قصيده

[مشاعر شاعره]

البنت تلقى عزهــا عند أبوهــــا
ولامات ابوهـــا عزهــا وين تلقااااه؟



مرت سنين ودموع عيني كمالسيل=ماذكر نسيتك يايــــبه لو ثوانــــي

ذكراك عندي حاضره تالي الليــــل=أعيشها لحظات عطف وحنانــــي

يبــــه انا تعبــت تعبــت.. بالحيــــل=ماتت على شفاهي حروف الاماني

تعبت أشيل الحزن والهم والويــــل=أشياء كثيره ماقواها كيانــــي

صارت حياتي غارقه بالبهاذيــــل=صوت الفرح يابوي حسه نسانــــي

ماجت لي يابوي يسر وتساهيــــل=بالعكس حظي في همومي رماني

وشلون اعدلها وهي ترجع تميــــل=وشلون أطفي نار جمره كوانــــي

أظلم مكانك وانطفت به قناديــــل=ياوحشة ايامي وغربــــة مكانــــي

بعدك شربت الهم بكل الفناجيــــل=تقول حزن الــــناس كله حوانــــي

صدري كما ميدان تركض به الخــــيل=وهواجسه تســــرح بليا..عنانــــي

تفرق بعيني عن جموع الرجاجــــيل=جمع البشر في غيبتك ماكفانــــي

ليتك مسافر والرجاء بالمقابيــــل=واقول باكر في صباحه لفانــــي

لكن طريق الموت مافيه تبديــــل=ومافيه رجعه والجسد صار فانــــي

يابوي لو تعطى المنايا بكم كيــــل=لارخصت لك عمري وباقي زمانــــي

بس القدر سهم عن الشخص مايميل=ولايترك المقصود لم شخص ثانــــي

حكمة حكيم"نزل الحق تنزيــــل=قران متنــــزل بسبع المثانــــي

يبه عليك أغرقت بيض المناديــــل=من غيبتك والحزن ضيف المحانـــي

شعر/ مشاعر شاعره

[أبو كادي]

انا لله وإنا اليه راجعون
الشاعرة القديرة / مشاعر شاعرة
الله يرحم والدك ويسكنه فسيح جناته
قصيدة محزنة وتحمل قمة في الإبداع لاهنتي
وآخر الأحزان إن شاء الله
أطلب من الله العلي القدير أن يسعدك دنيا وآخرة ويوفقك بكل خير
فائق التحية والتقدير لشخصك الكريم،،،

[محمد ضرمان الشولاني]

صح السانش شاعرتنا الفاضلة

وان شاء الله اخر الاحزان

والله يغفر لجميع موتى المسلمين

تقديري،،،

[نهير النمش]

انا لله وانا اليه راجعون

الله يرحمه ويجعل قبره روضة من رياض الجنه

مشاعر شاعره

قصيده مؤلمه تجاه والدك فيها من الحزن مايبكي القلوب
مشاعر صادقه ولام الله من لامك واسأل الله ان يسعدك

آخر الاحزان ان شاء الله

[بنت السلاطين]

الشاعرة القديرة:مشاعر شاعرة
صح لسانك وعلا شانك قصيدة مؤثرة
الله يرحم والدك ويجعلها خاتمة الاحزان
والله يخلف عليك بالصبر والستر والعافية

[عساف نجد]

صح لسانك

والله يرحم والدك ويرحم امواتنا وأموات المسلمين

ويجمعنا بهم في جنات النعيم

اللهم آمين اللهم آمين اللهم آمين

[فيصل الجبرين]

رحمة الله عليه وعلى موتانا وموتى المسلمين


اختي

من غاب لا يعوض غيابه احد وان كان هذا الغياب بهذا الحجم

بلا بد ان تكون القصيده هكذا


دمتي برعاية الله وستره

[المشرف العام]

انا لله وانا اليه راجعون

الله يرحم والدك ويجعل قبره روضة من رياض الجنه هو وأمواتنا وأموات المسلمين
ويخلف عليكم بالصبر والسلوان فهو القادر على ذلك

مشاعر شاعره

لام الله من لامك اختي الكريمه ابيات مبكيه بحق
صح السانك

تقديري لسمو شخصك الكريم ؛؛؛

[فدعوس راعي الخبله]

لك طول العمر يالشاعرة
صدري كما ميدان تركض به الخيل ****وهواجسـه تسـرح بليا..عنانـي
قصيدة حزينه تدل جميع ابياتها على الحزن وضيق الصدر

[برجس الضيغمي]

رحمه الله عليه واسكنه فسيح جناته

وصح السانك (مشاعر شاعره) على هالقصيده الجزله

واضح انها كتبت من بوح الحزن والتوجد

وعسى ربي يعين كل مسلم على الفراق

وذا حال الدنيا هم السابقون ونحن الاحقون

[عيد ابن شايع التويمي]

مشاعر شاعره

صح لسانك
الله يغفرله ويرحمه انا الله وانا اليه راجعون

عساك للقوه # تقبلي مروري دمتي خير#