غلطان ما تنهان فالحب اشانيب

[محمد ضرمان الشولاني]

صبحكم ومساكم الله بالخيرات جميعا

عادة ما يكون الانفصال او الخلاف بين اثنين بسبب طرف ثالث فتجلت هذه الابيات في قريحتي.....




عزاه يا قلبٍ كما البن محموس=تلعب مخابيط العنى فيه تقليب
وسط النجر دقه يعاني ومحبوس=مابين دق الخل والماو تعذيب
سمع العذول الدنّ عالي ومجروس=هيف على المجلس يبي كيف تجريب
والقلب فوحه من على الجمر مركوس=جمر العتب والصدق مجزي بتكذيب
زلَّ الحكي والقلب مبلي ومحيوس= في دلة العذال فرصه وتثريب
لفّ فنجال الجفا كف مخموس=اتركْه علِّه صدّ عذِّب زده ريب
عزّاه يا قلبٍ تواليه متروس=من صدَّة المعشوق همٍّ وتكريب
يا شين وقت الحب تاليه مطموس=لا صار قلبك كيف والشين شريب
يا جعل راس الشين مفري ومنكوس=في صدَّة العشاق يسعى بتخريب
ولا يعاني باقي العمر مضروس= ولا عليلٍ ما لقى حلّ تطبيب
دخول ثالث بين الاثنين محسوس=ترصدْه رادارات قلبي بتعقيب
وأنا عطيب الجرح والهم ملبوس=لا طاب نصف الجرح عوَّد بتعطيب
يا طول ليل الصدّ والحلم كابوس=لا صرت انادي طيف ولا به امجيب
يا كنز عينٍ دونه الليل محروس=طال انتظاري والهدب صابه الشيب
يا صاحبي اقرا كتابٍ ومدروس=حكي العرب مفهوم من دون تعريب
كلّ ما زاد الوصل طابت انفوس=انعيش حبٍ صافي ٍ دون تشويب
خلَّ الوفا مسقاك والحب مغروس=في مشتلٍ تبغيه نفسي بترغيب
والشين عن مشتلْك منفي ومرفوس=خلّه يذوق الهم يبلى بتغريب
درب الهوى ظلمه والاشواق فانوس=خل شوقنا شعله بروس المراقيب
درب الهوى ما زيَّنه ذيل طاووس=درب الهوى جمرٍ وطتْه العراقيب
بنك الغلا ما يرفعه مال وفلوس=يرفع رصيد الحب وصلٍ وتقريب
وإن كان قصدك حب تخضع له الروس=غلطان ما تنهان فالحب اشانيب

وسلامتكم،،،،

[بنت السلاطين]

رائع..رائع..رائع
نص جميل وجزل ويحمل الكثير من الشاعرية
لماذا لاتكون القصيدة جزلة وهي من شاعر جزل مثلك يالشولاني
استمتعت جدا بقرأت هذا النص ووقفت عند كل بيت كثيرا لان كل بيت اجمل من اللي قبلة
قصيدة مستمدة شموخها من شموخ شاعرها
صح لسانك وعلا شانك ولافض فوك
واللة لايهينك

[عبدالحكيم التويمي الشمري]

رائع يا محمد قصيده وجدت فيها روح الابدااع والتمكن

انت شاعر من الوزن الثقيل

والقصيده دليل على ذالك

[نهير النمش]

بنك الغلا ما يرفعه مال وفلوس=يرفع رصيد الحب وصلٍ وتقريب
وإن كان قصدك حب تخضع له الروس=غلطان ما تنهان فالحب اشانيب

وسلامتكم،،،،


ياسلام عليك يامحمد ابن ضرمان الشولاني

جزل ومبدع وشامخ كتبت فابدعت حبكت فأتقنت وامتعت ايها العذب
شاعر رائع وراقي تكتب الشعر بأحساس حقيقي وله جمال اخآذ جداً
اعجابي بما تكتب ياأبا راكان وانت شاعر جدير بالأحترام والمتابعه

تقبل كل التحايا

[المشرف العام]

شاعر جزل ومبدع وشامخ كتبت فابدعت بالحياكه

شاعرنا الكبير والقدير محمد ابن ضرمان الشولاني
صح السانك مدد بلا عدد يالنشمي

تقديري لسمو شخصك الكريم ؛؛؛

[أبو كادي]

الشاعر القدير / محمد ضرمان الشولاني
صح لسانك قصيدة جميلة جداً لاهنت
لك أجمل وأرق التحايا والتقدير،،،

[المهاجر]

صح السانك الف

اخوي محمد الشولاني


تقديري لجنابك

[عساف نجد]

