ديوان الشاعر / راشد الشمري

[راشد الشمري]

هذه قصيدة أخوكم وإبنكم / راشد بن خلف بن راشد الزميل الشمري

والتي نزلت للتصويت عليها بمسابقة شعرية ينظمها أحد المنتديات
وللمعلومية : هو الشمري الوحيد المنافس للحربي والعنزي والعتيبي .. حيث أنه الآن في المركز الرابع لذا لا تبخلوا عليه بصوتكم الكريم ، فالتصويت مستمر إلى 2 /7 / 1431هـ .. والنتائج والجائزة في 5 / 7 / 1431هـ في حفل سنوي رسمي برعاية شخصية مهمة ورفيعة المستوى
صوتكم شرف لنا ووسام على صدورنا
ونظراً لكوننا نحترم ونقدر قوانين وشروط المنتدى والتي تحظر ذكر أسماء المنتديات الأخرى وكذلك وضع الروابط
لذا فمن لديه الرغبة في التصويت فعليه مراسلتي إما على الخاص أو على عنواني الموجود في ملفي الشخصي لإطلاعه على بقية التفاصيل
وإليكم القصيدة كاملة

أبي خوي

أبي خــــــــوي يقعد الرأس علمه
وأبي رجــــــــــل يفعل اللي يقوله
بعقله ودينه والمهم فيه ذمــــــــه
ويخاف ربه والمراجل بطـــــــوله
حكيمٍ صدوقٍ فيه الرحـم لأمــــــه
ما خاف هرج المخاليق عن زوله
صبور متريث ما يجيب المطـــمه
يأخذ حساب الناس لا حل قـــــوله
ما هو كثير الهـرج ثرثار في لمه
ولا قليلٍ ما تبين لك ميـــــــــــوله
عزيز نفس وما يهمن يهـــــــــمه
لو هو بعيدٍ دوم زايد قــــــــــبوله
شهمٍ شريفٍ دايم الدوم بالقـــــمة
صافيٍ قلبه لو تباطينا رســــــوله
ولا ناوي شـــــتات جمـوع ملتمه
ولا وده تعيش الناس معــــــزوله
عطــــــاه الله غلا خلقه وله كلمه
خيرٍ من كثير أمثال منقــــــــــوله
إليا أحتــدم رأي وعصبت المهمه
هي فرحةٍ لي والمديح أبيطــــوله
اليوم جيل وحوله الظــــــاهر أمه
مالك عزا يا كود علمٍ تنــــــــــوله

أخوكم / أبو ياسر

[راشد الشمري]

&& الله أعلم ؟! && ..

حـــــــبيبتي ما قلتي لي من إنتي=إنتي بشـــر به عذاب أستمتعـــه
أو جـــانٍ تخلقتي فيني وكــــنتي=أو خفوقٍ ما عرفته بس أجمعــه
أو موقفٍ في بيت ذكرى سكنتي=أو هاجسٍ من غلا الزين أخدعه
أو درةٍ وسـط الجـواهر كمــــنتي=أو بارقٍ كـل القـبايل تتبعــــــــــه
أو مذنبه يم المشـــــــاعر زبنتي=أو هديةٍ دونك حمــــــول وأمتعه
أو ونةٍ بين الحــنايا طمــــــــنتي=أو سؤالٍ من خلقة آدم أسمعــــه
من إنتـي الـله أعـلم من إنتـــــي=الوكـاد إنك ســـــــراب أبقى معه

[راشد الشمري]

الخلق نظرات ؟! ..
الله عليها من السما كيف تجـــــــدع = سبحان ربٍ يعطي الخلق نظــــــرات
ذاب الخفوق وباتت العين تدمــــــــع = عيت تفارق نظرته كل الأبيــــــــــات
كني به أحساسي ينادي وأنا أسمـــع = يقـول ذا حبـك تنصـاه بآهــــــــــــات
ليته خيـالٍ قـدام عـيني تصـــــــــــنع = ليته وهم سـلوان هالقلب زفــــــرات
من ناظــــرت جتني الهواجيس ترثع = عجزت أقاومها علي فرض بســكات
من عينها قصد الغــــلا فيك يســـمع = قصدها تسطي على القلب عرقــــات
هي درت في خــافقي يـوم ولـــــــــع = أو على فـال النظـر جيت ما جـــــات
ويلي على وقتٍ مضى ليت يرجـــــع = والله مـا يغـبـنك إلا إذا فــــــــــــــات

[راشد الشمري]

وصل .. وجفا ؟! ..

