا قصتي ورحموني = أخشاء على أبوي تلحقه عايبه
لويعرف إني مروج للفيوني = ولو يدري إني للمسلمين جايبه
ومدمن حشيش ومثقل بالديوني = يدعي علي ودعوة العود صايبه
ولاتخبرون الي بطبعه حنوني = الوالدة أخاف تكثر مصايبه
أخاف يادرية يصيبه جنوني = وتصبح عليله عالة على شايبه
واللي جرح قلبي وزود طعوني = روحه على شوفي من العام ذايبه
وجماعتي من سجنتي قاطعوني = كيف الفتى ينسا من أقرب قرايبه
مشيت في درب السراد مغبوني = عقول البهايم بين الأكواخ سايبه
الله يرميهم مثل مارموني= موت المهونة شلتي هم جلايبه
حسبي عليهم شلة وهقوني = الموت حان وقربولي ركايبه
يالي حضرتوا مصرعي سامحوني = وهذي نهاية قصتي مع سبايبه
المخدرات تجارة صدقوني = بئس التجاره من التجارات الخايبه
وصلاة ربي عد وبل المزوني =على الرسول عداد دورة هبايبه

والسلام عليكم ورحمة الله وبركاته

أبو عارف

27-06-2009, 05:01

شكراً لك أبو غازي لاهنت على المساعدة بنقل الموضوع إلى العام ، كان بإمكاني كتابته أساساً بالعام لكن إفتكر إن هناك رابط خاص بالمسابقة 0 القلم الفائز 0 ولم يفتح هذا الرابط ولذلك طلبت المساعدة.

الغشامة بلشة هل التلعة.

أشكرك مرة ثانية وتقبل فائق إحترامي

نعود لمسلسل صريع الفيوني = قصة مروج كنت من قبل جايبه
صبح القصاص الوالده تعلموني = تبكي ودمع العين هلة سكايبه
والشايب المفجوع هيض إشجوني = مغلوب في أمره وزادة غلايبه
يقول ياليت الأجل والمنوني = قبل الزواج وقبل تظهر خوايبه
النوم بعد اليوم فارق جفوني = الإبن راح ومستحيل لقاي به
جابوله السياف سيفه مسنوني = في عظم جذع الرأس تسمع حطايبه
قاطع قطع رأسه وخلى المتوني = جزاه من جنس العمل ذي عقايبه
وترك صغار توهم يدرسوني = مع امهم الهم زادت لهايبه
صغار عن الي صار مايفهموني = وغريزة الأطفال كثرة طلايبه
ونطلب من المعبود أمره يكوني = يحمي شباب المسلمين بعجايبه
بعض الشباب عن الخطر يجهلوني = يجهل مخاطرها ويجهل شوايبه
والبعض يتبع خالفوا تذكروني = ويقلدون الغرب بأغرب غرايبه
ياهيه يالي للمخدر زبوني = مرافق رفيق السوء أكتب رثاي به
من هامش الواقع كتبت الفنوني = قريحتي جادة ولبة نداي به
ملحق وتوضيح لمن يفهموني = ونصيحة نقول عساه صايبه
وصلاة ربي عد مايكتبوني = على رسول الله والنفس طايبه

وسلامتكم كلكم

أبو عارف

10-07-2009, 12:37

زيارة الشيخ الحميدي دهام الجربا للمنطقة الشرقية

في شهر ذوالحجة 1417 هـ قام الشيخ الحميدي دهام العاصي الجرباء في رحلة حج للديار المقدسة وبعد الحج عرج على زيارة بعض المناطق بالمملكة ومن ضمنها المنطقة الشرقية حيث التقى في بعض أبناءه من قبيلة شمر وفي 28/12/1417هـ حل ضيفاً كريماً على مخيم الغيثة في مدينة الجبيل الصناعية حيث تناول طعام العشاء معهم وقد حضر هذا الحفل عدد من جميع أبناء قبيلة شمر بالمنطقة الشرقية وعدد من الشعراء الذين القوا قصائدهم الرائعه بالشيخ أبو فارس وطلب مني أحد الأشخاص العزيزين علي المشاركة ولضيق الوقت قلت هذه القصيدة المتواضعه جداً وقد لاقت إستحسان الشيخ الحميدي وطلب منها نسخة وسماها النشميه:

إعتقد بأنه لاحظ إنها أسهل القصائد التي قيلت وأحب يشجع صاحبها لرفع المعنوية فقط وهي:

أهلا وسهلا من معــــــالم جبلنا = وحنا ورثناها قديم من أهلنا
الله يحيي شيخنا يوم زارنا = يوم الحميدي بالزيارة شملنا
أهلاً بشيخ القوم شرف محلنا = قام وتكرم زارنا في عملنا
اليوم فرحتنا جميعاً كبيره = بأبن دهام الي لتوه وصلنا
نفرح لياجانا من الأهل زاير = وشلون مانفرح بمقدم جملنا
الله يحيي كل من زار حفلنا = بحضور عاصي ضدنا إحتفلنا
الشيخ أبو فارس رفيع مقامه = شيخ على طول الدهر ماخذلنا
حياكم الله بيت مفتاح شمر = الي حما حد الجبل من سهلنا
بمناخ ظفرة يوم شمر تشاوروا = وقالوا رحيل وقال حنا نزلنا
وخذوا برأيه ثم عادوا ونوخوا = وهذا على طول الليالي مثلنا
شمر هل الردات غلبا الطنايا = ياما على نصر ونصر حصلنا
كم رأس شيخ للضواري جدعنا = رأسه عن الأمتان بالسيف شلنا
وختامها بالشيخ مليون مرحبا = بشعر مشاعر ربعنا لك نقلنا
مهما بذلنا قاصر دون حقكم = حق الجميع أكبر من الي بذلنا
نبي سماحتكم تكمل قصورنا = والكامل الله وقدركم هو أملنا

يوم خلص الحفل الخطابي والقصائد والعشاء تقدم الشيخ وجلس في وسط الفرش المعد للحفل وطلب منا أن نقترب منه على شكل دائرة وقال ياعيالي لو كنت شاعر لرديت عليكم واحد واحد على أي حال أنتم ماقصرتوا بشيء واحب اقول لكم سالفة وهي فقال ان هناك ناقتين ضاعتا من العرب وهما لقحات ولرجلين مختلفين يعني كل وحده لرجال ويوم جاء الصيف وقت المقطان ورد الحلال الهمل والضايع وردن الناقتين على الجو وما معهن إلا حوار واحد وكلاهما مضيرات على هالحوار كل وحده ترضعه وتدافع عنه وتعتبره ولدها وقد إختلف عليه الرجلان اصحاب الناقتين كل واحد يقول هذا ولد ناقتي .

راحوا لأحد العوارف للتحكيم وقال لهم هذا الحوار أبوه جمل فلان فحل معروف وكل واحد منهما جاب أشهود بأن ناقته ضربها جمل فلان المذكور وزاد الخلاف بينهما وتعقدة الأمور وراحا لشيخ العوارف أي العارفة الأكبر فطلب منهم ترك الناقتين والحوار عنده لمدة إسبوع ومن ثم العودة له ليخبرهم بالنتيجة.

العارفة هذا يقول عقل الناقتين ومنعهما من الماء لمدة إسبوع في حماميات القيض حتى حضر الرجلين وذهب لهما مع الرجلين وقال جيبوا لنا حوض ماء بارد وأطلقوا عقل النياق لكي يشربن ولم وضعتا رؤسهما بالماء نخز الحوار وجعر أي رغاء فرفعة رأسها إحاهما وإنحرفت عليه بينما الثانية مازالت واضعت رأسها بالماء فقال العارفة هذه أمه أم الحوار فإقتنع الجميع.

فقال الشيخ أنتم كلكم مثل عيالي فإذاء هالحيوان يحب ولده إلى هذا الحد فيشهد الله بأنني أحبكم أكثر وإعتز بكم أين ماكنت ولكن للأسف ما إستطعت أعبر لكم عن حبي إلا من خلال هذه القصة وسامحوني وأكرمكم الله وأعز شمر الشموخ والمجد برجالها وشبابها ونسائها وأطفالها والسلام عليكم ورحمة الله

والسلام عليكم ورحمة الله.

أبو عارف

10-07-2009, 05:38

مرثية قلتها بعمي سعدي بن رشيد بن رومي الله يرحمه

يالربع رثعبي أبو غازي حط لي ديوان شعر وانا ماني شاعر أقول لي حورنيات عند الحاجة القصوى لهن فقط، أظنه ماسمع المثل الي يقول لاتوري البدوي باب بيتك.

الله يعينك يا أبو غازي مالك إلا الصبر ويش وداك له

هذه ابيات مرثية قلتها بعمي سعدي بن رشيد بن رومي الله يرحمه كان ومازال من أعز الناس الي تعرفت عليهم بحياتي رحمة الله عليه وكان رجلاً بكل ماتعنيه هذه الكلمة من معنى شجاع كريم خطيب شاعر وفيه كل المزايا الطيبة وهو الي سماني أبو عارف حتى قبل أن آخذ أم عارف الله يغفرله ويسكنه فسيح جنات النعيم وأموات المسلمين آمين.

قد أصيب بمرض تليف الكبد قبل ثلاث سنوات تقريباً ونقل إلى الرياض للعلاج بعد أن تمكن منه المرض وقابلته بالمستشفى وقال لي الدكتور المعالج عمك هذا قد يموت خلال أيام ولكن رجعوه لحايل لكي يكون قريباً من محبيه يودعهم . وفعلاً رجع به ولده وهو مايعرف عن تقرير الطبيب الذي أطلعني عليه دون غيري خوفاً بأن يحزن أكثر مني وما عرف بأن جميع من عرفه سوف يحزن ويبكي على أبو مزعل رحمة الله عليه.

المهم رجع يوم الأحد ويوم الجمعة وهو في مثواه الأخير وقلت فيه هذه الأبيات البسيطه بحيث أنشل تفكيري وتاهة الكلمات المعبره عما أكن له من المحبة بسبب الحزن الشديد الذي إنتابني عليه وبما إنني لست من الشعار الكبار تجيني القصيدة في لحظة مناسبتها وإن لم أكتبها تقفل عندي القريحة وأعرف بأن عمي سعدي بخاطري أكبر من أي كلام يقال عنه مهما وصل من البلاغة والجمال وكان فيه ناس مايعرفون وضعه الصحي ومدى خطورته يقولون لو ودوه كذا هنا أو هناك كان ماصار الي صار وكأنهم يبون يعترضون على القدر أو يتهموننا بالتقصير بحقه من زود محبتهم له.

الأبيات هي:

مرثية قلتها بعمي سعدي بن رشيد بن رومي الله يرحمه .. ..

