المساعد الشخصي الرقمي

مشاهدة النسخة كاملة : مشاركة متواضعه

محمد ضرمان الشولاني
28-10-2010, 10:33
ابدا على الله همتي واتكالي=الواحد المعبود للانس والجان

علمٍ لفاني شاش روس الرجالي=من فعل ابن نايل سلايل كحيلان

شيخٍ ولد شيخٍ وذرب الفعالي=فعله يخلَّد وافي ٍ مر الازمان

يوم الردي يبغي لدرهم ومالي=في بيعة انفوس الولد حيل طمعان

لكن ابن نايل رقاها معالي=في صفحة العافي كتبها بعنوان

ساس ٍ ومبدا يا كريم السبالي=افعال روس القوم ذربين الايمان

بيَّن لنا عفوه جميل المثالي=يوم الحزن طوح على روس خلان

العفو ما يكفيه شعر ومقالي=يا سيد العافين يا نسل طوعان

الله يعوّض منه خير الجزالي=يجزاه عن عفوه جزيلات رحمان
مشعل عسام التريباني
28-10-2010, 07:35
محمد الشولاني شكرالك على هذه القصيده الرائعه وبن طوعان يستاهل اكثر شكرا جزيلا اخي الفاضل
المشرف العام
29-10-2010, 02:01
بيض الله وجهك شاعرنا الكبير القدير محمد الشولاني العجمي

يستاهل الثناء والمدح ابن طوعان واللي نهج نهجه جزاهم الله عنا خير الجزاء
ورفع الله شأنهم ووفقهم لما يحب ويرض

صح السانك الف يالعزوة

تقديري لسمو شخصك الكريم ؛؛؛
الرحـــال
29-10-2010, 02:26
الشآعر آلقدير محمد آلشولآني .,,’’’

صحححح لسآآآنك مدد بلآآآآ عدد
وبيض آلله وجهك على هذه الابيآت الاكثر من جميله


تقديري وآحترآمي لشخصك آلنبييييل .,,’’’
أبو عارف
29-10-2010, 02:28
الشاعر المبدع محمد الشولاني صح الله لسانك على هذه القصيدة القمة بشيخ العافين حمود بن نايل الشمري بيض الله وجهك وجزاك خير الجزاء على تمجيد هذا الرجل حمود بن نايل بن طوعان الشمري شيخ العافين والذي سن هذه السنة الحسنة الله لايحرمه أجرها وأجر من عمل بها إلى يوم الدين.


شكراً لك وتقبل فائق الإحترم والتقدير لاهنت
محمد ضرمان الشولاني
29-10-2010, 10:29
اخي العزيز والشاعر القدير مشعل التريباني

جزاك الله خيرا

واشكرك على المرور الكريم

تقديري،،،
محمد ضرمان الشولاني
29-10-2010, 10:31
هلا وغلا بالمشرف العام

صح بدنك يالنشمي

ووجهك ابيض يابو غازي

تقديري،،،
محمد ضرمان الشولاني
29-10-2010, 10:35
هلا وغلا باخي رحال

صح بدنك يالنشمي

ووجهك ابيض يالذيب

واشكرك على المرور الكريم بالقصيدة

تقديري ،،،
محمد ضرمان الشولاني
29-10-2010, 10:37
ارحب يا بو عارف ارحب

صح بدنك يالعميد

واشكرك على تشريف متصفحي ومرورك الكريم يالسنافي

تقديري واحترامي،،،
نافل الغانمي
29-10-2010, 04:31
بيض الله وجهك شاعرنا القدير محمد الشولاني العجمي

وصح الله اللسانك على هذه الابيآت الرائعة

شكراً لك وتقبل فائق الإحترم والتقدير
أبو كادي
29-10-2010, 10:14
الشاعر القدير / محمد الشولاني
صح لسانك وبيض الله وجهك على هالقصيدة الراقية بقمة الجمال لاهنت
وأبن طوعان يستاهل كل علم غانم الله يوفقه بكل خير ويسعده دنيا وآخرة.
لك فائق التحية والتقدير حفظك الله ورعاك،،،
نهير النمش
29-10-2010, 10:23
محمد الشولاني

صح لسانك وبيض الله وجهك ورفع الله قدرك
تسلم على المشاركه الجزله الوافيه يالوافي
ابن طوعان يستحق المدح والشعر وانت يالعجمي
والله ومليون نعم بك وبربعك العجمان عزالله انكم كفو

دمت بعز ياعريب الساس
محمد ضرمان الشولاني
29-10-2010, 11:36
ارحب اخي الشاعر القدير نافل الغانمي ارحب

وجهك ابيض يالذيب

والرائع مرورك يالنشمي

تقديري واحترامي لشخصكم الكريم،،،
محمد ضرمان الشولاني
29-10-2010, 11:38
هلا وغلا اخي ابو كادي

صح بدنك ووجهك ابيض يالنشمي

والاروع مرورك المشرف

تقديري واحترامي،،،
محمد ضرمان الشولاني
29-10-2010, 11:51
اخي الغالي والشاعر الكبير نهير النمش

صح بدنك ووجهك ابيض واعتلا شانك يالنشمي

واسعدني جدا مرورك الجزل والوافي

ولا عليكم زود يا شمر حرار من نسل حرار

تقديري لشخصكم الكريم وعظيم سمو اخلاقكم،،،
محمد الفضل
01-11-2010, 09:26
صح اللسانك يا محمد

لاهنت طال عمرك

ويستاهلون المدح والثناء

تحياتي لك
محمد ضرمان الشولاني
02-11-2010, 01:20
مرحبا ومسهلا اخي العزيز محمد الفضل

صح بدنك يالنشمي

ولا انت طال عمرك

واشهد انهم يستاهلون

تقديري،،،
طواري
02-11-2010, 01:38
الشاعر محمد العجمي

تسلم على هالقصيدة الجزله صح السانك الف
بيض الله وجهك يالطربه

تقديري لجنابك
محمد ضرمان الشولاني
03-11-2010, 01:45
هلا والله باخي العزيز طواري

صح بدنك ووجهك ابيض يالنشمي

واشكر لك مرورك الجزل

تقديري،،،