ديوان الشاعره / الجوهره

[الجوهره]

يصبحكم ويمسيكم برضيء الرحمن
وكل عام واللجميع بخير والصحه والسلامه
أول مشاركه لي يارب تنال على اعجبكم

ياطـول ليـلـي ودمــع العـيـن محرقـنـي .. !!!

ياطول ليلي ودمع الـعـيـن محـرقني= فرقى الحبايب لنوم العين سراقه
باطباع جوده وشوق القلب سارقني = وانفاسه اللي لطعم الحب ذواقه
حبه مرافق معي من يوم رافقني =كوش على البيع يومه حل باسواقه
علقتبه كل هقواتي وعلقني =وطوى الحشى في بعاده طيت اوارقه
من يوم فارقت تفكيرة وفارقني =والروح تستيسر الخفاق لاشواقه
ان غاب فرقاه تاخذني وتشنقني = مالي على البعد لاحيله ولاطاقه
ياما ضحك لي ودمع العشق خانقني=يوم المشاعر لـعهد العشق منساقه
يومه على شـوفة احبابه يـسـابقني=ودرب الـمـوده عـلـى عـهـده وميثاقه
واليـوم عيا نصـيـبـي لا يوافـقـنـي=وشانت عليـنا طبوع الزين واخلاقه
ليته قطع قيد سجن القلب واعتقني=والا سقى اللي غرامه بات بأعماقه


وسلامتكم
الجوهره

[الجوهره]

ياكثر حبي لك وياقو صبري


السلام عليكم ورحمة الله وبركاته
نص متواضـع وكلي أمـل أن يرتقي للذائقه




ياكثر حبي لك وياقو صبري=اشتقت لك بالحيل بالحيل بالحيل
على الورق ينزف لك الشوق حبري=ويسيل دمعي وامسحه بالمناديل
فترة غيابك خلت العود مبري=صارت حياتي من فراقك غرابيل
هم غيروك وصرت ما انته بخبري=هم زودو صدك هل القال والقيل
هم غررو بك لين جهزت قبري=وانا انحرمت وذقت من بعدك الويل
تعال ...مكسوره وشوفتك جبري=تعال.. ليلي هم ياشمعة الليل
تعال ..بحيا معك صغري..و..كبري=وانسى مع عيونك جميع البهاذيل
واهمس لي بحبك ترى الهمس يبري=جرحي..وانا ابادلك همس ومواويل
ماعاد باقي بي صبر باح صبري=واشتقت لك بالحيل بالحيل بالحيل


مع ارق تحية
الجوهره

[الجوهره]

السلام عليكم ورحمة الله ولركاته

لكم هذا البوح المتواضع اتمنى ان يرقى لذوقكم ...


يامشاوير عمري



يامشاوير عمري والصبر والهيام =الهواجس خيولي والليالي قصيد
كل ما قلت حظي يالمقابيل قام =عود الهم لعيون السهر من جديد
ماله الوقت مني غيره الاحترام =ومن حكمله بجاير حكم ماهو رشيد
انزع الهم مني نزع عامٍ لعام=وانحني للمشاعر مثل خضر الجريد
وانت يااصدق شعوري والعطاء والغرام = في بنوك المحبه عندي اغلى رصيد
كن حبك حلال وحب غيرك حرام =ماتساوى الحرار بفعلها للعبيد
حبك اجمل حياه وشوقك اغلى وسام = عل حبك يدوم وجعل عمرك سعيد
لو هموم الاوادم تنتهي بالكلام = كان همس المشاعر فالقصايد بريد
وسط عوج المحاني طب مقام ومنام=وغن همس المشاعر فيك باغلى نشيد


وارق تحية لقلوبكم
الجوهره

[الجوهره]

مساء برضي الرحمن على الجميع .....


