ديوان الشاعر / مشعل عسام التريباني

[مشعل عسام التريباني]

(( بســــــــــــم الله الرحمـــــــن الرحيـــــــــم ))

الشاعر /مشعل بن عسام التريباني الشمري
الفية مشعل عسام

الفية مشعل عسام



الالف اولف بأزرق الحبـــــــــــرالا شعار =(1) ابترك الهزلات والجـــــــــــــزل باختار

من ضامر يصفق كمـــــــا موج الابحار =(2) الموج هــــــاج وطلّع الموج مابــــــــه

والباء بديت بذكر علام الاســــــــــــرار= (3) علاّم بالخافي ويعلم بمـــــــــــــــا صـار

فردٍصمد لعيوب الانسان ستـــــــــــــــار =(4) يغفر ذنوب اللـــــــــــــي فزع والتجابـه

والتاء تر اللي مابداء باسم ربـــــــــــــه =(5) مثل الذي ميّه علـــــــــــى البحر صبـه

يقول زيد البحر مـــــــن ماك عبــــــــــه= (6) مـــــــــــــايدري ان البحر ماله مشابــه

والثاء الثــــــــــــــــري حذرا بماله تنبه =(7) ياصار ماهو بالرجـــــال متشبّــــــــــــه

تراه مـــــــــــا يسوا ولا نصف حبّـــــــه= (8) ماهو رجل لــــــــــــو كل الاموال جابـه

والجيم جلب المال لو بـــــــــــــه رجوله= (9) كان الولي بالمـــــال بدّاء رسولـــــــــه

اطهر بشر داس الثـــــراء فــــــي نعوله =(10) له سيرت ٍبالمجد محدٍ ينولــــــــــــــه

جيشه هــــــــــــــزم قيصر وفرق خيوله =(11) من هيبته كـــــــل الخلايق تهابـــــــه

والحاء حبيب الله هو سيـــــــــــد الابطال =(12) إنزل عليه إقرء وعمّاء والانفــــــال

يمــــــــــاء كتاب الله وصّـــــــــل للإكمال= (13) وحقق بطولاتٍ بهـــــــــا العقل يهتال

سيرت بطـــــــــــل تبقى على مـد الاجيال= (14) سنّة رسولٍ كــــــل حـــــــــــيٍ قرابه

والخــــــــــاء خضع لله سيــــــــــد البريّه =(15) يمشــــــي ولايخلف لوامــــــــر وليّه

ايضا ولـــــــــــــه بالمد كفٍ صـخيــــــــه =(16) لــــــه مدة مامدو النـــــــــــــاس زيه

يعطي ولـــــــــــو مايملك إلا شويــــــــــه= (17) يعطي عطى كن الفقر مــــــــــا يهابه

والدال دل الناس كله علــــــــــــــى الخير =(18) ادلهم درب الفــــــــــرح والـتبا شيــــر

انقذبه الله مـــــــــــن ضلال الاساطيـــــــر= (19) عقب الجهل وعبادة النار والطيــــــر

وعبـــــــــادة الاصنام وعبادة الغيــــــــــر= (20) والّلات والعزه ومـــــــــــــاه وشرابه

والذال ذلـــــــل كـــــــــــل معجز بالاصرار= (21) دايم على اهل الشــــــر جازم وصبّار

مهما تكبد مــــــــن بلاهم والاشــــــــــرار= (22) يصبر على ماجاه مـــــن زود الخطار

يبـــــــــــــي بدل دنياء العناء دار الا برار =(23) دار الكرامه واللوالــــــــــــــــو ترابه

والـــــــــراء رزين العقل والقلب بــــــالود =(24) يارد إلى حان للقاء بالـــــوغى ورود

ويضرب على اهل الشرك باصرار وجهود= (25) ويختار عن درب السهل مسلك الكـود

يقود شجعان مغاويـــــــر ووســـــــــــــود= (26) القائــــــــد احمد والجيوش ا لصحابه

والزاء زكــــــــــــي النفس كـــــــــلٍ يحبه= (27) عنــــــده دوى النفس المريضه وطبّه

مـــــــــــــا يستمع لاهــــــل العلوم المشبّه= (28) اللـــــــي تحاول كـــــــــــــل شرٍتشبّه

اللــــــــــــــــي من الحبّه يسوون قبّـــــــه =(29) اشرار خلـــــــق الله رسولــــه درابــه

والسين سيرت سيد الخلق صعبــــــــــــه =(30) سيرت بطوله والبطولات تعبــــــــــــه

سيره سقيم العقل مـــــــــــــــا يقتنعبـــه= (31) مــــن لا تعلّم كـــــــــل شري طمعبـــه

يصير بيديــــن الشياطين لعبـــــــــــــــه =(32) يهوي به الشيطان بأسفـــــل ترابـــــه

الشين شــــــــر الناس من يتبع الهون =(33) يصير عند الله مخزا وممهــــــــــــــون

تكفون يا للـــــــــــــي للمكارم تريدون= (34) حاذوركـــــــم بالهون حذرا تمـــــاد ون

الهون درب الكبـــــــــر والكبر ملعون =(35) الكبر واجب للرجــــــــــــال اجتنابــــــه

والصاد صــــــــــــد عن الكبر لاتعوده =(36) إصحاء من الشيطان وإحذر جنــــــوده

اللي يطيع إبليس يــــــــــــا سهل قوده =(37) يركب عليه إبليس كنــــــــــــــه قعوده

إبليس يغلي كـــــــــل نفسٍ جحـــــوده= (38) يوقد به النيران عنــــــــد إشتبا بــــه

والضاد ضدك لو ضحك لـــــــك بسنّه= (39) لاتفكرإن قلـــــــــــوب الاضداد حنّــــه

تر العدو مــــــامنه ياتي محنـــــــــــّه =(40) لازم عليك الحــــــــرب جيشه يشنّـــه

لاتنخدع بـــــــــه لو بدا الخير منـــــّه =(41) لابــــــــــــــــد من يومٍ يجيبه مجابـــه








والطاء طويــــل الهرج يرّث مملـــــّه= (42) الهرج يا زوّد تـــــــــــرا الناس كلــــهّ

تصير عند الناس حضرتك علّـــــــــه =(43) ياطال هرج الرجـــــــــــل ياقع بزلّــــه

خير الكلام قليل الهــــــــــــــــرج دلّه= (44) ترا طويل الهرج وخـــــــــــــــمٍ جنا به

والظــــــــــــاء ظياع الوقت يعارفينه= (45) ترا ظياع الوقت فيـــــــــــــــــه الغبينه

من ظــــــــــــاع وقته يالله إنك تعينه= (46) يظاع ربـــــــــــــــانه تظيع السفينـــــه

ويغرق معــــــــــــه كل الذي راكبينه =(47) يالله تجنبنا طريق الكأبـــــــــــــــــــــه

والعين عن نقـــــــــــــل النميمه تكبر =(48) إعزم علـــــــى فرقاء جميع المثبّــــر

واعزم على الفرقــــــاء وعنها تصبر =( 49) راع النميمــــــــه دوم وجهه مغبـــر

اللي عصا الفرد القــــــــــــوي المدبّر=(50) اللي بذر بذره و ثـــــــــــم عتـــنابـــه

والغين غض الطرف عن غرت الناس =(51) وخله عنك مالك ومـــــــال التبــلاس

وإصحاء تجي لموكب الشـــــــر لماس =(52) ولاتجي باسماع الاخلاق رمّـــــــاس

خلك نزيه الخلق قطّــــــــــاع الارماس= (53)تفوز بالجنه وبارد شرابـــــــــــــــه

والفاء فك الناس من زود شــــــــــرك= (54) لوشفت لك ناس كــــذا لاتغــــــــرك

لوشفت شيٍ صد عنّه وتــــــــــــــــرّك =(55) وعن مايريب النفس ياشفت حــــرك

حرك عنه واصحا بليس يجــــــــــــرك= (56) وان قــــال ناضر قول مالــــي ولابه

والقاف قل للي على الشـــــــــر شفّاي= (57) ترا جنود بليس ترقص علـــــى النّاي

حذرا من الاشرار واقبل منــــــــي راي =(58) اياك رفقت هكذا إياك وإيــــــــــــــأي

ياشفت مثله قول انـــــــا بطوي ارشاي =(59) احذر يجرك فــــي مهالك سرابــــــه

والكاف كف الشــــــــــــر حذراء تجره =(60) تراء كثير الشــــــــر مابه مســــــرّه

وإن جاك خبلٍ فـــــــــــــــي علومٍ يثرّه= (61) قله تودر وادمح الهــرج مـــــــــــره

يمكن يكون ابليس ساقه وغــــــــــــره= (62) ساقه مثل غيره ووثق صوابـــــــه

والام لم الشمل في حســــــــــن الالفاض= (63) واحذرتجي للناس قاســــــي وعظّاظ

خلك علـــــــــــى غلطات الاصداق جمّاظ =(64) ترالرفيق احليل وش عاد لوغــــــاظ

احرم بليس العيش والـــــرب عواض =(65) يعوضك الله ياجمعت القرابــــــــه

والميم مس الحبل للنفس مسّـــــــــه= (66) وعما يغيض الله حده ونسّـــــــــــه

عما يغيض مكون الكون قسّــــــــــه =(67)وعلى محبة طاعة الرب رسّــــــــــه

والهرج يا جنبك حذرا ترسّـــــــــــه =(68) خله يجي غيرك يواكب سحابــــــــه

والنون نس النفس عن رفقت اللاش= (69) خله يولي يا عسى النذل مـــاعاش

اللي حنوكه بالنميمه لهــــــــا قراش= (70) دايم على اعراض الاجاويـد هراش

كال*** مايترك اعضامٍ بهـــا عراش =(71) إلى سمع كلمه فزعبه وجابــــــــــه

والواو وص ابنك يفارق ضعونــــه =(72) نقالة النمـــــات لايجدعونــــــــــــــه

وقله يوصي كل من يعرفونــــــــــه =(73) اوصي اللــــي مايريد المهونـــــــــه

راع النميمه يشمل الناس كونــــــه= (74) ياجب على كل الرجال إجتـنابـــــــــه

والهاء هلا بالي علومه جزيلـــــــه =(75) النادر اللي نافلٍ كــــــــل جيلــــــــــه

سوالفه وسط المجالس جميلـــــــه =(76) لاجايبٍ نمه ولاهــــــــو مشيلـــــــــه

اللي علومه عند ربعـــــــــه جزيله =(77) ولا يفرق المجلس ويعمــــل عصابه

والياء يجي بالناس طامن وعالـــي= (78) هذي مواهب من عزيز الجلالـــــــي

لولا كذا ماصار فرق الرجالــــــــي= (79)ولا صار بالدنيا مرارٍ وحالـــــــــــــي

ولاشي به يرخص ولاشي غالــــي =(80) ولا تميز العالــــــم جميل الخطابــــه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

سابقات الصوت




ياراكب اللـــي تطـــــوي الجـو طويا (1)= من سابقات الصوت تطو الفضا طـي

يدوي صدى صوته مع الجو دويــــا (2)= ون جيت تنظر وينهـــي ما ترا شــــي

تســــبق خفوقٍ دك فــــيه السهـــويا (3)= وتســبق رموش العـــين قدام تغضــــي

مـــنوة عيالٍ للمسافــات هـــــويــــا (4) =تقطع بعـــــيدات المسافات بشــــــــــوي

تزوي بعـــــــيدات المسافات زويـــا (5)= تزوي بعــــــيد الدار زوي الــورق زي

تحــــمل سطورٍ باجمل الشعر رويــا (6)= با لــود والتقـــــدير رويتهـــــــــــن ري

للابت اللـــي للجمـــيلات نـــــــويــــا(7)= اهل الكـــــرم يوم الردي يبخس الشــــي

حــــوو كريم المــــد بالكف حــــويــا (8)= مســـتورثين الطيب من حاتم الطــــــــي

شمر هل الطــــولات للطـيب قـــويا (9)= اهل البـــــــيوت اللي توهج بها الظـــــــي

شمر على روس المراجل رقـــــويا (10) =ريف الضعــيف اللي زبن يطلب الفـــــي

شمر علــــــى الطولات شمر علويا (11) =ابـــــيوتهم يفـــرح بهـــا كل مقـــــــــــوي

شمر تبــين ابــيوتهم مــــــا تقـــــويا (12)= والضــــــــيف يكرم يمهم يوم يلفــــــــــي

افخر بذكرى لابتـــــي ياطـــــــرويا (13)= يحقلــــــــــــي في فعلهم يوم اغنــــــــــي

[مشعل عسام التريباني]

(( بســــم الله الرحمـــــن الرحيـــــــم ))

الشاعر / مشعل بن عسام التريباني الشمري

قصيدة النجر
يقولون خل النجــــــــر مالك ولا الأزعاج (1) =يكفي به الطاحون والنجر وشلكبـه

وانا قول قلبي ما يطاوعبه الهـــــــراج (2)= ما اطيع به لو قالو النجر مالكبــــــــه

نجري يونسني إلـــــى دنق الهلبــــــاج (3) =احب صوته حــــب ماحدٍ يشككبـــــــه

يانجر حبك بيــــــــــن هدف الحنا يا لاج (4)= والحب يحكم كــــــــــل قلبٍ تشر بكبـه

لا تنصحوني عن غلى النجر مايحتــــاج (5)= والله ماسمع هرجة اللـــــــي تهمكبـه

انا احب صوت النجر لو زود اللجـــــلاج (6) =مالوم قلبي لو غلى النجر شركبــــــه

يا حلو صوته يوم جــــوك الرجال افواج (7) =على جال نارك وازرق الهيل يفركبـــه

في مجلس راعيــــــه طيب وطلق حجاج (8) =ياجيت معك اجناب راعيه ودكبــــــــه

إلى لفيت البيت عـــــــدك على هـــــــداج (9) =ماهـــــــو بهلباج هروجه يلكلكبـــــــه

الله من قلــــــــب تصافق به الامــــــواج (10)= والعين كن بموقها الليف يعركبــــــه

وقلبي اللي صاير بـــــــــه بلا وخـــــلاج (11) =اسباب دورٍ راعي الطيب يهلكبــــــه

وش لون صوت النجر به للرجال ازعاج (12)= كلامٍ خطاء واللي عطا العلم غركبـــه

انا اقول صوته في خلاياء الدماغ عــــلاج (13)= تصحي خلاياء الراس ياقام يدبكبــه

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((وين يالحوثي))



وين ياالحوثي على وين ياالخصم اللدود (1) =لاتجـــــي لحدودنا ثم نلعـــــــن لك ثواك

الوطن دونه رجالٍ علــــــى حدّه حشود (2)= يمسحونك من على القاع مار ارجع وراك

مانعـــيل ويابليــــنا بمـــا نمـــلك نجـود (3)= دامنا حيين دون الوطن تقصر خطـــــــاك

الوطـــن ما يقربونه ضعيفين الجهــــود (4)= لاتمد ايديك يم الوطن نقطــــــــع يـــــــداك

ياوطنا دام عزّك رغم خشم الحســــــود (5)= نفتدي بارواحنا كــل شبرٍ من ثــــــــــــراك

رفرفـــي ياراية الحق فـــي راس العمود (6)= رفرفي ياراية الحــــــــــق والله يحمــــــاك

محتمينٍ دارنا من علــــــى عهـد الجدود (7) =بالضروف القاسيه دايمٍ نحمى وطـــــــــاك

ياوطنا مابنا مـــن جبان ولاشـــــــــرود (8)= نرخص الارواح لجلك ونهزم من بغـــــاك

نرخــص الارواح لجلك وهمّتـــنا تزود (9) =نرخص الارواح لجـلــك الى حمّرسمــــــاك

كلنا يامهــبط الوحـــــي عن حدّك نذود (10)= مالنا وارواحنـــــــا ياوطنا من فــــــــــداك

كلنا في حــــزّت الحرب للواجب جنود (11)= كلنا نارٍ توقّد على منهــــــــو نــــــــــــواك

كلنا الحد الجنوبـــــــي ولاعنها صدود (12) =كلنا الحد الجنوبي الـــــــى نادا نـــــــــــداك

كلنا نفـــــــداك يادارنا مـا به قـــعـــود (13)= امنا الي تحتضنّا ويخسا الـــــي عصــــــاك

امنا الـــــي تحتضـــنّا ولافينا جحـــود (14) =امنا الي تحتضنّا ولاننســـــا عطـــــــــــــاك

انعمـــي يادارنا فـــي ذرا نسل الاسود (15) =ابو متعب راعي الخير في خيره حـــــــواك

صيرمـــيٍّ ساطــيٍ من صواريمٍ فهود (16)= وافيٍ ضرغام حلحيل عنــــــد الاشتبـــــــاك

هو ملكنا الي رضيناه واخوانه عضود (17)= من خرج عنهم عسالله يعطيـــــه الهــــــلاك

قادة الامّه الــــى حان قد حات الزنــود (18) =قادة الامّه حلاحيــــــل وقــــت الارتبــــاك

حاكمينه بالشريعه وخــــــيراته تــزود (19) =والعلم في كلمة الحق رفرف بـــه هــــــواك

كلنا ننعم تحـــت حكمكم يال الســـعــود (20)= كل شعبك يابو متعب بطوعك ماعصـــــاك

[مشعل عسام التريباني]

بســـــم الله الرحمــــن الرحيـــــم

(احب المراجل)


للشاعر /مشعل عسام التريباني الشمري



احب المراجل وارغب الطيب يا سلطان =(1) واكره قليل المرجله واكره اقرانـــــــه

واحب الرجال اللي لهم بالرجولــه شان =(2) ونفسي على شوف المشا كيل شفقانته

واقول النشاما شوفهم يطــــرد الاحزان =(3) يطرد هموم القلــــــب ويبعد احزانـــــه

عسا مجلسن ماجـــوه يسكنبه الشيطان= (4) لعلـــــه يجيه الهدم ويقل سكانـــــــــــه

تهدم مبانيّه مــــن السقف للسيســــــان =(5) تحطــــــم ركونه ثــــم تنهد جدرانــــــه

وش عاد لو زخرف ولوشيــد البنيــــان= (6)ماجملـــه يابـــــــوك شكلــــه وبنيانــــه

بيت بليا رجال مهجورمـــــه ماكـــــــان= (7) وش عاد لو زخرف ولو رفعة اركانـه

ياصار مايدهل مــــــــن الربع والجيران= (8) ويفــــــز راعيّـــــــه بربعه وجيرانــــه

تراه يشبه شجرةٍ ميتــــــت الاغصــــان= (9) تحتحت ورقها الحي وانحتت اغصانــه

كساها الغبار وراح فيّــــه وعوده بـــان =(10) والآرمه تبني علــــى كــــل عيدانـــه

شتان بين الطيب هو والـــردا شتــــــان =(11) راع الردا ماتسكن الـــــدار من شانه

والطيب سندا ماتعلــــــو بــــــه الرديان =(12) يصعب على اللـي هس خاله وعمانه

يشرط لراع الطيب ياتي وسيع بطــــان =(13) ويشيل ماشـــال البليهي علــى امتانه

يشيل الجمل ضعفين ماشالة القعـــــدان= (14) ويبرك وني الحيل يازادة اوزانـــــــه

وانا اوصيك ياسلطان بمرافق الشجعـان =(15) مع اللي رجح بالجود وزنه بميزانـه

وابوصيك انا يابوك في طاعة الرحمــن =(16) تمتع بعزّه كـل ماحـــــزت رضوانــــه

هواللي خلقك من العد م واحدٍ منــــــــان= (17) مذلٍ معـــــزٍ قـــــادرٍعالـــــيٍ شانـــه

كفيلٍ برزقك محصي الا نس هووالجا ن= (18) اللي رزق فــــي غبّــــة البحر حيتانه

وابوك وامك دونهم لاتحــــــــــط انسان= (19) فيهم تفـــــوز بعفو ربـــــك وغفرانـه

وتمّة وصلى الله علـــــــى خاتم الاديان= (20) نبيٍ به الله كمــــــّل الدين سبحانــــــه

[مشعل عسام التريباني]

(( بســـــــم الله الرحمـــــــن الرحيــــــــــــم ))

هذه قصيده رثى بالوالد رحمة الله عليه
الشاعر\مشعل عسام الشمري
تاريخ لاينسى في 29/11/عام1429هجري وفي يوم الخميس بالتحديد فقدة اعزالناس واغلاهم على الاطلاق اتدرون منهو انه والدي غفرالله له واسكنه الفردوس الاعلى

ياعين زجي صافي الدمع زجّــا =(1) راح الفرح ياعين والحزن حلاّ

خلي دموعــــــك للمحاجرتخجّا =(2) ابكي على اللي باا لمراجل تعلاّ

واقلبي اللي من فراقـــه يلجّـــا= (3) واكبدي اللي كن به شوك ســلاّ

ياالله ياللي لك عبادك تحجّــــــا =(4) في عالي الجنّه عسا لـــه محلاّ

واشيب عيني يوم شفته مسجّا =(5) عــزالله ان العـــــز دبّــــر وولاّ

يالله عساه من اللهايب ينجّـــــا =(6) فــي جـاه من فضله علينا تجلاّ

واخانت الدنياغبــــارٍوعجّــــــا =(7) سقتني الدنيـــا حميمــــن وعلاّ

واقلبي اللـي خجــه الحزن خجّا= (8) بقعا علــى قلبي جيوشــــه تطلاّ

ابوي راح وبعده القلــب فِجّـــا= (9) عساه بالجنـــــات يسكـن بضلاّ

اصبرعلى الفرقا وعينــي تثجّا= (10) العين دمعـــه للملابس يبـــلاّ

ينرج قلبي مــن فراقه يــــرجّا =(11) اناعلى فرقــــاه مالــــي حملاّ

عليه قلبــــي بالحزن مستلجّــا =(12) والجوف كنــه بالسعاير يملاّ

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



( ملحمة شمر)



قال الذي يبني بيوتٍ جزايـــــــــــل= (1) اكتب جزال ولاكتبت الهزايلــي

شاعروابامدح لابتي في قصيدتـــي =(2) من غير نقصٍ في جميع القبايلي

شمر الى عدو هلا الطيب والصخا =(3) لهم الفعول الطيبات الاوايلــــــي

شمر هلا الناموس والمجد والثنـــا= (4)شمر هلا الرده كبار الفعايلـــــــي

راع اللحيسه مكرم الضيف منــــا =(5) ومنا الرشيد الساطعين الاصايلـي

بن رشيد مروّي السيف منـــــــــا=(6)عبيد ستر منقضات الجدايلــــــــــي

ومحمد المهاد هووالجنـــــــــــازه =(7) اللي يروون السيوف الصقايلــــي

رداتهم بالكون كـــــــــلٍ دريبـــــه =(8) وعدوهم تركا عليه الملايلــــــــي

ومنا معش الذيب في ليلة الدجــــا =(9) من نسل حاتم حي ذيك السلايلـــي

وبن رمال ومتعب الجيش هايـس =(10) ومنا ابوخوذه له عطايا هوايلـــي

طنايا يهزمون العدا في فعولهـــم =(11) عدوهم يشرب بكاس الغلايلـــــي

هلا البيوت البينات المشيــــــــده =(12) كبار الصحاف مقلطة كل حايلــي

ومنا سند وبن نهير وضـــــــاري=(13) هلاالفعول ومحتمين الدبايلـــــــي

افعالهم واجد يعجزك عدهـــــــــا= (14) ماتنحصا بالعد كل الفعايلـــــــــي

ومنا الدعوج اللي بهم يضرب المثل=(15)شالو مجيدع بالسنين السحايلــي

كلن يقول اركب على المتن لا تخاف=(16)كلن يقول انا للاثقال شايلــــــي

حتى صغير السن ما ذاق صيدته=(17)يخاف نقل الهرج بين القبايلـــــــــي
وبن علي منا ومنا مضحـــــــــي=(18) يذرون يا ضاقة عليك المحايلـــي

ومغير بن غازي وعدوان منـــــا=19) وهضيب شيال الحمول الثقايلــــي

وبن الوقي وبن عبيكه وغيرهــم= (20) أهل الكرم والجود وأهل الجمايلي

مع مطني بن شريم وبن مشابـي =(21) من ضربهم يما هداء كل عايلـــــي

ومناء الهيافاء مزبنين الجــلاوي =(22) ضد الحريب اللي من البعد عايلي

اللي دخل ببيوتهم خاب طالبـــــه =(23) عندي على هذا شهود ودلايلـــــي

مع راضي النجران هو والمهينـي =(24) في ذكرهم ياحلو نظم المثايلــــي

ايضا وبن شرهان هو و الرزنــي= (25) افعالهم ما نالها كل نايلــــــــــــي

كذلك الجبرين هم وبن جبهـــــــان =(26) افعالهم جزلات ماهي قلايلـــــي

وبن عجل مناء ومناء بـــــن هزاع =(27) يازين ذكراهم عيال الحمايلــــي

ومناء الركيب ربع مفتاح منـــــــاء =(28) عدوهم ذاق النكد والنكايلـــــــي

مع ربعي الدهمان ياحث اللغــــــاء= (29) نجم على روس الشياطين هايلي

انا احمد الله يرفع الراس ذكرهــــم =(30) افخربربعي كاسبين النفايلـــــــي

افعال شمر ما قدرنـــــا نعدهــــــاء= (31) افعالهم ماعاد به قول قايلــــــــي

اقول شمر كــــــــل ابوهــــم نوادر =(32) ما عاد تحصيها جزايل مثايلــــي

يعجز لساني عن مدايح قبيلتــــــــي= (33) تشهد لهم بالفعل كل القبايلـــــــي

ويشهد لهم رمان وآجاء وسلمــــاء =(34) وجبه لهم تشهدالى قال قايلـــــــي

اللي قراء التاريخ ينبيه عنــــــــــاء =(35) النهر ما يخفيه كثر النثايلـــــــــي

تحلو لي الامثال في مدح ربعــــــي =(36) والا ادري ان الشك بالفعل زايلي

يالله عساه ياهل همـــــــال المطــــر =(37) يسقي وطنهم من حقوق المخايلي

جعله على سلماءواجا تنثر المـــــاء= (38) يجيك الأديرع من علاويه سايلـي

تلقاء بها ريح الخزامى مع النفـــــل =(390) متخالط يشفى القلوب العلايلـــــي

فيه أم سالم جرت الصوت بالغنـــاء =(40) ترفع لحنها فيه وسط المسايلـــــي

حيث أنها ديرت هلا المدح عزوتي= (38) هم درعي اللي فوق الامتان مايلي

دار الرجال اللي بهم دوم نفتخــــــر=(41) لهم مسكن بين الضلوع النحايلـــي

وأدخل على الله عن جميع القبايـــل =(42) كل على الطوله يحث الرحايلــــي

هذا وصلى الله على سيد البشـــــــر =(43) اعداد ما تلمع بروق المخايلــــــي

[مشعل عسام التريباني]

بسم الله الرحمن الرحيم
هذه القصيده قلتها بابني الاصغر ناصر بن مشعل التريباني الشمري الله يحفظه

الشاعر\ مشعل عسام التريباني الشمري


((جب البوك يا ناصر))





جب الـبوك ياناصر وانا ابوك هات الـبوك =(1) وهات القلم ياقرّت العين واكتــبلــــــي

ابواوصيك كانك داخلك بالزمان شكوك =(2) وصيّتٍ في باق الازمان تنســـبلــــــي

ترالنصـــــيحه تنشري لو دفعت الكـوك =(3) ولاحدٍ يفرّط بالنصيحه ســوى الخبلـي

حذرا تماشــــــي ناقص الدين لايغـووك =(4) لاتنخدع باللا ش واتروح منهــبلـــــــي

ترا قليل الدين يزرع بدربك شــــــــوك =(5) لاتنخدع باالنذ ل وايحوشك الحـــبلـــــي

واعرف تراهم كل ماحتجت ماسرّوك= (6)عليك فــي رفقة هل الدين والنبلــــــــــي

احرص على عشرت كرام اللحا يابوك= (7) ولاتصادق راعي الناي والطــــبلــــــي

ترعشرت الطيّب تساوي رصيد بنوك= (8) اسود غابه والاسد ينجـب الشـــــبلــــــي

ابيك في وسط المجالس الـــــى طرّوك =(9) لوحة شرف ذكرك مع الناس ينصبلـــي

ذكرك يغيض اعداك وايسر من حبوك= (10) وكلٍ تمنـــى ليت مثله يقــرّبلـــــــــــي

وابيك الحصان اللي الـــى منهم شافوك= (11) يقولون وشّو قلت هذا من اسطـبلـــــي

وابيك اشقرٍ سوٍٍ علــــى الصيد ياهدّوك= (12) عدل المناكب يذبح الصيد وايهــبلـــي

عســـــالله مايقــطع رجا والدٍ يرجــوك =(13) وعسالله بهدايتك يامر ويكتــبلـــــــــي

[مشعل عسام التريباني]

(( بســــــم الله الرحمــــــــن الرحيـــــــــم ))

الشاعر\مشعل عسام التريباني الشمري


قصيدة الصغير


كتبت المثايل بازرق الحبرواستحضــرت =(1) قوافيٍ من صافي الفكـــــــر ناقيهــــــــا

وغصت البحوربمركب الشعرلين ابحرت =(2) ومن خاض غبات البحــــر جاب مافيها

لولا ثمين الدر للبحـــــــر مـــــــازاورت =(3) ولااتعبت نفسي بالبحور ومساعيهــــــا

وانا غير در البحـــــر والله فـــــلا دوّرت= (4) رخيص البضاعه والله انــــــي مدانيهـا

قوافيٍ تشبه لدر البحـــــــــر سطـــــــرت= (5) اصخربيوت الشعـــــر وازن قوافيهـــــا

تهيض القريحه بالقوافــــي الــــى عبّرت =(6) تحير العقول اللـــــي تدبّر معانيهــــــــا

وانا اللي على نظم القوافي الـــــى قررت= (7) اصوغ البحور اللي صعيبه ملاويهــــــا

اصعب بحور الشعر في ضامري عمّــرت =(8) تعرف بيوت الشعر ياصـــرت بانيهـــــا

انقّي بيوت الشعر في ضامــــري ياصرت =(9) ابي سامع الابيات يطـــرب يجاريهــــا

ومن بعدها بالنصح لهل العقول اخبـــرت= (10) نصيحة محـــبٍ للمحبيـــــن مهديهــــا

تراك الصغير الــــى تعاليت واستكبــــرت =(11) وتراك الكبيران هنت نفسك لواليهــــا

وتراك المهان انكــــان للنفس مــــاكدّرت =(12) من طاع نفسه طشّته فـــــي بلاويهــا

وتراك الحقير انكــان للعالـــــم استحقرت= (13) الناس تنظر لك مثــــل ماتراعيهـــــــا

وتراك الشقي انكان للناس شر اظمــــرت =(14) ومن حط حفرت شر لازم يقــع فيهـــا

تذكّر عنـــــا قارون دايم الـــــــى جمهرت =(15) تذكّر غناته دوم كــــــان انـت ناسيهـا

وتذكّر كبر فرعون دايم الى مــن جــــرت =(16) وتذكّر ارم طمّة بــــلاده سوافيهـــــــا

وترا ماتحت ربك قويٍ الـــــى فكــــــــرت =(17) سبحان علام الظمايـــــــر ومافيهـــــا

هو اللي علم سر الظمايـــر ومااظهـــرت= (18) محصي حصى رمل السهال وسوافيها

يعلم خفي غيــــب الظماير ومااجهــــرت= (19) علاّم ماتبـــــد الصدور وخوافيهــــــــا

وصلو عداد احروف شعري وماحــررت =(20) على شفيع الخلق عــــــزه وهاديهـــــا

[مشعل عسام التريباني]

بسم الله الرحمن الرحيم
الشاعر \مشعل عسام الشمري

(الموضة الغربيه)

الموضه الغربيه!!!

ياولد هات القلم والبوك هاتـــــه ليّــــه = ابا عبّر عن هجوسٍ بالحشــــا مخفيهــــا

كثرت التفكير نارٍ في ظميري حيّـــــه= لوبغيت اخفي همومي هاجسي يبديهـــــا

قالو ادله واترك التفكيرعنك شويّــــــه= واندمج مع عالمٍ نسية ذكر ماضيهــــــــا

عالم النسيان مابه من قلوبٍ حيّـــــــــه= مقبره كل القلوب الميّتـــــــه تاؤيهــــــــا

حط راسك بالقلص وادله بفـــــي وميّه = ياسلم راسك كثيــــر الروس لاتبكيهـــــا

ذا زمان الانفتاح وعالـــــــم الحريّــــه = عش كثير تشوف عينك شي مايرضيهــا

قلت انا مالي ومال العالـــــم المبليّــــه = عالمٍ باعــــــة قيم سلفانهــــــــا مابيهـــــا

لو يحطون الثريّا والقمـــــــر بيديّـــــه= والله ان امجاد سلفاني مانــــــي ناسيهــــا

لعن ابو رجلٍ ينسيه الزمن ماضيّـــــه = لابسٍ ثوب الهوان وعريتـــــــه مبديـــهـا

يتبع الموضات بالروحات هي والجيّه = مثل ماتمشي سمان الضــان مع راعيهـا

كنها كباشٍ سمانٍ ساقها راعيّـــــــــــه = ساقها الدلال للمقصــــب وضحى فيهــا

لو قلوب الاغبيا تكوى بميّة كيّـــــــــه= يمكن ان الكي يبريها من اللي فيهـــــــا

اوعسى قلب البليد يحـــــش بالجنبيّـــه= ويش ترجي من قلوبٍ لاحياتٍ فيهــــــا

عالمٍ تمشي خلاف الموضه الغربيّــــه = ضايعه ماالله على الدرب السوي قاديها

كاالغراب اللـــــي يقلد مشية الكدريّــه = ما عرف مشي الحمام ومشيته مغديهـا

ضايعٍ في مشيته مابيـــــــن ذيك وذيّه = جايبي مشي الحمام وضاع في تاليهــــا

وابتكر له مشيتٍ ماحدٍ مشاها زيّــــــه = يالله انك تقطع المشيه ومـــن يمشيهـــا

[مشعل عسام التريباني]

بسم الله الرحمن الرحيم

الشاعر\مشعل عسام الشمري

( كلمة ياليت)


البارحة هاج الضمير وقلت ياشعري عليـــت =(1) خابرك جزلات المثايل تعتني بشموعهـــــــــا

يادار دولاب الضماير باالمثايــــل وابتديــــت =(2) اصوغ قيفان المثايل ساسهـــا وافروعهــــــا

ازن بيوت الشعر يامني على نظمه نويــــت= (3) من حسنها تر خيلها الصمان سمع سموعهـا

انا بسوق الموهبه طبيت ثم بعت وشريـــــت= (4) ابيع هزله واشتري جزلـــه تجي من طوعها

امتع الجمهور في قيفان شعري بيت بيــــــت= (5) مثايلٍ يلفت نظر مــــــــن يستمع موضوعها

موضوعها ان الهرج يامنك تكلمت وحكيـــت =(6) كلمتك وازن لفظها قدام وقـــــت طلوعهـــــا

ترى الى منك بوسط الناس للعو جار ميـــــت= (7) تصير كل هروجك اللــــي قلت تشبه نوعهـا

ماينفع التسويف يامن قلت ليتـــــي ماحكيـــت= (8) ماتنترجع كلمتك مهما بغيت ارجوعهــــــــا

وترى الكلام الى ظهر ماينفعك قولـــــة ياليت =(9) تمشي به العوجان ثم تشركك في مشروعها

وتصير مكروهن مع العالم الى منك لفيــــــت =(10) تشوف حقرانك مع اناسٍ تعز جموعهـــــا

وتصير شوده بين خلق الله الى منك طريــت= (11) كلٍ يقــــــول اشكال هذا لله يقطع نوعهــــا

عن مثل هذا عز نفسك كان تبغى زود صيـت =(12) روم العلى مع عالمٍ تسمو بزين طبوعهـــا

اصحى تزل الى حكيت ولاتمن الى عطيــــــت= (13) ولاتواخذ راعي الزلات عند وقوعهـــــــــا

من شان تصفي لك عباد الله يامنك صفيـــــت =(14) من لاتواضع للبشر صعبه يجي متبوعهـا

تر التواضع من صفات اهل الرجوله ياقويــت =(15) والكبر من طبع اللأم الي قليل سنوعهـــــا

اصحى تعيل ولاتهاون بالشدايد يا بتليـــــــــت =(16) لاخير برجالٍ تشح اكواعها عن بوعهـــا

[مشعل عسام التريباني]

بسم الله الرحمن الرحيم

لشاعر\ مشعل عسام التريباني الشمري
(( دجاج طلع تو))..


وشيب عيني من دجاجٍ طلع تــــــو (1)= الاصل مسلم والطبايع غريبـــــــــه

يلبس لباسٍ يظهر الخزي والســـــو (2)= ماباقيٍ ياكود يلبس صليبـــــــــــــه

ناسٍ بقاموس النصارا تحلـــــــــــّو (3)= مصيبتٍ ياكبرها من مصيبــــــــــه

من منهج الاجداد والديـــن ملّــــــــو(4)= واستبدلو بالعز ذل ٍوخيبــــــــــــــه

وعن الشهامه والكرامـــــه تخلّــــــو(5)= وردو على عد الخزا والغليبــــــــه

عن منهج اهل الخيرصدو و ولّـــــو (6) =عد المذلّه واردينٍ قليبـــــــــــــــــه

استبعدو عن مسلك الخيــر واقفـــــو (7)= منظرخزي مندون شكٍ وريبـــــــه

غبرٍ مناظرهم عن الخير رغبـــــــو (8)= نسيو حياهم والمناظركئيبـــــــــــه

ومن الحيا والدين كلّــــــــه تعـــــرّو (9)= مايصادقون الا الوجيه الشحيبــــه

مثل الخشاش اللي تواقع على الضّو (10) =طنافسٍ تاقع بوسط اللهيبــــــــــه

خشاش ليلٍ ويــــــن ماراح يلهــــــو (11)=لافرق بين اعداه والاقريبــــــــــه

حل البلا بالي مــــع الجرب شربـــو (12)= والى جهلت الرجل ناظرصحيبه

تر تابعين الشر بــالنار زلـــــّو (13)= ومن ضل في نقرت حضوضى رميبه

هذامثل معروف والناس عرفـــــــو (14) =الجرب ماضنيت يسلم شريبــــــه

ياناس خلّو مقود الشر خلـــــــــــــّو (15)= فرّو عنه لاتدفعون الضريبــــــــه

ناسٍ بقصات النصارا تحلّـــــــــــــو(16)= مرضا قلوب ولايفيده طبيبـــــــــه

حكو شواربهم وللشعــــــــر دلّــــــو (17)= يمشّطونه بالشمطري وطيبـــــــه

وطشّو ملابسهم وللشرت لبســـــــــو(18)= ياللاسف لبس العدا وشتبيبــــــــه

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
((انا سعودي))
((انا سعودي)) ..

انا سعودي وافتخر وارفع الــــراس=في كلمة التوحيد يرفع علمنـــــــاء
دار السعود اللي لهم تخضع النــاس=في ضلهم كل الدول تحترمنـــــــاء
نسل الزعيم الفيصلي طيّـب الساس=اللي بتطبيق الشريعه حكمنـــــــــاء
بيّن معالمهاعلى قــــــــب الافراس=وعم الامان الدار يوم استلمنــــــاء
من بعد ماكنا حزابات واجنـــــــاس=شتّا قلوبٍ والجهل يقتحمنـــــــــــاء
لملم شتات المملكه عقب الايـــــاس=وعلى التسامح قادنا واستقمنـــــــاء
اسس لنا دوله توثـّق علـــــــى ساس=جمع القلوب ولاتفرّق حزمنـــــــاء
صليب راسٍ بالمهمات مقباس=اناشهد ان الله بحكمه رحمناء
عم الامان بدارنا وارتفع راس=وفي ضل عبدالله وسلطان نمناء
نرقد بضل اخوان نوره بلا باس=في ضلهم نرتع وكلٍ حشمناء
نرقد هيت في ضل لبّاست الطاس=والى زما العايل على طول زمناء
من فضل ربٍ خالقٍ كل الاجناس=لعل رب البيت يحفظ نعمناء
حنّا جسد واحد وابو متعب الـراس=ونفخر بخدمة راسنا يازهمناء
مانطاوع الحاسد ولا نطيع بــــلاّ= وفي سوق معهم مانبيّع ذممنـاء
مانستمع لهل التطرف والانجــــاس=والغدر ماهو من مبادي شيمنـاء
نبقا لحكام الوطن دوم حــــــــــراس=والمعتدي ناطاعليه بقدمنــــاء
ياللي تبيع النفس في سوق الافــلاس=كم عايلاً قبلك لخشمه خزمنــــاء
لا للتطرّف ياعديمين الاحســــــــاس=لوتدفعون اموالكم مانقسمنــــــاء
خدمتو العدوان في شيل الاكبــــــاس=يامحرقين الروح حنا فهمنـــــــاء
انتم مساكينٍ تبنّوكـــــم اخســـــــــاس=وحنا لموضوع المعادي حسمناء
اصحو من الكابوس يذنـــاب الادناس=تبون عدوان العرب تلتهمنــــــاء
ياهل العقول اللي بالادران غطــــاس=تخسى يديكم ماتنجّس حرمنــــاء
اشبال حنّا ماتخوّفنا الابســــــــــــاس=ماتنثني وقت اللوازم هممنـــــــاء

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري
((شباب المملكه))

شباب المملكه ..


ياشباب المملكه صــــونـــو بــلد كم (1) =احفظـــــو نعمة بلد كم مـــن عداكم

لاتطــــيعون العدا يقضــــي سعدكم (2)= العــــدو ودّه على الضــــيق يحداكــم

العدو وده مـــــــن الخــير يحسدكم (3) =يوم ربـــــــــي حارمه وانتم عطاكـم

فاسد الذمّه يبـــــــي يضعف جهدكم (4) =لـــين يســـــــهل صيدكم عند قبلاكـم

وان تســـــاهلتو معه قامــــوجلد كم (5)= ياتســــاهلـــتو مـــــع الخاين كلاكـم

كل مـــأ سبل زرعكم قام وحصدكم (6) =لـــــــين عقب العز ينقص مستواكـم

وياتولاّكــم عــن العـــــالم فــرد كم (7) =مع طـــــــريق التهلكه يقلع مـــداكـم

ويانفرد فيكم يبـــــــــي يقطع مددكم (8) =وعـــن طـــريق الخيرللشر يـحداكـم

ينفـــرد فــــيكم عــن العالم وحـد كم (9) =عــن عــــيون الخــــيرحـتى لاتراكم

عن عــــيون الناصح اللـــي ينتقد كم (10)= يـــبتــعد مـــن شان لايسهل دواكم

ويامـــــلـكّــــم ثم وثـّق فــــي وتد كم (11) =ايتطــــمّن بعـد مــا وكّـد عمــــاكم

قاد كم للمــــجــــزره ثمٍ جــــــرد كم (12) =وشــــب ناره ثم في وسطـه رماكم

وياتعـــذرتو بـــتدبــيره جـــحـــد كم (13)= لــو طلـــبتو منه ميّه مـــاعــــطاكم

وان تورطــــتو يخلـــيكم وحـــــد كم (14)= بــاتفه الاثـمــــــان باع ولاشـــراكم

جاب سكــــينه بعـــد جـــوّد عقـــد كم (15) =وصار يقطع من لحمكم واشتـــواكم

وبعــــدهذا لــو هلكـــتو مــــافقـــد كم (16)=غــير ابـــوكم وامــــكم محـــدٍ نعاكم

هم ذراكــم هــم تقــــاكــم هــم سـند كم (17)= مــــاجفــوكم مثل من منهــو جفاكــم

[مشعل عسام التريباني]

بسم الله الرحمن الرحيم

الشاعر\ مشعل عسّام التريباني الشمري


(( فرّو من المشبوه))



شـــبابنا ياهل العـــــقول السلـــيمه=فرّو مــــن المشـبوه لاتقــــربونه
لاتقـــربون اهل العــــقول السقيمه=اصحو مــــن المجذوم لاتصحبونه
فــــي صحبة المجذوم هم وهزيمه=وفي صحبة المجذوم تلقا المهونه
ياصــــارلاعــــزّه ولافــيه شــيم= تبّت يداللـــي مسلكه يســــــلكونه
اللــــي شـــرا بالمال شئم الجريمه=عــيــب وحرام بمالهم يشـــترونه
ياللي جدعت النفس باوسط جحيمه=متــــــــى طريق المهزله تتركونه
الـــى غزى الغازي يجيب الغنيمه=وانتم يالــيت العــيب ماتكســـبونه
ادخل علـــى الله عن كلام الظليمه=فـــيكم رجالٍ روســـــــنا يرفعونه
اناقصـــداللـــــــي بايعين الحشيمه=اللــــــــي ســـــمومٍ للبشريحملونه
لاتقــــربون اهل الصفات الذميم= حــذراتجـــون لــمنهجٍ ينهجــونه
حذرايزجّك فاســــــقٍ في حطيمه=كم واحـــدٍ بالتهــلكه يـــــجدعونه
تنبّهـــو ياهــل العـــقول الفهــــيمه=لاتقــــربون الســـــــــم لاتقربونه
كم مدمنٍ باع الشـــرف دون قيمه=اقــفــو علـــيه بشـــرّهم يسحبونه
وكم واحـــدٍ تعرض عليه العزيمه=والـــــــــى تدهورتقل مايعرفونه
خباث النفوس اشرورهم مستديمه=لاكــــثّر الله شكلــــــها من نمونه
هــذا ندا لـــهل القلـــوب السلــيمه=راع المــخدّرلازمــــن تــنــبذونه
ادخل علــى محي العظام الرميمه=عســــــــاه يرعى عيالنا في عيونه

[مشعل عسام التريباني]

بسم الله الرحمن الرحيم

الشاعر \مشعل عسام التريباني الشمري


وصف القهوه ..

ماحلى ياجبت عذبــــــــــات الدلال = مغترات اللون نزهات الجنـــــــاب

كنهن مــــن ذو دهتاش الرمــــــال = مغتراتن لونهن هــــــــدف الرقا ب

هن جميلا تن وزود هـــــن جما ل = عند رجل للخساره مايــــــــــــــهاب

دايم في مجلسه تلقاء الرجـــــــــال = ماوضع من دونهن ضبـــــــــه وباب

عب مي الكيف من عـــذ ب زلا ل = واركهن نــــــــار عواقبهــــاالتهاب

وحط من حب الحبش يابن الحلا ل = ويرزقك رب البشــــرمنش السحا ب

يرزقك ربن سمع مشي النمـــــــال = كافل رزق البشرمــــــرس الهضاب

وياحمسته ثــم دخل فيهــــــا شعال = نقها مــــــــن كل حبه بـــــــه خراب

وكان تبغاءرونق الكيف ا لكمــــال = دقهـــــا بالنجرتحلــــــــوللشـــــراب

ولا تبهربا لمبيض لـــــه حثـــــال = ولايجيهاالقرف يخربهـــــاخــــراب

بهره بالهيل تطلع عــــــال عــــال = وزعفران ايران تطلع كالخضـــاب

ثم وقف به علــــــى روس الرجال = وصبها للي يحملون الصعـــــــــاب

الرجال اللـــــي سوالفهم جـــــزال = شوفهم يطرد كثيـــــرالاكتئــــــا ب

وافتح الابواب لكرام السبــــــــــال = وحي باللي جاء ولاتكثرعتـــــــاب

صدق من قال الرجال من الشمـال = ومن بغى البل من جنوب الدارجاب

كل نفس منتهاهاء للــــــــــــــزوال = وتر مصير العبد يرجع للتـــــراب

يمدح الرجال ياجاله مجـــــــــــــال = بالكرم والجـــود والهرج الصواب

الكرم صبروجلا د ه واحتمـــــــــال = راس عيطا ماوصلهـــا الاالعقـاب

لـــــو كثيرالناس للــــــــــــعليا ينال = كــــــان ماجــــاء للردا بالقاع باب

كان كل يستزيد مــــــــــــن الجزال = ماتــــــلاقي واحد ماعاد طـــــاب

[مشعل عسام التريباني]

(( بســــم الله الرحمــــن الرحيـــــم ))

الشاعر\مشعـــل عســام التريباني الشمـــّري

(( جرمني الصنع ))



راكب اللي من بلد هتلــــــــرورد=جرمني الصنــــــــــــع توّه ورّدوه
مصنع الالمان باالصنع انفـــــرد=مركبٍ لاهل الفخامه صمّمـــــــوه
حلو مشيه يوم بالخط انجــــــــرد=كنه اللي تل سبقه واطلقـــــــــوه
ارخمٍ لونه تقل قطعة بـــــــــــرد=صنعة اللي حرّق الـــلي حاربــوه
مع سواد القارماجاله طــــــــــرد=يخلف الرادار واللي برمجـــــوه
سايقه لوقيل له قف مايــــــــــرد=جرمني مايفتهم لوكلّمــــــــــــوه
ياعطى الخط الطويل المجرهــــد=يعجل اللي بالعيون يناظـــــــروه
كن زوله زول شيخٍ مع جــــــرد=فازعٍ في مشكلة ربعٍ نخـــــــــوه
وكن حسّه يوم بالخط انســــــرد=حس زلزال الرعد يــوم سمـعـوه
افنسٍ خشمه مثل خشم الاســــد=يجلب الانظار للــــــــي طالـعوه
مايسومونه مسوّمة الخــــــرد=لويجي من عندهم مــاساومـوه
لن سعره مايقدّر له عــــــــــدد=يتعب الصراف واللــــي حسّبوه
لوتعد السعر تغلط بالعـــــــــدد=كود شيكٍ بالرصيد يجيّــــّــــروه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني ا لشمري

(( اصناف الرجال))



انااللـــى اخذت القلم بيـــن اناملـــــــــي=اصخر القيفان ليــــن اتطيــــــع
اصوغ القوافـــي واتفنن بصوغهـــــــا=صوغ الذهب في معمل التصنيع
انظـــــم دررمن ضامــــرٍ قادرٍ لهــــــا=جواهرٍ نوعتــــــــها تنويـــــــــع
ماكل من راد المراجل ينولهـــــــــــــا=ولاكـــــــل قـــاري يفهم التشريع
لوكل من يهواء الرجوله ينولهــــــــــا=مــــا صاربه عالي وبـــه وضيع
ترا الرجال اشكـــــــال ياجاهلٍ بهـــــا=اصقور بــــــــه حرٍ وفيه اتبيـــــع
فيهم كما الحر النداوي الــــــــى هواء=جول الحبـــــــاري مزغه تمزيع
حرٍ إلى شالوعـــــن الراس برقعـــــه=على الحباري صـــارمــــــن بتيع
يهوم في جــــــــو السماء ليــــن يتقي=ثمٍ على الصيده يجيك مريــــــــع
وبعض الرجال اتبيع تجيك صيدتــه=خشاش قاعٍ جمعه تجميـــــــــــع
وفيهم كماضلعٍ صعيبٍ ومعتلـــــــي=وفيهم خبيلٍ ضنوته ضريــــــع
وترا الذهب غالي ولوضامه الدهـــر=والصفرماينفع بـــــه التلميــــــع
ولاكل ماشفته بعينك مـــــــن الزهر= يصير بعيون الرجال ربيــــــــــع
ومن يزرع الريحان يحصد مثلـــــه=واللي زرع شوكٍ حصد نقيـــــع
ويقولون من راز المصاعب وهابها=مثل اللذي باع المراجل بيـــــــع
ومن طاوع النفس الحقيره تذلـــــــه=ترميه في بحر الخناء ويضيــع
اللي يطيع النفس ماجاب طولــــــــه=ولايستطيع المـــرقب الرفيــــــع
اصبرعلى كود المراجل تنولهـــــــا=خلك علـــى كسب العــــلا شجيع
يارب تعصمني من ا لزيغ والزلـــل=انـــــــــك قديرٍ عالمٍ سميـــــــــع
وصلاة ربي عد ماهل المطــــــــــر=علــــــــى نبــــــيٍ لمته شفيــــع

[مشعل عسام التريباني]

بسم الله الرحمن الرحيم
الشاعر/ مشعل عسام التريباني الشمر

رغبة النفس ..


اعوذ بالرحمن من حضرت ابليـس=اللي بسط سبـع وسبـع بناها
سميت بسمه عن كثير الوساويـس=ومن شر حساد كثيراغثاها
ومن بعدها جبت القلم والقراطيـس=وسطرت قيفان قليل خطاها
ماني من اللي حوس الهرج تحويـس=اللي هروجه ناقصن مستواهاا
نفسي عزيزه ماتحب الدحاويـس=ترغب رفاع النايفه عن وطاها
ياحلو ياقلطت زين المحامـيس=واركيتها ناراتلهب سناها
وخذيت بالكفين من فرعة الكيس=وعلى قدرحمستك حطيت ماها
ودنيت صفرا مهدفات مناعيـس=واركيتهن وسط الجحيم ولضاها
فنجالهن يجلى كثير العواميـــس=ويشف النفوس اللي تزايد عياها
وفي مجلسك صكو عليك السناعـيـس=كرام النفوس اللي يونس لقاها
اعيال عمي كاسبين النواميـس=نفخربجمعا لابتي وانتباها
مجالسن مابه هروجن دنافيــس=مجالسن يدله بها من نصاها
الكل منهم يازن الهرج ويقيــس=مقدار لفظة كلمته عن خطاها
قصيرهم ماجاه منهم حواسيـس=معهم يسج وديرته مابغاها
في شوفهم نطرد كثير الهواجيس= تسلا بهم نفسي وتنسى شقاها
في وسطهم مافيه حاسد و بلـيــس=النفس جمعا لابتي هي دواها
ماللحسد بصدور ربعي مجاليــس=صافين الانفس والحسد ما غشاها
ساس الوفا ربعي بعاد المناطيــس=إمعطرت روس النمش من عداها
ياجا نهار فيه كسب ومفاليـس=عدوهم بالكون نفسه نساها
احبهم حب بــليـاء مقايــيــس=ولا خير باللي لابته ما بغاها

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري


مراكب الاشعار

البارحة سيرت في يم الابحــــــار=مراكب التفكيــــر ليـــــــن ابحرنـّــــا
ياغاص غواص البحرجاب محّار=واناجنيت مــــــــن البحر كـــل فنـّــــا
ابيات شعرٍ كنهـــــن درالابكـــــار=ابكار في نبت الخطـــــــر يرتعنـّـــا
والذ من طعم العســــل عنـد عطار=مني علـــــى بيض الــــورق سطّرنّا
ابيات سجّل به تفاسيـــر واخبـــــار=ابيات منـــــي للوفـــــــي يرسلنـّــــا
لبوطلال اباكتب الشعرواختـــــــار=فرايده حيثـــــه لشعـــري مظنـّــــــا
واقول يامشكاي يانســـل الاخيــــار=بالتلفــــزه فعـــــل اليهودي شحنـّــا
مايحترم كهلٍ ولايرحــــم اصغــــار=اسهــــال غزّه بالدمـــــا لطخنـّـــــا
تقول منظر مجـــــزره عند جــــزّار=ذبايــــــــحٍ للمعتـــــــدي قدّمنـّـــــا
بالبر دبابــــه وبالجــــــو طيّـــــــــار=والبحـــر سفــــنٍ بالحمـــم يقذفنّا
ليــــن السماحمّر مــن العـج والنــــار=الغرب يامشكاي دمّـــــــــروطنّا
مناظــــرٍ فيهــــا التفاكيــــر تحتــــار=مناظرٍ منــــها العقـــــول افزعنّا
وين العرب وشلون مـــاتاخــــذ الثار=ماشافو المكار كيـــــــف امتحنـّــا
يـــــالله يالمعبــــود يالنافــع الضــــار=يــــارب ترفع كيد الاحقاد عنّـــا
ياعالــــــمٍ ماكان تخفيه الاســــــــرار=ارحم ضعيفٍ مـــــن بلاهم يونّا
يامهلكٍ فرعون منجي هــــــلا الغــــار=علام مـــــاوسط الظماير يكنـّــا
لطفك بهم ياعالـــــــمٍ كـــــل ماصــار=ياعالــــــم الاسرار لــــوغمغمنّا
من للظعيف اللي شكــــى كيد الاشرار=ومن للعجوز اللي دموعه فضنّا
غير انت يالمعبـــــــود يـــاخير نصّـار=اليــــــك نجوانـــــا ويمّك زبنـّا
وصلات ربـــــــي عد همّــــل الامطار=على الرسول اعداد مايهملنّــــــا

[مشعل عسام التريباني]

بسم الله الرحمن الرحيم

الشاعر مشعل عسام التريباني الشمري
((الدغيرات اولاد علي))

الدغيرات اولاد علي ..


حنا عيال الشايب المقدام سترالمترفـــــــــــات= علي صليب الراس جدّي وافتخر في منسبي

دغيرات حنــــــــا يا ركبنا فوق قبٍ مسرجات =)نرد المنايا مانهاب الموت دون اللي نبـــــــي

افعالنــــــا مبطي تداولها دواوين الــــــــروات = اعرف تر التاريخ في فعل الدغيري معجبـي

نرسي كما ترس الجبال الشم وقت اللازامــات = في ساعةٍ فيها تزوغ اذهان ويشيب الصبــي

وقت المعارك مانهاب الموت شجعانٍ دهــــات = يكفي فخرمفتاح والمجلا وغيره وشنبــــــي

وبن سعيّد شيخنا مشبــــــــــع ذيابٍ جايعــــات = اللي ظهر ذكره مع الاقراب هم والاجنبـــي

ومنا البطل فايد وابو حاجر زبون الجاذيـــــات = اللي خيول القوم بالميدان يسبونه سبــــــــي

حنا نبيع الروح مندون الجبال النايفـــــــــــــات = ومن لايعرف افعالنا هذاك نعتبره غبـــــــي

حنا دروع الدار يوم ان الليالي مغبـــــــــــرات = نسقي حصاها الدم والارواح لجله تذهبـــــي

خفاف النفوس مدلّهين الجارعطبين الهـــــوات = نهرٍ تدفـّق في لذيذ الشهد حلو المشربـــــي

ببيوتنا تلقا الذرا هو والمكارم والعلوم الغانمات = وسوالفٍ ترخالها اسماع الرجال وتطربـي

فينا الكرم وهبه من الله صح دون مجامـــــلات= ماقصدنا نكرم ندوّر جاه والاّ منصبــــــــي

ماعندنا ثروه سوا كسب العلوم الطايـــــــــلات = والى تعبت ادوّر الطولات مخلوف تعبــــي

ربعي هلا الطولات من يومنّها رمح وقنـــــات (= ياصحف بثـّي مانقول وياجرايدنـــــا اكتبـي

مافيه عيب الى كتبت بلابتي شيّن ثبــــــــــــات = ولاهظمت احقوق خلق الله ولااحــب اكذبي

كل القبايل تمتلك نفس المبادي والصفــــــــــات = ادخل على الله والظليمــــــــه مايقرّه مذهبي

لكن نويت اكتب وابيّن لي حقايق غايبـــــــــات = مالي سوا توضيح ماقلته مــــــــرام ومطلبي

اخاف مع طول الزمن تنسى الفعــــول الاولات= تنسخ جزيلات الفعايل والحقايق تحجبــــــي

وتمة وصلى الله على المختار ما خظّر نبــــات= آمنت بالله رب لا غيره وبمحمد نبـــــــــــي

صلو عليه وسلمو عد النجوم الساهـــــــــــرات = وعداد قطرات البحار وعد مرسى مركبــي

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري


دار حاتم ..

سقاك الغيث يادارالجدودومنبع الامجـــــاد =سقاك الله من مزن يهيل القلب ربانــــــــــــــــه

سقاك الغيث يادارالكرم من سالف الاجــداد =سقاك الوابل الصيب من المعبودسبحانـــــــــــه

سقاك الغيث من غرالمزون المردم الرعــاد = حقوق صادق يضفي على ظلعه ووديانـــــــــه

سقاك الله يادارالشهامه من ثمودوعــــــــــاد =سقا لله دارمن رام الكرم شيبه وشبانــــــــــــــه

سقاك الله يادارالكرم في عصر قل الــــــزاد = دياربه يقــــدم للذيــــابه جــل خرفانـــــــــــــه

والا حل اللقى بين الرجال وكثرت الاضـداد = يحدون العدوبمصقلات الهند واسنانــــــــــــــه

كريمين السبال مورثين المجد للاحفــــــــــاد=عسى يسقي وطنهم مدلهم زاددندانـــــــــــــــه

على شان يتخالطبه كثيرالعشــــــب والاوراد = تخالطبه زهور العشب فيها تذهل الوانـــــــه

يجيك النبت بالريضان يشبه فرشة السجــــاد = يغط القاع ماتعرف محاجرها وشعبانـــــــــــه

ولاهب الشمال وفاح ريح العشـــــــــب ثم زاد=تعالجبه قلوب من قديم الوقت مرضانـــــــــه

تلاقيبه طيورجرت الالحان بالزغــــــــــــــراد= ولابان الفضى فيها ام سالم تزعج الحانـــــــه

تجر الصوت من فضل الكريم الواحدالجـــــواد= وسيع المد ماينقص رصيده عالين شانـــــــه

احب ديارهم لوكان عنها حدني حــــــــــــــــداد= احباجبالها واحب شعبانه وسكانــــــــــــــــه

هواها بلسم شافي يعالج علة الاكبــــــــــــــــــاد= وريح المسك نفحات الهوى مع وسط ريعانه

وحصاها اغلا منالفضه بيد الصيرف النقــــــاد = واحب من الذهب عندي رجح بالقلب ميزانه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((شاقني مزنٍ تزبر وفيه البرق لاح))

شاقني مزنٍ تزبر وفيه البرق لاح ..

شـــاقنـــي مزنٍ تزبّروفـــــــيه البرق لاح = وانتـــثر ميّه علـــــــى قمة الظلع الحمـــر

راكد ٍمــــــزنه ولاهــــــزته هــوج الرياح =راكدٍ مــــــزنه وركّــــــــزوخيّم وانهمـــر

من غياب الشمس حتــى قبل وقت الصباح= لــــين كل الاوديه زاد ســـــــيله وانحـد ر

اشهد انه متعت النفــس واصل الانشــــراح =يوم سيله يجرف الارض ويشيل الحجــر

ويوم ثامن قامت الارض فـــي لبس الوشاح = لبســــــة الحلّه وملبوســـــها كلّه خضــر

كل وادي بــالخــزاما وريح الـــورد فــــاح= واخــتلط به عـــدة الوان من ورد وزهـر

اختلط به زاكــــي الورد مـــــن كل النواح = والنفل ريحه يغطــــي علـــى ريح العطر

وام سالم جرّت الصــــــــوت بلحونٍ ملاح = تزعج الزغــروت من فوق عيدان السدر

ياحلـــومع طلعة الشمس به طش الطــياح = اشهدان بشــــــوف الاذواد زودٍ للعــمـــر

وياحلو به شـــــبّة النار بالــــواد البـــــــياح = الوقود الرمث والمـــــــي من مي المطر

يابعــد فيحـــا ونـــوفا وما مــــيّة نســـــــاح = ويابعد شوف المدينه ومحـــــلول البحر

واهنـــــي من يكحل العين في نبت البراح = قبل عمـــــر الادمــــــي لا يوافيه القدر

مــــايشــــاهــد نــــور لنبه ولابه نور لاح = مايشاهد نور حــوله سوى نور القمــــر

[مشعل عسام التريباني]

بســــــــــــم الله الرحمــــــــن الرجيـــــــم

الشاعر\مشعل عسام الشمري



مذبحة غزه ..

ياعربنا ناظـــــــرو كل كل ماصار وجرى=يوم رايس شنت الحرب مع جيش اليهـــود
اهل غزه عايشينٍ ببرد وفــــــي عرى=مزقوهم شلـــــــة الشر واحفاد القـــــــرود
يابو متعب جرح الاسلام ينزف مابــرى=بوش جرّع جمـــــع الاسلام سمٍ بالكبـــــود
صاريمشي في وطنا ويفعــــل مايـرى=مايقدّر راي الامــــــه ولا ينظــــــــرعهود
في وطنا البوش ياسيدي بـــاع وشـرى=وانحدر ببلادنــــا واليهـــــودي في صعود
ابتلع بغداد والناس بعيونـــــه تــــــرى=قال ذابغداد بــــــه قوّتٍ مالـــــه حـــــــدود
زيّنه للمرت والمــــرت يعمل ماطـرى=دك غزه دكهـــــا دون شـــــرطٍ اوقيـــــود
اليهودي دك غزه سهلهـــا والقـــــــرى=لين كل بـــــــلاد الاسلام جمدها جمــــــود
والكفاح عن المحارم يسمّـــــى منكـرى=ومذبحة غزه تسمّـى كفاح عـــن الحـــدود
اسال المعبود منجي نبيّه فـــــــي حرى=ينتقم منهم مثـــــل مادمرعــــاد وثمـــود
ياجليل الملك فالق لموســــــى الابحرى=ياعزيزالجاه يالله يـــــــاالحـــــي الودود
ياالهٍ فـــــي نبيّه مـــــن المقدس ســـرى=تنتقم لطفــــال غزه من الخصم اللـــدود
انت مزبان الضعيّف ولاغيـــــرك ذرى=وانت من غيرك يزبّن ضعيفين الجهود
مـــــن لجابحماك ياربنــــــا مايقهــــرى=من لجابحماك يبشر بنصرك والصمـود
وانت من غيرك لنصرت عبادك يقدرى=كل وجهٍ غير وجهك يبين بالصــــــدود
يالله إنك تنصر الديـــــــــن يارب البرى=تقبل الدعوات من طالبك وقت السجـود
كل ضالم يالله انك لجيشه تدحــــــــــرى=يالله إنك تمسح الضالمين من الوجـــود

[مشعل عسام التريباني]

بسم الله الرحمن الرحيم

هذه مجاراتي للاخت مها الليل بناء على طلبها ارجو ان تنال اعجابها واعجاب الاخرين




مجارات مها الليل ..

ياراكب اللي بعيد الدار يطويها=يقطع بعيد الديار ويطوي افجوجه
يشبه تهصّرهنوفٍ عند غاليها=تسرق نظرها لخلٍ تغلي اهروجه
تسرق نظرها وتغضي يانظر فيها=وتطرق برمش العيون اللي زها روجه
ياراكبه وصّل ابياتٍ مسوّيها=ابيات شعرٍ بزري الماس منسوجه
للي طلب مني ابياته نجاريها=وصّل بيوتٍ بريح المسك ممزوجه
جتني بيوتك وشاقتني معانيها=كن النحل في بيوتك حط منتوجه
ياحلو منك البيوت اللي كتبتيها=تشبه عقود الذهب في محكم ادروجه
ياحي نظم البيوت وحي راعيها=يامسوي القاف حذرى تخلف الموجه
قوافيٍ تعجب السامع وقاريها=ابكار قدامنـــا ماهي بمسهوجه
يا بنت نظم القوافي فايزٍ فيها=من صغر سني سكنت بعالي بروجه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



فيلسوف الشعر ..

تسير البواخر بالقوافي وانا الربـــــــان = اقود السفينه يالله انك تنجّيهـــــــــــا

انا فيلسوف الشعر وامروّض القيفــــان = طبيب القوافي ياتعذر مداويهــــــــا

اسوق القوافي بالقلم كنها الذيــــــــــدان = واذوادنا من صافي الجم نرويهـــــا

اصخر بيوتي واعتنيبه عن النقصــــان= نوادرٍ من قمّة الشعر ناقيهـــــــــــــا

اسرج خيول الشعر وادخل بها الميـدان = وافخر بها ياجامع الناس طاريهـــــا

الــى طرقت الشعر ترخالــــــــه الاذان = تطرب لها اسماع البشر يوم توحيها

فارس شعر وادلي برمحي مع الفرسان = ومن يحمل الحربه لزومٍ يحنّيهـــــــا

ارسي الى هز الهوى ليّن الاغصـــــان = الريح ماحرّك شوامخ رواسيهــــــــا

اقلّد قصيدي غالي اللول والمرجــــــان = ياما تجي بنتٍ تزيّن لمغليهـــــــــــــا

وانثرعليها الورد والمسك والريحــــان = واكحل عيونه واعمي اللي يعاديها

انا الى سقت القوافي يجي له شــــــــان = مثايلٍ يضحك طرب من يجاريهــا

لي بصمةٍ بالشعر تبصربها العميــــــان = واتعزّها كل المسامع وتغليهـــــــا

ماقول انا اللي حاكم الشعر والقيفــــــان = غيري من الشعّار تصعب قوافيها

غيري من الشعّار من يذهل الاذهـــــان = طوفان بحر امواج محدٍ يواليهــــا

لكن قصيدي كفو وانا ولد دهمــــــــــان = لي الجزيله والهزيله لراعيهـــــــا

سلايل رجالٍ باللقا تهزم العــــــــــدوان= قبيلةٍ ياسعد من يعتزي فيهــــــــــا

نارد نهار الكون ياهابو الشــــــــــردان = وسيوفنا من دم الاعدى نروّيهـــــا

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه القصيده اول بيتين منها كانة مساجله كتبتها في قسم المساجلات الشعريه ورد عليها الشاعر \الطناوي وبعدين اعجبتني وسويت عليها قصيده ارجو ان تنال اعجاب الجميع

خط القلم ..

خط القلم بالبوك والحــبرخطّا= من ضامرٍ فيه القوافـــــــي نشاطـــي

بالمسك والريحان ريحه يعطّا = وسط الحروف الطيب ريحه يعاطـــي

اناحمد الله هامتــــــــي ماتوطّا = والراس عالــــــي فوق مهو بواطــي

لي بصمةٍ بالشعـــــــرماتنتغطّا = اضع على روس الحروف النقاطــي

هاتو ثلاثٍ كنهــــــن لـــون بطّا = بيضٍ مهاديفٍ ســــوات البطاطــــي

وامل الكفوف بحب صنعا وحطّا= واصحـــى تفكّر ينقص الاحتياطـي

الرزق عنداللــي لك الرزق خطّا = رب العباداللـــي بالارزاق احاطـي

الله كتــــب رزقك قـــــبل لاتحطّا =وغير التوكل مايحط اشـــــتراطي

حذراك عـن درب الرجوله تحطّا= وعــــــن الرجوله لايجيبك تواطي

الحر فــــــي روس الشوامخ ينطّا = والبوم دايم بالطمان امتواطـــــي

لوجاك مــن قال انت فعلك مخطّا= احذرتسمّع فـــــي كثير الخراطـي

لاتسمع اللــــــــي بالرزاله موطّا = يحط له جحرٍ ســـوات الرهاطـي

ويلبد وياجا العصــــر سيّح وقطّا = تقول بسٍ شم ريح الشـــــــواطي

وعن المــراجل كن وجهه يصطّا = ماهو لجمعات الرجال اختلاطـي

هذاك ودك بالبحــــرله تقــــــــطّا = تلعف به الحيتان وسط الشواطي

حيث الرداله فــــــي جبينه محطّا = لاكثرالله بالبلاد الســــقاطـــــــي

ليت الردي بين الحـــواجب يشطّا = وسمٍ يبين فـــــي جبينه مساطــي

وليت الــردي ماله بنجدٍ محــــطّا =الناشف اللـــــي خبزته ماتهاطــي

شومـــــــن عنه يالابسات المغطّا = شومن عنه يالابسات المغاطــــي

الــــرس نبعه ماروي منه قـــــطّا = والماس ماتوصف عليه القواطـي

[مشعل عسام التريباني]

(( بســـــم الله الرحمــــن الرحيـــــم ))

الشاعر\ مشعــل عسـام التريباني الشمـري

الاياقلب ..