مرحوم ياعم تقافت مطاياه = للآخرة يسوق عجل المطايا
شفنا تقاريره ولابه مراواه = وقابلت دكتوره وزاح الخفايا
يقول مانبخل على العم بدواه = ماله دواء لو درت كل النحايا
والله لو تذهب إلى الصين وإياه = ماله سواء رحمات ربه دوايا
هرج صحيح مانقوله مراواه = ماهو كلام مدورين الحكايا
وفي ليلة الجمعه ترك هم دنياه = دليل حسن الخاتمة والنوايا
وصلوا على المرحوم والكل ينعاه = في جامع كانت ركونه ملايا
والله لو نقدر بالأرواح نفداه = لفديه في روحي وفوقه هدايا
ماكل من يفدى بالأرواح يسواه = إلا مثل سعدي حميد السجايا
مفراص ماص مايهاب الملاقاه = يركض على الموت الحمر والمنايا
يفرح به المضيوم ياسمع طرياه = ياجفت الأرياق فوق الشفايا
ماظن من شافه من الناس ينساه = شهم عفيف مايحب الدنايا
يحفظ كتاب الله ويعمل بمعناه = وسنة نبيه مع سلوم الطنايا
في جنة الفردوس يارب تجزاه = وتغفر ذنوبه مع جميع الخطايا
يالله تجعل جنة الخلد مثواه = يالمسلمين آمين قولوا معايا

وسلامتكم.

أبو عارف

11-07-2009, 12:55

هذه قصيدة ماتت في مهدها

هذه قصيدة ماتت في مهدها
تعلمون ابو عارف بالمنطقة الشرقية والجماعة الخاصين بحايل وصاير مثل الأطرش بالزفه يتلقط الأخبار عن بعد فعلمت بأن الربع يرتبون لحفل جمع دراهم من أجل سفلتة طريق أرينبه جنوب غرب حائل وقلت هذه القصيدة بهذه المناسبة وأرسلتها مع أحد الربع مع مشاركة مالية ولكن يوم وصلهم المرسال قالوا مار هونا يوم رحنا نبي نجيب فسح من إدارة الطرق قالوا لنا هذا الطريق مدرج عندنا للسفلتة بعد ستة أشهر وقالوا كفى الله المؤمنين شر القتال وكلوا غداهم وتفرقوا وبقت قصيدتي وقطتي في جيب رفيقي إلى يومك.

القصيدة :

بسم الولي بديت بدع المثايل = وحياكم الله ياعيال الحمايل
تحية الحضار أهلا هلابكم = عد النبات وعد ماقال قايل
تحية أحلا من حلا صافي العسل = ولربعنا الغياب نرسل رسايل
ونقول للجميع جودوا بمالكم = ياهل الكرم ياطيبين الفعايل
هذا محل الجود ياجاد حضكم = والأجر والمعروف صدق صمايل
وإستبشري يارينبه في عزومهم = على عزوم القوم عندي دلايل
ربعي هل الناموس حماية الجبل = هل المناخ وهم عيال الأوايل
فتحوا طريق سقوفهم ماتوانوا = بدفع الفلوس وذبح كوم(ن) جلايل
من مفرق العقلة لحد العرفاء = شالوا جبال في طريقه هوايل
واليوم دور ارينبة من ديارنا = أرينبات وموقعه قرب حايل
من قبلي الديرع لصفراء ظواله = اللي لهم غرس بتلك المسايل
عليهم الواجب قبل دور غيرهم = وباقي الجماعة يدركون الجمايل
الطيب والنوماس يبقى مخلد = والعمر هو والمال لابد زايل
يامشترين الطيب هذا محله = والمال ماطيب رجال بخايل
ننخا هل الفزعات اليوم يومكم = ومايذكر إلا كود طيب الخصايل
وشكراً لمن ساهم بغالي حلاله = ولكل من يسعى لكسب النفايل
والرحمة المسداه لموتى ربوعنا = وأخص أبو فيصل فقيد المثايل
عبدالله الفرج عسى الله يرحمه = كم قال بالديرة بيوت جزايل
في جنة الفردوس يارب مسكنه = رجل بنضم القيل مثله قلايل
وتقديري العالي لجميع شمر= ستر العذاراء ناقضات الجدايل
شمر هل العادات والمجد والفخر = لباسة المرعز على الراس مايل
تاريخهم سجل مداده من الذهب = ياعد تاريخ العرب والقبايل
وصلاة ربي عد ماذعذع الهواء = على الرسول إعداد وبل المخايل
وتقبلوا تحياتي

أبو عارف

12-07-2009, 04:42

هذه قصيدة قد إرسلت لي من البناخي الشاعر / سعد بن عبار العنزي
يقول فيهاهذه قصيدة قد إرسلت لي من البناخي الشاعر / سعد بن عبار العنزي
يقول فيها:

جاز الكلام بطيب والشك زايل = وبيض النوايا فتقت سود الأوهام
ريح العتب عطر جزيل المثايل = الي لها مع طيٌب الشأن مرسام
الي يحوش من الوفاء والجمايل = زود على على كل الوزايع والاقسام
قله غدينا بين عدل ومايل = ودايم نشيل الحظ والحظ ماقام
رحنا ندور كل مفتي وقايل = ونسمع تفاسير الطواري والأحلام
ندفن ورى حدب الضلوع النحايل = شرهة رفيق كلمته دوم قدام
تحبل لنا النفس الخبيثة حبايل = يوم بعد يوم وعام بأثر عام
يادمع مادري دم ويشفيك سايل = هيضت قلب حيلته ضيم وهيام
طالت ولكن ويش لنا بالطوايل = طير السعد وقٌع وطير الفلس حام

سعد بن عبار العنزي
------------------------------

وبما أن الفراسة عندي صفر والتحليل تحت الصفر التبست علي الأمور ولافهمت الهدف من هذه القصيدة ولم يرد فيها لي أسم حبيت أرد عليه على أن بيت القصيد في هذه القصيدة هو الشطر الأخير من البيت الأخير وقمت بالرد عليه في هذه الأبيات التاليه:

أهلاً هلا بموصلين الرسائل = من واحد يشكي علي ضيم الأيام
من عيلم معروف بين القبايل = بأرض الجزيرة من يمنها الى الشام
سعد ابن عبار والجد وايل = من لابة فيهم مقدام وكرام
ياركبو الويلان فوق الأصايل = عاداتهم خويهم دوم مايضام
بالمعركة مثل السيوف السلايل = وببيوتهم مثل السلاطين حكام
والخال من شمر كرام الخصايل = شمر لهم بالمجد تاريخ ووسام
الي يدوسون الخطر والهواايل = يوم المعارك ماهي تمثيل وافلام
شمر هل الردات واهل الفعايل = ماهو كلام للدعاية والاعلام
يشهد جبل شمر وسلمى وحايل = على فعل شمر وابو بيص مانام
فيهم كرم حاتم بذبح الجلايل = وفيهم طنا شمر وتشمير الاكمام
ياسعد ندري بالزمان متمايل = الذيب يجفل والثعل صار مقدام
واسبتدلت بعض البشوت بفنايل = وحتى الاسامي بدلوها بالارقام
والصدق بدل بالدجل والفشايل = وقست قلوب الناس في قطع الارحام
من قارن الحاضر بعصر الاوايل = فرق الهلالي يامشى بين الاقزام
ونهاية الدنيا عليها دلايل = مالوم ابو عبار لو زعل مايلام
وصلاة ربي عد وبل المخايل = صلو على المبعوث في دين الاسلام

بالمناسبة خوال الشاعر سعد بن عبار العنزي الغازي من العليان من الدغيرات من شمر

وتقبلوا تحياتي

يوسف بن سعيد الشمري

أبو عارف

12-07-2009, 11:31

-------------------------------
يالربع مدام المسألة فيها قناة ومخاطر أجل دونك هالحورنية الله لايهينك
شكراً لك أبو غازي تقبل تحياتي وتقديري والله يعينكم علي.

مرة صار فيه مساجلات بيني وبين رفيق لي عجمي وزودناه حبتين وحنا نمزح لكن تحدي من الي يغلب الثاني بالقصيد وهو جني مغني يحضر الجن ويساعدونه على البيوت العسرة وصار أعقل مني طلب التحكيم بيننا من رفيقن لنا آخر لكي نوقف الوطيس وقلت هالقصيدة رد على طلبه :

بسم الكريم ابداء بيوت جزالي = بذكر هل العادات يوم إنتهينا
شمر هل الطولات أول وتالي = يخافهم حتى ابليس اللعينا
ربعي هل الشيمه بعاد المدالي = دايم على العدوان شر مبينا
الخيل ماتسرح بروس المفالي = عند البيوت لحاجته يابلينا
حنا حموله يوم حل المجالي = يشافنا القاسي لزوم يلينا
شمر هل الردات وهل المعالي = يروون بالميدان حد السنينا
ولياوردنا للقراح الزلالي = نشرب ونمرح والعدو يحترينا
وخلاف ذا بديت بدع المثالي = رد على الي يمنا مرسلينا
جاني جواب من صديق موالي = صدره علينا ضايق مادرينا
لولا غلانا كان ماله ومالي = وإذا علينا الحق أبشر وفينا
مثايل فيها عتاب وسؤالي = وعلى ابن شايع ناوي يشتكينا
حكم ابو محسن دايم بالعدالي = شاعر قدير وللمعاني فطينا
حكمه رضينا به ولامن جدالي = عساه يحكم والولي له يعينا
سالم صديقلي وقلبه صفالي = ويبي الطراد وللزعل ماهقينا
يبي يطاردنا بذيك السهالي = وحنا لخوض المعركة جاهزينا
بحره غزير وصار فيه متعالي = وحنا المحيط الأطلسي ياطنينا
والحكم نرضابه على كل حالي = سواء لنا التحكيم وإلا علينا
وصار الحكم صلحه تعادل 1-1 مع العلم إنه غالبني لكن الحكم صديق لي.

وسلامتكم.

أبو عارف

13-07-2009, 12:12

قالوا تمثل قلـت يانـاس خايـف

هذه البويتات قلتها ***وس الشمال حايل يابعد حيي ومع إنها دون المستوى المأمول إلا إنها شجعت الشاعر فهيد بن محمد الجفال على مجاراتي بقصيدة بحائل فائقة الجمال يمكن نطلبه يسجلها لكم بالمنتدى:

قالوا تمثل قلت ياناس خايف = اخاف ماوفي بحايل وصايفه
وبديت في نظم البيوت الطرايف = بالديرة الي بيوت أهلها مضايفه
تشوقني حايل ولاله وصايف = انشهد إنه بين الأقطار نايفه
نظافته كل شهدها وشايف = مثل الثرياء وباقي المدن ألايفه
كل شهد له من جميع الطوايف = مثل العروس أجا وسلمى ردايفه
فيها كرم حاتم على الناس طايف = تاريخ دون بالذهب في صحايفه
ويوم السنين الغابرات العجايف = حايل تعيش أمان والناس خايفه
شمر حموها بالحداد الرهايف = من كل غزاي بغاها وحايفه
جاه الشريف وذاق مر الكسايف = المعركة زادت عليه بكلايفه
شمر حمول الخيل ماهم خفايف = عدوهم ذاق الكدر مع كسايفه
واليوم حايل من خيار المصايف = بسعود أميره والهبايب مسايفه
عاشت حكومتنا وعلى الأمن نايف = وعسى يزود الخير وتكثر وظايفه
وصلاة ربي عد ماطاف طايف = على الرسول أزكى صلاة ولطايفه

وتقبلوا التحية والتقدير والعذر من التقصير

أبو عارف

14-07-2009, 02:43

تحية وداع قلتها لزميلين تقاعدا من العمل

لقد قلت هذه الأبيات تحية وداع لزميلين لي تقاعدا من أرامكو السعودية :