صح لسانك وسلم بنانك

قصيده جداً جميله لا هنت

[محمد ضرمان الشولاني]

مرحبا ومسهلا بالشاعرة القديرة كحيلا وبنت رجال

صح بدنك ولا هنتي على الاشادة والمرور العطر

شرفتي الصفحة يالسنافية

تقديري،،،

[محمد ضرمان الشولاني]

ارحب اخي الشاعر القدير عبدالحكيم التويمي الشمري

وبيض الله وجهك على الاشادة والمرور الجزل يالسنافي

وشرفت متصفحي يالذيب

تقديري لشخصك الكريم وسمو اخلاقك،،،

[خطر]

الشاعر الشولاني

صح السانك لاعدمناك


احترامي

[محمد ضرمان الشولاني]

الاخ العزيز والشاعر الكبير نهير النمش

مرورك يالذيب شرف لي واشادتك وسام فخر اعتز فيه يالذيب

وما نحن الا تلاميذ في الشعر وانتم الاساتذة

لا هنت يالغالي على المرور الراقي برقي اخلاقك

تقديري واحترامي لشخصكم الكريم وعظيم اخلاقكم الراقية،،،،،،،،

[محمد ضرمان الشولاني]

المشرف العام ابو غازي

ارحب تراحيب المطر ودان يالسنافي

لا هنت على المرور الكريم وتشريف القصيدة يالغالي والاشادة الراقية

وصح بدنك طال عمرك

تقديري لشخصكم الكريم ورقي اخلاقكم يالذيب،،،

[محمد ضرمان الشولاني]

اخي الغالي ابو كادي

صح بدنك يالسنافي

والاروع مرورك الكريم طال عمرك

تقديري وشكري وشكري الجزيل،،،

[محمد ضرمان الشولاني]

هلا ومرحبا اخي الشاعر القدير عيادة عقلاء الجهيلي

صح بدنك يالنشمي ولا هنت طال عمرك على المرور لكريم

تقديري وشكري،،،

[محمد ضرمان الشولاني]

هلا وغلا اخي المهاجر

صح بدنك يالنشمي ولا هنت على المرور يالغالي

تقديري وشكري،،،

[محمد ضرمان الشولاني]

اخي العزيز عساف نجد

صح بدنك وسلمت روحك العالية

والاجمل مرورك الراقي يالنشمي

تقديري وشكري،،،

[محمد ضرمان الشولاني]

ارحب اخي العزيز خطر

صح بدنك يالنشمي ولا هنت على المرور

تقديري وشكري يالغالي،،،

[أمـ حمد]

صح لسانك اخوي



الله يعطيك العافيه

[أبو عارف]

الشاعر الكبير المبدع/ محمد ضرمان الشولاني

صح لسانك وسلم بنانك

قصيده جداً جميله لا هنت

تقبل فائق الإحترام والتقدير

[محمد ضرمان الشولاني]

هلا اختي الفاضلة امـ حمد

صح بدنش والله يعافيش

تقديري واحترامي،،،،

[محمد ضرمان الشولاني]

العميد والشاعر الكبير ابو عارف

ارحب تراحيب المطر ودان

صح بدنك وسلم راسك طال عمرك

والاجمل تشريفك المتصفح ومرورك الراقي وسام اعتز فيه يالنشمي

تقديري واحترامي لشخصكم الكريم وعظيم اخلاقكم،،،

[محمد ضرمان الشولاني]

الشاعر القدير والمتألق دائما ماجد مطر

صح بدنك ملليون ولا يوفون

ووجهك ابيض طال عمرك والفخر والشرف لي وجودي بين اخواني وبين شعراء تذوقت الشعر الحقيقي من قصائدهم في هذا الصرح الشامخ.

واشكرك على الحضور المتميز وتشريف المتصفح يالذيب

تقديري لعظيم شخصكم ورقي اخلاقكم،،،

[محمد ضرمان الشولاني]

شيخ الشعار واستاذ الشعر عبدالله المفضلي

ارحب تراحيب المطر ودان

بيض الله وجهك على تشريف القصيدة ومرورك الراقي والاشادة الجزلة من جزل فما كتبت وسام فخر يشرف قصائدي.

وما نحن الا تلاميذ وانتم اساتذة ومنكم نستفيد طال عمرك

تقديري لعظيم شخصكم ورقي اخلاقكم،،،

[عيد ابن شايع التويمي]

اخ محمد

صح لسانك ابدعت حقن

شاعر جزل واراقي

[محمد ضرمان الشولاني]

هلا ومرحبا اخي الشاعر عيد التويمي

صح بدنك يالنشمي

واشكرلك مرورك الجزل يالجزل

تقديري واحترامي طال عمرك،،،،