الا ياقلب هيـــّـــد وارجهنــــــّــي= ولا تشــقــــى بحيّن ماشقابـــــك

صديقٍ مــــــا يبادلك المحبّــــــه= حذورك لاتنزل لــــــه جنابـــــك

تراشوف الردي هـــــون ومذلّه = يغرّك كل مابـــــان الشقابـــــــك

مثـــــــل جرفٍ هيار ِياوطيتـــــه =هيارالجال يادستــــــه هفابـــــــك

عليك بعشرت البطل المجـــــرب= يخفف عنــــك ياحل البلابــــــــك

خفيف النفس ضرغــــــامِ معرب = صميدع راي للطيب انتحابـــــك

عزيز النفس محمود السجــــــايا= الـــــى جيته تلاقي مرحبابــــــك

صدوقٍ مايعــــــرف الكذب مرّه = الــــى مـــال الدهربك ماجفابــــك

صليب الراي يعطيك المشــــوره = طبيب النفس عالج لك صوابــك

ضحوك السن في كـــل المواضع = نظيف القلب يثربــه مصابـــك

يحب لكل مسلم مثل نفســــــــــه= ولايضحك ***ضك فـي غيابـك

مثل هذا الــــــــى منـّـــك لقيتـــــه = تمسّك فيــــه والعالم تهابـــــك

ترالعالم الـــــى شافوك عنــــده= الــى شافوك قالو مرحبابــــــك

لان اللــــي مثــــل هذايعــــــزّك= تجوّد فيه لاخـــــــاب الرجابـك

[مشعل عسام التريباني]

رد : الواسطه ..
المشاركة الأصلية كتبت بواسطة عبدالله المفضلي

شمطـا عجـوز ابليـس شيـنـة حـلايـا = بـعـيـون طـــلاب المـصـالـح مـلـيـحـه

قـدحـان مــن تعـطـف عليـهـم مـلايـا = ماهيـب مضمـونـه ولا هــي صريـحـه

مــن عـانـدت صـكـت عـلـيـه الـزوايــا = والارض بـأمــرالله فـجــوجً فـسـيـحـه

لـهــا مـــن اخـيــار القـبـايـل ضـحـايـا = وانـصـارهــا الـمـتـرديــه والـنـطـيـحـه

الواسـطـه ســاس الخـطـا والخطـايـا = كـم واحــداً مــن ظلمـهـا تستبيـحـه

تـلـبـس ثـيــاب الـعــز نـــاسً عــرايــا = وتسلب بشوت اهل العقول الرجيحه

تـدخّــلــت بالـمـصـلـحـه والـعـطــايــا= وكـــل الامـــور الـطـيـبـه والقـبـيـحـه

الـواسـطـه تـشـغـل عـقــول الـبـرايـا= صعـبـه بـحـال وحــال تصـبـح مريـحـه

تـصـغـر لـهــا غـصـبـاً كـبــار القـضـايـا = والــلــي يعاندهـاسـريـعـاً مـطـيـحــه

تاصـل شـيـوخ الـقـوم هــم والرعـايـا = تفـعـل ولا تــدرى الخـطـا والفضيـحـه
هذه القصيده مجارات للاخ عبد الله المفضلي حبيت ان اجاريه ولو اني ليس بمستواه ولاكن لاني احبه واحب قصيده
وارجو ان تنال اعجابه واعجاب جميل المشاهدين

بسم الله الرحمن الرحيم

الشاعر / مشعل عسام التريباني الشمري

(( الواسطه ))



الواسطــــــــــه شرٍ كبير الدهايــــــــا= شمطاء عجوز ابليس غبرا قبيحــــه

حطت رجالٍ يحتمــــون الرعايــــــــا= واللاش فيها يعتلي فــــي مديحـــــــه

عز الله انـــــــه من كبار البلايـــــــــا = مادام حــــــــــق الادمي تستبيحـــــه

رحنــــــا ضحية محتوين الهدايـــــــــا= وتخفى حقوق اهل الحقوق الصريحه

من لا عطا الجزار بعض الشوايــــــا = يضيّع الجزار كــــــــل الذبيحــــــــه

معاملات الناس رهن الزوايــــــــــــا = تاخذ سنينٍ بالزوايـــــــا طريحــــــــه

سيطر على الدنيا خباث النوايــــــــــا = لا كثر الله شكلهـــــــا من شريحــــــه

الواسطه دبة وحنا الضحايــــــــــــــا= من ينقذ العالم ويرفى مطيحـــــــــــــه

من لا يخاف الله يسوي سوايـــــــــــا= هذا يصلح لــــــــــه والاخر يزيحــــه

ناسٍ تبطّن داخل الحق سايــــــــــــــا = وعلى حساب الناس تبنــــــي مديحه

من عاشر المنكر يروم الخطايــــــــا = يدمن على الحرجه ويعتـــاد ريحـــه

ترى الرسول اوصى وظمن الوصايا = لا تدخل الجربى مراح الصحيحــــه

ولا توكل الاشياء ضعيف الولايــــــا = ويد الصخاء ما تستوي للشحيحــــــه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



((ماتشب النار من نفخ اشرمي)) ..

ياولد هو ليش يزعلك الصحيـــح = وليش انا مازعل بنقدك لقلمــــــــــي

وليش ما تأتي مع العالم صريــح = وليش تاتي فــــــي كلامٍ مدغمـــــــي

اعرف ان الناس ماتخدم شحيــح= لا تصير اصــــــــــم واعما وابكمـي

ولاتظنّك كل نطقك بالفصيـــــــح = وكل مــــــــن حولك تكلّم باعجمــــي

ولا توقّع كل ماقلتــــه مليـــــــــح= وكل من حولك غبــــــي مايفهمـــــي

كان ماتقدر على الجزل استريــح = ماتشب النار مــــــن نفخ اشرمـــــــي

امش سيده وانتبه واحذر تطيــــح = الطريق الي سلكتــــــــــه مظلمـــــــي

سد بابك لايجيلك منه ريـــــــــــح = واستريح من البلاوي واسلمـــــــــــي

الذيابه ماتخاف من النبيــــــــــــح= مايهاب الذيب كود من الرمــــــــــــي

ماكتبت الشعر ادور به مديـــــــح= وعن طريق الحق مازل قدمـــــــــي

انت مثل الي يعبدون الضريـــــح =عن طريق الحق عينينك عمـــــــــــي

في عيونك كل من حولك قبيـــــح = وكل هرج ٍ غير هرجك مبهمــــــــي

والصراحه مايصح الا الصحيــح = من طهر قلبه يصيــــــر المكرمـــــي

الحسد خيّم على القلب الجريـــــح = وصار قلبك بالحسد يزمي زمــــــــي

وصرت تنظر بالعيون ولك فحيح =وصرت من زود الغضب تطمي طمي

والله اني ما انحنيلك لو تصيــــــح = مااترك الثعبان ينهــــــش بلحمـــــــي

طيع شوري قر يالوجه الفليـــــــح = قبل لاياصلك رمحي واسهمـــــــــــي

والله اني لك بما قلته صريـــــــــح = وغير هرج الصدق ماينطق فمــــــي

[مشعل عسام التريباني]

بسم الله الرحمن الرحيم

الشاعر / مشعل عسام التريباني الشمري



(( آكل حقوق الأيتام ))
..

قولوا لمن ياكل حقوق اليتامـــــــا (1) لا يامن النكبات من رب الأربـــــــــاب

نفسٍ ذبحها قبل ســــن الفطامـــــا (2) بدون لايوجد مبرر ولا اسبـــــــــــــاب

زيّن له الشيطان طعم الحرامــــــا (3) والله عن حقوق المساكين ماغـــــــــاب

وش عاد لو زكا وصلا وصامــــا (4) مايقبل الله مــــــــــــــد ظالم وكـــــذاب

يزرع وزرعه مقتفيــــه الصراما (5) وحصدت منه ذنوب منها الصبي شـاب

حمّلت نفسك مــن كثير الأثامـــــا (6) ونسيت يومٍ تختلف فيه الأصحــــــــاب

يومٍ تحاسبّه جميــــــع الأنامـــــــا (7) في ساعةٍ به ينتهي دور الانســــــــــاب

تخيّل إنك عند ربــــــــك تقامـــــا (8) ويقال لك جاوب ويعرض لك كتــــــاب

وعن الامانه يسألونـك شمامــــــا (9) امام من كوّنك من مــــــي الاصــــلاب

امام من يحي رميــــم العظامـــــا (10) قيّوم يعلـــــــــم ماتبيّن وما غــــــــاب

وتذكّر إن الله عزيـــــــز المقامــــا (11) هو الذي كونك من حفنة اتــــــــراب

واذكر عجائب قدرته بانتظامـــــا (12) تبصّرو في خلقكم ياهل الالبـــــــــاب

سبحان من يعط العطايا يالجساما (13) صحة عقل تمييّز من عند وهــــــــاب

يمهل ولا يهمل وعدل الحكامــــا (14) ويحاسب المهمل على قدر ما جـــــاب

ومن راح عقله كالنّعم ما يلامـــا (15) مهي تفرّق بين راعي وقصــــــــــــاب

لكن مع العاقل يحل الخصامـــــا (16) مايغفر الله ذنب راعيــــــــه ماتــــــاب

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

قصيده بدون نقط اول مره اكتب على هذا الطرق عسا ان تنال اعجابكم



((قصيده مهمله)) ..
هلاهلا مــــــاهل هـــمال الامـــطـــار=على الطعوس الحمر واهمل هللــــهــــا

واعداد حصو الرمل واعداد الاسطــار= واعداد روس اطوالها مع ســـهلهــــــــا

الصدر ســــرّه راح ووحا للاســــــرار= للسامع اعطا سرّها ماحـــمـــــلهــــــــــا

كل الكرم للدار مع مكــــــــــرم الــدار= حرٍ علــــــــــى داره كساها حللهــــــــا

مكرم كروم المد صـــارم ومــــــــدرار = حــــــرٍ عموله صــــــح محدٍ عملهـــــا

راع الدلال المكرمه مكـــــرم الكــــــار = ماطاوع الحــــــرمه وروحه حكلهــــــا

ماصارله حكّا ومـــــرسال سمســـــــار = روحه مع الحـــــرمه كساها سملهـــــــا

الى سمع حـــس المره واصله طـــــــار = طاع المره مــطـــــــواع مهو هملهـــــا

الى سمع حسّـــه لحس والع الحـــــــــار (9) حــــــر السموم اسعار حـــــرّه دهلهـــا

على الردا وطاّ على العسر الاســــــوار= كل المكارم ســـــــوء عمله طـــــملها

حط الكرم حطّه سلك مسلك العــــــــــار= حط الكرم واهل الكــــــرم ماوصلهـا

رام الردا رامه وهــــــــو للـــــــردا دار = روحه هــــــواها للردا ماعدلهـــــــــا

راعا الردا وده مـــــع الراس مسمــــــار = رصّه مع الهامـــــه وعدّل حولهــــــا

رصّه مع الهامه ولو صار ماصــــــــار = روحه على الطوله حواها كسلهــــــــا

[مشعل عسام التريباني]

بسم الله الرحمن الرحيم

الشاعر / مشعل عسام التريباني الشمري


(( الشيب )) ..

تكفون طيبو باول العمر ياعيــال=ترو اخره مافيه لذه ولا طيــــــــــب

من لا تبيّن باول العمرما طــــال=فعل المراجل عقب ما ناشه الشيـــب

الشيب كم دمّر عزيزين وابطــال=لو بارزو بالفعل جسّاس وكليـــــــب

الشيب للرجّال يوريه الاهـــــوال=يالي تقول الشيب مابه عذاريـــــــب

الشيب يقصر باع ذربين الأفعـال=الّي لهم بالطيب ماضي تجاريــــــب

عيّب ذياب الخيل كسّاب الأنفــال=الفارس المقدام ستر الرعابيـــــــــب

وسعدون في شيبه عليه الدهرمال=شامخ فعل بالشيخ فعل الأعاجيــــب

شامخ نوى يشمخ ويعملّه اعمـــال=لكن تصداله عطيب المضــــــاريب

شله عقاب الخيل حمـــــال الاثقال=وعاف الطماعه يوم شاف الاشانيب

الشيب به للرجل تنقيـــص وإذلال=ستر العفون متركين المواجيـــــب

عزي لرجلٍ باول العمر ما شـــال=حمل الرجوله واعتلا بالمراقيـــب

يا صار ما يحمل من الطيب مثقال=تراه يحسب من حساب الرعابيـب

متى يطيب إنكان للطيب مانــــــال=باول شبابه ما حوا المدح والطيـب

الحر فرخه ماكره عالي الجــــــال=والبوم ما يسكن طويل اللهابيــــب

طيبو ترا الطولات به عز واجـلال=هذا كلام الصح مافيــــــــه تكذيب

حي الكريم الي بذل غالي المـــــال=الي بذل ماله كفاحٍ عن العيــــــب

الي بكف الجود للجود يكتــــــــــال=يا دنّق الخائب كبير اللغابيــــــــب

عسا الكريم يزيده الله بالامـــــــوال=ألّــي يجّمل يالفوه الاجانيـــــــــب

ألّي على الطولات صابــر ولا زال=ماقال انا خايف يبي ينقص الجيب

لعل يفدونه من الناس الانـــــــــذال=عبّادة الدرهم قلال التراحيــــــــب

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



هذه القصيده قلتها عندما ذهبت لشركة دله لكي اثقل رخصتي وجدت لي بن حلال اقشر والزمني

بان اختبر على التريله ورسبني مرتين ثم استخرت الله عنها وقلت هذه القصيد
((الحمّره محدٍ رضع من نهدها)) ..
حصّلت في دلّه ذبابٍ على السير= نزّ ل علــــى عينـــي وزوّد رمدها

عيّا ينزّل لو تبــــــي ربع قطمـير = الانظــــــــمه كله علـــــينا جردها

مهــــبول ياطالب حليب العصافير= الحـــــــمّره محدٍ رضع من نهدها

والعـــــوشـــــزه ماقيّلو به مداوير= اللـــــــــي جلس بظلالها ماحمدها

وش يجمع العطار مـــع نافخ الكير= الله فـــــرق ما بــينها وافـــــتردها

الكير يانشــته يدمّـــرك تدمـــــــير = والـــــــــى نفخت اشر وامر وادها

والطيب يدفع به كثــــير الدنانـــير= والــــــــــى نفخته مهجتك مالهدها

والتبع ماتشــــــــره عليه الصقاقير= واللــــــي صقر بالتبع نفسه قردها

عليك بفــــــروخ الحرارالمشاهير = هاك الحراراللـــــــي يونس هددها

قال المثل ماضاع مــــن يارد البير= وكم سابقٍ بالجـــــيش تطلع بيدها

وعلم الحيا يظهـــر ولوهو ور النير= كم من غلامٍ للمعالـــــــي صعدها

ولايرغب النزلات كود المثيـــــبير=اللـــــــــي يحب الطامنه ويعمدها

ماله مع اهل الطيب ورد ومصادير( ناره طفة ناره وربـــــــي خمــدها

ياصار ماهـــــــــو باخذٍ حاجة الغير= وش صالحه بالناس يوم يحســـدها

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه قصيده مواساة للطفله ريف الذي اراد الله ان ياخذ ابويها بقدرتٍ منه سبحانه واحسن الله عزاكم جميعا والدين الزوجين المتوفيين رحمة الله عليهما يعلم الله اني بكيت من قصة هذه الطفله الله يعوضكم جميعا ....


(( الطفله ريف ))


قصّتك ياريف كم لجله حزنـّـــا ..
قصّتك ياريف كم لجله حزنـّـــا= يعلم الله كم حزنا يالصغيــــــــــــره

العيون ارخن هللهـن وذرفنـّـــا = والحشا تقول ولّع بــــه سعيــــــــره

قصّتك منها المعاليق افـزعــــنـّا = والحشا يزفر وضيقني زفيـــــــره

كــــن بيـبان الظماير يطعـــنــنـّا = بالسيوف الجرد وحرابٍ شطيــره

الخبر جانا وضاق الصــدر مــنـّا = وهل دمع العين لين اغرق نظيره

خانت الدنيا فــعا يلــها تجـــــنــّــا = كم تظلم به عيونٍ مستنيــــــــــره

سكّرت بــيــبانها مــنا ومــــــنــّــا = واظلمة من عقب ماكانت سفيـره

يالله انــي طالبك وانت المظـــنــّـا = ترحم الي مــــــات وتنوّر مسيره

فـــي جنان الخلد يرقد وايتهـــنــّـا = ياعسى الفردوس مأواه ومصيـــره

ابــــي ازف التعزيه لبوه مـــنـّـــا = وابي اعزي والدينه والعشيــــره

المنايا ماترد الــــــى حضــرنــّــا = لو يطول العمر فالدنيا مريـــــره

مار قصّة ريف منها العقل جنـّـــا= والقلوب اتلين لظروف الغريره

كن دمعاته رماحٍ يـــــــرسلنــــّــا= والله الي عالمٍ كل السريـــــــــره

الصدور من الماْسي حشرجـنــّـــا = العيون تشوف والايدي قصيـــره

[مشعل عسام التريباني]

بسم الله الرحمن الرحيم


قصيده على لسان الطفله ريف ثاني الحسيني الشمري


((معاناة الطفله ريف))
ياعم وين الوالدين الحبيبيــــــــن ..
ياعم وين الوالدين الحبيبيــــــــن=ياهل ترى متى يبـــــــي يرجعوني

علمي بهم ياعم بالماقف الشيـــن=يوم انهم بالحادثــــــــه ودّعونـــــي

الوالده بالصوت قامت تناديـــــن=والقت عليّه نظـــــرتٍ بالعيونـــــي

تبي تناولني من الما وتسقيــــــن=لاشك حال الموت دونه ودونـــــــي

انا حسب ان غيابهم بس يوميــن=ماحسبهــــم يقفون ماياخذونـــــــــي

بابا وماما قرت القلب والعيـــــن=فـــي حبهـم ياناس لاتعذلونـــــــــــي

احبهم حبٍ رجح بالموازيــــــــن=مـن فقدهـم عيّت تغمّض عيونــــــي

وان كان كل اهل المحبّه مجانيـــن=انا رهينــة حبّهم سجلونــــــــــــــــي

من فقدهم ياناس ذقت الامرّيــــن=انثى يتيمــه كيـــــــــــف ماتعذروني

يالله ياللي خالق ادم من الطيـــــن=لعلهم فـــــــــي جنّتك ينعمونــــــي

امين ياقابل صلاة المصليــــــــن= يامنزل الما من ثقيل المزونـــــــي

عسالهم منزال في وسط علّيــــن=مع الرسول وصحبته يحشرونــــي

وانا تساعدني وللخير تهديـــــــن=ارجي منك ستري ورزقي وعوني

يالله تصبّرني على اليتم واتعيـــن=والله ماخيب ورب الارباب عونـي

كل الاوادم لك ضعوف ومساكين=وانت الذي يارب تشف الطعونـــيمشاركه بقلم الشاعر / مشعل عسام التريـباني الشمري

[مشعل عسام التريباني]

بسم الله الرحمن الرحيم

الشاعر \ مشعل عسام التريباني الشمري





غلا الاسعار..

متى تنحل مشكلة المواطن مع غلا الأسعـار=تورّطنا مـــــــــــــــع التجار ياربي تزينهـــــــا

هوامير التجاره ولّعو فينا لهيب النـــــــــار=نواياهم خبيثه والمواطن طــــــاح بحجنهــــــــا

غدينا كالسمك ياكل كباره من لحوم اصغار=عسا ربـــــــــي يشيل القرش والعالم يؤمّنهــــا

حضارات اليمن راحة وسبتها خبيث الفــار=لعب وسط السدود الفار لين اغرق مواطنهـــــا

تسبب للبلد واهل البلد بالنقص والاضــرار=ودمّرها وخلى الناس تجلي من مساكنهـــــــــــا

ضحايا للخباث من لحمهم يطعم الجـــــزار=وش الي باح له لحــــــــم الاوادم يوم يازنهــــا

الا يالله تدحر كـــل حاقد فاجرٍ غـــــــــدّار=وتبعد عن بلدنا كــــــــل خائن تقلعه عنهـــــــــا

بلدنا مهبط الوحي السماوي معقل الابــرار=بها قبر الرسول الـــــــــي لنا السنه يبيـّنهـــــــا

حماك الله من كيد العدا ياديرة الاخيـــــــار=حماك الله مـــــــــــن ناسٍ ضغاينها تدفــّّنهـــــا

حماك الله من ناسٍ تصب الزيت فوق النار=وتدس السم لاهل الدار في حزّت مأمنهـــــــا

حماك الله تحت ظل المليك العاهل المغـوار=تحت ظل المليك اللي بحظن الجــود حاظنها

يابو متعب ترا حنا عيالك وانت ابونا البـار=نبي نخبرك باللي صار والدعـــــوى نبيـّـنها

ترا التجار والله نزلونا بين نار وغـــــــــار=غلا فـــــــوق اللزوم ومعظم الاذهـان جننها

عسا الله يبعد المفسد ويكسر شوكة المكـّــار=وعسا الله ينصر إبلادي ويكشف كيد خاينها

علينا ينقص المسكن علينا كل يوم بـــــــدار=إلى جينا هلا التاجير ترفع في مساكنهـــــــا

عسى اللي عقـّبك في جنةٍ كله ثمر وانهـــــار=عساه بجنة الفردوس تفتح له مخازنهــــــــا

عساه بجنة الفردوس يسكن وافي الأشبــــار=وعسا حور النعيم تقابله باجمل محاسنهـــا

وعسا الله يحفظك ياسيدي من ساير الاشرار=تقوم بعون نفسٍ زائد الاسعار حزّنهـــــــــا

[مشعل عسام التريباني]

بسم الله الرحمن الرحيم
الشاعر / مشعل عسام الشمري

(( الفاكس أر )) ..
ياراعي الفاكس وده للخـــــــلا ودّه = الفاكس ماهو من اجل السوق مصنوعــي

الفاكس صمم من اجل اميال ممتـدّه= ارضٍ خلا مايجيها كل منزوعـــــــــــي

قفر حلال الشواوي ماوطا خــــــدّه= مقطوع الازوال والارسال مقطوعـــــــي

يلوق للفاكس فيها المشي ويــــــودّه = يهذل كما اهذال ذيبٍ نايشه جوعــــــــــي

فوقه غلامٍ إلى منه نـــــــــــوا المدّه= مايحسّب الخوف لان القلب مصموعــــي

ياركب القارمَن ثم قرّب العـــــــــدّه = مايغبط اللي يصوعون الذهب صوعــــــى

بيتٍ قديمٍ عرفته صار لي مـــــــــدّه = ماعرف راعيه عند الناس مسموعـــــــــي

ياصار معك اشقرٍ مايخطي الهــــدّه= افحج وسيع المناخر هجر قاطوعــــــــــــي

إلى هوى فوق راس الخرب ثم قــدّه= يسوى حلال التجار وكل مطموعــــــــــي

في خايعٍ كن ريحه ريحة النــــــــدّه= بس النفل والبختري تقل مزروعــــــــــي

معك خوي يبين حزت الشـــــــــــدّه = ضحوك سنن على الشدات باتوعــــــــــي

مهو من الي يعرّط باقرب البــــــــدّه = بالحكي ياخذ جموع ويهزم جموعــــــــي

صبّار جبّارمحدٍ كاشفن ســـــــــــــدّه = مهو خبيلن كثير الهرج قرقوعـــــــــــــي

يامسوي الكيف عن يمنى الردي عدّه= تر الردي عن شراب الكيف ممنوعــــــي

يستاهل الفاكس رجلٍ يوصله حـــــدّه = مهو من اللي بوسط السوق سعسوعــــــي

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



وصف الجيب ..


راكب اللي يطوي القاع مايمشي رويـد=جيب لاندكروزتوه من المصنع شـروه

صمموه اخصوص من شان للدرب البعيد=اشهد انه يرفع الراس للي صممـوه

تقل مفرع خفرت فرعت في يوم عيـد=عيطموس والشعربافخرالطيب امشطـوه

يم يهرف تقل ذيب لحق ربع مديد=جايعن واهل المواشي عن الضين اطردوه

وان وقف تقول شيخ يخدمونه عبيد=بس يشر في يمينه وماقال عملـوه

للخطروالبعدصمم وتصميمه فريد=بوصله هزاز سفتي بكلش جهـزوه

وكن زيكه يوم يلمع صقيل مع عنيـد=سله القاطع على جمع قوم حاربـوه

ماخسر من يدفع المال بالجيب الجديد=اشهد انه ماخسر من دفعع به لعن ابوه

لعن ابوه الجيب حاكم على الاسياد سيــد=ابدعو في صنعته لعن ابو من صمموه

ان رقيت الظلع يتقل يمشي مع صعيد=والنفود يفزبه به والدبل ماعشقوه

بارد بالقيض دافي الى حل الجليد=ياهني من يركب الجيب واللي يملكوه

لاتغالون الثمن بالحلا ياهل الرصيد=ادفعو به لويزود الثمن فيه ادفعوه

يوم يمشي بالوعر تقول بالرجلين قيد=ايتهزع كنه اللي بالاغلال قضبوه

وان مسكت القارتلقاه بالممشى يزيد=كنه الزورق بوسط البحر يوم ارسلوه

هوخوي الطيب اللي زها فيه القصيد=لانخوه لدرب صعب يهقوي من نخوه

او تقل حرطلع شايفن له جول صيـد=يوم شالو برقعه للهدد ثم اطلقوه

يعتلي بالجو ثم على الصيده يعيد=صيرمي صاروم ساطي وفعله جربوه

ول ياللي تجمع المال مانته مستفيد=انتفع بالمال قدام الزباين ينهبـوه

مالك الا ماتصدقت والاماتبيد=يارحلت المال يصير ملك اللي خذوه

اشهد ان اللي يقصر على نفسه قريد=ودك ان اللي بخل فيه منه يجردوه

[مشعل عسام التريباني]

(( بســـــــــــــــم اللــــــهه الرحمـــــــــن الرحيــــــــــم))



الشاعر / مشعل بن عسام التريباني الشمري




حامل النميمه ..
شاعر المليون هيضني على نظم القصــــــيد=وابتديت ازخرف الشعر فــــي مــــي الذهب

احضر القيفان واكتب من النظم الجديـــــــــد=من بيوتٍ ياسمعهــا المستمع يلقـــــى العجب

يا الله إني طالبك ياسمــــــــيع ويــامجيـــــــد=تقلع النمــام واهــــــل النميــــمه والكــــــذب

صاحب النمه حقيرٍ فاجرٍ نـــــــــذلٍ مريــــــد=لو ضحك بالسن قلبـــــه معيبه الغضــــــــب

جاك يركض بالنميمه تقل ساعي بريـــــــــــد=كل ما يطفي لهيب النار زودهــــا حطــــــب

سمسرياً بين خلق الله عسى حظه قريــــــــــــد=سرسرياً ينقل الشر من كـــــل الشعـــــــــب

ما يجيد الفاتحه لا شــــك للنمـــــــه يجيـــــــد=ومن رخيص الهرج وسط المجالس ينتخـب

ماهــرٍ دكتور بالكـــــــــذب والنمه يزيــــــــد=بس يهذي بالمــجالس وبـــــه قلـــــــــة ادب

ما سلم من لطخ هرجــه قريبـــــــه والبعيــــد=ما تفوته ليله بات فيهــــــــا مت كــــــــــذب

إيتحكحك مثل من ناشه الغث بالناب الشديــد=نايشه بالناب ذيب الغلث وعلاجــــه صعب

يستبيح العرض ويشتـت البيت الســـــــــعيد=وينقل البغضا ما بين العباد بـــــلا سبـــــب

غافلٍ عن ذكر ربه وشيطــــــــانه عنيــــــــد=يفتخر بالهرج والكذب ملعون العصـــــــب

يتصيد من هزيل الهرج جعله ما يصيــــــــد=وينشر اللي جاب بين الناس جعله للسبــــب

وان نشده ليش هذا الهرج قال ابداً جحيــــــد=يرمي النمه علـــــى الغير ثـــــم ينسحــــب

يا جماعه راعي الحكي وشهــو مستفـــــــيد=ماكسب من كثرة الحــــكي ياغيـــر التعــب

اتق الله لا تحمل فوق ذنبك من ذنوب العبيد=يجدعك ذنب البشر وسط نـــــار تلتهـــــــب

راعي النمات عنها لو نهيتــــــه مايحيــــــد=من بحور الكذب عبـــا صميله ثــــــم شرب

تايه رايه ولا يرغـــب الــــراي الرشيــــــد=نابتن لحمه على الشر وانواع النكــــــــــــب

ما يداني راعي الكذب من رايه سديــد=دايمٍ عن درب الأمجاد والمدح يعقـــب

شله النمات كيدو لهم في كــــل كيـــــد=اطرد الأجرب عن الذود قدام العطــب

[مشعل عسام التريباني]

بسم الله الرحمن الرحيم
هذه القصيده من اللارشيف ليس جديده ولكن احببت نشرها

الشاعر\مشعل عسام الشمري
سحٍٍ غدق ..
يالله بمزنٍ مد لهمّـــــــــن موجللي= سحٍ غدق يحـــــــــــى البلاد وهشيمها

حقوقٍ صدوقٍ منّــــه الودق هللـي = يحى البلاد اللي شكــــت زود ظيمهــا

غيثٍ موغيـــثٍ نافعٍ مايمللــــــــي = سحــــــبٍ من المنشى تتابع رزيمهـــا

ثمٍ علــــــــى نجد العذيّه يهمّلـــــي= ويستر ساكنهـــــا ويخزى رجيمهـــــا

بامرالقديراللي على العرش معتلي = يرحم بها القاع الهميــــدة رحيمهــــــا

انت الذي بالعدل يارب تبتلــــــــي= وارحم من المرضع لصيحة فطيمــها

ياذ الصفات العاليات انت ياولــــي =ياصاحب اسماك العضام وعظيمهـــا

وانت الكريم الواحد القادر العلــــي= يا موجدٍ دنياك واكــــــرم كريمهـــــا

ياحي ياقيوم يالمخــــرج الملــــــي= ياعالمٍ ما بالصـــــدور وحكيمهــــــــا

يامن بلطفك كل الاظرار تنجلــــي = ارفع ظرر دار ٍشــــــكة زود ظيمها

نخطي ولكن عفوك اجدر واشملـي = مهما يصير النفس ترجـــي رحيمها

لو كان كاهلنا بالاخطا محمّلــــــي = ما للبلاوي غير رحمــــــــة رحيمها

حللنا ببابك رب الارباب نزلــــــي = نشكي ذنوبٍ طوّقتنـــــا بجحيمهـــــا

عسى لنا من نهر رحمتك منهلــــي = ياعالمٍ خبث القلـــوب وسليمهــــــــا

[مشعل عسام التريباني]

بســــــم الله الرحمـــــــن الرحيـــــــــم

الشاعــــــــــر/ مشعل بن عسام التريباني الشمري



(( ديوان العرب)) ..
يقول مشعـــــل باديٍ بسم خالقـــــــــه = باسم الكــــريم الي علــــم كل خـافيـــــه

عطوني القـــرطاس واعطوني القلــــم= ابــــاكتب بيــــوت الشعــروآزن قوافيـه

الشعرديوان العرب ســــاس مجدهـــم= يحفـــظ تــــواريــخٍ جميلـــــه أوافـيــــه

الشعـــر يحفظ كــل ماسّوت العــــرب = يحمــــل تـــواريــخٍ مـن الزيف صافيــه

يالـــــي تسب الشعر تراك غـــــــادي = تهـــت الطـــــريق وحجتك غيـركافيـــه

ترى البضاعــــه سعرها عند اهلهـــاء = وافـــي وعـــند الغيــــــرماهي بــوافيــه

أي اللذي يمشـــي على ضؤمشـــــرق = واي اللــذي يمـــشي والانوارطـــافيـــه

اكيد من يمشـــــــــي بليــــا دلايــــــل = تحـــــوشه الاخطـــــارللرجـــل لافيــــه

اصحى تجــــــي وادٍ كثيـــرٍهوامّـــــه = تــدوس راس الـــداب والــرجل حـافيـه

ترلدغـــــة الثعبـــــان تذبح لـــديغــها = لـــوقيــــل تشفى بـــس ماهـــي بشافيــه

يكفيــــــك بس ان النبي صفوة البشــر = قـــال الشعــرحكمه تجـــلّة خـــوافيــــه

واقربــن ثابت حسّــــان شاعـــــــــره = يــعطيـــه من بحـــرالمثــايل صــوافيــه

خذمن سعيــــد بماضي الوقت عبـــره = اصــــالـــة الابطـــال خــــلاه هـــافيــه

الي ظلــــم حضه وحمّـــــل ضميــره = ذنبٍ كبيــــرولايــــحسّـــب لـــقــافــيـــه

سب الرجـــــــال الي تجلّة فعــولهـــم = اهــل الفــــعول الــي على نجد ضافيــــه

اعوذ بالـــــــرحمن من ســؤ حضـــه = اسئــــل جليــــل الملك عفـــواً وعافيـــــه

الي رفع سبـــعٍٍٍ وسبــــــعٍ بســـــطهـا = مضــــفي علــــى خلقه بفضله عوافيــــه

سامع دبيــب النمــل في ليــلة الدجــاء = علام مـــاتبــد الصــدور وخــوافــيــــــه

واحد احد فــــردٍ صمــــد جــل شانـه = تجرالريــــاح بقــــدرتــــه في سوافيــــه

ارجوه يغمــرنــــا بعفــــوه ورحمتـه = ويطهــــرالالســـن وزلات اشــــافيـــــه

[مشعل عسام التريباني]

بســـــــم الله الرحمـــــــن الرحيـــــم

نصيحه للنسا ء اللواتي يهتمن بالكره

للشاعر / مشعل عسام التريباني الشممري




((مشجعات الكوره)) ..


يابنت يلـــــي تشجعين الكـــوره=كفي عــــــن التشجيع يامسكينـــه

تـــــري حلاتك دايـــــم مستوره=بالبيت والتشجيع مـــــــاتطرينـــه

لايدهورونك شلتن مسعــــــوره=يبون جلبـــاب الحيــــــا ترمينــــه

يرجون الشر صوت وصـــــوره=خباث النفـــوس مدوريــن الشينه

هذا الزمن صار يتزايد جــــــوره=ماللحيا عنـــــد العــــــذرا عينــــه

صحيح من قال الزمن لـــه دوره=ياناس دورات الزمـــــن يــــاشينه

زين العذارا في قديم عصـــــوره=قدام وقت الصبغ هـــــو والزينـــه

لاتهمك الــــــي زايد جمهـــــوره=ماينفع الجمهور خطــــو القينــــه

البنت زينتهــا تجــــــي مستـوره =ماتنخــــدع بالــــي يريد يهينـــــه

عفي عــــــن التشجيع يالأمـوره = ياوردة باغـــلا ثمـــن شارينــــه

منتي علـــــى تشجيعهم مجبوره = الهون والخـــــذلان لاترضينــــه

خليك دايـــــم بالحياء مشهـــوره= يغضب عليك ابليس وتغيضينــه

تموت منك المبغضه مقهــــــوره= وقلبٍ يغيضك في لضاء تشوينه

وتبقى نفوس اهلك منك مسروره=وتكره قلوب اهل الرداء وتهينه

يقــــول رب البيت لــــك بالسوره = لاتخضعي بالقول واصحي لينـه

تري ليــــان القول يـــرث بـــوره= ادني من الجلباب لاتنسينــــــــه

ولغير محــــرم لاتبيـــن العـــوره = زينك لغيــــــر البعل لاتبد ينــــه

إلا لطفـــلٍ نظرتـــه مقصــــــوره= هذي تعاليم الولـــي فــــي دينــه

وصتلات ربي عد نضم سطــوره= وعدد هطول الغيث ومحبينــــــه

علـــــــى نبيٍ سيرته معمــــــوره= بالذكر والسنت البشر محيينــــه

[مشعل عسام التريباني]

بسم الله الرحمن الريم

الشاعر \مشعل عسام الشمري

(محكمة لاظلم بها)


الا يا عزيز الجاه يالواحد المنّـــــــــان = ياوزنة الاعمال ثقّل موازينـــــــــــي

يارب انا ارج العفو والصفح والغفران = يارب من سطوة عذابك تنجّينــــــــي

في ساعةٍ ماينفع العـــم والاخــــــــوان= تحشربها الاخيارهم والشياطينـــــــي

حفاتٍ عراتٍ غرل تسأل عن اللي كان = في محكمة عدلٍ بليا محامينــــــــــــي

يحكم بها اللي عالمٍ خايــــــــن الاعيان = اللي بعدله كوّن آدم مــــن الطينــــــي

على سراطك نجّ عبدك من النيـــــران = ارجي ثوابك يالولي لاتخلينـــــــــــــي

في ساعةٍ فيها البشر شخّص الاذهــان = الى دنة شمس الضحى قدرميلينـــــــي

في يوم يلجم بالعرق ناقص الايمــــان = يارب من ســــــــو الخواتيم تنجينــــي

في يوم تشهد به على فعلي الاركــــان = ماسوّت الرجلين تشهد به ايدينـــــــــي

يومٍ يبين الصدق ويبيّن الخـــــــــــوّان = تبين السرايرفيه مايختفي شينـــــي

يارب ترحم ظعفنا ياعظيم الشــــــــان = في ساعةٍ غيرالعمل مـــــن يسلينــي

الى فقدنا الاهل والمال والجيــــــــران = ورحنا من الدنيا بمقدارمترينـــــــــي

يالله عساني مع هلا الخيرلـــي مسكان = يارب من جيرت هلا الشرتذرينــــي

ياواحدٍ من لاذ بحماك ماينهــــــــــــان = عسانا من اللي مع هلا الخيرماشيني

امين يااللي عالمٍ بالخفـــــا واعــــــلان= عسانا على سنّة رسولك حريصينـي

ياعاصمٍ يوسف من الذل والخــــــذلان= يامهلكٍ فرعون منجي هلا الدينـــــي

ياكافلٍ موسى ببيـــت اكبـــــــرالعدوان= ومليت لأم الطفـــــــل لا لاتخافينــي

لاتحزني وابنك تحــــت رحمة الرحمن=) ولابد مايبلغ مقـــــــــام السلاطينــي

اعوذ بك والجى لعفــــوك عن الحرمان = يارب جنبني طريق الشقيينــــــــــي

وصلوعدد مالاح برقٍ ومزنــــــه بـــان = على نبيٍ كمّل الله به الدينـــــــــــي

[مشعل عسام التريباني]

بسم الله الرحمن الرحيم
الشاعر \مشعل بن عسام التريباني الشمري


((عتيبه الهيلا)) ..

سر ياقلم واكتب على بيض الورق شعرٍجديد = لعتيبه الهيلا صناديد الرجال اكتب ســـــــــــلام

سلام يالعتبان ياهل الطيب والفعل الفريــــــــد = لطامة العايل نهار الكون في وقت الزحــــــــام

سلام ياذبّاحة الحايل وياسقم الضديــــــــــــــد= سلام يالهيلا هلا النخوه مقابيس الظــــــــــــلام

سلام ياللي طيبكم عــم القريّب والبعيـــــــــــد = ارداهم اللي يانخيته جاك بالفزعــه شمــــــــــام

اولاد روق الى طرولي راق لي نظم القصيــد = ياسعد من شد الظهر فيهم الى حث الكـــــــــلام

وبرقا مقابيس الوغى برقا هلا الفعل الحميــــد= برقا صواريمٍ نهار الكون يروون الحســــــــام

اباكتب القيفان وامدحكم بها وارجع وازيــــــد = تستاهلون المدح ياحشامٍ تسلسل من حشــــــــام

انتم معرفتكم رصيد لكل من ماله رصيــــــــد = خويكم معكم مقـــــدّر مايرام ولايظــــــــــــــام

وانتم هلا النخوه صدق يوم الردي عنها يحيد = اللّي نخاكم ترفعونه فوق في راس السنــــــــــام

صيارمٍ من خلقت الدنيا فعايلكم اكيــــــــــــــد = افعالكم محدٍ جهلهـا من علـــى عهــــــد القدام

قلته وانا لي لابتٍ وافعالهاهل من مزيــــــــــد =ربعي يعشّون الذيابه يــوم شحات الطعــــــام

كبارالصحون وباسهم وقت اللقا باسٍ شديـــــد = وساع الطعون سيوفهم تكسر صليبات العظام

شمر هلا البوش العفر شمر هلا الراي السديد= شمر صناديد الرجال اللي يفكّون الجهـــــــــام

[مشعل عسام التريباني]

بسم الله الرحمن الرحيم

للشاعر مشعل عسام التريباني الشمري




(( زمان العولمه)) ..
هذا زمان العولمة هي والتقدم والمـيوع=كثرتبه الارزاق لكن العقول مدمــــــــــره
مغلفه بالران عن درب الرجوله والسنوع=وانفوس اهلها في هوا الشيطان هجن مضمره
عزاه ياللي دايم قلبك لشيطانـك خضـوع=متى تذل ابليس والقلب برضا الله تعمـــره
ترا رضا المولا يقودالرزق وينيرالشمـوع=والمعصيه ضلـــماء وراع المعصيه يامحقــــرة
يوم النفوس المؤمنه تبعث لخالقها ركوع=بيوم به المرضع نست مولــودها ماتذكـرة
بيوم يهيل القلب ويخوف العقل ويــروع=تحشربه العالم عواري في نهارا مــــــاكبره
احد سكن في جنة فيها الثمر من كل نوع=واحد شرب ماءحميم والعلقول مخمــــرة
طعا مهم زقوم مطعومه خبيث يزيد جوع=إلى كلاه يصير للأمعا صرير وقرقـــــــــرة
تبت يداهم كيف يرضون لتذلل والدنوع=ذل لراعي المعصية دنياه هي والآ خـــــرة
ياللـه يالي قدرتك تغلب كثيرين الجموع=تلطف بحال المسلمين ومن خذلهم تقهـره
يا خالق آدم من تراب وخلق حوا من ضلوع=تشفي عقول غره الشيطان والجهل غمره
ياعاصم يوسف من إللي حاولنه بالخضوع=ومرجع يوسف على يعقوب وإرتد بصــره

[مشعل عسام التريباني]

(( بســــــــم الله الرحمــــــن الرحيــــــم ))

الشاعر / مشعل عسام التريباني الشمري


( شمالي ) ..


انا مأتغيّر لـــــو تغيّر جبال طويــــــــق = الله خلقني ناصــــــــح القلب والنيـــّه

احب درب الطيب واشفق على الصديق =ولااني مــــن اللـــــي طبعهم قلبانيــــّه

واحب الصديق اللي يبيّن نهارالضيـــق = لوهو من اقصـــى الناس كنّه بناخّيـــه

ولاارغب دني الخلق لو كان لي شقيــق = شكلي كذا مـــــــــا حب درب الدوينيّه

ولاحب شين النفـــــس لمصادقه مأطيق = وإن جيت اغصب النفس لمصادقه عيّه

ولاعيش بالحيلات والزيــــــف والتلفيق= ولاصافي اللــــــــي شوفته دوم ملويّه

ولاعاتب المخطي ولا دانـــــــي التدقيق=ولاجازي اللــــــي يعمل الشين بالسيّه

شمالي واشيل الحمل والصدر مــايضيق = واغفر لزلات النفــــــــوس الحضيبيّه

عسانا نطبق سيرت المصطفــــى تطبيق= نبيٍ على سطح الثراء مـــا وطاء زيّه

واقول يمكن صاحبي مـــــــن خطاه يفيق = للعله يفيق ويردع النفس عــــن غيّه

ويمشي مثل غيره ولايقطع الطريـــــــق = والنفــس يردعها ويدفــــــع مأسيّــــه

ولكانهو مــــا طاع نقول بالتـــــــــــوفيق = لابــــد مـــاا لدنيـــا توريك مخفيّــــه

لاتحسب الدنيا كمــــــــا صافي الرحيـق = تراه تشبــــه شجرتٍ زايــلٍ فيّـــــــه

يحصل بها فسحه ومرٍ بهـــــا تظيــيـــــق = كفاء الله من شـــــره وكثرت بلاويّه

لاخير فـــــي دنياء بها يزعل الرفيـــــق = وتفرح بهـــــا الحساد والمشمتانيّـــــه

[مشعل عسام التريباني]

ـبسم الله الرحمن الرحيم

الشاعر\مشعل عسام التريباني الشمري



(( افضل صديق )) ..

انالي صديقٍ ماجفاني ولوشيّبــــــت = صديقٍ صدوقٍ صادقٍ مايخلينــــــــــــي

قصيدي صديق ٍلي وانا عنه ماجنبت= قصيدي مصافيني على العسرواللينـــــي

قصيدي محبن لي واناللقصيد احببت= ولااطيع في نظم القصايد معادينــــــــــي

الى ضاق صدري للقلم والورق حضّبت = وكتبت مايتحف مسامع محبـــــينــــــي

والى نخيت الشعرفي نخوته ماخبـــــت =اجمل قرايض قمة الشعر يعطيـــنـــــــي

مثل صفاوت عشرت الشعرماجربـــت=مهنا مثل شعري صديقٍ يصافـــينــــــــي

دايم مصافيني الى اخطيت والاّصبــــت= من غير قيفان القصايد يماشـــــــينــــــي

يامعذربين الشعرلهروجكم ماجبــــــــت = ماني مجيبٍ للظعوف المساكيــــــنـــــــي

اسدد سهامي باجمل الشعر ياصوّبــــــت= واحب من حبّن واعادي معاديــــــنــــــي

والى نطقت الشعرعند الرجال اعجبــــت = يشوش راسي يوم تقرى دواويـــــــنـــي

اناحارب الهزلات بالجزل لين اعطبــــت= هزل القوافي ثم حنيت سكـــــــــــينــــي

وانا ادوّر الجزلات بالفكرلين اتعبـــــــــت= ركايب بنات الفكربالجــــزل تاتــــينـــي

وانا ماخبرني بالمثل للبشرعذربـــــــــت= اعزنفسي عن هروج الحـقـيريـــــــنـــــي

والى سالني راغب الشعر له جاوبــــــت =بابيات شعرٍترتقي لجمل الزينــــــــــــي

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري



صد يق الرخاء ..
صحيح وقت الرخى يــــاكثر صدقاني = لاشك منهو صديقي حـــــزّت الشدّه

صديقي اللي الى حل البلا جانــــــــي = يبين وقت البلا مايعلـــــن الصــــــدّه

والا صديق الرخى ياضقت خلانـــــي = يقضي صديق الرخــــى ياطالة المدّه

خل الرخى حزّت الضيقات ينسانــــي = وقت الشدايد كفوف الخير مــــا مـدّه

عرّفني الوقت صدقانــــــي وعدواني =وعرفت كذب النوايا وانكشف جــــدّه

عند الشدايد تبيّـــــــن كــــل صدقاني = ويبين زيــف الكلام وينكشــــف سـدّه

كم من عدوٍ طلع بثيـــــــاب صـدقاني= وكم من صديق طلع لــي قبل مــاعدّه

وكــــم يتخلى عني من واحـــــدٍ داني= وكم يتّضح لي صديق من اخر البــدّه

كشف لي الوقت صدق افلان وافلاني = وتبيّن الكذب لـــــو راعيه مـــــــاودّه

الوقت لابد يظهر شــــــي مابانـــــــي = لابد يظهر خفـــي الســـد لابـــــــدّه

يستاهل الخيرمن باالخير جازانــــــي= والا قليل المراجـــل خايبٍ ســــــدّه

الطيّب اغليه واعدّه من اخوانـــــــــي =ومنـــي يدين الموده يمّه امتــــــدّه

والعفن ماني صديقه ويش ماكانـــــي = عن رفقت اللاش نفسـي لازم اردّه

لويفرش القاع لي لؤلؤ ومرجانــــــي = النفس عن رفقت الرديـان منســدّه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري


(ليلة الاسرى ) ..
اعوذ بالي سخّر الجن لسليمـــــــــــان = سامع دبيب النمل في ليلة الغــــــــدرى

جزيل العطا راع المكارم رفيع الشـان= منجي سفينة نوح من غبّة البحـــــــرى

بامره يسير الكون كامل بلا نقصــــان = سميعٍ عليمٍ يعلم السر والجهـــــــــــرى

هو اللي رفع سبعٍ طباقٍ بلا عمـــــدان = مرس الجبال الشم ومثبّت الصخــــرى

ياسامــــــــــع الدعوات يامنزل القران = يارب جمّلني بتقواك والصبــــــــــــرى

الهي رضاك ارجوه والعفو يارحمـــن = ياقلّو الانصار ثم حشرج الصـــــــــدرى

في ساعةٍ ماينفعــــــن كاينن من كـــان =الابن مايحمل عن الوالد الـــــــــوزرى

يارب ثبّتني الى زاغة الاذهــــــــــــان= على كلمة الاخلاص في ساعة العسرى

حنّا بشر نخطئ وينتابنا النقصـــــــــان = ومن مد كفّه للولي ماتجي صفــــــــرى

ارجوك تغفرلي من الذنب ماقدكــــــان = وتعينني لرضاك ياعالــــــــي القدرى

نرجوك عفوك يوم نخرج من الاوطان = حفاتٍ عراتٍ غرل مافوقنــــــا سترى

في ساعةٍ يحشربها الجن والانســــــان = تضيق البسيطه بالبشر مابقـــــا شبرى

تعرض صحايفنا وتنظر بها الاعيـــان =وتعطا كتابك ثم يومرعليــــــــــك اقرى

انكان خطك في يمينك فحضّـــــك زان = قريت الكتاب ويسّر الله لك اليســـــــرى

وسكنت النعيم اللي بها ينعم السكـــــان = تحت ظل عرش الرب وانهارلك تجـرى

وانكان خطّك في شمالك ترك خسـران = اعوذ بالرحمن من مسكن الخســــــــرى

يارب عفوك طالبه وارجي الغفـــــران = انت الـــــــــــذي بذنوب كل العباد ادرى

طبع الفتى يخطي ويجتاحه النسيــــــان = والله على المخلــوق كم يضفـــي السترى

وتمّة وصلى الله على خاتم الاديـــــــان = نبيٍ عرجبه للسما ليلـــــــــــــــة الاسرى

صلّو عليه اعداد ما ينهمـــــــــــر ودان = ماهل همال المطر واغرق الصــــحرى

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري

المسرحيّه ..
يامسـوّي القيفان خــذ ردهـــن كاش =الى عطيت اقصاد نعطـيك كاشــــــي

من ظامــــرٍ ياضكّ بالشعــر يهتاش= اوجس لهن وسط الظمير اهتراشــي

مانــــــي من اللي للهزيلات قــشاش = ماعاش من يرغب بلقـط القشاشــــي

ماينهــــــزع هدّاج مــن كثرالادباش = يرو الكبود المظميات العــطاشــــــي

هـــــــــدّاج جمّه يلطخ الجال دهـّـاش = اردوعلــــى هدّاج والابلاشــــــــــي

ياللــــــي تسوّي لك دعايات وافـلاش = ارفق على حالك وخل الفلاشــــــــي

روس الضبا محدٍ ذكر فوقها عـــراش= عضمٍ يـبس ماينلقي به عراشــــــــي

لاتفكّــــر انك تـربـــــش العالم ارباش = ياساري الظلمى طريقك عفاشــــــي

مايمشــي الزورق على ساحل الطاش= ولا ينبسط فوق الهبوب الفراشـــــــي

المســــــــرحيّه فازبه طاش ماطاش = وحنا فهمنا كل ماقال طاشــــــــــــي

مانستمع لهروج واشـــــــي وهلاّش = هلا القلوب المظلمات الغشاشــــــــي

ناسٍ على اعراض الاجاويد هـرّاش = تجمعهم النمّه سوات الفراشـــــــــــي

خطو الردي باعراض الاجواد نهاش = لاكثّر الله بالبلاد الخشاشــــــــــــــــي

يلدغ كمـــــى الحيّه وياشيف ينحاش = عقاربٍ بالدرب لهن اهتواشــــــــــــــي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

ابتهال الى الله سبحانه ..


يالله ياعالـــــم خفيات الاســـــــرار= يالخالق الرزّاق ياذ الجــــــــــــــــلالا

فردٍ صمد لعيوب الانسان ستــــــار = واحد احـــــــــد فوق الخلايق تعــــالا

ياحي ياقيّــــــــوم ياخير غفــــــــار = انت الكريم المتصف بالكمــــــــــــالا

وانت الاْله الخافض الرافع الضّــار = النافع الباقي علــــــــى كل حــــــــالا

وانت الذي بامرك تصاريف الاقدار= باقي وغيــــــــرك يعتليـــــه الزوالا

وانت الذي للذنب ساتر وغفــــــــار = قدوس يامعط العطــــــايا الجـــــزالا

يامهلكٍ فرعون في غب الابحــــــار =عقب التكبر صـــــــار مضرب مثالا

وانت الذي للعظم كاســــــــر وجبار=يامحييٍ بالغيث جرد السهـــــــــــالا

ياما كســــرت بقدرتك كل جبـــــــار=وياما رفعت من الضعوف الهــزالا

ويامانصرت بقوتك كل محتـــــــــار= وياماهزمت اجيوش شرك وجهالا

ارحم على عبدك من الوالد البــــــار = تغفر ذنوب العبد لــــوهي ثقـــــالا

ارجوك عفوك يوم زوغات الابصار = يانشرت الاعمــــال والشـــك زالا

في ساعةٍ به تنكشف كل الاخبــــــار = في ساعةٍ ماللتخفــــــــي مجـــــالا

بالميمنه يعطا كتاب اهل الابـــــــرار = واهل السعير كتابهــــــــم بالشمالا

يارب تقدانا على درب الاخيـــــــــار = رحماك يامرسي رواس الجبــــالا

يالله تكفينا سنــــــــــا واهج النـــــــار = اساْلك عفوك يامحل الســـــــــؤالا

ابابتهل باسماك بالســــــر واجهـــــار = وانته محــــــل العفو والابتهـــــالا

واثق بصفحك يامنجّي هلا الغــــــــار= مافيه شي برحمتـــــك مستحـــالا

يارازق الذره على صم الاصخـــــــار = حيث انها بك تفرد الاتكــــــــــالا

يارب عفوك وانت للذنب غفـــــــــــار=اجعل لنا في ضل عرشك ضــلالا

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

هذه القصيده قلتها اهدا لكل شمر الطنايا ارجو ان تحوز على رضاكم والمعذره من القصور



((الطنايا)) ..

سلام الله على كل الطنايــــــــــا = لكم مني تحيّه واحترامــــــا

سلامي يامقابيـــــس المنايـــــــا =سلامي يارفيعين المقامــــــا

سلامي ياكثيريـــن المزايــــــــا= سلامي للكرام ابنا الكرامـــا

سلامي ياسليمين النوايــــــــــــا = سلامي للحشام ابنا الحشامــا

سلامي للرجال اهل الحمايــــــا = حوو للمجد في شرقٍ وشامـا

ابافخر وارفع الصوت بندايـــــا = لاني شمري واقف قيامــــــا

ذرا الخايف من صروف البلايا= نموذج للكرم عند الانامــــــا

ولنا تاريخ في كثرالعطايــــــــا= مهو توّه على عهد القدامـــــا

ابو خــــوذه ومدّاته جلايــــــــا = ومن مثله عطا المده شمامــــا

ومنا مشبع سباعٍ طوايـــــــــــا = كرم للذيب واعطاه الطعامـا

ومنا مشبعٍ ربــــــــــعٍ قوايــــا = مقدّم باللحيسه للنشامــــــــــا

ويالجّة هلاهيل الصبايــــــــــا = نبيع الروح في وقت الزحاما

نبيع الروح مانخشا المنايــــــا = ونرد الخصم ياحث الكلامـــا

صواريمٍ زحازيحٍ دهايـــــــا= يجمّل فعلنا عند الخصامــــــا

وكم خصمٍ نسوي به سوايـــــا= ولو مرّه على الاكباد زامــــا

بدون قصورفي كل الدنايــــــا= وكلٍ دون عانيّه لزامــــــــــا

ختاما ياحميدين السجايــــــــــا = سلام اسلام مني للحشامـــــا

[مشعل عسام التريباني]

بسم الله الرجمن الرحيم

الشاعر\مشعل عسام الشمري
(( كفوعني)) ..


كفوعنـــــي يامعذربين المعاميـــــــل = الرجل يحفظ فعل جدّه وماضيــــه

انارجل تشره علــــي الرجاجيــــــل = ولاخيربالي ماوطته المشاريــــــه

ترالقهاوي كيف ماهــــي تماثيـــــــل = قولولمن مايعرف الصقريشويــــه

الله واكـــــبريازمــــان التهاويـــــــل= دورٍ يصير الكيف خبلٍ مسوّيـــــه

يبقاتراث العــــــــزجيلٍ بعد جيـــــل = لوكان بعـــض الناس حاول يخفيّه

ناسٍ على المطبخ تكز المراسيــــــل =يقـــول لـــيـش الخادمه ماتجي فيه

سوولــــي القهـــوه وجيبو فناجيـــل=ويمكن يبي من يحقن الكيف في فيه

ويسخر بمدهال الرجال المشاكيـــل= مـــــايدري انه ضـــــــايعٍ قل واليه

بالله عنــــــي جنبو يامها بـــــيــــل = لاتبحــــثون القلــــب ويفيض خافيه

وامطرعليكم من صدوق المخاييــل = من ضامرٍبالشعريتعب مـجـاريه

يالي على اهل الطيب صرتوغرابيل = ياذ الدجاج الي خسرمن تجرفيه

يالله دخيلك مــن كثير العـراقــــيـل = خطوالرجل مالله على الخير قاديه

يفكـــرانـــــه حمـــّل الفهـــم تحميل = سقـــيم عقـــلٍ مـــايفيده مــــداويه

مثله يجوزبه الهجـــــــــا بالتماثيل = نبـــي بقيفان المـــــثايل نداويــــــه

مايحمل الاثقـــال متن المخيلــــيل =لـــوخففوحمــــله فلاهـــــوبقاويـــه

يبرك الــــى من زودو فوقه الشيل = يكثر رغـــاه ولاحمل شيل راعيــه

انكان كل اهـل المعانــي مهابـــيل = اناخبل والعــقل مـــانـــي بباغــــيه

خله لكم يامخصــفين التعالـــــــيل =عــقل الـــردامابـــيه مابــيه مابـــيه

اكره قليل المرجله واني الحـــــيل =اللـــي يـــبررللــــردا يـــوم ينويـــه

[مشعل عسام التريباني]

بسم الله الرحمن الرحيم

الشاعر\مشعل عسام الشمري


(( بر الوالدين )) ..

ياهل العـقــــول النيره تسمّعولما يلـــــــــــي= نصيحةٍ منـــي نقدمــــــها ولانبغى ثمـــــن

نطلب ثمنها من اله الكون ربٍ معتلـــــــــي= هوالذي كوّن جميع الكــون في اقصر زمـن

نصيحتي بالوالدين ابذل لهم جهد جلـــــــــي =واخفض لهم جنح الحنان بكل وقت ولاتمـن

واحمل عليك من المتاعب وانتبه لا تزعلـــي = البر يبغى واحدٍ يجعل لهم صـــــــدره وطن

ترا رضاهم من رضا لله يستمد ويكملـــــــــي = ياسعد من يرض الا اله ومن عذاب الله امـن

كم شربو الامرار من شان انت تشرب ماحلي = وعافو لذيذ النوم ياسمعوك بالمرقد تـــــــون

الوالده تسعة شهورٍ وبطنها لي منزلــــــــــــي= وتبذل من اجل ارضاي ماتملك ولاعني تمن

وعامين تحملني علـــــى المتنين ماتتمللـــــــي= كم ليلةٍ عن بردها بيدينــــــها لي تحتضــــن

والوالد الي فــــي سبيل اكرامنا مايبخلـــــــــي = ياما من اجل اكرامنا يبذل ولاعنايكـــــــــــن

يفرح الى جينا وياغبنا عيونــــــه تهملـــــــــي = عساه بالفردوس الأعلى مالكٍ جنّة عـــــدن

يارب تجمعهم بجناتــــك وانا تسترعلــــــــــي = وتقرعيني في صلاح ابناي يامن لي مضن

انت الكريم الواحد الفرد الالـــــه انت الولــــي= انت الرؤف البرعلاّم الخفـــي الممتكــــــن

ياحض من يكسب رضا الاثنين يومٍٍ يسألـــــي = امام ربٍ يعلـــــم الجهرا ويعلم مابطـــــــن

ايجازي المحسن بخير وهو حسيب المهملــــي = تبّة يدين الــــي جحد معروفهم بايازمــــــن

حذرا بحق الوالدين اتهـــــس والاتهملــــــــــي =والى تكلّم والدك قل سـم واسمع له واصــن

حتى تفوز بجنّةٍ كلـــــــه بساتين وحلــــــــــي= يارب مسكان النعيم الي يطيب ابها لسكـــن

[مشعل عسام التريباني]

بسم الله الرحمن الرحيم


الشاعر\ مشعل عسام التريباني الشمري



(لابس البنطـال) ..


سار القلم يكتب على الاوراق من نضم الاديب=من شاعريازن بيوت الشعر يا غنا ء بهـا

يارب تهديني على الجزله وللهرج المصـيب=ياخالق الدنيا الفسيحه وخالق مابهـا

ابأنصح الجهال عن تقليد عباد الصلــيـب=ناس تطبق سيرت الكفار واتباها بهـا

نصيحه نزفهـــــــا لكل ذو عقل لبـب=اللي إلىسمع النصيحه يفتهم ما جابهـا

اعرف تراء تقليدك الكفار يا مغرور عيــب=لا تقلد احفاد القرود اللي تهز اذنابها

تلبس ملابسهم وتمشي مشيهم والله عجيــب=واتمثل الخفرات في قصاتها وهندابهـا

وتترك دروب المرجله واتميل للدرب المعيــب=ودرب الرجوله والشرف والدين ماتشقابها

وتصن لاهل الشر واهل الخيرلما لاتجيــب=تبغى نجاتك وانت ماتعمل لطرد اسبابها

اسباب عز النفس من يمشي بتوجــــيه الحبيـب=وعقيدة الدين الحنيف اللي النبي وصابها

وشلون ماتتبع نبي الله هذا امرك غريـب=نفسن تعيف الخير صح ان الجحيم اولابهـا

يالابس البنطال والقبوع واتحسبك رهيــب=ترا المراجل جنبتك وعنك صكت بابهـا

والزين ماحافك ولالك بالحلاحض ونصيب=وقعت في دار الحضيض الله لايبلابها

تر الرجل لازم يزيد النفس عزه واتهذيـب=قبل تروم الشر ثم تصعب عليك اطبابها

ودرب الردا هين وصوله مايبي نشدة خطيــب=والمرجله صعبه على اللي مثلكم مرقابها

تشبك شعرك ببكله الخفرات والوجه الغضيـب=وتهجر كتاب الله والايات ماتقرابها

الحر يبعد نضرته والتبع نضراته قريـب=ولا خير في عين نضرها بس قد اهدابهـا

الهون درب اهل الرداء والطيب تر دربه صعيب=ما ياصله ياكود من نفسه على الطوله يحث إركابها

يالله ياللي من طلب فزعتك لا يمكن يخيـب=إفزعلناء ياخالق الدنياء ومرس اهضابهـا

انت الكريم الواحدالفردالصمد وانت المهيـــــب=تشفي عقول ٍ طئطئة لاهل الشرور ارقابها

إعقول عيت للعواذل والنصايح تستجيـب=صمٍ بكم يا الله تحمينا من اللي صـــابها

[مشعل عسام التريباني]

بسم الله الرحمن الرحيم


الشاعر\مشعل عسام التريباني الشمري



(دفاع عن النجر) ..




ابادافع دون نجري دفاع المستمـــــيـــــت = ابادافع دون نجري يمالقـــــــى مصـــــرعــــــي

والله اني ماتخـلـــى عنه مهمـــــا نـهيـــت = ماتخلى عن صديقٍ قضـــــــى عمره معــــــــــي

والله اني لاكرمه طول ماعشت وحيــــيـت = واباوصّي فــــــــي مماتي يــحطونه معـــــــــــي

طول ماني حــي والله لهجره مــانويــــــت = اتركوني فيه مانـي مطيع ولاسمعــــــــــــــــــــي

كن حــسه حس ذيبٍ قنب عند المبيـــــــت = يوم اطقه ثم الاعـب قنيبـــــــــــــــه باصبعـــــــي

اتفنن بطقه محترف مـاغــــــــــــــــــويت = ويستريح الظمير ويطــــــــــــرب المسمعـــــــــي

اشهد اني بــحــبه ها يمٍ ما سلــــــــــــــيت = هايمٍ فـــــــي غرامــــــــــــه دايمٍ مولعــــــــــــــي

ماتعوض المطحنه بالنجر مهما شـــــريت = ناقصـــه في مركـــــــز النجـــر ما تطمعــــــــــي

كنها حـــس عفـــنن بدا بالنهـــــــــــــــيت = بالكرامه مقـــــــــل وبالـــــــــــردا مشبعـــــــــــي

كل ماشاف المسيّر غداله قنــــــــــــــــيت = وايتكدرعليـــــــه النـــــوم والمضجعـــــــــــــــي

[مشعل عسام التريباني]

بســــــــــم الله الرحمـــن الرحيــــــــــــــم

الشاعر \مشعل عسّام الغافل التريباني الشمري



(نصيحة بن غافل) ..


قال بن غافل يوم يكتب مثايلــــــه=خذيت من بحرالمثايل جزالهــــــا

اكتب جزيل القاف واترك هزيلـه=اتعب على الجزله واترّك هزالهــا

اتعب على نظم المثايل وصوغهـا=للمستمع حتّــــى يبين جمالهـــــــا

بالنصح والتوجيه اباكتب قصيدتي=عساني من اللي قمّة النصح نالها

تسمّعو يــــــاهل العقول اللبيـبــــه=قبل النفوس يحين موعد زوالهــا

تروكم بدارٍ كلهــــا هم وابتـــــــلا=لاخير بالدنيا ولا في ضلالهــــــا

لوكانت الدنيا بهــــا دار مستقـــــر=وجدتو رسول الله باعلى تلالهــا

لانه اولى الناس بالخيـــر والبقــــا=واخيرمن بالقاع واكمـــل كمالها

ولوكانت الدنيا تـــــدوم بنعيمهــــا=مايشرب الكافر حــــلاوة زلالها

ملعونه الدنيا وملعــــــون مابهــــا=الاّ كلام الله هواحلا حلالهـــــا

حذرا من الدنيا بزيفــــه تغرّكــــم=لو اقبلة لابد يبدي خمالهــــــــا

الاخـــره دارالقرار اعملـــولهــــا=دارالكرامه سعدمنهـــــو ينالها

دارالكرامــــه واللؤالـــؤ ترابهــــا=هبّو لها يـــــاراغبينن جمالهــا

ياسعد من وفقه ربـــي وصولهــــا=ياسعد من بلغه ربي وصالهــا

دارٍ بها الاثمار والـــــورد والزهر=تستقبله حورٍ يونس قبالهــــــا

في جنة الفردوس يهنـــــى بسكنها=في جنةٍ يسعدبها من سعالهـــا

وتمة وصلى الله على سيــــد البشر=عداد ماتذرا سوافي رمالهـــا

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري


(( انت يلي طال هجرك للصلات)) ..

انت يالي طال هجـرك للصلات = اغتنم حالك قــبل وقــت الزوال

اغتنم حالك قـبل وقـــت الممات = واحذرالدنيا تغـــــرّك بالجــمال

انتبه تنغرفــي طــــــول الحيات=والتمتّع بالمـــراكـــب والحلال

واعـرف ان الباقيات الصالحات = عــند ربك خـير مــافـيها جـدال

والــبقاللــــه رب الكـــــائــــنات= وكل من فوق البسيطـه للـزوال

كل نفـــسٍ منتهاهــــــا للـــوفات = وكل حـــــيٍ ينتهـي بالارتحـال

قم بحــق الله واطلـــبه الـــثــبات = واطلبه حسن الاجابه للســــئوال

يوم تحــشر كل خلق الله عــرات=فـــــي صعــيدٍ واحدٍ مابه ظلال

فـــي نهارٍ والبصائر شاخصـات = وكل عضوٍ منك بالي شاف قال

قالة الرجلــين حنا شـــــاهـدات= للمســـاجد مامشــــــينا باعتدال

بس نمشــــي يم كل المغــريات = فــــــي يمين الدار والاّ بالشمال

مايحــــركنا ســـــوا للملهـــيات =عاصــــــيٍ ربه كثير الانحلال

ويش عذرك يوم ينطقن الشفات = ماذكـــر ربّه ولا للحــق قــــال

ولاقــــــرا بالفاتحه والصافـّات = ولارفــع كفـــيه للــه ابــتهــــال

ولاتسمّــع قول حيا للصــــلات= بــــس للدنــــيا كثـــير الانفعال

الامانه شـــــــالــها دون الثبات = والامــــانه مـــــاتحمّلها الجبال

ذي نصيحه للعقول الصاحيات =اسمـــعو منــــي نصيحه يارجال

مالكم عن رحمة المولى غنات = يغفــر ذنوب البشـــر لوهي ثقال

بس يبغـــي له عيونٍ ساهرات = بالتضــــــرّع للولي في كل حال

ياكــــريمٍ عالمٍ بالــخافــــيات = تكــتب الغفـــران لي ياذالجـــلال

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



((القلم والبوك)) ..
القلم والـــبوك عــند ي والــمــداد =واخذٍ من قمّة الشعر اجزله

اكتب الجزلات واخشـــى الانتقاد = واترفّع عن قصيد المهــزله

احمـــد الله مركبــي فوق الشــداد = يوم كلٍ يمتطي ظهــر جمله

لابتــــي شمـــر مطـيفــــينٍ وكاد =فعلهم معـــروف محدٍ يجهله

يقحمون الخصم في وقت الطراد = فــــــي نهارٍ فيه مثل الزلزله

ياحصــل مصباح والاّ جاء هجاد = تنقـــلب عــقّا لهم تقل اجهـــله

باعــو الارواح فـي سوق المزاد = يرخصون ارواحهم عند زعله

قمّة الامجاد فـــي وقــــت العناد =ومـــن دخل ببيوتهم راح زمله

الـطـــنايا لابتـــي د رع الــبلا د = بالســنــين المســــملات الاوله

وبالكــرم يرمون للسرحان زاد = اشبعــو ذيب الخلافــــي منهله

عارفـــين الســـالفه كل العــباد =ســــيرتٍ عـــند العــباد مجمّله

واللحــيسه عندنا شــــــيٍ وكاد = نكــرم العانـــي بشـــيٍ نــبذ له

والجــوار الاسلمـي جابه واجاد = تعجــز الرد يان عنما يفــــعله

والخـــوي جبناه من دار الحماد =مقــدم الشـــــلقان يرفع محمله

قال حطوله علــى متنــــي مهاد =لو ثقل وزنه فلا هــــي مشكله

مقتطف مــن فعلنا ماهـــي دواد = يوم خطــو اللاش لاشي عمله

مقتطف من فعل خطلان الاياد = والنفـــــوس خفاف مهــي مثقله

داخـــلٍ بالله عــن ظلم العــــباد =الــقـبايل كل ابوهــا مكــمـــــله

خايفٍ مــن سطـــوته يوم التناد = والتجــــي بحماه ورضاه اسئله

رافعٍ ســــبعٍ طــباق بلاعــــماد = مـــــرجعٍ للقاع من عقب محله

[مشعل عسام التريباني]

بسم الله الرحمن الرحيم

الشاعر \ مشعل عسام التريباني الشمري



((رثى بالمغفور له باذن الله ))

الفقيد متعب فريح التريباني ..