وهما مرشد عنيزان الخالدي وأحمد عبد اللطيف الحسني

القصيدة:

يقول منهو للمثايل بدعها = يعرف معانيها ويعرف سنعها
اهلا وسهلا بالضيوف الأكارم = تحية يرتاح له من سمعها
نزفها بإسم جميع خويانا = من واحد(ن) مشاعره مامنعها
بمناسبة توديع أحمد ومرشد = حسب النظام وللتقاعد ولعها
أحمد بن عبد اللطيف الحسيني = رمز الوفاء والصدق والطيب معها
ومرشد بن عنيزان من بني خالد = عزيز نفس والمراجل جمعها
عشرين عام كنها ظرف ساعه = طارت وحنا طايرين(ن) تبعها
بخدمة وطنهم باذلين جهودهم = والكل منهم خوذته ماخلعها
نطلب من المولى عزيز الجلاله = اللي بسط سبع وسبع رفعها
يجعل لهم في كل درب سلامه = إرجال على طيب المكارم طمعها
يوسف يقول الله يحيي ضيوفنا = عدد حروف الألف والي طبعها
وختامها نشكر مدير الإداره = على حضوره حفلنا ماقطعها

وسلامة الجميع

أبو عارف

15-07-2009, 07:34

قصيدة مكتب أبن شايع

كان فيه رفيق لي شايب وشاعر يدعى/ عبد الكريم بن ابراهيم الشايع رحمة الله عليه:
عنده محلات مواد بناء برحيمه وداخل هالمحل حاط له مكتب مترين بثلاثة أمتار مكتب وفيه ثلاث كراسي حديد غير كرسيه هو بقاعة المحل وباب المكتب يفتح على داخل المحل من أجل مراقبة العمال وهم يحملون سمنت ومواد بناء المهم المكتب لو مافيه هكالرجال الطيب صاحب الأخلاق النبيله ماتجلس فيه ولا ربع ساعه ولكن دائماً نحن متسمرين على كراسي هالحديد عنده سوالف وقصيد وعلوم طيبه.

وفي مرة من المرات قلت له يا أبو محسن مكتبك هذا زريبة أغنام ومن هالكلام ولكن أنت محليه ولكن هالكلام ما أعجب ابو محسن وقصد هالقصيدة وقبة بيننا لنا فترة من الزمن يقول:

الله من قلب بدابه غرابيل = وعزي لمن مثلي طعن به صحيبه
لولاي أسلي خاطري بالتماثيل = وماجابت الورقا على الغصن أجيبه
غديت مثل مدوه الرجم بالليل = وسرحان جاوبني ونا أقنب قنيبه
ومن الزعل جسمي غدى أكبر من الفيل = من صاحب شبه بشغلي زريبه
دكاني الي مدهل لرجاجيل = وأنت الرفيق الي دوام تجيبه
ياما جلسنابه ندير التعاليل = هذي نوديها وهذي نجيبه
وياما جلسبه من رجال مشاكيل = يجون من شأن العلوم العجيبه
هذا الصحيح ولا بهرجي تهاويل = ونته من الربع الذي نقتديبه
إنظر لربك يا بو عارف عن الميل = الواحد الي فوق خلقه رقيبه
انا لياركب الرشا للمحاحيل = اجيب قاف وافي واعتنيبه
ونت ابن رومي من خيار الرجاجيل = مانته من الي عند ربعه حكيبه
ونت ابو عارف من زمول المحاميل = تشيل الحمول الوافيه وتعديبه
حلال عسرات المشاكل بتحليل = مزبان من كبرت عليه المصيبه
مدهال ذربين اللحا بالتفاصيل = لاجوك جزلات الذبايح تجيبه
يفداك يايوسف قليل المحاصيل = الي على الدنيا يضايق رفيقه
ياشوق مدلول زهته الخلاخيل = مزيونة من رؤس قوم عريبه
ربع لياشدو على الكنس الحيل = جابو طلبهم من المعادي غصيبه
ودنياك ياما به من القول والقيل = وكل مع الدنيا يحصل نصيبه
وصلاة ربي عد وبل الهماليل = على الرسول الي دروبه مصيبه
هذه بداية حرب البسوس حول مكتب المرحوم وجميع القصايد كانت مسجلة عنده في مجلد وخذوه عياله بعد وفاته وهذا أنا اطلب منهم يجيبون السجل المشترك

ويمكن أن واحدة أو ثنتين من تلك المحاورة عندي سوف ادورهن وإدرجهن لكم تحت هذه القصيدة الليلة إن شاء الله تعالى.

رحمة الله على عبد الكريم الشايع رحمة واسعه واسكنه فسيح جناته آمين,

أبو عارف

15-07-2009, 08:27

هذه هي احدى قصائدي الفلاويه في مكتب عبد الكريم ابراهيم الشايع التميمي رحمه الله عليه

هذه هي احدى قصائدي الفلاويه في مكتب عبد الكريم ابراهيم الشايع التميمي رحمه الله عليه
ولا اعتقد انها هي الرد المباشر على قصيدته المذكوره اعلاه واليكم القصيده :

عبد الكريم ابشر نزورك ونأتيك = وان جيت يمي دايم الله يحيك
وداله يعرف الدار من غير تشكيك = حياكم الله والمهيل نجيبه
حنا قبل ذلك حبايب وجيران = وغيابنا لظروف ماكنت زعلان
سير وتلقانا على العهد يافلان = مثل اول من دون شك وريبه
وعاداتنا عند الرجال محفوظه = وترمينا صافي ولاحدن يخوضه
مثل الحليب السرح مابه حموضه = نعرف السلوم ودايما نقتدي به
ودنياك هذي للعباد معروفه = شمس الضحى يمكن تغيب بكسوفه
وكم واحد من بعد عزه تلوفه = سر الحياه وكل حي دريبه
أما لكان انك تلف وتدوري = وسيلك علينا يابن شايع حدوري
هذي كبيره من كبار الاموري = وهذي انا انفيها ومنكم غريبه
اذا تبيها بيننا بالتحدي = وتفرض علينا زيارتك مانصدي
في كل يوم ناصلك مستعدي = لكن لنا شروط عليكم صعيبه
وسع لنا المكتب وغير كراسيه = وبابك على الشارع لزوم تسويه
ووفر لنا القهوه وكمل معانيه = وان جاء مع القهوه غطاة الرطيبه
ولا رغافين رهاف وكثيرات = في كل يوم يدامهم دهنة الشاة
ناخذ عليهن يافتى الجود جلسات = ولا رقاق مكثرين صبيبه
ولا مرق تيس ولحمه طريه = زوٌد بهاراته ورزه شويه
انا وداله وابوناصر سويه = نبي نجيك وكل علمن نجيبه
وصلاة ربي عد وبل المخايل = عدد تراب القاع وماسال سايل
على محمد عد ماقال قايل = على اللذي موجود في دار طيبه

هذه هي احدى المناوشات الشعريه بيني وبين المرحوم وهي رد على قصيده بهذا المعنى
تقبلوا تحياتي :
والسلام عليكم ورحمه الله وبركاته
يوسف سعيد الشمري

أبو عارف

16-07-2009, 11:22

ابو عارف وأبو قريان

كنت أعمل بالسفانية وتعرفت على عدد من الطيبين شرواكم من كل القبايل ومن ضمنهم الشاعر الكبير حمد قريان العجمي والشاعر مهيل بن راشد الهاجري ويوم طلعت في أحدى إجازاتي السنوية التي أقضيها كعادتي في ربوع حايل بين الأهل والأحباب .

ويوم رجعت يمار الشاعر حمد قريان يسالني يقول هو صحيح هالي سمعناه يا أبو عارف بأنك رايح بإجازتك لبنان قلت لا مارحت ولاعمري طبيت لبنان كل إجازاتي اقضيها مع أهلي بحايل عند ربعي وعزوتي قلت من قال لك هالكلام؟ قال مهيل الهاجري و يقول إنه شايفك في شارع الحمراء.

طار عقلي من هالتهمة الباطلة ويش مقصدهم من هالإتهام وانا اطير لمهيل هاه يا أبو راشد أنت قايل لحمد قريان بانك شايفني في لبنان؟ قال عليه الطلاق ماقلت له شيء لكن هذا يدور الشر بالقصيد ويبي يخليها تشب بيني وبينك وأنت والله عزيز علي ولايمكن أن ادخل معك في مشاكل القصيد ومالك عندي إلا الإحترام.

عرفت أن السالفة مؤامرة من حمد قريان العجمي يبي يجر السبب بينه وبين الهاجري للقصيد من خلال أن ابو عارف اكيد يبي يفتح الباب كدفاع عن النفس ثم تقبس فتيل الحرب الشعرية بين الشاعرين الكبيرين وهذا الذي حصل.

عاد أنا بعد ماعرفت الهدف والسالفة وجهت لحمد هلقصيدة المتواضعة والمقفلة لكي ما أصير بينهم يطحنونن.

قلت:

باح الكنين وجبت عذبات الألحان = والحر ماينزل بقاع طماني
إجازتي قضيتها بين الأخوان = بديرة بني عمي كبار الصياني
قضيتها مابين حايل ورمان = بديار شمر مكرمة كل عاني
بيروت ماجيته ولاشفت لبنان = والشارع الي تذكره ماشقاني
ياحمد يالشغموم يابن قريان = يالعجمي الشاعر عريب المجاني
الي ذكرني عندكم كان غلطان = وإذا ماهو غلطان يكون جاني
ومهيل يقول ماقلت يافلان = يقول ماشفتك ولاحدن حداني
ونصدق الطيب سلايل كحيلان = الشاعر الموهوب جزل المعاني
ويش الخبر ياشوق مردوع الأوجان = حقق وهاتلي الخبر والبياني
نشره على الطيب على قول راكان = يعاتب رفيقه في قديم الزماني
ياحمد كان السالفه دون عنوان = مزح الحبايب بيننا شيء ثاني
وصلاة ربي عد هتاف الأمزان = عدد تراب القاع وعد الثواني
على محمد عد ماكاينن كان = وعسى الولي لدرب الصواب يهداني

وفعلاً رد العجمي بقصيدة يتهم فيها مهيل الهاجري بانه قد قال هذا الكلام ويطلب مني عدم تصديقه وقال عنه كلام إستفز فيه مهيل حتى قبست بينهم بعدد من القصايد الهجومية وانا طلعت مع باب الطواريء وجلست مع جمهور المتفرجين.

أبو عارف

28-07-2009, 01:03

الفراغ يخلي الواحد يفكر ويتذكر واحياناً يفتش في رفوف الإرشيف القديم ابو عارف هذه الايام يتمتع في إجازته السنوية والأخيرة يحث سيعقبها إجازة مفتوحة وهي إجازة التقاعد العام القادم إن شاء الله تعالى.