كيف أميز بين هجرك والوصال = دام وصلك والجفا عندي سوى
لو تساوى الملح والعذب الزلال = ما تساوى صبر عشاق الهوى
الأمل يرضيك يبقالي خيال = شفت أنا الإحساس بعيونك نوى
ما هقيت إن الحزن أمره حلال = كفني صبري من جذوعه ذوى
إسمع الآهات تجمع لك سؤال = جاوبه إن كان قلبك لي حوى[/center]

[راشد الشمري]

تهجرين
ياعيونٍ كان لك رمشي وطن
تهجرين
لو سمعتي صوت له الذكرى تحن
تهجرين
من بقايا العشق ذقنا
والعيون تبوح
ما على الهوجاس ذنبٍ
ون غفى مجروح
إسئليه اللي خذا روحي بسبات
لي نفس يا وقت تمديه الوصاة
لو تذكريني
يوم كلٍ مان
يحرم الإنسان
والنهاية عمره
ضحية الهجران
يتقبل النسيان

[راشد الشمري]

الموقف ؟! .. ..

أذهلني الموقف مير عزمي ثبات = متحليٍ بالصبر ضاع وقتي سكوت
أنا كلي على بعضي صورة وأبيات = من قراها عرفني يا زينة بيوت
أمسيت محزونٍ يومه سيدي فات = كلمتي معنى والصدى رد للصوت
عشت الهوى لحظة والباقي سكات = والعمر ون طال ترى حظه الموت
قربك حبيب الروح قلت له هيهات = ما على هاجسك يا لوعتي مبخوت
رجعت للذكرى يوم عذب الأوقات = لقيته زولٍ كل ما تمنيته يفوت
إسئل هيامي وإسكن بروحي سبات = جوابي أحلامك مع الصحوة تموت

[راشد الشمري]

هذا الغلا ؟! .. ..

الجادل اللي تلت القلب وياهـ = لا وعذاب القلب يومن تتله
أشهد إنه لا بغت تدرك إرضاهـ = وأشهد إنه لا حكت ما تمله
عذروبها لا منها جرت الآهـ = يطرب لها من لا سمع صوت لله
حبنا أكبر حب من قيس لليلاهـ = حبي لها ضافي على الكون ظله
أما غلا مثله .. وإلا بلياهـ = هذا الغلا .. وإلا فلا منه كله

[راشد الشمري]

مليت ..
من كثر السهر .. وقولة قهر
بالحيل أنا مليت ..
حكي البشر .. تحت الشجر
منه أنا مليت ..
متى الغلا
يقال عنه إنه وصل
متى الفرح
يرسم بعينك أمل
كل ذا وذاك
يا لغلا يفداك
إنتي لعيني ملاك
بس أنا مليت ..
شلتن عينه عن خشوف الوطا
يا لله تثبتني ..
ما بقى من طيفها غير الفضا

[راشد الشمري]

( الحب جنة ) مجاراة لقصيدة الحظ للشاعر مخاوي الليل : خالد عبدالرحمن ؟!


يا ناس مالي عن هوى البيض كنه = الله يلوم اليوم منهو منعني
ذقت الغرام أشكال وألوان منه = قمت أنتظر أجني ثمر قد نفعني
ربي قسملي عيشة الحب جنه = خذ يا عذولي لك من الأمر يعني
وليا خفق رمشه تلا البرق ونه = جاله هيام(ن) ما خبرته فجعني
بالعام الأول سهم عينه يظنه = والعام جاني بصوب قلبي ردعني
وليا غفى فكري لقا ما أمتعنه = الله يزيده بالمحبه جمعني

[راشد الشمري]

المزارع ؟!.. ..




لابسات البراقع =والنواظر تخادع
لك حياتي خصيبة =والسحايب مدامع
هالسحابه ترتجف=دامها الأرض بور
كل شيء ولا تخف=حتى تلحدها قبور
لا تخافي من عطش =أو للسنابل تلف
الله أعلم ما تعرف =حتى المزارع صدف
دامها الأرض بور =فن السحابة تختلف
غرسٍ زرعناه=عليك الله وأمانه
ما يجي مني خيانة=كل هذا أتمناه
تو السحابة ترتجف =يوم المزارع تختلف
فنتي الغراس =والحصاد والزارع
دامها الأرض ملكك =السحابة ما تمانع .. ؟

[راشد الشمري]

لعبة الطين .. المباح ؟! ..