يالله ياللي كل حيٍ ترجـــــــــــــاك = ياخالق ادم من صعيد الترابـــــي

انت الكريم مدبّرٍ كل الافـــــــــلاك = وانت الذي نرجيك حسن الثوابي

وانت الذي ماخاب عبدٍ تنصّـــــاك = وانت الذي بامرك يسير السحابي

ارجيك من عفوك ولطفك وحسناك = تكرم كريمٍ للجزيلات جابــــــــي

عساه ينزل جنة الخلد برضــــــاك = وعساله المنزال برضاك طابـــي

يالله تجيب اللي من القلب ناجــــاك = دعواتنا لعلها تستجابـــــــــــــــي

يالله تعوضه جنتك عقب دنيــــــاك = يامنزّلٍ على الرسول الكتابــــــي

اللي جوابه للمسايير حيــــــــــــاك = فقده على كل الرفاقه مصابــــــي

راح الكريم ودك بالقلب دكـــــــاك= تقول يطعن في شطير الحرابــــي

الله يابو افريح بالخلد يجـــــــــزاك = من سلسبيل الخلد تسقى شرابــي

وتستقبلك حورٍ تزيّن لـــــــــرؤياك= وايقال لك حياك مسعاك طابـــي

حورٍ تجهّز لك وتفرح بلقيـــــــــاك = بامر القدير اللي يرس الهضابـي

كم مرتٍ تدفق من السمن يمنـــــاك = مرحوم ياللي ماذخرت الزهابـي

مرحوم ياللي قل مثلك وشـــــرواك = من خلقته ماقيل للشين جابـــــي

مرحوم ياللي ماتزعّل دنايـــــــــاك = واعن المراجل يوم ماقيل غابي

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((الزمن ))
رد على قصيدة الشاعر / زيد مطلق ((الزمن )) ..
يازيد مطلق لك جزيل احترامـــي= كتبت شعرٍ يلمس العقل ومصيــــــب

الوقت ماتارد عليـــــه التهامـــــي = الوقت مابه عيــــب حنّا بنا العيـــــب

هذا الزمن من عهد سامٍ وحامــــي = ليل ونهــــار وتشرق الشمس اتغيـب

امقسّمه محيي رميم العظامـــــــي = سبحــان ربٍ رتّب الكون ترتيــــــب

بامره يسير الكون حسب النظامي= صيف وخريف وقيض حام اللواهيب

مابه خلل باالكون هذا الكلامـــــي = مار الخلل بالناس مابــــه تكاذيـــــب

اكبر دليل العود مالـــه مقامــــــي = يضحك على الرجال ياناشه الشيـــب

لوهو من الي يحتمون الجهامــــي = ولو هو كريم الكف مابه عذاريـــــب

واشوف راع المال يلقا احترامــي = لو هو من الي يسهجون المواجيــــب

سمّوه شيخ وقدمو لـــه سلامـــــي = ويقلط على المركا ويلقا تراحيــــب

وراع النميمه ينطحونه شمامــــي = الخايب الي يدّي الهرج وايجيـــــب

والطيبين اهل الفعول الجسامــــي = محدٍ يقدّر فعل عكف الاشانيـــــــب

وارج السموحه يالكرام الحشامـي = انكان هرجي جنّب الحق تجنيـــــب

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري


((مكافحة التدخين)) ..
ياشاربين التتن تكفون تكفـــــــــون = خلّو خبيث الريح لاتشربونــــــــــه

يرّث على راعيه سلٍ وطاعـــــون= كم منسقيمٍ يشتكي من طعونــــــــــه

ويدمّر الشريان ويغيّر اللـــــــــــون = كم من سليمٍ غـــيّرالتتن لــونــــــــه

للناس لون وراعي التتن له لــــــون = يمتاز بالكحه وطيحة سنونـــــــــــه

تكفون حذرا في شـــرابه تمــــادون = طشّو خبيث الريح لاتنقـــلونـــــــــه

انتم رجــــــالٍ بالمهــمه تعـــــدّون = والى بغيــتو حـاجـةٍ تقـــدرونــــــــه

وانتم سلايل ندّرٍ يــــوم يطـــــرون =مــثل الجبال الــــي تعلّة ركونـــــــه

ناسٍ تروم المجد ماتقبل الهــــــــون= عزالنفوس بمــــالهم يشترونــــــــــه

وانا علي النصـح وانتم تصــنّــــون= لعــــلكم راس الفخـــرتبلــغونــــــــه

انكان مقصدكم للامجاد ترقــــــــون = المجد بالتــنباك مـــــاتدركونـــــــه

مايدرك الامجاد من يتبع الهـــــــون = والصبرمفتاح الفرج يذكرونــــــــه

كل الفخر بمراقبة خــالق الكــــــون = الواحد الي ماتغـــمّض عـــيونـــــه

وكل الفخر بالي الى جا ضحا لكون = ارواحهم بالمعركه يرخصونــــــــه

والطيب بالي للصياني يحطـــــــون = ومفطحاتٍ بالصـــحن يجدعــونـــه

كرام اللحا بالضيف دايم يهلّـــــــون = عند اللـــوازم ماتعـــقد جفــــونــــه

الي بعصمان الشوارب يفّــــــــزون= ياجـــوه يكرمهم وهم يكـــرمونــــه

والى لفا المجلس لوجهه يقومـــــون = النادر الــــــــي لابته يرغبونــــــــه

له مجلسٍ فيه النشاما يحلّــــــــــــون = مفـــتوح بابه والنشامــــا يجونـــــه

هذ ا طريق الطيب يالي تسالــــــون = ولاّ شـــراب التـــتن كلّه مهـونـــــه

تقبّلــــــو نصحي ولاتستملّـــــــــون = النصـح منــي حــاولــو تقبلــونــــه

[مشعل عسام التريباني]

بسم الله الرحمن الرحيم
( العود )
الشاعر مشعل عسام التريباني الشمري
هذه القصيده قلتها بالوالد رحمة الله عليه قبل وفاته وهي لها سبب حيث انه يوم من الايام كلمته الصباح كعادتي دايم اصبح عليه بالخير وعند ماكلمته سمعت صوت واحد من الربع يقول سلم لي عليه قلت من عندك قال كل الربع عندي يسلمون عليك قال هو الي يقول سلم لي عليه كلنا عنده لولا الله ثم ابو مشعل والله يذبحنا البرد يشب لنا ويفطرنا كل صبح وهو شايب وحنا عيال مار مابنا خير ثم هاجت القريحه وقلت هذه الابيات
العود ..
ليت الفلوس ترجع الرجل لصبـــاه = نبي نــــــردالعودلـــــوّل شبـــابـــــه

اللي يفج البــــــــاب للي تنصـــــاه = مـــاصك من دون المساييربــابـــــه

الفجرنجـــــره يزعج الحي بــعواه = يقنب كــمــاءيقــنب كبيـرالذيـــابــه

الشـــايب اللي يسعدالله محيـــــــاه = اللي على الطـــولات يتــعب ركابـه

له دللــةٍ في واهج النارمركـــــــاه = من كثر وسم الناربــان الصـــدابــه

لعـــــل عبثـــات الليالـــي تعـــــداه = آمين يــامرسي شــــوامـخ هضابه

ماجمّع الــدنياءولاكثرهااشقــــــاه = قل الفلوس وكثرهاء ماشقـــابـــــه

ماطب في كفيه من مـــالٍ اهفــــاه = يقول كثر المــال مالـــــي ولابـــــه

كفــه على كسب المكارم مضــراه = يدرك دروب المرجلــه مــايهـــابــه

يدرك هلا باللي لفانــــاء وحيــــاه = ويفز بــالاقصين هم والقـــرابــــــه

الله يساعدني واحقق لــه امنـــــاه = لوكان ابيع النفس وارضي جنـــابـه

ياسعد حضي كان اناءفزت برضاه = ادركبه الجنـــه وبــاردشـــــرابــــه

في ساعةٍ فيها الرجل ينكــرابنـــاه = كـــلٍ يــحضرللسئــوال الاجـابــــــه

احدٍيحضـــرلــــه كتابـــه بيمنــــاه = واحدٍيسلــم في شمــالـه كتــابـــــــه

الفوز بالجنـــه تحت خف ماطــــاه = بامر الكريم اللي ينشّي سحـابــــــه

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري
ايها الاخوان الكرام انا مسافر انشالله تعالى في اجازة العيد ويمكن مايتوفر لي الكمبيوتر وقت الاجازه استودعكم الله والى اللقا بعد الاجازه باذن الله تعالى
( المال ) ..

ودك ان المال يعطى للرجال الطيبيــــن=كل طيب ودك ا ن الولي ييسرعليــــــــه

كل ضرغام بشوش في وجيه المقبليـــن=راكد موزون هرجه يونس من يجيـــــــه

يفتح الابواب بوجيه الرجال القادميــــن =مايكن عن المساييرشي يحتويــــــــــــــه

ماتعرف ايساره اللي يقدم باليميــــــــن =كل شي قدمه للضيف في حينه نسيـــــــه

لينن للجار دمث للفقارى المعسريـــــــن=بايعن للبخل والطيب دايم مشتريــــــــــه

يدمح الزلات للي غلط في كل حيــــــن =ماتتبع كثرت الزلات ماينشد وليـــــــــــه

حاتمين بالكرم للضيف ذباح السميـــــن =مثل هداج المسمى يروي وارديـــــــــــه

شامخ كاالطودبه ملجى لربعن زابنيـــن =مثل لون السمن يعلو ولايعلا عليــــــــــه

يدري ان المال زينه للرجل هو والبنين =مانفع قارون ماله وكثر مشجعيـــــــــــــه

الكرم من خلقته مجبول في ذاك الجبين=هو يحب الطيب والطيب يزهى اللي يبه

ماجلس هووالحليله وحدهم جالسيــــن=ماستمع في كثر هرجه وماألة إليــــــــــه

التواضع فيه ماينحاز للمتكبريـــــــــــن =قايمن في حق ربه وخدمة والديـــــــــــه

ياعسى جنس الكريم يزيدعند المسلمين =وكل من هذي صفاته عسى الله يحميــــه

اشهد انه يرفع الراس عند الغانميـــــــن= ودك ان امول الانذال تبقى في يديـــــــه

وختمها صلوعلى حامل الوحي الاميــن =عدوبل لغيث ونجوم السمى صلو عليـه

[مشعل عسام التريباني]

بسم الله الرحمن الرحيم

الشاعر\مشعل عسام الشمري



(( مصمم الجيب الفـكـس أر )) ..

اطلب اللي كل ما راد يفعل مايشــــــا =ياايلاه الكون يا محيــي العظم الرمـــــــيم

جيبٍ اشهب كن حسه الــــــى منه مشا = نشنشة هملول صيفٍ عقب وقت العتـــيم

وكن زوله ياتنهض وبالمشي اجهشــا = زول شيخٍ يرفع السيف في وجه الخصيم

اشهبٍ تقــول ذيبٍ يد ورللعــــــــــشا =يتــبع الغرات للــــــي يــربون النعــــــيم

مثل صنع الجيب ماصارلاولله حــشا = ياجعل من صمم الجيب في وسط الجحيم

صممه ملعون كافرعن الحق اطرشا = ماسمع للحـــق ياصـــار تفكــيره سلـــــيم

ليت من صممك مسلم ولله يخـــــــشا = مـــسلمٍ يخاف مـن سطوة الرب الرحـــيم

صانع الفكس أر ليته على السنه نشـا = مـــسلمٍ يخــاف ربه ويـــسجــد للعـــــــيم

مايشيل اسفار غيره بصبح وفي عشا= بالـــشٍ فــي خدمة الناس والماواوخــــيم

يحمل اوزاره وطول النهارمحششا= خاب ســـده ليــش مايعــــبد الله الكريـــم

كالـحـمار يشيل الاسفارفيها يبــــلشا = مـــن عصا المعبودلازم يطاوع للرجـيم

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه قصيده مرثيه بالغفور له انشالله
غالب خالد هندي رحمه الله
هو ولد بن عمي الداني توفي يوم العيد الاول للمعلوميه


مرثية غالب ..
اناعيونـــــــــــي للد مـوع اسبلنا = باول ليال العيد عيد رمضانـــــــــي

عينــــــي دموعه للخدود جرحنا = واوجست شيٍ في ظميري كوانــــي

مـــــن يوم غالب شاله الموت عنا= لونمت لذات الكـــــراماهنانـــــــــي

عــــــــــزّي لبوغالب وجده وحنا = من حرفقده كيف يهنا المكانــــــــي

غالب رحل عنا وحـــــــــنا سكنا = ونرحل ويسكن غيرنا بالمكانــــــي

ياخالداكتم عــــــــبرتك وارجهنا =واصبرولوجار الدهربميلانــــــــي

المــــــوت حقٍ والليالــــــــي وفنا =والعمريامشكاي لاشك فانــــــــــي

لو الد موع مـــــن القــــــدريمنعنا = هليت دمعٍ صافيٍ صرهجانـــــــي

ولوانهن يجدن الـــــــــــــى سرّبنا = امرت عيني تجتهد بهملانــــــــــي

اصبرعلــــــــى ظيم الدهرلاتشنّا = وتوجرعلى صكات ظيم الزماني

دنياك هــــــــــــاذي مابها ماتمنا=خوّانتٍ ياخوك مافيها امانــــــــي

مرٍبها نفــــــرح ومــــــــرٍ حزنا = قدامنا كم دمّرت مودمانـــــــــــي

اجالناعندالولـــــــــــــــــي قدّرنا = ماتنتوخرلوطلبنا ثوانــــــــــــــي

الله خلقنامـــــــــــــــن ترابٍ وكنا = لله جزيل الشكر والامتنانــــــــي

[مشعل عسام التريباني]

(( بســــــــــم الله الرحمــــــــــن الرحيــــــــــم ))

هذه خاصه بالجماعه لكن انتم عندي مثلهم ولا اخفي عليكم شي

الشاعــر\ مشعــل عسّـــام التريباني الشمّـــــــري
ربعي الدهمان ....




راكب اللي يااشتغل ياكـــن دقة سلفـــــه = تقل ضحكة جادلٍ ضحكة وهي خجلانه

سايقه ماحسّب اثمانه ولوهــــــي كلفـــه = مايهمّه مادفع به لـــو تزود اثمـــانــــه

منوت اللي ناوين يضرب طرقتٍ صلفه= اخذٍ له فترتٍ عـــن ديرتــــه ووطانـــــــه

مبطين والحب ركّز في ضميره شلفــــه= خابرٍ له جـــــــادلٍ لمشاهــده شفقانــــــه

عيطموسٍ دمّرة عقله بزايد ولفــــــــــه = ولّعة باقصــــى حشا عشّاقها نيرانـــــه

خابره لوطالة المدّه مهــــي مختلفــــــه = لان حبّه في حشاها راجـــــحٍ ميزانـــــه

وصّل المكتوب يـــم اهل القلوب الولفه = لابتي عند الملاقا توفـــــي الديانـــــــــــه

سعد عين اللي مـــع الدهمان يذبح حلفه = هم عمى عين العنيد اللي يزود اجنانــــه

يردعون الضــــد لين الضد يرجع خلفه = لين عقب التمتمه يرغي وينقص شانــــه

وباالكرم مــــاحسّبو لاموالهم لو تلفــــه = المراجل ربعي الدهمان هـــم عنوانـــه

وجارهم معهم معزّز بالسنين الصّلفــــه= محتوينه كلّهم تقول بيـــــن اخوانــــــه

وان حصل يومٍ عبوسٍ والسنين اختلفه = يتعبون الخصم يامنّــــه رقص شيطانه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
رد على ياسر الحبيب المطرود من دولة الكويت والموجود حاليا بالعراق الذي اساء لزوجات النبي صلى الله عليه وسلم
ورماهن بالزنى هذا( الخبيث الفاسق) مانقول الا حسبنا الله ونعم الوكيل الله ينتقم منه انشاء لله

دفاع عن السيده عائشه رضي الله عنها ..
انت الخسيس النجس وبن النجس وبن الخائبين=كلــب اليهود اللي تربا عندهم وبن الخسـاس

وانت الخبيث المخبث الفاسد ومطرود ولعيـــن=مثلك يروم الفسق ويحطونه الاعــــدا مـداس

والله مانخليك تطعـــن بامهــــات المؤمنيـن=لاخير بخشومٍ على الغلطات مافيهــا عطاس

حنّا تهاونا معاكم يالخباث المفسديــن= وانتم تماديتو وفاس الغدر حوّل فـــوق راس

اثره صحيح الـكـلب ياكرمته لحس يدك اليمـيـن=لانه نجس والنجس ماياتي منه غير النجــاس

الان توه يتضح مــــن عندكم حقدٍ دفيـن=والله مافي حقدكم شكّه ولا فيه التبــاس

تخسا يداكم ماتدنـّس عرض زوجات الاميــن=نقطع يدينٍ حاولت باعراض زوجاته مساس

والله لولان الحديد الصلب حنـا مانليــن=لاخير برجالٍ على عرض النبي مابه حماس

ولاخير في شعرٍ يقصّرعنّكم يالمغرضيـن=ولاخير بعيونٍ الى سب النبي جاها نعــاس

ياعابدين المقبــره يالضّالين المخلفيــن=ياهل العقول اللي من التتنيك داخلها انتكاس

ان مازعلنا لجل هذا ليش حنا عايشيـن=احسن لنا نفنا ولانخضع تعشــّانا البسـاس

ياكلـب مد ايديك واربض مع صفوف الملحــدين=والبد ورا الجدران وانبح كل ماحان الدماس

وحنا ترانا عنك ياكلـب النصارا مغتنيـن=نبي فراق اللي سواتك ساقطٍ عبّاد كــاس

اللي يسب الانبيا ماينتمي للمسلميــن=كافر حقير وملته يغلب عليها الانعكـــاس

[مشعل عسام التريباني]

بسم الله الرحمن الرحيم

الشاعر / مشعل عسام التريباني الشمري







وصف العيب ..



ياضقت حضّرت القلم وازرق الّلون=وعبرت عن ضيقات صدري بالاشعار

هاض القصيد وبيح الصدر مكنـــون =وغصـــت البحـــور وجبت لؤلؤ ومحـــــار

ياهاجســـــي سجّل تماثيل وفــنــون= ياجيت ســـــــوق المـــوهبه طب واختـــــار

الشعر فن وذوق ياللــي تقولـــــــــون = خل المـــثايل واعـــتزل نظم الاسطــــــــار

ماني مطيعٍ هرجكم لوتعذ لــــــــــون =اتــــبع بنظم الشعــــر وافيــن الاشبـــــــــار

مثل الزناتي والمهادي وابن عــــــون = اللـــــي نهار الكـــــون ياطــون الاخطــــار

مع نمر بن عدوان هو وابن لعـــبــــون =اللــي لهم فــــــي نظم الاشعــــــــــار تذكــار

اللي علـــى نظم القصايد يعيمـــــــــون=كمـــايعــــيم لنقــــلة الطــــــير صـــــــــــقار

شعار وان حـــل الملاقا يعـــوضــــون = لهــــم تــــواريخٍ بـــهـــا العــقــل يحــــــتار

والرزق عند المعتلي عــــالم الكــــون=اللـي حفض ذنون فــــــي غب الابحـــــار

الواحد الي امره على الكاف والنـــون=المعتلي بالكـــــون علام الاســــــــــــــرار

اللي عصم يوسف من الذل والهــــون = اللـــــي لكســـــر العظـــــم ياراد جـــــبــار

اللــي من اجل ارضاه خلقه يصلــــون = اللــــــي بـــتدبــــيره تصاريف الاقـــــدار

ماهو بعيب الشعر ياصــــــــار موزون = تســـلابه الانفـــس وتــــزداد الافـــــــكار

العيب ياللي للمثايــــــــــــل تعيبـــــون = العــيب مـــن ينظـــر على غرّت الجــــار

والعيب باللي للفرايض يخلـــــــــــون = والعيب عق الوالد الناصـــــــــح البـــــــار

والعيب عند الناس قولٍ يقولــــــــــون = نقل النميمه منبع العيـــــــــب والعـــــــــار

ياللي بغــــــرّات الاوادم تسلـــــــــون= ياويلكم من يوم تشخص بــــــــه ابصــــار

يومٍ به العالم عواري يحضـــــــــرون = يحكم به اللي عالمٍ كل ماصــــــــــــــــــار

يحكم عليكم فــــــي جهنم تحلـــــــون= طعامكـــــــــم زقوم والمسكن النــــــــــار

[مشعل عسام التريباني]

بســـــــــــــــم الله الرحمــــــــــــــن الرحيـــــــــــــم
هذه القصيده تخص اهل الحسد
حيث ان بعض ا لنا س يحسدالاخرين حتى
على الكلام الزين نسا ل الله العافيه
اسم القصيده (الحسد والكذب والنميمه)

الشاعر\مشعل عسّام التريباني الشمري
الحسد والكذب والنميمه..



عطوني القرطاس هو والقلميــــــــا =ابا اكتب القيفـــــــان وازن بناهــــن

ياهل القلوب ا للي من الحسد عميا = واهل الصدور اللي من الحقد تشحن

ضغاينٍ مـــــــن زايد الحقـــــد دميا =دميـا وفيهـــــــا زايد الحســـد يسكن

دايم مكاويهم علـــــى الناس حميــا = دايـــم مكاويهم علــــى الناس يحمن

يرمون خلـــق الله بالاحقاد رميـــــا = تضــــك لهــــــم وبداخل القلب تبطن

كم من حسودٍ شب نــــار وشعميـــا = بيـــن الرفاقه ولّـــــع النـــــار وافتن

ايفرّق العالـــــم خبيــــث النغميـــــا = يعــــل يرثــــع بــه فصيــلِ من الجن

يالله عســـــى راع الحســــد للنقميا = الفاجراللي يعشق الخبـــــــث والظن

الحاسدا للـــي بـــاع كـــــــل الذمميا=عساه يطــــــرم والقوايم يعيبـــــــــن

اللــي علـــى الاجواد يرسل حمميـــا = خبث النوايا والبــــلاوي حملهـــــــن

ودك علــــــــى راســــه تحط القدميا = تاطاه لين عضام فكّــــــه يطيحــــن

ناسٍ نست كـــــل الشيــــــم والقيميا = بالكذب والتزويـــر قامــــة تزيّـــــن

ياعــــل راع الكـــــذب يعطا الطرميا =ابيه ينظر بــــس بالعيـــن ويـــــون

ابيه عن كثر الحكــــــي ينفطميــــــا = ويعرف قدر نعمــة وليّــــــه ويسكن

ويعرف حـــــــــــق الله كثير النعميا =عليه ويجنّب عـــــن الناس ويصـــن

يانـــاس راع الكذب مــــــا ينحشميا = اللـــــي بزود الكــــذب دوم يتفنــــن

اللــــي علـــى فرقا الرفاقه عزميـــا= يهزّهــــم هـــــز المقاليع للســــــــن

جمّع جيوش الخبث ثـــمٍ هجميــــــا = وسددو قنن رميتـــه ليــــن مكــــــن

ناسٍ علـــى فرقا المجبين ضميــــا= سودٍ ٍنواياهـــــــم وعيّن يصحّــــــن

الله يعطيهـــم شديــــد السّهميــــــــا = حتى قلوب اهل المــــودّه يلينـــــــن

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري



نصيحه للاباء والامهات والابناء ..


بدينا باســـــــــــــــــم الاْيلاه = المعتلــــــــــي في سماه

جل ربــــــــــي فــــــي علاه = سبحان الـــــــرب القدير

ومــــــــــــن بدا باسم الله فاز = بـــــالمــــــكارم مايعتاز

وللكـــــــــــــرامه جادوحاز = مــــــــــنذو سميعٍ بصير

ثمــــــــــــــــن ببدا بالقصيد = واباكتب شــــين مـــــفيد

مهو مجــــــــــــــــرد تهديد = انصـــــــــح واحذرتحذير

والنصـــــــــــيحه لبو البنت = اسمع كلامــــــــي لاهنت

النصـــــــــــيحه تعنيك انت = ياراع العقل المــــــــــنير

جــــــــــــــوّزبنتك يالحبيب = لاتتركها لين اتشـــــــيب

الـــــــــى حصل له نصيب = تر رفضه شيٍ خطــــير

ياجاك الرجل الــــــــــنزيه = جـــــوّزها واشفق عليه

لاتنشد وش فــــــــــي يديه = الدنيا حبله قصــــــــــير

لايغـــــــــــــرّك كثر المال = والدرهم هـــو والريال

ترا يقـــــــــــــــــفاه الزوال = لايجـــــي منك التقصير

جــــــــوّزها ياجا الخطيب = لوتدفع ممابالجــــــيب

ترا هــــــــــــذا مابه عيب = تكسب بالمسكينه خــير

اســـــــــــــتربنتك بالزواج = ومن ذنبه شفلك خـراج

انت المعنــــــــــي مايحتاج = انت المعني بالتقصــير

والله الله باهـــــــــــل الدين = واهــــل الخلق الطيبين

تروهم درن ثمـــــــــــــين = لومهنا مالٍ كثـــــــــــير

هــــــــذي وصات الرسول = هــــواللـــــي فيها يقول

مهــديها لهل العــــــــــقول = ولازم عليها نســـــــــير

ياجاك الرجل المناســــــب = عطه لاتدورمكاســـــب

تراك انت اللي محاســـــب = عن تقصيرك بالاخـــير

لاتطمــــــــــــع تبغا راتبها = توقفها وتقطع ســـــببها

ترك ترحل واتســــــــــيبها = والله يعلم وش يصـــــير

بعدمـــــــــوتك وين اتروح = ومن له من بعدك نصوح

ومنهو يغط المفضــــــــوح = وين المْاوى والمصــــــير

وحتــــــــــى انتن يالامهات = ترا منتن مـــــــــعذورات

لا تصـــــــــــــــــيرن طماعات = اسعن فــــــــي حسن التدبير

وابا انصح حتــــــــــــى الشباب = هـــــــــــــــبّو ياؤل الالباب

تادبــــــــــــــــــــــــــو بالاداب = لاتخلـــــــفون المســـــــــير

تزوجــــــــــــــــــــــو يالابطال = هاذي صــــــــــفات الرجال

ياحصــــــــــــــلت بنت الحلال = لاتتركــــــــــونه تطـــــــــير

ترو الرجل اللـــــــــــــــي فهيم = مهـــــــــــوبالــــــوادي يهيم

يســــــلك دربٍ مســــــــــــتقيم = مايمشـــــــــــي مثل الضرير

هاذي نصـــــــــــــــــيحة محب = عـــــــــــــساها تلقا ملــــــب

انا بذلت الســــــــــــــــــــــــبب = والله علـــــــــيه التـــــــــيسير

وصلاتـــــــــــــي على الرسول = عددمـــــــــــــــاهل الهملول

جعلـــــــــــــــــــــي للسنه ميول = بحق الســـــــــــميع البصير

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري


يقول بن عسام باروع مثايله .. ..

يقـــول بـــن عــسام باروع مثايلـــه =مـــثايلٍ به للـــرجـال دلــــــيل

خذيت مــن بحر المثايل جــــــزالها =مانــــي من اللــي يكتب الهزيل

ياسال حبر الباركر بـــين اصابعــي = كــن الذهب مـــن ريشته يسيـل

والــــى دعيت افكار شعري تواردت = كنــي من الطعس الهيال اهيل

شاعر واصــــون الشهر من كل زله= مـــن شـــــان نقاده تجي قليــل

يبقــى قصيدي كنه النقـــش بالصخر=ويشهد قصيدي جيل بعده جيل

ياسامعين الشعر صلو علـــى النـــبي = عداد مــن ينظــــر لنجم سهيل

ثم اســـمـــعــــو منــــي نصيحه ثمينه =تـرا النصـــــيحه شيلها جمـيل

امــــانتٍ عــــندي وملــــزوم اقـــولها=حــيــث الامانه حـــملها ثقيــل

علـــــــــيكم بتقــــوى الله جلا جلالــه =الـــواحد اللــــي نزّل التـنزيل

ادّو ركـــون الديـــــن لاتــــتركــونـه = صلـّو وخافــو سطـــوة الجليل

ياسعد من يحفظ صـــــلاته من الخلل = مــن قلــب خاشــع للولي ذليل

وياويل مـــن فرّط وضـــيّع صـــلاته = يــوم القـيامه مستقـــــرّه ويـل

وادٍ بوســـــط النار يصــــلاه حــرّها=حــرّه شـــديد ومنتهاه طــويــل

مسكان للــــي يتــــبع النفـــس والهوا= الـــــى نزل به يصعب الرحيل

اللـــي يطــيع النفــس بالنار زجّــــته = فـــــي واديٍ فيه العصات نزيل

مسكــــين ياللــــي طاع نفسه وغرّته =انا شـــهد انه ضــــايعٍ هـــبـيل

ياللــــي بخلــــت بركعتـــينٍ تجـــيبها = تر الـولــــي ما يكــرم البخـــيل

وتمّة وصلــــى الله وسلم علــى النبي =عداد برقٍ بالظــــلام يشـــــــيل

وعداد من صلى الفرايض ومن مشى =علـــــــى النبي عدد نجوم الليل

[مشعل عسام التريباني]

بسم الله الرحمن الرحيم

هذه خاطره ليس بقصيده عسا ان تنال اعجاب الجميع وهي صحيحه انا
شاهدت ذلك بعيني وعلى مرئ من الناس في المستشفي بالبحرين للاسف


الشاعر\ مشعل عسام التريباني الشمري



((يوم رحنا للمنامه)) ..


يوم رحنا للمنامه شفت لي شيٍ غريب = شـــــــي تنفاه العقيده في بلاد المسلمـين

شوف عيني قائد الغزلان قبّل خد ذيب = يالله انـــــي داخلٍ بك من الطبع المشـين

كيف صار الريم يرتع بغارٍ فيه شــيب = وكيف صارالشيب هو والضبا متوالفـين

من يجاور حيّةٍ لابده وســـــــــط القليب = لايفكّـر سمها مايصـــــــــــيبه منه شـين

لايفكّر سمها ينقلب مثل الحلـــــــــــيب = عمـــــر سم الداب ماشـف بين الشفتـين

ينتبه من لدغة الداب من عقله لبيــــــب = ماتصيد المصـــيده كل من عقله فطـين

انت مسلم لاتعــــــــدا ترا العدوان عيب = الظمير الحـــــــي ياْبا طريق الضايعين

احفظ ايمانك وجنّب كل مشبوهن مريب = واتّبع ســــــــنة محــمد ختام المرسلين

لاتغرك كثرالامــوال والماْوى الرغيب = خف عقاب اللي مسويك من ماْءٍ مهين

جل شانه واحــــــــدٍ عن عباده مايغيب = يعلم البـــــــين وعلام مايخف الكنـــين

[مشعل عسام التريباني]

بسم الله الرحمن الرحيم

الشاعر \مشعللا عسام التريباني الشمري


مشاركه اعتاق رقبه ..

العفـــــــــــو عند المقدره طبع الرجال الطيبيــــن= مايخسرالرجال ياسوّى جميلٍ بالرجــــــــــال

يحفظ له التاريخ معروفه على طول السنيـــــــــن= كانحت في عرض الجبال الصم يبقى مايزال

مايندم الي يعمل المعروف عند الغانميــــــــــــــن = لابد مايلقـــــــا الكرامه كل ماجاله مجـــــــال

اللي عفا يلقا الكرامــــــه عند رب العالميـــــــــن = يوم القيامـــــــه عند رب البيت للعليا ينـــــــال

في ساعةٍ تشخص بها الابصار والخافي يبيـــــن = يظله الله فــــي ظلال العرش ياقل الظــــــــلال

من يرخص الغالي لوجــــه الله يبشر بالثميــــــن = يبنــــــــي له الله بيت بالجنّه ويشرب من زلال

مثل السويدي مقدم العافيــــن ضــد المعتديـــــــن= ترفع له البيضا على راس الرفيع من الطــوال

حمود بن نايل سليل الجود شيخ الصافحيـــــــــن = اللي تنازل واعتق ابن الجار ماكثّر جـــــــــدال

وغيره من الاجواد واجد للجمايل مدركيـــــــــن = مثل المهادي يوم خلا ابنه وللصعبات شــــــــال

الله يفرّجها على من فرّج الكربات بين المسلمين = ويجمّل الله حال كل اللي يحوشون الجــــــزال

لكن ترو عندي نصيحه ياهلا العقل الفطيــــــــن = خوذو بيد الجاهل اللي ماعرف قبح المئــــــال

وقولولـــــه ان الرب حرّم سفك دم المؤمنيــــــن = اصحى تهوّر ثم يجيبك زود خفّه وانحـــــــلال

تخيّل انك في حدا الايـــام بالمسرح طعيـــــــــن = وتخيّل امك يوم تنعا مصرعك يابن الحــــــلال

والا تخيّل دمعت امك وانت بالمخفر سجيـــــــن = تهل دمع العين وانت اسباب دمعه يوم ســـــال

هذي نصيحه والنصيحه تنشري يالمكرميــــــــن= وانا مقدمها هديه لاش فلس ولا ريـــــــــــــال

وتمّة وصلى الله على المختار والهاد الاميـــــــن =ماغرّد القمري وماهل المطر والواد ســـــــال

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه القصيده بالاخ نواف حسن المسمار طبعا هو خال ولدي الاكبر عبدالرحمن الله يحفظه يقول بنى له بيت شعر عند الغنم بالشعيب واصبح مسروق فكتبت له هذه الابيات

ياراعي القطبه .. ..


ياراعي القطبه اللي في شعيب المرير = اللـــــــي بحد الشعيب يكرّب اطنابها

وش لون حال المواعز ياعساهن بخير= احرص علــيهن من الشعبان وذ يابها

تر منزل الاوديه باخر زمناّ خطـــــــير=اخاف قطبتك تال الليل يســــــــرابها

هذا الزمان الاوادم شرها مستطـــــــير=ناسن علـــى اقرب قريب اتحدد انيابها

احرص تر الذيب بالغراّت لازم يغـير= كم هجمةٍ حـــــزّت الغــــــرّات فلاّبها

من عقب مرباعها و ورودها للغــــدير= درعبها ثم كفا ســــــــــرحان محلابها

واليوم دورالحصاني ميتين الظمــــير = استفرست لين بيّن ضـــــرب مخلابها

حصانين طول ليله عابره تســـــتدير = واليا اصبحت كل ابوها وطّـت ارقابها

اثره صحيح الذباب ايطيرمنه البعـــير=ماطير البل من المرتع ســـــوى ذبابها

الشله اللي على الاجواد شرن شرير= لابارك الله بالشــــــــــــــله ومن جابها

[مشعل عسام التريباني]

(( بســـــم الله الرحمــــــــــــن الرحيــــــــــــم ))


هذه قصيده للشاعــــــــر/ حجــــــي بن صالــــح الزعيلـــــي الشريهــــي يمدح التريبــــــان


مساجله بيني وبين الشاعر\ حجي الزعيلي الشمري ..


ياراكب اللي يانطلق كنه الباز= شد الخواجه مــــن حديث الطــــرازي

مجهزٍمابين سفتي وهزاز =منوت غريــــــــــبٍ للمسيرامتـــــــوازي

سلّم على ربعٍ كريمين واعزاز = كرام اللحا هلاالنفوس العـــــــــزازي

تاريخهم بين التواريخ يمتاز=حـــــازوعلوم المرجله بامتيـــــــــــــازي

هم عزوتي عزّي الى كنت معتاز= اللي بهم فخري وكل اعتــــــــزازي

نالووسام المجدوالكل بـــــــه حاز = ماعانقوطرق الرداوالمخـــــــــازي

كبارالبيوت وفرشهازل شيـــــراز= تعجب بها لوكان بيتـــــــــك قزازي

ابوابهم ماسكروها بمجـــــــــــلاز= مفتوحتٍ للضيف هووالمجـــــــازي

وادلالهم دايم علـــــــى شعلة الغاز= فنجالهن يشبه لـــدم الجــــــــــوازي

ومجالسٍ مايدهله كـــــــــــــل لماّز= مدهل نفوسٍ ماوجدبـــــه حزازي

عن ربعي الدهمان مانــــي بمنحاز= لواعتزل عنهم فلاني بعـــــــــازي

طرات بالي شوفهم يابوفــــــــــــواّز = لاكن ضروفي بادرت باحتجازي

الطيب ماهوبس بالحكي ينحـــــــــاز = يقوله لاول موارث مكـــــــــازي

من يفعل المعروف للصبريعتـــــــاز= ومن لادركه تاجب عليه التعــازي

وصلات ربي عــــــد سكان الاهواز=على حبيبٍ مسكنه بالحجـــــــازي


وهذا رد الشاعر/ مشعـــل بن عســام التريبانـــي الشمـري على حجــــــي الزعيلــي الشمــري





البارحة خـــــــــط القلم يكتب ارماز = من شاعرٍ ماهو عن الشعرعــــــازي

حي البيوت اللــــــي لفتني بالاعجاز= من واحدٍ يمدح ربوعٍ عـــــــــــزازي

حجي ولد صالح بكسب الوفا فــــــاز= بالمدح والناموس والطيب فـــــــازي

من لابتٍ عندي قديرين واعـــــــزاز = امدح هلاالمحاء بعاد المغـــــــــــازي

من صلب علي اللي له امجاد وانجاز= درع الجبال النايفات النـــــــــــــوازي

اللي بحزات الوغاءلــــــــــــلوفاحاز= يوم الرماح ويوم وقــــــــت المغازي

يوم الردي للمجد مـــــا نال الاحراز = يركي على كبـــــــد المعادي حزازي

جد ك صليب الراي بالفعل يمتـــــاز = علي غريب الدار ضلــــــــعٍ عزازي

مهي غريبه منك للربع الاعـــــــزاز = هاذي سوات اللي لامجــــــــاد حازي

تمدح على المكشوف ماهوبـــالالغاز = ولازم نرد المدح للــــي يجــــــازي

واناءاحمدالله لابتـــي فعلهم عـــــــاز= حلوين للطيب للاعـــــــداءنحــازي

رفيقهم لوقال ابــا جزي مهوجــــــاز= لوجا يعزالقلب مــــــــاهوبعـــــازي

حلوين للجيران عـــــــــــزٍ للاعزاز = مثل الذهب دايم ثقيل المــــــــــرازي

سجلت في بيض الورق كــــل ماجاز = عندي على نظم البيوت احتـــرازي

اغوص فـــي بحر التماثيل واجتـــاز= واطغى على غوص المثل باجتيازي

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

هذه القصيده بمناسبة وصول الامير سلطان بن عبد العزيز ولي العهد وزير
الدفاع والطيران والمفتش العام حفظه الله تعالى الى ارض الوطن معافا
مشافا ولله الحمد والمنه
هذه القصيده قلتها بمناسبة عودة الامير سلطان من العلاج العام الماضي..


المملكة لبســــــت مفاخر حللها = بمناســـبة مـــقدم سلا يل كحـــــــيلان

ضحكة جبال المملكه مع سهلها =تفخر بمقدم راعـــي الخير سلطــــــان

الشكـــــر لله عاد للـــدار املهــا = واستـــبدلة ثوب الفرح عقـب الاحزان

ان احمد اللي بالمكارم شملهـــا = مـــن الساحل الشرقـــــي الى حد عمّان

سكّانها واللـــي بشخصه نزلهـا = مــــن حدها لشامـــــي الـــى حد نجران

قالو هلا عداد مارخـــى هللهــا =مـــن مد لهمــــّن تالـــــي اللــــيل ودان

هلا عدد ذرات رملــه واهلهــا (= واعداد نبتٍ يزدهر وســـــط ريضــــان

وعدد حروف كتابتي مع جملها = و ماغرّد القمري على روس الاغصان

لاتحسب ان قلوبنا عنك تلهـــــا = لا والــذي نزّل علـــى العــــبد فـــرقان

نقرا الجرايد عن خبرك ونسلها = ونســـــئل لك الله الشـــفا وقت الاذان

وتدعي لك الايتام والله قبلهــــا = تدعــــــي لك الايتام ياطــــــيرحوران

ابا اكتب الاشعار بك وارتجلها = يامير انا بقـــــدومكم حـــيل فــرحــان

اقلوبنا يامــــير حــبّك شغلهـــا = وانا احمد اللــــي بالفرح عم الاوطــان

كتبت جزله والهزال اعتزلهـــا = ونظّــمت قيفانــــي كما نظم مـرجــان

تستاهل اكتب جزلها عن هزلها = من قال فــيك الشعر ماهو بغلطــــان

كتبت قيفاني على اللام والهــــــا = ونقّــــــيتها مــــن كل هسّه ونقصان

[مشعل عسام التريباني]

بسم الله الرحمـــــن الرحيـــــــم

((قصيدة الغاز))

للشاعر / مشعل عسام الشمري

موجهه للاخ نواف حسن الشمري
قصيده والغاز .. ..



راكب اللــي ينهب البيدا نهـــــب=اقطمٍ تـــــــو الوكالــــــــه وردوه

كن في زيكه تلاويــــــــن الذهب=او مـــــن الالماس زيكه زخرفوه

فيه خطٍ في جنوبــــــه منسهــــب=مثل سلـب الداب بالجنب الصقوه

صمموه اللي لهم ربــــي وهــــب=حكمـــة الصنعه ولوهم قد عصوه

يقذف العادم مثل لـــــون اللهـــب=مــــــن قزوزه يوم بالخط اطلقوه

وصل المكتوب بسلـــــوب وادب=يـــــــــم نواف المسمّى وصّلـــوه

ياصليب الراي لاجــــــاك السبب=ويش رجلٍ والخلايق قدســـــــوه

شتت العالــــم عريبيــن النســــب=لين صار الاخ ما ينضــــر لخوه

منه الانفس صار يغشاها النصب=هو سبب تدميرهــم يـــــوم اثروه

وويش عذرا بالبحر سوّت عجـب=فعلها كـــــل الاوادم شاهــــدوه

وويش رجالٍ محمل بالغضــــــب=من كبر غيضه كلا جنبين ابوه

واسالك عن شايبٍ راعي طــرب=والرجـــــال الطيبين يقـــــدروه

إيتغنى كل محـــدٍ لــــــه قـــــرب=مار كل النــاس بالطيـب ذكروه

شايبٍ صوته يبشـــــر بالشبــــب=يكرم العانين يمّـــــــه يالفـــــوه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

هذه قصيده من القديم ايضا كان عندي نواف بن حسن المسمارالشمري خال ولدي عبدالرحمن وكان دوره بالحرس ويروح يوم الجمعه والخميس لحائل بالطياره واذا جاليلة السبت يجي واروح استقبله واجيبه من المطار في حدالروحات رحت ابي استقبله وحصلت لي وحده سوريه جالسه بصالة الاستقبال اعجبتني وسهيت وجا الراجال دورن مالقاني خذا تكسي وراح للبيت يوم جاء اهلي قالو راح يمك جلس الرجال ويوم جيت سالني وينك وقلت هذه الابيات

والقصيده طويله اطول من كذا لكن والله اني ناسي بعضه هذه عام 1403هجري والله انا احاول استعيد الماضي والاخ ابو طلال رد علي لكن والله اني ماعرف منها شي واذا جيته كان ماهو ناسيها اجيبها ان شاء لله

ياليتني مارحت يم المطارا .. ..

ياليتنــــــــــي مارحت يم المطارا=ولاشفت غرون عذب القلب واشـقاه

غضن غضيضن زاهين بالسوارا=زملوق صـــــيفن علّه الوبل واسـقاه

خطــــرن عليه من الهوا ياستدارا=لكــــــــــــــن ربك حــط نبته بمذراه

ابو نهودن فـــــــي حشاها صغارا=مـــــــا مصــــهن طــفلن وناداه يمّاه

ابيض بياضـــــن داخلن به حـمـارا=مثل الشحـمت اللــــي من الدم مسقاه

ياضنتـــــــــــي ماله بنجدن مدارا=ولاصــــيّحت لشــــــــياهها بالمغوّاه

ولاذاوقت مـــــن ما مريفق مرارا=ولا لبســـــت البرقع يخفّــــــي ثناياه

تمشـــــي دلع بالسر هو والجهارا=حمــــص وحمات الشام داره ومرباه

قلـــــت السلام ولا نظرلي وسارا=واقفيت انا والنفــــس ترغب مراعاه

ونزلت فـي سير المطار انحدارا=ماعاد ابي نواف من يوم شـــــــفناه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((والعافين عن الناس))

والعافين عن الناس .. ..
الله يسقـــــــــــي ديرة العز والوفاء = دار الرجال اللـــــــي جـزيله فعالها

دارالشهامه ديرة الطــيب والصخاء= للطيب مرتع فـــــــي شوامخ جبالها

ام الرجال اللــي بهم يضرب المثل = افعـــــــالهم مــــــاكل رجـــلٍ ينالها

افعالهم شيمه وصفحٍ وهـــــــــــيبه = مــــــــن عهـــــد حاتم بيناتٍ فعالها

شمــــــر هلا الطولات كسّابة الثناء= نوادرن تســلســــلت مــــــن جبالها

شمرهلا الردات فــي ساحة الوغاء= ياطـــــوّحـــــة بيض العذارا شيالها

حنا الطنايا قمة الطـــــيب طيــــبنا = نجــــــود بانفــــسنا ونرخص منالها

لنا فعولٍ كنها النقــــــــش بالصخر= روسن تطول الطيب والطيب جالها

قبـــــــــيلةٍ ياوي والله قــــــــــبيله =اللابة اللـــــــــــــي وافياتٍ خصالها

افعالهم ماتنحصـــــــــي لو نعدها = واجـــد ولا تحـــــصا فعايل رجالها

واليوم اضـــــــفنا للفعول القديمه = فعــــــولن جديده من مكارم جزالها

فعل العفووالصفح سجل للابتـــي = فعلن جديد وتســــــــــــتحقّه سبالها

فازو بعتق ارقاب عاشـــو رفاقتي = مـادوّرو درهم ولا فـــــــــي ريالها

سـنّة عفو لحمود بالصحف سجّلت = اللــــــــــــي تعزوى للثقيله وشالها

وبن عــــنيزان البطل جاب مثلها = النادراللـــــــــــي كل الامجاد طالها

وبن ركاد الاسلمــــي حــــي فاله = راع الفعول اللــــــي ينومس مقالها

افعالهم يفخربها كل شـــــــــمري = لهم ترفع البيضاء بعالـــــي طوالها

ثلاثةٍ نفخرالــــــــــــى جا مجالهم = ثلاثت الابطال ياحـــــــــــــي فالها

حمودبن طــــوعان معتق قصيره = الطــــيبه لحــــــــــمودجتله وجالها

ونواف بن عــــما ش ياحل ذكره = اعـــتق رقـــبتٍ عقب ما جا زوالها

وبن ركاد سعود يســــــتاهل الثناء= ياثقــــــــــلت القالات جا وارتكالها

ثـــلا ثـــتٍ ياوي والله ثــــــــلاثه = انفوسهم ياعل يبطـــــــــــي زوالها

لهم ترفع البيضا علــــى كل نايفه = لهم ترفع البيضاء بعالـــــــي تلالها

الله يعـــــــــوّضهم ويرفع مقامهم = اللـــــــــــــي لنا جابومكارم جزالها

وتمّة وصلى الله وسلم على النبي = عدادماهل المطرمــــــــــــن خيالها

[مشعل عسام التريباني]

الشاعر /مشعل عسام التريباني الشمري

توجيه للابناء .. ..

سلام من قلبٍ محبٍِِ ومشتــــــــــــــاق = أحلا من الشهد المصفى بكاســـــــــــه

وأغلا من الياقوت ياطب الاســــــواق = واغلا من الؤلؤ ومن سعر ماســــــــــه

حلوٍ مذاقه يوم يمزج بالاريــــــــــــاق = عدد نجوم في سماها تواســــــــــــــــه

وإعدادما خط القلم فـــــــــوق الاوراق = وعدالعيون اللي دخلها نعاســــــــــــه

وإعداد مايلمع مع الافق بــــــــــــــــراق= وعدد هطول الغيث عقب احتباســـــــه

وعدد طلوع الشمس وإعداد الاشراق = وإعداد ما غابت ودمس دماســــــــــه

من ضامرٍ يملي من الشعر مـــــــــالاق = أخذحسينات المثايل فراســــــــــــــه

بحر به السباح خطرٍ بالاغــــــــــراق = يفرق به السباح لو كاد باســــــــــــــه

مثل الجراد اللي من البحر ينســــــاق = وسط الضماير ما يوصف قياســــــــه

فكرت بالدنيا بها اشكال وأرنـــــــــاق = حلوٍ ومر وضحكتٍ وانتكاســـــــــــه

اخيرمابه ذكر من قــــــــــاد الارزاق = ومن لاذكر ربه حياته تعاســــــــــــه

لو جمّع الاموال من جل وإدقـــــــــاق = مالٍ بلا تقوى وجوده خساســــــــــه

عليك بالتقوى وفي حسن الاخـــــــلاق= ومرافق اللي قمة المجد داســــــــــه

شهمٍ عزيز النفس للمجد عشـــــــــــاق = نزهٍ جنابه مايدان لد ناســه

حرٍ ومسكانه على راس شوهـــــــــاق = شبلٍ ولا يتبع عيال البساســــــــــــه

دمثٍ جنابه للأقارب والاصــــــــــداق = صلفٍ على جمع العدا به شراســــه

حرٍ عديم للمعادين صفـــــــــــــــــــاق = عمى عيون المعتدي وإنعماســــــه

وصلاة ربي عد ما اخضــــّرت أوراق = وعدد حصا نجد وشجرها وناســه

[مشعل عسام التريباني]

بسم الله الرحمن الرحيم

الشاعر \مشعل عسام التريباني الشمري


دعاء ونصائح .. ..


جل شأنك عز جاهــــــــك ياالهـــــي ياكريــــم = واحد وحده منزه عن نديد وعن شريـــــــك

شافي الجسم السقيم ومحيي العظـــــم الرميــــم = خاسر من صد عنك ورابح من يرتجيـــــك

انت مجر الدم بالاجســــــام ماغيرك عليــــــــم = يامجيب الصادق اللي رفع كفـــه اليـــــــك

وانت تغفرذنب عبدك الى تاب لك وانت الحليم = وانت تعلم كل ذنبن من العبد مايخفى عليك

نجنا ياربنا مــن شر زفـــــــــرات الجحــــــــــــــــيم = يوم لامنجــــا ولامحجــــــا لنـــــــا الا اليـــــــــــك

يوم يسقى ساكن النـــــارمـــن مــــــــاءٍ حميـــــــم = رحمتك ياخالـــــــق الكــون يامنـــــج الدريــــك

اهدنــــــا يـــــاربنا للســـــــــــــراط المستقيـــــــــــم = مـــــع ســـراط المكرمين بجنتك ياكرم مليـــــك

كل ملكن غيــــــــر ملكك زايلن لوهــــــــوعظيـــــم = وكل قدره غيــــــرقدرتك راعيهــــاهليـــــــــــك

نعمتك عظمـــى ولا يجهله عقلــــــن سليـــــــــــــــم = لا الله غيـــــــــر وجهك ولا احـــــــــدٍ يعتليـــــك

انت خالق كل مابالكون وانت ارحم رحيــــــــــــــــم = كل مابـــــالكون ملكــــك وحكمه فـــي يديــــك

وبعدهــاء حبيت اذكر راعـــي القلـــــب الفهيـــــــــم = اعرف ان الموت لوطالــــت ايامك يجيــــــــك

تب لربك واعبـــــــــده مادمـــــت بالدنيــــا مقيـــــــم = لو يطـــــــول العمــــرلابد يومك يحتريــــــك

مكر رب البيت مــــــا يـامنــه غيـــــــر البهيــــــــــم = لاتضــــن اللــه مــــن بـــد خلقه مصطفيــــــك

ويش عذرك في نهـــــــارٍ فيه الاعضى لك خصيم = يوم ماينفعـــــــك خالك ولاعمــــك واخيـــــــك

العمل يــــازان وصـــــــلك في دار النعيـــــــــــــــــم = ادحــــــــر الشيطان لاتبقــــى للذاتـــه شبيــــك

لاتصـــــير سوات الانعام بالــــــــوادي تهيـــــــــــم = ميزك ربك علــــى الخلق حتــــى يبتليــــــــــك

ما يناظر ربك الشكـــــــــــــول والجسم القويـــــــــم = قـــــــد ماتعمل مـــن الخير ربــك مانسيــــــك

استعــــــن بالله مـن شــــر شيطــــانٍ رجيـــــــــــــــم = وابذل المجهــــود لعـــل الولي منــه يحميــــك

يوم يكتب حرف سيـــن ويطلبونـــــك حرف جيــــــم = ينظر الله فــي عملك وكـــل ماتعمل يجيـــــــك

تعرض الاعمال لك من جـــــديد ومن قديـــــــــــــــم = كـــل ماسويت فـــي دنياك معروضن عليــــك

[مشعل عسام التريباني]

بسم الله الرحمن الرحيم
السلام عليكم ورحمة الله وبركاته

أخواني وأخوتي أخترت لكم هالقصيده موجهه لكل شبلاًصميدع شرواكم
عسى تعجبكم

ا لشاعر/ طلاع الزميلي الشمري

مساجله بيني وبين طلاع الزميلي ..

راكب الي لامشأيقطع القاعـــــــــــي=لامشأماكن ياطأعلى قــــــــــــــاعه
لارتفع خشمه غدا له تمزاعــــــــي=راح يطوي نازح البيد في ســاعه
يشبه الشيهان يارف ونزاعـــــــــي=وياهوا عجلاًسريعاً تمــــــــــزاعه
وياسمك عجه مع الريع ونزاعــــي=راح يزمي يلعب الريح بالشــراعه
وياضرب له مكبس وضاع مطلاعي=سرع مايلقأمع الخل مـــــــــطلاعه
ولنشامأسارمرسول طلاعــــــــــــي=هم مداهيله وطلاع مرجــــــــــاعه
وانخ الي عند الوزيم بتاعــــــــــــي=لانتخالك رفف العز بالـــــــشراعه
صيرمياًكنه السع سباعــــــــــــــــي=ضربته موتاًللارواح نـــــــــــزاعه
وصحلهم في صوت طلاع يداعــــي=بصوت ضيماًشاكياًضيم ســـــماعه
صوت قهراًبحسرت اليأس ملتـــاي=له عيوناًلدمعت الضيم دفـــــــــاعه
شاكياًمن جورملعون صناعــــــــي=يفتخر في قوت العلم وصــــــــناعه
طاغياًطماع والشر له ساعــــــــي=مقصده تدمير ألأسلام وطــــــــماعه
والله لو الهوش بالسيف وذراعــي=كان أبن صهيون مايطول الــــذراعه
والله ألأغصب للحق ينصاعــــــــي=وأن عصأفي سيف ألأسلام مصراعه
بقوت الي لادعا يسمع الداعـــــي=فزعت المظيوم لاقل فـــــــــــــزاعه
وآخره صلو على الشافع الداعي=عد أبروقاًفي دجأءالليل لــــــــــماعه


ردي على طلاع الزميلي
مشعل عسام الشمري



راكب اللي جهّزوها للأقلاعــــــي=ابعد الاقطار تطويه فـــــــــي ساعه

كنها حرٍ علـــــــــى الجول فزّاعي=يوم فزّة من مطاره للاقلاعــــــــــه

مشيها بالجومهي مــــع القاعــــــي=كنها من مسلك القاع مرتاعـــــــــه

في نظام البوصله كبتنه واعـــــــي= يتّجه بالبوصله يضبط اوضاعـــــــه

كل شغله بس في روس الاصباعي=وخوذتن بالراس والاذن سماعــــــه

بالرموزالمبهمه حط الاوضاعــــي= قايسن دربه عن الدرب ماضاعــــــه

وصله قرمــــــــــن لنا بالخبرذاعي=يشتكي من علّة الوقت واوجاعـــــه

ايه ياطلاع ياراهــي الباعـــــــــــي=خطكم توي قريته قبــــــــــــل ساعه

تشتكي لــي علتّن بين الاضلاعـــي=تشتكي من صنعة الكفرواوطماعـه

حربهم بالعلم واطلاق الاشعاعـــي=ماغزونـــــا في بواتيربتّاعـــــــــه

والله انا لـــومشـــينابالاجماعــــــي=اطيب الكفار ناطا على نخاعــــــه

نسقــــــــي الكفارمن سم فعفاعـــي=العرب في ساحة الحرب قطّاعـــه

لاكن ان المشكله قل الاســــناعـــي =العرب نصفه مع الغرب منصاعه

شف شباب العرب نصفينها ضاعي=لابسينن موضة الغرب واقناعــــه

القليّل مــــــــن شباب العرب واعي= والكثير يقدس الغرب واطباعـــــه

طول شعر اراس وظفورالاصباعي=وترك حق اللي له الناس خضّاعه

نتبع الموضات من كل الانواعـــــي= خادمينن موضة الغرب بانواعــــه

كنهم طليان تمشــــــــي ورا الراعي= وراعي الطليان بالماقفه باعــــــه

يوم سكّرنا عــــــن الحـــق الاسماعي= كيف نرجـــــــي نجمة العزلمّاعه

[مشعل عسام التريباني]

بسم الله الرحمن الرحيم


الشاعر\ مشعل عساّم التريباني الشمري


((مخاطبة الدار ))
مخاطبه للدار(( على الاطلال)) .. ..

تذكّرت بالماضي وهاضت قريحتي = وسطّرت في بيض الورق كـــــل نادره

هاضن وفاضن واستقرّن بضامري = ماينتمــــيّز وردها مــــــن صـــــوادره

تقول كتفان الدبا يرتع الحشـــــــــى = مثل الجراد الـــى انتشر مــــن مصادره

وردت على وسط الحشا كل ضاميه = وارويتها واقفــــت مــــن العــد صادره

تذكرت ناسٍ حازو الجود والثنـــــى = هل الكــــرم والطـــــيب قمّـــة نوادره

راحــــو مــــن الدنيا بعـــــز وكرامه = فيهم صـــــفات الطيب خصله وبادره

يادار وين الـــي الـــــى جيت رحّبو = ردّي علـــــــي انكان للــــــــرد قادره

وين الرجال اهل الصخا قمّة الــــوفا = ردي علــــــي يادار وش فيك خادره

ردّت علــــي تقــــول حلّــوو ودّعـــو= واعــــــــرف ترا دنياك يالعبد غادره

راحـــــو مثل من حل بالدار وارتحل = وحـــــــنا ســـكنا الدار وايضا نغادره

ناظــــرمساكنهم مـــن الحــي خاليه = تســـــــاقط البــــنيان ثمٍ تحـــــــادره

قلت ايه اشــــوفه خاليه واظلم السما = ودموع عينــي فوق الاوجان حادره

ياشين شوف الدار مـــن عقب فقدهم = مالـــــــي بها حاجه وزادت مكادره

يالله عســــا الهـــمال ياهـــــــل وابله = يمطـــر بغفرانك ويسقــــي مقابره

وتغشاهم الرحمه بعـــــفوك وقدرتك = ياسامع الدعــــوات والعظم جابره

وتمة وصلـــــى الله وسلم على النبي = مارفعة الاصـــوات باعلى منابره

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري



http://www.nshama-shmr.net/up/uploads/images/ns-ad09c8aca6.jpg
حبيب الشعب(( عبدالله)) .. ..

الا يـــالله ياغفاّر ياراع الكــــــــرم والجـــــــــود = ترد الوالد القائد حبيـــــب الشعب عبدالله

لعلّه للبلد واهل البلد بعد الغيـــــــاب يعــــــــــــود =صخي الكف ابو متعب عسى الايام تمهلّـه

ملكنا ابـــــــو اليتاما والارامل مزبن المضهــــود =ملك عادل حنون وكل نفسن حبه احتلّــــه

ملك وافي وخيراته علينا كـــــــل يـــــــــوم بزود = ملك حبه سكن بقلوب سكان الوطن كلّـــه

مليكٍ ضافين خيره على شعبه بدون احـــــــــدود = مليكٍ نلتجي ونلوذ بعد الله في ضلّــــــــــه

مليكٍ عارفن حال الضعيف و بالعطــــــاء معهود = وكم من شايبٍ يرجي شفــــــاه ويبتهل لله

ملك متواضعن لله وذا شيّن عليــــــه شهـــــــــود = جوائز قيّمه حطه لمــــــن يحفظ كتاب الله

ملك صارم علــــــى العدوان حازم يشبه البالــود = على الاعدا شديد الباس كل اعداه تذعنلّـــه

ملك صاطـــــي شجاع وحنّكه عبدالعزيز العـود = ولد عبدالعزيز مهيّب العدوان ومذ لّــــــه

اصلي واطلب الله بالشفاله كـــــل وقت سجــــود = احبه واطلب الله الشفالــــــه صدق واجلّه

ولد عبدالعزيز اللي حكمهـــــا في ظهور القــود = جرد سيفه وعالج سقمها لين انهله كلّــــه

وحكمها واستقرت لـــــه وذعذع له هبوب النـود = ولبست لــــه لباس العز والياقوت والحلّه

وجمّعها بعد مــــاكان به هاجد وبه مهجــــــــود = وصرنا اخوان مافينا معادي والشكـــر لله

حكمها الفيصلي بعد ماكان ذا طارد وذا مطرود = وتمّة بيعته علــــــــى كتاب الله والملّــــــه

رحمك الله ياعـــــــودٍ بذلت الجد والمجهـــــــود = وشفاك الله يالغالــــي حبيب الشعب عبدالله

[مشعل عسام التريباني]

بسم الله الرحمن الرحيم

الشاعر\ مشعل عسّام التريباني الشمري

((علّموه )) نصيحه للمستشعرين))
علموه .. ..

شاعـــــرٍ مايكتب الجزل لايكتب هزيل = علّموه ان الخثاريق من عيب الرجــــــــال

وعلّموه ان المـبدّى مــن الشعر الجزيـل = وعلّموه ان البشر مايطيقـــــون الهــــــزال

وعلّموه انه بالاشـــــــعار مايمدح هبيـل = وعلّموه المدح ياتي على قدر الفعـــــــــــال

الرجل مقياســــه الدين والهرج الجميــل = واتّزان العقل والثقل وايضا الاعتـــــــــدال

والكرم هو والشجاعه الــــى هاب الذليـل = والرضا بالي عطاه الجليل من الحـــــــلال

واعتزاله لاكل الاعراض من قولٍ وقيـل = ولايحلل شي بالدين ماجاله مجــــــــــــــال

كان يبـــــــي المدح هذا طريقه لايعيـــل =اشرحوله يقتدي في كريمين السبــــــــــــال

والقصـــــيد امرٍ ثنائــــــــي ولايزوّد قليل = ولاينقّص طيّب الساس نسج من الخيــــــال

القصـــــــيد انكان ماجا من الوزن الثقيـل = وش يبي به كان مايجمّله عند الرجـــــــــال

انتبه لو صفّقولك قليلـــــين الحصــــيــــل = اعرف انه بالدهاويــل مايرفا الخمـــــــال

واعرف انه للمخالـــيق مايربح عمــــيـل = كل ماتكتب بالاقــــــــــــلام لابدّه يقــــــال

والاوادم تعشـــق الخبث وافهم يالاصــيل = لايقال ان الشجر ماسكن فيه الخبــــــــــال

شــــوف طلع الدوم ماهو يقارن بالنخيــل = وشوف مي البحر ماهو شبيهٍ للـــــــــزلال

والصباخــــي دايمٍ جدب حتـى لو تســـيـل = لويعلّه صادق الوسم بالسحب الثقـــــــــال

مـــــــن كثــــير الهذر قلل ويكفــيك القليـل = واعرف ان بكثرت الهرج نقصٍ بالكمـال

مايقارن بعـــض الانجم على النجم الدليــل = لو تغيب نجوم نجم الشمالي لايـــــــــزال

ولو تحاول تدرس الشعــر شـــيٍ مستحيـل = موهبه من خالق الكون درسه مستحــــال

انصحك فـــــي روس الاقلام ماودّي نطيل = اعرف ان الكثر بالهرج من قبح الخصال

[مشعل عسام التريباني]

السلام عليكم ورحمة الله وبركااته

هذه الابيات متوااضعة ولكن يجملها ذكر المصطفى صلى الله عليه وسلم
مرد على محمد الذرفي (احبك يارسول الله .. ..



هلا والله , هلا والله , هلا والله , هلا والله = هلا والله , هلا والله بطيبة هي وصاحبها
احبك يارسول الله احبك يارسول الله = واحب ارض(ن) مشيت ابها واحب ارض(ن) مشيت ابها
من الطايف الى مكة مروراً حيث بيت الله = الى طيبة ترد الروح اليا وردة مشاربها
عليتس الله ياطيبة عليتس الله عليتس الله = اعز ابلاااد عندي مابعد يسوا مضاربها
لحيثي كل ماجيته تخيل ان رسول الله = يصلي في مساجدها ويخطب في محاربها
وتخيل يوم هاجر له وعاشوا به جنود الله = أبابكراً وعمراً ثم ذا النورين رتبها
ولابنسى علياً يوم قاااتل في سبيل الله = برز في غزوة الخندق لــهـل الشرك وادبها
ولابنساااك ياحمزة اسد الله اسد الله = بأسلااامك قوى الاسلام وعتزت مقااضبها
ولابنساااك ياخالد ياسيف الله ياسيف الله بكت من غيبتك طيبة وسكاانه ونااايبها
اليامني تذكرت الصحااابه مع رسول الله = ترد الروح لو ان الدموع العين تسكبها
سقاااتس الله ياطيبة سقاااتس الله سقاااتس الله = من المزن الذي ينشا من المنشا سحايبها
وعسى تخضر فيااضً كان يتلى به كلاااام الله = رسول الله يتلوها وذا النورين يكتبها
الشاعر / مشعل عسام التريباني الشمري
رد على محمد الذرفي



الا ياللــــــه الاياللــه الايـــــااللــه الاياللــــه = يمـــــــينك يامحمد جعل ماتــــــربط عصايـبها

لانك تبتدي باسم الاله ومــــــــــــن بدا بالله = يمـــــــــــينه ودك انه كل مامـــــــّرك تخضّبها

كتبت ابيات شعــــــرمعطره باسم الولي كله =جميع اللـــــــــي قراها قال يسلم راس كاتبهــا

حماك الله من شـر الحسد وعيون خلق اللـه = وعسا نفسن تحسدك قاصــف الارواح يظربهـا

لانك مــــــــــبدعن تخضع لك القيفان وتذله = ولان العوب تركع لك وترخـــــــي لك مناكبها

ولانك صيرمــي ضرغام والصعبات تحتله = ولانك صاطــــين تقدم على الصعبه وتكسبهـــا

ولانك شاعـــــــرن تعقد يسير الحبل وتحله = ولانك مهــــــــــرت الاشعار تخدم لك وتركبها

ولانك تكتب الاشعارفـــي سيرت رسول الله = كتبت ابيات شعـــــرمعطـــــره بالذكرمطيـبهـا

وانااحب الكلام الزين والتذكـــــــــــــيرماملّه =الاياحض نفســـــــــن سيرت الصادق تهذ بها

فداك الروح والاموال واللـــــــــي نمتلك كلّه = فدا للصـــــــادق اللـــــي حطم الكفار وادبها

نبيٍ صادقن ينزل عليه الوحــــــــــي بامرالله = نبــــــــــيٍ كافـــــح الالحاد والكفار عاقبهــا

نبــــــــــــــــــــــــيٍ ماتوّفا الا وكمّل ديننا كلّه= نبيٍ كافح الصعبات مايخشـــــى مصاعبهـا

نبيٍ سيف دين الله علـــــــــــى العدوان يستلّه = نبــــــــــــيٍ جيش كسرى فككه واخلا مضاربها

ختاما ياله الكـــــــــــــــــون ثبتني على الملّه = عسانا دايمن نتبع خـــــــــــــطاه ولا نجنبها

وتم القاف في ذكرالرســـــــول وفي كلام الله =علـــــــى محمد صـــلاتي عدماتذرا هبايبها

[مشعل عسام التريباني]

للشاعر مشعل عسام التريباني الشمري


زمان العولمة .. ..


هذا زمان العولمة هي والتقدم والمــــيوع = كثرتبه الارزاق لكن العقول مدمــــــــــره

مغلفه بالران عن درب الرجوله والســنوع = وانفوس اهلها في هوا الشيطان هجن مضمره

عزاه ياللي دايم قلبك لشيطانـك خضــــــــوع = متى تذل ابليس والقلب برضا الله تعمـــره

ترا رضا المـــولا يقودالرزق وينيرالشتتمـوع = والمعصيه ضلـــماء وراع المعصيه يامحقــــرة

يوم النفوس المؤمنه تبعث لخالقها ركـــــوع = بيوم به المرضع نست مولــودها ماتذكـرة

بيوم يهيل القلب ويخـــــــوف العقل ويــروع = تحشربه العالم عواري في نهارا مــــــاكبره

احد سكن في جنة فيها الثمر مـــــن كل نوع = واحد شرب ماءحميم والعلقول مخمــــرة

طعا مهم زقوم مطعــــــــومه خبيث يزيد جوع = إلى كلاه يصير للأمعا صرير وقرقـــــــــرة

تبت يداهم كيف يرضـــــــــون لتذلل والدنوع = ذل لراعي المعصية دنياه هي والآ خـــــرة

ياللـه يالي قدرتك تغلب كثيرين الجمــــوع = تلطف بحال المسلمين ومن خذلهم تقهـره

يا خالق آدم من تراب وخلق حوا من ضلوع = تشفي عقول غره الشيطان والجهل غمره

ياعاصم يوسف من إللي حاولنه بالخضوع = ومرجّعن يوسف على يعقوب وإرتد بصــره

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري




19\1\1432هجري
يالله يامخرج من اليم ذلنون.. ..