وفي تفتيش بعض الأوراق المبعثره وجدت هاتين القصيدتين وهما بمثابة طرحي بيني وبين صديقي سالم محمد العجمي وإليكموهما:

سالم يقول

بسم رب البيت علام الغيوب = نب رد القاف ونرد الكتاب
صوب منهو بذنا بكثر الندوب = كل يوم في بريدي له كتاب
يا بو عارف لوك من أهل الجنوب = ماحصل من بيننا كلمة عتاب
ويش بلا ياصاحبي ولفك صبوب = ماتفكر بالدراهم والحساب
ترعد وتبرق ولابه ماء شروب = يتعب الضميان والحاصل سراب
ولو تهدد في كبيرات الخطوب = ماعلينا من سنينات الحراب
ولو توصل بيننا شق الجيوب = ماذكربه شايب ناطح شباب
القوافي يابو عارف صف طوب = وبنينا طيب وبنيانك خراب

شمسنا تشرق وشمسك في غروب = وجوكم غبر وجوي تو طاب
فلاتصدقون قوله بأني شايب ناطح شباب تروا مازال فيني واحد من نيباني ابو ناب.

على أي حال فاصل ونواصل بعد الصلاة.
===========================

عدنا لكم وهذا رد ابو عارف:

عندي الموضوع جاهز والسلوب = وإنفتحلي يم سالم الف باب
يظهر إنك يابو محمد ماتتوب = ولاتوقف موترك وقت الضباب
بالأمل تمشون والنور محجوب = ماتفكر بالعواقب والعقاب
ماتفكر بالمخاطر والحروب = أنصحك ياصاحبي رد الركاب
لاتوهق في خطيرات الدروب = تشوف شيء ماحسبتوله حساب
جامع سم الإفاعي لك شروب = إن سلم عمر الفتى صابه عياب
إن ركبت إبليس ياكثر الذنوب = ويارفعت الصرح ينزل له شهاب
ولوسكت اليوم ترمانت مغصوب = ولاذكرلي واحد صاد السراب
إن سمعتوا للنصيحة يامحبوب = ياعريب الساس ياحسن الجواب
والتحدي بيننا لازم يذوب = ونشرب القراح من متن السحاب
واتعهد يمكم ماروح نوب = والسلام ختام وطويت الكتاب

خفت من تالي هالطرحي لإن الشايب لايمكن أن يطرح شاب مثل ماقال العجمي وهذه القصيدة جاءت خاتمة لعشرات المساجلات بيننا.

وقد رد على إعتذاري بأبيات أوردها لكم لاحقاً في هذه الصفحة إن شاء الله

وتقبلوا تحياتي وتقديري ودعواتكم لي على السلامة لايكسرني هالبلية

أبو عارف

28-07-2009, 05:26

أشكركم جزيل الشكر على الردود الرائعة والمشجعه بارك الله فيكم وحفظكم آمين

وإليكم خاتمة الطرحي من الصديق العزيز سالم محمد طالب العجمي حفظه الله أمين.

إليكموها:

مرحبا الفين يانسل الحرار = يارجال في اللقاء ماتستذير

مرحبا عداد من صلى وزار = بالمدينه وللحرم ناوي المسير

او عدد طير القطا لامنه طار = في روابي نجد ولا في عسير

ويابو عارف ماهقينا بأعتذار = والعذر من دون زله مايصير

ياخفيف النفس ياراعي الوقار = ياكبير يعتذر له من صغير

وماعليكم زود ياراس المنار = وشعركم ياصاحبي به نستنير

وكان شعري طايره فأنت المطار = تب توقع فيه لو طال المطير

وكان شعري فالمناصب مستشار = تقبله او ترفضه انت الامير

والسلام ختام لو طال الحوار = جعلكم يالشمري دايم بخير

وكانت هذه الأبيات التى تواضع لنا بها شاعرنا القدير أبو محمد هي مسك الختام.

والسلام عليكم ورحمة الله وبركاته

وتقبلوا تحيات وتقدير ابو عارف.

أبو عارف

06-08-2009, 01:49

ابيات مقتضبة بــ علي سطم الشمري

في يوم من الايام جاني في مكتبي / الأخ العزيز الشاعر فلاح السعد أبو ضاري وكان متنرفز ويش فيه يا أبو ضاري عسى مافيه شيء قال بلى الناظر الإداري لعمليات الإنتاج المهندس علي بن سطم الشمري أبو سطم قدم إستقالته وسلم بطاقة العمل لإدارة الأمن الصناعي وذهب لبيته معترضاً على بعض الإساليب الإدارية.

وقد فجعني هذا النبأ وقلت هذه الأبيات على عجل وأرسلتها له على الإيميل لإنه كان مقفل جواله ولم تثني أبو سطم عن إصراره على الإستقالة وقد عرض عليه العديد من المناصب بأرامكو وسابك وهو الأن يعمل مستشار في شركة الزامل للحديد في وقت مقتطع ولديه مكتب إستشارات هندسية وتتزاحم كبريات الشركات على خدماته الهندسية وفقه الله ووفق الجميع ويقول الحمد لله إنني لم أقراء قصيدتك يا أبو عارف قبل فوات الأوان كان تراجعت مجاملة لكم.

أقول فيها:

تحية من رأس غاضب ومعتز = لعلي سطم ولد الخريصي ندزه
رجل عرفته ثابت الجاش ماهتز = مثل جبل شمر شموخه وعزه
والي سمعته لثومة القلب له حز = علم القرار الي سمعناه حزه
ودي لو إنك دايم الدوم مرتز = قدام ناس بحضرتك مستعزه
ياعلي لاتترك مكانك لمبتز = شرواك مايجب العواصف تهزه
يابو سطم لاتترك الربع وتفز = نزعل وترضى قومك المستفزه
خلك لنا ذخر كما الحر يافز = يا شافته فروخ الحباري توزه
إذا الحبل مازال موصول ياعز = نبي البشاير للنشامى ندزه

ولكن سبق السيف العدل والحمد لله إنه لم يتراجع لإنه أصبح في وضع أفضل الف مرة من وضعه السابق وحافظ على طنا وشموخ شمر.

والسلام عليكم ورحمة الله.

أبو عارف

06-08-2009, 11:10

قضية البشت يافلاني..نطوي ملفه وننهيها.

عوداً على بدء نرجع لقصة البشت الذي أشرت إليه في شرحي السابق عندما طلب مني الصديق العزيز فهيد بن سلطان التميمي أن ألقي قصيدتي بالمخدرات قصة مروج في حفل توعوي عن مضار المخدرات بالجبيل الصناعية ووعدني بأن يعطيني بشته عندما إعتذرت بأنني جاي من العمل وليس لدي بشت إلا إنه لم يفعل وقد إشتكيته على الصديق العزيز الشاعر فهيد بن عقل الرميزان التميمي بهذه الهجينية :

يراكب بنت شقراني = شقراء وعراض علابيها
تيهية وابوها عماني = تمشي على كيف راعيها
فوقه نديبي كحيلاني = لابو عبير(ن) معنيها
أشكي عليه أبو سلطاني = فهيد التميمي مقاضيها
هو اللي بالحفل دهواني = والله ما أحسبه يسويها
قالي تقدم على شاني = لازم قصيدتك تلقيها
وعدني البشت هقواني = وماكنت للحفل ناويها
يوم وصل دوري وناداني = البشت جود مثانيها
خلص يديني وخلاني = وقالي أنا أمزح بماضيها
صحيح أحرجني يالاخواني = ودي أعرف وشو قصد فيها
من الي كان غلطاني = يا فهيد تعرف معانيها
نبي خروف على الجاني = أحكم وانا الحكم راضيها
من الي غلط على الثاني = والعلم تعرف معانيها
وصلوا على نسل عدناني = أزكى صلاة نصليها
ــــــــــــــــــــــــــــــــــــــــــــــــــ ــــــــــــــــــــــ

رد الشاعر القاضي فهيد العقل التميمي بهذه القصيده:

ياراكب وارد ألماني = مخصوص للرد شاريها
ينصى عزيز تنصاني = عن عطوة من تاليها
وأنا مع الحق حقاني = أقولها ليش أغطيها
مدام عمر البشر فاني = أغراضنا ليش نبكيها
وتصرف فهيد ما ارضاني = دام العطية مبديها
سمع الخبر هزهز اركاني = ووقفت والرجل محفيها
من غير يوسف بما جاني = ما صدقه كيف قاويها
صديق بافعال قوماني = نخجل على الناس نبديها
والحق واضح للاعياني = على التميمي نصفيها
خروف من غال الاثماني = وقضية البشت يسميها
وان قال بالبر مواني = في راس هكالطعس نشويها
وان قال بالدار يهناني = حتم المطالب نلبيها
يا فهيد بالحق منداني = نفس الخطا لا تبريها
وحذراك يقول ما اوفاني = تراي باشب وارميها
لك ساس وصل وجداني = ودروب سلطان تمشيها
أبوك للطيب سهراني = والحر ماظن يخطيها
والمعذره واضح الجاني = نفذ وحذراك تعميها
ــــــــــــــــــــــــــــــــــــــــــــــــــ ـــــــــــــــــــ

وهذا رد فهيد السلطان على حكم فهيد العقل يقول :

هلا عدد هل الامزاني = براعي القضية وقاضيها
واللي ببشتي تبلاني = بشت من العام شاريها
بشت عن البرد دفاني = من يوم هبت شماليها
واللي يبي الحق جيعاني = كرشه من الجوع طاويها
والقاضي اللي تحداني = قضيتن جاهلن فيها
يا فهيد وشلون تنساني = وتنكر حججي وتلغيها
هو بخششك وانت طفراني = ويلك من الله بتاليها
حكمك ولا حكم نصراني = قضيتن بان خافيها
وابوك من قوم شجعاني = للضيف تفتح قهاويها
يا ولد عقل الرميزاني = النار بالعدل طفيها
مع يوسف الجود ما باني = يا كيف يجهل معانيها
أخاف من بعض الاعياني = يحسبني متصدقن فيها
ولا هو فقير وبرداني = من لابة يفتخر فيها
من شمر خير جيراني = ما اقدر اعدد حسانيها
والمال بالبنك ملياني = اموالهم صعب نحصيها
ولا تامن الوقت خواني = واسلم وسلم بتاليها

---------------------------------------

الا ان الموضوع لم يقف عند هذا الحد حيث اشتبك الشاعران بعدة قصائد هجائية كل منهما رافض رأي الاخر ومتحديه هنا تدخلت بالقصيدة الاصلاحية التالية :

ياناس والحكي مجاني = بيوت(ن) نرتب قوافيها
ذلول من جيش ابن ثاني = الدل والخرج زاهيها
فوقه من الغوش هجاني = ومني رساله يوديها
لفهيد وفهيد الاخواني = نصيحة نبي نسديها
يا عيال ذربين الايماني = نبي الخواطر نراعيها
ناخذ من القاف ما زاني = والفاظنا نعتني فيها
لي لابة تكرم العاني = وتكسر خشم من يعاديها
شمر لها الطيب عنواني = والطيب بالطيب نجزيها
وتميم من ماضي الازماني = بروس المعالي مبانيها
شيخان من نسل شيخاني = تاريخ والكل قاريها
في مثلكم ماني بحلاني = ومن شك بالنفس ننفيها
وحنا حبايب وخلاني = وقضية البشت ننهيها
قضية حلها باني = كبشين للبر نديها
علي أنا وابو سلطاني = وكل الحبايب نغديها
عاداتنا كلها اسماني = والبخل ماهو محاريها
ومن حرض الناس غلطاني = والنار تحرق مواليها
وختام عذبات الالحاني = نفوس الحبايب نصفيها
افهيد وافهيد صدقاني = ونفوسنا ما ندنيها
وقضية البشت يا خواني = نسكر ملفه ونطويها
وصلوا عدد نبت الاوطاني = على النبي في مثانيها

لقد وافق الجميع على هذا الرأي و إنتهت قضية البشت ومعركة الهجينيات.
والسلام عليكم ورحمه الله وبركاته..

