ثاني
26-04-2006, 02:58
السلام عليكم ورحمة الله وبركاته
شخباركم شلونكم شوقعكم <<< متحمس للموضوع بما ان نجم ابلشن بالاهدائات يقولي مانزلت شين ليا هالحين :D بنزل بوه موضوعن حقيقي
قبل اسبوع تزهبت انا ونجم ووخوين لنا ثالث اسموه محمد نبي نزرق جده
عندي شغيل وقلت خاوون
ونبي نسير على خويانا الي هناك
قالوا مايخالف وهم الله والعالم انهم اول مره يركبون طياره
الوكاد ان ابو مشدز حجز لنا دقيت عليه ووصيته
ورحنا للمطار وقصيت لهم البورقند ومسكت ايديهم وسط المطار
رايحين لطياره
ويورم رقينا درج الطياره وعند الباب وهم يفصخون نعالهم عند المضيفة
لبنانيه المضيفة يوم وجهي صار كبر الحبة السوداء
يامال الوجع البسوا نعالكم فشلتونا :eek:
وهو ينط نجم ويركب بجنب السواق
ركب بمرتسب المعاوني
قلت وين خير راكب هنا :mad:
قال ابركب قدام وامحمد يلعب بطارة الطياره يحسبه سيكل
وانا اتحمى لكل واحد منهم وبكف <=-=- مهو كف تخريعه بس والا الصدز ماظربت احد :D قوموا اركبوا ورى لا عافاكم
واسحبهم مع شوشهم واحط كلن بكرسيوه
يوم تعافروا مع بعض وانا اتركهم
وكل واحدن منهم برطم له بكرسي وانا تركتهم
المهم ان نجم براطمه وصلت الارض من الزعل
قلت بهواه خله يزعل ساعه ويرجع يبي يركب قدام
وانا كنت اخذن المرتسب الي جنب الدريشه
لان سواق الطياره عليمي وقلت اخاف يضيع بنا وحنا بليل وظلام ماتشوف يدك
ويوم اني اخذت لي شوي ما حسيت بروحي الا وانا نيم
واتنبه واناظر مع الدريشه الا وين حنا بوه
واثر الدعوى مدحدره واثر السواق هامل
وانا افز طولي وادخل عليه
قلت وين وين انت رايح قال والله ضعنا
قلت افا ورى ما حاتسيتن قبل
قال شفتك نيم ما ودي ازعجك قلت تضيع عشان ما تزعجن
قم وخر عن الدركسون
وانا اجعف الطياره يمين واحوصبه لين عرفت الطريق ومسكته الطاره
وقلت امش سيدا111 :cool:
لاتلف يمين ولا يسار لين تاصل نافورة جده
لا تعديته لف يمين المطار تحتك افتح الكفارات وانزل
وارجع لكرسيي واجلس
يوم تقل اختلف صوت الطياره بدت اتعتع وانا والله يوجعن قلبي
واسكت
يوم اخذن لنا شوى الا والله يوم بدت تلعب بالسماء
يوم صاح الصياح والعالم تقامز من كراسيهم
ونجم ومحمد ينقمون فصفص ويتفلون بالارض :D
وانا اقحص من كرسيي واقوم
واصوت لناس قلت كل واحد بمحله ما صايرن الا الخير اركدوا
وهو يجي المعاوني حق الطياره
قلت له ارجع لمحلك وشف شغلك مع خويك وخل هذولا علي
انا والمضيفه ندبرهم لكم بس انتم انتبهوا لدربكم
وانا اقوم انفخ من هالباغات واوزع على الناس
يوم ركدوا شوي
ومعنا شيبان وعجز وجلست البسهم ولهيت بهم
ويوم اني رجعت لنجم ومحمد
ولا محمد لابسن الباغه وغايلتوه وانا اواسيه لوه
ونجم حالته بالارض وينقم فصفص يتفل مع الدريشه
وانا اصيح عليه نجم ورى ما تلبس الباغه
قال ما نب لابسه
وش بلاك ما تلبسه
قال بهواي مانب لابسه وبرطمه يتدودل
قلت البسه الطياره تبي تطيح
قال خله تطيح ان شاء الله تحترق وهي طيارتنا
وانا والله اصفقه والبسه غصبن عليه وادودولوه مع الدريشه
ونزل تحت لمكينة الطياره :D
واجلس احبرش به والا به سلك بوجي منفصل
عقب ما ضاع الطيار ضرب لوه تسم منطب والله العالم انه فلت السلك
وارجعوه يوم زان حس الطياره وانا اضبط الديلكوا وانظف الكلبليتر
وارقى فوق :D
واجلس بالكرسي واسكت يوم هدت الناس
يوم وصلنا مطار جده ونزلت الطياره ووقفنا
وانا اسحب نجم ومحمد واطلع بهم من الباب الوراني
ما ودي يمسكونن ويقولون انت الي انقذتنا الا تعشى معنا :D << ابوك يالثقه
ما احب الرياء
وراكم تناظرونن تسذا وعيونكم امبحلقتن بي تسنكم ما صدقتون
اسالوانجم ومحمد بعد :D