يذوب القلب من اشواقه



يذوب القلب من نار الغياب وزحمة اشواقه=وينبض بالقصيد وكل حرفٍ به يغنيني

انا لو قالوا العذال وش بك قلت .. مشتاقه=ولو قالوا مكانه قلت يسكن قلبي وعيني

كتبته شعر واهـديته من حروف الغلا باقه=وسلمته خفوقي والمحبه في شراييني

يغيب وروحي وعيني لشوفه دوم تواقه=ويحضر والغلا والحب يثمر بينه وبيني

حبيبي لاتعذب من سكن طيفك بخفاقه =خيالك في خيالي حتى انا نايم يصحيني

بعد جرحك سطا وسط الخفوق وداخل اعماقه=ترى مافيه حاجه غير وصلك لي تداويني

سهرتك والصبر ماعاد باقي له معي طاقه=تحريتك وطيفك لو لمحته لك يسريني

يطول الليل في بعدك وصبحك ماله إشراقه=تعبت من الفراق وقربك لحاله يسليني

مادام الروح لك من صادق الاحساس منساقه=انا محتاجه لحبٍ اذا احتجته يدفيني

تعال وعالج جروح الخفوق وزحمة اشواقه=وطالع كيف سوى الشوق في غيبتك عن عيني



:

:

ارق تحية لكم يالغالين

الجوهره

[الجوهره]

صباح فيض القلوب
وصباح المشاعر والاحاسيس المحبه


بعلن للقلب مايرضى سواك



ليت دمي حبر وإحساسي روائي =لكتبك قصه وأسولف عن غلاك
في حروف تضهر لعشقك ولائي = وإنسيابية شغوفه في ولاك
وأستمد بوصلك حروف الهجائي = لين مايبقى كلام إلا زهاك
والشموع اللي يضيئ إبها مسائي = نضرة عيوني لبرواز إحتواك
من بداية لهفتي حتى إنتهائي = بعلن إن القلب مايرضى سواك
وأرتقيك بخطب واعلن بك دهائي = وأرسمك صوره وأغني ياحلاك
ياقراح عذب حل إلك إرتوائي = كل كلي ضاميه واطلب عطاك
يافريد جاد جودك بإحتوئي = لو سليت العمر حرفي ماسلاك
بفتخر دام إنتمائك لنتمائي = عز مع قدر وحشيمه في وفاك
وإن رحلت يجوز لي بعدك فنائي = مع نهاية قصة تروي غلاك


http://www.falntyna.com/img/data/thumbnails/8/normal_flowers_1005.jpg

دمتم بكل خير
محبتكم الجوهره

[الجوهره]

بسم الله الرحمن الرحيم

بما أنني سعوديه وأفتخر بديني ودولتي
لا أجد عذرآ لنفسي حينما أرى كل سعودي يهب للجهاد
على الحدود الجنوبيه وضد الشرذمه الحوثيه
لذلك أردت التعبير عن ما بالنفس بهذه الأبيات
وأسأل الله النصر
وارجو منكم السموحه على الغياب وكل عام وانتو بخير


}{ .. عـاش الـجـنـوب .. }{



دار حماها الله قبل دين الإسلام = بعد الولي يحمي ثراها ولدها
دار السعد حكامها خير حكام = دار السياده من سيادة أسدها
في عهد أبو متعب ما والله تنضام = ولا عاش منهو بالحرايب قصدها
عاداته الصنديد ضرغام ضرغام = يعمي العيون اللي تزايد حسدها
تقولها بنت من سلالة كرام = هبت هبايبها لرفعة بلدها
تكفون يالجيش السعودي للإعدام = سلايل الحوثي تبي عقد يدها
لو دونهم ألغام وألغام وألغام = أنتم دمار حشوده اللي حشدها
المجرم اللي مقصده بس الإجرام = تبت يداه وتنقطع عن جسدها
أنتم حرار تقمعه قمع صدام = يوم إن نفسه سولت له سعدها
عاش الجنوب لموطني ستر وحزام = وعاشت بلادي كلها في رغدها
يارب تنصرنا تحت راية إسلام = تحمي بيوت كل مسلم قصدها
وتبعد عن أهل بيوتك شرور الأزلام =والي بعد نعمتك خاب وجحدها
لبيه ثم لبيه ألبي ولا أنضام = دامي سعوديه وأصيح لولدها

وسلامتكم
الجوهره