أبو عارف

07-08-2009, 07:04

هذه قصيده قالها ابو عارف بالدنيا

فكرت بالدنيا حلاها وكوده = شفت البقى فيها قصير ولو طال
ايامها محدوده ومعدوده = الموت غايتها ولو طال الإمهال
الموت حق وكل حي يعوده = نذكر رحيل السابقين من الاجيال
من نسي يذكر مارحل من جدوده = راحو هبى بالقاع والاصل صلصال
اجسادهم راحت طعام لدوده = ونهايته موت البشر مامن اشكال
المشكله يوم ولازم نروده = يوم ترى فيه الملى كل الاهوال
يوم الحساب ويوم وقفت حشوده = وكل يشاهد مامضاله من اعمال
يوم شديد حاضرين شهوده = يوم عصيب فيه لجه وزلزال
يوم البشر تشهد عليها جلوده = وكل يصيح من الندم على الأهمال
وكلن يحصل به نتايج جهوده = اللي عمل يلقاه لو قدر مثقال
اللي عمل خير يلاقي سعوده = يفرح بميزان العمل عند مامال
في جنة الفردوس تلقى وجوده = برد وسلام دايم الدوم بظلال
تلقى الصبايا صافيات خدوده = ابكار عرب مابهن حمل وعيال
والكل منهن على زمة نهوده = يعطى قدر سبعين لكل رجال
ولدان بالجنه لخدمة جنوده = ومما يطيب وماخطر لك على البال
اما الذي خلى ابليس يقوده = واغتر بالدنيا ومابه من المال
هذاك بالجحيم توثق قيوده = ومربطين بالسلاسل والاغلال
مع العصات المشركين ويهوده = ويوضع برجليهم عن المشي الاثقال
اجسادهم مع الحجاره وقوده = وصياحهم يسمع على بعد الاميال
ونفوسهم عن ماتريد محدوده = صنوف من التعذيب من كل الاشكال
نطلب من المولى ومنهو يسوده = عساه يرحمنا ويلطف بالاحوال
آمالنا برب العباده معقوده = يوم الحساب ويوم توزيع الاعمال
وصلاة ربي عد ماه ونفوده = لشفيعنا في موقف فيه الاذهال

وجعلنا الله وإياكم من أهل الجنه .. آمين

أبو عارف

09-08-2009, 02:20

قالو تحب قلت للحب عنوان

للحفظ الله يحفظكم

قالو تحب وقلت للحب عنوان = يعرف بحب البيض حمر الشفاتي
الحب بقلوب المحبين سلطان = ودنيا بدون الحب مابه حلاتي
والحب موجود على مر الازمان = بكل العصور الفايته والي ياتي
وانا احب الدين واقيم الأركان = شهادتين الحق وايضا الصلاتي
وصوم رمضان منزل فيه قرآن = وادفع على ازواد مالي زكاتي
واحج بيت الله على قدر الامكان = والوالدين احبهم مثل ذاتي
وحب الوطن مغروس في قلب الانسان = واحب شمرعزوتي هم عباتي
شمر هلا الطولات ذربين الايمان = لهم من العادات زين الصفاتي
اللي ليا منه غشى الجو دخان = يردون حوض الموت دون التفاتي
وكل القبايل بالمفاخر لهم شان = هرج صحيح له دليل وثباتي
يابو محمد كان بالقيل نقصان = انت الصديق لصاحبك كالمراتي
نبي ننتظر رد المثايل من الآن = من العيلم اللي مثل شط الفراتي
الله يهدينا على درب الايمان = على طريق الحق طول الحياتي
وصلوا على المعصوم من نسل عدنان = عد الجراد وعد نبت النباتي
شفيعنا في يوم زوغات الاذهان = يوم البشر تحشر حفاة عراتي

كلمات الشاعر / أبوعارف

أبو عارف

09-08-2009, 05:37

القلـب مفتـوح بحـب ولبـاقـه

النفس للشيبان زاد اشتياقه = ياموتري اثبت وجود اعتبارك
أبيك كالصاروخ وقت إنطلاقه = ومع السهل خله يثوع غبارك
عليك أبو عارف خبير السواقه = يوصلك بالسرعة نهاية عيارك
كنه شوماخر في مراحل سباقه = اليوم يومك والسريع إختبارك
مع السلامه ياوجيه الرفاقه = وعسى الشهر دايم عليكم مبارك
لكل الذي بيني وبينه علاقه = ولكل مسلم بالمشاعر يشارك
القلب مفتوح بحب ولباقه = لا من جوازات ولا من جمارك
أبيض ومفتوح لكسب الصداقه = وكسب الصداقه مثل كسب المعارك
احبابنا صعب علينا فراقه = لكن الزمن يفرض عليك اختيارك
ونرجو السموحه باوله مع غلاقه = قالوا سمحنا يوم هذا قرارك
سماحة مثل الحليب بمذاقه = وسلّم على ربع لنا يم دارك
عسى سفركم دايم دون اعاقه = والله يسهل بعد ليلك نهارك

كلمات / ابو عارف

أبو عارف

22-08-2009, 06:23

قصيدة ترحيبية برمضان

هل رمضان وبالخبر تم الاعلان = ومن فرحتي عيا يعبر لساني
كلن يعرف انه يجي بعد شعبان = لكن الشهر محدود والعمر فاني
وترتيبه الرابع من الخمس الاركان = من بين الاشهر مثل سهيل اليماني
يالله ياعالم خفيات الازمان = يالواحد المعبود من دون ثاني
يامفضل بين المخاليق الانسان = ويامفضل بين الشهور رمضاني
يالله تجعل هلته بر وحسان = في كل ساعاته وكل الثواني
شهر كريم فيه رحمه وغفران = وعتق من النيران يوم الهواني
وبه ليلة القدر العظيمه لها شأن = تحقق به للمسلمين الاماني
ليلة عطى كله محبه ورضوان = حتى الفجر يظهر ونوره يباني
ويطرد بها كل متمرد وشيطان = وتفتحبه ابواب النعيم الثماني
وتلاوة القرآن للشهر عنوان = ويرفضبه العقل السليم الاغاني
وينصربه المسلم وفي كل ميدان = خص على الكفار نصره ضماني
حييت ياشهر الجزاء والعمل حان = كنا نتطلع هلتك من زماني
وصلاه ربي عد ماكاين كان = على محمد في جميع المعاني

وكــــــــل عآآآآآآآآمـ وإنتمـ بخير

أبو عارف

23-08-2009, 06:08

المسلمين الي على الجابريه

لقد قلت هذه الخاطرة في الطائرة الكويتية التي خطفت وقتل من ركابها واحد على يد الخاطفين وهددوا بذبح الثاني باليوم التالي حتى تلبى مطالبهم بإطلاق سراح السجنا المجرمون الذين هاجموا موكب أمير الكويت الراحل من سجون الكويت إلا أن الله قد سلط عليهم وإستسلموا للسلطات اللبنانية دون تنفيذ مطالبهم ودون المزيد من الضحايا والحمد لله.
.

البارحة عيني عن النوم عيه = تابعت مشوار العذاب بثوانيه
المسلمين الي على الجابريه = حجزوا على متنه وطال الزمانيه
حجزوا عليها دون ذنب وخطيه = على يدين المجرمين الزبانيه
المجرمين أهل العقول الغبيه = الي بذبح الناس تبغى الحسانيه
ذبحوا رهينتهم وقالوا هديه = هدية بالأمس واليوم ثانيه
في حكمهم دم البشر صار ميه = المجرمين الي على الحق جانيه
مايذبح الأسير بالجاهليه = إلا على يد اللئيم الجبانيه
ولايذبح الإنسان مثل الضحيه = إلا لمن للدين والعرف خانيه
يالله يامرسل بدينه نبيه = ياعالم سر العباد وعلانيه
يالواحد المعبود رب البريه = بحق الذي لدرب الشريعة هدانيه
تسلط على الي نفذوا للقضيه = الي عددهم بين سبع وثمانيه
ويالله ترحم شهداء الجابريه = وتفرج عن الباقين ترجع مبانيه
وصلاة ربي كل صبح وعشيه = على الرسول الهاشمي في مثانيه
والسلام عليكم ورحمة الله وبركاته.

أبو عارف

09-12-2009, 03:24

مساجلات بين ابو محسن وابو عارف
هذه الأبيات للشاعر المرحوم/ عبد الكريم ابراهيم الشايع رحمه الله يقول فيها:

عقب الإجازة يابو عارف وراكا = فيك التعب من جيتك معتريكا
منته جواد ولادري ويش بلاكا = مدري تعب وإلا هموم تحديكا
أسألك خايف من زمان حداكا = أعرض عليك أكون لك به شريكا
كان أنت مضيوم تقلد عصاكا = وأفزع معك وآخذ عصاي السميكا
ولكان هو مال يعله فداكا = ألي بحوزتنا رخيص عليكا
وإن هو مرض نطلب من الله شفاكا = نطلب عسى رب العباد يحميكا
نجيب لك دكتور ياصف دواكا = كل الأطباء نزهمه لك تجيكا
إنته أخو وحسب جنابي أخاكا = أخوك يفزع فزعة مانسيكا
أزهم وحنا لك نلبي دعاكا = ونجيب ماتحتاج لو من أمريكا
لعاد بالدنيا رفيقك نساكا = ماينفعك لامت لو هو يبيكا
تر زينة الدنيا وغاية مناكا = لاصار ربعك كلهم تحتريكا
وبالبير مايظهرك رجل رماكا = والي كتب ربك لزوم يجيكا

--------------------------------------------

وهذا رد أبو عارف على هذه الأبيات أقول:

عاش الهميم بفزعته ماتلاكا = الي معي دايم بهذي وذيكا
عبد الكريم إنته طوال خطاكا = بالفزعة الي وارثه من أبيكا
نذكر لك الفزعة ونشكر ثناكا = والكل يذكر نية الخير فيكا
كم مرة جربت وافر عطاكا = مر هدايا ومر كاش وشيكا
عساك ذخر دايم لقصراكا = وجماعتك وبناك وايضا أخيكا
الله يحققلي هواي وهواكا = ويفكنا من كل درب دريكا
ويالله يالي كل حي دعاكا = يالخالق الرازق ولا لك شريكا
يالله نطلب فزعتك مع رضاكا = يالي على كل الخلايق مليكا
يافارج الشدة ولحد سواكا = تفرج لمنهو بالفرج يحتريكا
تفرج هموم يالولي ماتخفاكا = نطلب تزيحه في زمان وشيكا
وشكراً يابو محسن نقدر وفاكا = وهذي هي الهقوات والظن فيكا
والسلام عليكم ورحمة الله.

