أشــــلاء دمّـــي

[ضوح النقا]

بسم الله الرحمن الرحيم
مساء الخير على الجميع ,,,
هذي ثاني قصيدة أنشره بالمنتدى ...
وأتمنى أن تحوز على إعجابكم ,,
وهي بعنوان (أشلاء دمّي)



الحزن والقرطاس وأشلاء دمّي=وحبر القلم والبرد وأصابع الموت
تغتالني والوقت ماهوب يمّي=دقايقه تمشي وتسرع لتابوت
لو كنت له أصيح وأقول همّي=رجع صدى قلبي يجاوبني الصوت
برد العروق وضلوع صدري تلمّي=مايدفي نار الحشاء وملابس الكوت
القلب لو يشكي نثر كل غمّي=وهزيمته دايم في حرب جالوت
هزيمةٍ نكراء وبعده يسَمّي=كل الأماكن كذب والصدق ممقوت
أصل الزمن لو صار ضده مهمّي=همٍ يهم القلب ويصير مكبوت
بسجن الوهم محكوم حكمٍ يعمّي=ولايخص به قاضي والأمن مفلوت
والقلب ومحاميه من دون ذمّي=ما أستثير لقولهم والشك مكتوت
إحساسي لو شارني بشئ تمّي=وش دخل القلب يوم يوزع التوت
توت الحشاء مافيه سمٍ يسُمّي=فيه الحلا والزين والشرب والقوت
حفظت درس البعد وصميت صمّي=وبمدرسة فرقاه تفوقت يانوت
وشهادة الحزن الأسير المِتمّي=مبروزه بصدري وبضلع منحوت



ضـ,ـ,ــوح الـ,ــنـ,ــقـ,ــا

[أم سلطان]

اهلا بك شااعرنا

حيااك الله وشكرا لك فااضلي

[ضوح النقا]

الله يحييك ,,,
يشرفني إنك تكونين أول من قرأ القصيدة وعلق عليها...
شكراً (أم سلطان) على هالمرور الجميل,,,

[طعران]

صح السانك

اخي ضوح النقا

طعران

[نهير النمش]

اخي الفاضل ضوح النقا

الله يعطيك العافيه على ماطرحت وكنت اتمنى انك ماستعجلت على نشرها
لوجود شي من الخلل وانت شاعر لو ترويت شوي وراجت القصيده جيداً
لخرجت بقصيده جميله جداً لديك قدره على الأبداع

الحزن والقرطاس وأشـلاء دمّـي00وحبر القلم والبرد وأصابع الموت
هذا البيت لايكتبه الا شاعر قادر ومتمكن وارجو ان تقبل ملاحظتي

ولك كل الشكر

[كوكب آخر]

صح آلسآنك وو تسلم يمينك

آبيآت جميله ..الله يعطيك العآفيه
الحزن والقرطاس وأشـلاء دمّـي00وحبر القلم والبرد وأصابع الموت
هذا البيت لايكتبه الا شاعر قادر ومتمكن ..

وآنآ مع شآعرنآ صفق الهوى .. بيت عن قصيده هذآآ

لآهنت ..

[طواري]

صح السانك

اخوي ضوح النقا

ننتظر المزيد ان شاء الله

[نافل الغانمي]

صح اللسانك اخي ابياتك تشير الى مولد شاعر كبير اتمنى لك التوفيق

[المشرف العام]

أهلا بك وببوح قلمك اخونا القدير @ ضوح النقا

نتمنى ان نجد لك كل جديد بارك الله فيك وجميع منهم سبقوك بمجال الشعر تعلموا الشعر بتوجيهات منهم سبقوهم
ومع صقل الموهبه هم الأن شعراء من خيرة الشعراء وبحول الله سوف نراك قريباً من خيرة الشعراء يالعزوة

صح السانك

بالتوفيق

[ريتاج]

ضوح النقا
صـــح لسانكــ
أنــت رائـــع
استــمر

[فيصل الجبرين]

شاعرنا الجميل ضوح النقا

صح لسانك وعلا شانك

اخالف الاخوان في ان البيت الي ركزوا عليه لا يكتبه الا شاعر جميل

واقول القصيده كامله قصيده شاعر مميز ومتمكن

لي ملاحظات ارجوا ان تتقبلها بصدر رحب


مايدفي نار الحشاء وملابس الكوت

( مايدفي نار( ن) بالحشاء ملبس الكوت )

وهزيمته دايم في حرب جالـوت

( وهزيمته تكتب مع عين جالوت )

لا يقلل من الشاعريه العذبه وان شاء الله

نقرى القصيده 2000 معنا


تقديري

[الكيبورد]

الشاعر ضوح النقا

وانت النقا كله اخوي الفاضل
صح السانك

[ضوح النقا]

صبحكم الله بالخير....
شكراً أخواني وأخواتي أعضاء هالمنتدى الشامخ على مروركم وإطرائكم بعد ,,,
آسف على التأخير (جونا ضيوف من حائل وماقدرت أدخل المنتدى)

*ملاحظة: <<حسب ترتيب الردود>>
- طعران : صح بدنك.
- صفق الهواء : ملاحظاتك بمحله والسبب ؛؛؛إني أكتب القصيدة وأنساه ما أراجعه ونصيحة ثمينة من أخ أكبر (تراني صغير 24 سنة).
- كوكب آخر : صح بدنك وشكراً على هالإطراء الجميل والله لايهينك.
- طواري : ماقصرت وأبشر بالأفضل إن شاء الله.
- نافل الغانمي: صح بدنك وبيض الله وجهك وكلامك أكبر دافع لي.
- المشرف العام : هلا بك زود وصح بدنك وشكراً على نصائحك ماقصرت.
- روح هائمه : صح بدنك وإنتي أروع وأستمر بوجودي معكم.
- فيصل الجبرين : ملاحظاتك كانت بمحله؛؛؛ لأن عمري الشعري لايتجاوز السنتين وكان قصدي (مايدفي نار الحشا وإملابس الكوت)
شكراً على ما أبديت وأتقبل نقدك ؛ لأن صدري شمالي ولو إني ساكن بالمدينة.
- الكيبورد : ماقصرت يابعد حيي هالوجه والله ينقيك من خطاياك قل : آمين.

تحياتي * ضــ . ــ . ــوح الــ . ــنــ . ــقــ . ـــا

[نهير النمش]

ضوح النقا

هذا العشم فيك وان شاء الله العمر كله عسى الله يمتعك بشبابك

وسيكون لك بصمه هنا بأذن الواحد الأحد

شكراً يامال العز