مشاهدة النسخة كاملة : ديوان الشاعر / خليف الجهيلي
خليف الجهيلي
03-05-2006, 05:41
اهداء للجميع
(( قلت اسلم ))
بالقصايد قلت اببدا فـي كلامـي = واضـحٍ بالقـول والنيـه مطيـه
دام لي هاجس مثل وبل الغمامـي = مايشح القيل له روحـه .. وجيـه
المشاعـر لا تغنـت ياسـلامـي = قلت اسلـم بالحـروف الابجديـه
التحيه .. مع سلامي .. واحترامي = كل واحد له سلام .. ولـه تحيـه
عطرها ريح النفل والا الخزامـي = والاريـح العـود والا الشاذليـه
والا ريح الورد من سقته اشمامي = مع نسيم الصبـح بااريـاحٍ زكيـه
واعذروني في نهايـات الختامـي = كـل واحـد لـه تحياتـي هديـه [/poem
][/frame]اخوكم
خليف الجهيلي
[/center]
خليف الجهيلي
02-06-2006, 07:44
(( فرد حمزه ))
ياحبيبي ليه ياهمس المشاعر = لاتهيضني وتسحرني 00 بغمزه
لاتروح بعيد عني لاتهاجر = أترك الفرقى 00 وعنوانه 00 ورمزه
لاتخليني 00 وبشواقي 00 تسافر = ماني وصلة همز 00 لاوالله 00 وقمزه
أنت حرف(ن) ضاع بسطور 00 الدفاتر = عقب ماحصلت له شده 00 وهمزه
مثل ماقال المثل 00 يازين ثاير = والله أنك ثاير(ن) 00 (( يافرد 00 حمزه ))
لاتزيد اجروحي يكفي 00 وانت ناضر = خل هرجة عاذلي همزه 00 ولمزه
ياحبيبي ليه هيّجت 00 المشاعر = لاتهيّجها بنظراتك 00 وغمزه
الشاعر /
خليف الجهيلي
خليف الجهيلي
04-07-2006, 05:34
(( خيول(ن) جامحه ))
توكل لاتوادعني بوجهك ياحبيب الروح = توكل لا تأخر رحلتك ياحضرة القاضي
ضماي لحبك الماضي رواه الهامل المسفوح = وانا ماعاد بي قطرة حنين لحبك الماضي
نثرتك شوق 00 وبروق 00 وخيول(ن) جامحه 00 ومزوح = غرستك داخل اعماقي وطلعت بغربة انقاضي
عزفت اجمل حكاياتي برعشة نايك 00 المبحوح = وخلدتك قصيد وجيتلك كلي 00 وانا راضي
نعم جيتك غلا كني غريق وطامع(ن) 00 باللوح = وشحيت بغلاك وجيتني بصدود 00 وعراضي
على الفاضي تحملتك 00 هجير بغربتي 00 وجروح = سرابك ماروى غيضي 00 وانا آخيله 00 على الفاضي
توكل لا تسامحني 00 وانا وان قلتلك 00 مسموح = ترجل عن مقابيلي 00 تراني عنك معتاضي
شعر
خليف الجهيلي
خليف الجهيلي
25-07-2006, 02:44
العطر الفرنسي )) 000
اقبلووووووووووووووها اخواني
وخواااااااااااااتي
كماااااااااااا أتت 0000
:
:
(( العطر الفرنسي ))
0
0
0
0
جتني بلبس الجنز 00 والعنجهيه = قالت : رومنسيه 00 وأحب الرومنسي
وأهدت لي ( العطر الفرنسي ) 00 هديه = يالعنبوها تحسب أني 00 فرنسي
وقالت : آبا اسمع لك قوافي 00 عذيه = مادام حنا 00 في حياة الرجنسي
قلّت اسمعي جتك الجزايل 00 قويه = منشان عينك 00 والخشيم 00 الافنسي
الليل طال بليلة(ن) 00 سرمديه = مابه رداء والدنفسه 00 للدفنسي
الجو هادي 00 والعواطف 00 شذيه = والعشق روض 00 كل جنّي 00 وإنسي
يابعد حيي عيونك 00 النرجسيه = والله لاخلّي مابقلبي 00 فكنسي
الا لقلبك ؟ لاكن الشرط : ليّه = باب الهوى من بعدنا يصير 00 منسي
جتني بجنز 00 وغنج 00 مع عنجهيه = وراحت 00 وخلتني 00 (( بحياة الرجنسي ))
ولا باقي الا عطرها في يديه = وأنا سعودي 00 ماتغير 00 فرنسي
خليف الجهيلي
vBulletin® v3.8.9, Copyright ©2000-2024, vBulletin Solutions, Inc.