أبو عارف

12-12-2009, 10:45

القصيد الخفيف من الإرشيف

رد المرحوم عبد الكريم على قصيدتي السابقة التي طلبت فيها ترتيب مكتبه وفتح درائشه على الشارع للتهوية لكي نستمر بزيارته والجلوس عنده الخ....،

يقول :
درست الفكرة ونفاها
ولالي به شف ولابغاها
يايوسف هذي مقواها علينا صعبه ومصيبه
يوسف علامك تبلاني
تبغاني أكسرجدراني
وسوي لك به بيباني والكرسي ويش أسويبه
تبغاني اهده وأعميها
ماني مهبول أسويها
خله وأنسه لاتطريها يابو عارف ويش تبيبه
توه جديده بنيته
لو مابغاها ماسويته
أنا من قلبي حبيته والشغله ترها صعيبه
المكتب واسع يافلاني
ياخذله عشرة شباني
والكرسي زينته زاني والقهوة حاضر نجيبه(والقصيدة أطول من ذلك)
--------------------------------------------
رد ي على الأبيات بعاليه أقول:
ياكريم هرجك معقول
في قولك ماني مهبول
والكتب واسع تقول وانا شايف زريبه
يأخذ له ثلاث تيوس
وفيه المكانس والفوس
وكريم راع الناموس دايم يبيع ويشريبه
جالس بين المسامير
ودريلات ومناشير
ويوجد سبع المذاكير ولاهو زين ترتيبه
مترين بثلاث أمتار
وكرسي حديد وغبار
مظلم في عز النهار كأنه قاعة قليبه
مايوجد شيء يحليه
إلا ابو محسن نغليه
نزوره لازم ناتيه حكيم ويذكر طيبه
وداله له رأي سديد
رأيه صحيح ومفيد
حكمه يرضينا أكيد رجل له رأي وهيبه
المخطي منا يجازيه
يحكم عليه أو يعفيه
نقبل حكمه ونحييه والمخطي له تأديبه

أبو عارف

13-12-2009, 02:39

مكتب ابن شايع

مازلنا في إشتباك مع مكتب الشايع رحمة الله عليه.
يقول عبد الكريم الشايع:

لي مكتب قام وتنهض وقالي = أبدى مرده يوم حل المجالي
يقول يايوسف علامك علينا = وانا حسبتك لي رفيق موالي
شبهتني يالقرم مثل الزريبه = ظلمتني وانا مقر الرجالي
والوصف الآخر مثل وصف الهبيه = بالضيق تاصفني وانا دوم خالي
وتقول مظلم جارك الله من الخطأ = وبي لمبتين بأسفل السقف عالي
ياما وطابي من غشيم وعاقل = حتى العجم جتني جموع تلالي
أشكال وانواع وانا مصغي لهم = غباري صفاء من كثر دوس النعالي
ماتشوف شافع كل يوم يقمني = بمكينة تشفط جميع الرمالي
وكراسي وسطي حديد ملبس = بسفنج مفروش عليها زوالي
ماهي من الي صلحت للخفايف = صنعت ووضعت للرجال الثقالي
ياما لحملات الرجال إرتكينا = وياما تكينا للرفيق الموالي
وياما على صكات بقعاء = صبرنا = حنا الحديد الي بالأثمان غالي
إنشد عن الي يابو عارف صنعنا = اغديك تختمها بحسن المقالي
فكر وبرق في كلام نظمته = ظلمتنا وإنته حبيب وغالي=============================
رد ابو عارف يقول:

بديت بسم الله عزيز الجلالي = ردن على الي طولوا بالجدالي
المكتب الي يدعي بالظليمه = والكرسي الي يدعي بالكمالي
هذا الكلام من الثنين متوقع = الكل منهم مايعرف الخمالي
المكتب الي دار ظهره لشارعه = وبابه على الداخل يحسبه مثالي
ودرايشه والباب شرقي = وشوارعه غرب وشارع شمالي
والكرسي العريان في داخل القفص = مسكين ماشاف الهواء ومتعالي
عبد الكريم الله يعينك عليهم = صابر على طقات بقعاء وسالي
صبرك عليهم مثل صبر المهادي = وإلا مثل صبر أبو زيد الهلالي
إنحش عن المكتب ودور بداله = ماينفعك لو قلت هذا حلالي
تر الردي ماينفعك لو تعزه = هذا حسب قول الرجال الدوالي
ماحب أسب جماد لو ماتكلم = اوصفه وصفن على ماطرالي
اظن كلامي عاكس للحقيقه = وعليك ياداله تحكم بمقالي
يابو عبدالله نحكمك في جدالنا = أحكم ترا بالحكم يرتاح باليوسلامتكم.

أبو عارف

14-12-2009, 04:30

هذي وبس مانعوده

أبشركم خلصنا دونكم هذولي وبس:

المكتب الي شاف نضم القوافي - سمع الحقيقة ثم دبر وخافي
وقع بكل الخمس بالإعترافي - ركع لأبو عارف ونفسه حزينه

يقول يايوسف علامك توازين - مافيه سوق يافتى الجود يغرين
لي صاحب سوان مازينن زين - قاصره خرده جعل ربي يعينه

أصبر علينا لين تجي الدراهم – تر الدراهم مثل وصف المراهم
تبري الجروح السملة وانت فاهم – هذا بلاي ومثلكم عارفينه

مثلك يابو عارف يغطي عيوبي – لاتشهرن للناس وهم مادروبي
بيني وبينك يابو عارف نتوبي – نترك جميع القيل زينه وشينه

إكتب قرار ومثلنا مايعوده – وضبط كتابتها وشهد شهوده
مايكسر الصخرة جلامد حيوده – تراي بعده مصغي للسكينه

جاوبك مكتبنا جواب صريحي – يبغا مردك بالكلام المليحي
منته شحوح ولاعلينا شحيحي – هذا الختام وردكم محترينه

--------------------------------------------------------
رد أبو عارف

المكتب الي نضم قافه يهول – أخذ علينا الفوز لازم نحول
شوتاتنا بالأوت عية تقول – مر يسار القول ومر يمينه

نرجع قبل تبين فينا الهزيمه – يوم أعلن الهدنة نعده غنيمه
نرجع مدام رجولنا مستقيمه – هذه الفرصة وظني ثمينه

إن التفت يمي وركز هجومه – ورسل علينا من صواعق نجومه
وأصبح يهاجمنا وشمر كمومه – وادار يمي بالزعل ربع عينه

يصعب علينا رد موج الهبايب – أبنسحب وأقول نادم وتايب
ومكتب كريم من خيار الحبايب – والآدمي منشاه بالأصل طينه

ويش عاد لو يرسلنا بإعترافه – هذا تواضع مانعده مخافه
هذا هو الصحيح مابه طرافه – وتواضع المخلوق دايم يزينه

هذا جوابي نختمه بالصداقه – جواب أحلى من الحليب بمذاقه
عسى مع المكتب تزين العلاقه ومكتب كريم مخطي من يهينهوسلامة الجميع.
أحسن مافي هذه الحورنيات هو دعائكم لعبد الكريم الشايع بالرحمة والغفران الله يبارك فيكم ويستجيب دعائكم ويكتب لنا ولكم طول العمر وحسن العمل ويختم لنا بالجنة آمين.

وتقبلوا تحياتي وتقديري

أبو عارف

04-01-2010, 04:09

العود قدم على التقاعد المبكر من شركة ارامكو السودية مبكر كم شهر من أجل يقال ظهر مبكر فقط ويعمل على إعداد هذه الكلمة والحورنية لحفل التكريم ، من يصحح من يعدل ومن يدلي بتعليقه معزومين لحضور الحفل وتناول طعام الغداء الساعة 11:30 من صباح يوم الثلاثاء 4 صفر 1431 هـ الموافق 19 يناير 2010 في الصالة الشرقية لمجمع حي نجمة السكني برأس تنورة - حياكم الله جميعاً.

بسم الله الرحمن الرحيم
إخواني الأعزاء أيها الحفل الكريم
السلام عليكم ورحمة الله وبركاته وبعد
يسعدني بهذه المناسبة الطيبة أن أتقدم لكم جميعاً من داخل أرامكو وخارجها بالشكرالجزيل على حضوركم وتشريفكم حفلنا هذا والذي أقامته إدارة شئون أرامكو السعودية بالمنطقة الشرقية مشكورين.
كما يسرني أيضا بأن أتقدم لرؤسائي عامة ولزملائي خاصة بالشكر الجزيل والعرفان على هذا التكريم وعلى نبل أخلاقهم وطيب خوتهم الأمرالذي جعل من تلك السنين الطويلة التي قضيناها بينهم ذكريات جميلة لاتنسى.
ولم يتبقى أمامي اليوم إلا أن إستودعكم الله الذي لاتضيع ودائعه سائلاً إياه سبحانه وتعالى أن يحفظكم جميعاً ويمن علينا وعليكم بالصحة والسعاده آمين.

سلام للحضور شيب وشبابي ___ في يوم تكـريمي وحفـلة وداعي
خمس وثلاثين طوتها ركابي ___ بين الشئون وبين الأمن الصناعي
سنين مضت مثل ضروب السرابي ___ والطيب يبقى والحقايق تذاعي
ويوم أحمد الصالح تناول كتابي ___ خفت إن ابو بدر يغسل شراعي
في حضرة الوالد عزيز الجنابي ___ وحضوركم ياطيبين المساعي
وكعادة الطيب يجيب الطيابي ___ وبقت فجوج الله أمامي وساعي
وتبقى معزتكم لوأنتم غيابي ___ بقلبي على طول الليالي شعاعي
عسى السعد حليفكم يالحبابي ___ شكراً على الحضور والإستماعي
شكر وتحيه في ختام الخطابي ___ وارجو السموحه ياكرام الطباعي
وصلاة ربي عد وبل السحابي __عدد نـزول الغـيث في كل قـاعي
على رسول الله في كل بابي __ المصطفى محمد للإسلام داعي

والسلام عليكم ورحمة الله وبركاته.

أبو عارف

05-01-2010, 03:01

هذه قلتها في حفل تقاعدي من العمل:

أهلاً بكم مليون مبداء جوابي = في يوم تكـريمي وحفـلة وداعي
في حضرة الوالد عزيزالجنابي = وحضوركم ياطيبين المساعي
خمس وثلاثين طوتها ركابي = بين الشئون وبين الأمن الصناعي
راحت بسلبياتها والايجابي = وبقـت فجـوج الله أمـامي وســاعي
سنين الزمن تطوف مثل السرابي = والطيب يبقى والحقايق تذاعي
وتبقى معزتكم لوأنتم غيابي = بقلبـي علـى طول الليـالي شـعاعي
عسى السعد حليفكم والثوابي = وشكراً على الحضور والإستماعي
شكر وتحيه في ختام الخطابي = وارجو السموحه ياكرام الطباعي
وصلاة ربي عـد وبل السحابي =عدد نـزول الغـيث في كل قـاعي
على رسول الله في كل بابي = المصطفى محمد للإسلام داعي

كلمات / ابو عارف

أبو عارف

16-05-2010, 12:52

خاطرة أبو ناب بعد طول غياب ..
ربي خلقني مثل أبازيد بالهده = على الصحن ماهو ملاقى الرجاجيلي
لي ماكل لو تجيب البشت ماسده = من قو ضرب الناب تلقى الناس تصغيلي
عاشت يميني كما المخطاف ما رده = تخطف اللحم من ركن جاري وتدنيلي
تدلي كما سكود يوم الحرب والشده = وترجع كما الحر والصقار يوميلي
وتزقط بغار كما المرمى على القده = مابه سواء الناب كالحارس يراعيلي
خمسين لقمه قبل اسمي ضابط عده = ثم أتربع وأسمي وشوف التهاويلي
مثل الجمل يامنعته عن العلف مده = نقراء لكم موجزه قبل التفاصيلي
أخوك أبو ناب ياطعران ويش نده = آكل خروفين شرط كبار ياحيلي
إذ تبي تشوف فعل أخوك قم غده = وإلا العشاء حوار وتكفينا التعاليلي

أبو عارف

31-05-2010, 09:58

اللهم عظم أجر ذوي الفقيدين جميعاً والهمهم الصبر والسلوان وحسن العزاء آمين......