لعبة الطين=



العين شافت ... ذات صبح من الصباح=



ألف مرة ... لعبة الطين المباح=



فجأة .. أبوي وأبوها=



دعونا وجمعونا .. تقدر تقول أسمعونا=



يوم حلفت لي بـ أخوها=



كن هذا بيتنا .. كل أبونا=



قمت راودني فزع .. قالت انته يا جذع=



أصبر علَي وتحرن .. خبري تقوم وتقع=



جابوا شماغي بقرنه .. واربطونا لين صرنا=



عن هوى بعض الخلايق .. عن الفرقا عجزنا=



ناظرتني وضحكت .. دنقت ثم سكتت=



فزت الأيام نحوه .. ما درت ويش جوه=



دارت إسنيني ودارت .. كل القلوب استدارت=



قامت العين تخجل .. ومنه قلبي تمرجل=



بين هاك الثنين .. عله المقبل أعجل=



سار قلبي تجاهه .. هل تفيد الوجاهة=



صار همي كل همي=



في قبوله في اعتراضه .. في عناده في افتراضه=



حبي الأول وعمري .. حسبي الله صار همي=



في غرامه ذاب قلبي .. في وئامه طاب حبي=



وخصوصاً يوم قالت .. بكل الإحساس يمي=



واهني منهي نصيبك .. واهني منهو حبيبك=



الله وأكبر=



يا سرع ما قد تجيك .. الله وأكبر عليك=



وعذابي زاد بالقلب حبه .. في غيابي الله ربي وربه=



آهـ .. آهـ .. ليتني ما بكيت=



سالت دموع عيني=



وأعذروني يمكن تضيع القصيدة=



وش جاهـ .. طاح القلم من يميني=



بالله لو لي سمحتوا .. أعطوني قلاص ماي=



يا قواه أستروا ما وجهتوا .. يخدش إحساسي حياي=



ما عليه أسمحوا لي .. شيء جابه لي حشاي=



اليوم كلٍ تخلى .. كلٍ ترى قام ولى=


قالوا خبيلٍ تغلا .. مسكين .. حبه تجلى=



للأسف .. كلهم راحوا=



إلا واحد .. ولا والله=



عز الله إنه رجل .. بس ما هو رجل=



واقفٍ وقفة رجل .. ومع هذا ترى عنده رجِل=



جاني وقال وش بك ..=



هات عينك وخشمك=



وأنا من شيوخ ربعك=


على الرأس متعلي .. تحت أنا الليل كلي=



أقرب الصدقان راغي .. أنا أشهد إنه شماغي=



ويوم أجتمع فيني غلاي .. سرت والوالد معاي=



وقال لي شد حيلك .. أمسك أعصاب غيرك=



ترى ما هو بزميلك .. عل ربي يجيرك=



أنا تفضل وآمر .. قال أجزم وغامر=



علها بالنصيب=



قلت يا عم ثامر .. ما أبي منك نامر=



طالبينك قريب=



قال غالي .. بس لعيونك رخيص=



وأنت غالي .. وعارف الحال وبخيص=



قلت سم .. قل تفضل وش تبي=



قال يا أم .. جاك يحبي لك حبي=



الحبايب ما دروا شلي بيصير .. =



همهم تاريخ بن قتادة أو نصير=



والبلا ون جاد لي وقت قصير .. =



همهم تبديل يوسف في بصير=



قالوا .. أسبوع مهله .. قلنا .. شهر=



قالوا .. الموضوع جمله .. قلنا .. أمر=



مرت أيام وليالي .. والشهور التوالي .. بلا رد وخبر=



داهم الشك بالي .. ويش شافوا خوالي .. من خوافي العمر=



قلت يا لله يبه .. ما عاد فيني صبر=



قال لي أنت أسئل .. عل للخاطر جبر=



جيت يم المشاعر .. جيت أنا يم خلي=



قال يا حيف شاعر .. ولا تعرف التغلي=



بلسانها : ...=



مأجور يا قلبٍ أمرته ولا طاع =



عزي لقلبٍ وده اليوم بثنين=



تمشي معك روحي والأرواح تلتاع =



مسكين قلبي أنهدم بيته الطين=



وأثرها .. قالت لـ أبوي=



وأنا الذي كنت أحسبه ..=



أخوي ؟!!!=