يالله يامخرج مــــــن اليم ذا النــــــــون = في بطن حوتن داخل اليم شالـــــــــه

يامهلكن في غبّة البحر فرعــــــــــون = يافالقن بحرك لجيــــش العدالـــــــــه

يامفنين بعد الغنا مـــــال قـــــــــارون = حيثه طغا واهلكت جاهه ومالـــــــــه

يـــــاباسطن كفّك لناسٍ يتوبـــــــــون = ياماهدٍ سبعن ومرســـــي جبالـــــه

قدّوس ياللي امرك على الكاف والنون = مابين كاف ونــــون ماراد جالـــــــه

قيّوم لك كلــــن سجد يطلب العــــــون =ياحي يارحمن جـــــــــلاّ جلالـــــــه

علاّم يعلم كل ماكــــــان مكنــــــــــون = ستار يستر كـــــــل حيّن يسالـــــــه

غفّار يغفر زلت الــــــــي يتوبـــــــون = جــــــــوّاد جوده كل حيّن ينالـــــــه

علام يعلم كل ماكــــــان وايكـــــــــون =كريم يكرم كل منهــــــــو لجالـــــه

يالله تغيـــــــث الدار ياخالق الكــــــون = غيثن يعم سهالها مع جبالــــــــــه

الارض والاشجار للعطف يرجـــــــون = يرجون همّال المطر وانهمالـــــه

حنا ضعوف ونرجي المد والعــــــــون = وانت الذي ماخاب منهو عنالــــه

الرزق بين ايديك لاشك مضمـــــــــون = نرجيك من مزنن تردّم خيالـــــه

يرخي هماليله علــى نجد بالهــــــــون = يروي ديار اهل الصخى والشـّكاله

امحّكمين الشرع ماهــــــو بقانـــــــون= ال السعود اهل الوفا والعدالـــــــه

خدّام بيت الله عسى مـــــــايهونـــــــون = ومحاربين اهل الفتن والظلالـــــه

اللي لنا من مـــــــــاعطا الله يمّــــــدون = حكامنا اللــــــي ماتعدد خصالــــه

اخوان نوره ملتجــــــا كل مغبــــــون = روسن تعشق المرجلــــه والجزاله

اللي بدين الله على الشعب يقضـــــون = سلالتن ياحيها مـــــــــن سلالـــــه

وصلاة ربي عدما ترمش اعيـــــــون = على نبي الله وصحبــــــــــــه وآله

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

هذه قصيده خاصه بالجماعه اعجبتني جمعتهم يوم العيد في مخيمهم
العامر والذي يقام في كل عيد في قرية مريفق ويجتمعون به عسى
الله يديم المحبه والموده بين الغالين وارجو ان تحوز على رضاكم


((يهيج الضمير)) .. ..


يهــــــيج الضمير اليا طرو ربعــي الدهمان = ويشوش راسي واكتب الشعر وارهيبه

اطــــــــــــــوّع العوبا وتركب بدون اعنان = عـــــــوب القوافي لاجلهم زان ترتيبه

هاج الضمــــــــــير وحان نظم القوافي حان = اصخّر الشـــــــــــرّد من الشعر واتيبه

يســـــــتاهلون اكــــــــــتب بهم ندّر القيفان = اكـــــــــتب بهم جزل القصايد واغنيبه

اهل بـــيوتٍ شــــــــرّعـــــت مالها بيـــبان = مـــــــــــاسكــــــروها بالقفول ولواليبه

يكـــــرم بها العانــــــي ويشبع بها الجيعان = اليا لـــــــفاه الضـــــــيف كلٍ يهـــــليبه

يامـــاحلا ببـــيوتهم صـــفّة الرســـــــــلان = والا بغاديــــدٍ نــــــزيـــهه نمــــــــاريبه

فــنجالهــــــن يغدي خــــــوا الدايخ التعبان = ياشــــــــفّه الظرمان يبطــــــي يهذريبه

وصـــــــيانـــــــين يجدع بها طيب الخرفان = ياســــــــعد ضيفٍ لابتـــــي هم معازيبه

حلــــــوين للعانــــــــــي وحلوين للجيران = الجار معـــــنا ماتكـــدّر مشــــــــاريبه

نرفـــــا خــــــماله ياظـــــهر منه والا بان = وان راح عــــــــــــنا ماشذبنا عراقيبه

على الصديق احلا من الماء على العطشان = وعلــــــــــــى العدا سم الثعابين نسقيبه

يانشــــــفة الارياق يروون حــــــــد الزان = ياجا النهار اللـــــــي عســــى الله يبطيبه

بصــــــــفوفهم مافـــــيه خايف ولاجابان = ياشــــــيب عين اللــــــي يعادون ياشيبه

اليا انتخو بالـــــعود فـــــــي ساحة الميدان = عــــــــدوهم ملفاه للحــــــــــزن والخيبه

عدوهم يرجع مـــــن المعركه خــــسران = يبـــــــــــــي الســــــلامه مايدور مكاسيبه

اولاد الادهم فـــعلهـــم بالــــملاقــــاء بان = مــــــثل السباع اللــــي تحنــــــي مخاليبه

افعالهم ماله شــــــبيهٍ ســــــواء البركان = يهــــــــــــدم معالم قمّة الظلع وايصــــيبه

مثل النجوم اللـــــــي بها يرجم الشيطان = افـــــــــــــــعالهم يرجم بها الخصم واتعيبه

كتــــــــــبت نبذه من فعل ربعي الدهمان = مافــــيه شـــــــــــك بمانقـــــــــوله ولاريبه

وتمّة وصلــــــــى الله عدد ماأنهمر ودّان = مـــــــن مزنتٍ ميّه علـــــــــى القاع ترخيبه

علــــــى نبــــي الله صـــــفوة ولد عدنان = ماغــــــــــرّد القمري بعالــــــــــــي مراقيبه

[مشعل عسام التريباني]

بسم الله الرحمن الرحيم

الشاعر \مشعل عسام التريباني الشمري

من الارشيف



قصيدة ذيبان.. ..


انالي زمانٍ ماتمثلت بالشجــــــــــعان = مضالــــي زمــــانٍ كل الاشـــعار معتـــزله
عطونا القلم والبوك اباكتب من القيفان= اباكتب مـن الجزلات وابـاترك الهزله
تماثيل في صدري تفجر كما البركان = براكـــــــــــــــين نارٍ طمــــّة الظلـــع والنزله
اناهالني وقتٍ به بن الحصان يهان = وبن الــــــــــــردي جمـــيع مــــاراد ينجــزله
بعيد الضحيّه ضحو الغرب في ذيبان = وحــــنا نناظر يــوم الارمـــــــــــــــاح تركزله
عسى من رمابه في يدين العدا ينهان = لعــل المنـــيّه فــــــي طــــــــــــريقــــه تجهزله
وقع عليه المالكي نزغة الشيطان = جــــــــــريّـــن على قتل البطل يــــوم حجّـــزله
تحسب تبي تصفي لك الدار ياخبلان = تــــو الــبلا وي جــــتك لاكـــــــن تجــهــــــــزله
فشلت وخسرت وحان وقت القضالك حان= تجــــيك البلاوي مــــع مجـــاري نهر دجله
يجونك حمات الدار ياخادم العدوان = يجـــــــــــونك حمــــات الــدار ياللحـــيه الـرزله
بغداد عقب الليث ماتقبل الجابان = تبـــــــــــــي مــــثل ابـــوعداي بالضــيق يــبـــرزله
شجاعٍ شديد الباس وقت الشدايد بان = كل الشـــــــجاعــه باســــم صـــــدام يــرمـــزله
وتمّة وصلى الله على خاتم الاديان = نبــــــــــــــــي الهدا كل المصــاعــــب تعجّـــزله

[مشعل عسام التريباني]

بســـــــــم الله الرحمـــــــــن الرحيــــــــم


الشاعر \مشعل عسام التريباني الشمري


قصيدة الاستسقى .. ..


البارحة سجلـــــــــت مما طراليـــــــاء = وكتبت في بيض الورق من مثايلي

اترك هزيل القاف وانقى الجزاليـــاء = ماني بمن يرغب لكتب الهزايلــــي

يــــاالله مدك ياعظيم الجلاليــــــــــاء = مدك ولا مـــــــد اليدين البخايلـــي

انت الاله اللي على العرش عاليــــاء = وانت الغنــــــــي ولاينقّصك سايلي

وانت الكريم اللي عليك اتكاليــــــــاء = نرجوك ياضاقة عليناء المحايلــــي

وانت العليم المتصف بالكماليــــــــاء = رحماك يامنشي ثقيل المخايلـــــــي

تسقي وطناء من حقوق الخياليــــــاء = انت الذي تعـــط العطايا الجزايلي

نرفع لك الكفين دايم خواليــــــــــــاء = ونطلبك من غــــر المزون الثقايلي

الطف بالارض وفي حوال الحلالياء = اذنوبناء مــــــــع جل عفوك قلايلي

لو الذنوب من الاوادم ثقاليــــــــــــاء = في رحمتك تخف كــــــــل الثقايلي

تشكي لك الابار ياخير واليــــــــــاء = ماهاء نشف ماباقين بـــــه صمايلي

والبر صار من الشجر شبه خاليـــــاء = حتى الشجر جذره مــن القاع زايلي

لطفك بناء ياعالمن بالحواليــــــــــاء = الطف بخلقك ياكثير الفضايلــــــي

[مشعل عسام التريباني]

بســــــــم الله الرحمــــــــن الرحيــــــــم

الشاعر\مشعـــــل عســــاّم التريباني الشمـــري


الافتخاربالموهبه.. ..



انا الى اخذت القلــــــــم بالكف واحضرت الهبـــات= اصخر بيوت الشعر لو كانة صعيبه لين تركع لقلمـــي

الله عطاني موهبة نظم القوافي واختيار المفردات = قوافيٍ تطرب لهاالاذهان والاسماع يعلوهاعلمـــــــي

الــــــى نخيت افكاري الشرّد يجنـــــــــــي واردات = شاعر بجزلات المثايل والقوافي مستطيع ومفعمـــي

الى بغيت الشعركني اغرف من بحــــــور ٍمظلمات = تواردنّـــــي كنهـــــــــــــن امواج بحــــــرٍمظلمـــــــي

تواردن وسط الحشى من كـــــــــل حدبٍ حاضرات = كني ملك والشعرشعبي مــــــع جيوشي واخدمـــــــي

يمشي بطوعي ماعصاني لوبغيت المعـــــــــجزات = يقول حاضر لو بغيت من القصيدالان والاّالا قدمـــــي

قصيدٍ احلى مـــــن لذيذ الشهد مع سكـــــــــر نبات = وابين مـــــن النجم الشمالي مـــــــــع جميع الانجمي

واحلى على العطشان من طرقــوع من نهر الفرات = قبــــــــــــل يجيه الغرب بجيوشــــــــه وداره تهدمي

واقول حان الوقت عطني مـــــــن جديدك هات هات = قصايدٍ نفخر بها عند العرب فــــي كل حين وموسمي

عطني من الطرق الطويل اجزل بيوتٍ مغريـــــــات = جزل القصايد هاتلي منه اكثره واختم عليها باختمي

ترى حــــــــــلات الشعر يحمل للاديب اجمل صفات = فيه الحكم والنصــــــــح للاجيال بـــــــه تتكلــــــــمي

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري
هذه القصيده مهجنه يعني ممكن تقراها بالعربي الفصيح وممكن تقراها بالنبطي
في 8\2\1432هجري
((قصيده مهجّنه))
قصيده مهجّنه بين الفصيح والنبط .. ..


سبحان مــــــن تحنى الرقاب لسطوته = جلا جلاله واحـــدٍ متفـــــــــــــرّدي

اياهو نعبد وحده لاشــــــــــــــريك له = ولاغير رب البيت نرجــــي ونعبدي

نصلـــــــي مــــن اجله طالبينن ثوابه = ونخر لجل ارضاه بالقاع سجــــــّدي

ومن غيره الـــــــــــي يستحق ان يتّقا= ومن غيره اللــــي يستحق ان يعبدي

ومن غيره اللـــــي يرفع الباس والبلا= ومن غيره المعطي وله حق يحمـدي

ومن غيره القادرعلـــــــى كل مايشا = ومن غيره الهادي ومن فيه نهــــتدي

كريمٍ جزيل المد مايبخـــــــس العطا = عطاه دايم مستمــــــرٍ وســـــــرمدي

عليمٍ بصــــيرٍ يعلم الجهـــــــر والخفا = يعلم خفـــــــي اليوم والامس والغدي

هوجابر العـــــثرات هو رافع السما= محـــــــي العظام اللي بالالحاد همّدي

مذل الجيوش الطاغيه عقب عــزها= معيش الوحـوش اللي مع البر شرّدي

اللي فلق بحره لنصرت موســـــى = واهلك جموع الطاغــي اللي تمرّدي

الهي رضاك ارجوه يادافــــع البلا = تمحا الذنوب اللـــــــي عليه تجددي

نخطئ ونستسمحك تدمح لنا الخطا= وننسا ونرجع والخـــــــطايا تمددي

حنابشر نخطئ ومن طبعنا الخطــا = وعفــوك تراه اعم واشمل واجودي

نرجيك تغفر ماتقدم مـــــــن الزلل = والله ماخاب ورب الارباب مسندي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

((قالو لي اصبغ لحيتك)) .. ..


قالو لي اصبغ لحيتك قلــــــــت لا لا = الشيب للرجال مابه معيبــــــــــه

الرجل يمدح في جميـــــــل الفعـــالا = مايعذرب الطيّب ولو زاد شيبــــه

الشيب للطيّب يزيــــــــده جمــــــالا = والشيب للطيّب وقارٍ وهيبــــــــه

والصبغ ماطيّب رخومٍ هــــــــــزالا = الاّش لاشٍ في شبابه وشيبــــــــه

الاّش لاشٍ لـــو خـــدوده تـــــــلالا = في حزّت الشدّات ماينغزيبـــــــه

يا لـلـــي تدوّر با التلــــــــــمّع كمالا = تر الرجل باالشيب محدٍ يعيبــــــه

جهّز جــــــوابك جاك كمـن سؤالا =هل فيه رجالٍ يردّيه شيبـــــــــه؟

وهل فــــيه عمرٍ مايجـــيه الـزوالا؟ = وهل فيه شمسٍ ماتطيح لمغيبـــه؟

وهل فـــيه حـــــيٍ منفرد بالكمـالا؟ = وهل فيه نفسٍ ماتجيها المصيبه؟

ادري جــــوابك كل هـذا محــــــــالا = لاشك في ذلك ولافيه ريبـــــــه

مادمت تدري هــــيد يابن الحـــلالا = كثر التلمّع يارجل وش تبيبــــــه

ليش الكلك والدجل والاحتـــــيــــالا = ما فيه حي الا وياخذ نصيبـــــــه

الشكر للمولـــى علـــــى كل حـــالا = علاّم ما تخف النفوس وطبيبـــه

الدايم المعــــبود جــــل الجـــــــلالا = الي خلق خلقه وهو يعتنيبـــــــه

ســــــبحانه الــلــــي دايمٍ لا يــــزالا = النمل فوق الصخر يسمع دبيبــه

على الصخر يسمع دبيب النمـــــــالا = منج النفوس المؤمنه من لهيبــه

وصلّو عدد ذراة حصو الرمــــــالا = على نبـــيٍّ واجبٍ نقـــتديــبــه

[مشعل عسام التريباني]

بسم الله الرحمن الرحيم

الشاعر \مشعل عسام التريباني الشمري



مرد على الشاعر\ ماجد مطر 21/ 2/1432 هـ
الساعه 9 صباحا .. ..



مرحبا بابيات شعرن زرّفتلــــــي = من عريب الساس توّه كزهالـــــي

القصايد منك يامــــن طرّشتلـــــي = ارتعش واجيب من نهرن زلالــي

ازهم القيفان ثم جت واحضرتلــي = والقصايد ياولد هن راس مالـــــي

كل جزله يابن عمي صخّرتلـــــي = من كرم ربن خلق شم الجبالــــــي

كل عوبا قافيه جت واركعتلــــــي = انظم الصعبات من نسج الخيالــــي

كم عوبا عاصيه مار اسجدتلـــــي = خص كان اللي طلبها حيل غالــــي

مثل ماجد يوم قيفـــانه لفتلــــــــي = افتخر بالرد ياواف الخصالـــــــــي

القصايد كان هي منك اسندتلـــــي = ردها واجب علي يابن الحلالــــــي

انت قلت ان الليالي ماصفتلـــــــي = ذقت مرّه بعد سقيـــــا كل حالـــــي

الليالي حبلها حيــــل ابرمتلـــــــي = واربطتني في قويات الحبالـــــــي

واغدرتبي ماصفت يوم اضحكتلي = وعندخلق الله تبي تبدي خمالــــي

كم مره صوتت ثم زغرتتلــــــــي = مار اشوف اليوم صافيها حثالــــي

العنود اقفت وانا قدحان قتلـــــــي = عزتالــــي يابن عمي عزتالــــــــي

والله اني كل يوم اليا طرتلـــــــي = انتفض تقول صايبنـــــي هبالــــــي

انت تنخاني وانا الدنيا قستلــــــي = نقــّضت جرحي عقب ماكنت سالـي

كان خلك ينتل المعلوق نتلـــــــي = لاتطق الكف الايمـــن بالشمالـــــــي

اعتبرني صارمن بالكف عتلـــي = واحتزم بي كان هو حان القتالـــــــي

وكان هي بالجاه ننقض كل فتلـي=مابخيل الا بمن جاهـــــه يبالـــــــــي

الوكاد ان الصعايب ذللتلــــــــــي = وكان هي بالمال نرخص كل غالــي

حي ماجد والبيوت الي ارسلتلــي = من عريب الساس من عم وخوالـــي

الاخ ابو فهد ارجو السموحه عن القصور والله اني مصخـّن هذه الايام
لكن انت ماقدر اخر ردك

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
هذه القصيده قديمه ولاكن حبينا ان تسمعون القديم وطبعا القديم غزل كله



قيس ليلى العامريه سبايب مقتله.. ..



حن قلبي مثل جيبٍ تولّــــــوه جهلـــــــــه = بالنفود بجمرة القيض مــادارو علــــيــــــه

من طلوع الشمس لليل يمشي بدبلـــــــــه = بالدبل لـــه عشـ رساعات ســوّاقـــه نســيه

قلبي اللي من هجوسه ولاساعه دلــــــــه = دايمٍ مشـغــول و الــهــــم دايـــم مــحتــويـه

من سبايب جادلٍ تل قلبــــــــي ونتلــــــــه = ليـــن صار القلـب مرهـون في قبضة يـديـه

جل شان اللي خلقها وخلقـــــــــه جمّلـــــه = مـــع جمـــيع الناس للـزيـن مـا شفنا شبــيـه

عين حرٍ تل سبقه وراعيــــــــه اهملـــــــه = والجديل الي كما اللــيل يكســي منـــكبــيــه

وجسم خلي يوم اوصّف تقول معزّلـــــــه = بس كـــتف وردف والـــزيـن كلـه مكتســيه

والشفايف بينهن تقل منتــــــــوج نحلـــــه = والعسل غالي ويصعب على اللي يشتريــــــه

من يلوم القلب لوهو على شوفــــــــه ولــه = كل قلـبٍ لازمٍ يتــبــــــع الـلــي يهتويــــــــــه

قيس ليلى العامريّه سبايــــــــب مقتلــــــه = من سبايبها قضـى وقت مايحسد علـيـــــــه

العذارا دمّرن حج بصــــــري وعملــــــه = خــــبّر اللي يجهــل الصقــر قله يشتويـــــــه

من تعلــّق بالعذارا يلاقــــــــي مشكلــــــه = لوبغا يرجـع عـن الحب قلبه ماقـــويـــــــــه

[مشعل عسام التريباني]

(( بســـــــــم الله الرحمــــــــن الرحيــــــــــم ))
ماعليش ياخوان نبي نقلبها غزل هذه الايام انا اشتقت للماضي اسمحولي على شان مايندثر التراث القديم

الشاعر\مشعـــل عسّــام التريباني الشمـــري



(يابو طلال).. ..


ليت ما ناظرت باالمنظره يــــــا بو طلال = عند نزلة نــاب الارداف ملهوف الحشــــا

جل شان اللــي خلقها وزوّدها جمـــــــال = مثلها مع ساير النـــــــــا س والله مامشـا

ضامرٍ سرجوف خلــّـــي ورد فينه ثقـــال = من نظرها قال لــــه حول ماذاقت عشــــا

والعيون السود فيهن من السحر الحــلال= يذبح العاشق بعكش الرموش الى ارمشا

والنهود بويضتيـــنٍ بكهفٍ فـــي جبــــال = فـــــي جبـــا لٍ عاليا تٍ ولاحد ٍبـــــه مشا

عود موزٍ كل ماهـــــب ذعذاع الشمـــــال = ينعطف مـــــــن صفق الارياح ثمٍ يرهشا

ادري ان الوصل للزين مني مستحـــــــال = ليت قلبـي فـــي غلى صاحبي مـــا يبلشا

ليت قلبي ينتهي عــــــن هوازين القبـــال = جادلٍ تلّـة معاليق قلبـــــــــي واقرشــــــا

اشهدان القلب عقبــــه خطيرمــــن الهبال = كن زحـــــاف الدبــــا للمعاليق يغشــــــا

واشهد انه صابني صاحبي ما بــــه جدال = كيف اسوّي يوم حبّه بقلبي عشعشــــا

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه القصيده قلتها يوم تقاعدت من الوظيفه قالو لي سو لك دكان احسن لك ترا به مكسب خص الخضره وسويت محل خضره وبعدين بعته خسرني وعجزت لا اصبر عليه وقلعته الله يقلعه

ياشاري الدكان .. ..


ياشاري الدكان والعفــــــش والدار = اللـــــــي روايحها تجيب الهمــومي

بيع البصل والثوم والفل فل الحــار= والله ماعـــــــــوده د ب الايام دومي

اوجست في داخل عيوني لهب نار= تقول يطلع من عيونــــــــي سمومي

ابيع بريالين واشــــــــــري بدينار = واسهر الياما يدبحن النجـــــــــومي

واجهم توال الليل من قبل الاسحار= قـــــــــــدام بياع الفواكه يقــــــومي

واقـــــــدّرالوزنه بكيلن وقــــنطار= من شان وسط السوق تطلع علـومي

واحسّب اللـــــي جبت دينار دينار= واقول يمكن فيه حضــــــــي يقومي

بالليل اهوجس فيه وادير الافكــار= تقول مامــــــــــورن بحسب النجومي

والفايده مافيه ماغير الاصــــــفار= وعن المجالس والرجال محـــرومي

مالــــــــي بها يعلها بالف صنقار= الله يلوم اللــــــــــــــي ببيعه يلومي

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري

من خاف سبع الخلا مايقطع الفرجه .. ..

ماكل من قال لازم نستمع هــــــرجه = بعض الســـــوالف نسكـر عنه الاسـماعي

نصـــــــــبر ولابد مالايام منفــــرجه = لوكان بعــــــض الهـروج يزيد الاوجاعي

من خاف سبع الخلا مايقطع الفـــرجه = ولايحــــــوش المراجل قاصـــــرالباعي

ماينفع الحكي وقت الساعة الحـــرجه = ياصار ماصار وش للحكي مــــن داعي

بعض الاوادم هروجه دوم منعــرجه = موسن علـــــــى غرت الاجواد قطاعي

دايم خيول النميمه يمتطـــــي سرجه = واصعب عليه الوفا مــن حب الاكواعي

ناسن من الطيب والاخلاق ممــرجه = علـــــــى العلوم الهزيله تسرع اسراعي

ومن الهزيلات كلن مالين خـــــرجه = يغرف هزيل الســـوالف شين الاطباعي

دايم مع اهل العلوم العـــوج مندرجه = علــــى الهزيلات يسبق طق الاصباعي

الناس تفرق نجوم الجدي من برجه = وترالعصافـــــــــــيرمافنة عزم زراعي

مانسمع الهرجة اللي حيل منعــرجه = اسماعنا عـــــــن هزيل الهرج تنصاعي

[مشعل عسام التريباني]

بسم الله الرحمن الرحيم

الشاعر\مشعل عسّام التريباني الشمري

((سلام ))
دعاني الاخ العزيز الشيخ خالد صالح الجربا لحضور حفل تكريم الشيخ سعود الركاد في مدينة حائل ولكن ماراد الله اني احضر لاني مشغول بالعمل بالشركه بالرياض ولم إستطعت الحضور فارسلت هذه القصيده إعتذاراً منه لعدم الحضور ، واحب ان اسمعكم ايها لعلها تحوزعلى رضا الجميع
سلام ياشيخ الطنايا كحيلان .. ..

سلام ياشيخ الطنايـــــا كحيــــــلان = خالد سليل الجود نسل الاســــــودي

سلام مني عد همّـــــال الامـــــزان = واعداد من يسجد لربه سجــــــودي

واعداد ماتوم الهبايب بالاغصـــان = وعد الحصى واعداد رمــل النفودي

سلامن احلى من شذى ريح ريحان = على سموّك ياعريب الجــــــــدودي

واحلى من البارد على كبد عطشان = نهر الفرات اللي يبل الكبــــــــــودي

دعيتني ياشيخ ياطير حـــــــــوران = يالنادر الباسل قوي العضـــــــــودي

لكن ظروفي ردتن ياكحيـــــــــلان = وابي السموحه ياسليـــــــل الفهودي

ياترثة الاجواد ياعالي الشــــــــــان = عساك دايم يابـــــو صالح بــــزودي

والله يمين القطع خــّلاق الانســــان = ودي بشوفك مار صرت محــــدودي

انا على شوفك شفوقن وولهــــــــان = يالنادر اللي بالفعول محمــــــــودي

ابدا علي شوفتك من شوف الاخوان = لكن عجزت افرغ وحملي يــزودي

المعذره ياشـــــــوق ميــّاح الاردان= ياشوق غطروفن غضيض النهودي

بنت الرجال الي يفكون الاضعــــان = ياجا نهارن فيـــه قدح الزنــــــودي

ابيك تعذرني الى صار نقصـــــــان = عساك ماتجبرعليــــك اللحــــــودي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري


الردي ماني بحاله ولابيله غلا .. ..

يكفي اني غالين عند كـــــــــل الطيبين = والردي ماني بحالــــــــه ولابيله غلا

عن غلا الرديان حنا ترانـــــــا مغتنين = مايشّرفنــــــــي غلاهم ولافيهـــم حلا

الردي ماني عشيره ولاهو لي عويـــن = عايفه مابــــي شرابه ولابيلـــــــه كلا

مانرافق كود حرن عشير الغانميـــــــن = ابلجن يزود فعله علــــى كل المــــلا

ساطين وقت الملازيم حلحيلن فطيـــــن = كامل الاوصاف راع اليمين الاخطلا

كاسبن كل الجزيلات ذبّاح السميــــــــن =هو عشيري وافتخربه وله منّـــي ولا

والردي خله يولــــــي وراع النيتيـــــــن = عشرت الرديان كله غرابيــل وبــــلا

لايغرك يوم يضحك تر الخايب ذهيـــــن = الحصيني بالذهانه على غيــره عــلا

يالله اني طالبــــــــك ياْلهي يامعيـــــــــن = يا الهن فوق سبع السموات اعتــــــلا

ترفع الطيّب وتقطع جذور الخايبيــــــــن= لاتكثرّهم على القاع يارب انــــزلا

والله اللي كوّن الخلق من ماءٍ مهيــــــــن = ماكرهت من الاوادم مثل من يبخلا

والكريم اللي فعوله تســــــر الناظريـــــن = انطحه من كل قلبي واقدم له هــــلا

ايه احب اهل الصخا كل وقت وكل حين = واكره الممسك ولاحط لي معه عملا

كل من يبخل بالاموال مغلول اليديـــــــن = اكرهه لوهو للادراج من ماله مــــلا

مثل شحم الـكلـب يكرم جناب السامعيــن = حارمن في شرع الاسلام محدن له كلا

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري


في 16\3\1432هـ

مايجيك غزيلن من بين قرد و قرده .. ..


اشهد انه صدق بذر الورد يثمــــر ورده = والبصل يثمر بصل مايثمر الريحانــي

ولايجيك غزيّلن من بين قرد وقـــــــرده = وماكرالغربان مايطلع منه شيهانــــي

والفرات العذب يبشر بالــروى من يرده = والبحور الهوج ماتقطع ظما الظمياني

ومن شعم نار الغضا يدفا ويقضي بـرده = وعمر نار الليف مايدفا منه بردانـــــي

وكل من كثّر كلامه واستمر بســـــــرده = صار عرضه ينتقده افلان والا فلانـــي

الرجل ماينجرف مع عالمن ممــــــــرده = ايترفـّق لايزفـّه هايج الطوفانـــــــــــي

مايعيب الرجل ملبوس القديم وجــــــرده = الملابس مابها مقياس للغلمانــــــــــي

ولايعيبه مركبه لوكان يركب خـــــــرده = العمل بالساس ماهو باقي البنيانـــــــي

الرسول المصطفى مايملك الابــــــورده = خير من داس الثرى يمشي بلاحذيانـي

يلتحف في بردته وقت الشتا عن بـــرده = وكم ليله بات فيها المصطفى جيعانــي

لاتقلّد عالمن بهروجهـــــــــــا منجـــرده = يوم زاد الخير صارو قمّة الفرسانـــي

يذبحون ويصلخون وبالصخا منفـــــرده = صايرينن مثل حاتم مدهل الضيفانـــــي

وبالملاقا يقحمون المعتدي في طـــــرده = مثل بن غانم الى جا ساحة الميدانــي

ايتحلّم في منامه واستمــر بهـــــــــــرده = وصّله شيطان حلمه قمة الطغيانــــي

كل مسلم ماقرا قبل المنـــــــــام بــورده = يعتبر ضايع ويفتح باب للشيطانــــــي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

20\3\1432هـ

هلا بك يابو متعب .. ..


هلابك يابومتعب مانهمروبل السحاب وهــل = هلابك كل شعب المملكه رحب وهلاّبــك

هلا ماهل همّال السحاب وعد نجمن طــــــل = هلا يامرحبا والشعب رحّبك وحيّابـــــــــك

هلابك عد ذرّات الرمال وعد شهرن هــــــل = هلابك والبلاد استبشرت فيك وفرحنابــــك

هلابك والبلاد استبشرت بــك واكتست بالزل = هلابك واحمد الي رجّعك لابناك واحبابــك

هلا ياخادم البيتين يادرع الوطن والظــــــــل = هلا يافرحة المحتاج يامنّه تعزوابـــــــــــك

هلابك عد مــــــــن سبّح ومن كبّر ومن هلل = هلابك عد من خطة قوافيـــــه وتغـّـنابـــــك

هلابك واحمد الـــي في شفاهـ لشخصكم كلل = هلابك جعل يكتب لك طهورن كل ماصابـــك

هلابك عمّة الفرحه بشوفك فـــي بلدنا الكــل = هلابك عمّة الفرحـــــه بلدنا واحتفلنابـــــــك

هلابك والقلم لونكتب اكــــــثرمن كذا مامــل = هلابك ماتمل اقلامنــــا مهمـــــــا كتبنابـــــك

هلابك لويسيل الطـــــرس بالاقلام ويسجـــل = هلابك والله انـــــه يفرح الاقلام ترحابــــــــك

هلا بالي بخيراته علــــى كل الوطن يشمـــل = هلابك يابو متعب يرحم الله شايبـــن جابــــك

هلابك يابو متعب وانت لك بقلوبنا مــــــنزل = هلابك في بلدك الطاهرهـ وابناك واصحابـــك

هلا في نورنا الي بعد مده فـي بلادهـ طــــل = هلافي طلتك نوّربلدنــــــــــا واستنرنابــــــــــك

هلا بالي فرحنا فــي شفاهـ وعــــودته يكمـل = هلا واستبشرت فيك القوافـــي يانظمنابــــــك

هلا حييت مسكانك بقلبي فـــــي بطينه حـــل = هلا حبّك سكن في مهجتــــي والقلب حيّابـــــك

هلابك والله انا دايمن عــــــــن مقدمك نساْل = هلابك يوم ربي بعد ماطال المـــــدى جابـــــك

هلابك كل شعبك رحّـــــــبوبك ياحبيب الكل = هلابك مرحبابـــــك ياهــــــلا مليارحيّابـــــــــــك

هلابك يابومتعب عد ماهل المطــــــرواهمل = هلابك والله انا نفتخربــــــك وانتباها بــــــــــك

هلابك قايدن مقــــدام يعقد حبلنا وايحــــــــل = هلابك قايدن مقدام كلـــــن يحسب احسابـــــك

هلابك قايدن لقلوب شعبك بالـــــــغلا تحــتل = هلا في طلّتك والدار تزهاهــــا وتزهابـــــــــك

[مشعل عسام التريباني]

بسم الله الرحمن الرحيم

الشاعر/ مشعل عسام التريباني الشمري

الذي انتقل الى ربه مسا هذا اليوم الخميس المافق 21\3\1432هـ
رثا بالعم دغيم مطلق الغافل يرحمه الله .. ..


يالله يامحـــــــيي العظام الرميمه = يارازق الحيتان فــــي وسط الابحار

يارب تلهمنا الصـــــــبر والعزيمه = من عقب فقد اهل الوفا روس الاخيار

يعل ابو مشـــــــــحن بعالي نعيمه = في جنة الفردوس مـن ظمن الابرار

عساه يسكــــــن جنتن مســـتديمه = متركــــين فيها وتجـــــرى له انهار

مرحــــــوم ياشــيخ الكرم يازعيمه = يامكـــــرم الضيفان ياواف الاشبار

مرحـــوم ياراع الفــــــعول القديمه = مرحوم ياللــــي بالصخا تبهر ابهار

راع الصخا يوم الليالــــــــي عقيمه = اليا لفو بيته مـــــــــــن البعد خطار

يلقون عـــــنده كل قـــدر وحشـــيمه = يلـــــــقون عنده كل حشمه ومقدار

يذبح لهم مـــازاد بالســــــــــعر قيمه = ويكــــــرم لحاهم كل ماجوه زوار

عنده علـــــــى بذل المكارم عزيمه = فـــــــي مجلسن تلقابه البن وكتار

واخانة الدنيا علـــــــــينا وخـــــيمه = قامت مـن الربع العزيزين تختار

قامت على اهل الطيب تدرج بريمه = واخانة الدنيا ورا صمتها اســرار

والله يالولا المـــــــوت حــق وحتيمه= حتمن علـــــى كل المخاليق دوار

لاقول موت اللـــــــي سواته جريمه = لاشــــك والله مانعارض للاقدار

يالله يارب العــــــــباد ورحـــــــيمه = عساهـ بالجنه ويحجب عـن النار

[مشعل عسام التريباني]

هذه القصيده لـ الشاعر / عبد العزيز البليهد اعجبتني ورديت عليها



قصيدة عبدالعزيز البليهد ..الثري والناس





لو يقول الشمس غابت للشمـال = قيـل جايـز كــان شايفـهـا ثــري

الحقيقـه تختـفـي تـحـت الخـيـال = الشيوخ ابخص ونا حظي بـري

وش يخلـي منقـع الصبخـا زلال = ويودع الجلمـود مطـواعٍٍ طـري

غيـر عـلـمٍ بالمـحـرم والـحـلال = مــع ظمـيـرٍ يعـلـم الله مـفـتـري

واســـع الـذمــه وطـمــاعٍٍ وذال = والذليل ليا اوجس النعمه جري

زينـة الدنيـا حـواهـا واسـتـزال = بالعـواقـب مــار كـنـه مـــادري

وش يرد الغيث والمنشى خيـال = غير ذنب المسلميـن الظاهـري*

مايواخذ مـن لبـس عقلـه هبـال = المـواخـذ كـاتــبٍ خـطــه قـــري

ولا يعاتـب بالمشاريـه الـزمـال = دام مانجنـيـه مـــن رده شـــري

دام عز بموت الاحباب الوصال = وش لـنـا بــه كلـهـا يـاخـاطـري

هذا ردي عليه بهذه القصيده .. الثري والناس




اشهد إن بن بليهد يوم قـــــــال = قال شي ٍ صح و لسانه جـــــــــري

البشر تتبع كثيرين الحـــــــلال = والضعيف يموت محدً بـــــه دري

كان معك ريال تسوى لك ريال = ويافضـــــى مخبال قل المشتـــري

والضعيف صار مدحه مستحال = وإن تكلــــم فيه كلٍ يــــــــــزدري

والغني ياقال هرجه كالـــــزلال = وهرجة الطفران مرّه كالشـــــري

لو كثير المال من ظمن الحثــال = نسيو انه كان لص ومفتــــــــــري

اشهدوله بالكمال بكل حـــــــال = يوصلونه يم نجــــــم المشتـــــــري

بالمديح يصعّدونه للجبــــــــــال = قالو إنه بالمديح الاجـــــــــــــدري

نسيو انه كان مايسوا نعــــــــال = وجهلو ماضيه لو هو سرســــــري

وصار يضربه مثل بين الرجال = وصار مابين الرجال مقــــــــدّري

ولو يقول ان الهوا هز الجبــــال = قالو إنه صح مافيه هـــــــــــذري

والضعّيف لو تكلم بالعـــــــــدال = قالوا إنه كاذبٍ لو هـــو بــــــــري

قالوا إنه ماصدق في مايقـــــــال = من هزيل الهرج تر ماهو صــري

خابرينه مايصدّق في المقـــــــال = الفقيّر مايقــــــــــارن بالثــــــــري

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري




الا يا هاجسي .. ..


الا يا هاجسي هات الجــــــزالا = تراني ماتعوّدت الهزيلــــــــــي

الا يالله يا مرس الجبــــــــــــالا = كريم المد ياربٍ جليلـــــــــــــي

رفيعٍ فوق مخلوقــــــــــــه تعالا = قدير ولا على الله مستحيلــــي

ولا غيره تفــــرّد بالجمــــــــالا = جميلٍ ما يحب الا الجميلـــــــي

ولاغيــــــره تفرّد بالكمــــــــالا = رضاك ارجوه يامنج الدخيلــي

ومن غيرك عليه الاتكــــــــــالا = ومن غيرك شفى جرح العليلـي

طلبتك رحمتك ياذ الجــــــــلالا = وغفرانك الى حان الرحيلــــــي

عساني تحت عرشك في ظـلالا = تحت عرشك وفي ظلٍ ظليلـــي

الى منه وصـــــل وقت الـزوالا = من الدنيــــا وانا خجلٍ ذليلــــي

نهارٍ فيه حـــــــان الارتحـــــالا = ودار الحق جينابــــه نزيلــــي

وتركنا الدار مع زود الحــــلالا = بيومٍ يترك الخل الخليلـــــــــي

تثبتنا بحســــــن الاعتـــــــــدالا = على متن السراط ولانميلـــــي

وتسقيني من العـــــــذب الزلالا = ونشرب من شراب السلسبيلـي

وتلهمنا الجواب عــــن السئوالا = وتسكنا بساتين ونخيلــــــــــــي

فمن غيرك لنا يرفــــــا الخمالا = ومن غيرك غفر ذنبٍ ثقيلــــــي

ولو جينا بذنبٍ كالجبـــــــــــالا = فلا ذنبٍ مع العفو الجليلـــــــــي

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
هذه القصيده مجارات لشاعر\قديم اسمه ابو تمام وهوشاعر معروف من سلالة طي وهو يقول طبعا باللغة الفصحى وانا جاريته باللغة العاميه يقول
ابو تمام من عرض القصيده
قال أبو تمام
نقل فؤادك حيث شئت من الهوى ما الحب إلا للحبيب الأول
كم منزل في الأرض يألفه الفتى وحنينه أبدا لأ ول منزل

وانا اقول000 ((مجارات ابو تمام))

مجارات ابوتمام.. ..



يقول ابو تمام مــــن سطــــوة الهوا = يشكــــي غلا راع العيون الكحّلـي

يقول ماينســى الفتـى حب ماضـــيً = ترا قديم الحب صعـــــبٍ ينجلـــــي

وانا اقـــر ماقاله واجــد د مـــــقولته = ماينجلــــي حبٍ بقلبٍ تغلغلـــــــي

ترا حلات الحـــــب يحفـــظه المـــلا = يحفظ غلا خلٍ به القلب ممتلــــــي

الاياغصـــــين البان قلبـــــــي ملكتهٌ = وعيني على فرقاك يازين تهملـــي

الاياحبيـــبـــي يوم اوصّف محاسـنه = هوضامر السرجوف والردف مثقلي

الى طرا خلي تمنيت مامضـــــــــى = حيث ان قلبي من غلى الزين ممتلــــي

ثلا ثين عـــــــــــام وحبها مانســـيتهٌ = شبنا وناره داخل الجوف تصتلـــي

الـى طرا طاريه هاضة قريحتــــــي = حيث ان له في داخل القلب منزلــي

من قال حب الرجل للبيض واحــــدٌ = اقول هذا في هوى البيض يجهلــــي

شوف الكتابه يوم تنقش على الصخر= لوطالة الازمان ماهــــــي بتنجلي

احســــــنت ابا تمام ما قـــــــلت زلّه = ما لحب الاللحـــبــيب الاولـــــي

[مشعل عسام التريباني]

بســــــــم الله الرحمن الرحيـــــــــــم

هذه قصيده لـ محمد بن نهير الشمري

يقول



لاجزيت بخير ياوقت الظـــلام = تلتقي فيه الهموم العابـــره

راح عمري بين صفه واستلام = لعن ابوجد السنين الغابــره

مايفيد الهرج وحروف الكــلام = الصبرمافاد منهو صابـــره

ياسلام الله على مشعل ســــلام = خابره يرئف بحالي خابـره

سافرو خلان قلبي ياحـــــــرام = هالزمن يارب تقطع دابـره


(ردي على محمد)

مجارات محمد نهير التريباني بن اخي .. ..


ياسلام الله عدد وبــــل الغمــــام = وعــــد ناسٍ بالعيــــــون تسابره

يامحمد لك معـــزه واحتـــــرام = من قديم الوقـــــت وانته خابــره

خطكم جاني وعدّيت المــــــلام = اعـــرف الدنيا تراها عابــــــره

غير درب الصبر ماتاصل مرام = وكم عثــره بالتصبّر جابـــــره

مثل مان النور جلاي الظــــلام = الصبر فيه الفرج ياصابــــــره

والكسل تراه درب الانهـــــــزام = واعرف الكسلان ربه ثابـــــره

الصبر فيه يتحققـــــــن الحـــلام = زاد شبرالصبر ياللي شابـــــره

وتر كثير الصبر من طبع الكـرام = والكسل طبع الوجيه الغابــــره

التكاسل ياولـــــــد طبع الــــــلأم = والردي درب التكاســـل قابره

ماينال المرجله كــــود القطـــــام = والردي مايعتلـــي منابــــره

وانت من ناسٍ عزيزين المقــــام = المراجل عنك ماهي كابـــره

لايغرك جمعة النــــاس السقــــام = ومن كثير النوم جنبـه حابره

يشحذ الدخان من عنـــد المــــدام = والمخده ماتفــــارق صابــره

وياقعد قـــــام يتشدق بالكـــــــلام = ودك ان الارض فوقه جابره
الشاعر مشعل عسام التريباني

[مشعل عسام التريباني]

بسم الله الرحمن الرحيم

هذه القصيده جتني من الشاعر \ فريح حسن بن مسمار الشمري

في 20\4\1432هـ

(يقول)

هذه قصيده وصلتني من فريح حسن المسمار الشمري)) وهذاردي عليها..


سلمولي على مشعل كثير الســــلام = وبلغولي جنابه بالتحيـــه كثيــــــر

قولتن من ثمان اسنين وازود بعــام = مانظمت القصيد ولا لقيت الشويـر

شحة المفردات ولا قويت الكـــــلام = المصيبه جلل والله بحالي بصيــــر

ماقويت ارثي المرحوم والله حــرام = والسبب عبرتن بالصدرعية تسيـر

واخره طالبك يارب محي العظـــام = ترحمه يالطيفن في عبادك خبيــــر

وترحم الخال ابو مشعل وكل الانام = من عبادك على التوحيد مالك خشير



وهذا ردي



خطك اللي وصلني زاد حالي هيام = حشرج الصدر مني بالعباير كثيــر

يابو ماجد عقب فرقا الحشام الكرام = كل يوم العباير تزدحم بالظميــــــر

راحو اهل الرجوله والكرم ياحـرام = اطلب الله لهم ياخوك حسن المصير

ياعساهم بجنة عدن دار الســـــــــلام = تحت ظلٍ ظليل وفوق نهر وغديــر

ياذكرت الثلاثه عفت حلو المنــــــام = واوجس الصدر مني كن به طق زير

اطلب الله لهم ياخوك حسن الختـــام = يالله انك تحرمهم علــــــــى زمهرير

ابو نواف والوالد لذيـــــذ الكــــــلام = وابو مشحن صخي الكف عز القصير

كل ليله يزورن طيفهم بالظــــــــلام = واطلب المغفره منذو سميعٍ بصيـــر

يالله انــــــي طلبتك يامنشّ الغمــــام = تمسح الذنب عنهم يالسميــع القديـــــر

اتذكر سوالفهم ســـــوات الحـــــــلام = وكيف كنا لهم بالمعضلـــــه نستشيـر

ويوم راحو علينا الجو عتّم كتـــــــام = لو بغينا نشاور مالقينـــــا مشيـــــــــر

كن وسط الحشا يركز شديد السهــام = والدموع الذوارف غرّقــن النظيـــــــر



الشاعر / مشعل عسام التريباني الشمري

[مشعل عسام التريباني]

(( بســــــــم اللـــــه الرحمــــــن الرحيــــــم ))


الشاعر /مشعل عسام الشمري

(( رد على نواف ))

هذه القصيده ايام احتلال العراق رد على قصيده للاخ نواف الحسن المسمار موهه لي لكن لاتحضرني الان وهي على نفس القافيه وبنفس المناسبه
ردعلى قصيدة نواف حسن المسمار الشمري .. ..



الله من علــــه من بين هــــــــدف الضلـــــوع = احسها في حشــاي يزيـــد تعــــذيبـــــه

خط لفا من عـــــزيز النفس عذب الطبــــــوع = غالي عليه وانـــا واللـه مشفــــيبــــــــه

يابو طـــــلال الليالي جــــت بشــــــــيٍ يروع = وقت يقــرب صغيــــر الســـن للشيبـــه

هذا آخـــــر الوقت قرب والليـــــــــــالي تلوع = من ينصـــر الحــــق تكــثر به عذاريبه

اطفال دجـــله بقــــو مابـــــــين بــــرد وجوع = أرض العراق الدباء يصبــــح ويمسيبـه

أطفالهم ماجـــداهـــم غيــــر نـــثر الدمـــــوع = وثروة بلدهم غدت ياكبـــرها مــــصيبه

وين العرب كيف ترضى الذل هو والخضـوع = وش لون ترضون وين العـــــز والهيبه

جند النصارى يخــوض بلادكــــم بالــــدروع = ويذبح النـــاس ويكـــــدر مشاريبـــــــه

هبو لدحـــر العـــــدو ياهــــازمــــين الجموع = الوقــــــت لابـــد مـــن دورة دواليــــبه

النصر ماهـــو يجــــي بالطقطقــــه والميــوع = الضحــــك واللــــعب يثر للرجل عيبـه

النصر بقراية المصحـــف وكثر الركـــــــوع = ومن لاحفـــظ حـــــق ربـــه رد للخيبـه

[مشعل عسام التريباني]

بسم الله الرحمن الرحيم
السلام عليكم ورحمة الله وبركاته
اتمنى تتقبلوا مني هذه المتواضعه
اتمنى تعجبكم
الهــــــــــــــــم



الهـــــم مبطــي فـي حنــــاياي تكـــــــا = لو شفتني بين المـلا زاد ضحكــــي
اتصــنع الضحكــــات لــــو هي تلكــــا = ياما على الضحكات عـودت فكــــي
ولحـدن بحـــالة زبن ياخــوك شكـــــا = لي ظـاهرن يضحـك وخـافي يبكـــي
وليا استزاد الضيق والهــــم ضكــــا = واستفرد الهــاجس بفكــري ودكــــي
ركبــت جيبي دون لاحـــــدٍ تحكـــــــا = وبراس ما طــــول من النفـد اتكـــي
وادني بغـــــاديدٍ لجمــــــــره تشكـــا = وامـــــد دربيلي خـــلا ما استشكـــي
واخذ من الســاعات هكــا وهكــــــا = يا ما يــــــروق البــــال وانا مركـــي
وانزل من المرقـاب ضيقـي مذ كـــا= وبابٍ تجي منـه المضـــايق يصكـــي



اتمنى انها ارتقت لذائقتكم
(زبن الزميلي الشمري)



رد على الشاعر زبن الزميلي .. ..




انا شهد انك شاعــــــــرن ماتلكّا = لو يصعب الطاروق به ماتلكي

مايدخلن بك يافتـــــــى الجود شكّا = عنك القوافي بابها مايصكي

منته من اللـــــي يكتب البيت ركّا = معك القوافي وافيه ماتركي

فارس وميدانك حـــــــشا مايدكّا = فارس شعرمعروف مافيك شكي

يامـــــــن راس العود بالعودحكّا = تبرزالي جابين الاعواد حك حكي

طوفان موجن ياضــرب شي ذكّا = يدش زاروقن ببحرن متكــــــي

اعجبني الطاروق حيثه على اكّا = ورديت لك طاروق باكّاه واكّي

لولا الضلوع العوج فيها تصكّا = تلقاهـ في وسط الحشا تحتركّي

[مشعل عسام التريباني]

بسم الله الرحمن الرحيم
هذه القصيده موجهه للاخ الشاعر\ خالد بن صالح الجربا من الشاعر اجااا
مؤسس منتديات شمر قطر ولكن الشاعر مشا من قطر ومرني بالقصيده
طبعاً وأثنا علي بيض الله وجهه وهو الصحيح ماجاني ولاعرفه الا بعلمه
الغانم واشوف انه واجب علي الرد عليه فكتبت ردي عليه في 5\5\1432هـ

هذه قصيدة اجاااااا.. ..



ياراكـب اللـي جـيـب مــن عـنـد الالـمـان = مـــن جــرّبــه مــاســام غــيــره بـديـلــي

مــراوحــه يـازغـرتــت عـــــزف فــنـــان = تــزرى عـلــى مـــن صـفـطـو اللمقـيـلـي

الـرنـج هــو عـــوق المـسـافـة بلـيـهـان = خــــوّة شــلاقـــي مـايــخــون الـعـمـيـلـي

عـنـد الاشـــاره يـاوقــف تـكــل زعـــلان = كـنــه يـقــول لـــو تسـمـحـيـن افتـحـيـلـي

ابــي تـوّكــل يـــوم وقـــت الـلــزم حـــان = واعـلـن مــن الـدوحــة لـحـايـل رحـيـلـي

الـفــجــر تـلّـيـتــه قــبـــل وقــــــت الاذان = بـــــدون مـــاجـــلان راســــــي دلــيــلــي

وقت الضحى حول السلي غرب الاسكان = دايـــــخ وراســـــي لـلـمـهّـيــل يـمـيــلــي

نصـيـت مشـعـل مسـنـدي طـيـر حـــوران = والـمـشـكـلـه عــيـــا يـخــلــي سـبـيــلــي

قـــال الـغــدا. قـلــت الـغــدا يـاكـحـيـلان = بـديــار حــاتــم والــولــي هــــو كـفـيـلـي

في بيت شيـخٍ صـار للمـدح عنـوان = بالمـعـركـة يــاويــل مــــن لــــه قـبـيـلـي

ورثـت شيـوخٍ بالجزيـره لهـم شـان = يـثـنــون فــــوق مـلـوفـحـات الـشـلـيـلـي

هـــذا وانـــا جـيـتـك وخـذنــي مـــن الآن = فــي مـاتـبـي سيفٍ بـكـفـك صقـيـلـي

وكـانـك عـلــي يـاخـالـد الـقــرم شـفـقـان = انـــــا لـشــوفــك افــعـــل المـسـتـحـيـلـي
رد على الشاعر القدير مؤسس منتديات شمر قطر والملقب باسم اجاااا .. ..





يامـــــــرحبا ترحيب من قلب ولسان = بالرنج والســـــــــــواق زبن الخليلي

نسل الســـــويدي من صواريم حبران= يامــــــــــــرحبا بك عد نبت النخيلي

واعداد ماتنشــــــــــي مراديم الامزان = واعداد ماذعذع نســــــــــيم العليلي

وماغرد القمري على روس الاغصان = حــــــياك ربــــــــي عندنا لك مقيلي

اقلط تفضل كان للكيف ظـــــمـــرمان = نفســـــــــي لشوفك يالسنافي تميلي

نبـــــــــي نقلط لك معاميل رســـــلان = فنجالهن يشـــــــــف الدماغ العليلي

حطيت به مــــــــن وارد الهند وايران = ماني علـــــــى شرواك والله بخيلي

ثمن نقلط لك سمـــــينن مــــــن الضان = حقك علينا نكرمك ياعمـــــــــــيلي

وســــــــوالفـــــن يطرب لها كل ديقان = ياما تقول اليوم ياقصـــر ليـلــــــــي

واليا تريح مــــــــــوترك ياكحــــيلان = واصبحت روح جعل دربك سهيلي

لديار شمــــــرمرويت شــــذرت الزان = ربعــــــي وربعك محتمين الدخيلي

اهل بـــيوتــــــن مالها حــــط بــيــبان = غير الكرم ماحسّــــــــــــبو للحصيلي

وصّل ســـلامـــــــــي يمهم يابلـــيهان = وعن بيت ابو صالح حذورك تميلي

شيخن ولد شيخن ومــن ساس شيخان = تاريخهم ماعاد يـــــبغى دليلــــــــــي

من عصرابو خوذه اليا عصـــرنا الان = نارن على راس العلم له شعــــــيلي

يســـــــتاهلون المدح ذربـــين الايمان = لونكـــــتب القـــــيفان فيهم قلـــــيلي

وصــلاة ربـــــــــــي عد ماهل هـــتان = علـــــــى النبي المصطفى والخليلي

الشاعر\ مشعل عسام التريباني الشمري

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

هذه ابيات بدايتها محاوره خمس ابيات في ملتقى جزيرة العرب
ثم كملت الست الابيات الاخيره نظراً لما لهذا الموضوع من
اهميه كثيره في نظري وطبعا حصل تعديل بسيط عن ماكانت
عليه القصيده في المحاوره ارجو ان تحوز على رضا الجميع
حقوق الجار .. ..



الجار حـــق الجار ياجـــاهلن فـــــيه = اقصـــــــــر جدارك لايجاري جداره

الشكـــــــــــر لله جـــارنا مانوازيه = ونعطيه شـــــور اليا طلبنا استــــشاره

الجار منــــــي ماشكـــى من بلاويه = يوم ان خطـــو اللاش يبلش بجـــاره

اصبرعلـــى زلات جاري ولاوذيه = وليا لفا بيتـــــــــــــي يحصّل وقاره

وافــزبه وافــــرح اليا حــل طاريه = طبعـــــــــــي كذا والله ماهي قماره

وان شفت جاري كاثراتن مشــاكيه = اعطـــيه حلو الزاد وابلع مـــــــراره

وافرح الياجوني عــــوانـــي عوانيه = مانـــــــي بمن ينسا الياراح جــــاره

واحــــب مــــن حبّه واعادي معاديه = واضفي على عوجا القصير الستاره

واقصر مسيري عــــن مسيره واداريه = واليا جلس نعطيه كل الصـــــــداره

واذب عن عــــرضه الياسـولفو فيه = اللي على الغرات مثل الســـــعاره

حيث الرسول المصطفى موصين فيه = يقول جارك لايشوف احــــــــتقاره

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري


ســــــــــــــــلام .. ..




سلام ياراع الكـــرم منهل الجـــــود = يا منبـع الامجاد عذب السجــــــا يــا

معطرٍ با لورد والمســـك والعـــــود = منــــــي لبن مشعان بازكا التحا يــا

اغليك حيث انك بالامجا د مشهـــود = واغليك انك فــــيك عد ة مــــزايـــا

فيك الكرم والد ين والعقل مــــوجود = مع خف نفـــس وفيك كل المزايــــا

هداج تيما للمـــعا طــيش معهـــــود = مــــن منبعٍ يروالكبودالظمــــــا يــا

عسا ك يا سلمان من زود فـــي زود (= فــــي جاه رب البيت معط العطا يـا

يا بوسعد ما لــــي ورالمدح مقصود = والله لاسمــعـــه ولاهـــــوريــا يــا

ماني من الـــــي يامدح يطلب الزود = والله يعلم بيّــــني مــــع خفــــا يـــا

اغليك انك شــــامخٍ كنــك الطـــــود = وانك من اهل الطيب واهل الحمايا

واغليك انك ملتجا كل مظهـــــــــود = وانك شريفٍ من جميع النحــا يــا

مفراص مــــــاصٍ للمـــعاد ين بالود = هملول وسمٍ فيك ترتع رعــــا يــا

سيف على العدوان واضح ومجرود = غيثٍ على الصدقان مالك حلايـــا

اقبل سلامـــــي يابعد كل نمـــــرود = يــــاعل يفد ونـــك خبا ث النوايــا

يا شــــــوق مركوز النهد ليّن الغود = بنت الشيوخ الــــي تهزم السرايــا

وصلات ربـــــي عد ماذعذع النود = علـــى نبـــي الله ســـيد الــــبرايــا


هذه القصيده اهدا للاخ العزيز سلمان المشعان الضويلي الشمري ارجو ان تحوز على رضاه وقليله بحقه ولواني ماعرفه ولاكن علم الحيا والغانمين يبين واتمنا ان اتعرف عليه انشالله تعالى

[مشعل عسام التريباني]

بــــسم الله الرحمـــن الرحيـــــم

هذه القصيده قديمه صار لها سنوات عدهـ لاني شرهت على بعض الاقارب فكتبت هذه الابيات
الشاعر \مشعـــل عسام التريباني الشمّري




مراكب التفكير .. ..




البارحة فــــــي يـم الافكار سيّـــــــرت = مراكب التفكير ليـــن ابحرنـــــّــي

غصت البحور بمركب الفكر وابصرت = دنيــــــا كثير صروفهـــــا حيرنـّـي

اشوف لي ناسٍ بهـــــا ياربع حـــــرت = في شرعهم درب الردى صار فنّـي

في شرعهم ما غير مخبــاي انا خترت = احسـّـــــــب الامـــــوال ويونسنّـي

والــــــــى صفى المخبا لربعي تذكرت = مثــــــل اللذي فكه من المس جنـّي

والــــــى امتلى المخبا لناســــي تنكرت = وافكر ان النــــاس يبغون منّـــــي

واقول يامــــن هكــذا فكرتك صـــرت = لعبه مع الشيطان مــــــار ارجهنّي

تذكر انـــــك لاتضايقـــت واعســـــرت = يمك يدينا بالــــصخى يبسطنـــــّي

وتذكر انك كل مــــــــامرضت وعِثرت = لجلك عيونـــــي للكــــــرا مابغنّي

وتذكر انـــــك ياتضايقـــت واقـــهــرت = ضيقات صدرك يافتــــى يؤلمنّي

وتذكر انك لـــــوعلـــــــي باالجفا جِرت = منكم ترا الغلطات مايــــــــزعلنّي

مانـــــــي ضعيفٍ يــــــــاتاثرت دبّرت = شيــــل الحمول الكايده ماشقـنـــّي

اشيل حملـــك ياعجــــزت وتقهقــــرت = كني هديب الشام بالوصف كنّـــي

نوّخ جملك الـــــــى عجست وتعاسرت = يوم الجمال السايبه يجفلنّــــــــــي

واركــــب هديب وسيّره ويــن ماسرت = الى جفاك اللــــــــي تخيّرت عنّـي

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((غيمة فكرفي 29\5\1432هـ))

غيمة فكر.. ..

ياغيمة الفكرهلي واروي القاع سيـــل = وهاتي من الشعر مايتحف سموع الرجال

هلـّي بعذب القصيد اللي كما السلسبيل= واروي خصيب النفوس من القراح الزلال

البارحه قمت افكـّر بالزمان المهيــــل = وشلون بعض الاوادم يرغب الانحـــلال

يشبه لغصنن ليا هب الهوا به يميــــل = مع هوج الارياح تصفق به يمين وشمال

ناسن تخلـّت عن الشيمه ونهج الخليـل = والبسهم الغرب جلباب الخنا والظــــلال

تقليد الاعدى على الاسلام شيّن دخيـل = ماكان يعرف قبـــل تقليد تلك الهــــــزال

مايرغب الهزل ياكود الظمير العليـــل = اللي بشئم المعاصي داخل القلـــــب شال

اقرو تواريخكم ياقليلين الحصيـــــــــل = امجاد الاسلام دايــــم باقيه لاتـــــــــزال

اقرو تواريخ ناسن سوو المستحيــــــل = شهد لهم محكم التنزيل فـــي كل حـــــال

امثال خالد عدو الشرك سيفن صقيـــــل = اللي قطع دابر المشرك بحد الســــلال

سيف الله اللي على الكفار حدّهـ سليـــل = اللي برز في فعوله في نهـــــار القتال

في خدمت الدين باع الكثر واوى القليل = لانه يعرف ان نفسه مقتفيها الـــــزوال

والدايم الله والعالم مداهــــا الرحيـــــــل = اعرف ترى كل نفسن حدّها الارتحال

ياكبرها من مصيبه كان ضاع الدليــــل = مع جمع ناسن يحطون العدا راس مال

اقسمت باللي وسر بالليف عسب النخيل = اني عليكــم شفوق وصادقـــــن بالمقال

وازعل اليا شفت مسلم عن طريقه يعيل = لان البنا ياتفكــك صارفيـــــه اختـــلال

وازعل اليا شفت بالبنيان شيّن يميـــــــل = وش عاد لوهم يسمونـــي سريع انفعال

يالله يا المعتلي وانت القديـــــر الجليــــل = الطف بنا يااله الكــون يـاذا الجــــــلال

ياحسبي الله على الاعدى ونعم الوكيــــل = كم ضيعو نفس مابيــــن الامل والمحال

[مشعل عسام التريباني]

بسم الله الرحمن الرحيم


الشاعر مشعل عسام التريباني الشمري

رد على العميد ابو عارف.. ..



ياراكب اللــــــــي طيحوها سنينا= تشبه تهصـــــــــر خفرتن عند غالين

شيبا ظهر تطوّ الفيافــــــــــي بحينا =تقول يركز فـــــــــــي جنوبه سكاكين

وصل خطابي شوق صاف الجبينا= الليث ابو عارف طليق الحجاجــــين

قله ترا مـــــــــــاجد د خيلن علينا = وانتم تعـــــــــــرفون القيم والقوانين

نبـــــــــي نعرض الوجه يالغانمينا = وانتم عن اعـــراف المخاليق دارين

خدمة دخيل البيت حقـــــن علينا =حنا علـــــــى درب القديمين ماشين

هذي سلوم جــــــــــــدودنا الاولينا = دون الوجيه انصــير بالحيل صلفين

وانتم بعد تروون حد الســـــــــــــنينا =دايم على جمع المعادي ضــريرين

الله يعلم وش يجـــــــــــــــي يالتقينا=في ساعتن فيها تحضــر الشياطين

اما علـــــــــــى العدوان والا علينا = ياثار عج الخـــــــيل مثل البراكين

ياالله تنصرنا علــــــــــى المعتدينا=نصرن مثل نصر النبي يوم حطين

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

هذه القصيده رد على تاتا خاص به لوحده في 7\6\1432هـ

((تــاتــا))



تاتااااااااا..




اشوف تاتا شن حمله علينا = متحيزمن خنجر وبالكف ســـــــــــــيفين

هـــــو مادرى انا باللقا كايدينا؟= وانـّا علـــــــــــى جمع المعادي شديدين

قولولــــــي تاتا الشين لايبتلينا= لايفكـّر انا لقمتن بين ضــــــــــــــرسين

حنا ترونا شـــــــــوكتن بالوتينا= خصــــن اليا بلينا من الناس الاقصين

فرسان حـــــربن باللقا قاطعينا= نبيع غال الروح عــــــــــــند السمارين

وحنا نجندل كل مــــــن يبتلينا = يبغـــــــــــــــى بهمنا والغنم والبعارين

ننحاه فــي حد الرهيف السنينا= لاشــــــــــــك جنّب جمعنا ياحمر العين

طعنـــي وجنـّب جمعنا لاتغزينا= جنـّب حــــــــــــــدود بلادنا والبساتين

والله يالولا اللـــي عزيزن علينا= عميدنا اللــــــــــــــــي كلنا له مطيعين

ونقدّره مثل حـــــــــــدا والدينا= والــــيا دعانا كلـــــنا له ملـــــــبّـين

الاّ نحدّك مــــــن شمال ويمينا= ونطردك طرد اجرب نزول السراحين

لكن الياشفناه نرخــــــي يدينا= تقضـــــــــي مشاطرنا ونبقى ولاشين

نخشا نياب الليث تبرز بحـــــينا= اللــــــيث ابو عارف زبون المجلين
وسلامتكم جميعا

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((قصيدة استسلام لتاتاباتا)) في 8\6\1432هـ

قصيدة استسلام لتاتاباتا .. ..



خــــــــــلاص ياتاتا ترانانـتهينا= العذرمنك انكان جاكم منـــــــي شين

وترناعلى عسرالليالــــــي نعينا= لك عندنا مـن جيدالثوم كيســـــــــين

ومن فلفل المهران لك خـيشتينا= اللــــــــــي حراة ريحته تفظخ العين

اعروضنا تغري اليامن عطـينا= وانكثـّرالمده علـــــــى العسرواللين

بس المهم ان انت ترضى علينا= توّي دريت انا عليك مــــــــــتعدّين

وتوّي دريـــت اناعليك اعـتدينا= وان التعدّي فــي سلوم العرب شين

واقبل تعـــذّرنا ومـــــــدة يدينا = واسمح ترانا للمسامح حــــــريصين

نبي السموحــه كان حنا قسـينا = عليك يامعطــــــــــي من الثوم مدين

ما قصــدنا نوذيك لكـــن غدينا = غلطه غلطناها وحنا مقـــــــــــرين

خربت مشاطـــرنا وحنا قضينا = خــــــــــلاص ماحنا لكم بمتحدين

خــــــلاص واقبل توبة التايبنا = خـــــلاص مانكتب ولو بس بيتين

شاعــــروتدحمنا بمتـنن متـينا = وحنا نخاف الصف يصير صفـين

ماتصفق اليســــرى بليا اليمينا= لو كان راعيها سلالة ســــــلاطـين

واختامهابالمسك والياســـمـــينا= والــــعود والعمبروريح الرياحين

[مشعل عسام التريباني]

خوالي الكراااااااااام سعدت كثيرا حينما تصفحت هذا المنتدى الشامخ باهله
والذي وقعت عليه بالصدفه حين تصفحي للنت وكم تمنيت انني عرفت هذا المنتدى
من قبل ولكن كثرة الاعماااال تلهينا عن الاحباب
احببت ان تكون مشاركتي الأولى عبارة قصيدة : حصريه لهذا المنتدى
واهداء الى الخوال الكراااااااااااام واعتذر عن النقص والزلل وركاكة التعبير
امل ان تحوز رضاكم وتروق ذوائقكم
محبكم : البناخي - ابوعلي

رد على ابو علي التميمي .. ..



سلام مني مرسله في رساله=واكتب على العنوان ياعز الاوطان
حايل واهل حايل وشمر خواله=اهل الطنايا والكرم عبر الازمان
من فضل ربي خصي من فضاله=واني تميمي وكل خوالي تريبان
قبيلة كنها الذهب في الأصاله=شعارها الترحيب سلم وعنوان
من حبهم للضيف كلن سعى له=وتسابقو في واجبه دون نقصان
عشق الكرم بنفوسهم راس ماله=والكل منهم هايمن به و فرحان
الله ياحبي لأهل الشكاله =من شافهم ينزاح من قلبه احزان
اخص شيخ الطيب ياحي فاله=جربوع خالي وافتخر به بليهان
والشهم فاهد ياعسانا فداله=وهليل السودان ياذاك الأنسان
والشيخ غافل لاعدمنا وصاله=شيخ برز في صفحة المجد له شأن
شوقي لهم شوق تعدى خياله=ومحبتن بالقلب من عند رحمن



شكرا للبناخي ابو علي التميمي على هذه القصيده الرائعه بخواله التريبان
وهذه مشاركه مني ردعليه

((ردعلى البناخي ابو علي التميمي))



سلطان هات البوك واكتب رسالــــــه= نبي نسطّر ببيض الوجه قيفــــــــــان

اكتب سلامي عد ذاري رمالـــــــــــه = ماغرّد القمري على روس الاغصان

واعداد ماهل المطر من خيالــــــــــه = مـــن مدلهمّن تالي الليـــــــــــل ودّان

لبو علي ساس الوفــــــــا والبسالــــه = اسلم وسلم لــــــــي على طير حوران

اللي يفزالـــــــى طروله خوالـــــــــه = ترفع له البيضا ويجــــــــزا بالاحسان

حياك يارمــــــزالوفا والشكالــــــــــه = في ملتقى ربعي مواريــــــــث دهمان

خوالك اللـي يكسبون الجمالــــــــــــه = اولاد الادهم مرويت مضمــــي الزان

خوالك اللي يوم وقت الجهــــــــالـــه = يثنون ياحث اللغا والدهــــر شــــــــان

يوم الردي تقصر عن الما حبالــــــه = يروون ياهاب الردي كــــــل عطشــان

من زارنا ملزوم نكرم سبالــــــــــــه = انقلطه علــــــــــى مفاطيح خرفـــــان

بمجالسٍ يضحك طرب من عنالـــــه = فيها دلال الشــــــــام ودلال رســـلان

والنجر والمحماس فيها كمالــــــــــه = فنجالهن يطرد خوا كـــــــل عمســـان

مدحت دار اهل الكرم والجزالـــــــه = شمر هلا الطولات ذربيـــــن الايمـان

دارالطنايا حيّها مـــــــــن سلالــــــه = اللي حموها باجرد السيف شامـــــــان

دورٍ مضا بعصور وقت الجهالـــــه = الى حصل دون السمارين جنجـــــــان

يثنون دون معبسات الشمالـــــــــــه = يوم انها في وقـــــــت طاعن وطعّـــان

الشكر لله لابتي حـــــــي فالــــــــــه = شمر لكل الطيب رمـــــزٍ وعنـــــــوان

واليوم في حكم الوفا والعدالــــــــــه = الشعب كله صار صدقان واخـــــــوان

الاب عبدالله وحنـــــــــا عيالــــــــه= والشكر للي خالـــــــق الانس والجــان

نعمه عسالله يحفضه مــــــن زوالـه = سبحانه المنعم علينـــــــا بالايمــــــــان

الواحد المعبود جـــــلا جلالـــــــــه = المستحق الشكر منــــــــا وعرفـــــــان


الشاعر \ مشعل عسام التريباني الشمري
الجمعه: 21/10/1431هـ

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري
رد على الشاعر\ ماجد مطرالشمري
(( ماجد مطرفي 18\6\1432هـ ))
رد على الشاعر ماجد مطر بشكي لبو عارف.. ..