اللهم ارحم الفقيدين الغالين وأسكنهم فسيح جناتك في الفردوس الأعلى وأجعلهم في منزلة الشهداء يارب العالمين......

اللهم الطف في إبنتهم الوحيدة ريف ويسر أمورها وأصلح نشأتها ويسر رزقها ورزق من قام بشؤونها آمين.......

شكراً لك أخي العزيز أبو غازي على هذا التفاعل الرائع مع هذا المصاب الجلل أثابكم الله وأزال أحزانكم وجعل ماقمت به في ميزان حسناتك آمين.......

أخي العزيز ابو غازي أعذرنا لقد تبلدت الأفكار وتجافت القريحة عن التعبير من هول الفاجعة وإليك هذين البيتين المتواضعين مع التحية والتقدير .

صح لسآ نك .. وعلآ شآنك ..

ياريف يابنت الهيافا نعزيك = في والدينك يوم حكم القدر حان
ونطلب من المولى يحفظك ويحميك = في ضل جدانك وعمك والأخوان
نطلبه يلطف بك وللحق يهديك = ويثبتك مولاك ويزيل الأحزان
ويرحم فقيدينك ويحسن تعازيك = ويجعل لهم في جنة الخلد مسكان
انتي عزيزه بين ربعك واهاليك = الي لهم في قمة المجد عنوان
عنـد العمـام وربنا ماهو ناسيك = وربعك هل المجلاء بزوغات الأذهان
مزبان من صكت عليه الشرابيك = اليوم وأيام الحرايب والأكوان
ومني سلام وعشرة آلاف في شيك = في يد أبو غازي سلايل كحيلان
وتقبلوا تحياتى وتعازيي الحاره وهدية ريف الغالية

والسلام عيكم ورحمة الله وبركاته

أخوكم / يوسف بن سعيد بن رومي الغيثي

ابو غازي ننتظر تشريفك لاهنت

أبو عارف

07-06-2010, 10:09

أدري إني خارج السرب لكن مالي شغل هذي خاطرة ريف
--------------------------
يايمه لاتشيلين يا ياه همي..
يايمه لاتشيلين يا ياه همي = ونفس الكلام أقول لبوي ثاني
أنا سعيده بين جدي وعمي = وصار العزاء بموت الشهادة تهاني
وحبي لكم معلوم يجري بدمي = من دون ماصرح لكم في لساني
أنتم ربيع القلب الي مطمي = محفوظ مابين الضلوع المحاني
ياعل قبر للحبايب يضمي = برد وسلام ونور طول الزماني
مد النظر مفتوح من كل يمي = وباب على الجنة مبرج وداني
مفتوح للغالين ابوي ومي = يفوح منه المسك والزعفران
وبالآخرة ياعل ربي يلمي = يلم الشمل في نعيـــم الجنـــانــي
بجاه الكريم الي بفضله يعمي = ربي حبيبي هو كثير الحساني
وصلاة ربي في كمال وكمي = على محمد في جميع المعاني

---------------------------

وسلامتكم

أبو عارف

22-06-2010, 06:49

يابو فهد زايـد حميـد العوايـد. ..
-------------------------

يابو فهد زايد حميد العوايد = يالوايلي زايد فهد يالسكيبي
في مجلسك شفت الدروع وشهايد = وللعود الأزرق من دياره تجيبي
وفنجال أشقر تقتفيه الموايد = ولاهو عليكم يالسكيبي غريبي
زود على حسن النباء بالشدايد = لك هيبة وحكمه ورأي مصيبي
وقبل التقاعد في صدور الجرايد = إسمك ظهر في كل فخر وطيبي
ماقولها مجامل ولابي فوايد = ولانته قريبلي ولانته نسيبي
لكن أغلي الطيب من أي البدايد = والإ الردي مابيه لوهو قريبي
يزها بك المعنى وجزل القصايد = أقولها صدق وربي حسيبي
الله يحفظك ياوسيع البنايد = بجاه الكريم المعتلي الرقيبي
وصلاة ربي عد وبل الرعايد = على الرسول إعداد نجم يغيبي

أبو عارف

22-10-2010, 11:41

من المعلوم أن العفو من شيم الرجال اصحاب المروءة والشهامة وحمود بن نايل بن طوعان السويدي الشمري ضرب أروع الأمثلة في هذا المجال حيث تنازل عن دم إثنان من أبناءه واحسن إلى الغرماء بالشفاعة لهما وإخراجهما من السجن وقصته معروفة وسماه خادم الحرمين الشريفين أبو متعب ( شيخ العافين ).

وبمناسبة إستحداث هذا المتصفح لهؤلاء الأبطال حبيت أن أعمل إفتتاحية لهذا الملتقى في هذه الأبيات المتواضعة بشيخ العافين حمود بن نايل بن طوعان الشمري.

الطـيـب فــي رؤس المفاليح مـوجـود = فـــي كـــل ديــــره مــــن جـمـيــع الـقـبـايـل
والـي جهـل بـه ياعـرب يـسـأل حـمـود = حمـود بــن نـايـل مــن صنـاديـد حـايـل
الـشـمــري راع الــوفـــاء مـنــبــع الــجـــود = الـشـيـخ ابــــن طــوعــان ذرب الـفـعـايـل
الـي عـفـى مــن دون زورات وحـشـود = لــوجـــه الــولـــي مـــــادار فــيــهــا بـــدايـــل
وخلٌـص غريمـه مــن غـرامـات وقـيـود = بــالإبــن الأول دهـــــس والـــــدم ســايـــل
وعــفـــى عـــــن الــثــانــي وكـفـالــتــه زود = لوجه الولـي والهـرج صـدق وصمايـل
ودعـــاه أبـــو مـتـعــب وســمــاه بـشـهــود = شـيـخ العـافـيـن ومـــن رفـــاع الحـمـايـل
يالله تــجـــعـــل جــــنــــة الــخـــلـــد لــلـــعـــود = وتجعـل لـه مــن الـحـور فيـهـا حـلايـل
وصـــــلاة ربـــــي عــــــد مــاهــبــة الـــنـــود = عــــلــــى رســـــــــول الله راع الــفــضــايـــل
عـلـى محـمـد راعــي الفـضـل والـجــود = عـــــد الــجـــراد وعــــــد وبــــــل الـمـخــايــل
وعـــد الـنـبـات وعـــد مــاصــاح مــولــود = من عصرنا الحاضر لعصر الأوايل

----------------------------

كلمات / ابو عارف

أبو عارف

09-05-2011, 06:21

العميد دخل الذرة ويقولون الذلة بنت حلال وحس إنه أخطأ بتحريض أهل الرياض
على ابو فهد وخاصة عقب ما إستلم قصيدة أبو فهد التحذيرية فرد يقول:
رد العميد على ماجد مطر .. ..

ياتاتا باتا قم خلك يمينا = ويا ابو حسن يالتلخ يابارد العين
نبي الحساء يم الفهيم الفطينا = ماجد مطر نسل الهيافاء المسمين
ولياوصلنا نبي نرفع يدينا = سلمية نبي على الرجل ماشين
ويامنا جينا لبو فهد بكينا = وقلنا سامحنا يوم جيناك عانين
ولكانهو لزم بضربة حدينا = نعطيه تاتا يضربة بين الإذنين
وإن مارضي نعطيه هذا المتينا = ابو حسن يرداه لو يبي يومين
أما العميد ياعل ربي يعينا = متولم من يوم يبدا بالا ثنيــن
تلقى غباره ثايرن بالبطينا = كنه حصان القرملة وابن حثلين
سلام لديار الحساء مرسلينا = وللعاصمة مليون دار السلاطين
والشيخ ابن عسام حبس الكمينا = هو الكفيل بكيفهم كان راضين

وسلامتكم كلكم أيها النشامى والنشميات

وتقبلوا فائق الإحترام والتقدير

أبو عارف

10-05-2011, 01:09

رد العميد على ابو عبدالرحمن الجديد .. ..

يالله ياتاتا خل عنك الونينا = نبي نزور العاصمة يامال البين
وهذا ابو حسن واقف يحترينا = لابس ثلاث ثياب ومن فوق كوتين
وياويلكم لكان حنا غدينا = مثل هكالمرة على طول سارين
وياجينا ابن رسام على اليدينا = نسلم لهم أرقابنا دون تثمين
وعند النشامى ربعنا الطيبينا = وأنتم صبورين وعلى الضرب ضارين
عند الخطيب الي يتضرس يبينا = تبطحو بالأرض وانتم حزينين
خلوه يمغطكم عطيب اليمينا = في شومي يانتم على القاع غافين
وانا أمسك النافذ يسار ويمينا = مثل النسر بس إن مالي جناحين
وانتم يقام يطاردن قم سرينا = وعلى طريق خريص يم البساتين
ونكون في ذلك عليهم قضينا = كلن ضربنا وكلنا اليوم حيين
أشوف عبدالله يدور علينا = ما تنقرب دار الملوك الميامين

---------------------------
وسلامتكم يا أهل الرياض ولايهونون أهل الحساء

أبو عارف

11-05-2011, 10:58

رد تاتا باتا على أبو عبدالرحمن .. ..

أنا ولد باتا وماما سكينا = وماهمني قرقر ولاهمني شين
الثوم دايم مايفارق يدينا = عند العميد الله يحفظه لنا سنين
فطورنا في كل يوم صحنينا = تشباتي الهندي مع الفلفل الزين
وللشيخ ابن عسام رقبتي رهينا = أنا وأبو حسن ضعوف ومساكين
عسى الخطيب الشيخ يروف فينا = واليازعل تضيق فينا الميادين
ويشفيه يوم إنه يقوم يهجينا = ماندري ويش الي عملناه مخطين
وإذا يبي تأديبنا حاضرينا = الصبر مفتاح الفرج والله يعين
يوم طار راس الذئب عند العرينا = الثعلب المكار عاف الخرافين
تاتا غداء والتلخ هذا السمينا = خله عشاء ياشيخ بالعدل راضين
هذا مردي يوم باح الكنينا = وأنا ولد باتا طويل الكراعين

----------------------------
كلمات تاتا باتا ترجمة العميد
وسلامتكم :sd:

أبو عارف

11-05-2011, 11:03

يظهر أن تاتا باتا والتلخ أبو حسن أغراهم عرض الشاعر المبدع أبو فهد بالإنتقال له بالأحساء وإليكم الرد بهالحورنية يقول:

تاتا باتا يرد على عرض أبو فهد .. ..