تحياتي
ثاني الي مايحب الريا :D
شخباركم شلونكم شوقعكم <<< متحمس للموضوع بما ان نجم ابلشن بالاهدائات يقولي مانزلت شين ليا هالحين :D بنزل بوه موضوعن حقيقي
قبل اسبوع تزهبت انا ونجم ووخوين لنا ثالث اسموه محمد نبي نزرق جده
عندي شغيل وقلت خاوون
ونبي نسير على خويانا الي هناك
قالوا مايخالف وهم الله والعالم انهم اول مره يركبون طياره
الوكاد ان ابو مشدز حجز لنا دقيت عليه ووصيته
ورحنا للمطار وقصيت لهم البورقند ومسكت ايديهم وسط المطار
رايحين لطياره
ويورم رقينا درج الطياره وعند الباب وهم يفصخون نعالهم عند المضيفة
لبنانيه المضيفة يوم وجهي صار كبر الحبة السوداء
يامال الوجع البسوا نعالكم فشلتونا :eek:
وهو ينط نجم ويركب بجنب السواق
ركب بمرتسب المعاوني
قلت وين خير راكب هنا :mad:
قال ابركب قدام وامحمد يلعب بطارة الطياره يحسبه سيكل
وانا اتحمى لكل واحد منهم وبكف <=-=- مهو كف تخريعه بس والا الصدز ماظربت احد :D قوموا اركبوا ورى لا عافاكم
واسحبهم مع شوشهم واحط كلن بكرسيوه
يوم تعافروا مع بعض وانا اتركهم
وكل واحدن منهم برطم له بكرسي وانا تركتهم
المهم ان نجم براطمه وصلت الارض من الزعل
قلت بهواه خله يزعل ساعه ويرجع يبي يركب قدام
وانا كنت اخذن المرتسب الي جنب الدريشه
لان سواق الطياره عليمي وقلت اخاف يضيع بنا وحنا بليل وظلام ماتشوف يدك
ويوم اني اخذت لي شوي ما حسيت بروحي الا وانا نيم
واتنبه واناظر مع الدريشه الا وين حنا بوه
واثر الدعوى مدحدره واثر السواق هامل
وانا افز طولي وادخل عليه
قلت وين وين انت رايح قال والله ضعنا
قلت افا ورى ما حاتسيتن قبل
قال شفتك نيم ما ودي ازعجك قلت تضيع عشان ما تزعجن
قم وخر عن الدركسون
وانا اجعف الطياره يمين واحوصبه لين عرفت الطريق ومسكته الطاره
وقلت امش سيدا111 :cool:
لاتلف يمين ولا يسار لين تاصل نافورة جده
لا تعديته لف يمين المطار تحتك افتح الكفارات وانزل
وارجع لكرسيي واجلس
يوم تقل اختلف صوت الطياره بدت اتعتع وانا والله يوجعن قلبي
واسكت
يوم اخذن لنا شوى الا والله يوم بدت تلعب بالسماء
يوم صاح الصياح والعالم تقامز من كراسيهم
ونجم ومحمد ينقمون فصفص ويتفلون بالارض :D
وانا اقحص من كرسيي واقوم
واصوت لناس قلت كل واحد بمحله ما صايرن الا الخير اركدوا
وهو يجي المعاوني حق الطياره
قلت له ارجع لمحلك وشف شغلك مع خويك وخل هذولا علي
انا والمضيفه ندبرهم لكم بس انتم انتبهوا لدربكم
وانا اقوم انفخ من هالباغات واوزع على الناس
يوم ركدوا شوي
ومعنا شيبان وعجز وجلست البسهم ولهيت بهم
ويوم اني رجعت لنجم ومحمد
ولا محمد لابسن الباغه وغايلتوه وانا اواسيه لوه
ونجم حالته بالارض وينقم فصفص يتفل مع الدريشه
وانا اصيح عليه نجم ورى ما تلبس الباغه
قال ما نب لابسه
وش بلاك ما تلبسه
قال بهواي مانب لابسه وبرطمه يتدودل
قلت البسه الطياره تبي تطيح
قال خله تطيح ان شاء الله تحترق وهي طيارتنا
وانا والله اصفقه والبسه غصبن عليه وادودولوه مع الدريشه
ونزل تحت لمكينة الطياره :D
واجلس احبرش به والا به سلك بوجي منفصل
عقب ما ضاع الطيار ضرب لوه تسم منطب والله العالم انه فلت السلك
وارجعوه يوم زان حس الطياره وانا اضبط الديلكوا وانظف الكلبليتر
وارقى فوق :D
واجلس بالكرسي واسكت يوم هدت الناس
يوم وصلنا مطار جده ونزلت الطياره ووقفنا
وانا اسحب نجم ومحمد واطلع بهم من الباب الوراني
ما ودي يمسكونن ويقولون انت الي انقذتنا الا تعشى معنا :D << ابوك يالثقه
ما احب الرياء
وراكم تناظرونن تسذا وعيونكم امبحلقتن بي تسنكم ما صدقتون
اسالوانجم ومحمد بعد :D
تحياتي
ثاني الي مايحب الريا :D