ماجد مطر شاف شـّين مابعد كان شيـــف = شيّن يهيل العيون وكل قلب سحـــره

غضن غضيضن حسين اللون دمّه خفيف = لو شافهاراعي الستين زاغ ابصــــره

شافه على شارع الدمام عنــدالرصيـــــف= يحدّها سايقن هندي قليــــــل ثمـــــره

عمهوجتن مع جميع البيض مالـه وصيف =غيدى تهزالقلوب وتستبيح خطــــــــره

يقول لو شافها مشعل يـزور القطـيــــــف =يمشي على الاتجاه يدوّر الجوهــــــره

لوشافها يختلف وايصير عقلـه خفيــــــف = يمشي على الاتجاه وكل جرف طمـره

يارب رحماك ياغفاروانـت اللطيــــــــف =يامنجين نوح من فرعون وسط بحره

يابو فهد تر بنادم يابن عمـي ضعيـــــــف = ادنات شيّن بهالدنيا يجيب خبـــــــــره

خصّن اليا شفت غطروفن شريفن عفيــف =خجولتن ماطلقت وسط الرجال انظره

اهيف حشا ياحكاتقـــــول يهتف هتيــــــف = ياشفتها كل ستيني تعود اعشــــــره

من روس قومن نهار الكون تروالرهيـــف = من خلقته مابعدقدم العيون اظهــــره

مصيونة العرض تبصربه عيون الكفيـــف = ياحض رجلن بهالدنيا يسوق امهره

ودي بها مار انا شايـــــب وخلي يعيـــــف = وان قلت شيّن يقولون انظرالمقبره

يالله نجاتك من المحشر بيومن مخيــــــف =وارجي شهادتك ياحضرتني الغرغره

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

في 22\6\1432هـ


الشمري والطيب من بطن وظهر.. ..





الشمري والطيب من بطن وظهـــــر= اخوان مــــــــن بطن وظهرمتسلسلين

مهوغريب الحرالاشقر ياشهــــــــــر= يهوي علـــى الجزله ويصطاد السمين

ياحاسدين الشمري موتو قهـــــــــر = غصبن عليكم شمراللــــــــــــي فايزين

غلبا الطنايا لابتي عزوفخـــــــــــــر= ربعي سناعيس الجبل حصنن حصين

شمروفا شمرصخاشمرظفــــــــــــر= شمرلهم تاريخ والقاســــــــــــي يلين

شمرهلا الطولات والذودالعفــــــــر= تاريخهم يبقى علـــــــــــى مرالسنين

شمر رضا شمر طنا شمر سطـــــر= شمـــــــرزحازيحن تغيض المعتدين

حلوين للحالــــــــــي وللاعدى كدر= مثل النجوم اللـــــــــي تدك الظالمين

الشمري واضح مثل نورالقمـــــــر= اللـــــــــــــــــي تقدّابه جميع العالمين

تاريخهم كالنقش في وسط الصخر= ماينمحـــــــــــــي لوحاولوه العابثين

تاريخهم معروف مع بدو وحضـر= فيه الضرير ايسيرظمن المبصـــرين

تاريخهم سيلن اليامنـّه زجــــــــــر= تنزاح عـــــــــن دربه جميع النازلين

سيلن اليا منـّه تعرّم وانحــــــــــد ر= تهتزمنه اعقول والخافــــــــــي يبين

يجرف قوي القاع وايشيل الشجـــر= سيل العـــــرم ضد الطغات الظالمين

كلن اليا شافه يقول اين المفــــــــــر= تضيق فيه الارض وايبــــــيح الكنين

لاشك وين اتفر ياحان القـــــــــد ر= ياحانت الاقـــــــــدار وين الدرب وين

اقول كلمه بالمفيد المختصــــــــــر= الشمـــــــــــري بالطيب له حبلن متين

هذالصحيح اللي تعاهده البشــــــر= الطيب هو والشمـــــــــــــري متوالفين

الطيب له عند السناعيس المقــــر= رغم انف كل الحاقدين المبغــضــــــين

وصلوعلى المختارماهل المطــر= صلو عليه وسلـــــمو ياســـــــــــامعـــين

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه القصيده عام 1403هـ بالاخ خلف بن فريح بن صاهود التريباني حيث انه سوى بي معروف لاينسى والله لو كتبت فيه معلقات الدنيا فلن اوفيه حقه والقصيده كانت ضايعه مدري وين راحة كل هالمده ولكن لقيتها والى القصيده0
((بن صاهود))

إبن صاهود .. ..



ياعل بن صاهود يكثر حلالــــه = عسا حلاله عد رمـــــل النفودي

قرمن يحوش المجد من حرماله = يادنـّق الخايب قصير العضودي

يوم ان خطو اللاش يبلش بحاله = يفوزبالطولات نسل الاســـــودي

نسل الحراراللي قديمه فعالـــــه = زادت على هــــدّاج تيما بزودي

يوم الردي تقصرعن الما حباله = احبالهم تارد طويل العــــــــدودي

فيه الوفا هو والصخا والشكالـه = يستاهل البيضا عريب الجــدودي

له مجلسن كل الرجال تعنالــــه = عليه درب المرجله مايكـــــــودي

افخر بذكره كل ماجا مجالـــــه = عزالصديق وكاعمن للضــــــدودي

درعن عن ارماح العدا يلتجالـه = نزهن جنابه مامشى بالنقـــــــــودي

ليثن شجاعن وافياتن خصالــــه = وبه عزتن للنفس نسل الفهــــودي

وخفيف نفسن دوم في كل حالـه = وحبيب للجيران مهو حقـــــــودي

ياعل عودن هو طلع من سلالـه = بالجنة اللي دوم ظلـّه يــــــــزودي

عساه باالجنه ويسكن ظلالــــــه = يقطف زهر خيرات مهو امحـدودي

كلن على ممشاه تاتي عيالــــــه = من جث من وردن حصدله ورودي

انا شهد انه منتجن حي فالـــــه = خو الكرامه من قديم الجـــــــــدودي

خو الصخا والطيب خو الاصاله = خوّن مثل هداج شيخ العـــــــــدودي

الذيب ينجب ذيب تاتي عيالـــه = تفرس قبل نابه يشـــــق النجـــــــودي

ملزوم فرخ الحرتطلع فعالـــــه = مهما حصل يثبت لفعلـــــــه وجودي

وصلاة ربي عد بارق خيالـــــه = وعد الرمال وعد ماخضرعــــــودي

وعد الطعوس اللي يزيد انهياله = على محمد عد مــــاهب نـــــــــــودي

[مشعل عسام التريباني]

بسم الله الرحمن الرحيم

هذه مجاراتي للاخت مها الليل شاعره طلبة مني مجاراتها ببيتين ولكن نسيت قصيدتها للاسف


(( مجارات مها الليل))
رد على الشاعره مها الليل .. ..



ياراكب اللي بعيد الدار يطويهـــــا=يقطع بعيد الديار ويطوي افجوجــــــــه

يشبه تهصّرهنوفٍ عند غاليهــــــا=تسرق نظرها لخلٍ تغلي اهروجـــــــــه

تسرق نظرها وتغضي يانظر فيها=وتطرق برمش العيون اللي زها روجـه

ياراكبه وصّل ابياتٍ مسوّيهــــــــا=ابيات شعرٍ بزري الماس منسوجــــــــه

للي طلب مني ابياته نجاريهــــــــا=وصّل بيوتٍ بريح المسك ممزوجـــــــه

جتني بيوتك وشاقتني معانيهـــــــا=كن النحل في بيوتك حط منتوجـــــــــــه

ياحلو منك البيوت اللي كتبتيهـــــا=تشبه عقود الذهب في محكم ادروجــــــه

ياحي نظم البيوت وحي راعيهـــا=يامسوي القاف حذرى تخلف الموجــــــه

قوافيٍ تعجب السامع وقاريهــــــا=ابكار قدامنـــا ماهي بمسهوجـــــــــــــــــه

يا بنت نظم القوافي فايزٍ فيهــــــا=من صغر سني سكنت بعالي بروجـــــــه

[مشعل عسام التريباني]

الشاعر / عياد الجهيلي




شمري.. والشمري طيبـه كـذا بالفطـــــــره = والشجاعه.. فوق صدر الشمري محطوطــــه

انا عطا.. اغنى فقر تونس ..على سومطـره = وان وقف ياقف.. لصكات الزمن وشروطـه

شمري.. طبعه كذا..! واطباع شمر خطـره = الخطر فيها هلاك .. الثـروه المربوطــــــــه..ّ!

لعنبوك الشمري.. شارب حليب البطـره.! = والطناخه تحت كف الشمــــــــري مبسوطـــــه

اسمعي.. شمر بحر.. واللي اقولـه قطـره .! = واسألي عن بنت شمر.. ليش هي مغبوطـه.!

والله ان الشمريـــــــه ينتخيبـه عـطـــــــــره = قبل ما ينخى مثـل شـرواك يافطفوطـــــــــــه

ان مشت.. فوق الورق.. السطر هذا سطره = وان تمايل.. عدلت سطر الورق وخطوطــه.!


ردي على الجهيلي
الشاعر\ مشعل عسام التريباني الشمري
((الجهيلي كالبحر وانا قصيدي قطرهـ في 7\7\1432هـ))
الجهيلي كالبحر وانا قصيدي قطرهـ .. ..


الجهيلي كالبحر وانا قصيدي قطـــــــــره = مار اباكتب لو جزيل المفرده ملقوطــــــه

ياظميري هات من فيض المشاعرعطـره = والتزم وزن القوافي لاتخل شروطـــــــــه

مدح راع الطيب ياتي غصب هذي فطره= الاوادم في مديح اهل الصخا مبسوطـــــه

ايه خيّل ياخيال الفكر وارخ المطــــــــره = واسق ريضان النفوس بهرجتن مضبوطه

وكل طيّب هات ذكره ياقصيدي واطـــره = اكتب الجزلات واصحاتكتب الخربوطــــه

انتبه لاجزل بيوت الشعرواضبط سطــره = لايقولــــــون الدغيري كلمته مغلوطــــــــه

شمري والشمري دايم يحب البطـــــــــره = يرتقي لاحلى القصيد ولايحب سقوطــــــه

آزن ابياتي ولايظهرخلل في شطـــــــــره = وانسج ابياتن بها ارناق الذهب محطوطـه

قالو ان اول نزول الغيث ياتي قطـــــــره = بس لا تاردعلى الخبرى وهي مخبوطــــــه

ماحلى نظم القوافي والبحور الخطــــــره = وماحلى يابن الجهيلي نظمة المخطوطـه

[مشعل عسام التريباني]

بسم الله الرحمن الرحيم

رد على قصيده للشاعر / حسن بن محمد بن رفده ال شايب القحطاني سنة 1417هـ
ولكن للاسف قصيدته ضاعة

ردعلى الشاعر حسن بن رفدهـ القحطاني .. ..


يامرحبا بالخط واللــــــــــي لفابه = عداد ماسار القلم بالسجلـــــــــــي

وعداد من طب الرياض ووطابه = ترحيبن احلى من حليب المتلّـــــي

يامــرحبابه يوم جانــــــي خطابه = ترحيبتن من خاطرن مسفهلّــــي

وخلاف ذا سجّل جــــزيل الكتابه = واكتب وبالك بالمثايل تزلّـــــــي

ردن على اللي شاقني فـي جوابه = يشكي علي ببيات شعرن تسلّــــي

قل ياحسن ياشوق جالــــي عذابه = ياشوق من قرنه على المتن فلّــي

جاني جوابك ياعطـــيب الاصابه = قرايضن من سمعها مايملّـــــــي

اشكرك في خطك وحســـن الاجابه = وحسن الكتاب اللي حروفه هولّي

انتم هلا الطولات وقت الحـــرابه = ياصاحن الخفرات والسيف سلّي

الذيب ياتـــــــــــي كل عقبه ذيابه = تدم المخالب من حلال المحلّــي

الذيب ابن هدلان عـز القــــــــرابـــــــه = ضد العديم ومشبع الخصم غلّي

يرمس علـــى جمع العـدا مايهابـــــــه = سيفن على جمع المعادين سلّـي

يشبع بمضرابه هــــــزيل الذيابــــــــه = كم خيرٍ من ضربة الذيب خلّي

كم من عديمن طاح عطبن صوابـــــه = وقت اللقا بسيوفكم يوم شلّـــــي

وانتم بعد ساس العرب والصـلابــــــه = تاريخكم وسط العباد متعلّــــــي

واصل العرب منذو عصور الصحابه = اصل العروبه عندكم يستقلّــــــي

حـــنا لكم عجلــــين بالاســـــتجابــــه = اليا شكيت وقلت ضيمن حصلّـي

ان كان تبغـــــــى مال فابشر باجابـه = ابشــــــــــر بما تبغاهـ لاتستملّــي

المشكله تنحل مامــــــــــــن صعابــه = مهما تصــــــــعّب لازم انه تحلّــي

كل المشاكل حاسبــيــنن حــــــسابــه = تنحل والهـــــــــوجاس خله يولّــي

وصلو على اللـــــي دعوته مستجابــه = عد الرمال وعد مـــــــزنن يهلّـــي

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري
(الفش فاش)
الفشفاش.. ..


يابنت ياللي عيشـــتك بس فــش فاش = لا واخسارة واحــــدٍ تاخـــذيــــنــه

ياقرد حض اللي لشـــــرواك حوّاش = الـلــــــي خذا شــرواك ياقــرد عيـــنه

نصيحتي لــه عنك يهرب ويـــنحاش = مـــادام هويقدر قـــبل تدمــــــريـنه

ينحاش عن مثلك ولــوتعرض ابلاش= العيش مــــع مثلك هــموم وغبيــنه

انتي فقر واهــموم وازعاج وغــشاش = حــضٍ يحوشك بصبعه طـــق عينه

زولك الى اقبلتي تقل زول خــــــفاش= يشبه طــوير اللــــيل ياعــــارفــــينه

عزالله ان الدور خــايــن وغــــشاش = دورٍ علــــى الاجــــــواد ظـلــّم جبـينه

دورٍ خبيث وبدل الزيـــن بقــــــشاش = اقفا بزيــن الــنا س واقـــبل بشــــينه

بنات هذا الــــــدور لصــاف قــــرقاش = رنـقـول يلـــمع مـــــار حطــــوه زينه

يعجب لميعه مار يلمع على مــــــاش = مــــاهـو شبيهٍ بالحلــــــي الثمـــــــينه

حريم بالازوال والعقل ماهــــــــناش = وين العـــقول الناضجات الــــرزيــنه

يرعــن قدامي كما ترعـــــا الادباش= ويــن الحيا ياهل العــقول الفطـــــــينه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
رساله الى كبار واعيان ربعي الدهمان والحمد لله الذي لم يخيّب ظني بهم صارو عند حسن الظن كلهم ولله الحمد الغالين الله لايخليني منهم كلهم شكروني على هذه القصيده وقالو لي والله لو طلبت شي اكبر من هذا مايغلى عليك وصفت الانفس وانتهت جميع الخلافات ولله الحمد والشكر والى القصيده
(( رساله لاعيان وكبار ربعي ))

رساله لكبار واعيان ربعي الدهمان .. ..

سلام ياروس الرجال وســـــــــــندنا = سلام يالدهمان ياظل راســــــــــــي

سلام ياعقّالنا ياســـــــــــــــــــــعدنا = بوجودكم عزي ورفعة حماســــــي

ركايز الدهمان وانتم عــــــــــــمدنا = ياملينين الضد لوكان قاســـــــــــــي

ياكبارنا ياشـــــــيوخنا ياعـــــــمدنا = انتم لنا مثل الجبال الرواســــــــــــي

اليا تصافيتو علـــــــــى الناس سدنا = تصف القلوب من الحسد والعكاســي

اسالكم باللـــــــــــــي لوجهه سجدنا = اللي بنورالفجر شق الدماســـــــــــي

من غيركم يبــــــــــــــي يثبّت وتدنا = ومن غيركم عنا يزيل المئاســــــــي

ومـــــــــن غيركم حنا لحلمه قصدنا = مافيه بيتٍ ينبني دون ساســـــــــــي

والياتجــــــــــــمّع شــيـبنا مع ولدنا = مثل الرباب يزيل خبث النحاســـــي

والياصـــــــفينا قـــــــــوّم الله سعدنا = وميزاننا بالكيل صار امتواســــــي

ونحل صعبات العقد من عـــــــقدنا = وتمش الامور بدون زود انتكاسـي

تكـــــــفون شـــــيلو مابقا من حقدنا = نبي النفوس اتلين عقب التقاســـي

واليا متـــــى شين القلوب يحصدنا = باسباب امورٍ كل ابوها طفاســـي

لـــــــــــــــو ينتبه له جاهلٍ ينتقدنا = ومن ينقسم صفّه يحوشه مساســي

واليا تصافينا وللـــــــرشــــــد عدنا = مثل الجواهر سعرها مايقاســـــي

تكــــــــــفون يالدهمان زيدو جهدنا = صفو سوى والصف كلّه سواســي

لابد مالديدان تاكل جســــــــــــــدنا = في مظلمٍ طوله علينا يقاســــــــي

تذكّـــــــرو مـــــــن ربعنا كم فقدنا = الموت عنّه مايجوز التناســـــــــي

حنا علـــى الله ثم عليكم مــــــددنا = ياهل اعقول النيره يالرواســــــي

ان ماتجمّع شمــــــــلنا ماستفــــدنا = السفن تغرق كان ماله مراســــي

وارجو السموحه كان بالهرج زدنا = واليا تجمع شملكم شاش راســـي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

((الشعرمهو بعلكن ومن جاه علكه))

في 28\7\1432هـ
الشعر مهو بعلكن ومن جاه علكه .. ..


ياكتبت الشعــــــــــر فاكتب بيوت متكتكه = لاتدوّر صــــــــــعب الابيات والمعنا يضيع

كل شعــــــــــــــر بدون معناه مافيه بركه = مثل برق الصـــــــيف يلمع ولايخلـّف ربيع

الشعـــــر معنا ولاهو صـــــــراخ ودربكه = كل شعر بدون معنا تره يصــــبح ضـــــريع

مايكفـّي بالمثايل حـــــــــــروف مشربكه = الحــــروف بشـــــــربكتها كما الواد المجيع

الشعر يحتاج شاعــــــــــــر اليا قال سبكه = قادرن فـــــــــي وزن الابيات فذّن مستطيع

والشعر مهو بعلكن ومـــــــــــن جاه علكه = الشعـــــــــــــر يحفظ للاجيال تاريخٍ رفيع

ومن يهاب مصافق الموج ماصاد سمكه = ولايتحيزم نازل البير فـــــــــي سلك الوشيع

استمع لانتاج فكـــــــرن اليا قال حــبكه = واسـتشــــــــــر قدام غلطتك تظهــــــر للجميع

انتبه لاتدخل الراس فـــي وسط شــركه = ثم تصـــــــــــبح مهزله للمهرج والمـــــذيع

السمك تصطاده الناس فـي بطن شبكه = يوم شاف الطعم فـــــــي وسطها جاله سريع

حاول المخــــــــراج لاشك مافيه فلكه = ويتشفـّع بس هل للمــــشفـّع مـــــن شفـــــيع

جاء يبي طعمه وحوّل بوســـــط التهلكه = قدرتن من عند ربن علــــى عرشه رفــــيع

كل فاهم حاول الفوز وقت المعـــــــركه = وانت حاول للتخلـّص قبل وقت المضـــيع

كل دربٍ فــــــــيه منجات حاول تسلكه = واحتزم في عروت الدين والحصن المنيع

[مشعل عسام التريباني]

بسم الله الرحمن الرحيم

هذه القصيده قديمه ولكن لم يتم نشرها قبل هذه المره وهي اهداء
للاخ ابو فواز عبدالرحمن حامد الشمري ارجو ان تنال اعجابه
وارجو المعذره عن القصور
الشاعر \ مشعل عسام التريباني الشمري

((هاج الضمير))


هاج الظمير وقلت يا هاجسي هات .. ..






هاج الضمير وقلت ياهاجســـــي هات = مادام مالي غير الاشعار جــــــدوا

من ظامرٍ جاب البحــور الغــــريبات = يسدا جزيــــــلات التماثيل ســــدوا

ابا اشرح الموضوع بحروف الابيات = الله يقداني علـــــــى الخير قـــــدوا

ابا شتكي للــي يشيل الصعيبــــــــات = عون الضعيف اللي الزمن به تعدوا

هذاك ابو فوّاز راع الجمــــــــــالات = راع الكفوف اللي على المد نـــــدوا

واقول يافرز الوغا طيّب الـــــــذّات = شح السكن حدّن على الضيق حدوا

راتب تقاعد والسكن كلّه ازمــــــات = والوضع ضايقني وانا عمــري ادوا

واللي كسبته راح رهن الاجــــارات = واهل المكاتب بالمكاسب تحــــــدوا

في كل عام يزودونه بالاميـــــــــات = وغلا المساعر زاد كل العقـــــــدوا

والبيت باقي له لحايق قليـــــــــلات = انظر بعيني مار مامن جهــــــــدوا

حالي ضعيفه والموارد شحيحـــات = القل عدّاني عن الكيف عــــــــــدوا

الله يمهّل لك سنينٍ طويـــــــــــلات = وعساك ماتدخل ابطن اللحـــــــدوا

وعسى حياتك كل ابوها مســــــرات = وعساك ماتشكّ الحزن والنكـــــدوا

لك في فعول الخير والمد عــــادات = خابرك دايم للظعيّف سنــــــــــــدوا

حرٍ عشقت المجد في كل الاوقـــات = يحدا على صيد الجزيلات حــــدوا

[مشعل عسام التريباني]

((بســــــــم الله الرحمــــــن الرحيــــــــم))

هذه قصيده لها قصه وهي قديمه الحقيقه عسا ان تنال اعجاب الجميع
الشاعر/ مشعل عسام التريباني الشمّري

(جليس الخساره)


جليس الخسارهـ .. ..


تــــر الرجل ياكثر جلوسه مـــــــع النســوان = يصيربه من سيرت البيض ماريّـه

يزعل الــــــيا قالو ترا فلان زار افــــــلان = ومـــن الزعـــــل تلقاه تارم علابـيه

ويصــــــك جوّاله ثــــــــم يسكـــــــر البيبان = ويفكر انــه بالبشـــر مــــــاوجد زيّه

ويفكر انه جـــــــــايبٍٍ خزنة السلطـــــــــان = اليا نفخ خشــــمه وزعّـــــــل بنيخيّه

تر القلب مــــــا يصلح الـــــيا شـيلة الشريان = والـــدم مايجـــري سوى مع مجاريّه

واناء اعرف دربي زين وادري مانا غلـطــان = واعرف مـــــا للناس عندي ومالـــيّه

واعرف حـق العم والخال والاخـــــــــــوان = واصـون حـــق الجار وادرى مساويه

واشيل حمل ضعيّف الحيل ياخبــــــــــــلان = يوم ان الازرق مــل مــن حمل راعيّه

ياما رفعت الحمل عنكم علــــــــى الامتـــان = وياما كظمت الغــــــيض واخفيت مافّيّه

لولاي اخاف الله وابي ارضـــــي الشيــبان = دارٍ سكنتوهــــا فلا اسكن حـــــــواليّه

خـــــــلاص ملينا مـــن اتمطع البــــــزران = الــــــيا متى وانتم علـــــــي مغلطانيّه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
قولو لقايد جعيثن يمنع الرخصة عليه في 19\8\1432هـ
هذاجعيثن حسين التريباني يشب كل يوم خميس الصبح ونفطر عنده واخذ اجازه بالعطل ومابقي الا القليل الجماعه كلهم راحوبقيت انا ومعي لي ربع قليل نوب نتجمع ونوب بعضهم يصير مستلم واجلس لحالي المهم اني ضاق صدري وكتبت هذه الابيات امل ان تحوز رضاكم جميعا

قصيده فوكاهيه ( قولو لقايدجعيثن يمنع الرخصه عليه) ....




قولولقايدجعيثن يمنع الـــــــرخصة عليه= كم خميسن راح ماذقنا ولا لقمة فطـــــــور

لين زل الشهـــــركله وحنا نحـــــــتريه = بس انا والعودجاره كننا وجــيه الطـــــيور

كل يومــــن عندبابه ونتلــــــدد بالوجيه = الشهـــرهذاعلينا صــارعن خمسة شهــــور

ايه ابو تركــــــي عسا مايفقدونه والديه = تاجـــــــرالطـــولات لعل التجاره ماتــــبور

علموقايد جعيثن يرحم امه هــــــي وابيه = علمــــــــــوه انه توثم وحصـــــل زود زور

كيف ترخصله وحـــنا ترانا نرتجــــــيه = كل يومــن عـــندبابه كننا وصف الســـبور

اشهــــدان القايد اخـــــطا وذنبناكله عليه = وايتحمــــل ذنبنا في يوم حشـرجة الصـــدور

واشهــــد ان القايداخطا وايتحمل مايجيه= والله انا مانبيحه لين بعــــــــثرت القـــــبور

مايشاورنا قبل من شان للصح نهـــــــديه = لين نعطيه السماح ونمنحه رخصة عـــبور

ليه ماشاورقبل مايعطي الرخصه وليه = من سمحله يوم يرخصله كذا من دون شور

[مشعل عسام التريباني]

بسم الله الرحمن الرحيم

في 27\7\1432هـ


((ياعل عمرك طول عمر النبي نوح))

يعل عمرك طول عمر النبي نوح .. ..



ياعل عمرك طول عمر النبي نوح = ياللـــــي كسبت المـدح والمدح يزهاك

الطيب ماياتـــي بضحكات ومزوح = مايدركه ياكود مـــــثلك وشـــــــــرواك

بنيت بالامجاد لك عـــرش وصروح = عســــــــــــى المنايا يابو غانم تعـــداك

الشعر فــــي مدحك مخيّر ومسموح= ولو نكـــــــــتب اكثر ما نوفـّـي مزاياك

وانت الكرم ياخذ منك شكل ووضوح = هـــــدّاج تيما رابحـن مـــــــن تنصاك

وانت الخريف اللي بروقه لها ضوح = وغيث النفوس اللـي مـن البعد تنصاك

يحق لـــــــــــي فيك افتخر حيل وابوح= بافعالك الجــــــــزلات وافخر بطرياك

حرن عديمٍ وافـــــــي الباع طحطوح = قليل والله مـــــن يســــــوي ســواياك

عسى الولـــــــي يذريك من كل ساموح = ياالنادر اللـــــــــــي صـــافياتن نواياك

طيبك لنا ماطـــيبتك بـــــــــس للروح = نفخــــــــــر بفعلك كلنا لاعـــــــدمناك

لا يابعد مـــــن يجمع المال مشـــــفوح = لو يجـمع الامــــــــــوال جعله فداياك

[مشعل عسام التريباني]

بسم الله الرحمــــــن الرحيــــــــــــم

هذه القصيده بالعم حسن بن عقيل بن مسمار في عام 1420هـ تقريبا رحمة الله تعالى عليه
وهي قبل وفاته واثنا مرضه عندما زرته وهو عند ابنه نواف في الدمام حيث اني وجدته في
حالة خطيره وعرفت انه على خط روهو رحمه الله كان من الرجال الفاضلين من كل ناحيه
فهو رجلٍ ذو كرم ويتميز بسعة الصدر زود على الكرم وهو ايضاً من الرجال الذين يفعلون
الخير بالضعفاء والمحتاجين وصغار السن وهو معروف بالعطف على الايتام وتربيتهم
والقيام بشونهم ولو كانو ليسى من الاقارب فرحم الله ابا نواف رحمة واسعه وغمده
فسيح جناته وجميع المسلمين امين

(دعاء للعــم حســن رحمـــه الله)

دعاء للعم حسن بن عقيل رحمه الله .. ..



يامل قلبٍ بادين به دواكيـــــك=تصفق به الامواج فـــي كل حينـــي

يا لعبد مالك غير تدبير واليـك= خلّك لبيب الكـــــان قلبك فطينــــــي

دنياك لوتضحك فلا بد تبكيـــك =مرات زين ومر تبدي بشينـــــــــــي

ومرات في بحر التهالك توديـك =ومرات تعبربك مع الناجحينــــــــي

يامربي اليتمان ربي يشافيـــــك =الله يجيرك من صروف السنينــــي

عساه لك تطهير للذنب مافيـــــك = وغساك عند الله من الفايزينـــــــي

طهور ياللي تبذل الجود اياديـــك = بطلفٍ وعطف وخف نفسٍ ولينــــي

الله يرفع منزلك عنـــــد واليـــك = مع زمرة الاخيار والمصطفينــــــي

طهور ياللي يرفع الراس طاريك = لاباس ياعلك مــــــن السالمينـــــــي

لعل ربي في عيونه يراعيـــــــك = اللي خلقنا مــــن ترابٍ وطينــــي

ارجوه جعله مايخيّب مساعيـــك = حيثك بذلت الجود في كل حينـــي

يارب لاتقطع رجى من يراجيــك = انت لكريم انت ارحم الراحمينــي

انت الولي ولاخسر من يناديـــك = انت الاله انت اكرم الاكرمينـــــي

انت المشافي والشفا بين اياديك = عندك شفا القلب الجريح الحزيني

اسمع دعى عبدٍ دعى واثقٍ فيك = عبدك رجى عون الكريم المعينــي

وختامها مني صلاةٍ وتبريـــك =علـــــى محمد صفوة المرسلينـــي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
في 26\9\1432هـ
((الله يامحلا التهجد))

الله يامحلا التهجد.. ..

الله يامحــــلا التهــــجد بالاسحار(1) =والابتهال لخالقــــــــــي والسؤالا

واقراية القران بالـــــــسرواجهار(2)= والصـــــوم للخالق عزيز الجلالا

ونثرالدموع وخشية النافع الضـار(3)= خوف ورجا واتضـرعن وابتهالا

بشهرن به الاعتاق من لاهب النار(4)= وتضاعف الحسنات في كل حالا

ارفع كفوفــــــي للولي قبل الافطار (5)= للواحداللــــــــي فوق خلقه تعالا

يالله لاترجّع كفوفـــــــــــي للاصفار(6)= انت الكريم وعالمن بالحـــــوالا

يالله تعـــــيد الصـــــوم تكرارومرار(7) =واقبل عملنا يامـــــــنشّ الخيالا

اقــــبل دعانا وانت للــــــذنب غــفار(8)= تغفرذنوب العبدلوهـــــــي ثقالا

نرجوك عفوك يوم زوغات الالبصار(9)= اليا تركنا الدارهــــــي والحلالا

يارب ســـــــــترك طالبه وانت ستار(10) =عسا لنا في ضل عرشك ظلالا

الى اللقاء بعد العيد ان شا الله

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
((قالو تمش وقلت وين اتمشّاء))
هذه الابياات قلتها لان بعض الجماعه يقولون انت ماتمشا بس جالس ذبحتك القهوه والجلوس
ياخي تحرك قلت وين اروح مادام مافيه ربيع؟ الجلوس احسن لي
قالوتمش وقلت وين اتمشّا.. ..



قالـــــــو تمـــــش وقلت وين اتمشّاء = الارض بيضاماتســــــــــــرالنظيري

ارضن محل جربوعها مايتعــــــشّاء = وحتّــــــــى خشاش القاع عنهاينيري

حتى الخشاش بداخل الجحرخـــــشاء= عن شـــــوف جرد البيد به يستجيري

ياصارمابالــــــبرتلقاءهــــلا الــــشاء= مستانســـــــــينن بالجناب الخضيري

فـــــي حاجـــــرن توّه من الغدرنشّاء= والارض خضراءعقب نش الغديري

وتلقاء هلا البل مبعدين المعـــــــشّاء = كلٍ تـــبع ذوده بدربه يـــــــــــسيري

يتبع هــــــــــواء ذودن هيت ماينشّاء = تلقا الفحــــــــــول بوسطها له هديري

تلقافحلها لاّخـــــــر الذود لــــــــشّاء = مثل الاسد وسط العــــــــشاير يزيري

يقـــــش جل الذود بالقاع قــــــــــشّاء = كما يقــــــــــش السيل غفو الهصيري

والاّ المحل شوفه على الحال غشّاء= احســــــــن لنا عن شوفته نستخيري

قالــــو تمش وقــلت لاماتمـــــــشّاء = مشــــــــــــــين بلا تمييزخله لغيري

[مشعل عسام التريباني]

بسم الله الرحمن الرحيم


هذه القصيده بالاخ فريح الحسن المسمار الشمري يستاهل ابو ماجد حيث انه فزع لي في تعيين ابني
سلطان عندما تعين معلم في مدينة حائل وقام بالواجب واكثربيض الله وجهه لاني خفت انهم يودونه يم
الحليفه ونخيته وقال ابشر والله ان شاء الله الا يصير داخل حائل وفعلاً حطوه داخل المدينه ولله الحمد
20\10\1432هـ


((شكرا جزيلا))

شكرا جزيلا.. ..


شكراً جزيلاً يابو ماجد ياعسى عمرك طـــــويل = بذلت جهدك واثمر المجهــــــود ياذيب العيال

بذلت مجهودك على شاني وجبت المستحيل = رفعت راسي ياعريب الساس ياواف الخصـال

ابهجتني فـــي فزعتك تعيش يالشهم الاصيل = ياراس مالي يوم بعض الناس مـــاله راس مال

ياحلو فزعات الجمال اللــــي يشيلون الثقيل = اللــــــــــــي زبنهم دايمٍ يرقا علــى شم الجبال

ياحلو فزعات الرجال اللــــي لهم وزنن ثقيل = اللـــــــــي لهم عند النشاما منزلن بالحيل عال

ياعل مـــــن عقّبك بالجنه تحت ظلن ظليل = تجرى له الانهار مــــن تحته ومن فوقه ظلال

ياعل له بالواحة الخضـــــــرى مقر وله مقيل = يقطف ثمر جنات عدن ومشـــربه نهرن زلال

تستقبله حور النعيم اللــــي لها خصرن نحيل = بالورد والريحان واليشموم والسحـــر الحلال

تستقبله بالورد والعمـــــــبر ومــــــي السلسبيل = واللول والمرجان والبسمه وحسـن الامتثال

شكراً يابو ماجد ولك مني من الشكر الجزيل = عــــداد ماهب الهواء واعـــــداد ذرات الرمال

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

هذه القصيده اهدا لكل السويد حيث اني تذكرت جيرتهم الطيبه عندما حصلـي
موقف مع احد الجيران الان الاطفال طبعا لكن اني شرهت على ولي امــره
ان يعقّب عليه ويقيمه الى الطريق السوي فقلت هذه الابيات ارجــــو ان
تحوز على رضاكم والله لوكتبت الدواوين بكم ماوفيت حقكم ياولاد صقر

( اولاد صقر)

أولادصقر ....




قصرتي للسويدي حول عشرين عــام = ماشكيت المملّه من عيال السويـــــــد

بيض الله وجيه اولاد صقر الكــــــرام = مكرمين الكريم ومتعبيـــــن العنيــــد

ياهلا الطيب ابرسل يمكم بالســـــــلام = ياهلا الجيرت الزينـــه وسقم الضديد

اتذكّر بجيرتكــــــم وانا بالمنـــــــــــام = ياذكرته تتكـــــن عبرتٍ بالوريـــــــد

واهني من يقاصركم ثمانيـــــــن عــام = اشهد انه بهـــــا لدنيا بخيتٍ سعيــــــد

بقصرتك يارحيل ماعليّه مــــــــــــلام = مايوفيبها لــــو جبت حلو القصيــــــد

يرفع الله مقامـــــــــك يالذيذ الكــــــلام = ليت منهو قضى عندك زمــــانٍ مديد

مثلكم ما وجدنا مع جميـــــع الانــــــام = مثلكم ما وجدنا مـــــــع قريب وبعيــد

بالكرم والرجوله لابسيــــنٍ وســــــــام = ماشحذتو كرمكم زيـــــد والاّ عبيـــــد

جاركم ترفعونه فوق راس السنــــــــام = يدله الجار معكــــم مانوا للشديــــــد

ياكرام اللحا مروين حد الحســــــــــــام= يوم وقت المعارك تكسبون الحميــد

وانتم الي معاكـــــــم جاركم مايضــــام = جاركم تطلقونه من قيود الحديــــــد

بن طوعان ماغمّض بحلــــو المنــــــام = لين طلّع ولد جاره عديدٍ شديـــــــــد

نفتخر بالكريم بن الكرام الحشـــــــــــام = ياعسى بنه نهار الحشر يبعث شهيد

وتم ختم القصيده في صلاة وســــــــلام = عد ما غرّد العصفور فوق الجريــد

وعد مدبر شروق الشمس وادنى الظلام = وعد منهو نهارالعيد لبس الجديـــــد

ياصلاتي على المبعوث سيد الانــــــــام = الشفيع المشفّع في نهار الوعيـــــــــد

[مشعل عسام التريباني]

بسم الله الرحمن الرحيم

هيضنا طلاع نبي نعطيكم غزل هالمرهـ سامحونا ههههههه


((انت ياللي تنهب القلب))
انت يالي تنهب القلب..


انت ياللــــــي تنهب القلب بالطرف الكحيل = اسالك بـــالله قلـــبٍ نهبــــــته رجعّه

واعذابي منك ياراعـــــــي الخصر النحيل = عزتالــــــــي من تمادي حبيبي ودلعه

صابنـــي بالخد والقد والرمش الضـلــــيل = مكّــن الطعــنات بالصدر والقلب شلعه

ضامرٍ سرجوف خلــــــــي وله ردفٍ ثقيل = مـــن يلــــوم القلــب لوكان شلّع وتبعه

ياعــــــــيون غزيلٍ ذيره راع الفتـــــــيل = شاف زولٍ بالخمــــــيله وكدّر مـــرتعه

ثم تذير وانـــتحا والنظـــر يمــّه يمــــــيل = ثم سمع صــــوت المقمّع يخالج مسمعه

أو عيون اللي طلع شاف صــــيدٍ بالمسيل = اشقــــــــرٍ ياطالع الخرب بالكف مزعه

ياربيع الروح دوبك علــى القلــب العلــيل = ليش قلبـــــي ياهوى البال زودت وجعه

شيل قلبــــي كان ينفعك شيلــــه ياجمــــيل = وان نويتــي شيل قلبــــــي فشيليني معه

واسقنـــــــي يامترف الجيد مي السلسبيل = الله اكبرماجمل الذوق مـــنه ومــــاروعه

ودي ارتع فـــــــــي حماكم ولو وقتٍ قليل = مار كان الوقـــت ماطاع والا انـــته طعه

صرت هايم في غرامك تقول انــــي هبيل= لعن ابوك اللي نوى القرب وشبك تقطعه

كان تبغــــــى شي يثبت غلاك اخذ الدليل = الدليل النفــــس لرضاك دايم مـــــولعه

[مشعل عسام التريباني]

بسم الله الرحمن الرحيم

الشاعر/ مشعل عسام التريباني الشمري
4\11\1432هـ

ينفعك ظفرك بوقته خير من سيفٍ صقيلٍ في يد العدواني
ينفعك ظفرك بوقته خير من سيفٍ صقيلٍ في يد العدواني
..



قوم هات البوك ثم هات القلم واسمع كلام الشايب =ولاتفرط بالوصات اللي عطيتك كان تبي الفوز يالفهماني
اعرف ان الرجل من دون الجماعه ياحبيبي عايب=مايطير الطيردون ريش يامشكاي والجنحاني
الجماعه ظل رأسك درع جنبك ملتجاك بحزت النوايب=ظلك اللي تلتجي به عن هجير القيض ياكحيلاني
والجماعه متكاك وملتجاك ومزبنك ياكبرت المصايب=والرجل دون ربعه مايساوي قشرة الرماني
والزمن هذا يبين لك قليل الشي منه ويخفي العجايب=وكل رجل بلاجماعه يامضني حس بالحقراني
والرفيق يحس به وعضك ولاينساك في وقت اللزوم النايب=مايجنب عنك في وقت اللزوم اليا رماك الخصم بالميداني
ويتأثرمنك ياسمعك تون ولاينام ان كان صابك صايب=عنك مايلبس ثياب العافيه ويصد وانت تحس بالنقصاني
والرفيق اللي يحبك بس لاجل انه يشوفك للمصالح جايب=ويتخلى عنك ياشافك هزلت وصار وجهك واني
لاتعده لك صديق ولارفيق ولاصدوق ولاتعده طايب=قلبي والقلبي يشبه للرسن يابسن مايروي العطشاني
دايمن عندك قريب بكل وقت وياحصل وقت اللزوم غايب=مشجعه وقت الرخاء لاكن لياحان وقت اللقاء جباني
كل من يزبن على الجرف الهيار عن البلاوي يامضني خايب=خايبن من يزبن الجرف الهيار ونادم وخسراني
لاتغرك زخرف الدنيا تراها موهبه من ربن يجزل الوهايب=وعلم ان اللي عطاك المال يقدر ياخذه منك لشخصن ثاني
والرفيق ايبين في وقت الشدايد ياتخلى كل شخصن هايب=والرخاء تكثربه الخلان في وقت الرخاء يامكثر الخلاني
والمثل يقول جلدك مايحكه غير ظفرك لويكون اظفر يدينك عايب=ينفعك ظفرك بوقته خير من سيفن صقيلِ في يد العدواني

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((الورع الجنوبي))
الورع الجنوبي !!! ..



دمرني هوى الورع الجنوبي قليل الفود= مثل مادمر جيش اليهودي قراء غــزّه

ذبحني برمش عيون نجلٍ هدبهن سود = وبالبيضتين اللي على الصدر مبرزّه

والعنق واللبه مع الاشقــــر المرجـــــود = وردفٍ ثقيلٍ يقطع القلب وايجــــزّه

غزالٍ شريفٍ صانه الله مـــــــن المنقود= نظيفٍ من الهفوات مصيون ومنزّه

عذاب المشقاجيدها اللــــــي زها بعقود = وشفايفن توصف على مذبح الوزّه

ياعود ريحانٍ يلاعب هـــــــــبوب النود = يلعب به الغربي من الريح وايهـزّه

ترفـّق على قلبٍ يحبك بدون حــــــــدود = سكن به غلاك ودمّرالقلب واحجزّه

الاياحسين الوصـــف قلبـــــي رعاه الدود = شوكة غلاك بداخل القلب مركــزّه

ترفـّق عليه ماتحمل جــــــــــفا وصــــدود = رمح الغرام بداخل القلب لاتلـــزّه

الا ياعيون موحـــــــــشن مع عــيال الـعود = رمو برقعه والقايده للخطـــــر كزّه

عــــــــنود الضـــــبا يم التهالك يذوده ذود= يجندل عنود الصــــــيد والدم يمتزّه

[مشعل عسام التريباني]

بسم الله الرحمن الرحيم

قصيدة الشاعر/ حمد السويدي الشمري
مسنده إلى الشاعر / مشعل عسام التريباني الشمري

قصيدة الشاعر/ حمد السويدي الشمري




البارحه عجزت لدله والانـــــــــــام = والعين يا مشعل يزيد السهربــــه

سبت غزالن عذبن يابن عســـــــــام = قلبي من اسبابه يزيد الخطربــــه

تقول في وسطه سكاكين وسهـــــــام = ياكن يطعن داخل القلب حربــــه

من عرفتي له راح عام بثر عــــــام = والصبر مر ولا تحملت شربــــه

مغير اسلــّي خاطري بعّد الايــــــام = تقول بعده عايشن وسط غربـــــه

والقلب مبلي بروابع الاوهـــــــــــام = يغوص ببحور الغرام وعبربـــــه

واللي سواتي يبن عسام ميــــّـــــلام= اللي تعنا من الفراق وشعربــــــه

حيث الهوا من ماضي الوقت ضلام = وسيفه على قلب الهواوي شهربه

وعزّي لمنهو عذبه ترف الاقـــــدام = ومخلص بحبه والغلا ما جهربــه

يخاف من مبغض وحاسد ونمّـــــام = اللي يزود هرجته يفتخربـــــــه

هذا رد الشاعر مشعل عسام التريباني الشمري
مساجله !


حي الجواب اللي يسخّر بالاقــلام = من واحدٍ يشكي ميول الدهربـــــه

يشكي علي الحب والحب هــــدّام = كم واحدٍ طرد العذارى غدربــــه

الحب دربه به متاهات واوهــــام =غياهبٍ كم من شجيعٍ عثربــــــــه

البيض قبلك دمّرن كل مقـــــــدام = كم نزّلن راسٍ يزود السطربــــــه

مثل البحر مايقطعه كل عــــــوّام = وعزّي لمن موج البحور انحدربه

سيف الهوا مسموم صارم وجزّام = ماكــــــل رجالٍ يوقّف بدربـــــــه

عزّي لقلبٍ صابه الزين بسهــــام = سهم العيون يمزّق القلب ضربـــه

كم عاشقٍ قلبه غدا عدة اقســــــام = راع الهوا عينه يزود السهربــــــه

لاياحمد شرب الهوا صاريٍ سـام= وعزّي لمن سم الثعابين شربــــــه

وانكان طيرك ياحمد بالسما حــام = جول الحباري ياحمد لك ظفربـه

طير السعد كانه بجو الفضاهــــام = يبي يجي لك بالحباري وخربـــه

حرٍ على برقا الغلب يسهم اسهــام = لوترتفع يم الخضيرا عفربـــــــه

اشقرمعزّل ضافي الريش مهمـــام = مضراب مخلابه يبين الحمربــه

واكان شفت الطير يامسندي نــــام = اقطع سبوق الطير ياهب غربــه

[مشعل عسام التريباني]

هذه القصيده قديمه لكن نبي نسمعكم اياها
قصيدة ذيبان ..


انــا لــي زمــــانٍ مـاتـمـثـلـت بـالـشـجـعـان = مضـالـي زمـــانٍ كـــل الاشـعــار معـتـزلـه

عطونا القلـم والبـوك اباكتـب مـن القيفـان = ابكـتـب مــن الـجــزلات وابـتــرك الـهـزلـه

تماثيـل فـي صــدري تفـجـر كـمـا البـركـان = بـراكـيـن نـــارٍ طــمّــة الـظـلــع والـنـزلــه

انـا هالنـي وقـتٍ بـه ابــن الحـصـان يـهـان = وبـــن الـــردي جـمـيــع مــــاراد يـنـجـزلـه

بعيـد الضحيّـه ضـحـو الـغـرب فــي ذيـبـان = وحـنــا نصفـّـــق يـــوم الارمـــاح تـركـزلــه

عسـى مـن رمابـه فـي يديـن العـدا ينـهـان = لــعــل الـمـنـيّـه فــــي طـريـقــه تـجـهـزلــه

وقــعّ علـيـه المـالـكـي نـزغــة الشـيـطـان = جـريّـن عـلـى قـتـل البـطـل يـــوم حـجّـزلـه

تحسـب تـبـي تصـفـي لــك الــدار ياخـبـلان = تــــو الــبــلاوي جــتــك لكــــن تـجـهـزلـه

فشلت وخسرت وحان وقت القضا لك حان = تجيـك البـلاوي مــع مـجـاري نـهـر دجـلـه

يجـونـك حـمــاة الـــدار يـاخــادم الـعــدوان = يجـونـك حـمـات الـــدار ياللـحـيـه الـرزلــه

بـغــداد عـقــب الـلـيـث ماتـقـبـل الـجـابــان = تـبـي مـثــل ابـوعــداي بالـضـيـق يـبـرزلـه

شجـاعٍ شديـد البـاس وقــت الشـدايـد بــان = كـــل الشـجـاعـه بـاســم صـــدام يـرمـزلـه

وتـمّـة وصـلـى الله عـلـى خـاتــم الاديـــان = نـبــي الـهــدا كـــل الـمـصـاعـب تـعـجّـزلـه
الشاعر\ مشعل عسام التريباني الشمري

[مشعل عسام التريباني]

بسم الله الرحمن الرحيم

الشاعر / مشعل عسامالتريباني الشمري
هذه قصيده كتبتها عندما سمعت قصيده لواحد يقال له عبد المجيد التميمي يمدح صويان ويثني عليه ففرحت لمدح هذا الرجل لانه بن عمي ويستاهل المدح انا اعرفه جيدوالى القصيده عسا ان تنال اعجابكم
((قصيده مدح صويان ))

قصيدة مدح بالاخ صويان.. !!!


يشوش راسي يوم يمــــدح صويّـــــان=له عادةٍ للطيب تارد حبالـــــــــــــــه

قرمٍ يحوش المجد في كل الاحيـان =النادر اللي وافياتٍ خصالـــــــــــه

لايبعد عفـــــنٍ تخفـّا ولابــــــــــان = يعل يفداك الردي الحثالـــــــــــــه

طاريك يرفع كل روس التريبــــان = نفخر بذكرك يازعيم الشكالـــــــه

الله يرفع قدركــــم ياكحيــــــــــلان =يامنبع الامجاد واصل الجزالـــــه

ذكرك تبيّن عند بدوٍ وحضـــــــران= ياحل ذكرك قيل ياحي فالـــــــــه

وحنا نفز لمدحكــــــم يا بليهـــــــان =ونشوش يوم انك تحوش الجمالـه

لاهنت ياراع المكارم والاحســـــان = ياللي لكسب المدح ينفق حلالــــه

من لابتٍ له بالجزيلات برهـــــــان = دهمان جدك والكرم من خصالــه

ربعي إلى ركبو على الخيل فرسان = ساس الكرامه والفخر والاصاله

دهمان ياجاء وقت زوغات الاذهان = محدٍ جحد فعله إلى جاء مجالــه

قاسين للقاسي حماتٍ للأوطـــــــــان= والجار معهم طول الأيام دالــه

أحلا من البارد على كبد عطشـــــان = وألذ من شربه ولذة زلالـــــــه

وختامها لاهنت ياذرب الأيمــــــــان =ياللي تروم المدح في كل حاله

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((ابيات معايده 13\12\1432هـ))


ابيات معايدهـ !!! ..


جعل عيد النشامى كل عامــــن يعـود= بالمسرات والافـــــــراح للغانمــين

اسعدالله مسا كل النشامـى الاســــــــود= واسعدالله صباح اسودهذا العــرين

التهاني لكم يامعــــــــــربين الجـــــدود= ارفع اسما التهانـي جعلكم سالمـين

ارفع التهنيئات مغلـّـفــــــه بالــــورود = وريحة المسك والريحان والياسمين

ودي اكتب حروف الخط في دهن عود= وارسله مع هبوب الريح للطـــيبين

يشهدالله غلاكم كل يومــــــــــــن يزود = واني افخربكم في كل وقتن وحين

ويشهدالله غلاكم شـــــــــــي ماله حدود = جيت ابازن غلاكم بس ماله وزين

والمحبه مـــــــــــــن الله ماتجي بالنقود = ماتجي كود من عندارحم الراحمين

الغلا موهبه مــــــــــــن عند ربن ودود = كلكم مثل عينـــــي داخل الحاجبين

كل ماجيت اعدالاسم اوقــّف واعــــود = ثم اقول المهم اني مـــــن الرابحين

ياعسالله يكفيكم عيون الحســــــــــــــود = يبعدالله عنكم شـــــــــــلة الحاقدين

[مشعل عسام التريباني]

(( بســـــــــم الله الرحمــــــن الرحيـــــــم ))

الشاعر/ مشعــــل عســــام التريباني الشمري
هذه القصيده كتبتها بمناسبة ترقية الملاز كايد بن سعود الغريري الاسلمي

اولاد عدي (ال غرير)


((اولاد عدي))

جينا لحفلة مكرم الضيف والجـــــار = ساس الحميّه والوفاء والوقـــارا

يابن عدي مبروك يانســــل الاخيار = تخريجكم مبروك يابـــــن الحــرارا

وانتم لكم عندي معـــــزه ومقـــــدار = وفي ذ كركم نشعر بزود افتخـارا

وانتم هلا الفزعات وافين الاشبــــار = واهل البيوت البينــــات الكبـــارا

إبيوتكم يفرح بها كــــــــل محتـــــار = ياشحّة الارزاق والوقــــــت دارا

تلقى الشحم ببيوت صلبين الاشـوار = اهل المكارم متعبين المهــــــــارا

هلا اللحيّسه يوم شين الدهر جــــار = افعالهم نفخر بهـــــــا وانتمــــارا

وانتم فخر للشمري وين ماصــــــار = هلا اللحيّسه وانتم اهـــل الجوارا

وانتم إلى شان اللغاءوالدخن ثـــــار = تشفون بالهيجاء نهـــــار المثارا

ياجاء نهارٍ فيه زوغات الابصـــــار = افعالكم بانت هذاك النهـــــــــارا

وانتم ثقال الوزن ياصار ماصــــــار= ياطشّة الخفرات حلو الخمــــارا

وإنتم ذهب وزنه جنيهٍ وقنطــــــــار = وانتم سوات الدر وسط البحـارا

جبتو لنا كل المكارم والافخــــــــــار= والشمري فيكم يشــــــد الازارا

وانتم هل الناموس وانتم هل الكــار = وهل المكارم دقها والكبــــــــارا

ارجو السموحه ياطويلين الاعمــــار = إلكان شعري صار فيه إنكسارا

مهما نعبـــــر بالمثايل والاشعــــــار = عن فعلكم قيفان شعري إقصارا

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((ياشين حظ الوداعه كان خان الوديع في 20\12\1432هـ))

ياشين حظ الوداعه كان خان الوديع !!! ..



قالو ربيع العروبه قلت وين الربيــــــــــع = هذا خريف العروبه يالله المستعـــــــــان

الله يفرج هموم العرب بعــد المضيــــــــع = ويعيد لاهل العروبه عزّة الصولجـــــان

يارب تفزع لنا وانت البصيرالسميـــــــــــع = انت الذي تعلـــــــم الخافي وماكان بان

اشوف بعض العرب شره لشعبه سريــــع = وخيره للاْعــــــــدا يسابق طقـّته بالبنان

يبـــي يصخّر عبــــــادالله لازم تطيــــــــــع = وهو يفعل الجرم فـــي شعبه عيانن بيان

امثال بشار مابه للرئاســـــــــــــــه نفيــــع = عوّد علــــى الشعب والهب فيهم الجبّخان

ياشين حظ الوداعه كان خان الوديــــــــع = وياشن حــض الوديع انكان للشعب خان

بشار لاتحسب ان الشعب مثل القطيـــــــع = وانته كما الذيب تفرس في غياب العيان

لعبت بالشعب ماترحــــم كبير ورضيــــــع = وفرد العضلات من طبع اللئيم الجبــــــان

ان كان بك خير شوف القدس ينخا الجميع = افزع لها واطلق السبّق وهد العنـــــان

لاتقتحم شعبك العزّل بفعــــــــلٍ شنيـــــــع= شعبن دهته الليالي والدهر والزمــــــان

قطعت كفن تقدم لـــــــــك بماتستطيـــــــع= وقدّمت ليدين عدوانك ظمان وامــــــان

ياحيف دم العروبه ليش عندك يضيـــــــع = طعنت صدرالعروبه فـــــي حديد السنان

غرّك نجادي بهرجه بالروادو يذيــــــــــع = يقول خلـّك معي واعطيك مني ظمـــــان

لاتفكرانك لجيت لوسط حصنن منيــــــــع= خذ العبر من معمّر قبـــــــل فوت الاوان

لابد من يوم تاتي به صغيرٍ وضيـــــــــــع = وسط القفص يجدعونك ثم تبقاء مهــــــان

يالله شفاعتك ياخلاق وانت الشفيـــــــــع = يامن الياقلت كـــن للشــــــي طاوع وكـان

افزع لنا يااله الكون وانت البديــــــــــــع = رحماك نرجو ومنك العـــــون والمستعان

يارب تجعل لناعندك مقامن رفيــــــــــــع= وتحفظ ملكنا بحفظك يارفيـــــــــــع المكان

العاهل اللي علينا دوم خيره وسيـــــــــع = يمسح دموع اليتاما بالكفــــــــــوف الحنان

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
ذكرى طلال الرشيد((طلال الرشيد))

طلال الرشيد يرحمه الله !!! ..


مرحوم ياشيخ ورث كل الامجاد = عساه بالجنه ويســـــــكن نعيمه

مرحوم ياسيفن للاضداد حصــاد = يامنبع الامجاد ساس الحشــيمـه

الله يوسع له بلا ضـــيق الالحاد= وياقاه من سو اللهيب وجحـيمه

لاعاد يومــن به فــــــقدناه لاعاد = اظلم ســـــمانا ثم زاد تعـــتــيمـه

تبكيك شمر واعلنو بعدك احـــداد = اكبودنا مــــن عقب فقدك محيمـه

ويبكــيك ديوانن به الهيل والكاد = وتبكـــيك قيفان القصيد المقيمــه

ويبكونك الاجواد مـن كل الابداد = وتبكيك كل اهل الفعول القديمــــه

حرن كفخ بالجـو وانوا بالابعاد = صلف الهوى ساقه والأجوا وخيمه

عليت يامسق العدا علقم الزاد = صفوة زحازيح الرجا ل وكــــــريمه

عسا له الجنه مقرن ومرقاد = يسكـــــــــــن بدارن دايمه مستديمه

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
هذه القصيده مرد على قصيدة سمعتها بالجوالات
وهي لامراة يقال انها من سكان الحفرقصيدتهالاتحضرني
والقصيده وصلت لها عن طريق واحد من جماعتها عنزي لانها يقول انها عنزيه ومعروفه فاعطيته القصيده ووصلها لها على حسب مايقول وانشا الله انه مايكذب فهو معروف من سكان الرياض ورجال ثقه تقول من عرض قصيدتها


ماعرف للحمره ولااحط مكياج = ولاني من اللــــــــي زينــــــــــــــــــهن يشترنه

حنا بدووالصبح نخبزعلى الصاج= واحفض صلاتي واتبع الفـــــرض سنــــــــــــّه

وانا الحقيقه اقول انها يجب ان تشجع مثل هذه الامراة فهي والله مفخرة لجميع النسـاء
اما مردي فهوقصيده سميتها

(رمز الانوثه ومفخرت النساء)
رمزالانوثه ومفخرت النساء ..!!!

ياراكب اللي يامشا يدلـــــــــج ادلاج = ادلاج ذيــــــــــبٍ والضـواري حــدنّه

الى مشا قام ايتغنج تغنــــــــــــــــاج = طـــي الســــهال الجـرد مايتـــــعبـــنّه

سلّم على اللي ماتمكيج بمكيـــــــــاج = مهــــي من اللي زينهــــن يشـــــترنّه

مادوجة بالسوق مع كــــــــــل حوّاج = ولاهي مـــن اللــــي شكلــهن غيـرنّـه

ولاهي من اللي تجدع الزوج باحراج = الى لفاه الضـــيف مانـــومســــــــــنّه

تقول بعدالفجرتخبزعلى الصـــــــاج = لي الفخر يومٍ غيري نسنّــــــــــــــــــه

واتبع رضى زوجي على خيرمنهاج = يومٍ غيري زوجـــهــن كــــدرنـــــــــّه

واقول مثلك فوق روس النسا تـــــاج = غصـــبٍ عليهن لوبغـــن ينـكرنــــــــّه

وانتي على كل النسا سوروسيــــــاج = وانتي فخروالـــبيض مـــــايدركـــــــنّه

وانتي لزوم البيض تدفع لك البـــــاج = غـــصبٍ عليهــــن لازمٍ يدفـــــــعــــــنّه

وانتي دررمحارفي وسط الامــــواج= لوغاصـــــن الخفــرات ماحصـــــلنّه

وانتي فجرنوره على الكون ينبـــــاج =ماينــطمـــس لوحاولن يطمســــــنـّــه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
كلكم تعرفون ربا الدويكات اللي مع شاعرالمليون سقطها غسان وزعلت انا وكتبت هذه الابيات هههههههههههههههههه الله يستر مراهقه متاخره لكن بس باللسان
((رباء))
حسبي الله على غسان صقط رباء(قصيده غزليه) ..!!!

حسبي الله على غــــسان صقـّط رباء = ليش مانجّح اللــــــي مثل عنق الفريد

اشهدانه عقب ماصــــار صــدق يهباء= ابعدالزين تحكيمه عـــــــــــسا مايفيد

ياحسين الـــــــوصــــايف يالذيذ النباء= عين حرن كفخ واهواعلى جول صيد

اشقرن يوم يدلــــــي يدمــــي المخلباء= فرخ حّرن علــى جول الحباري عنيد

اوكما عين عنزن قايده للضــــــــــباء= شمّة الملح مع صفق الهــــوا من بعيد

ليت اهيلي واهل صاف الجبين قرباء= اشهداني الــى شفته حضيض و سعيد

جادلن للعقول اللـــــــــي تشوفه سباء= كل يومــــــن غلاها بالظمـــــاير يزيد

ظامــــــــــرن تقل ماتاكل ولاتشرباء= وياتـــبسم تقل بــين الشـــــــفايف جليد

ياْهيف الخصرعقلـــي ليش له تسلباء= انت يومك سلـــــبت العقل وش تستفيد

كن سم الافاعـــــي في ظميري دباء = منك حالـــي غدت تشبه للون الجريد

مــــن خبر للمحبه والغـــــرام اطبباء= ينقذون المولع مـــــن قيود الحـــــــديد

[مشعل عسام التريباني]

(( بســــــــم الله الرحمـــــــن الرحيــــــم ))

بمناسبة زواج تركي جميل العنزي
نبارك للاخ ابوتركي ونهديله هذه الابيات
ونرجو السموحه عن القصور

اخوك الشاعر\مشعــــل عسّـــام التريبانــــي الشمـــري

حفلة زواج تركي العنزي ..!!!


يوم ابو تركي دعانـــــــا نستجيـــب =هوحشيم ومن رجاجيـلٍ حشام

ياعريب الساس ياالشهم النجيــــــب = استجابة دعوتك منــــــي لزام

يالعريب ابن العريب ابـــن العريب = يالكريم ابن الكريم ابن الكــرام

يالرفيق الوافي النبــــــــه اللبيــــب = ياالصديق الصادق الفذ الهمـام

من هل الطولات بالوقت الصعيــب =متعبين الضد في وقت الزحــــــام

الوفاء من مثلكم ماهـــــوغريـــــــــب = انتم الويلان حامين الجهــــــــام

ياتناخو دون زينـــــات الحليــــــــب =من جموع الضد يروون الحسـام

يجدعون ارواحهم وسط اللهيــــــب = ويتعبون الخصم ياحل الخصــام

ويشبعون الضيف بالوقت العصيب =يــــوم شحّات الموارد للطعـــــام

للعشا يدعون فـــي راس الجذيــــب = ضيفت ابن امهيد بانت للانـــام

هو مصوّت للعشا وقــــت المغيــــب = والحقيقه مايغطيها الظــــــلام

ولايخفوّن الطريفه عـــــــن رقريب = وجاركم محشوم معكم مايضام

تدمحون لزلّته لو صــــارعيــــــــب = جاركم يلقى معزّه واحتـــــــرام

جاركم معكم يلاقي كـــــل طيــــــب = رافعينه فوق في راس السنـــام

والسموحه ياهل الفعل الرهيــــــــب = كان جا بالهرج نقصٍ وانفصام

والله اللـــــي عالمٍ فــــــي كل غيــب = انكم وافيــــــن مافيكم كـــــلام

وتم ختم القاف فــــي ذكر الحبيــــب = ذا وصلى الله عــلى سيد الانـام

[مشعل عسام التريباني]

السلام عليكم ورحمة الله وبركاته
اتمنى تتقبلوا مني هذه المتواضعه
اتمنى تعجبكم
الهــــــــــــــــم
قصيده للشاعر زبن الزميلي ..!!!

الهـــــم مبطــي فـي حنــــاياي تكـــــــا =لو شفتني بين المـلا زاد ضحكــــي
اتصــنع الضحكــــات لــــو هي تلكــــا = ياما على الضحكات عـودت فكــــي
ولحـدن بحـــالة زبن ياخــوك شكـــــا = لي ظـاهرن يضحـك وخـافي يبكـــي
وليا استزاد الضيق والهــــم ضكــــا = واستفرد الهــاجس بفكــري ودكــــي
ركبــت جيبي دون لاحـــــدٍ تحكـــــــا =. وبراس ما طــــول من النفـد اتكـــي
وادني بغـــــاديدٍ لجمــــــــره تشكـــا = وامـــــد دربيلي خـــلا ما استشكـــي
واخذ من الســاعات هكــا وهكــــــا =يا ما يــــــروق البــــال وانا مركـــي
وانزل من المرقـاب ضيقـي مذ كـــا= وبابٍ تجي منـه المضـــايق يصكـــي
زبن الزميلي الشمري
اتمنى انها ارتقت لذائقتكم
رد/ الشاعر مشعل عسام التريباني الشمري!!!

انا شهد انك شاعــــــــرن ماتلكّا = لو يصعب الطاروق به ماتلكي

مايدخلن بك يافتـــــــى الجود شكّا = عنك القوافي بابها مايصكي

منته من اللـــــي يكتب البيت ركّا = معك القوافي وافيه ماتركي

فارس وميدانك حـــــــشا مايدكّا = فارس شعرمعروف مافيك شكي

يامـــــــن راس العود بالعودحكّا = تبرزالي جابين الاعواد حك حكي

طوفان موجن ياضــرب شي ذكّا = يدش زاروقن ببحرن متكــــــي

اعجبني الطاروق حيثه على اكّا = ورديت لك طاروق باكّاه واكّي

لولا الضلوع العوج فيها تصكّا =تلقاهـ في وسط الحشا تحتركّي

[مشعل عسام التريباني]

بسم الله الرحمن الرحيم
الشاعر / مشعل عسام التريباني الشمري
هذه القصيده قلتها عندماوجدت حفيدتي اليتيمه بنت بنتي تطرش اجلكم الله لانها مريضه شوي قالت يابابا انا تعبانه لا استطيع اذهب للمدرسه هذاليوم فقلت هذه الابيات وكنت القبها بانمله واحياناّ الفاره
(( نمله ))

النمله ..!!!

الله يسلّم نملتـــي من مـــرضها = الله مـــــــــن شر الشرور يحماها

تقول فارٍ والزوالـــــي قرضــها = قامت تلــــــوى مـادري وش بلاها

يا رب ترعى طفلتـــي وتحفظها = وانك علــــى الطاعه تسدد خطاها

قامت تلوى مادري وش عرضها = يارب من فضلك تعجّل شــــــفاها

ياواحدٍخمـــس الفرايض فرضها = منجي سفينة نوح من وســــط ماها

احبها وادعــــــي لها واحتفظـها = وادعي لها من خاطري من غلاها

كفلتها وارجـــي من الله عوضـها = فـــي عالــــي الجنّات بجوارطاها

كفالة الايتام ربــــــــــي فرضــها = نعم التجاره رابحٍ مــــــن حــواها

اجهد لها واتعـب لهاواحفظــــــها = واعــــرف عندالله كبرمســــتواها

والفضل لله خاطـري مارفضـــها = دايم عيونـــــــــي بالنظر من وراها

[مشعل عسام التريباني]

بسم الله الرحمن الرحيم


الشاعر / حمد السويدي ..!!!


يامشعل القلب المشــــقّــــى ندبلــــــه = يم الشــــمال وشاف برق الحـيى رف

وهب النسيم وفر قلبي طـــربلـــــــــه = اوجس فؤادي بين الاضلاع يرجـــف

قلبي تذكــــرمــــن شبكنـــي بحـــبله = الـــــي خذا قلبـــــي بعقلي تصــرّف

اللــي لعبـّي لعــــب عنـــتر بعــــبلــه = وزينه كثـــــــير وكاملٍ ما يوصــّف

الجادل اللـــــي فـــــيه ملح ٍ وقـــــــبله = ماختار غيره لو تجاب البني صــف

ابـــو ثمـــان مثــّلــــجـــــاتٍ وذبلـــــه = بــــيضٍ لو شافه كامل العقل يخــتف

والعود مـــوزٍ صـــــافــــي الما سكبله = يشـرب من زلال النهر ما بعد جــف

وجـــــديلٍ اشقر يوم بان وســـحـــــبله = سبــــيب شقرا في وصوفه يوصــف

وعـــــيون نعاسٍ وســـــودٍ ونجــــلـــه = من صوبنـّه فـــــــــــي وليّه تخلــف

وجـــــدي عليها وجد من ضــــيّع ابله = بديار خـــوف وطالع القوم وانكـــف

او وجــــد مكســـورٍ ولحـــدٍ قـــــربله = بس السباع اللـــــــي تعاوا وتلـــتف

إلـــى قـــنب ذيـــــبٍ خــــويه قنـــــبله = وتجاوبن بالصوت والصوت يخلف

ومن الحيات ايّس عــــــــرف ما كتبله = المــوت قرب وازرق الدمع يذرف

وانا عقب فرقا الغضــي كنــــــــي ابله = ليته بحالـــــــــي يابن عسـام يلطف

وانت الــــــــذي مــــردكم ينحـــــسبله = مردكم لـــــــي غايه ولـي بعد شف

رد الشاعر / مشعل عسام التريباني الشمري ..!!!