وشلون أجي والراس به فلقتينا = والخشم وارم والصدر فيه ضلعين؟
نفكر بعرضك كلنا يالثنينا = أنا وابو حسن لزوم متخاوين
والخوف من كفيلنا يشتكينا = ويحطنا بالسجن مثل المجانين
ونقعد بسجن الهاربين سنتينا = ويصير القمل كالحلم فينا الإثنين
ومربطين رجولنا مع يدينا = وحتى أنت يمكن ياولد يلحقك شين
غرامة تساوي لمداء حدينا = ثم تبيع المزرعة والبعارين
القرد فينا والبلاء معترينا = والحظ الأقشر كلكم فيه دارين
ويا أبو فهد لكان إنك تبينا = بطيارة الإخلاء تشيل المصابين
ويامننا ميه بميه برينا = وطلعنا من الصحة ودار المساجين
نأخذ رواتبنا وكلش ثمينا = كلن يروح لدار اهله الحبيبين
وهذي مطالبنا وحقك علينا = وحنا لطلبكم دائماً مستعدين

----------------------------
الف مبروك عليك يا ابو ماجد موافقة تاتا والتلخ على إغراءاتك وهادلك للعميد:dsa :

أبو عارف

22-05-2011, 08:25

رد مجموعة تاتا باتا على ابوفهد .. ..

أنا السائق تاتا باتا والعميد تشيف = وخوينا التلخ ابو حسن تقل وجه بقره
ياقصدنا قصدنا من الوزن الخفيف = شعر ماجابه الشاعر شاهر ولا منقره
ولامحمد العوني ولامحمد الشريف = شعرهم من العيار الثقيل وشعرنا مصخره
طالع وجيهنا قبل تحكم يالحصيف = مثل وجيه المعزا مقيلات في ظل شجره
وكل يوم مكمخين وجروحنا له نزيف = وكل مانقول اخره زين يصير اقشره
فازعين لابوفهد يوم شاف الوليف = حرمة تنٌقز بالشارع بغى الهندي يكسره
مثل عين الغزال ومثل بطن العسيف = كل من شافها ضيع الطريق وثار غبره
وابو فهد يوم شــافها شــال الــــرصيف = والحمدلله يوم ربي زال خطره
حسب قوله حـرمةً ماشــاف له وصـيف = ويذكر الرحمن ويقول سبحان من صوره
ويتمنى بالحلال يـــلايم الغض العفيف = ومن يلومه بذلك عسى ربي يقهره
وحنا نطلب ربنا لو تجي لبو فهد زفيف = راعي القلب الخضر عسى ربي ينصره
ونشـكرك يابـوفـهد عــلى المـدح اللـطيف = يوم تمدحنا بقوة وتسمكرنا سمكره
هـذا وانت ماجــيتنا جـبت عـنا الــطريف = جعل ربي يحفظك لو تبالغ بك ثمره
مــاعـليكم زود يــــوم حـرب الــصـريـف = كل واحد من عيال الهيافا يعدل عشره
وبالكرم وافين يالحسين يازبن المـخيـف = مجلاء شمر من زبنكم مايمس شعره
وزبــــدة الهــرج نشـكركم شــكراً كــثيف = كثيف وجزيل وصافي من مصدره
مـن تــاتــا والعميد و الــتلــخ الحليف = كلاً منا حاضر وفاتح مبخره
حنـــا بـــراس تنورة شـــمال الـــقطـــيف = اتشا سم ابشر نقولها لك شكره
والسلام ختام للعقل النظيف = لكل رجل وكل شاب وكل مره

هذا وتقبلوا تحيات وتقدير مجموعة تاتا باتا:h i::ksg:

أبو عارف

07-08-2011, 03:56

هذه قصيدة مهداه إلى الخال ابو عارف يوسف الغيثي . آمل ان تنال رضاكم
هذه قصيدة مهداه إلى الخال ابو عارف يوسف الغيثي .. ..

راكب اللي مشيها قدام ماترجع ورا = منوة اللي عزوته سافروا لأرض بعيد
عزوةٍ للحرب قيّاد وللطيب سفرا = يرفعون الراس وإن حل بي يوم شديد
عزوتي حمّاية الضلع ياللي مادرا = من سلالة رومي الأول ليا بن سعيد
ابو عارف وان حصل لبس والجاري جرا= تنقص الارياء بغيره وابو عارف تزيد
عن سموم القيض ظل وعن برده ذرا = خالي اللي طلته طلت سحاب بيوم عيد

رد تاتا باتا في مهمة بحث عن الشاعر ابو نواف .. ..

راكب اللي من حفيزه بالكابينة بس طيارين خبرا = الأواكس مجهزه برادارها وكل شيء به جديد
آخر التصنيع والتطوير وتقنيات العصر وماطرا = ماطرى في خاطرك موجود فيها من دون تحديد
يعتليها سائقي الخاص تاتا باتا تقل وجه عشرا = إستغلٌه من المطار المحلي بحائل تحت أمر العميد
هز رأسه والتفتلي وإبتسملي كن في فمٌه غرا = قلتله أربط حزامك حان وقت الإقلاع يالتلخ البليد
في مهمة بحث شـامل للمدينـة وللجبـال وللقـرا = أبحثولي عن الشاعر أبو نواف وجيبوا العلم الأكيد

أبو عارف

22-08-2011, 04:01

:mnb: أخي العزيز صالح الخشرم
أولا أشكرك على إهدائي قصيدتك قصر برلين :bar :

ثانيا آمل السموحة وعدم المؤاخذه على هذا الرد المغتضب والمتواضع جداً ورمضان كريم وكل عام وأنت ومن تحب وجميع الأخوان والأخوات بشبكة نشامى شمر بألف خير.
-------------------------------

رد متواضع وعذر العاجز رمضان.. ..

يالله يارب المخاليق يامعين = تفرج لمن يمك همومه نقلها
الي شكالك سطوة الهم والدين = صالح ورزقك كل حي شملها
يالله ترزق صالح بالملايين = عشرة ملايين وعشرة دبلها
وتزوجه بنت الملوك المسمين = الي صناديق الذهب هي حللها
الي راتبها بالشهر حول خمسين = خمسين مليون وميه فللها
وقصر مشيد والخدم فيه سبعين = من قوم تاتا موحدين بدلها
في مزرعه تفوق كل البساتين = ماها قراح والعسل من نحلها
مساحته كيلو بكيلو وبه عين = تجري دفع ذاتي والف نخلها
أنت الكريم وقدرتك دون تقنين = رب كريم ورزق خلقه كفلها
وصلاة ربي عد ماترمش العين = على الرسول الهاشمي نكتملها

-------------------------------
هذا وتقبل فائق وصادق تحياتي وتقديري العالي

أبو عارف

23-08-2011, 12:44

مشاركة في الخيمة الرمضانية أبيات من قصيدة لي قديمة في شهر رمضان:

صح النوم أيها العميد.. ..

حل رمضان وبالخبر تم الإعلان = ومن فرحتي عيا يعبر لساني
كل يعرف إنه يجي بعد شعبان = لكن الشهر محدود والعمر فاني
شهر فضيل فيه رحمه وغفران = وعتق من النيران لهل الحساني
وبه ليلة القدر العظيمة لها شان = تحقق بها للمسلمين الأماني
ليلة عطى فيها سلام للإنسان = حتى الفجر يظهر ونوره يباني
شهر فضيل للمكارم والإحسان = تفتح به أبواب النعيم الثماني

وسلامتكم جعل الله الجميع من عتقائه من النار،وكل عام وأنتم بخيروصحة وسعاده اللهم آمين.

وتقبلوا جميعاً فائق :lkd :

أبو عارف

06-09-2011, 07:02

أبشركم تاتا باتا مامات. ..

بابا انا تاتا باتا في تبوك موجود = أنا يروخ هناك بالخطأ ولافيه فلوس
هناك فيه كفيل جديد يدعى سعود = حطني في مزرعة فيها غنم وتيوس
وفيها ودجاج بياض وبقر وقرود = وفيها خضار ونخيل ومخالب وفوس
وعطاني ثلاث أرانب وعنز وزود = خمسمائة ريال وأكل وبعض لبوس
بابا انت مافيه خوف أنا لازم أعود = بس أجمع فلوس تكت الخبر مدروس
بابا أنا قلبي عليكم كلاه الدود = أحب الدمام والخبروالشايب المحروس
بابا سلملي كثير على ابوك العود = وعلى التلخ ابو حسن أحب هكالرؤس
يالله تفرج همي وتجعل الأمر محمود = ترجعني لديرة بابا رحيمة بهكالداعوس
يابابا لاتزعل علي بسبب حضي المقرود = انا مسكين صادق وحضي المعفوس
الله يعينن على بلواي وترد سهود مهود = أفارق الأبقار والماعز والكهرباء فانوس
ارجع لبو عارف المعروف والتلخ قليل الفود = رجال يحبون فعل الخير والناموس

أبو عارف

22-12-2011, 11:09

البارحة مرقوق كنت متعشي = ونمت متأخر كن بالعين قشـه
وشفت البليهد للمفاشش يطشي = ويقول فش الناس ياناس كشه
بعض الاوادم يانتفخ مايفشي = لو عصا موسى في يدك ماتفشه
مثل الحنيش الي بجحره يوشي = جنب شجرته وتركه لاترشه
هذا مرض بين العباد متفشي = حتى العميد أحيان يرثع بقشه
شفته وهو بالبر كان متمشي = في خايع يجلا عن النفس غشه
والسايق تاتا للمواعز يحشي = زعل عليه ورجفنه في محشه
وتاتا غلبانن لايهش وينشي = والتلـخ شفته في منامي بعشـه
هذه الأوضاع من قال وشي؟ = بالناس زعال وبالناس بشه
مثل البليهد للخواطر يدشي = من دون إذن كل الخواطر يدشه
الله يديم الحب ويجلا الطفشي = وهذه أحلامي وللخلق فشه

هذا وتقبلوا جميعاً تحيات وتمنيات مجموعة تاتا باتا :cbi :

أبو عارف

27-12-2011, 07:23

مسائكم ورد وكادي أيها النشامى والنشميات والجود من الموجود
:ah :

ودي لو إني شاعر كان أغني = وعندي لترتيب المثايل وسيله
ونضم المثايل هي مزاجي وفني = مثايل تشفي القلوب العليله
وكل يجيني على شعري يهني = ديوانهم عندي وعندي دليله
أبي غياب الشمس للجمس أدني = آخر مديله والجميحي وكيله
أحط رجلي والبلوف رقصني = والبوصله بالرمز تم تعديله
يحمل سلامي والتحيات مني = يم الرجال أهل الكرم والفضيله
أزكى تحية لكل من سأل عني = أهل العلوم الطيبة والجميله
لهم الشكر والمجد من دون مني = رجال ونساء أهل الوفاء والنفيله
بنشامى شمركل عضو متهني = رمزالتواصل ولا ندور بديله
شوفونن أنا أغليه مع كبر سني = أنا وخويي التلخ وتاتا عميله
ماعندي إلا التلخ دوم متثني = ياوجه ضب في رفاع النثيله
وتاتا مقابلني تقل وجه جني = وكلامه مثل الحنضلة حنضليله
هذي الأماني ولايفيد التمني = مثل السراب الي قليل حصيله

وتقبلوا جميعاً فائق التحية والتقدير
:ah :