حي الجواب اللي ظميري طربلـه= هــــلا هـــلابه عد مزنٍ يرفـــــرف

وعداد ماهب الجــــــنوب وندبلـه= واعداد رملٍ بالهـــواء يوم سف سف

او ماكتب باللوح واللـــــــي كتبلـه = وعداد ماطــــــير الهواء بالسما هف

باللي يقول للقلب خلـــــــي ندبلـــه = ابو رموشٍ كنهن عســـكرٍ صـــــف

والله مالــــومك يوم قلبك عجـبلـه= كم واحـــدٍ قبلك معاهـــن تورهــف

الحب ســــــــيفٍ كل واحـد يهبـله = او سم ثعبانٍ خطيرٍ إلـــــــــــى شف

كم واحدٍ قبلك مشـــــــــاه وتعــبله = مــــن سبة الخفرات والقلب يرجف

القلــب يا شـــــــاف الحلا ينجذبله = تقول مــــــــن بين المعاليق يخطف

يا شاف مــن عينه نعوسٍ وخجله = تقول مــــــــــن بين المعاليق ينلف

قــيس الملوح بالهــوا حاتف اجله = كم ليلة ٍ لجله على العالي اشــــرف

يركض ورا ليلــــى وقلبه عرجله = له قصـةٍ مع ساير الناس تعـــــرف

بين الضــــــلوع القلب فر ونهجله = ياما طواه الياس والعقل خطـــرف

قلــــــــــبه تجنن لجلها وانزعجله = واصبح بحبه بالصحاري مكســّف

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
ابيات مداعبه مع ابني عبدالرحمن الله يحفظه
بمناسبة حلول فصل الشتا والرجال توه عريس
((برقع طويرك في 25\12\1432هـ))

برقع طويرك ((قصيده مضحكه )) ..!!!

برقع طـــــــويرك لايشلهبه الشتا= يما يجيك القيض ثم هــــد اســبقه

ترى بدون الطــــــــيرمايبغا الفتا= لوهـــــوشجيع وكل ماطـار لحـقه

ياقلت انا ســـــــــويت قالـولك متا=الياتعب طيرك ترك رحت مــرقه

لوكنت من ناسٍ حظيظه وابختا= وفــي محزمك خنجروبالكف اتفقه

ولو كــــــنت لاتهمل ولاانته تفلـتا= عمــــر الحباري ماقنصوها بسلـقه

واليا اعتذرت عن القنص قالو عتا=معــــــــروفه الاول تحسّف وامحقه

الناس دايم بالمقصّـــــــــــــرتشمتا = وفيهم على شذب العــراقيب اشفقــه

وفيهم خـــبــيــثــــين النوايا واْعنتا=فيهم علــــــى الزلات حكه واطفقـه

خلك علــــــى طيرك حريصٍ يافتا =احرص عليه مــــــن العدولايسرقه

الله يفك الطـــــير مــــن برد الشتا =اللـــــــي اليا لحق الحبارى صلفقه

[مشعل عسام التريباني]

بسم الله الرحمن الرحيم
الشاعر: مشعل عسام التريباني الشمري
بغداد

بغداد!!!



بغداد تشك الظيم من قهر الاقــــــزام = الي استباحوحرمته واقهروهــا

داسوكرامت نهر دجله بالاقــــــــدام= وذبحت رجاله والنسا رملوهــا

وهدومساجدهاوغزوبهااصنـــــــــام = واعلامهم في وسطهاركزوهــــا

وزادت بهااصوات الثكالاوالايتــــــام = وخيرات دجله والفرات انهبوهــا

واسجونهم فيها من اصناف الاجرام = ابشع صنوف الجرم به مارسوهــا

حتى النسى فيها يعانن الاجــــــــرام =اصعب عقوبه بالنسى طبقوهـــــــا

كله من اجل انه يقولون الاســــــلام = ارهاب لسرائيل مارادمروهــــــــــا

نسيوجريمت بوش في قونتنونــــــام =ونسبو فلسطين الجريحه نسوهــــا

يالله يامنزل تبارك والانعــــــــــــــــام =تبعدعن القدس الذي عاقبوهـــــــا

وترفع بلا بغداد وتعز الاســــــــــلام= وتكسر جيوش الكفر واللي بغوها

يا واحد من لاذبحماه مايضــــــــــــام = انزل عليهم سلطت مااحتســــوها

سلط على اللي ينوي الدين الاعـــدام = ياعالم الاسرار لوغمغموهـــــــــا

انت العليم اللي بالاسرارعـــــــــــــلام= ماعنك خافي لوبغو يستروهـــــــا

يارب تحمى الدين بالشرق والشــــام= واحمي بيوتك من خباث بغوهــــا

واهدالشباب ايسير في عز الاســـــلام=ونور بصيرتهم لسيره مشوهــــــا

وتفكهم من كل حاقد وهـــــــــــــــدام = كم حطمو نفس وكم خربوهــــــــا

ويهديهم الله للوسط خير الاحكـــــام= وفكر الضلال تشل من روجوهـــــا

ياقاتل النفس الزكيه بالاســــــــلام = جريمتن كل البشر ينكروهــــــــــــا

دين الوسط هوخيرت الدين به قام =نبينا وايضى الصحابه مشوهـــــــا

وصلاةربي عدماخطة اقــــــــــــلام= واعدادرمل القاع واللي وطوهـــــا

على محمد عد من شاف الاهـــــرام =ازكا تحيه للرسول ارفعوهــــــــــا

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
هيضتنا قصيدة ابو فهد
(تل قلبي مثل جيب تولوه جهله)

تل قلبي مثل جيبن تولوه جهله!!!


تل قلبي مثل جيبٍ تولّـــوه جهلـــــــه = بالنفود بجمرة القيـــــــض مــاداروعلـــــــــــــيـــــــه

من طلوع الشمس لليل يمشي بد بله = بالد بل لـــه عشــــرساعــات ســـــوّاقــــــــه نســــــيه

قلبي اللي من هجوسه ولاساعه د له = دايمٍ مشـــــــغــول و الــهــــم دايـــم مــــحتــويـــــــه

من سبايب جادلٍ تل قلبي ونتلــــــــــــه = ليـــن صـارالقلـــــب مرهــــون في قبضــة يــد يـــــه

جل شان اللي خلقها وخلقه جمّلـــــــه = مـــع جمـــيع الناس للـــزيـــــن مـــــا تلــقا شبــــــيه

عين حرٍتل سبقه وراعيه اهملـــــــــه = والجد يل الــي كما اللــــــــيل يكســــي منـــكبــــــيـه

وجسم خلي يوم اوصّف تقول معزّلـــه = بس كـــتف ورد ف والــــزيــــن كلــــه مكتســـــيــه

والشفايف بينهن تقل منتوج نحلـــــــه = والعسل غالــــــي ويصعب على اللــي يشتريــــــــه

من يلوم القلب لوهوعلى شوفه ولـــه = كل قلــــــــبٍ لازمٍ يتــبع الـــــــــــــــــي يهتويــــــــه

قيس ليلى العامريّه سبايب مقتـــلـــه = من سبايبها قضـــــــــى وقت مايحسد علـيــــــــــــه

العذاراد مّرن حج بصري وعملــــه = خــــبّراللـــــــي يجهــل الصقــرقلــــه يشتويــــــــه

من تعلــّق بالعذارايلا قي مشكلــــــه = لوبغا يرجـــع عـن الحب قلبــــــــه ماقـــويـــــــــــــه

[مشعل عسام التريباني]

بسم الله الرحمن الرحيم
الشاعر : مشعل عسام التريباني الشمري
(( الله اكبرفي تاريخ 1\2\1433هـ ))

الله اكبر!!!

الله اكــــبر كلما لبا الملبـــــــــي = الله اكبر عد من يسعى ابيته

الله اكــــبر كلما هب المهبّــــــــي = الله اكبر كلما لفظه قـــــريته

الله اكــــبر كلما نارٍ تشـــــبــــــي = الله اكبر كلما شــــــــيٍ بغيته

الله اكبر كلما هجســـي لعبـــــي = الله اكبر كلما دربٍ عطــــــيته

الله اكبر كلما ربا المـــربـــــــي = الله اكبر كلما ليلٍ ســــــــريته

الله اكبر كلما اطلب فضل ربــي = الله اكــــبر كلما فضله رجـــيته

الله اكبر مابقا شــــــــي متغبـي = الله اكــبر كلما اســررته واويته

الله اكبر كلما سحبك تصــــبي = الله اكــــبر كلما الضامــي رويته

الله اكبر كلما بالزرع حبـــي = الله اكبر كلما اصرم واحتســـيته

الله اكبر كلما بالقاع طبـــــــــي = الله اكبر كلما مــــــرض وشفيته

الله اكبر كلما اذكر من محبــــي = الله اكبر كلما العــــريا كســــــيته

الله اكبر كلما بالقاع شبـــــــــي = الله اكـــــــــبر كلما الجمره رميته

الله اكـــبر ياهبوب الشعر هبـي = الله اكبر حضّري لــــــي ماهويته

الله اكبر فيه اشيب وفيه اشبـــي = الله اكـــــــبر والله انـــــي مانسيته

الله اكــبر قاصدٍ به وجه ربــي = الله اكـــــبر يمســـــح ذنوبٍ جنيته

الله اكبر كلمة الاخلاص حبّــــي = الله اكـــبر غير ربـــــــــي مارجيته

الله اكبر للكريم امدح والبـــــــي = الله اكـــــــــــبر واكتب ابياتن نقيته

الله اكبر كان ربي لي محبــــــي = الله اكـــــــــــبر فزت من بعد المميته

الله اكبر ياإلهي كيف اخبـــــــي = الله اكــــبر عنك شـــــــــــيٍ واهتنيته

الله اكبر عنك مافيه متخبــــــــي = الله اكـــــــــــبر نج نفســـــي ياخذيته

[مشعل عسام التريباني]

بسم الله الرحمن االرحيم
الشاعر\ مشعل عسام التريباني الشمري
فيه محاوره في موقع برزان يعني بيتين ومردها كتبت بيتين اقول


لي قصتن مع نظم الابيات ياناس= تغلب على كل القصص من حلاها

للشعــــرخوه مالها حــــد واقياس = عشــــــرة عمرمن مارسه مانساها

اسطرالقيفان مـن ذوق واحساس = ابيات شعـــــــــري عا ليا مستواها

ثم جا بعدي شاعر\ يرمزلاسمه بالجالكسي وكتب هذه الابيات اليكم ابياته ومردي عليها
يقول هو الجالكسي


جاك القصيد اللي من الراس للراس = تبهر حروفه عين منهو قراها

تشعروانا بالشعــــــــرفارس وفراس = وعندي قصايد مايوصل مداها

هرجي قصيدوهرج غيري توسواس= والناس تفقدحقها مــــن خطاها

تبحرقصيدولانت بالبحـــــــرغطاس = والاهروجي ماتوصل مــــداها



ثم رديت اناعليه في تاريخ 3\2\1433هـ اقول



هيهات ياللـــــــــي للتماثيل نــــــبراس = هـــــــــــــرجتك هذي وين وصّل مداها

الشعـــــــــرمهوبس كتبن بقــــــرطاس = صـــــــــــــف السوالف كل واحـد قواها

الشعرفن وذوق مـــــــــن ميزواحساس = حــــــتا يوصـــــــّل للاوادم صـــــــداها
يغرق بوســــــــط اليم منلابعــــــدقاس = ياتــــــــــي علف حيتانها وســـــــط ماها

ماكل فارس يمتطــــــــي قب الافراس = بعض الــــــــــــــــــرجال خيالته ماقداها

الخيل تبغا فارسٍ مـــــــثل جســــــاس = يسطــــــــــي علـى صم الرمك يامتطاها

جتك الزمول الهايجه تضرس اضراس = تسمع ضـــــــريس ضروسها من قساها

الناس ماترضا الخطا والتغطـــــــراس = جنب عــــــــن الحــــــــــيّه وتامن بلاها

ايوهـ ياللـــــــــــي بالقدم للحنش داس = اصـــــــــــــحا تدوس الداب رجلك كلاها

اقول شرالناس مـــــــــــن يظلم الناس = يلقا عـــــــــواقـــــــــــــب كل كلمه جناها

المهرة اللـــي بالخطا تمرس امـــراس = هــــــو وش بلا خيا لها مـــــــــــــــانحاها

قبل يجيه مشــــــوربٍ عاصب الراس = علـــــــــــــى جــــــــــــوادٍ بس تلمع حذاها

ياتيك فـــوق مشمـــــــــرٍ وقم الاسداس= يرمـــــــــــيك وخـــيا لتك يقلع مــــــــــداها


ثم رد الجالكسي يقول


هابت خيول القوم من غـــــدر وخياس ~ لاصــار جـسـاس الـغــدر فـــــي مراها

اللي طعن في ظهر الاصحاب وانحاس ~ رجلـه علـــى النحشـه تطايـــر حصاها

قله مـــع العـــربـــان مـــالــه تمجلاس ~ بـعــض الغنـــايـــم كـــاســبـه ماخذاها

هذي سلوم الناس وانــتـــه مـن الناس ~ دور لـهـا بعـقــــلك وتـلـــقـــى شــفاها

يالشـاعر اللـي تمـلك احسـاس وانفاس ~ خــــل الخـــيـــول وخــــل عنـك عناها

الشعر ماهو طق عصي ٍ علــى الراس ~ ورجال تــهـــــدر حيـــلــهـــا في فناها

الشعر مـــن يشعـر شعوره على الناس ~ قصيــــدة الــحــســـاس ماظــن شراها

وانــــا كســبــت بـطـلـتي عـلم قرناس ~ يوم ان بعــــض الــنــاس محد ٍ بغاها

شوف القصيد الحين واحكم بالاجراس ~ جاتك رمـــاح الشعر وش مـــبتاغاها



يالفـــارس اللــي تنتـخي بعلم جساس=رجلـه علـــى النحشـه تطايـــر حصاها

وهذا ردي الثاني على جالكسي
الشاعر\ مشعل عسام التريباني الشمري
في4\2\1433هـ


هذالغليّم صار فــــــي خشمه عطاس = الظاهــــــرانه صايرن به سفاها 1

حوّس عليناساحة الشعــــــــــرحوّاس = روحه على وسط السعاير رماها 2

وش جننك يامــــــــال قطاع الانفاس = وسط البحر قــربتك صبيت ماها 3

ترالرجل مايعـــــترض غرت الناس = عــــيبٍ عليك الناس تلمس لحاها 4

خبلٍ تحـــــوس الهرج مندون مقياس = ياشين بير الشعـــــر غثربت ماها 5

رمزت لاسمك بالجالكسي على ساس = تبــــي لعل الناس تكسب رضاها 6

واناْكل الشكلات مـــــن كل الاجناس = وباكل الجالكســي متعتٍ لاتضاها 7

انامعـــــي مقلاع شيال الاضـــــراس = اشلع سنونك والضــروس وجماها 8

لاتخفـــــي اسمك ليش ياطايل الراس = وتلـــــــــبدورىناسٍ يذرّي ذراها 9

من مدلـــــي باْرباع نعطيه باْخــماس = والناس تجـــــزى مثل مدة عطاها 10


ثم قدم اعتذاره قائلا اني امزح معك وانا اسف والله ماقصدي الا اشوف مدى ثقتك في نفسك الى وين تاصل ههههههههههههههههههههه الله واكبر كيف يصير هذا الاعتذار في منتديات برزان لمن اراد الاطلاع عليها

[مشعل عسام التريباني]

بسم الله الرحمن الرحيم

الشاعر \ مشعل عسام التريباني الشمري

((رد على الشاعره / الشيهانه وترحيب بها بنفس الوقت))
هذه الشاعره انظمة الى منتديات التريبان ومدحتهم باربعة ابيات تقريبا وذكرت انهم خوالها التريبان واستقبلتها بهذه الابيات بلسان ربعي الدهمان بصفتي شاعرهم ارجو ان تنال اعجابكم

رد وترحيب ..!!!

حي الجواب اللي يدوّن بالاسطار= يامرحبا ماشع باالقاع نـــــــــــــوره

وعداد ماهلة هماليل الامطــــــار = وعداد نجمٍ يوم يبدي ظهــــــــــوره

يامرحبا مليون بليون مليــــــــــار = ترحيب من نفسٍ تزاود ســــــروره

نيابتٍ عن لابتي صغت الاشعــار= نبي نرحب حان للشعــــــــــر دوره

حياك يالشيهان في موقع اخيــــار = شيهان والشيهان يعجب حضـــوره

حياك في موقع صليبين الاشـــوار = اهل المكارم والفعول مخبـــــــوره

اولاد الادهم متعبت قب الامهــــار = خوالك اللي مثل وصف النمــــوره

ربعي الى شان اللغى والدخن ثـار = انفوسهم وقت الملاقا غيــــــــــوره

ترعا بهم حم الذرا حرش الاوبـار = نبت الخطر لو كان فيهــــا خطوره

حلوين للعاني بعيدين الانظــــــار = وانفوسهم بالطيب دوم معمــــوره

الجار معنا ماشكا زود الاضـــرار= لازم نعزه مانخالف لشـــــــــوره

غيثٍ على الجيران بالوبــل مدرار (12) به تخضر الديره وتزهى زهوره

وعدونا نسقيه من كاس الامـــــرار (13) وانذوّقه مر الليالي وجــــــــوره

[مشعل عسام التريباني]

بسم الله الرحمن الرحيم
الشاعر\ عبدالرحمن مشعل التريباني الشمري
(تخطي )

تخطـّي \ للشاعر عبدالرحمن مشعل التريباني !!!

تخطي في خفوق اللي غدالك خافقه منزال = تخطي خطــــــوتك تحيي هشيمٍ دارسٍ بالي

تخطي يتبعك مزنن غدى في خافقي همال = هتانه يا نزل وصلن يجــــدد فينـــــي امالي

وقولي شاعري ينشدبيوتن جات لـي تختال = حـــــروفه كنها عقدن يناسب ذوقـي العالي

تعلت واعتلت جــــيدن تلاعب ميلته يامال = تميل حروفهانشـــــوة صياغت شاعرغالي

تخطي جيتلك كلـــي وكلي راغب بواصال = غزال خطوته يمي عفيف يرغب اوصالي

تخطــــــــي دامك الحلوه بقدن مايسن ميال = تعلم خطـــوته اجيال ويروي الجيل للتالي

غنوج حورنن رمشه على خده مظل ظلال = وخـــده مشمش والتوت غطى مبسمٍ حالي

[مشعل عسام التريباني]

قرى لووووووط
للشاعر\ عبدالرحمن مشعل التريباني الشمري
بمناسبة اغتيال الامير الراحل طلال ال رشيد يرحمه الله

قرى لوط سرقناها لكم من ديوان عبدالرحمن واباسرق بعد لانه عيا لاينشر

بإسم العظيم وقدرته فـــــي قرى لوط = وعـاد وثمـود وســد مــأرب والايـكـه

شعـري غزيـر ولاهــو بنـقـط نـاقـوط = لـــــي مملكـه باالشعـر انـا بـه مليكـه

ساسـه متيـن معمـره عـمــــر بـلـوط = فيها علـى عــــــرشـي لكوعـي اريكـه

ملكـي بهـا حـرفٍ انـا فيـه مبســــوط = حــــــــــدي خيـال وريشتـي فـيـه بيـكـه

ياالمغرب الاقصـى انـا بيـك مزعـوط = توالفـت هــــــــدرتـكـم ولـوهـي لكيـكـه

بس الجزاير تضرب الحـب باالسـوط = يـهــــــودهـا تــبــرم عــقــود وتـحـيـكـه

طيـري بهـا اصبـح ضحـيـه لشــبـوط = ملعـون ياوقـت شبـك حـــــــــــر شيـكـه

علـى فراقـه مذنـب العيـن ملــــعـوط = ونهـايـة المقـــــــنـاص بـاتـت وشـيـكـه

يعـرب محياهـا مــــن الـذل مشـعـوط = وفعـولـنـا صــــــــارت خـطـابـه ركـيـكـه

[مشعل عسام التريباني]

طلاسم السندان(هات البخور)

الشاعر\ عبدالرحمن مشعل التريباني الشمري

طلاسم السندان اخر سرقه من ديوان عبدالرحمن


هــات البـخـور وحـضـر الـجن تحـضـيـر= باالزيبـق الاحمـر اليـا خـاشـره هـوس
واكتـب طلاسـم قفلهـا حــرف تشفـيـــــر= طلسم وطلسـم بعدهـا سكــــر القـوس
انزل سطر وارسم كـذا شخـصٍ يطيـر = مــعــه قــلـــم يـحـمـلـنـا درس ودروس
ســوه حـجــام ولاهـــو الـيــوم تحـقـيـر = ابيـه لـلي قالـوا تـرى فـلان ممسـووس
ماتخفـي السـنـدان رسـمـه وتشجـيــــر = البلـشـفـيـه تـرفـعــه عــــزة الـــــروس
وتــر خـاتـم سليـمـان حـجـه وتحـجـيـر = خمسين عام ولا حصل شـي ملمــــوس
والحاجـه اللـي بنفـس يعـقـوب تحـذيـــر = وانـا هكـر ياصـاح والعـب عى الـدوس
جيـتـك مـعـي انـجـيـل وكـتــاب تـنـويـــر = وزبــور ديـفـد يـنـطـح افـكار مـاجــوس
وشيطان تـم تـم سـم ولا جمـت البيـــــر = ينضـم جواهـر در فـي شكـل مــدروس
وعن الشطـط باالشعـر ربـي لـه مجيــر = ماشذ في شعره ولا حـاس بـه حـوس
يـخــاف يـومــاً هـولــه شـيــب اصـغـيـر = اليـا غـدى بيـرق ملـك تـحـت منـكـوس
تخيـل صـراط ان زلبـك رحـت بسعـيـر!! = نسبـة نجاتـك باالعمـل!؟ صـح ميـؤوس
عـنــده وقـــف طـــه لـنــا بـعــد تـنـذيـــر = تشهـق جهنـم تحـت وهنـاك فـــــردوس
قـم اركـب معـي مـهـرة تـأمـل وتفكـيـــر = معقول هاالكوره على قرن جاموس؟؟!!
ابسـألـك عـــن لـــوت والـــدخ وادمـيــر = وعن شيث مع يافث على حطام زيوس
وعــن واديٍ مايسـلـكـه سـالــم الـزيـــر = وعــن فــارسٍ شـهـمٍ كـريـمٍ ودنـفـوس
تمشـي الدبـش دايـم ورى نافـخ الكيـــــر = الـيـا نـفـخ تثـغـي ولا عـــــد بــه روس
ولـو يلـزق البرغـوث فــي منـحـر ابعـيـر = الـحــل بـالـجـره ولا الـحــل بـالـمــوس
وش عاد لو كثـرت قصايـد شكسبيـــــر؟؟ = تغرق معي فـي شطـر جـزلٍ ومتـروس
مـايـطـرب الـشـيـطـان يــاكــود تـزمـيــــر = اليـا رقصـت لاقيـس صفـق شمهـروس
اقــرا ايــة الكـرسـي تثـبـتـك لا تـصـيــــر = لعبـه مـع الولـهـان وخـنـزب ومهـلـوس
يبقى الذهب غالي ولـو حجمـه صغيــــــر = شف عاشــــــــق القنطار كم يدفع فلوس

[مشعل عسام التريباني]

ندى ونّ تو إثري ياربعي الذرفان ..!!!

ندى ونّ تو إثريّ ياربعي الذرفان = أبرسل تعاميم(ن) على الفكس سريه
عسى المستلم بالفكس مايجهل العنوان = يوزع تعاميمي على الربع فوريه
أنا ياأخوة الحيزا لــكم صلب سدي بان = حدتني ظروف وفرقع القلب خافيه
غدت لــي ذلول(ن) حرة(ن) من نسل شقران = وأنا اللي على خده وضعت الشبيبيه
غدت قبل ست شهور من وادي العجمان = تقفيت اثرها مير هبت شماليه
تعبت ورجعت وخاطري بالمساء عمسان = وظنه على ماقيل وصلت محاريه
شمال(ن) محاريه اعيوج ليامن زان = وجنوب(ن) جبل شمر محاري مفاليه
عسى الغيث لامن ساقه الباري امسيان = يغذي مداهيله وتبقى ارضها حيه
صدوق الخيال اللي تباشربه العربان = يفل الظلام وبارقه ماطفى ضيه
يخيف الصغير ويرجف قليّل الايمان = وكبير العرب يامن رعد قال ياحيه
يفج التلاع الشهب ويسيل الوديان = وابدعي على شانه يعم السعوديه


ملاحظة الشبيبيه ( وسم ابل الذرفان



بسم الله الرحمن الرحيم

الشاعر\ مشعل عسام التريباني الشمري

(( حي الذلول ))




مجارات لمحمد الذرفي!!!

حي الذلول وحي مــــــن جاد بالقيفان = هلابه عدد مــــــــاهب ذعاع نسريه

وهلابه عدد ماهل وابل مـــن الودان = وهلابه عـدد من داسة القاع رجليه

بيوتن نظمها شاعرن يحكم الاوزان = محمد سليل الجود شــوق الزغيويه

بيوتك تهيض قاسي القلب ياكحيلان = خصن اليا اطـــــريت الديارالشماليه

دارن سقاها الله من صادق الامزان = يامـــــا تسيل الاوديه مــــــن علاويه

لين يتخالط به زهــــورالربيع الوان = وتشوف كل الارض بالعشب مغطــيه

تلقا نواوير البختري مع الحــــوذان = مــثل العقود بجــــيد خطـــــو السنافيه

والا يشابه فــــــــرشة الزل بالالوان = مــــــن كل لون تشوف عينه ونوعيه

ريحة عبيره يبري الهايم المرضان = ويشفي الجروح اللي بالاعماق مخفيه

يالـــــــلــــي ياعطر العطاطير بالدكان = لو جابو احســـــــــنها فلاهي تجي زيه

ريح الخـــزاما والنفل كنه الريحان = يحيي القلوب اللـــــــي من الهم مبريه

لايابعد ريح الدواعيس والســـيسان = اللـــــــــي بها الهندي وبه شمط بوذيه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((قالو تحب الظلع؟ في 21\2\1433هـ))

قالو تحب الظلع ؟ قلت ايه انا اغليه!!!



قالو تحب الظلع؟ قلت أيـــه انا اغليــــه = وشلون ماغلي دار نسل الفهودي

اغليه واغلي كل حـــــــيٍ سكن فيــــــه = حبه بوسط القلب ماله حـــــدودي

عساالسحاب اللي نشـــــا من مناشيــــه = يمطرعلى دارالاهل والجــــدودي

يمطرعلى الظلع الحمر لين يرويـــــــه = ياما تعرّم فيــــــه كل الســــدودي

والسلف ياتــــي فايضٍ من مغانيـــــــه = وواد الرصف سيله يشيل الحيودي

ويجي الاديرع يزدحم مــن عواليـــــه = يسيل لين يحيروسط النفـــــــــودي

وماكفـّه الظلعين يـــــــارب تسقيــــــه = اجاءوسلمى مستقرالاســــــــــودي

تثبت عليـــه السحب والما يغذّيــــــــه = ياما تخالط به جميـــع الـــــورودي

نوارحمّيضه علـــــى الظلع كاسيـــــه = في جيداجاء يشبه للون العقـــــودي

والا كمـــــــا البسام ياجيت احليـــــه = احمرعلى وديانها والسنــــــــــودي

ووسط الشعيب ايفوح ريح النفل فيه = يبرالنفوس من الوهم واللهـــــودي

تلقا ام سالم كــــل صوتٍ تغنيـــــــه = ترفع بصوته كل ساعــــــه بزودي

من فضل ربٍ ماتقدّرحسانيــــــــــه = اللـــــي على خلقـــــه رحيمٍ ودودي

اللي خفـــــــي الصدر يعلم بمافيـــه = يعطي الياشحت يدين الحســــــودي

اللي اليامـــــن مد مدات اياديــــــــه = تبـــــــــــل مداته يباس الكبـــــودي

يامارفع من مـــال ظيم الدهر فيـــه = ويامــــافرج لظعيّفين الجهـــــــودي

كم من ظعيفٍ ظيم الايام داهيــــــه = اغنـــــــــاه لين انه تعلاّ الصعـــودي

وياماخفظ من زايدالمال مطغيــــــه = عقب الغنات اصبح رهين القيـــودي

سبحان ملاحدٍ بملكه يضاهيـــــــــه = حمده تسبّح به ثقــــال الرعـــــــودي

الملك كلّـــه قبضتن بين اياديــــــــه = نرجيه من عطفه علينا يجـــــــــودي

ياحي طار الظلع ياحي طاريــــــــه = الله علـــــى حبه وخلقه شهـــــــودي

هذا جبل شـــــــــــمر ولاني بناسيه = رمــــزالشهامه والصخا والصمودي

ادعي له الله فـــــي صلاتي واناجيه = عساه يقبل دعوتـــــــي في سجودي

[مشعل عسام التريباني]

بسم الله الرحمن الرحيم
الشاعر \مشعل عسام التريباني الشمري
((عاش مقدم هلا العصلا في 25\2\1433هـ ))
اهدى للاخ خالد الجدعان اللغيصم سفير شمر!!!

عاش مقدم هلا العصلا عريــــب الجــدود = خالد الجدعان راع اليمين الطايلـــــه

واعد الجمهور بالفوز واوفــــا بالوعـــــود = ثم جاب الجايزه في يمينه شايلـــــــه

مقدم المسعود يامن عـــودٍ حـــــك عـــــود = صاطيٍ من صلب رجلٍ فعوله هايله

المراجل مدركينه رغم خشــــــــم الحسـود = من قديم الوقت كل المراجل نايلــــه

ابلجٍ عليه فعــــل المراجــــــــل مايكــــــود = كل نجمٍ في سما الكون قام يخايلــه

باسم شمرجاب ذوده لعلــــــــه بالوجــــــود = للمزاين ساق دقه ورى جلايلــــــه

قال انا سفير شمر وابريقهـــــــــم سنــــــود = ظل راسي لابتي عن سموم القايله

عشت يالزحزيح يالليث يانسل الاســــــــود = من سلايل شايبٍ كايده فعايلـــــــــه

عيلمن تروى ضـــــــواميه ويبل الكبـــــود = ماضي الافعال حمل الطنايا شايلــه

شامخٍ في درب الامجاد تشبه وصف طود = والعلوم الغانمه تمتلك جزايلــــــــه

قاسيٍ للخصم مثل الصليب من الحيــــــود = وللصديق احلامن الما على مسايله

انت ياهداج شيــــــخ الموارد والعـــــــدود = اوكمابرقٍ عطاشا الكبود تخايلـــــه

فرخ حرٍ دايمٍ للعـــــلا يهوى الصعـــــــود = من سلايل شايبٍ واجدٍ جمايلـــــــه

كل خلق الله على كل ماقلتـــــه شهــــــــود = خابرينٍ فعل جدعان راع الطايلــه

وانت توجت الفعايل بعزمك والصمــــــود = شجرتٍ بالعزدايم غصونه مايلــــه

اطلب الله في ركوعي وفي وقت السجـــود = في صلاتي للفريضه وفـــي نفايله

اطلبه لك بالتوافيق مـــــــن جوده يجــــــود = يامجمـّل لابتك بالفعول الهايلـــــه

[مشعل عسام التريباني]

لطامات إهداء للشيخ خالد اللغيصم (ابيات كيبورديه)!!

عاش شيخٍ جاب لطامــــــات للمـيداني =قاهر العدوان ريف الضيف هو والعاني

خالد الجدعان شيخٍ مـن نسل شيخاني = مقدم المسعود والجزلات هــــــوراعيها

ترفعون الراس ياعيال البطل جدعاني = انت وشـــــــــديد وعايد والبطل سلطاني

واخوتك والعود عمك مكرم الضيفاني= شجـــــــــــرة ربي بهتان الكرم مسكيها

والله اللي يعلم الخافـــي رفيع الشاني = يعجزالتعبيرويقصّـــــــــــرفصيح لساني

لوبغيت اصف فعولك قصّــــرت قيفاني= ولو بغيت اذكرفعولك مـاقدرت احصيها

انت نبراس الوفا والطـيب ياكحــيلاني= وانت زيزوم المــــراجل يارفيع الشاني

وانت فخر الشمري ومعجّرالعدوانــي= يابعدناسٍ عــــــــــن الطوله تشح ايديها

اضرب البيدا بكفك والطم العـــدوانـي= واضرب البيدا بكفّك واكســـر العصياني

انت دايم بالطليعه ماتصـــــير الثانـي= لابتك شــــــمروشــــــــمر عزياطاريها

شمراللي يقصرون ايدين كل هدانــي= شــــــمراللي ذيبهم عشوه جل الضاني

شمراللي للضيوف تقلط القعــــــداني= وشـمر اللي خصمها بالحرب مايدانيها

حاتمي والحاتمي ضده رجـع زعلاني= يبــــــــي الاْول مارعيابه ولجد جدعاني

قال الاْول حق شــــــمر مارخلك ثاني= طبع شــــــــــــمركل جزله تلتقط حاليها

بالصفرندفع ولوهـــــي زادة الاثماني= كلها لعــيون شــــمريوم جــــت تنخاني

وانت ياللي جيت للميدان لاتنـــــساني= دام شمر تعـــــتزي بي حالفٍ لارضيها


الشاعر\ مشعل بن عسام التريباني الشمري في 29\2\1433هـ

[مشعل عسام التريباني]

بسم الله الرحمن الرحيم
هذه قصيده للشاعر سميحان فهد السويدي عندما سافرت انا لحائل يسال
عني محمد نحو الغريري الاسلمي لانه جاري يقول وين يبي وش عنده
بالسفره المفاجئه ثم ارسلوها لي وانا امشي مع الطريق

((يقول سميحان))
20/1/1433 هـ


((يقول سميحان))!!!


يابن نحوعينت لــــــي سايق الباص= اللي الصراحه والمراجل طبوعه

مشعل ولدعسام للطـــــــيب قناص = وهذي فعايل قبل شخـصه ربوعه

ومشعل على درب الوفيين ماحاص = عســـــــــــاه بالدنيا كثيره سنوعه

الشاعر اللــــي صح للشعر بخاص = واد الرمه مايشــــــــــبهنه فروعه

بلغ لابوســــلطان باسلوبك الخاص = ان الشباب الـــيوم صعبٍ رجوعه

اخـــــــذحقوقه كامله دون الانقاص = ومكاســــــب الارباح ولع شموعه

مدارس الزينات لبحورهـــن غاص = ويالـــــيت قبل الفوت يعلن طلوعه

ويسوق في حكمه وتركيزواخلاص = لايســــبب للركاب بالدرب روعـه
ثم رديت عليه بهذه الابيات يقول
((مشعل عسام التريباني الشمري)) !!!

الفكر فيه الكهـــــــربا وصلة الماص = وشبّة قناديل القصايد شموعه

ردن على اللـــــــي للجزيلات قناص = يقنص جــزاله وايتعلا فروعه

الشاعر اللـــــــي بالمهمات مفراص = تقوم قــــــيفان القصايد لطوعه

لاهنت ياللــــــــي بالجزيله لناخاص = نفسـي لمثلك يالسنافي خضوعه

وكان انت عني يافتا تلحص الحاص = ودك تميز سفرتي وش سنوعه

حنا علــــى البيدا شريهين واحراص = نبـــي لنا مسكان نسكن ربوعه

والا ترامانـــــــــي للاموال رصاص = مدام راســي حي نفسي قنوعه

دنيا الفـــنا مــنا تملــــّص تمـــــلاص = وماراح منها ماطلبنا رجــــوعه

المسعداللـــــــــي مخلصٍ لله اخلاص = يحفظ صلاته بالركوع وخشوعه

تقول مـــــــن عين لنا راعي الباص = الشاعر اللي له من الشعر روعه

حطيتنـــــــي بالشعر ماهر وغواص = مثل القمر كلٍ تحــــــرّا طلوعه

وانا ترامع دربكم جـــيت قصـــاص = انته كما الوادي وانا من فروعه

عذرا من الاخوان انا اكتب وانا امشي بالخط والله العظيم اكتب على كرتون
فاين بجنبي ويوم وقفت عند المطعم اتغداءكتبته بالجوال وارسلتها لهم

[مشعل عسام التريباني]

(( بســــــــــــــــــــــــم الله الـــــــــــــــرحمن الرحيـــــــــــــــم ))
شكر للاخ العقيد\محمد طاحوس القحطاني
الشاعر\مشعل عسام التريباني الشمري

شكرا للقحطاني قصيده قديمه ..!!!

ســـــــارالقلم يكتـــــب بيوت ومثايل = امدح هلاالمعروف واهل الجمـايل

اللابت اللــــــــي يحتمون الدبايـــــل = ساس العرب من عهدعادوثمـودي

امدح هلاالمعروف واهــــــل المروه = ساس العرب قحطان ماهـــــوبتوه

اهل الفعول الطيبــــــه والمخــــــــوه = قحطان اسودٍ مـــن سلالة اسودي

اخص ابـــوفيصل رفيع المقامــــــاء = اللي من الطولات لبــــس الوساماء

ساس الكرم من روس ربعٍ حشامـاء = ياسعد مــــــــن فيهم يشدالعضودي

اللي فزعلي فزعتٍ مانتسيــــــــــهاء= مسهل دروب الطيــــب للي يبيهاء

كلمة شريــــفٍ كلمته يحتميهــــــــاء = يحمي كلامه عــــــن كثير النقودي

عطانـــــــــي الرخصه بنفسٍ خفيفه = يقولي طلبتك ماهـــــي كليفــــــــــه

لاخيرفي مــــــــن لايضيف مضيفه = ابشر بعــــــزك يا عريب الجدودي

لكن يمكن لك مـــــــــن المال عازه = احــــذرتروح وخاطرك به حزازه

نقضي لوازم مـــــــن يجيناء بعازه = لــــــــــوكان ندفع من كثيرالنقودي

نعمٍ ببــــــــوفيصل كعــــام المعادي = ضدالحريــــــب اللي براسه عنادي

ضدالحريب اللي من من البعدعادي = سترالعذارى ناقضـــــات الجعودي

لعل يفداك الهزيــــل الضعيفــــــــي = اللي عليــــــه الطيب دايـــــم كليفي

زوله كبيرٍمــــــار وزنه خفيفــــــي = دايم نزول ولايحــــــــب الصعودي

اللي يصد الــــى طلب منــــه حاجه = الى طلبته شي غظلم حجــــــــــاجه

مايدرك الطولات خطـــــو الدجاجه = لاكاسبٍ مدحــــــه ولافاد فــــودي

مايدرك الطولات كود المعــــــــرب= مثلك يابوفيصل جـــــــوادٍ مجرب

اللي علــــــــى الطولات دايم مدرب = فعلك علــى فعل العرب فيه زودي

وصلات ربي عـــــــد مزنٍ يرفرف = واعداد ماهبة هبــــوبٍ وسف سف

رمل النفود وحـــــــــط بالبيرمغرف= علـــــى محمـــــدعد ما هتزعودي

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
قصيده غزليه من القديم سنة 1397هـ
غزل قديم سنة 1397هـ ..!!!


يقول مشعل قا ل في زين الامـــــثال = وجرحـــــــي اللي طا ل ياطول هجراه

ناطحت غض النبت للـــــترف قربت = في عصر يوم السبت يقصرلي اخطاه

قلت اه ياسراق يامبرم الســــــاق = العاشــــق المشـــــــتاق بالك تعداه

وشبك تعدانــــــي واناجيت عاني = حبك بلانــــي والصبر ماقدراقواه

يانابي الردفين ياداعـــج العـــــين = ذ بحتنــــــي ياشين لي منك عزاه

يابونهوداصغارقبلــــــــي به النار = مــــــن سبتك محتار والزادعفناه

بس ارحميني يوم مابغى منك دوم = وقّف وخوذاعلــــوم وافهم لمعناه

وشبك جفلت وخفت عني تطرفت = وجميع ماســـــولفت وشبك تنيساه

وقّف حبـــــيبــــي ثم قام ايتبســــم = ياسم حالــــــــــي سم ماقدرلفرقاه

البطن هافي والثنايا رهافـــــــــي = والخد صافــــي والمحاجب جليلاه

والعين عين الحرمن مـــــاكره فر= يجر قبلــــــــــي جروالنوم عفناه

والزول عود الموز بالمي مركوز = تجري عليه امروزمّـــين مجراه

هنـــيت مـــن زفه وبغطــــاه لفه = وعن الهواظفه وحضــــــرشراياه

اشري شراياالزين وادفع ملايـين = الروح هـــــــي والعين كله فداياه

يافريج قبلي راح مع زين الاماح= لورحت للجراح مالـــــــي مداواه

لو رحت للدكتورمايبري الجــور = يقول طب الجور مع مــــن تمناه

يقول فيك الحـــــب قلبك معــذ ب = والحب ماله طب فـي كل الاوجاه

قلت اه نار الحب بالقلب تشــــتب = كن الدبا ينكب بالجـــــوف يرعاه

وجبت القلم وادنيت قيلي وغنيت = وسطر لي كم بيت سا رح بذ كراه

وصلات ربي عد ماراحلٍ شـــد = واعداد من يسجد لرب السمـــــواه

[مشعل عسام التريباني]

بسم الله الرحمن الرحيم

هذا اخوي عبدالعزيز البليهد يدور الشطحات دايم ولقاء علي شطحه وكتب لي يقول
هل انت متقهوي مع طلاع الزميلي
قلت له ياخوي انت نبي نسميك ساهر الشعار فكتبت هذه الدعابه لاخوي الغالي عبدالعزيز
عسى ان تنال اعجابه واعجابكم جميعا اقول

ساهر الشعار اهدى للاخ الغالي عبدالعزيز البليهد!!!



ودي اكتب شعر كل شوي لكن خايف = خـــــــــايفن من ساهر الشعارلايلقطني

لوبغيت اطوف من عنده فلاني طايف = يلقط اللوحه وثمن بالجــــــزاء يلشطني

لاتظنّه يوم يغضي عنك مــاهو شايف = انتــبه خلك حـــــــــذر تراه نبه وفطني

ايترصد غلطة الشاعرســوات الحايف = لوبغيت اكتب من الجزلات هو لخبطني

خايفه لاينشـــــر الغلطات بالصحايف = وخايف انه للسمك وسط البحر يقرطني

[مشعل عسام التريباني]

ندى للشاعر الفحل المخضرم مشعل التريباني الغالي على
ندى للشاعر الفحل المخضرم مشعل التريباني الغالي على!!!


وقفت في شارع الهذال = وصدفت غرواً عرض ليه

وناظر بعين الهوا القتال = وكل مابتعد يلتفت ليه

ويقول لي عيب يارجال = عيباً تخص النظر فيه

ويقول عصر الهوا مازال= من قبل عصر الهلاليه

مستانساً ياملا الفلال = وأنا اللضى ولعت فيه

مايدري أن الهوا قتال = يجهل أسلوم الهوايه

متفضياً سايحاً جوال = يمشي بربوع السعوديه

يامشعل شف حل لي بالحال = هالجاهله عذبت فيه

والشبل اللي مثلكم فتال = يخلى ألآشارات رمزيه

وعن الخاص نبي نزبن الخيال = يخلي السواليف سطحيه
تقبلو تحياتي وتقديري للجميع أبو طلالل الزميلي


رد الشاعر / مشعل عسام التريباني الشمري
رد الشاعر / مشعل عسام التريباني الشمري!!!


يامــــــــرحبا بك يا بو طلال = شــــوق الهنوف الزميليه


ياشوق غروٍ زها بالـــشال= عـــــوق العيون الشقاويه


مـــــــن لابتن تجدع الخـــيال = وقــــت اللقا تنطح الهــيه

ياجا نهار تقل زلـــــــــــــزال = يبـــين فعل الشــــــــقرديه


ياخــــــوك طرد الهـوا غربال= محــــــــــــدٍ يلوم الهواويه


طرد الهـــــــــوا بالحشا سلال = محدن سلم مـــــــن بلاويه


والله فـــــــــــلا يذبح الرجــــال = ياكود خطـــــــــو الزغيويه


اللـــــــــــي نهيده تقل فنجــــال = والا ســـــــــــوات الزبيديه


وطـــــــرفن حور والنظر كتال = وعــــــينن تقل عين ريميه


حبه سكن بالحــــــشا مـــازال = يقــــــد قلبـــــــــــي بشبريه


وش عاد لوزادو العــــــــــــذال = النفس عــــــن غيرها عيه
ارجو السموحه انا والله ماعمري كتبت هجينيه هذه اول تجربه يمكن ماتصير زينه

[مشعل عسام التريباني]

الله الرحمن الرحيم

الشاعر\ مشعل عسام التريباني الشمري

((رد على طلاع في 22\3\1433هـ ))
مع التحيه للاخ طلاع الزميلي!!!

حي الله الخط واللـــي ساق الاشعـاري = مــــــــــن شاعرٍ يمنا يرسل مناديبه

طلاع ســــــاق المثايل يمّــنا ســاري= بابيات شعرٍ عليها مـــــــــن هناديبه

يشكي عليّه همــــومٍ تشغل افــكاري = مـــــن الظالم اللي دمر شعبه بتعذيبه

اللي جلب للمواطن كل الاضــراري = الظلم والقتل يصــــــبح به ويمسيبه

واقول ربك عليم بكل مـاصــــــاري = يمهل ولايهمل الخاين والاعــــــيبه

لابد مــــــن يوم فـيه اتدورالادواري = ويهـــــينه الله والاقــــــــدار ترميبه

الله وعد للضعــيّف ياخـــــــــذ الثاري = والطاغـــــــيه لازمٍ يقطع مطاليبه

بشـــــــار واهل العمايم لبسهم عـاري= العار والذل خشّو فــــــي سراديبه

بالشعب حط المناكر واسعر اسعاري = منه المشاكل بدت ياكبرها مصيبه

عدو الاســــــــــلام للكفار سمساري = لو يظهرالدين مـــــار السم يسقيبه

ملحد عدو الشــــــــريعه نذل غداري = مع طــــول الايام بانت كل اكاذيبه

عبادت المقبره حلوين الاعــــذاري = بشار والاحــــمدي مع كل اصاحيبه

يظهر لنا الزين لكن يبطن اشـراري = لكن مـــــــرد الخبيث الذل والخيبه

يالله يالله ياعلام الاســـــــــــــــراري = ياخالق الخلق وميســــــــــر مطاليبه

تلطف بشعبٍ ظعيف وجايع وعاري = نار القهر يجـــرعون اقوى مشاهيبه

[مشعل عسام التريباني]

بسم الله الرحمن الرحيم
الشاعر/ مشعل عسام التريباني الشمري
((ياهلا الـ v x r في 26\3\1433هـ))
ياهلا الـ v x r!!!

ياهلا ال(v x r) جعل الله يفكه لا يعلق بنصه = يانويتوا تضربون البر للمقناص لاتخلوني

والله اني مهتوي للبر والغزلان شفي قنصه = مار كان انتم نويتو بينكم يالابتي شيلوني

ماحلا المقناص فوق الجيب مع ناسٍ قويٍ شنصه = فوق جيبٍ يوم اوصف يانهمته كنه المجنوني

وفيه من وصف الاسد خشمه عريض وفرته منفنصه = صممه في دولة اليابان عودٍ كافرٍ ملعوني

وانت يالسواق جنّـّب عن طريق القار والطعس انصه = اعرف ان الجيب في قطع الخطر يامسندي ماموني

اضرب الطعس الطويل ولاتنسم بالكفر تحرنصه = مايبي تنسيم يطلع بس لاترفق وتمشي هوني

خايف انك تسحب الطارات ثم تاطا الحصا يقرنصه = وانت رجالٍ كتبت الشيك فيه وبه ربع مليوني

بس دوس اسليتره واصحا تهس وحط رجلك لين تنهي بنصه = اغنم الفرصه ترا الرزاق حي ومرزقك عند الولي مظموني

واعرف انه مايفيد الرجل يامشكاي يامنه تدهور شنصه = كم رديٍ يوم زان الشنص يمسي مالي الماعوني

[مشعل عسام التريباني]

بسم الله الرحمن الرحيم

هذه القصيده كتبتها قبل خمس سنوات تقريبا لان ابنا عمي
صار بينهم وبين عمال افغانيين مشكله وسجنو بسبب ذلك
الخصام وادعو عليهم بانهم مستخدمين اربطه من الحديد
وسوالف طويله المهم اني نخيت الاخ عقيل بن سحيمان الشمري
وبحكم معرفته يسر الله الامور وجزاه الله خير ابو نايف انهى المشكله
وطلعو العيال ولله الحمد

(شم الجبال)

شم الجبال من الارشيف !!!

الى زبنت ازبن على شم الجبـــــال = رواسيٍ تزبنك ياضاقة عليــــــــك

لك بالجبل مزبن وتلقابه ضــــــلال = والا السهال الجرد زابنها هليــــــك

شتان بين الضلع والجرف الهيـــال = من لازبن شم الجبال اصبح دريــــك

وتر شجرة الكمبود به طيب وجمال = عودٍ من الكمبود يسوى الفين شيــك

مثل ابونايف جعل ماهو لـلـــــزوال = اللي الى جيته مهو يقسي عليـــــــك

سلالة اجوادٍ يشيلــــــــون الثقــــال = الى نوى المولى يفكون الشبيــــــــك

بذلت مجهودك وعدّاك الخمـــــــال = عساك ياعقيل مايبكــــــــى عليــــك

يعل يفدونك ردييـــــــن الرجـــــال = يافزعة البحلان يوم انه يجيـــــــــك

غمرتي بالطيب ياقـــــرم العيــــال = اثلجت صدري في كلامك قبل اجيك

تقول لابد العقــــــــد بالانحـــــلال = باذن الاله المعتلي مالـــه شريــــك

وانا ادري انه ماعلى الله مستحــال = وماقدر المعبود لابــــــده يجيـــــــك

وادري بان الله هوذات الجـــــلال = ذات الصفات العاليات اكـــرم مليك

مار الهموم احتلّت القلب احتــــلال = ولاينفع الخواف قولــــة ماعليـــــك

ياشفت لي عودٍ فقد شوف العيـــال = عودٍ نفذ صبره وهو حيلــــــه ركيك

مالي على شكواه ياخوك احتمــال = يزود هاجوسي عسى الله يحميـــــك

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه قصيده التجربة الأولى لبحر التغروده وهو بحر اماراتي طرقه الكثير من الشعرا الاماراتيين وجدد هذا البحر في حلقات شاعر المليون الذي تقوم برعايته دولة الامارات العربية تحت رعاية الشيخ محمد بن زايد ال نهيان ولي عهد الامارات طبعا قديمه هي ايام الحرب مع الحوثيين

(( بحـــــــر اتغــــــروده))


بحر التغرودهـ !!!

سلام ياهـــــل الدار= يسلا لة الاخــــــيار
يامكـــــرمين الجار = يامشــــعلـــين النار
في زمرت الاشــرار=احدثتو الاضــــــرار
بالحوثـــــــي المـكار=انتم علـى الغـــــــدّار
صرتو كما الاعصار=ماهبتو الاخطــــــــار
يحــــماكم القـــــــهار= يامعشــــــــر الابرار
يامحتمــــــــــين الدار= سلام منــــــــــي حار
مــــاهلّة الامـــــــطار= واخضرّة الاشــــجار
ياقــــــــــاكم الجـــبّار= مــــــن وحشة الاقدار

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

وهذه التجربة الثانيه لبحر الردحه ايضا المعروف في دولة الامارات العربية المتحده
والذي طرقه الكثير من شعراء الامارات بمافيه الشيخ زايد بن سلطان ال نهيان رحمه
الله علما اني واجهت صعوبه فيه والسبب هو الغرض الذي اكتب من اجله حيث لايوجد
غرض محدد لأكتب فيه فاصبحت القصيده خافتت الشعر نوعا ما ولكن المهم معرفة البحر
حيث انه غير معروف في بعض دول الخليج

((الردحه الاماراتيه))

يــاعــالـــم الاسراري (ستار) يــارب ياســــتار

يــاوااالــي الاقــداري (غفار) يازاغـة الابصار

انــت الكريــم الباري (جبّار) يارافع الاضــرار

يــامنـــزّل الامطاري (امطار) يامنزّل الامطـار

تعلــم خفــي افكاري (افكار) السر والاجــهار

يــامجــري الذواري (قهار) يامحيــي الاشجار

يـامسيّــر الانهـاري (انهار) يامجــري الانهار

يـامهلــك الكفــاري (ابحار) فــي غبّة الابحار

يامكـوّن الازهاري (نـوّار) يامــزهـــر النوّار

[مشعل عسام التريباني]

من عين ساهر ياربع !!!

ساهر الشـــــــعار غايب وين راح = ليش للساحات مــــاعمره يمر

علموه اْنا عطــــــيناه الــــوشـــاح = يلقط اللـــــوحات وايقص الاثر

ويشلع الاضراس وايخيط الجراح = يعني انه صـــــدق مامنـّه مفـر

وان تمثل جاب قـــــــــيفانن ملاح = ينقش الابيات في وسط الصخر

من يبارز ساهـــــــــر الشعار طاح = يســــــــــتفزه لين يرميه بسقر

وحـــــــافظٍ كل الاحاديث الصحاح = ويتقن الاشعار بحــروف النثر

وكن هرجه ياهــــرج قطرة قراح = سلسبيلٍ مــــــن سحابٍ منهمر

اشهد انه مـــــــن رجاجيل الفلاح = سعـــد عينك كان للملعب حضر

يسقي الاخصام مــــــــن سمٍ دحاح = كن شـــــــــعره وادين سيله حدر

من يجاري فيض شعره ماستراح = كــيف ينطح وادين ســـــيله هدر


سلمت يابو عبدالرحمن عسى ماتفقد غالي هالأيام الربيع مايفوت مرو على قسم
الرحلات وشوفو الشي اللي مخلينا نغيب عنكم وعلم راعي الجمشات يمر ويشوف
الربيع امتلت عيونه من غبار الشمال الله يعيد عليهم برد وغبار الله يكون بعونهم
رد الشاعر عبدالعزيز بن بليهد !!!


يـاهـلا حيـيـت يـاوجـه الـفــلاح = يعـلـم الله بالخـوافـي لــك قـــدر

ياشروق الشعر نوره والصباح = انـت مفتينـا لـكـم طـولـة عـمـر

المدينـه مـن يطيعـه مااستـراح = خلة البدوان بامر الله حضـر!

انبساطـي بالفـيـاض وبالبـطـاح = تحت غيم وفوق رقروقن خضر

خـدر الـبـراد مــن بـجـة قــراح = وفوّح ا لدلـه علـى وقـدة سمـر

الخـلا عيّنـت معنـى الانـشـراح = وبه لقيت علاج ضيقات الصدر


ساهر الشعار الشاعر عبدالعزيز بن بليهد

[مشعل عسام التريباني]

بسم الله الرحمن الرحيم
الشاعر \ مشعل عسام التريباني الشمري

((رحله ربيعيه في 17\4\1433هـ))


رحله ربيعيه !!!


يامحمد جهّـــز الشـاص ياذرب الـــيمــين=ضاق صدري من جلوس المدينه ياولدي

يابعدعفنٍ علـــــى المال مغـــــلول الـيدين=قاصــــرٍ باعه عـن الطيب هلباجن ردي

جهّز الشاصي وعزبتك يالقـــــرم الفطـين=ابي اشم العشب بالبر وامشــــــي يابعدي

اشهد ان البر شوفه يســــــــر الناظـــــرين=ياحلو طـــــــــــوي المسافه أبّرٍ جـرهــدي

الخزاما والنفل هن دوى القلب الحــــزين=ماحلـــــــــى ريحه بوادٍ مـــن الوابل ندي

وماحلى بعد العشا شوف جرعات الحنين=يوم روّح راعـــــــــي الذود يحداها حدي

جتك من عقب المعشـّا وتسمع له رطـين=كن صـــــــوته يوم اوصف هماليل بردي

كـــــــــــن صفتهاع ساكر جيوش مجندين=دربوهــــــا بالميادين ضـــــد المعـــــتدي

والفحل يزئر سوات الاسد وسط العـرين=فــــــــي هجاره جاك خلف العشاير يحتدي

ذود قرمٍ دايمن مـــــــــــــدهلن للغانمين=ابلج كنه علــــــــــــــى الطايله يقدى قدي

افتخٍ مجـــــــــبول بالطيب ذباح السمين=شــــــــــــيخ قومٍ دوم للطايله يهدى هدي

وفوق هذا فــي جبينه صفات الصالحين=وله بجنب الذود موضع سجــود ومسجدي

اخطل الذرعان مـــده يعيش المعسرين=يقـــــــــــتدابه باللــــوازم مثل نجم الجدي

اشــــــــــهد ان المال ودك يجي للطيبين=ما يفيد المال ياصار فـــــــي حـوزت ردي

واشهد ان البر متعه وشـــوف البر زين=شف بالـــــــي شوف بدون أبّرٍ سرمدي


ملاحظه المدعو محمد بن نهير بن عسام التريباني يعني ولد اخوي للمعلوميه فقط

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((رحلة بريه في ليله ربيعيه في 23\4\1433هـ))

رحلة يوم الخميس البريه في 22\4\1433هـ !!!

ياحلو رحلتـــــي يوم الخميــس =في فياضٍ زهت بزهورها

وخـــــوّتٍ مالها شكل ونفيــس=مع رجالٍ وســاع صدورها

مع رجالٍ يعـــــزون الجليــس=اسد غابٍ طــــوال اشــبورها

اسد غابٍ اليا حمـــــي الــوطيس= العــــدو مايحب حضـــــورها

بينهم ماوجــــد نجس وخســيس= ولاخـــــبيثٍ يشتت شـــورها

والــردي مايحطــــونه ونـيس =وش يجـــــيب الثعل لنمورها

كلهم درتٍ مــــــاله جـــنيــس = درتٍ فـــــــي محيط بحورها

اشهد ان الجليس مــــن الجليس= والصـــــــــــداقه يبيّن دورها

طيب عمبر مـــن النوع النفيس= ماتقايس بنوع عــــطـــــورها

فرق بين الظلام الخــرمسيس = وبين قمـــرى يشعشع نورها

فرق بين القمـــر والطلمسيس = مثل خصـــــــب الديار وبورها

كان قـــيل المــراجل له رئيس= هم حماة المــــراجل سورها

مابهم شين نفس ولانحـــــيس= والـــمكارم تعــلـّو كــــــــورها

في رضى لله مشو واخزو بليس = والعداء كــــــــــيدها بنحـورها

مايقايس وفاهم كـــيف اقيس؟= طيب روس الرجال اصقورها

مايعـــرف الرجال الا الجليس = ويعــــــــــرفون الديار سبورها
ملاحظه والله اني صورت البر والربيع وصورت شايبكم بوسط الربيع
لكن مااعرف احملها لكم نحتري العيال غديهم يجون ان شاءلله بالعطله
ويحملونها لكم ههههههههههه انا يالله اعرف اصور

[مشعل عسام التريباني]

سم الله الرحمن الرحيم
الشاعر\مشعل عسام التريباني الشمري
((سلام يانواف في 10\4\1433هـ))

سلام يانواف !!!


سلام يانواف يامنتهـــــــــى الجود= سلامٍ احلـــــى مـــــــن لذيذ الشهـــديا

خطك وصلني ياذرى كل مضهود= ساعة قريت الخــــــــط عقلــي شرديا

دقيت رقمك لكن الخط مســــدود= ودقــــــــيت رقم ابنك ورد الـــولــديا

ثم قال سم آمر وقلت ابغــــي العود= مالـلــــــي يريده يوم عنــــي نشــديا

انا تراني فيه حاضــــــر وموجود= آمــــــــر وتلقاني لظهـــــــــرك سنديا

ابي اجتهد وابذل لكم كل مجهــــود= ابـــي ابذل المجهـــــــود لك واجتهديا

ارتك على خالك وعدك على طود= خالك علـــــــى الطوله شديد الجهديا

انا ولد من حطـّم البخل بالجــــــــود= اللـــــي لعين البخل مثل الرمــــــديا

ماني من اللـــي زود البعد بصدود= اللــــــي لمعـــــروف النشاما جحديا

الباب دون مرّوج الهــرج مردود= اللـــــي لتفريق الولايف قصـــــديا

يرجع بعون الله خايب ومطـــرود= يبطـي عظم ماشاف منــــي مدديا

الاذن صقها عــن حكي كل نمرود= اللــــي بتجميع الســـــوالف ورديا

اليا لقاله سالفه حـــــــــط له زود= ثم جــــا خـــبيث الطبع فيها يعديا

تقول غـــــــــــزايٍٍ لفا جايبٍ فود= يحـــدى على كسبه من القوم حديا

سيفه على شذب العراقيب مجرود= وعــن المـــراجل كل عمره رقديا

لاكاسبٍ طــــــــوله ولاحاملٍ كود= وقــت اللـــوازم مالقـــيبه سعــــديا

هذاك ماله عـــــــندنا قـــــدر وقعود= ومـــــــن المجالس لازمٍ ينطــرديا

ياصار ماهو عند الاجــــــواد محمود= ماغـير فــــــي علك اللحـوم انفرديا

وعن المراجل قاصر الباع محدود= اللــــــي قصر حظه وضوه خمديا

وصلاة ربـــي عد ماذعذع النود= علـــــــى الرســول اللي لربه سجديا

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

سافرت بالجمعه والخميس للديره وخالفن ساهرفي مدينة بريده وفي هذه المناسبه كتبت هذه الابيات

((شركة ساهر في 28\4\1433هـ))

ياجماعه شركة ساهر علينا قوبه في 28\4\1433هـ !!!


ياجماعه شـــــــركة ساهر علينا عقوبه = شــــــاركتنا عيشت الوغدان والحجيّه

كلماشــــافــو رويتبنا نزل عشّــــــــوبه = يلقطــــونه قـبل لاينزل مــــن المــاليه

للظعيّف جــــــايعين كــــبودهم مسلوبه = مــــــــابهم رحمــــه ولابقلوبهم حــنيّه

كلما شــــــافوطعامٍ للظعــــــيف الووبه = لقمـــة المسكــــــين له لــــذه ولابه زيّه

ينهبونه مــــــن يده ويفتشـــــون جيوبه = ولويصـــــيريقطّعون ايديه بالجـــنبـــيّه

عندهم مــــــبدى الظعيّف رزقته منهوبه= كان مـــاراحـــــت بفم الذيب والاخــيـّه

والقوي اللــــــي كـــثيرالمال ماطمعوبه = القــوي دايم حشيم وغلطـــته منســــــيه

اكلت اموال القوي فيهاشــــــوي صعوبه= كيف تقدرتاكل اللحمه مهــــــــي مطهيّه

اكلتن تنشب بعـــــــرض الحلق ماهمّوبه = جنب الشجــــره وتسلم مـن فحيح الحيّه

واليتيم اللي دموعه دايمٍ مسكــــــــــوبه = لقمتن سهله ولاحــــــــــدٍ يستظل بفيّه

لقمت الايتام لقمه عندهم مـــــرغـــوبه = لان لذات الطـــــــــعام قليّله وشــــويّه

وعندهم مبدى الحليب الزين للمغصوبه= ولايصــيرالزين درالناقه المـــــــــرعيّه

الظعيّف ينهبونه ماحســـــــبو لذنوبــــه = مايظـــــــــــــرابطونهم لوياكلون النيّه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

هذا واحد من الربع شايب كبير مثلي ومفتون بالعشق ارسلي بيتين بالجوال
لا احفظ منها سوى شطر
يقول فيه ((وش هقوتك معشوقتي ماتحصلي)) فرديت عليه بهذه الابيات عسا ان تنال اعجابكم
((رد الاستشاره في 9\3\1433هـ))

رد استشاره !!!



ابيات شعـــــرن بالورق زرفلي = مكتوبتن باغلى الحلل من دررها

رحـّــــــبت بالقيفان يوم ارسللي =عـــــــداد ماهل الهلل من مطرها

واعــــداد مــــــاخط القلم بالسجلي = واعــــداد ما بالافق يظهر قمرها

قـــــــريت خطك يازبون المتلـّي = عســــــى عيونك مايطوّل سهرها

انا يابو حــــــطاب مثلك حصلـّي = مع جـــــادلن كن البرد في ثغرها

تقــــــــول لـــي ياعم مــانته بخلـي = مـن شان شوكي ما يخالط زهرها

ودي بقرب اللـــــــي بحبه حبلـّي = اللـــــــي كما ضو القمر في نحرها

الوردة اللــــــــي بين ميٍ وظلي= والمشمش الحالـــــي نتايج ثمرها

لاشك فرق السن عـــن سن خلي = نفسـي عن الزينات قمت احتقرها

مار ارجي اللي في سماه متعلي = عســــــــــاه زلات اللسان يغفرها

[مشعل عسام التريباني]

بسم الله الرحمن الرحيم

الشاعر\مشعل عسام الترياني الشمري

((الشبه اللي ماحضرها ابو طلال في 17\5\1433هـ))
هذه الابيات كتبتها يوم الجمعه الشبه عندي وفيه واحد من الربع لحيتن غانمه شرواكم تقاعد وراح يم الديرهياثث بيته وكان مونسنا وفقدناه طرى علي وانا اصلح قهوتي انه يبي يرحل وهو عزيز علي بالحيل وتاثرت شوي وكتبت هذه الابيات به ارجو ان تنال اعجابكم وبالمناسبه والله كل ماذكرت به في هذه الابيات فيه ليس مجامله لا والله والى القصيده


الشبة اللي ماحضرها ابو طلال !!!


الشبّة اللــي ماحضرها ابو طلال= زادٍ بلـــيّا ملح مــــــــا فـــــيه اثمره

اناشهد اْنه منوتـــي واف الخصال= يزول ياشفته مــــن القلب كـــــــدره

عـــــوده هديب الشام شيال الثقال= ياليت مثله مع جماعتنا عشــــــــره

انا اشهد انه مـــن زحازيح الرجــال= اللــــــي بوقت الضيق ودك تذخره

يشوش راســــي كل ماجاله مجال= ويفــــز قلبــــــي كل محدٍ يذكــــــره

عزالرفيق اللي عليه الوقــــت مال= يامـــــــــــن صلفات الليالي كشّره

كم مـــــــرّتٍ جيته وزال الهم زال = ماقال مطلوبك ترانــــــــي ماقدره

لو اتصــــل به بالتيلفون اتصـــــال= ايســـــــــرعلي بالمد والعسر قهره

وفـــــيه الحيا والدين هو والاعتدال= ولايغـــــدرالغايب ويطعن بظهره

وســــمتت رجل كامل ولله الكمال= عساه مايشكي من الوقت اقشره

عــــزالله انه بالوفا مضـــرب مثال= وهـــــو قمة الامجاد واعلا منبره

اغليه وافخـــــــــر به ولافيها جدال= وافز يامـــــن جا مع الناس خبره

واليا ذكرته غصب دمع العين سال= غصبٍ علــــي العين دمعه تنثره

عذبٍ كلامه مثل مشـروب الزلال= وله ســـيرتن بازكا العبير معطّره

واليا هرج ماينتقد وســــط الرجال= شــــــخصيتٍ عند الرجال مقـّدره

من غير قاصر في كريمين السبال= سلايل الادهم مكاســـــــــرعمبره

على العدو اشد مـن ضرب السلال= وقصيرهم يحشم ولاحـــــد يكدّره

[مشعل عسام التريباني]

بسم الله الرحمن الرحيم
السلام عليكم ورحمة الله وبركاته

أسند هذه القصيده لشاعرنا / مشعل التريباني وله مني التحيه والتقدير
وبالحقيقه انا ماني شاعر ولا أجيد الشعر مثل مايجيده ولاكن هاوي وخرجت
معي هذه الابيات ويعلم الله اني كتبتها في محل انشاء الموضوع مداعبه خفيفه
عفيفه لشاعرنا مشعل ,,,,, أترككم مع القصيده

أسند هذه القصيده لشاعرنا / مشعل التريباني وله مني التحيه والتقدير
!!!



البارحه ليلي قضيته مساهير=ماهو علل لو قيلي فيك عله

أقرا بيوت ِ وافيات المعـايير=بحر الجزاله والجزل مورد له

يامشعل العسام مسيت بالخير=شمس الشعر شفته معاكم وظله

شاعر تصخر وافي القاف تصخير=حتى المعاني وافيه في محله

يشهد على قولي جميع الشواعير=بالمنتدى واللي قراء مايمله

وأخلاف ذا موضوعنا وجهته غير=أشوف شعرك يشتكي فاقدله

طرق الهوى بوصوفهن الغنادير=سود العيون اللي رموشه مظله

أبو خدودن ماخدشته الأظافير=مع زينه المكياج مايصلحن له

مبسم شفاته مامشابه ****ير=وسنونها من شافها ينفطنله

صفة جيوش الشمري بالطوابير=عبدالعزيز اللي خصيمه يذله

الله ليامن فرعة حزة عصير=ذيل الكحيله والهوى ملفحله

أم النهود البارزات الدواوير=الثوب يصعب فيه عقده وحله

والورك والفخذين والساق تحسير=والزول مايوصف بدقه وجله

مدري خذاك الي خذا سالم الزير=ولا عليك من العواقب مذله

الشيب عزن في وجيه المناعير=اللي حياته بين نجرن ودله

بيته مقر اجواد ملفى مسايير=وأكبر دليل نشوفها بصورتن له

هذاك شوق الي تحط المناكير=كل العواطف بالخفوق رهفن له


((رد على الاخ \الشاعر عزتي بعزوتي في 14\5\1433هـ ))
هذه القصيده رد على عزتي بعزوتي عسى ان تنال اعجابه واعجاب الجميع
واعتذرعن القصور لاني كتبتها بوقت قصير على نفس الكيبــــــورد
!!!





يا مرحبا عداد مارفرف الطيــــر = واعداد من يقرا حــــــروف المجلـــــه

واعداد ماهبّة هبوب المعاصيــــر= واعداد خلق الله مــــن كـــل ملـّـــــــه

واعداد عيدان الشجر والنواويــر = وعد النجوم البينـــــــــات المطلـّــــــه

واعداد من يضرب بعيد المشاوير= واعداد رمل القــــاع والنبت كلـّـــــــه

بالشاعر اللي سطر القاف تسطير = اللي جزيل القاف يحمــــــل سجلـّــــه

قرمٍ شكا من ظيم حب الغناديــــر = يقول تلعات الرقــــــاب احبلــــن لـــه

يشكي هوى غرون نهوده مزابير = راعي جديلٍ فــــــوق الامتان فلـّـــــه

شقرن على متنين خله دعاثيــــــر= والقلب من همه بدافيــــــــه خلـّـــــه

يقول خلي دمر العقل تدميـــــــــر = وشيّــــد بوسط القلـب منزل وفلـّــــه

ياشبه صفرى مع عقيد المناعيـــر = فــــــوقه عقيدٍ والظفــــرعادتلـّــــه

(ياجا نهارٍ فيه شرٍ بلا خيــــــــــر) = ثم شاف زينات البنـــي زغرتلـّـــه

يصلها وايدوس وسط الطوابيــــــر = ياشافهن بشيالهـــــن غطرفلـّــــــه

سبحان ربٍ صور الزين تصويــر = حسن الوصايف في وصوفه تجلـّه

واقول رايي يازبون المقاصيــــــر= ادفع بها الاموال دقـــــــه وجلـّــــه

ادفع بها لو زوّدو باالمخاسيــــــــر = والرزق عند مكوّن الكــــون كلـّـــه

الحب له في داخل القلـــــب تاثيــر = قلب المولــــــــع لازمٍ يستحلــــّه

الخل كالملواح والقلب كالطيـــــــر = يفزبه وايعــود لـــــــــه مشفيلـّــــه

مالك ومال مكسر الهرج تكسيــــر = خبلٍ بليدٍ والبنــــــي ماضحكلـّـــــه

انار قيت الظلع مـــــره وتكريــــــر= ولقطت طلـــــع الظلع ورده وفلـّه

هذا قبل تبدي بوجهــــي مغاتيـــــر = يوم السنين بوجههــــا مسفهلـّـــــه

وأكد لك ان الحب يا مسندي غيــــر = راع الهوى يفدى بحيّـــــــه وملـّه

واليوم حان الشيب مابه معاذيــــــر = وقلبي هوى الخفرات ماهو هولـّـه

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري

هذه القصيده قلتهاعندما سألني احد الجماعه قائلاً ياخوي وش هاللي جانا رجليني
دايم حاره والله اني احيانا مانام من حرها قلت له من قولة عاد عيدكم قال لا كود
نتزوج نجدد الشباب قلت له الكبر ماله علاج قال وشي علامات الكبر ؟
قلت اسمع علامات الكبر فكتبت هذه الابيات وسميتها
طبعاً هي من باب المزح ونمون عليكم جميع نبي نلطف الجو
(علامات الشيخوخه)


علامات الشيخوخه قصيده مضحكه !!!

إليا قلب عارضك واحدودب ظهرك= واحــــترّت اقدامــك (وملوييك.....) طــــفــــا

اعرف ترى كثر السنين اللي هــجرك=هـــــــــذي علامة كــبر مامنها شفـــــا

تصيرعند الناس مقـــطوعٍ خــبرك = مثل الشجرة اللي على راس الشـــفــا

وعن المراجل كلها ادنى ماقـــهرك = البير يقـــضي مــاه ياوصـــل الصـــفـا

ويكثر ظلام الليل ياغيّم قمــــــــرك = كم سابقٍ ردّه عـــن المشــــي الحـــفــا

لاتحسب الدنيا لوحدك تحتقــــــرك = كم حطّـــمن دنـياك اعــزاز واشـــرفــــــا

اصحا تناظــــرللحلا لو هــو نظرك = لــو قا ل ناظـــر جــاي قـــل لالا كــــــفـــا

لاترقب المرقاب وايزود قهـــــــرك = ياصــرت ما تقـــــدر عــــلــيه اتـشرّفــــا

ولاتحمل الاثقال تقطع لك ظــهرك = وايقال ذا يحكــي ولكــــن مـــــاوفـــــا

اقعد وكثّر من دجاج الدانمـــــــــرك= واكمش بوسط البيت في ضـــل ودفـــا

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((مايكلـّفك الله الا ماتطول في 24\5\1433هـ))

مايكلفك الله الا ماتطول !!!


انت ياللــــــي مهنتك حش الرجول= كف عن لحم البشر يابن الحلال

مــــــــاخلقك الله لهذا يامهـــــــبول= للعباده خــــــــالقك رب الجلال

لاتجـــــــي لمروّج الفتنه رســــول= تحمل الاوزار وحمـــــولك ثقال

تحمل الاســـــــفار بئيسٍ للحـــمول= بئيس حملٍ صار لاصحابه وبال

ويش عـــــذرك عند ربك وش تقول= ياسألك الله عـــــــن خبث المقال

الذنوب ثقـــــــال والعــــــاتق ملول= وانت يامسكين شلت المسـتحال

شلت ذنبن يثقل امـــــــــتان الزمول= كيف يقدر عاتقك حمل الجــبال

مـــــــــايكلـّفك الله الا ماتطـــــــــول= جنب اعراض البشر مالك ومال

قول هذا فيه عـــــــرض وذاك طول= مــــــانت كامل بــــس لله الكمال

لاتسب الناس مـــــــن باب الفضول= وانت عيبك ساتره تحت الجلال

مشغلن نفســـــــــــك بقولت ذا يقول= وذا صحيح وذاك يكـذب بالمقال

وانت فيك مــــــــن المعايب مايهول= لكن انت اتشـــوف مابك مايقال

كل شخص محاسبن فـــــــي مايقول= عــــــند ربٍ سامعن مشي النمال

من غرس له غرستن يبي محصول= مـــــن ثمرغـرسه بمد الصاع كال

مار حـــــاول تتبع نهج الرســـــــول= وتـبـتهل لله خـــــــــــــير الابتهال

واطــلب الله المســــــــامح والقبول= خير لك مــــــن غرّت اولاد الحلال

وخل قلبك مــن غضب ربك جفول= خــــــــير قلبٍ منه يغـــــشاه الجفال

ذاك قـــلب الصـــــادق العبد البتول= خايفٍ مــــــن بطش ربه واستشال

يرجـــــــــي الله العفو وقت الذهول= فـــــــــي نهار الهول وانواع النكال

يامــــــزيغ عـــــقول ومثبّت عقول= ثـبّت الاقــــــــــــدام يامنش الخيال

يوم لاقــــــوه لنا ولا للعـــبد حــول= مـــايفــــيد العــــــبد كــــثر الاحتيال

[مشعل عسام التريباني]

بسم الله الرحمن الرحيم
http://www.nshama-shmr.net/up/uploads/images/ns-9367f1dcb1.jpg
الشاعر\ مشعل عسام التريباني الشمري
((وصفه ومنهج لعشاق القهوه 1\6\1433هـ))

وصفه ومنهج لعشاق القهوه !!!


قم سو مايقعد خـــوى دايخ الراس= بدلال رســــــلانٍ نظـــاف وربيبه

صفرٍ تقول من الجواهر والالماس= اشكالهن كن الجـــــــواهـــر طليبه

هدفٍ مشاربهن مثل لون الاقواس= فيهن لراع الصنف نضـــره عجيبه

احمس ولاحضها تر الكيف حساس= واحرص عليها من الحرق لايصيبه

واليا ظهر منها العرق فوق محمـاس= وســــــــــط المـــبرّد كبها عن لهيبه

ثم نق قشره واجدع النــــي والهاس= يامــــــا تســــــاوى مابها مـــايعيبه

واذا تيســـر نجـــر ياطيب الســـاس= دقـــــه وخـــــل الناس تسمع قنيبه

وان ماتهيّا نجـــــــر يالقــــــرم لاباس= استخــــدم الطاحــــون مــابه غليبه

وخذله مــــن الما يافتا الجــود مقياس= واركه علـــــــى نارٍ كـــــفينا لهيبه

ياما يفوح الكيف بارباع واخـــماس= ثم اجـــــذها من شان يركد سريبه

وبهـــر بهيل وخالطه زين الاجناس= من زعفران ايران حــط ابو شيبه

واستخدم المشــــخال ياطايل الراس= مـــــن شان مايوجـــد بها مايريبه

يبري خوى راسن مصدع ومنحاس= تبطـــــــي مطاليق الرجال تحكيبه

وصبه على اللـــي بالمهمات مدباس= اللـــــــــــي دروب المرجله تنلقيبه

كتبت لك وصفه مــن الراس للراس= عسـاك وصفت شايبك تعـتـنـيـــبه

ابيات شعـــــرٍ سطرت فوق قرطاس= فيها وصـــــــــــوفٍ للنشاما غريبه

فيها بيوتٍ للمشـــــــاكيل نـــــبراس= واللــــــــــي يريد المـرجله يهتديبه

الطيب موج وطالب الطـيب غطاس= والدر مـــــن غــــيهب ظلامه يجـيبه

والله قسم طيبه على اجناس واجناس= مالله كتب له شـــــــي من زود طيبه

وتمت وصلوعــد ماهـــب نســـــناس= علــــــى رســــــــولٍ واجبٍ نقتديبه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((ياجامع الاموال في 3\6\1433هـ))

0000 ياجامع الاموال هديه لكل بخيل!!!




ياجامع الامـــوال وعيالك جـــــياع= انفق ترا الدنيا مدى حبله قصير

جمعتها ماخــــذت منها ربع صـاع = كالنملة اللـــــي كل جمعه للبعير

انته علــــــى جمعه شــديد الاندفاع = وهي عند ربك ماسوت حبة شعير

الله خـــــلـــق دنياه للــــــعالم مــتاع = والا تراها ماســـــــوت شيٍ يسير

المال مـــــابه للفتــى طـــولة ذراع = ياصار خيره ماوصل كـف الفقير

انفق على نفسك ولاتخشا الضـــــياع = واعلم ترا ربك على رزقك قدير

وزك وتصدّق واعط قدر المستطاع= واركب مــدام الله معطيك الكثير

والبس وكل واسكن بمسكانٍ وساع = وفرشتك غيرها من الزل الشهير

ورعـيـّـتك خلك عليها خـــــير راع = ارحم صغيره واحترم منها الكبير

ابذل قبل مـــــوتك ووقت الانقطاع = عن عالم الدنيا وتسكن دار غـير

بالاخـــــــره ما شلت منها الا ذراع = ولايصحبك فيها صديق ولاشوير

اقرب قـــريب ابنك اليا حان الوداع = مـــــــــازوّدك مثقال ذره لو يطير

حطوك فــــي حفره تجي مقدار باع = يحضربها منكــر ويحضربه نكير

عرفت قيمة مالك اللي قلت ضاع = يدفيك بذلك عـــــن تجمّد زمهرير

وسفينة الصدقه يساعدها الشـــراع = وظل السخا به تستظل عن الهجير

ياجــــــــامع الدنيا تر الدنيا مـــــتاع = وهي عند ربك ماســـوت قيد البعير

لوكانت الدنيا بها خـــــــــير ورفاع = ماكان للكافر بها موضع ســــــــرير

ولو كانت الــــــدنيا تــدوم بلا انقلاع = مــــــــامات راعيها ولاعاش الفقير

ولاياخذ العصفور مــن عيش السباع = اصلا ولا حتى قــــــــــدر يرد الغدير

بس استمع لي زين واصغ الاستماع = واعلم ترا الصدقات تاقاك السعــير

[مشعل عسام التريباني]

تعلو اضحكو وستا نسو
ارجو عسى تنال أعجابكم
اخواني وأخوتي وعيالي وبنواتاتي
قلت هذه القصيده في احدا المنتديات
من اجل الضحك والمزح الهادف المفيد باذن الله
ابي اطلعكم شوي لجو الظحك والمرح
بــــــهالمزحــــــــــة الرزحــــــــــــــــــه
ار جوعسى تعجبكم وتحوز على رضاكم
اخوكم طلاع الزميلي
الشاعر الي يشارك دوم بالشعاره= ولايـرد ويبـي ردودوالنـاس تأتيلـه

ودك تصكـه علـى العلبـا مبـقـواره = وتنكلـه يابـو ثانـي خــوش تنكيـلـه

ودك تحده عل الفافـل علـى القـاره = واليث مشعل لامنـه راغـي يلويلـه

وسعيد يصفقـه لـه صفقـات جبـاره = وانهيـر الياوقفلـه هــد مــن حيـلـه

وعقعلأ اليامن فلت يكويه في ناره = وخيـالـنـا لـمـسـك عـلـبـاه يـاويـلـه


شكرا شكرا لك يابو طلال الله يطول عمرك على هذه الاثاره الشعريه الممتعه واشكر جميع الشعراءوالشاعرات الذين تفضلو بالمشاركه والذين تفضلو بالرد كذلك الله لايهينكم جميعا اما انا اقول

0000 اما انا اقول!!!

طلاع جــــاب المثايل واشعل انواره = ببيات شعرٍ بزري الماس منـــــــشوره

الله يجنبك سوالقول واضــــــــــراره = ياعيلم الشعربيطاره ودكـــــــــــــــتوره

تقول وين النشاما شــــــــــنو الغاره= علـــى الذي باخلن بالردوحضـــــــوره

يابو طلال البشر مانعرف اســــراره = بعـــــــض الاوادم تره ياخــوك معذوره

وانته فهيم واخبرك تجــــدع الشاره = واتعرف طب النفوس وتبخص الصوره

اشغال بعض البشر قشــــرا وجباره = دنيا بها معظم اهل القاع مامـــــــــوره

اسمح لهم كالمهادي في غلط جاره = تحمل المعضله فـــــــي ساعة الـــثوره

الله يضفي على الاجواد بســـــــتاره = والناس كلٍ يقـّــدم حســـــــب ميســوره

تحمل المعضله ياعمدة الحــــــــاره = يارمـــــــــــــــزالامجاديامسكه وكافوره

الله يعديك سو الوقت واخــــــــطاره = نفسٍ تحمل تره ياصاح ماجــــــــــوره

[مشعل عسام التريباني]

بســـــــــــم الله الرحمـــــــن الرحيــــــم

الشاعر\ مشعـــل عســـــام التريباني الشمــــري
((ممدوح))
هذه القصيده هديه
للبناخي ممدوح فرج الشمري


0000ممدوح فرج!!!

انت يا ممدوح حصلت المديح مــــن الخوال = وانت تستاهل مديحـــــك لعلك مـــــــــاتزول

وانت شبلٍ مـــــن عرين اسود ما فيها جدال = الجبــــال العاليه مرباك مــــــا تنزل نــزول

فزقلبي فــــــي هد يتك ياواف الخصــــــــال = فز قلبي بالهديه عســـــى عمرك يطــــــول

هكـــــذا لابطال تبرك مباريــــك الجمـــــــال = اللوازم دايمٍ بـــــه يبينـــــون الزحــــــــــول

به يبينون الرجال اللــي يشيلون الثقــــــــال = والثقايل دومٍ مـــــا شالهاء غــــيرالزمـــول

كـــــل طيب يادنا للحمل والاثقال شــــــــــال = والـــردي تلقاه دايـــم مـــــن الفزعه ملـــول

وانت طيبك لي وانا افخرفيك ياجالك مجــــال = افتخربك ياعرض طاريك بالمجلس واقـــول

كاملٍ بالمـــــدح والفزعــــه وللله الكمــــــال = طيبٍ مــــن طيبنٍ يشيلـــــــون الحمــــــــول

فرحتي فــــــي فزعتك مــــا توصف بالخيال = لأني افرح في صديقي الـــــــى جاله فعـــول

وختمها مشكور ياجـــــزل الهديه و الفعــــــال= يا بعد مــــن يجمع المال ويبيــــع الأصــول

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
(الكنق 6/18/ 1433 هـ )

0000 الكنق!!!

يامــــرحبا ياحاكم الشـــــعر والكــــنق= انا اشهد انك كبتن الشــــعر كنقه

كبتن شعر يزها علــــى صدرك الونق= تزهــــاك تيجانه ويزهاك ونقه

لا يابعـــد مــــــن يشنق المفرده شـــنق= يموت في حوس المثايل وشنقه

ياشوق من تزها الجواهــرعلى العنق= يلوق ملـــــبوس الجواهر بعنقه

وصـــــــيتنــــي تقول للمفــردات انق=نق القوافي واوزن الشعر وانقه

وانامانــــــي من يخنق المفــرده خنق= الياكـــتبت الشـــعر ماحب خنقه

ازن قوافــــيّه كما وزن ســـــــــبرنق= اجــيد نظم الشــــــعر لوفيه زنقه

شاعر واصوغ الشعر بالشكل والرنق= ياحلو نظم الشــــــعر شكله ورنقه

اقبل سلامـــــــــــي واقبل الرد ياكنق= ياللي زهاك الشــــعر تاجه وونقه

ياكبتن الاشــــــــــــعار يزهالك الونق= عزالله انك كبتن الشــــعر كنقه

[مشعل عسام التريباني]

ياهلا والله بالغالي ابو طلال
والله انه مثل يوم العيد
الساعة الي شفناك بها

اخوكم مشعل عسام التريباني الشمري


0000 ياهلا ياهلا والله باسم ابو غازي صاحب القلب الحنون!!!

بسم ابو غازي سقت ترحيبي الحار= ترحيبن ا حلـــى من حليب المتلي

يامــــــــــرحبا حييت تكـــــرارتكرار =عـــــــداد ماسار القلم بالسجلي

واعدادماتزهرمـــــن الغيث الازهار= وعـــــــدادنجمٍ في سمانا مطلي

واعدادماعاش السمك وسط الابحار= واعـــــــــدادخلق الله دقٍ وجلي

واعدادمايهطل من المــــزن مدرار= على الرياض الممحله يستهلي

واعداد طيرٍفــــي محيط الفضا طار= ترحيبتن مــــن خاطرن بك يهلي

رحب بك الموقع كــــبيرين وصغار = ونفرش لك الصفحات وردٍ وفلي

ربعك بني عمك صليبين الاشـــوار= فـــــــي عودتك يالقرم كله تهلي

يامــــــــــرحبا مليون ترليون تكرار = ماكـــبر المسلم وصلى المصلي

قلته نيابه عــــــن طويلين الاعمار= اللابة اللــــــــي يلحقون المتلي

عــــــــن لابتي شمربعيدين الانظار= هل الصـخا يوم الزمان المقلي

ربعي وربعك متعبة كــــــب الامهار= اللابة اللـــــــــي جعلها ماتقلي
تحياتي للجميع منت عليكم
بهذه الابيات المتواضعه
فرحة بعودت ابو طلال

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((اقود السفينه وارجي الله نجاتها = لعلها ترسي بعال الطور)(في24\6\1433هـ)


0000 اقودالسفينه وارجي الله نجاتها = لعلهاترسي بعال الطور !!!


قال الذي بالقاف هاضة قريحته = يلقط دررمــــن مظلمات بحور

اخــذ نوادرها واخلــــي هزالها= مانــي على هزل المثل مجبور

اقودالسفينه وارجـــي الله نجاتها= لعلهاترســــــــــــي بعال الطور

ياسامعين الشعرصلو على النبي= نبـــي نسمّعكم مــــــن الميسور

تروحلات الشعرنصحه وحكمته= يبقـــى ولو مرت عليه اعصور

رافق تقـــي النفس واسعد برفقته= عليك فــــــي عدالروى الماْثور

وترالحــــــنادي عشها به حنادي= والصقرمن عشّه يجيك اصقور

واليابليت بعاقتن مـــــــن قرابتك= حـــــاول تحمّـل غلطة المثبور

اصبروتوجــــــرقد ماتقدرالصبر= تفــوزبالعليا لنفــــــــخ الصور

صبرك على عوجا رفيقك رجوله= وترا رفيقك ماعنه مذخــــور

وترالرجل يصبرولو زادحمله = ولايد رك العلياقصــــــــيرشبور

هذي وصاتي في بداية كلامـي = الرجل مــن طبعه يجـــي صبور

والثاني اللي ينقل الهرج جنبـه = اللي على اعراض البشر جسـور

اذنه مصاوغها لسمع النميمــــه = كـــــلبٍ على اعراض البشرمسعور

وعينه على غلطات غيره بصيره= ويفكـــــران عيون غيره عور

فصـــــــــيلتن لاكــــثر الله شكلها= ياصــارماله بالجميل حضور

عســــــاه مايكثرمع الناس شكلهم=حصــــانين لبست جلود نمور

اخـــــر زمنـّا صار للنيص والثعل= على الاسد سيلن يسيل حدور

لاخـــــيرفــــي دورن تميـّزثعالبه = والحــر يركب ماكره عصفور

اشــــوف الحرار الشقرجوّد وثاقها= ومكــــــتفه ومجـــوّده بسيور

حل بمحل الحـــرالاشقـــرغـــرابها= ينعق ويحمل بالجناح شـــرور

يحمل ظليمه للحـــــــرار الجوارح= واقول له يغراب يكفـــــي زور

نبينا يغــــــراب وصّـــــا بكـــــتلك= هومن متــى يغراب جالك دور

فاسق مــــــن السبع الفواسق نعدك= وتقديمتك يغـــراب ظلم وجور

بينك وبين الحــــــر فــــرقٍ شاسع= كالفرق بين الخصب هو والبور

تراخصيب الارض تزهر زهورها= والبور لو تمطــر محل وادهور

والعوشــــــــزه ماينزل الحرفوقها= مابه ظـــــــلال ولاتقيك احرور

وخيرالرجال اللي يحاسب ظميره = ويغضـــي ولاهو يكشف المستور

ويسكراذنه عن سفاسف هلا الخنا= والنفس ينقذها مــــــــن المحذور

ويحفظ لسانه والمسامع يصونهــا = ويرفع رجـوله عن خشاش جحور

واليا سمع له ضايعٍ جاب ســالفه= يقــــــول له وقّـّف ترك مخبور

وفـّركلامك مانبـــــي لك سوالف= وتراك عــــــندالمجتمع مهجور

حنا نخاف الله ونرجـــــــي ثوابه= اصـــــــــــحا تكلم وانكتم ياثور

اقلع محشـــــــك عــــندنا لاتجيبه= منشارك اللــــي يقطع الحنجور

مالك سوى الحقران ياشاذب القفا= وعن المراجل ساعدك مقصور

قوم انقلع لاعاداشــــــوفك تمرني= انت الذي يستبعدك مــــــاجور

لانك من اللـي طبعهم حشت القفا= ونقل النميمه به بنيت قصــــور

ناسٍ تفــــــــــرق بين خل وخليله= علـــــــى النميمه يعتلون الكور

انا هلا النمات ماحب شـــــــوفهم= وبيتٍ يرودونه مهـــــو معمور

حيث انهم عاله علـــى كل مجتمع= كالحنضل اللي يكتسيه مــرور

لارايحــــــةٍ زيــــنه ولالذ تن بها= علقم مــــــراره يشلق الحنجور

وتمة وصلى الله وسلم على النبي= عداد مـــــــــــاجر القلم بسطور

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((اليتمان))((في26\6\1433هـ))

0000 اهدى لليتمان بمناسبة زواج ابنا الاخ سطم بن فهد الخليل!!!

الا ياهجوســــــي حضّري نادر القيفان= تنقــــي بيوت الشعر واخذي فرايدها

تنقي لــــــي الجزلات في حفلة اليتمان= هلا الفعل فـــــي مرالسنين وشدايدها

هلاالحربه اللــي ضربها يبهر العدوان= يوم السنين اللـــــي عســــيرٍ مكابدها

يوم انها بالرمح ومصارع الفـــــرسان= عــــــــــدوهم مــــــرالخساره تكبّدها

عــــــدوهم يرجع من المعركة خسران= يجــــــــرالهزيمه والمحاصيل فاقدها

افعالهم مــــــايجهله كاينن مــــــن كان= افعالهم حتـــــــى العدى من شواهدها

من عرض من يشهدلهم مقدم العجمان= بقصيدتن محدٍ مـــــــن الناس يجحدها

ذلوله اللــــــي مرسله لين جت برزان= تحمل عهـــــــودٍ لخــــو نوره مجددها

بدّاه قـــــبل العم والخال والاخـــــوان= ببياته الــــي كل حــــــــيٍ تعاهــــــدها

يقول سلم لـــــي على مقدم الشجعان= شـيخٍ ارقاب القوم با السيف يحصدها

سلامه لزومٍ قبل قا صي وقبل الدّان= شــــــــيخ رقا باالمجد والخافيات ادها

زعيمٍ عديمٍ راهـي الباع عال الشان= سيوفه علــــــــى العدوان دايم مجرّدها

ســـجل له التاريخ مـــايذهل الاذهان= حـــــــــقايقٍ لايمكــــــــن الناس تفقدها

ماهـــــــي سواليفٍ تقبسن بلابرهان= صــــــــمايلٍ محدٍ مـــــن الناس ينقدها

واناافتخـــريوم اكتب الشعرباليتمان= ابي اجمع الجــــــــزلات فيهم واجندها

حملت التهانـــي بالنيابه عن الدهمان = با ابياتـــــــي اللي با اجمل اللول اقلدها

وابي السموحه كان جا باالمثل نقصان= باشعاري اللــــي لاجلكم جيت حاشدها

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((قلّـّة التمييزللجاهل مصيبه في 30\6\1433هـ))


0000 قلـّة التمييز للجاهل مصيبه!!!


ول ياخطو الرجل مردى نصيبــــه =نــــــافخٍ نفسه علـــــــى قلـّة سنعهــــا

قلـّة التمييـــز للجاهــــل مصيبــــــه =عـــن هزيـــل الهرج نفسه ماردعهـــا

كل مايطري علــــــى بالـــه يجيبه =والنصيحه لــــــو تقدّم مـــاسمعهـــــــا

ينظرالعالــــــــم بنظراتٍ غريبــــه =وايتشدّق في علــــــو من مبتدعهــــــا

دايمٍ عينه علــــى عوجـــــــا قريبه =عن صديقه كل غلطـــــه مارفعهــــــا

له حصانٍ صدق يامحــــلا هذيبــــه =وكل روس القـــــــوم في سيفه شلعها

فارسٍ با الحكــــي وافعاله رهيبــــه =بالحكي كـــــــــل الاوادم يبتلعهـــــــا

وان بغيت الصح مايســــوى زبيبه =حنظله والحنظلـــــــه محدٍ بلعهـــــا

كل علــه كـان مـــــايوجد طبيبــــه =لازمن تذبح اليـــــا طــول وجعـهـــــا

صدق بعض الناس مايربح شريبه =دايمن نفسه علــــــى العالم رفعهــــا

لاتحسب الطيب ياتي بالغصيبـه =يحصد اثمار المراجل من زرعهــــا

وانت مالك بالعلوم اللي تجيبــــــه =في محل الجود نفسك لاتضعهـــــــا

والمواقف لــــه زحازيحٍ مهيبــــه =والرجال اهل الصخا تر مانت معها

انت هرجك فيه شك وفيــــه ريبه =ومن رفع نفسه تر ربك وضعهــــــا

انزل انزل تحت عن راس الجذيبه =ولا تكشّر فـــــــي سنونك نقتلعهـــــا

ياهرجنا هرجنا حكمه وهيبــــــه =ومن يسولف سالفــــــه مانقتطعهـــا

والسواليـــــــف الهزيله مانجيبـــــه =وهرجتي دايم تشوق من سمعهـــــا

والخرابيط الهزيلـــــه مانحكيبـــــه =ولا هرجت بسالفه ماعرف سنعهــا

هرجتي وسط الرجاجيل اعتنيبــــه =لايجيهـــــا ضايعٍ ثـــــــم ينتزعهـــا

وانت عنّ حصانك الله لايجيبــــــه =واردع النفس الشقيه عن طمعهــــــا

[مشعل عسام التريباني]

بسم الله الرحمن الرحيم

هذه القصيده اهدا مني للاخ العزيزاللوىفهدبن حمدي السحالي الحربي ابوخالد ارجو ان تنال اعجابه والمعذره من القصور والله لوكتبت فيك دواوين لم اوفي حقك يابو خالدعلى مابذلت من جهدمعي يوم جيتك لابن اخي بيض الله وجهك

الشاعر / مشعل عسام التريباني الشمري

( (السحالي))


0000 السحالي!!!


ياهل الرتب سوّو سوات السحالي = جودو مثل جوده وسوّو سواتـــــه

سوّو مثل فعله كريم السبالــــــــي= خوذوصفات المرجله من صفاتـــه

للمرجله يرقا بروس العلالــــــــي = متخيّرٍ راس القرا عن وطاتــــــه

حاش المراجل دقها والجلالـــــــي= هدّاج تيما ماتونّي رواتـــــــــــــه

ماغرّه المنصب بكبر وتعالــــــــي = متواضعٍ لله بعقل وثباتــــــــــــــه

عذب السجايا كالقراح الزلالــــــي = قليل والله بالبشرمثل ذاتـــــــــــــه

ياعل عمره مايجيه الزوالــــــــــي = وياعل مايفعل يزيد حسناتـــــــــه

وياعل يفدونه رخوم الرجالـــــــي = اخباث الانفس جعلهم من فداتـــــه

امعربٍ مابين عمٍ وخالــــــــــــــي = وامعرب الجدين هذي سواتــــــــه

يرضي خويّه والصديق الموالــــي = عند اللوازم ماتكشّر شفاتـــــــــه

يستقبل العاني بحسن القبالـــــــــي = ويعط العطايا مايدوّر جزاتـــــــه

نرفع له البيضا بروس الجبالــــــي = ويدعي له اللي ساجدٍ في صلاته

هذي سوات الي للامجاد نالــــــــي = وصيّة الوالد يجوّد وصاتـــــــــه

وصاك ابوك اجمل صفات الكمالي= وانته كفو للطيب تحمل صفاتـــه

وصاك ابوك الطيب في كل حالــي =وانا اشهد انك كفو تحفظ وصاته

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((في 9\7\1433هـ))

0000 ياقلب!!!




ياقلب حذرى من هجوســـن تلاعبك= تر كــــــــثرت التفكــــــير يقلع مداكا

تر كـــــــثرت التفكـــــير ياقلب يتعبك= حتــــــى يوصل فـــــيك حد الهلاكا

يامــــــن شــــــر الناس ياقلب جــنبك= تحـــــمّد اللــــــــي من بلاهم حماكا

ياقلب لاتحسب الهــــــواجس تداعبك= عــــــوذ من الشيطان ماللي دهاكا

وعما يريب النفس نزّه شـــــــواربك= يرضا علــــــيك الله وتغضب عداكا

الناس لو تقدرعلــــــى شـــــي تنهبك= تلقا اكـــــــــثر الحساد يركض وراكا

لولا قفص صدري عن الناس يحجبك= يمكن تطـــــير وكيف ابا احيا بلاكا

احذر مـن الوســـواس ياقلب يصحبك= ان لنت للوســــواس يصعب دواكا

ابليس ودّه يبعـــدك عــــن قــرايبك= يبـــــي يســــوقك لين يقطع ظماكا

لاتطاوع الشيــــطان ياقلــب يركبك= تر صحبة الشــــــيطان فيها عماكا

الياتو حّــدبك عـــــــن الناس يعطبك= لو تطلب الرقيه عجــــــز من رقاكا

تعوذ الله مــــــــنه واحــــذر يــواكبك= ازبن علــــــى ربن بخيره حواكا

مـن غير رب البيت يدفع مصـايبك= ومن غيره اللي كل خيرن عطاكا

يارب لاتقطع رجـا مـــــن يلوذ ابك= انت الكريم ولا خســــــر من رجاكا

ماخاب مــــن يرفع كفوفه ويطلبك= ولاخاب من يرجـــي مكارم عطاكا

ولاخاب مــــن يسهــر لياليه يرقبك= يلوذ فـــــــــي عطفك ويخشا شقاكا

وياويل مــن يامن بلاوي مغاضبك= خاب وخســـرعبدك اليامن عصاكا

سبحانك الرحمن ماجملك واقربك= للـــــــــي رفع كفيه يخشــــــا بلاكا

يرجيك غفرانك ويدرى عــــواقبك= متجـرّدن مــــــــــن كل حيّن سواكا

اعوذ بك مما يغيضـــــك ويغضبك= يارب تمنحنــــــــي حلاوة رضاكا

عسى يدينــــــي مايفكن مقاضـــبك= وعساي فــــي وجهك وداخل حماكا

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

عبدالكريم الجربا (ابو خوذه)في13\7\1433هـ

0000 الشيخ عبدالكريم الجربا (ابو خوذه) يرحمه الله !!!

مرحوم ياشيخ الكرم منبع الجـــود= عبدالكريم اللي حوى الطيب كلـّه

احتل كل المجــــد واللـين والكــود= واحتل كل الطـــــــيب دقه وجلـّه

الشيخ ابو خوذه ذرى كل مضهـود= كم كـبد عطشانن عطا الشيخ بلـّه

شيخ الطنايااللي كما شامــخ الطـود= شيخن ســــوات الجدي كلن يدلـّه

كفه بحريعطـــــي بلاقيس وحـــدود= مهــــــــو تصنـّع كل بذله جــبلـّه

يعطي ولا حسّــب لنقصــن ولازود= حتى الكحيله با الطلب مرخصلـّه

ضرغام حـلال العســــــيرات بالود= صمــيدعن صعب البلاوي يحلـّه

عدالروى اللــي با المهمات معهــود= جزل العطايا والكــــــرم عادتلـّه

منه الصخامخلوق والعلم مـــــردود= دايم مــــــلازمه الصخا مثل ظلـّه

ويوم انها في وقت طارد ومطـرود= كم شـــــــيخ قومٍ بالمشنشل يشلـّه

واليا وقف تاقف له اشبال وفهـــود= وصـــدرالشهامه والكرم مستحلـّه

كم قدمت يمناهـ مـــن فطــرن قود= ينفق ولايخــــــشا مـــــن القل للـّه

الله وخلق الله علـــــى بذله شهــود= له مجلســــن مــــــن يدهله مايملـّه

عدن على ماقيل واضح ومـــارود= مـاحسّــــب المــــدات والمال غلـّه

شيخٍ وريث اشيوخ والهرج ماكود= وخـــــيرهـ ظفا الجيعان في مدتنلـّه

كف الندى بحرالعطا معطي الزود= مـــــــن مــدته يغني النفوس المقلـّه

يفداهـ مــــن يكـــنزللاموال وانقود= شـــــــــيوخ الدراهم جعلهم فدوتلـّه

وصلات ربي عــــد ماذعذع النود= واعـــــداد ماخط القلم فــــي سجلـّه

وماناحة الورقا علــــــى ليّن العود= علـــــى الرسول ومن تبع سيرتلـّه

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((توقع توقع)) في 18\7\1433هـ


0000 توقــّع توقـّع !!!

توقع توقع وانتبه واحـــــــفـظ ايمانك = ولاتجعل الشيطان يلقامــــــداخـــيله

لاتطلق نظرعينك على باب جـيرانك = ترابليس ياطعته رمـــت بك محابيله

تعززلحالك كان طاوعـت شيطــــانك = يحمل عليك العفش وايقول لك شيله

يحطك سفينة شحــــن وابلـيس ربانك= وسط البحــــر عليك يزعج مـواويله

وايحملك بالــذنب ثم يلجم الســـــــانك = واليا ولاك ينكــــــلك شـــــــر تنكيله

الله يقول احفظ جــــوارحــك واركانك = ولاتفكـّـــرتخـــــــــدع الغير باالحيله

واصحابعرض الناس لاتطلق لســـانك = عيبك كــــــثير وعين غيرك تراعيله

لاتاكل لحم حرجه ولاتلوث اســـــنانك = ومن ياكل الحــــرجه من النار ياويله

واصحا قليل الدين لايقـــرب اوطــانك = تبعّد عنه واحـــــذرتقـــــرّب مداهليله

وترصحبة اهل الدين به يرتفع شـانك = يكفـــــي منه ركعه وسجــــده وتهليله

ولبوك ليّن جـــــانبك واخفض امتانك = وتذكـّرانه لاجل عــــينك سهـــــر ليله

والوالده لو تعطيه دم شــــــــــــريانك = ماوافيت فــــــــي حقه لو القلب تهديله

ورفيق الرخاياحتجت والله فـــلاعانك = فــــــــي حزت الشدات تقضي دهاويله

صديق الرخامنه المذله وحقـــــــرانك = ينحاش عـــــنك اليا حصل بالدهر ميله

ياحتجت له يقول مانـــــي من اعوانك = دورولدعـــــــمن مــــــــن الناس تلجيله

[مشعل عسام التريباني]

ب
سم الله الرحمن الرحيم
الشاعر\ مشعل عسام التريباني الشمري

قصيده بالجار محمد بن نحو القطيبي الغريري الاسلمي عندما رحل من الرياض الى محافظة الشنان
فنحن لجيران فقدناه حقيقه لانه شروى الجميع لحيتن غانمه وجار عزيز على الجميع وعندما رحل
حقيقه ضايقت وكتبت هذه الابيات ارجو ان تحوز على رضا الجميع وهو يستحق الكثير
في15\7\1433هـ
0000 محمد بن نحو الغريري الاسلمي !!!


عــــز الله انا يامحـــــمد فقــــــــدناك= ليتك بقيت وشــــــد يالقرم غـيرك

والله لو طال الدهــــــر مانســـــــيناك= يالنادر اللـــــــي ماتضايق قصيرك

الله يكثـّر بالبشر مثل شـــــــــرواك= والله مــــــن شـــــر الليالي يجيرك

الله يابو حاتم مـــــن الشــــــر ياقاك= ياللي على درب الرجوله مسيرك

اناشهد انك واجـــــــداتن مــــــزاياك= يصعب على الشعار شرح اتعبيرك

فتحــت بابك للمســـــايير تنصــــاك= عســـاه يكثر يفتى الجود خـــــيرك

عـــــز الله انك غالين لاعــــدمــناك= وانا اشــــــــهد انك ماتكـدّ رعشــيرك

تفز فــــي وجه المســــير اليا جـــاك= وحكيم راي لمن يجي يستشــــيرك

تحط جــــــارك مثل دانــــــي دناياك= كنه بمالك يالقطيبـــي خشــــيرك

دايم بوجه الجار يضحك محــــــياك= ماطلـّعة طــــــول الليالي حفـيرك

عـــــد الروى هــــداج كلٍ ورد مـاك= وهمال غــيثن ماتغـثبر غــــديرك

عسى طريق الخــــــير دربك وممشاك= وعساه يلفح في فضا الخير طيرك

ياعل رديان العرب تحـــــت مـاطاك= يامرخصن للجار من زين ميرك

ياللـــي قصيرك كل عمــــره تمـــناك= ربيع قلـــب الجار ينعـش عبيرك

عزالله انـّا يالقطيبـــــي خســــــرناك= ليته رحل عنا مــن الناس غيرك

لكن عزاي انك على الدرب وانصاك= وانت اعتبرني يابو حاتم سفيرك

[مشعل عسام التريباني]

بسم الله الرحمن الرحيم
هذه الابيات هديه للاخ الغالي الملازم عبدالله سعود العنزي ارجو ان تنال اعجابه والله لو كتبت الدواوين ماتوفيه حقه ولكن تعبير واظهار لمعروفه علي
(( اخوك مشعل عسام التريباني الشمري))

0000 اهداء للأخ عبد الله سعود العنزي!!!

لاهنت ياساس الوفا منبع الطـــيب = لاهان راســـــــن للمعاريف نايل

عبدالله بن سعود زبن الاصاعـيب = من روس قومن يكسـبون الجمايل

حرن تعلّـّى فوق روس المراقـيب = متسلسلن مـــــن ذروت اولاد وايل

مهي غريبه ياحصان الاطالــــيب = انت الاصيل ومـــن سلالة اصايل

وانتم هلا الطولات مهـــي تكاذيب = ترتيبكم بالطــــــيب ظمن الاوايل

منكم مصوّت بالعشا بالمراقـــــيب = يوم الســـــــنين المغبرات الهزايل

ومنكم عقاب مأدب الخصــم تاديب = عقاب شــــــوق منقضات الجدايل

ياجا نهارن والدخن كنه الســــــيب = كم خيـّرن راســــه من الشيخ مايل

يفدى بروحه دون زمل الرعابــيب = في ساعتن فيها يصــــــير الهوايل

والجاريلقاعندكم زود ترحـــيــب = انتم ظلاله عـــــــن سموم القوايــــل

غمرتني بالطيب ياراعي الطــــيب = ياكاســــب الناموس راع الفضايل

[مشعل عسام التريباني]

بسم الله الرحمن الرحيم
الشاعر / مشعل عسام التريباني الشمري
ساهر الشعار رقم 3
لقيت البليهد باحد المنتديات مسجل علي انا وطلاع مخالفه (لفضيه )(املائيه)فكتبت هذه الابيات ارجو ان تنال اعجاب الجميع

0000 ابيات مضحكه (انا لقيت بن بليهد في احدالمنتديات وكتب علي مخالفه انا وطلاع وكتبت هذه الابيات)اسمعوها!!!


ساهرالشعارخل العود يقمزكل جرف بكيفه = ركب اللوحات للشــــــيبان وصحا لاتسجل بالبيان اسماهم

لوحة الشـا يب تراها قا بله للقمزوالتوليفه = دبلوماسيه ويمشي به على ماقيل واهل الشان مايخشاهم

دبلوماسيه ويمكن تقبل التمد يد والتحــريفه = وانت رجلٍ للدروب المستحيله والاموراللـــــي نقوله فاهم

شايبك طلاع هوو العود الاخرمنك فيهم خيفه = خا يفينك تلقط اللوحات بالصــــــوره وترسل بالبريداخطاهم

اترك الشيبان ياساهرولا تعمل لهم تكسيفه = لاتزيدهمومهم وتدورالغلطه وتلبد بالطريق وبالجزى تدهاهم

وكان ماجنبتنا والله كـــود نحلفك تحليفه = لين تبعد عن طريق الشا يبين ولا تعرضهم ولوبالكامره تلقاهم

كل ليله في منامي ساهر الشعارزارن طيفه = يالله ان الشايبين بذمتك يالمعتلي عن ساهرالشعار
لايبلاهم

[مشعل عسام التريباني]

اعتذار اخو دعجه

0000اعتذار اخو دعجه !!!


يا مشعـل أعذرنـا علـى كـل مـا صـار= حــنــا تــــرا شــعــار قـلـطــه تــرانـــا

وايات شي ايمـر مـن عـرض مـا دار = نشـتـك بــه لــو كــان مـاهــو عـلانــا

صحيـح فينـا ميزتـن وســط الاشـعـار = انّــــا نـطـلّــع كـــــل شـــــي يـخـفـانــا

والغلطـه اللـي جـات علـيـك يــا جــار = اسمـح لنـا .. فيهـا ضـعـف مستـوانـا

انتـه مـن اهـل الـدار وامعـزب الـدار = وحـنـا ضيـوفـن مــا عـــرِف مبتـغـانـا

ياجـار أدمــح زلّــت الـجـار لــو جــار = مـــا أعـيـدهـا والله عـلـيـهـا عـطـانــا

عرفك وعرف أخواني اطوال الاشبار= والــلـــي يــدورنـــا بـطـيـبــن لــقــانــا

والحيـن اعذرنـا علـى كـل مــا صــار = ولا فـيــه شـيّــن كـــل ابـونــا خـوانــا


ردي على اعتذار اخو دعجه لانه غلط علي واعتذر بهذه القصيده ورديت عليه قابلا اعتذاره :

الشاعر\ مشعل عسام التريباني الشمري

0000 ردي على اعتذار اخو دعجه لانه غلط علي واعتذر بهذه القصيده ورديت عليه قابلا اعتذاره :!!!

معذور يالصاحب على كل مادار = وحنا نكرّم كل شخصٍ نصانا

اناواياك احرار مــن ماكر احرار = وعن الهزيله عالين مستوانا

وانا واياك اخوان مابيننا اعذار = عذرك قبلته ياسليل الحـــصانا

الله يعدينا تصـــــــا ريف الاقدار = والله على الطاعه يسدد خطانا

وانا تراني مادري ويش الاخبار = للان متلـــــــخبط واريد البيانا

واناعلى الزلات بالحيل صــــــبار = اسامح اللــــي زل زلة لسانا

اما الـــيا صــــارالخطا فيه تكرار = لاوالله الا يعتلـــــيني جــــنانا

واجنب البارد واوطي علـــى الحار = ايديننا خلقة لخدمة لحـــــانا

ياجا الخطا تكرار وامرار وامرار = ندوس راس الداب كانه نوانا

لامــــــاخلقنا للاهــــــــانات ياجار = الله خلقنا عــــا ليا مسوتوانا

مانختفي بالفــــــي ياصار ما صار = ندمي مخا لبنا وندرك عشانا

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

ابيات كيبورديه سريعه استقبال للاخ الغالي عبدالعزيز البليهد

ساهر الشعار الله يحييه امل ان تنال اعجاب الجميع الله يستر من الجمشات

والله اني قعدت ارتعد كان ماجبت العيد هههههههههه

((ياهلا ياساهر الشعار)) في 12\8\1433هـ

0000 ((استقبال للاخ الغالي عبدالعزيز البليهد))!!!


ياهلا ياساهـــــر الشــــعار حــياك الله = مــــرحبابك يوم ربي يالبليهد جابك

مرحبا بالشــعر وانواع الـفوكاهه كله = مــــرحبا ياساهر الشعار بعد غــيابك

اسفرت ثم انورت ثم امطرت ثم هلـّه = ياهلابك بين ربعك عـزوتك واحبابك

مرحبا يامـــــرحبا ياحـــــي تلك الطلـّه = طلتك ياحلـــــــوها ياكبر فرحتنابك

مرحبابك عد مــــــزنٍ كل روضن بلـّه = يوم جـــــيت المنتدى نوّر ورحبنابك

عندنا لك عودن ازرق مع قدوع ودلـّه = الشحم والعود الازرق حشمتن لاشنابك

بس تكفا جمشــــــــــة الشيبان لاتفطلـّه = والله انا خـــــــايفينن لقطتك واعتابك

لو تشوف العود يقمز صــد عنه وخلـّه = صــد عن شايبك ياساهر وهد اعصابك

كل لمعة كـــــيمره عودك يصيبه خلـّه = خــــــايف انك تلحقه بمقدّمت مشعابك

انت حــــــــرٍ يالفح كل الفضا يحتلـّه = كل جـــــزله يالبليهد يشعطه مخلابك

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((شهر الصياما ))في 17\8\1433هـ


0000 (استقبال لشهر رمضان المبارك )


هلا حييت ياشهـــــر الصياما = ياشهـــــر الخيروانس العابدينا

عسانا ندركك في كل عامـــا = وعســـــــانا فيك ظمن المعتقينا

وعسانا نجـــتهد بك با القياما = وعســـــــــــانا فيك لله مخلصينا

وعســـانا مــن رفيعين المقاما= وعسانا فــــي رضا الله مكرمينا

رضاك ارجوه يامحي العظاما= إلهــــــــــي ياملاذ الخـــــايفينا

يارب الكــــــون سلـّم ياسلاما = فنحن يالكـــــــــــريم مقصرينا

خـــــطايانا مع المــــــده تناما = نمـــــــــت وذنوبنا ثقلت علينا

رقــــــــدنا وانت عينك ماتناما= وســـــــــــترك عم كل الغافلينا

يارب الــــــبيت يامنش الغماما= عســـــانا فـــــي كنفك منعّمينا

ومــــن يلجي لعفوك مايضاما= وعـــــــــفوك عم كل التايبينا

الا يالله فــــــــي حسن الختاما= اليامنـّا مـــــــن الدنيا فــــنينا

اليامنـّه تدالتنا الســــــــهامــــا= وتركنا امـــــــوالنا للوارثينا

الياعـــرضت صحايفنا القداما= عســـــــانا نستلمها بااليمــينا

عسا بكــــتابنا برد وســـــلاما= ونفرح بالكتاب اللـــي قرينا

وننزل فيه منزال الكـــــــراما= بمنزالٍ يســـــر الناظـــــرينا

بوسط الخلد من ظمن الحشاما= مع الابرارفـــــــيها مخلـّدينا

وبها نقتات مــن حلو الطعاما = ونقطف وردهــــا والياسمينا

وتنجينا اليا حـــــــــل الزحاما= اليا وصل العرق حد الوتينا

يارب البيت في شهر الصياما= تزيل اذنوبنا اللـــي كد جنينا

وصلاتي عـــد ماناح الحماما= علــــــى محمد امام المرسلينا

[مشعل عسام التريباني]

بسم الله الرحمن الرحيم
هذه قصيده للاخ فريج بن عبدالله التريباني ابو فيصل
((يقول ابوفيصل)) في 20\10\1431هـ


ودي بحائل مار مافي يدي شي = الجيب فاضـــي والزمالة رديّه

وخرميط مايطلع بعيدٍعن الحي = واسم السفربالحيل صـعبٍ عليّه

ولادار نسكنها الى جيت في طي =ولاني لحالي يتبعن لـــي سريّه

للمعلوميه خرميط موتره سبرمان خربان يطفي عن كل اشاره

( وهذا مردي عليه)

0000 ابيات من الارشيف القديم


يفريج قافك حرّك الهاجس الحـــــي = بانت هجوسٍ مسمــلاتٍ خفيّه

اشوف صدري ضاق واقول وشفي = ودي بشــــــيٍ مــــاتطــوله يديّه

شمّة هواء حائل وشوفة جبل طــــــي = اغلاعلـــي من شوفة الفيصليّه

لو مانذوق الابها بارد المــــــــــــي = ياحلو مسكانه وطــــــرقوع ميّه

عيني بصيره مار مال الدهربــــــي = واللي تريد النفس صعبٍ شويّه

ياصرت ماتقدرعلى شــــــــي ياخي=الصـــــــبريامشكاي ما فيه زيّه

الصبرمفتاح الفرج يابعدحـــــــــــي = الله وعـــد باالصبرصحبة نبيه

واكثر هلا الاموال ماكـــــــــولهم ني= لاتغبط اللــــــي ياكلون الرديه

مسكانهم با الاخره ياولد ســـــــــــي = لازم يحاسب كل راعـي مطيه

ماكل مالن فيه بستان واحـــــلـــــي = بعضه وبال وعلــــــتن باطنيه

((مع تحيات الشيبان)) ((فريج التريباني )) ((و مشعل التريباني))

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري
((اهدى للاخ الغالي الاستاذ منصورالمحيريث عسا انها تنال اعجابه كما اني ارجو قبولهامني)) ((في 25\6\1433هـ))

0000 اهدى للاخ الاستاذ \ منصور بن محيريث الشمري(من لايشكر الناس لايشكر الله)

تفجـــــــرالــــــبركان بالصــدرببيات= ابيات مــــــن نوع القصـــــــــــــيدالفريدي

هات القلم واكـــــــتب ســلام وتحيات= يرسل لقــــــــــــرمـــــن يستحق الحميدي

سلم سلام اسلام عشـــــــرات واميات= والاف لا ملـــــــــــــــياروالا يزيــــــدي

عـــــــداد ماخـط القلم بالســــــــجلات= واعـــداد مايوم الهوى با الجـــــــــريدي

وعدد نجــــــــومٍ فــي سما الله مطلات= وعــــــــدالحصا واعداد رمل الصعـيدي

ومعطـــــــــرٍبانواع عطرٍ جــــــديدات= باالمســـــــك والعمـــــــــبروكادٍ فريدي

تهــــــــــدى لمنصورالمحيريث بالذات= يستاهله حــــــــيث ان فعله ســــــديدي

راع الوفا فـــــــــرزالوغـــى بالمهمات= حبس الضعن ياجـــــــا الكلام الزنيدي

راع الفـــــــعول الرايعات المهـــــيلات= فرقه علــــــــــى الرديان فرقٍ بعيدي

علــــى خـــــــــــــويه مايدورالحيالات= والياغلط فـــــــــي غلطته مايشــيدي

الله يمهّل لك ســـــــــــــنينٍ طــــويلات= ياعل عمرك يا السنافــــــــي مديدي

وعســــــاحياتك كل ابوها مســـــــرات= وعساك فـــــي مجمل حياتك سعيدي

مافيك ميزه بس بك عشـــــــــــرميزات= لاوالله اكــــــــــثرفيك هــذا الاكيدي

(بالٍ وسـيع) (وطيب خلق (وثقة ذات= ودين) (وتواضـــع) كل يومٍ يزيدي

(وفزعه)(وراين صلب)في كل الاوقات= ورصــــيد للي مابجيبه رصيــدي)

(وعــــزم) (وجــــلاده)يازبون الونيات= استغفرالله فوق عشــــــرهـ يزيدي

ويمكن لو نحسّب تضاعف عشـــــرات= ميزاتك الحسنه خـــــــذت بالمزيدي

وارج السموحه كان بالقاف هسّـــــــات= يالهيلع اللــــــــــــي للمراجل تجيدي

اناشهدانك مـــــــــن حـــــرارٍ شهيرات= اللـــــــي لجزلات الحباري تصيدي

مخالبه مــــــــــــــن كثر صيده محنات= شّـــــره على الخرب القوي العنيدي

مع التحيه والاحترام للاخ الفاضل منصور المحيريث حفظه الله

[مشعل عسام التريباني]

بسم الله الرحمن الرحيم

الشاعر / مشعل عسام التريباني الشمري

(( رد على فرحان الظفيري ))في25\8\1433هـ

0000 ابيات قليله مجارات لقصيدة فرحان الظفيري !!!



فرحان ياشــــوق الغزال المشمحط = ابو جديلٍ باطــيب المسك ممشـوط

عســـــــــى يمــــينك ياولد ماتربّط = وعساك دايم سالـي البال مبســـوط

عـــــز الله انك تحبك القاف واتحـط = في مقدم القيفان همـــزات ونقــوط

وانا اشـــــهد انك بالمثل ماتلخــبط = ماصار في قافك شخابيط وشخـوط

شعرك بحر مهو قطـــــيرات وخــبط = سيلٍ يشيل القاع وايموطـها مــوط

سلمت يمينك صدق يالذيب الامعط = انا اشهد انك صغت الابيات مضبوط

لو تصعب القيفان مــــــنت مــتورط = تحمل وسام الشــــعر وتعلـّق النوط

شعرن جزل مافيه مـــيلات وصقط = تقل مـــن المحــّار والــــــدّر ملـقوط

القافــــيه صــــعبه ومـــثله فـــلا قط = سمعت شعرن باجمل العود مخطوط

شـــــــــــعرك لعشاق المثايل ينشط = لانه درر مــــاجـــابها كل خــــربوط

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((بشار))في 25\8\1433هـ

0000 اللهم انصر اخواننا في سوريا !!!


يالله ياعــــلام مكــــنون الاســـرار= ياعالمٍ مــــــاكان تخفى الســـــراير

ياخــــالق الجــــنه وياخـالــق النار= عـــــلام يعلم ماتكـــــن الضـــــــماير

يامهلكن فـرعـون منجي هل الغار= مـــــابين كاف ونون مــاردت صاير

يامخرجن ذا النون من غب الابحـار= من عقب ماهو في حشا الحوت حاير

ياشافيٍ يعقوب من عقب الاضرار= ياجـــــــابرٍ عظمٍ كســــته الجباير

تلطف بشعبٍ مــــزقه كــــيد بشـار= اللـــــــــي علـــى شعبه يشب السعاير

بالارض دبابه وبالــجــــو طـــــيار= علــــــى الضعوف اللي جداها العباير

طاغـــــــي ومتكبّر وفاســق وجـبار= علـــــى ضعوف الشعب يعطي بشاير

ثارت صواريخه علــى ساكن الدار= والا علــــــى الجــــــولان ماهو بغاير

جوده على الثكلا وشــيبان وصـغار= فـــيهم يجــــرّب كل نوع الذخــــــاير

مجازرن مــنها حـــــــزن كل مغوار= مجـــــــازرن فيها تضيع البصـــــاير

يارب سلـّط قـــدرتك وانــت قـــدّار= على الخبيث اللي على الشعب جـاير

سلـط عليه مـــن السماء لاهــبن حار= شهبٍ علــــى راســــــه تولـّع سعاير

يارب دمّــــــر كل فــــاجــر وغــدّار= انت الـــــــذي تعلم بما كان صــــــاير

من غـيرك اللي يعلم السـر واجــهار= ومن غـــــيرك اللــي به تهون الكباير

ياناصــــر المظلــوم قــيّوم جــــبّار= تلطـــــف بشعبٍ ذاق مــــر العـــــزاير

اصغيرين ايتام وضــــعوف قصــّار= وامٍ تقـــــــد اللــــــبس دمعــــه نـــــثاير

من جور هذا الطاغيه راس الاشرار= ريموت الاعــــدى به تصـــــير النكاير

مايدري ان الله علــــى ظلم كســار = وان الدهـــــــر دوره علــــــى العبد داير

[مشعل عسام التريباني]

بسم الله الرحمن الرحيم

الشاعر \ مشعل عسام التريباني الشمري

((وداعا يارمضان)) في 24\9\1433هـ

وداعا يارمضان!!!

راح الشهريارب تقبل صيامـي = وتقبل قـــيامــــي والتهجدبالاسحار

وتقبل تلاواتي وترفع مـقامـــي = وتجعل لنا منزال من ظمن الابرار

وتقبل دعاي وتوبتي واهتمامـــي= واجــعل لنا يارب ظلن عــن النار

يارب يامحيي رميم العظامــــي = ماخاب مــن يرجيك ياخـــير غفّار

يالله تعيدالصوم في كل عامــــي = علــــي ياعلام مكـــنون الاســـرار

وتجعل لنا سهمٍ يفوق السهامـــي = ياسامع النمله علـــى صم الاصخار

وابوي تجعل له محل الحشامــي = فـــــي جنةٍ فـــــــيها بساتين وانهار

عسا ه يلحق في رعيل الكرامــي = فـــــي جــنة الفردوس ينعم و يختار

ادعي له الله فـــي نهاية صيامــي = بالــعفو والغـــفـــران قــدام الافطار

حيثه من اللي يطعمون الطعامي = له مجلسن يكرم به الضيف والجـار

يارب تحسن منزله والختامــــي = وانزله مـــــــنزال الكرامه والافخار

تجعل على روحه براد وسلامي = ويســـكن بجناتٍ بها الخـــير مدرار

امين ياربـــــي تحقق مـــــرامي = يارازق الحيتان فــــي وسط الابحار

اطلبك في ختمة ليال القيامـــــي = وارفع لك الكـــفين يامجــــر الانهار

والخاتمه يالله تعيدالصيامــــــــي = وتجعل لنامنجات مــــن واهج النار

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((بعض الاوادم))في 17\8\1433هـ

بعض الاوادم!!!


بعض الاوادم يدبل الكـــبد شوفه = الارض يثقلها اليا مـــن وطاها

عليه خـف الــنفس فـــيها كلوفه = طش المراجل والهزال احتواها

نفسه ذلولٍ للردى و معـســـوفه = با الكبروانواع الرزاله كــــساها

كن الرجوله من يديه مخطـــوفه= الطــيـّبه توخــذ وعـــــينه تراها

والياهرج جاب العلوم معطوفه = هــــــذي يشقلبها والاخرى لواها

مايلحق النفس الشقيه حســـوفه = اليا تكلـّم كلــــــمتن مــــاقـــــداها

ومن خلقته ماقيل مــدت كفوفه = يموت واغلب خــــــبزته ماكلاها

وايفكــــر انه عايزاتن وصوفه = يشره على الابطال يحذو حـذاها

يدلي بكلماتٍ مهـــــي بمعروفه = يهرج هـــــروجن عالين مستواها

يركب ذلولن بايداتن دفـــــوفه = واعن المراجل قاصراتن خطاها

دامه على نفسه كــثيرالمروفه = هوكيف عســرات المراقي رقاها

مايستوي خبلن يجمّع قطــوفه = يهرج هـــروج اللي كرامن لحاها

كبشن تميـّزبس في كثرصوفه = دايم ورى المرياع يركض وراها

متفرّغـــــن للسالفه مــاتطوفه = ويجــــــــيبها يركـــض بها يالقاها

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري
((انا البارحه))في 8\10\1433هـ

اناالبارحه محتار واقلـّب الافكار!!!

انا البارحـــــه محــتارواقلــــّب الافكار= اباعــــرف شـــــيٍ ماقدرت اتوصلـّه

اشوف بعض الناس لوماش شيّن صار= يصبح سليم وباالمســـــى ينكشف غله

يضحك ويضفي فوق غل الظميرخمار= شيطان تفكــــيره عـــــن الناس مجتله

مطيعن رجيمه لين سـوى عليه حصار= جـــــود وثاقه واحكم القبض واحـــتله

دقة هــــــــــواجيسه كما دقة المـزمـار= وشيطان فكـــــــره قام باالشــــر يحبله

يبي عليه عن البشــــريبعـدالمشـــــوار= ويبعده عـــــــن حـــيه وداره ونزلٍ لـّه

ويقلع مداه عــــــــن المحبين والانظـار= وايكـــــتفه تكــــــتيف والعقل يســـتلـّه

يزوره قـــــرينه بالـــــجواهر وبالازهار= يقــــــدم له انواع الدرر لين يشــــــــتله

يحده عن الدرب السوي يم وســط النار= يحده على دربٍ عـــواكـــيس وايضلـّه

يجيه الخـبيث بزخــــرف القول ياستار= يبي يخرجه عن درب الاسلام والملـّه

ياهيه يامســــــكين ياضــــايع الابصار= تعوّذ مــــــــن الشيطان والدرب تندلـّه

من طاوع الشيطان يشرب مـن الامرار= يشــــــوف شــــــــيٍ في طريقه يخيلـّه

ياتيه با التفكــــيرتكرارفـــــــي تكـــرار= ومـــــن كل شيٍ ترغب النفس زين لـّه

لكن خل الوســــــوســــــه وادحرالغدار= تعوذ مـــــــن الشيطان والوسوسه خلـّه

انا اعوذبك يارب يامجـــــــري الانهار= مــــــــن كل شيٍ يخلف العقل وايخلـّه

وانا اعــــــــوذبك يالواحد القادر الغفار= ياهازم جيوش الكفروالشـــرك ومذلـّه

يارب عفوك يوم يكشف عـــن الاسرار= وطهّر لساني ياالاهـــــــــي عن الزلـّه

عساني من الزله بوجه الكـــــريم مجار= وعساني من اللي في يمينه خذا سجلـّه

وصلاة ربي عد ماتنبت الاشـــــــــجار= صلاتي على الهادي محمد رســول الله

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((من ينشّد عريب الساس))في 11\10\1433هـ

من ينشدعريب الساس!!!



مـــــــن ينشّد عـــريب الساس ياسالمين= قـــــــولتن لـــــــيش ادق ولاترد الجواب

من ضحى العيد اشوفه خاطره فيه شين= كـــــنـــي اقـــــــــراء بعينينه عليّه عتاب

وش حصل وش حصل ياترثة الغانمين= الخـــــــــبر تر سكوتك زاد قلبــــــي عذاب

والا انا مـــــــا اتغـــــيّر لو تطول السنين= لين مــــــــن فوق راسي ينثرون التراب

والله انــــــــي حريص لكل علمن سمين= وازن الهــرج واحسب له كثير الحساب

واحــــترم كل شبلن صــــــيرميّاً فطين= مثل شـــرواك واخفض له رفيع الجناب

واخـــــبر انــــي حشيم وكل مافات زين= وانت غالي واخبر انك تعرف الصواب

مار مـدري وش اللــــي غـــــيّر الطيبين= والـــنفوس الزكـــــيّه لــيش جاه اكتئاب

يزعـــل الرجـــل من نومه عسـى الله يعين= ضــــــيع الدرب واخطا كل ماكان جاب

تالـــــــي الوقت حــــــيّر معظم العارفين= كم غـــــــلامــن هقا له هقوتن مار خاب

والله انـــــي هــقــيت انك نبـــيه ورزين= مـاهقيتك ضحاحن مثل وصف السراب

مـــــار تالــــــي زمــــنـّـا يخلف العاقلين= اكــــــثر الناس للشــيطان شال الزهاب

طـــــاوع ابلــــــيس لين اقفا عليه اللعين= وابعـــده عـــــــن دياره وادفنه بالتراب

مــــن يطيع الهواء والنفس يصبح حزين= مايشــــوف السعاده لو يشيب الغــراب

حاصـــــــــرته البلاوي من شمال ويمين= لــين نجــــم الســـعاده عن محياه غاب

في رضا بليس نفسه صـــار مثل السجين= والبسه مـــــن ردي اللبس رث الثياب

انتبه لاتطــــــيع ابلــــيس بيس القــــــرين= كم مطيعن شرب زقوم بيس الشـراب

طيعنـــــي حــــط بذنن طين واذنن عجين= وادحـر ابليس لايحمل عليك الصعاب

واحــتزم مـــــن عــــرا ربك بحبلن متين= وحط عينك بعين الله مــرس الهضاب

ثم عفـّـــــر جـــبينك لارحم الراحــــــمين= وادع باخـلاص يمكن دعوتك تستجاب

في دعا الله من الشيطان حصنن حصــين= غـافر الذنب راع التوب منش السحاب

عـــــالمٍ بالـــبيان ومــــــايســـــــــر الكنين= الغفور الرحيم الله شــــــــــديد العقاب

[مشعل عسام التريباني]

بسم الله الرحمن الرحيم
الشاعر / مشعل عسام التريباني الشمري
(( القلم بالكف وافكاري تطيع ))

القلم بالكف وافكاري تطيع!!!



القلم باالكف وافـــكاري تطـــيع = يازهمت الفكــــــر ياتـينــي بســــــاع

انظم القيفان في وقتن ســـــريع = خــــافقــــي للشــــــعر عجل الاندفاع

راكب اللي يشبه الذيب المجيع = تقل ذيبن زاد مـشــــــيه يوم جــــــاع

يتبع الغـــــــرات مع راع القطيع = ويسلك المطمن ولايهـــوى الرفاع

جيب لكزس يامشا يهرع هــريع = مـــــــاعليه الا الدريول والمـــتاع

سايقه وصل سلامــــــي للجمـــيع = والعجل بالرد قــــــدر المسـتطاع

ياسلامي عد مايزهـــــــــــر ربيع = وعـــد ماضاح القمر وابدى الشعاع

وعد براقن ظهــــــــــــر يلمع لميع = وعـــــــد ماهل المطر واخضرّ قاع

ياسلامـــــي ياهلا الساس الــرفيع = امــــركم يالابتـــــي شـــيّن مطاع

انتم اهل الجود والحصـــن المنيع = وامــــركم ملزوم نعطيه استماع

لابتـــــــــي باخــــبارها كلن يذيع = كاسبين الطيب مع حسن الطباع

ندرن من بينهم مـــــابه وضـــيع = صيتهم عند البشـــــر بالطيب ذاع

والختام الله يسلمكم جمـــــــــيع = ياهلا الطــــولات واشـــباه السباع

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

مره دق علي عبدالعزيز البليهد قال ارسلت لك رساله جتك قلت ايه جت لكن جوالي عيا لايرسل
ابي ارد عليك وعجسزت عنه قال اقر عليه يمكن مجنون اقر عليه غديه يبرى فكتبت هذه الابيات

((قرينا على الجوال))في 18\10\1433هـ

قرينا على الجوال



قرينا على الجوال ثم جاب شيّن غــــير= جـــزل القوافـــــي يمّكم جاك جالبها

لقينابه اربع جن من ساكــــنين الصــير= والكل منهم جــــزل الابيات يكـــتبها

الكل منهم ســخـّر القافــــيه تصخــــــير= جزيل المثايل يافتى الجــود جاك ابها

سلامي على ساهرعدد مايطير الطــــير= مـــــــاهبّة النكبا وشـــــدت هــبايبها

سلامي عليكم ياهلا الشعــــر والتفكـــير= سلامي على النفس الزكيه وصاحبها

لعلك بعـــد ناســــــن تقلـــــّب بلا تبرير= ناسن نشـــوف الغيض يملا حواجبها

ثقال الانفس مـــاتزن حبـّة القطمـــــير= وابليس دايم مـــــــاسكن في غواربها

يبـــي مثل بن جساس والا يصير الزير= يامــــــــرعلى ناسن طوالن شواربها

بعض الاوادم ياصفونه بنافـــــخ كــــير= اللـــــــي جلس عــنده هدومه يخرّبها

كبير نفسن مار مامنه ياتــــــــي خـــــير= لاخـــــــير بالمتكــــــبرين ومكاسبها

[مشعل عسام التريباني]

بسم الله الرحمن الرحيم

الشاعر \مشعل عسام التريباني الشمري
(( لولاي ازخرف بيض الاوراق بالزاج )) في 25\10\1433هـ

لولاي ازخرف بيض الاوراق با الزاج

يامــــــــل قلـــــبٍ به دواكـــــيك وازعاج= دايم مــــــن الهوجاس شال الجزافي

لولاي ازخــــــرف بيض الاوراق بالزاج= والــــنفس اسليها بـــنظم الـــقوافـي

اكــــتب مــــــن الــــقيفان مـــايبهج ابهاج= خــــزايزن عدلات ماهــــن عجافي

انتاج فــــــكـــــرٍ بالمثايل اليا هــــــاج= يجيب قرقوحـــــن مـن الجم صافي

ياضاق صدري غصت في وسط الامواج= اجـــــيب مــــن لوله جزالٍ نظافي

امــــــر علـــــى صندوق صدري بالافراج= يطلق مســـــاجينن بصدري خوافي

فـــــــــرايدٍ فيهن مـــــــــن اللول والعاج= اخــــفــيتهن خلف الضلوع النحافي

فــــتحت عنهن كل قفـــــلن ومـــــــــزلاج= واصدرت حكم اعتاقهن والعــوافي

مـــــــن شـــــــان لايبقن حبيسات الادراج= وايقال وين المــــــــوهبه يالسنافي

وابـــــي بهــــــن مــــن زايد الهم مخراج= هــمن لجا وســـــط الحشا مايشافي

اســـــــباب وقــــــتن فـيه للطيـّب احـراج= اللاش يركــب وابن الاجــواد حافي

يــتـــبع كـــــــــثير المال لــو كان هـــلباج= وايقال هــــرجه صدق لو هو هلافي

وينســـــــا عـــــزيز الساس ياصار محتاج= ياصــــــــار ماعنده مـن المال كافي

والــرس يضــــربّه مــثل (مثل) هــــداج= وهــــداج من فوقه تهب الســــوافي

وراع الصـــــخا قالو به جـــــــنون وسهاج= والـــــعفن قــــالو طـــيبن ومتعافي

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

((اللجلجه))في 3\11\1433هـ

اللجلجه !!!

المــــجالس ياكـــــثر فيها الغــلاط= اعــــــرف انه قل ذوقه واسمجه

خل عنك اهل اللجاجــــه والهــياط= قـــــــوم عنهم خل عنك اللجلجه

كان خطو الخبل با الحكي استشاط= يحسب ان الهرج خبزن واعلجه

بس هـــرجه با المجالس واط طاط= برمــــــج لســــانه عليها برمجه

مثل مــــاقالويضحّــــــي با الحماط= مايفــــــرّق بين جــحــه واحدجه

ينفــرط وســــط الرجاجيل انفـراط= وبا السوالف فــــيه ميله واعوجه

ابتعد عـــن مجلــــسٍ فيه الســـقاط= لين رب الــــبيت ياتـــــي بفـرجه

مجلسك وحدك علــــى قطعة بساط= خيرلك مـــــــن مجلسٍ فيه همجه

اثركـــــثر الهــــذركا الزاد السماط= ســــــامجن ذوقه تقل فــــيه خمجه

لاتكــــــثـّرمع مثل هــــــذا اختلاط= كل ماشفته علـــــى الدرب اسهجه

ارفع الاقدام عــــــن راع الخــراط= عنه ســــوج الرجل بالممشا سجه

وارض ربك كان تبــــــي الانبساط= وعن شرور الخلق وجهك به لجه

الله الخــــــلاق بالاْرزاق احــــــاط= بس عــــوج الراس للمولــى عجه

غــــــير توحــــــيده فلاحط اشتراط= فارجــن شدات عــــــبده وحـرجه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذا فيصل البسام مدير حركة الباصات حقات نقل الطالبات كان عندنا الله يذكره بالخير وهو رجال جيد ويراجع لنا وكل شي موفره لنا ويوم راح صار بداله واحدكسلان شوي مانشوفه الا بعد يومين ثلاث ايام والرواتب تقطعت علينا والسيارات اللي تعطل مانلقا من يصلحها يقول قولو للمصري والمصري صعيدي معكف شناباته مايرد على لباس العمامه ياجينا نفخ عليناوهامه ماينقويله كان تبي تذبحه ذبح وان ذبحت ذبحوك وبلشه المهم قلت هذه الابيات با المناسبه
((رفيق قرر زود))في 10\11\1433هـ



0000 رفيق قرر زود مايشبع الجيعان = راع الزراعه مايبي يطعم العصفور !!!

نبي فيصل البسام مانبغــي الكسلان= ترانا بعدفيصل غـدينا طعام اطيور

بعد راح فيصل ضيعو راتب الشــــيبان= نسعــــى ولكن مالقينا سعي مشكـور

لونكحل العينين مـــــاشــــافوالعمـــيان= اعـــيونهم مـن يمّنا كل ابوها عـور

تكفا يابو بســام حضّـــــــــرعلينا الان= افزع لنا يامسـندي ياصليب الشـور

نبــــــي راتب الباصات نوفي به الدكان= لايرفع الاســـــــعار ويعسّر الميسور

حنا مــــن التجار يمكن يجــينا جـــنان= تجارنا صارو كما الثعلب المسـعور

كلونا وشــــبّوفــــوقنا واهج الــــنيران= يزيدون با السلعه ولوسعرها مخبور

وان قلت يبن الناس دقق ترك غلــطان= يقول يابابا ترانــــــي نفـــــــرمكبور

صـــــــــديق قرقرزود مايشبع الجيعان= راع الزراعه مايبي يطعم العصفور

كــفـــيل انا يقول ســــــوي كـذا ياخان= كلو نفــــــرخرفان يلعب به الساطور

وزارة تجاره نوم ماتحاسب السرقان= خذلك قلم واكتب سعرسلعتك يا الثور

اكتب علـــى الكرتون لو تدبل الاثمان= ولايهــمّك بلع الاســـــماك ياالهامــور

وانالزوم اطـــيع مـــــــاينفع العصيان= اخـــاف دمه ياعصـــــــيته علي ايفور

مافيه مشكل لو نفرصـــــاربه جنجان= اهم شــــي يصيرعمــــي مني مسرور

مالي ومال مصارع الموج والطـوفان= انا نفــــرمســـــــــكين واطبق الدستور

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

(تسري ذلولٍ مامسكها عقال) في2\11\1433هـ

تسري ذلولٍ ما مسكها عقال

انا ماحـــــب الرجل مــــن شــــان ماله= ولا اكــــــرهه من شان ماله مال

احـــــب راع الـــدين والــــبذل والرحم= لــــوكان مـــايملك ولا مـــــثقال

واحب الشــــجاع اللـــــي اليا ضيقوبهم= نخــــــــوه تكفا ياعــــريب الخال

واحب الصــــبور اللـــــي اليا زاد حمله= مايســـــــتمل ولو يشــــــيل ثقال

واحب الوفــي الوافــــي الصاحب الذي= باقـــــــي على درب الوفا لازال

واحب الصديق الصادق اللي مع الخوي= يصدق معه فــــــي ساير الاقوال

واغلــــــي خــفـيف النفس واكره ثقيلها= خــــــــفاف وزنٍ والنفوس اثقال

واكــــــــره قليل الدين شــــــــذاب القفا= اللــــــــي هروجه بس قيل وقال

واكــــــــره ردي العــــــزم لو زاد ماله= وش عاد لو هو كـــــثـّر الاموال

واكــــــره بعد مــــــن لايقدّر قصـــــيره= عــندي فلا يسـوى شراك نعال

لانه مخـــــــالف نهـــــج ســـــنت نبينا= ومن يخلف السنه خبيث اعمال

ومـــــــن يخلف السنه ويعصـــــى نبيّه= مايســــــــتحق القدر والاجلال

طــــــبعي كذا مــــن يوم ربـــي خلقني= وحـــــنون للشـــيبان والاطفال

واعطف علــــى المسكين وارحم ضعفه= اللـــــي عليه الدهـــر شيله مال

واخــفظ جــــناح الذل للـــــــــوالد الذي= فــــي وقت ظعفي للثقايل شال

وابذل له المجهـــــود بالـــــــمد والعطا= يفــداه مــــالي والاهل والحال

مــــــــــانـــــي وانا مشعل بخيلن بمالــي= كلٍ خـــــبرني والصحيح يقال

صحــــــيح ماعـــــــندي من المال ثروه= لاشـــــك عند الناس لي منزال

ياجيت فــــــي مجلس جلســـــت بصدره= عند الرجال اللـــي يقال رجال

هــــــــذا الكلام اللـــــــي يصـــــحّ النايم= ماهي ســوالف دهبجه وهبال

يقول المثل مـــــاتاه مـــــــــن دوّر القدى = وتسري ذلولٍ مامسكها عقال

[مشعل عسام التريباني]

بسم الله الرحمن الرحيم
صار بيني وبين احد الشعراء
باحد المنتديات شوي سوء تفاهم وشرهت عليه شوي لكن صار طيب اعتذر مني جزاه الله خير فكتبت هذه الابيات عسا ان تنال اعجابكم والى القصيده
الشاعر / مشعل عسام التريباني الشمري
مع السلامه في 17/ 11 / 1433 هـ


0000 مع السلامه !!!

مع الســـــــلامه يالـــرجال الحلاحيل = انا نويــــــت ابدل الــــــدار بــــــــديار

اخاف من شـــــــرهة كرام الرجاجيل = الياطفح كيلـــــــي وفـي الغضب ثار

اصيرمالـــــــي وزن عــــندالمشاكيل = من عقب ماني مضرب امثال الاخيار

الرجل ياكــــثرمــــــــن الحط والشيل = ينقص وقاره عند صلبين الاشـــــــوار

ويحسب حسابه من حساب المهابيل= وايقال هــــــــــذا ناقـص الوزن ثرثار

يصــــــــــير مسكينن قليل المحاصيل = يقلــط علـــــى البارد وينـزح عن الحار

واناماني مـــــن يقبل النقص والميل = نفســـــــــي جوادن ذللة كل مضمار

ابرك الياهـــــاب الحــــمول المخيليل = شـــرهن على فعل المشاكيل مغوار

من راس عــــــــودن هابته قرح الخيل= اولادعلــــــــــي مضمـّرت قب الامهار

ســــــــــورالجبل يوم الليالي بهاذيل = يوم الليالـــــــي بين غازي وســـــبـّار

تضــــــرب به الامثال جيلن بعد جيل=بين يحياءالعـــــــــــــبدي وبين بن بقار

امعشـــــــــية ذيب الخلا فطّح الحيل = يوم ان قل الزاد مع نقص الاســــعار

ببيوتنا مزبان مـــــــــن ضامه الشيل=مـــــــــــا يقربه خصمه ولو يطلبه ثار

واليا بطشنا بالعدى نوفـــــــــي الكيل = معيارنا يرقا علـــــــــــــــى كل معيار

[مشعل عسام التريباني]

بسم الله الرحمن الرحيم
الشاعر\مشعل عسام الشمري
مره من المرات قلت لابني عبدارحمن الله يحفظه نبي نتباراى انا واياك بالقصيد
ولا تقول هذا ابوي اعتبرني من اقصا الناس ترى مافيه الدعوى حرب بيني وبينك
انت تدافع عن الشباب وانا ادافع عن الشيبان قال تم من يبدى قلت انا ابدى فكتبت
هذه القصيده ويوم سمعها قال انا خلاص مستسلم من الان قلت ليش هل خفت؟
قال بلشه انا ماقدر ارد عليك انت تركي المكوى بالحيل وانا قلبي عيا يطاوعني اسمح لي
قلت يعني ذليت قال ايه وهو والله مهو ذال لكن مستحي لايرد علي المهم نسمعكم القصيده
وانا كنت مخفيها كل هالسنين والاهي قديمه

0000 اسمع ياعبد الرحمن !!!

اسمــــــع ياعبد الرحمن = ان مالعـــــنت الشيطــان

ابــــاحدك بـــالقـــــيفان = ياماتصـــــدم بالرصــيف

خلّك رجالٍ مظــــــبوط = قــبل ند يلك شـــــلــــوط

هذالكلام المشــــــروط = علــــي وش علمك تهـيف

امسك دربك لاتحوص = قوسه من قـــدام الغــوص

لاتحوص ولاتلـــوص = خــــلّك رجـــــا لٍ نظــيف

اصحا تعرض لـــبوك = لاتاطـــــافي وسط الشـوك

ولاتطاوع من شجعوك= خـــلك للـــوالــداطـــــــيف

اخفض له جناحك حيل= اتــــــبع ماجابــالتــــــنزيل

لوكان الــــوالد يميل = فـــــــي وجهه حذراتقــيف

لاتهاون بالشـــــيبان = تراهم مـــــــــاهم شـــردان

فيهم مايوجد جــابان = ترمعــــــانــدهم كلــــــــيف

حناشمـــــطان اللحا = طـــــــريحنــــا مـــــاصــحا

نطحن سوات الرحا = ونطعــــــن بحد الــرهــــيف

من يعـــاندنا مقرود = عـــزالله مـــاجــاب الفـــــود

يبي يحصله جلمود = يامـــــاللمكســـــب يعــــــيف

دخنة بيني وبيـــنك = اجتــــهد واللــه يعـــــــيـــنك

واعرف اناطارحينك= لوتنصــــــــيت القطــــــيف

والله مــــــاعنا مفر = لـــــوتنصــــــيت الــبحــــــر

بالكلام المختصــر = نطرحك مــــثل العســـــــيف

[مشعل عسام التريباني]

بسم الله الرحمن الرحيم
الشاعر / مشعل عسام التريباني الشمري
طلاع قصد بي قصيده يمدحني وانا ادري اني اقل مماقال بكثيرلكن جزاه الله خيركل هذا من طيبه ابو طلال
فرديت عليه بهذه المتواضعه لعلها تنال اعجابكم والى القصيده
مرد على طلاع 17 / 11 / 1433 هـ

0000 رد على طلاع الزميلي !!!

انت ياطلاع غالــــــي وعــــرفك راس مال = ياكريم الكف راع اليمين الاخــــطلا

وانت ياطــــــلاع لك عــــندنا قــــدر وجلال = وانت ياطلاع يامســــــندي كلك حلا

وانت ياطلاع مـــــــن ناسن يشيلون الثقال = الزميل اهل البيوت اللي تشيدبالخلا

الزميل اهل بيوتن كما وصـــــــــــف الجبال = الزميل اللـي على الضد سوّن مرسلا

الزمـــيل عيال الازمل كـــــــــريمين السبال = الزميل اللــــــي لهم عـــندنا قدروغلا

الزميل اللــــــــي لنا با الكــرم مضرب مثال = الزميل اللــي عرف طيبهم كل الملا

الزميل اللــــــي يبينون فـــــي وقت القتا ل = يوم ولد اللاش بالفعل ماعمره عــلا

الزميل اهل المجالــــــــــس نزيهين الدلال = الزميلـــــــــــي يا لفيته يقدم لك هـلا

الزميل اهل الصخا ســـــــعدمنهم له ظلال = الزميل اللـي على المال ماهم ببخــلا

الزمـــــــــــــيل اهل المكارم لذيذين القبال = الزميل اللــي على الضد زلزال وبلا

الزميل اللـــــــــــــي لصدقانهم مثل الزلال = وللعدى مثل الزلازل وســــون منزلا

الزمـــــــــــيل فعولهم مايوفـّــــــيها المقال = لوكتبنا با الزميلــــــــي نقصّربا الولا

الزميل اصل الاصاله ولافيها جـــــــــــدال = من يشكك فـــــي فعايل عيال الازملا

والسموحه منك يامســـــــــندي يابو طلال = كان انا قصـرت با القاف والا باالولا

[مشعل عسام التريباني]

يـاول ياقـلـب ن لـجـى بمـشـة الـذيـب =عـيّــن هـواجـيـس الامــــل يـردعـنــه

متمركـي ن بالـحـدب بـيـن اللواهـيـب = وأزرن تفـاكـيـر الـرجــا يصـطـغـنـه

معصمـدن رايـه علـى راعـي الطيـب = الـلــي غـــلاه يجـلـغـف الـقـلـب فــنــه

تموسـت روحـي وراسـي غـدا شيـب = ومـات الرجـا واتبعـت الآهــات ونــه

ابتسـي علـى اللـي يعتنـي بالمواجيـب= الـلــي عـنــي ســـود اللـيـالـي حــدنــه

وحظ ن ربض ماينتهض بالمشاعيب = ظـروفـي بـرمــدان التـعـاسـه رمـنــه

وياسعـد مـن لـه بالنشـامـا مقاضـيـب = لــلــي قــيـــوده بـالـغـثــى حـيـزمـنــه

ياطيـور شلـوى عالجـو عـلـة الـذيـب = ومـــن لاذ بـامـجـاد الطـنـايـا حـمـنّــه
هذه قصيدة الذيب
طبعا هو شاعر يرمز لاسمه بالذيب




بسم الله الرحمن الرحيم

وهذا ردي على الذيب
الشاعر \ مشعل عسام التريباني الشمري

ياذيب في 2\12\1433هـ

0000 ياذيب يا اللي ترفع الصوت ياذيب !!!



ياذيب ياللي تزعـج الصـوت ياذيب = ياللي عويت وتلحق الصوت ونـّه

انحــش تراماحاصلن لك مـعازيب = الناس مـــــابقلوبها لك محنّه

مالك ومال مطولين المـشاعـــيب = اسهــــومهم ذيب الخلا يطردنه

راح الكريم اللي كسب ذروت الطيب = مطــــعم ذيابن با الفلاجاورنّه

مرحوم يامكازي حــصان الاطاليب = عساه يســـكن طيب الذكر جنّه

ذكره مع الاصـحاب هم والاجانيب = بن سعــيد ضيفت الذيب ســنّه

قدم خـــروفه لك محـنّه وترحيب = قال العشـــــا ياذيب مافيه منّه

اقلط علــى جل الغنم واترك الريب = واذكـــــر يدينن ضيفتك قدمنّه

مرحوم ياللي ماحـسب مليت الجيب = اللـــي يدينه مامســـكنه عطنّه

ماحسّب الاموال باالبنك تحسيــب = كــــفـّه نديه مــالها ماتكنّه

حرٍتعلا فوق روس المـــراقـيب = كـــفيه دوم الطيّـبه يدركــنّه

واليوم ياذويبان مـــالك مطاليب = ماعـــندنا لك غيرحــد الاسنّه

هذا زمان مــــتركين المواجيب = اللــــي يديهم مامسكن جودنـّه

لو يمسكونك ذقــت مرٍ وتعذيب = يمـــكن يديهم لقمـتك ينهبـنـّه

________________________________________

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

((العيد قرّب)) في8\12\1433هـ

0000 العيد قرّب !!!

العــــــيد قـــرّب ودار اجدادنا ساله = الله يعـــــــيد العــــياد لدار الامجـــــادي

القلب يامســـــندي عــنها مهـــوداله = عــــيا يطـيع الـــعذول بدار الاجـــدادي

عسا السحاب المرودم يخسر اخـياله = علــــى جبل طـــــي لين السيل يزدادي

احـــبها مثل حـــب الـــــــعود لعياله = واشتاق له شوق حارث لارض بغدادي

ياعل دهم الســــــحايب تغسل اجباله = يامــــا يضيق الشعيب ويمشي الوادي

ينبت به العشــــــــب بجباله وبسهاله = ياما تصــــير المحاجـــــر تقل سجـادي

يازين شمّة هـــــواه وزين مــــنزاله = وروايح العشــــــــب كنه ريحت الكادي

ياحلو شمة هــــــوا الظلعان وظلاله = وذكرى هلا الطيب لوهم تحت الالحادي

ياخذني الوجد والذكرى على اطلاله = واشـــــتاق لديارهم مــن عقب الابعادي

اذكـــر هذاك الزمان الزين ورجاله = ياوين ذيك الســعاده وقـــــت الاعيادي

[مشعل عسام التريباني]

________________________________________



____________________________

يامشعل العسام هات البشاره = ابشر لقينا وحدتن فوق خمسين

لاهي ولود ولا براسه قشاره = إلا لسانه لاحتست تقل ستسين

اجزم تره ياخوك تحت الاشاره= تقول ابي مشعل بدربي يقدين

عميا وتملك بالعليا عماره = ورصيدها يمكن ثلاثة ملايين

عبدالعزيز البليهد

هاااااه وش قلت ههههههههههههههههههههههه

________________________________________






___________________________


الشاعر\ مشعل عسام التريباني


0000 الشاعر\ مشعل عسام التريباني !!!

يامرحبا باللي يزف البشـــاره = حنا ندورمثلها وين هـي وين

لوكان شــــكله مثل ذيب المغاره = ولوما خلق ربي لها لو تبـــي تعين

مادام تملك بالعــــليا عــــماره = جبها ترانا يا البليهد حــــــــــريصين

اهم شي اخش برج التجــــاره = ادخل مع التجارواكســـــب مــلايين

واقودها وظفي عليها خــــماره= وتامــــــروانفذ له بلا قــــولتن وين

لوكان هي شينه وفيها قشاره = وعمـــياولافيها سـوى بس ســــنين

ولوهي كبيرت سن ماب معاره= وياحب اذا لو عمــرها فوق سبعين

ابي الدراهم والشقق والعماره= اسكن واجّـــــــروانبسط با الملايين

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((بيت الشعر))في 20\12\1433هـ


0000 بيت الشعر ياجماعه شيلو اطنابه!!!

بيت الشعر ياجماعه شيلو اطنابه= شـــــــيلوه ياماهلا العارض يروحوني

حنّـّاكلاناالخلا كله مــــــن اسبابه= شــــيلوه تكــــــفون لين الربع يمشوني

وقولولعوده يعود لديرت احـــبابه= خــــلوه يرجع قبل ربعه يصــــيحوني

وقولوله العودعــقبك مافـــتح بابه=مضرب عـــن الناس لوهم له ينادوني

خــــــلوه يرجع ترا مانصلح الابه= وقولوله العود عـــقبه تقل مســـجوني

المشكله كان عناطــــوّل غـــــيابه= ان طـــــــــــولت غيبته فانتم تحرّوني

امســــي بداري واصبّح بعتبة بابه= ان طـــــــــوّلت غيبته لازم تشوفوني

النفس ماتســــتلذ بغــــيبة اصحابه= والياكـــــتـــبت المــثايل لاتلومــــوني

حرٍ يكب الحمرمن ضرب مخلابه= مـــــــن ماكرٍ يفرح اللي منه يجنوني

اغليه وافخـــــر بذكره واتعزوابه= وافرح اليا اوحيت صوته في تلفوني

[مشعل عسام التريباني]

بسم الله الرحمن الرحيم
ابيات للشاعر\فهاد سيار مرد على قصيدتي بيت الشعر بالنايبه الشاعر المذكور هو اخو عوده صاحبنا اللي به القصيده الاولى
في 21\12\1433هـ

0000 ابيات للشاعر\فهاد سيار مرد على قصيدتي بيت !!!

يالعود بيت الشـــــــعر مانصلح الا به = وشيلته صعبه على اللي له يحبوني

نبيه يامــــــن مـــــزنه زاد ســــــكابه = وقامو نشاط العـــرب عنها ينايوني

واليا اكترب مــن حقوقن رخو اطنابه =ونزل رواقه من شا ن الربع ياتوني

ورفيقك اللي تدور له مـــــــن احزابه = ولو ان مشــــو يمكم ماظن يبطوني

وان طعت شوري تعال وترك اجـنابه = لديار ربعـــــن بعانيهم يحــــــيوني

0000 وهذه الابيات مردي عليه في 21\12\1433هـ !!!

يامـــــــرحبا با القصــــــــيد وحــي كتـّابه = عـــدد حجيجن ببيت الله يطـــــــوفوني

وعـــد الحصا فـــــي فيافـــــي نجد وترابه= وعـد النجوم المطلّه فــــي فضا الكوني

هلــــيت بالخــــط واللـــــــــــــي يمنا جابه= انا مــــــن الخـــــط والمرسال ممنوني

القلب قــــــبل اللســـــــان الخــط هـــــلابه= وفــــــزيت كني سمعت اسمي تنادوني

وصليت فـــــــرضي عسا الخلاق يرضابه= ورجـــــــــعت للبيت ثم بيّحت مكنوني

القلب ياخــــــــــوك فـــــــــيه النمل عشّابه= مـــــيلاف قلبـــــــــي ولكن لاتلوموني

احبكم والله الخــــــــــافــــــــــي هو ادرابه= انا بحـــب الرفـــاقه حــــيل مفــــتوني

اناشـــــــهد انــــــي فخــــورولابتـــي لابه= اولاد الادهم عســــــــــــاهم مايزولوني

افـــــرح بجــــمعا الجـــماعه واتباهــــــابه= هم تاج راســي ودرعن يكسي امتوني

وهم سيفـــــي اللي يخاف الخصم وايهابه= اضرب بهم معجزات الكون واتهوني

وهم زينة السيف واصل السيف وانصابه= وثقله واساسه وفــزعت كل محزوني

وهم درعـــــــي اللــــي الياضقت اتذرابه= وهم شوفـــي اللي مع العالم يقدّوني

[مشعل عسام التريباني]

بسم الله الرجمن الرحيم
الشاعر\ مشعل عسام التريباني الشمري
هذه القصيده كتبتها على لسان اخوي نهير بن عسام التريباني الشمري
وابو فايز هو قايده المباشر حيث ان المذكور يبي يتقاعد بشهر7القادم قلت ابي اكتب به قصيده على لسانك غديه يعفيك من تالي الاشهر الباقيه والى القصيده
((يابو فايز))في 19\12\1433هـ

يابو فايز قرب الوقت جعلك ماتهون !!!

يابو فايز قــرّب الوقـــت جعلك ماتهـــون= مابقي دون التقاعد سوى الشـــــــي القليل

طالبك من باقــــي الوقت عنـــي تسمحون= وانتم اهل الطيب وانتم هلا الفعل الجميل

وانتم اللـــي يا الهـــواجــرتســـدون الديون= يوم ولد اللاش تقصر يديه عــــن الجزيل

وانتم اللــــي بكســـــب المراجل تفرحــون= وانتم اللــــــــي عمركم ماذكرفيكم بخيل

وانتم اللي تطلقون السجـين مــــن السجون= وانتم اللـــي كا العسل يشفي الجسم العلـيل

وانتم اللـــــــــي حــــزتو الطيّبه يالطيبون=وانتم اللــــــي طيبكم ورث جيلٍ بعدجيل

وانتم اللــي تكــــرمون الخوي يالمكرمون= للخـــوي مثل الغذى ينعش الجسم الهزيل

وانتم اللــــــــــــي لكسب المراجل تتعبون= طـــيبكم توصف به الناس كا النجم الدليل

يالحصان الوافي الذرب ياحصن الحصون= يا الهمام الصاطــــــي الفذ يازبن الدخيل

يالاســــــــد ياالنمريالهول ياغيث المزون= ياســـــحاب الوسم يالعون يالظل الظليل

ياعســــــاالاثنين وســـــط النعيم منعمون= تحت ظل العرش يسقون مـــي السلسبيل

فكنـــــــــي ياطيب الساس ياموف الديون= شــــــــا يبك تعبان والدرب قدامه طويل

والله انـــــــــي منهك الحيل وانتم تعلمون= والخطوط اطوال والله وانا شوفي ضئيل

فكنـــــي ياراهـــــي الباع جعلك ماتهون= والسلام ختام مع ريح مســــك وريح هيل

[مشعل عسام التريباني]

بسم الله الرحمن الرحيم
الشاعر \ مشعل عسام التريباني الشمري
((بيض الله وجه الهاجري))في 5\1\1434هـ

بيض الله وجه مساعد الهاجري (ابو فايز) !!!

اشهـــد ان الهاجـــــري ســداللزوم= يوم قلنا الشعر به يستاهله

فرخ حرن مــــــاكـره عال الرجوم= والـــمراجل واردن مناهله

اشقرن سوّن علـى الصيده جـــزوم= كل جـــزلٍ فـي يمينه واهله

صــــيرمين مـن زحازيحن قـــروم= والوفا والطـيب ماهو جاهله

ابلجٍ صـــيته صــــــعد يم النـجـــوم= دوم كفه للجــــزيله شـــاهله

للخــــــوي با الجاه والفـــزعه يقوم= لو طلب منه الكثير اعطاهله

وبا الكرم سهمه مع كبار الســـهـوم= والمــــراجل مـا تثقـّل كاهله

هيلعن ضــــرغام صعصيعن عزوم= يفرح اللـــــي سابقه عناهله

ارجحـــن للمــرجــــله دايم يهـــــوم= والجــــــــزيله سابقه سرّاهله

مايصيد الا الجــزال مـــــن العلوم= كل جـزله واضحن مرماهله

يوم ولد اللاش معــــطا ومحــــروم=والجــــزيله مايجي مغزاهله

كف ابو فـــايزمحـطـّمت الـــــرقوم= كل علمن غانمن مـــــرقاهله

يرتقـــي بالطيب مـــــن فوق الغيوم=الخزايز واضحن مـــرماهله

[مشعل عسام التريباني]

ياقصـيـدة شـاعــره فـــي مـنـتـدى = حركت بعض المشاعر والشجون
صار لصداهـا علـى قلبـي صـدى = واشغلـت قلبـي وانـا قلبـي حنـون
هـيـضـتـنـي بـالـمـعـانـي والــنـــدا = والطـواريـق الجميـلـه واللـحـون
وابـهـرتـنـي بـالـخـبـر والـمـبـتــدا = مـايـجـيـده غـيـرنــاس يـفـهـمـون
شعـرهـا وابـداعـهـا مـالــه مـــدا = جعـل شعـرن مثـل هــذا مايـهـون
وعـذاب اللـي ذهــب جـهـده ســدا = اجـهـد القـلـب المـولـع والعـيـون
مثل حالـة شاعـرن واسمـه نـدا = ءعذبـت بـه قاسـيـة قلب(ن)فـتـون



بسم الله الرحمن الرحيم
الشاعر / مشعل عسام التريباني الشمري
((رد على نداء الغيداني))في 7\1\1434هـ

رد على اخوي نداء الغيداني!!!

عــــــــــنك يابعد التردي يانداء = انت شعرك يبهج اللي يقصدون

شاعرن عن نظم قافه ماغـــدى = يحكم الابيات وايجــــيد اللحــون

صح والله اللســـان اللــــي بدى = با المثايل والـــقوافــــي والفنون

انت بحــــرٍهاج وابطا مــاهــدى = يعدم اللـــي فـــي طريقه ياقفون

تتكن المسحوب وفــنون الحــدى = ماكـــتـبته كــلنا به معـــــــجبون

اشهدانه ماذهــب جهدك ســــدى = انت تحسب من حساب المبدعون

كن شعرك نار فــي راس الهدى = شـــــــعلتن به يهــــتدون التايهون

شاعــــرٍ با المنتهـــــى والمبتدى = كل مــــن سمعو قصيدك يشهدون

يشهدون انك بحـــــــرمالك مدى = يغرق اللـــي تحت موجه يبحرون

جا لشعرك بين خلق الله صـدى = واعجــــــــبوفيه الرجال العارفون

دون نقص با الرجـــال ولاردى = والرجال عــــــن الهزايل يكرمون

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

صياح صياح جعله تكثر اشكاله في30\11\1433هـ


صياح صياح جعله تكثر اشكاله = راع الصخا والحميّه ذرب الايماني !!!

صياح صياح جعله تكـــثر اشكاله = راع الصخا والحميّه ذرب الايمـاني

ماكن زين الطبيعـه خلقــــت الا له = عـوب المراجل مجودها بالارساني

يشفق علـى الطيّبه لويدفع امــــواله = جل المراجل عليها صك الاسـناني

نوادرالطــــيب تزهـــابه ويزهـــاله = صياح يزها المدايح طير حـوراني

مـــثل هـــــديب المحامل مالقا شاله = والاجبل طــــي والاضلع حـبراني

الله يقـــبل عمله ويصــــــلح اعـياله = وعسـا لمن عقبه با الخلد مسـكاني

يقطف ثمرها ومشـروبه مــن ازلاله= ويسـكن بظل الكريم مـزبّن الجاني

حيثه يحوش الجميل ويكسب اجزاله= جمل محامل يشــيل ثقال الاوزاني

طبعه كذا كا البلـــيهـي يحمل اثقاله = ياعنك ماهو عن الفزعات مــتواني

شجرة وفا تستظل الناس بظلالـــه = والمسك منها يفوح وريح ريحاني

[مشعل عسام التريباني]

(لوالحدث مابين شخصين لاباس)

***

قصيدة الشاعر سطم بن فهد الخليل !!!

ياصاح عندي حمسـةٍ تقعـد الـرأس = تشفي غليل اللي على الكيف خـوّى
فنجالهـا يـغـد الهـواجـس وعـمـاس = وشرّابـهـا عـلـى الـهـمـوم يـتـقـوّى
حمسة يدي مانحمسه عنـد حمـاس = ولا هي من اللـي بالمطابـخ تسـوّى
خـذ شفـةٍ تبعـد عنـك كـل هـوجـاس = تجلـى همـومـاً وســط قلـبـك تـلـوّى
وشلك بحمسة واحدٍ مابه إحسـاس = يلـوم غيـره ومـادرى ويـش ســوّى
يحمس ويحمل في يده رمح جساس = هاوي وغاوي ومـن رفيقـه مغـوّى
خلـه يبـرد بالـهـواء طبـلـة الــرأس = عطـشـان, يـشـرب بــاردٍ ويـتـروّى
أمـا ان رأسـه خاليـاَ مابـه عطـاس = وإلا ان رأسـه فـي صلـيـبٍ مـكـوّى
والصبر طيب فيه شيمـه و نومـاس = وكـلٍ حـسـب عـرفـه مكـانـه تـبـوّى
ولأنته مكلف بقول زيـدٍ مـن النـاس = ولاهو وكيـل آدم علـى عيـال حـوّى
ولو الحدث مابين شخصيـن لابـاس = مـار الحـدث بـيـن الرفـاقـة تـطـوّى
بأسم القبيله والقبيلة علـى الـرأس = والسالفـة فـي داخـل البطـن جــوّى
مادام يحمس بغير ميـزان و قيـاس = وخـلــه يـبــرد حـرقـتـه و يـتـهــوّى

سطم فهد الخليل



حقيقه انا اعتذر للاخ ابو فهد عن التاخير بالرد لاني والله انشغلت شوي وانا ملزم اني ارد على قصيدته لانها والله اعجبتني وصممت على الرد عليها ولكن شغلي اخرني لكن يعذرني ابو فهد والى الابيات المتواضعه لعلها تحوز على رضاه ورضاكم جميعا
الشاعر\ مشعل عسام التريباني الشمري
((رد على سطم فهد الخليل))في 14\1\1434هـ


رد على سطم فهد الخليل !!!

يابو فهد لاهنت ياطيّب الســاس= عســـــا يمينك ياسطم ماتكوّىد

حمست بن الكيف بافراد واسـداس = وزنت حمستها علـى جمرضوّى

ووزنت مي الكيف يا القرم بقياس = لامـــيّها زايد ولاهـــــو مشــــوّى

وذوّقتنافنجال يقعدخـــــوى الراس = ياذاقه الضــــــــرمــان مخه تقوّى

يقعدخوى راسن بالافــكارمنحاس = لوكان هــوجاســــه بالاعماق ثوّى

ياعل يفدونك عــديمين الاحســاس = كـــــبارالـنفوس مـــترّكين المروّى

قصيدهم مخلوط حــــوى وبســباس= ترعامـــــــن البسباس وتزيد حوّى

وش يجمع الفانوس لانوار الاكباس= الكبس يفــــــرق لون والاّ بضوّى

اما انت وسمن يدهله كل عســــاس= برقه يلوح وصــــوت راعـده دوّى

لك مع هلاالطولات منزل ومجلاس=عــــــدن مثل هداج من جاه روّى

لك مجلسن فيه المشاكيل جــــــلاس=به ريح عود وفيه كيفٍ مســــوّى

[مشعل عسام التريباني]

الشاعر\ مشعل عسام التريباني الشمري

((بيض الله وجه خالك يامشاري))

بيض الله وجه خالك يامشاري !!!

بيض الله وجه خالك يامشــــاري = قام بالـــــــــــــواجب عسالله مايهينه

طيبن خلقه مهو طـــــيبن تجاري = وكل طيّب بان طيبه فــــــــي جبينه

فرخ حـــرن للجزيله دوم ضاري = يشبع الصـــقار مـــــن ضربة يمينه

اشقرن سوّن علـى جول الحباري = هيلعن وقت اللـــــوازم محتســـــينه

فزعتي نايف واناللــي فيه اماري = شوق من تزها الكحل برموش عـينه

ايه ابو بدرالبطل ذيب الغــــداري = اشهــــــدانه فزعة العين الحــــزينه

دوننا ماحــط بيبان ومـــــــــذاري = احتنا دونك عسا تبـــطـــــي سنـينه

تظهر الصدقان في وقت الجواري = والاسد وقت اللقا يحمـــــــى عرينه

كالاســــــد يزاْر ولاهاب الخطاري = قا ل دونك كل مـــانملك رهــــينه

انت دونك يامشاري مـــــــــانداري = دونكم نثنــي والانفـــــس بايعينه

للعدو اشــــــد مــــن طعن الشباري = والصــــديق انريحـــــه وتقرعينه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذا بن بليهد راح با العطله يم حائل وابطى واتصلت به وينك قال انا هذا عندالخوال بحائل ادور مع الخطابات غدينن القا لي عروس وقت ها العطله قلت عاد لقيت احد قال والله يوعدوني ولاصار شي اليا هالحين قلت خليت الخط مافيه احد يخالف الشعار لاني مسميه ساهر الشعار اول لانه كثير التعقيب على غلطات الشعار الاملائيه قال ماني فاضي خلنا ياما نخلص الاجازه فكتبت به هذه الابيات
(ياجماعه ساهر الشعار خرب فلاشه)في17\7\1433ه

ياجماعه ساهر الشعار خرب فلاشه = لو تمره ماشين 200 مايشقابك !!!


ياجماعه ساهـــر الشعار خـــرب فلاشــه= لوتمـــــره ماشين 200 ما يشـــــقا بك

يذكرونه فوق ظهر الجيب شد فـــراشـــه= كل يــومـــن يم حا ئل بالطـــــــريق يدابك

لخبطة مخـــه عجـــوزن با البلد غشاشـه= قالت انت اللي نحبه واحمد اللــي جا بك

خا طـــبينن لك بنيه مـــن بنات قماشــــه= انت تزهاها وهــــــي والله بعـد تزهــا بك

جادلٍ ماقبلك اللـــي كد رقد بفـــراشــــــه= تحــــــــــتريك ولا تنام الليل وقت غــيا بك

روح شاهد صـــورته كنه شكل خفاشـــه= بنتـنا يا بن البليهــــــد با الــــزواج اولابك

ماتبي منّك ســـوى لها يه وقـــرقاشـــــه= وتترك اهلك والعيا ل ولابتك واقـــــــرابك

وامسحة مخه بغمضة عينها وارماشــــه= وقا ل سمي وابشري في راتبي بحسا بك

ياالبليهدلاتصــــدق هـــــــذي القشاشــــــه=انتبه وش فــــــــــــيك يابلهود سال لعابك

عقب ماكنا نخافك دايمن باالشاشــــــــــه= سـرعتك قصوى وخا يف ما تبي يدرابك

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
((بعض البشر ودك يبلـّم عن الهرج))في 24\1\1434هـ

بعض البشر ودك يبلـّم عن الهرج !!!

بعض البشر ودك يبلـّم عــن الهرج= حتا تريح الناس مــــن زود هــرجه

دايم خيوله با الهزيله تجـــــي مرج= يركب على الهزلات مـندون سرجه

كسبه مــن الهزلات والعوروالعرج= مثل النســـــريفـرح اليا شاف حرجه

نفســه ثقيله مــــارهونفضت الخرج= قصـــــير باعــــن ماقطع كل فرجـه

يقصرعن الطولات بالماقف الحـرج= وايجمّع الهزلات في وســــط خرجه

ياخذ مـــن الهسّـــات وايحط بالدرج= ياما ملا مـــن واطـــــي الهرج درجه

ياهيه يامســكــين حــوّل مــن البرج= الناس مـــــــاترضــــاك تصعد لبرجه

انزل تحت مع عالم الهـــون ياجـرج= خلـّك مع اهل الهــــون تخدم لجــرجه

مـن صغر سني عايفن لحمت الحرج= اسمو عـــن الهـفوات عــوره وعرجه

حناعــــزازانفوس بس اقصر الهرج= وازبن على ربك عــن الظلـم وارجه

وانته اسمول اصغير ومحدثك لارج= يقصـراسمول الناس عن طول لارجه

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
هذه قصيده فكاهيه لمحبي الفوكاهه وانا مسافرالعام
مرمن جنبي لي راعي سوبرمان وكنت انا على سياره صغيره ومفرع واللحيه نافشه على الدركسون ويوم مر من جنبي وهي تلتفت اللي على الباب الايمن الظاهر تحسبني ولد ويوم التفتت يامار اللحيه طافحه وهي تصد على طول اكيد ماعجبتها لكن القلب تحرك والله وانا اغني على طول
(هلا السبرمان)

ياهلا السوبرمان اللي تعدى !!!

ياهلا السبرمان اللـي تعدّا = وقفولــــي وشيلوني مـــــعاكــــــم

شفت لي جادلٍ معكم تحدّا = شــــل قلبــي وروح به وراكـــــم

قذنــــي بالعيون وثم صدّا = ووجس القلب شلّع واعتــلا كــــم

قد قلبي مـــن المجمول قدّا= واهني من ركب ظمن خـــوياكـــم

علموها ترد القلـــــب ردّا = انصحوها كــفانا الـلــه بـــلا كـــم

شايبٍ به قطارالحب عـــدّا= شيبته ماتناســب مســتـــــــواكـــم

ارفقــــوبه تروحــيله تردّا = ومنعــوماتبقّـــــــى مــــن عــناكـم

سدوالباب يالاجواد ســـــدّا = واسلــمو ســدد المــولاخــطــــا كم

طفلكم فــي نظر عينه تعدّا= والا انا دارين مانــــــــــــي واياكم

حدني طفلكم با العين حدّا= وجـــــــوّد القلــــــب بيديه وتلاكم

مد سهمه من العينين مــدّا= والهـــــــــــواوي دروبه ماتخفاكم

[مشعل عسام التريباني]

بسم الله الرحمن الرحيم
الشاعر\مشعل بن عسام التريباني الشمري
((قصيده ترحيبيه بالشاعر ناصر القحطاني))3\2\1434هـ

قصيدهـ ترحيبيه للشاعر\ ناصر القحطاني ياهلا ويامرحبا بك بين شمر


عند شمر مرحبا في ناصر القحطانـــي= مـــن يقــــدّم طــــيـّبه يســــــتاهل الترحيبه

مرحبابك ياعريب الساس ياكحيلانـــي= انت ياســــاس العـــــرب مافيك شك وريبه

انت يازاك النسب يامعرب الجـــدانــي= لك يمــينن طــــاهــــره والطــيّبه تحـــريبه

ياسليل اهل القنا والرمح باالمــيدانـــي= اقحـــطان اصل العــــرب للمعتدين مصيبه

اقحطان مكرّمين الضيف والجـــــيراني= وللــــــعدو ســـــــــمٍ سقطري والكبود يذيبه

للصديق احلا من الما في فم العطشاني= وللعدو نارٍ يخــــيف المعــــتدي ترهـــــيبه

اقحطان اهل الوفا ومــــزبنين الجانـــي= لابةٍ طــــيب السجايا مـــــــن مكاسر طيبه

لابةٍ فـــــــرسانها ياعــدو الفرسانــــي= مـــــــن يعاندها بســـــــــاحات الوغا ياشيبه

لابــةٍ يــدعا بهــــا ياثوّر الدخانـــــــي= يجدعون الخصم بافـــــــــواه الطيور وذيبه

كل ماطبّو بساحات الوغا شجعانــــــي= مــــــن طمع فيهم مــــــردّه للفشل والخيبه

والختام اقول حيّك ياصبـــــي قحطاني= عــــند شـــــــــمر لابتي ساس الفخر والهيبه

عند شمر ربعي اللي يكرمون العانــــي= ياهـــــــلا عــــداد ذرات الثرى ترحــــــــيبه

مرحبا من قلب قلته قبل نطق لسانــــي= انت مـــــــــــــن فيك القوافي يزدهر ترتيبه

من جبل حاتم نرحب فيك يالقحطانـــي= رحـــــــــبو بك كل شــــــــــمر شبّها والشيبه

ومن حروفك يوم سمّرته على برزانــي= يوم ســــــجلت الـــــــبيوت اللي لنا تصخيبه

[مشعل عسام التريباني]

بسم الله الرحمن الرحيم
هذه القصيدة جتني رساله من الاخ سالم حمود الرماح واعتقد انه يقصدبها
((اخيه المغفورله ان شالله محمد حمود رحمه الله تعالى يقول))

مهما نواجه من فراق وصعـــايب = نبقى على عهدالاخوه والاحــباب

ومهمانشوف من الزمان العجايب = تبقى الاخوه بينناضد الاصعـــاب

هذاكلا مـــي بالرخا والكــــــرايب= منسا ك لين يحط منفوقـــي تراب

((وعند وصول هذه القصيده رديت عليه بهذه القصيده))

ابيات رساله من سالم حمود التريباني ( ومردي عليه) !!!


ياسالم اصبرعند وقـــت المصايب = ماجور في صبرك على فقد الاحباب

ترالحزن ياخــــوك مـــاردغا يب = هذاطـــريق الحق مـــــاعنه مجناب

ترهذي الد نيا تســــوي عجــا يب = ياما علــيــنا كشــــــــرت كل الانياب

تــبدي حلاوتها وتخف المصـايب = وكم واحدٍ بقــــعا تعضـــه بالانـياب

مار اطلب المولى جزيل الوهايب = له عالــــي الفردوس بجوارالاحباب

يسكن بجــــناتٍ بها كل طـــــايب = يلقــــابها مــــن كل مـــــالذ ثم طاب

عساه ناجــي من سعـــيراللها يب = بجــاه الكريم اللـــي الـــيا رادوهاب

محي العظام المرمسات الحطايب=ربٍ كريمٍ مــــن ترجاه مـــاخــــاب

ومــن التجا للرب مــارد خـــايب = هوخا لق الد نيا وهـــومجر الاسباب

يامن بـتد بـيرك تســير الهـبايب = رحماك يمهوّن علــى كل منصاب

اسال الله الكريم ان يرحم امواتنا وجميع اموات المسلمين الله اماجازهم بالحسانات احسانا وبالسئات عفواوغفرانااللهم ابدلهم دارخيرمن دارهم واهلٍ خيرمن اهلهم وازواجٍ خيرمن ازواجهم اللهم اجعل قبورهم روضة من رياض الجنه وافسح لهم فيها مدالبصريكريم اللهم تقبل دعواتنا واغفرزلالتنا في هذالشهرالكريم اللهم اجعلنا جميعامن عتقاك من النار ياكريم وصلى الله وسلم وبارك على نبينا محمد


(( الشاعر \مشعل عسامالشمر

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((عرق القطاعه))في12\2\1434هـ


عرق القطاعه !!!

يالله دخيلك من عـــروق القطاعه = اقلـــوب لو لان الصــفا ماتلينـــــــي

كلن من البغضا معبي شـــــراعه = لبليس في قطع الرحم طايعينـــــــي

قلوبهم شــــــــتا ولو هم جـــماعه = بقلوبهم حــقدن قـــديمن دفينـــــــي

ياقاطع الارحام مالك شــــــــفاعه = ماينفعك لو جبت عذرن سمينـــــي

قطع الرحم منكرعظيم وشـــناعه = والله مايرحم ســــوى الراحمينـــي

خاف الكـــريم وحـق والدك راعه = لا تنجرف مع عالمن ضايعينــــــي

واخــــوك لاتلوي يديـــنك ذراعه = لحمك ودمّك يا الـبيب الفطينــــــي

لاتبعــــــــدك دنياالفنا والــــدناعه = واعرف ترى جرم التفرّ ق مشيني

ترلذت الدنيا وزخـــرف مــــتاعه = يمكن تودي بك مع الهالكــــــــيني

يالي جعلت مـن الاقارب بضاعه = بيعك خسروانته من الخاســـريني

خلك لبيب وخل عـــــــندك قناعه = واتبع طـــــريق جدودك الاوليني

ياسعد قلبن فيه يوجــــــــد وراعه = يرعـــى حقوق الله بعقلن رزيني

لوكان با الدنيا لنا مـــــــن طماعه = احق فيها ســــــيد المرســـــليني

مضى حياته بين خــــوف مجاعه = انا فداه وماتحــــــوشـــــه يديني

صلوا عليه اعداد ماخضــر قاعه = اطهرعباد الله يا الســـــــامعيني

يالله تجنبنا القشـــــــر و القطاعه = يالله لاتشـــمّــت بنا الشــــــامتيني

[مشعل عسام التريباني]

بسم الله الرحمن الرحيم
الشاعر\ مشعل عسام التريباني
((الفقرستر للعفين سجنٍ للطيب))في18\2\1434هـ


الفقر ستر للعفين وسجنن للطيب !!!

اشهد ان الفقرســــترن للعـــــفين= يستره عن شرهة اللي يشــرهون

مار سجنٍ للـــــرجـــال الطــيبين= لــــو بغو درب العـــلا مايقدرون

ودّك ان المال يعــــطا الخــيرين= ياعســــا هــلا الصخا مايضعفون

الرجال اهل الصــــخا والغانمين=عـــن طـــــريق المرجله مايلبدون

عن دروب الطيب ماهم مختفـين=الكــــــرام من اللباده يســـــــتحون

الصخــــــــي ما يتقي لو يسـتدين= مايصك الباب دون اللــــي يجـــون

يفرح بشـــوف الجماعه مقبليـــن= منوته شــــــوف النشـاما القادمــون

يالله بعونك تعـــــين المستحـــــين= تكــــــــــرم اللي للرجال يكرّمــون

كل من يفرح بشـــــــوف المقبلين= يضحك حجاجه قبل ضحك السنون

ابلجن شـــــــــوفه يسر الناظرين= ماتخفــــــــى عند خــدرات العيون

ياكـــــــــريم الجاهـ رب العالمين= تكرم اللــــــــــي للمراجل يتعبون

يامعين انك تعين الصـــــــــابرين= وبّر ذمتهم مــــــــن اثقـال الديون

الفقرفيه الصخي مــثل الســـجـين= ســــــجن للطيب وعـذرن للعفون

العفون عـــــــن المراجل هـاربين= بس لوصـــــارو فقارى يعـذرون

والعفون مـــــــن الجميل مجردين= للفــعول الطـــيّــبه مايطمــــحون

[مشعل عسام التريباني]

بســـــــــم الله الرحمـــــــــن الرحيــــــــم

الشاعر/ مشعل عسام التريباني الشمري

(( مجارات ))


من الارشيف القديم !!!

خطكم جاني ولا ادري وشتريـده = ليتي ادري خاطرك هو ويش ناوي

مار اقول عبيد قبلك في قصيـــده = فضل الصعبات في وقــت البــلاوي

واعرف إن الله مايضيع عبيــــده = لا يهمونك مقلبـــــــــت الحكــــاوي

يحرمون الرجل من شوفت حفيده = شلة النمات والهرج الرهــــــــاوي

عالمٍ بالخيـــر مدتهم زهيـــــــــده = وفي طريق الشر واحدهم عنـــاوي

يبذلون الجهــد باخلاف العقيــــده = وعن طريق الخير واحدهم نحاوي

الطيور الجارحه تعـــــرف بصيده = غير عطبين الضرايـب لا تخـــاوي

إلزم اهل الدين والاريا السديــــده = متعبين الخصم عطبين المهــــاوي

لا تصادق غير صافين الحديــــده= والحذر من كل لمازٍ ســـــــــواوي

كل مؤمن لازمٍ يحـــــــذر نديـــده= الحذر من علةٍ مالـــه مــــــداوي

امسك الخط الموصـــل لاتحيــــده = وان تركته لاتطيح الامتســــاوي

في وجود المي مايغنـــــي صعيده= وفي غياب الطب يكفن المكـاوي

[مشعل عسام التريباني]

قصيده للشاعر سطم فهد الخليل (ومجاراتي له)

قصيده للشاعر\ سطم فهد الخليل (( اعجبنتي وجاريتها بهذه الابيات))اليكم القصيده والمجاره !!!

درســـت بالتـجـويـد اقـــلاب وادغــــام= يـومــي صـغـيـر وناقصـتـنـي فـهـامــه

ومـع الزمـن عرفـت انـا كـل الأحـكـام= مــن كـثــر تقـلـيـب الـزمــان لنـظـامـه

وعرفـت فيـه دروس صعبـات وعظـام= وبعـض البشـر صـرنـا نفـسـر حـلامـه

واخــذت درسٍ مــن الليـالـي والأيـــام= وحـفـظـت دورات الـزمــن وابـتـرامـه

وعـرفـت وقــتٍ لأكـثـر الخـلـق ظـــلام= وقـــتٍ بـــه الأجـــواد قـــل احـتـرامــه

وقتٍ به الحصنـي حمـل رمـح وحسـام= مــن ورث جـدانـه يـبـي لـــه زعـامــه

وفيه الفهد يمشى على اطراف الأقدام= خــوف مــن الحصـنـي يتـكـدر منـامـه

والذيـب يمشـي طايـعٍ وســط الأغـنـام= يـعـطــي تـحـيــه لـلـغـنـم و ابـتـسـامـه

وبالمنـتـدى واكـثـر قـنــوات الأعـــلام= كــــل عــلــى كـيـفــه تـقـلــد وســامــه

ولقـيـت لــي نــاسٍ تبـنّـي لـــه احـــلام= جـمـاجـم الـمـوتـى تـجـمّـع عـضـامــه

تبـنـي لـهـا مـجــدٍ بتسـطـيـر الأوهـــام= كــــلٍ جــعــل جــــده كـبــيــرٍ مـقــامــه

يـقــول جـدانــي اهـــل خـيــل وكــــرام= ومــن رث جـدانــي ورثـــت الـكـرامـه

ولــو هــو فـعـل فـعـلاً بيمـنـاه مـايـلام= لـكــن يـقــول انـــه وريــــث لـعـمـامـه

وطيـب الجـدود للـحـي ماضـنـه الــزام= الـطـيـب لـــه نـــاسٍ تـعـلّــى سـنـامــه

صحيـح للماضـي مـع الحاضراسـهـام= ومــاضٍ بـلـى حـاضـر بـذكـره مـلامـه

ومــن يعتـبـر امـجـاد جــده لــه حــزام= اخـطـى وفعـلـه مـثــل فـعــل النـعـامـه

نصيـحـتـي لـــه لا تـزغـويـه الأوهـــام= احـلــى تـعـامـل لـلـنـفـوس احـتـرامــه
الشاعر سطم فهد الخليل الشمري


بسم الله الرحمن الرحيم
الشاعر\مشعل عسام التريباني الشمري
((مجارت لقصيدة سطم فهد الخليل))في 19\2\1434هـ

((مجارت لقصيدة سطم فهد الخليل))في 19\2\1434هـ !!!

قلت الصحيح وقايل الحق مــايلام = يلقا مع اهل الطيب كل احترامه

ناسن تسل اسيوف بادة من اعوام = كلن يقول ابوي مـــــرفوع هامه

لبسو ثياب الكبروظلال الاوهـــام = وتوشــــــحو بوشاح كبرورخامه

كلن يقول انامــــــــن الناس مقدام = وجدي من اللي يحملون الزعامه

لبسو ثيابن بايده قبل الاســــــــلام = شين مضا ماله رســـوم وعلامه

ابوه صح انه علم ظمن الاعــــلام = لكن محت سمرالليالــــي عظامه

ويبي ولديقدم علــى الطيب بحسام = يمســــــــــك محله ماينزل مقامه

شبلن علـــــى كسب العلا يقدم اقدام = كل المراجل ماسكن فـــي زمامه

خفيف نفــــــــس وبالمهمات مهمام = صخـــــــي كف بارزن بالشهامه

ومن لايفصل له مقاسه مــن الخام = يقش فـــــي ذيله قشا ش القمامه

ومن لايصلي ويش حتى ولو صام = ماينفعه صــوم الدهركان صامه

والكذب لوطالت لياليه مــــــــــادام = ماينفعك حبله رديّن حـــــــزامه

الكـــــذب ماينفع تر الكـــــذب هدام = كم من كذوبن يشتبه فــي كلامه

بالكذب يبني له مثل وصف الاهرام = تهوي على كثر الهذاري سهامه

يذبح ويصلخ مار كله بالاحــــــــلام = لازم يبي شيــــــخن يفسرحلامه

والياتــبــين كل مــــــــــا قاله اوهام = تطلع من وكور الحـرار الحمامه

اهوال صارت كنها وصف الافــلام = يارب تحـــــــمانا ومنك السلامه



رد الشاعر سطم فهد الخليل

رد الشاعر سطم فهد الخليل !!!

ياحي مشعل وحي ماسطر وجاب=يبني على الجزلات جلّ اهتمامه
خطيب شاعر ويحسب لقوله حساب=ماهو يتقمز بين جرف وعدامه
اما النسب هو من عريبين الأنساب=طيب وكرم0نخوة0شجاعه0شهامه
دهمان اليا منّ وصَـلَـتْ حزم كلّاب=ياسعد 0منهم 0هم 0سندْه 0وحِزامه

[مشعل عسام التريباني]

http://im26.gulfup.com/2012-09-14/1347573939311.jpghttp://im21.gulfup.com/2012-09-13/1347538946721.jpg
مــــوريس الـــــ***

نصرة لنبينا المصطفئ
صل الله عليه وسلم
أرجا من الشعار المشاركه

فظلاً لأمروكل يختار القاف الي يعجبه

طلاع الزميلي الشمري


موريس يامجدد صور لدنامــرك =انا خطيبه كان طول جـــــنونه

ان جاب الله خشته لفركه فرك =امزع سنونه ثم اعمي عــــيونه

ملعون ابو صلب تغذئ علئ الشرك=علئ الدعاره ثم تعزف فنـــونه

لك عندنا ويل زمهريرأسفل الدرك=ويماً عبوس وقمطير ومـهونه

قولااً وفعلاًغير تبرك لـنا برك=في قدرت الي له بخلقه شـئونه

الشاعر طلاع الزميلي الشمري

صح لسانك يابو طلال وبيض الله وجهك
يستاهل هالفركه يابعدحيي انت والله يابو طلال



نصره للرسول صلى الله عليه وسلم (طلاع الزميلي) (ومشعل التريباني) !!!

موريس والله لو نجود مناخـــرك= الا تذوق انواع كــل المهــــونه

والله لنطحن جثـتك ثم نعصــــرك= وبعد العصـرجثتك تجي معجونه

ونولع النيران فوقك ونسـعـــرك= با النار راسك ربعنا يشــتوونه

يا*** غرك كافرك يوم ينهــرك= حتى رسول الله طمعتو تجــــونه

ياعابد الخــــنزيرلازم نعـــــزرك= وسم الحريشالازمــــن تشربونه

واليا سمدجسمك نشيلك وننثرك= وجمجمـــــتك هلا التقا يطحنونه

ابليس في سورالنذاله مسـورك= جود عليك السلسله فـي سجونه

زين لك الشيطان قذفت مفاخرك= والمصطفى تبطوون ماتاصلونه

هذه مشاركتي وسلامتكم في1\3\1434هـ الساعه 10 مساء
اخوكم مشعل عسام التريباني الشمري

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

دقت نواقيس الخطر)في2\3\1434ه



دقت نواقيس الخطر وابتدى الخوف = على بلاد الشام يالله دخيلك !!!

دقت نواقيس الخطــر وابتدى الخـوف= علــــى بلاد الشام يالله دخــيلك

هذاك مذبوحــن وهـــذاك مخطــــوف= ونقول يابشـــــار قــــــرب رحيلك

هذا ربيعن به عـواصــــيف وصـــــروف= ســوالفن جتنا علومــن تهــــيلك

الغـــرب تدبيره با الاضــرارمــحـــفـوف= قولو لابامـــــــا كف عـنا فـــــتيلك

يامـــــــر وينــها العـــبد وايلـوفنا لـوف= ويذبحك وايشـيّع جـــنازت قـتيلك

يضحك بسن وســــن به سـم ذايوف= وايجــــــــيّرالدنيا لصـالح بديــــلك

وايقول نم يايعـــــــــربي منت مكلوف= دنياك مقــــــدوره وربك وكـــــيلك

هات الدراهم واسترح وانت معــــروف= والياحصلك شــــي صيّــح نجيلك

سلم عراق العرب للفــــــرس مكتوف= يقول للشــــــيعـــــي بردناغليلك

وولع شرارت نار واحرق بها الصــــوف = ثم قال يابشــار قم شـــــدحيلك

اذبح بلارحــــــمه ترا ربعك اضعــــوف = والله ماتلقا مـن يحـــــرك شليلك

ولاتســــــــمع العــذال لوكانو اولوف= وتراي با التلفاز ابا اعلـــن رحــيلك

وانا بقول انـــي عـــن الدعم موقوف = مــن دولة الفــــيتو ودولة زمـــيلك

وانت التهمهم دون تسمع ولاتشـوف = اوقــدعليهم مــــــن بلاوي مليلك

هاذي ســـياســتنانســـويكم اصفوف= انا ونجـــــــــادي كلناننتخــــــيلك

والمالكــــي معناكما القلب بالجـــوف= دينك علـــــــى دينه وهو ينتميلك

واليااستوت نعلن نبي زود مصــــــروف= ونروغ عنهم والبلــدتســــــــتويلك

وان زادو الغــــلـّه خـــــذيناه برفـــــوف= ابشــــــــر بعزّك بس ولـّم شليلك

وحنا نقول امــــــرك ترا صار مكشــوف= نرجــــــــي كـــريم المد عنا يزيلك

كافــــر وبن كافـــر ولافيك معــــــــروف= ياعل ربـــــــي من وجوده يشيلك

يالله ياكاشــــــــف ضـــرر كل مــلهوف= نصــــــرن مثل نصرك لعبدك خليلك

لشـــعبن مهجـــر في مغارات وكهوف= وانت الذي ماخاب مــــــن يلتجيلك

نســــــــوانهم تغصب وشيبانها تشوف= من الطاغي اللي مارضي ينحنيلك

سلط علـــــــى بشار سبعين صادوف= واضرب عليه بســـــطوتك واتهويلك

متـى يجــــــيله يوم ويجاب مشــنوف= بامــــــرن منك ياللي غمرنا جميلك

ويشاف راسه باوسط السوق محذوف= وايقال ذق بطــــــشك بنا وتهـبيلك

ونسجد سجود الشكروامنن بلاخـــوف= للـــــي رفع عـــنا ظلالك ومـــــيلك

ويزول كابوسن مشاهد ومشــــــــيوف= وندفن علـــــى قبرك بواقي نثـيلك

ونقول رح جعـــــلك بســـــــتين ذالوف= وندعي بويل يصـــــــــيرماْوى نزيلك

ياللــــي بظلم الناس بالوصف موصوف= مــــن بطش رب البيت يالـكـلب ويلك

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري
((حضرت اليوم))في1\3\1434هـ

حضرت اليوم في حفل الضياغم = اشارك بالفرح ربعن حشاما !!!

حضرت اليوم في حفل الضياغم= اشارك بالفــرح ربعن حشامـا

اشاركهم وازف اجمل تهانــــــي= هنيئا يـا رفيعيـــن المقـامــــــا

ابا اكتب لابو عبد الله واهنــــــي= و اشوف انه علي امرٍ لزامـــا

هنيئـا يالحــرار الصيــر ميــــــه= هنيئـــا يامرويــــن الحسامــــا

هنيئـــا يا مقابيــــــس المنايــــــا= سلايل من يردون الجهامــــــا

حرارن من حــران من نــــوادر= لهم سهمن مع كبار السهامـــــا

لهم تاريخ فــي شبه الجزيــــــره= بنوبه صرح عزن مايرامـــــــا

بنوفيها صروحـــن كالرواســــي= وتاريخن مسجــــل للانامـــــــا

بنوبه صرح باسم اخوان نـــوره= وحد السيف قصاص العظامـــا

كتب فوقه كلام اهــل المفاخـــر= نردالخصم في وقت الخصاما

مزخـــرف بسم زيزوم السرايـا= عدو الخوف مدباس العسامـــا

عليه حروف سجل محتواهـــــا= ترا الخواف يغشـــاه الملامــــا

صعدنا فوق بحبالــــن قويــــــه= وتعلينا علـــى راس السنامـــــا

عيّنت البيه يوم ارسل رســـوله= بغا المهــــــــره وعوّد بانهزاما

اخونوره عليه اقســـــم بربي= بان كــــــروش ماعطيها دواما

يقول كـــــــروش قبلك كد طلبها= بن هـــــادي وفيصل قلت لاما

عليها البيع يحـــــــــرم والعطيه= احيـــــطك علم مابعـــده كـلاما

مدامـــي حـــــي مايفارق سواده= ياما نفســـــــي يوافيه الصراما

ترا يا البيه مــــن يطلب جوادي= مــــابيعه له كذا برد وســــلاما

مابيعه غير فـــي يومن عبوسن= يشــــــيب الطفل به قبل الفطاما

ترا العطشـــان مايسكيه غيـــره= ولو يسكيه مشـروبــه حرامــــا

وشهد له با الفعل روس القبايـل= مثل راكان يوم ارسل سلامــــا

ذلولن مرسله تحمــل رسالـــــه= لاخو نوره تحيــه واحــترامــــا

بدابه وانتهابه بـــــا الرسالـــــه= قبل خالـــه وقــــدام العمــامـــــا

وبن هندي ذكرفعل الجنـــــازه= يقول عن الف فارس بـا التمامــا

حشــــــا لله مــــا مـــــثله رائينا= ولامثله ولد لبــس الحــــــــــزاما

ولوبا المعركه فيه الف فاررس= جـــــردهم لين خـــــلاهم حطاما

ولوياتي زيادة كم فـــــــــــارس= تعود جموعهم شـــــــتا ســـــقاما

بغــــــيرقصورفـــــي كل القبايل= يصدون العدا شـــــــرقن وشاما

يوم الخوف وايـــام المغــــازي= وقبل الدار يحكمهـــا الامامــــــــا

وعقب حكمه توحدنا وصرنـــا= جسد واحد وراح الانتقـــامـــــــــا

من الغربي اليا شرق الجزيـره= لياحـــد الشمـــال اليــا تهامـــــــــا

وهذا اليوم يحكمهــــاابو متعب= سخـــي الكـــف مداته جسامـــــــا

رعاهـــا الله ابو متعب ملكنـــا= ابو كفــــن مسح دمـــع اليتامــــــا

عسالله يحفظه ويمـــد عمــــره= صليب الـــــراس للعايل كعامــــا

ملكنا اللي غمرنا فــي حنانـــه= نجدد لـــــه ولانــا كل عامـــــــــا

رعاك الله ياصقــر العروبــــه= رقدنــا وانت عينـــك ماتنامــــــــا

ملك عادل ومداتـــك جزيلــــه= عطيت الشعب وازداد التحامــــــا

وصلى الله على سيد البريــــه= عليه افضل صــــلاتــي والسـلاما

نبيـــن كلـّفـــه رب البريــــــه= يبلـّغ عنــــه دينــه بــانتظامـــــــــا

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
((انا شاقني مزنن تزبر وبرقه لاح))في 25\2\1434هـ

اناشاقني مزنن تزبر وبرقه لاح!!!

اناشــاقنــــــــي مزنن تزبر وبرقه لاح= علـــــى فيضت التنهات هلة هماليله

نسيم الهواء به يشبه المسك ساعت فاح= يجلا الهموم اللي على القلب وايزيله

مـــــدت كـــــريم ياعطا مايديه اشحاح= يعطــــــــي بلا منـّه ولاحدن يحاليله

سبحانه اللـــــــي يعلم الســـــرقبل يباح= وســـيعٍ عطاهـ وياعطا مانقص كيله

رزقنا بغيثٍ يوم فوق المراعــــي طاح= غـــيثٍ مغــيثٍ عم كل البلد ســــــيله

والارض عقبه تكتســــــي حلةٍ ووشاح= وفيها ام سالم زغرتت فــــي مواويله

تجراللحون بصوتها الجاهــــر الفضاح= كـــــــــــنه تقــــول ازف لله تهــــليله

زان الطلوع لعاشق البروالمســـــــراح= فوق الجــــيوب اللـــي ابعد الدو تدنيله

نسري بتال الليل ونصبحه مصــــــباح= والصبح تلقا الجيب به كــــــد نثرشـيله

معك عيالٍ نقوتن والقلوب صــــــحاح= مامنهم اللــــي منه يمكن تجــــي ميله

ماتسمع الاضحك ومداعبه وامــــزاح= ومزحٍ خفيف وشــــــعرماتسمع العيله

تبعدعن الزحمات ومــن المدن ترتاح= والنفــــس جـــو البر ياصاح ويصفيله

اناشهد ان البريشفــــــي العلل ياصاح= طــب النفوس ويطـــــرد الهم وايزيله

ومن بعدهايالقرم ياماحــــــلاالمرواح= مع ســــــــــهلةٍ والجيب فيها عوا ويله

والربع كلٍ قال ماعاد فيه امــــــــراح= نبـــــــي نروح وننثنــــــي بعد كم ليله

[مشعل عسام التريباني]

بسم الله الرحمن الرحيم

سئؤال عن غالي

سئؤال عن غالي !!!


لابـاس ياشيـخ المـراجـل والامـجـاد=ياللـي لـك العليـا مطامـع ومشـروع

دايـم مطاليبـك مــن الطـيـب الازواد=يفـداك يانـزه الشـنـب كــل مـنـزوع

مشعـل ولـد عسـام تاكيـد الاوكــاد=الله عطـاه الـديـن والطـيـب وطـبـوع

طيـب وصاحـب ديـن ومعـرب اجـداد=وربعـه لهـم بالمجـد وديــان وفــروع

دهـمـان للامجادحـاضـيـن واسـيــاد=خطـلان الايـدي مابهـم قاصـر البـوع

ومن هو زرع للطيـب للطيـب حصـاد=والطيـب الاول صـار بالفـعـل متـبـوع

ياطيـر شـلـوى يابـعـد بـعـض الاولاد=غـلاك وسـط القلـب بالـدم مطـبـوع

ويبقى بحول اللي له الخلق ســجاد=لعبـادتـه سـجـاد بـاخــلاص وركـــوع

وغـلا بـدون اخـلاص لـو صـار مـافـاد=يقضـي اليامنـه قـضـى كــل ينـبـوع

وياكثر اللي غيري من الناس نشـاد=الـكـل منـهـم بالـغـلا صــار مـدفــوع

ينشـد عنـك عسـاك دايـم بالاوجـاد=والراس من خوتـك يالشهـم مرفـوع

الله يفـكـك مــن صـواديــف الانـكــاد=ويكتب لك التثبيت في لحظة الروع

ويرحم شهيمٍ ساكنن وسط الالحاد=والدك اللـي يـاراد للطيـب لـه طـوع

ثم يرحم اللي ضمتـك داخـل امهـاد=ومن فرحته تعبيـره الضحـك ودمـوع
الشاعر/سميحان بن فهد السويدي
المذكور مرعلى الباب مالقا عنده احد يوم يومين اسبوع مانفتح الباب ثم سال عني وين ابو عبدالرحمن يالربع من سبوع مهو موجود قالو مصخن هاليومين مايقدر ثم طرق الباب وفتحوله الاطفال قال ابي ابو كم قالو تفضل ادخل ثم دخل وكنت تعبان بالحيل ويوم شافني بكى قلت مابي خلاف الحمدلله انا طيب قال عساك طيب ومشا وكل بعد ست ساعات يتصل بي بشر وش لونك حتى طبت والله الحمد فاتاني بهذه الهديه الله يطول عمره انها هديه تسوى عندي الشي الكثيرلانها من محب من قلب صادق شكرا لابو طراد ثم قدم لي هديه ثانيه من بن عمه ابو بندر قصيده ثانيه سوف تشاهدونها بعد كم يوم باذن الله تعالى فشكرا لكل الاثنين الله لايريهم مكروه في من يحبون
المهم اليكم الرد مني على الهديه الاولى
بسم الله الرحمن الرحيم
الشاعر\ مشعل عسام التريباني الشمري
((ردي على ابو طراد))22\3\1434هـ
رد على الشاعر\ الكبير والاخ القدير سميحان فهد السويدي الشمري
الاخ الوافي اللي يوم مرضت لم يهدى ساعه بدون لايمرني او يتصل بي
واخيرا يكتب بي قصيده يشافيني فيها من قلب محب للخير لكل الناس الله لايهينه ابو طراد

ردي على ابو طراد!!!


حي الجواب من الوفي نسل الاجـواد = راع الصخا ساس الوفا راهـي البوع

الهيلع اللــــــــــي للجزيلات يصطاد = يطلع على الامجاد وايصوعها صوع

سميحان ياللي عــن هلا الطيب نشاد =) بن فهد عســـــــاه مايشكــــــي الروع

منجم ذهب ممزوج فـــــي ميّة الكاد = الله خلق تكـــــوينته واحســـــن النوع

له مجلــــــــــسٍ تلقا به الهيل والزاد = تلقا النشــــــــــــاما فيه لافين وطلوع

دايم هلا الطـــــــــولات للشهم تعتاد = يلقون عنده هرج صايب ومشـــــروع

من لابتن فيهم مــــــــن الطيب تعداد= اولاد زامل مــــــــــدركٍ كل مطموع

ضدالعداء فــــي وقت طارد وطراد = خصيمهم نومه علــــــــى حافة الكوع

والدين فيهم من علــــى عهد الاجداد = دايم مجا لســـهم بها الذكــــــرمجموع

وقصيرهم مايشتكـــــــي كيد الاحفاد = قصيرهم دايم عن الضيم مـــــرفوع

اكبر مثال حمود كســـــــاب الامجاد = اللــــــــــي عفا للجار لو كان مفجوع

شــــيخ العفو راع الكرم طب الاكباد = مقلدٍ شـــــــــمروســـــــامات وشموع

لو ابــــــــي اعدد مافعل جف الامداد = طيبه بحــــرمهو تقاطـــــــير وقطوع

يامـــــن خـــــبررجلٍ بوقت البلاجاد = فــــــــي وقت حرالفاجعه قل ها النوع

وكل الســـــــــويد فعولهم مالها عداد = مثل الشهد يشفـــــــي سقم كل موجوع