ديوان الشاعر / عمر الفضلي

[عمر الفضلي]

بسم الله الرحمن الرحيم

السلام عليكم ورحمة الله وبركاته

يسرني أن أنتمي لهذا المنتدى الشامخ بشموخ شمر خوالي من عمامي << يالله عاد جمعوها :)

وكما أشكر العم الشاعر ابو سند محمد الذرفي الذي دعاني لهذا الموقع

وطلب مني أن أطرح هذه القصيده التي لم أطرحها ألا في مجلس وشبكة قبيلة الفضول و نعدكم أن نطرح كل جديد /
توي شباب وكلي إحساس وشعور ** أحلم وحلمي تعٌبني ركابه.. ..


الشعر له عندي معزه و دستور=غالي وله قدر(ن) كبير و مهابه


يوم أكتب الأبيات ما نيب مسرور=من ضيقة(ن) بالصدر ماهي دعابه


شاعر مواقف شعر لا حان له دور=صخرت قيفانه و فكري سرابه


لادرهمن بنات فكري من القور=مثل الشجاع اللي بساحة حِرابه


اليوم ما في خاطري منه معثور=ما جال بي معنى القصيده لفابه


أشوف لي غيم(ن) ولا ذقت شختور=من وابله لو هو حقوق(ن) سحابه


أقولها والصدر ضايق و مكسوركثر المجامل ضرنا يا القرابه



عامين من عمري و من فوقها إشهورحصيلها حضي ردي مع كأبه

مدري اطق الباب أو اطمر السور=لو إن ما ودي أزًعل جنابه



و أنا شديد الباس واصبر على الجور=المسلم اللي ماحصل له رضابه


مار الزمن كنه يكزن بحادور=من سطوته كني سجين(ن) بغابه


الصدر من جور الزمن صار تنور=و القلب يشكي جور شئ(ن) سطابه


توي شباب و كلي إحساس وشعور=أحلم و حلمي تعٌبني ركابه


الموت حق و عنه ماني بمعذور=كلن يجيه الموت لو صك بابه


لا تلومني يافلان لا صرت مجبور=والله ما قصدي بقولي سبابه


لا تلومني يافلان لاصرت مقهور=ما ذقت من وقتي لذايذ شرابه


أشوف لي غيم(ن) ولا ذقت شختور=من وابله لو هو حقوق(ن) سحابه

و سلامتكم

عمر آل مسعر الفضلي

[عمر الفضلي]

السلام عليكم ورحمة الله


أترككم مع القصيده بلا مقدمات
هاجت على أمواج فكري بالأبحار .. ..

رحتي وأنا باقي على صالي النار=مدري تبين الوصل وألا قطاعه؟

يا(..؟..) من غبتي وأنا منك محتار=كنك تبين الحب نطوي شراعه؟

من عقبكم ضاقت علي كل الأقطار=وفي حب غيرك ما لـ قلبي قناعه

هاجت على أمواج فكري بالأبحار=وماني من اللي يرتجون الشفاعه

مهما أذوق من الدهر كاس الأمرار=ما أذل دامي من رجال الشجاعه

يمكن خذتكم عننا حال الأقدار=وماتدري إن الحب ناقص شعاعه

ينقص شعاع الحب لاصار ماصار=ومايكتمل ياكود ناتي جماعه

عودي على قلب(ن) لكم فيه مقدار=قل التواصل به علينا فجاعه

أقسمت لك بالله غيرك فلا أختار=ولاعاد عندي للقطاعه مناعه

وسلامتكم

عمر آل مسعر الفضلي

[عمر الفضلي]

السلام عليكم ورحمة الله وبركاته


هذي هجينيه أسندتها للعم الشاعر / محمد الذرفي

على قولت راعي الفاطر يوم يقول لصاحبه




أما أنت هيجن ليا هيجنت=وإلا أنت عن فاطري حول




أقول.. ..

أكتب قصيده أبي أرتاح=لاضاق صدري أغنيها

جودي على فركت المسباح=والعين تشفق لغاليها

من يوصل العلم له ياصاح=إن كان حالي جهل فيها

قله ترا ماني إبمرتاح=والنار بالقلب صاليها

ياليت عيني تشوف أشباح=ولا هنوف(ن) تمنيها

مجنون ليلى زمانه راح=واليوم هايم بواديها

أثر الهوى بالزمن سفاح=لاصاب قلوب(ن) رثع فيها

غنية أبياتي وسدي باح=وبـانـت علوم(ن) مخفيها

أكتب قصيده أبي أرتاح=ليت أبو سند يجاريها

وهذا رد محمد الذرفي


ياعمر وأنا معك منصاح=لو تطلب الروح لهديها

لاتشكي جرحك على الجراح=علتك محدن يداويها

إلا أبو نهود(ن) كما التفاح=هذاك ينعشك طاريها

يابن عطر الحبيب وفاح=مواجع الروح يبريها

أسأل مجرب زمانه راح=مواجعه كان يخفيها

ياما ركض بالطريق وطاح=والعين نومه مجافيها

ماعمر برق الأمل له لاح=لاشك مازال يرجيها

أهله علي ياصديق إشحاح=الله يزين تواليها

وبعد أن وصلني رد العم محمد الذرفي على قصيدتي
تقلبت مواجعي وقمت بالرد بهذه الأبيات

أقول


عرضت جروحي على شراح=ثم قام بالموس يدميها

قد شب نار(ن) بلا قداح=وأنا أحسبه جاء يطفيها

أخذت علم(ن) مهوب إمزاح=وأنا اللكاعه ما أدانيها

عن النخل إنشد الفلاح=كود الثمر من سواقيها

مير النخل حاجته لقاح=من شان يثمر بحاليها

ولافيه نور(ن) بلا مصباح=ظلمتك يالليل يضويها

ولافيه قفل(ن) بلا مفتاح=وخزن الذهب عند واليها

لو ماشكيت العنا يا بداح=للي كحلها ويعميها
وقد رد العم محمد الذرفي للمره الثانيه بهذه القصيده


ترفيه حرب(ن) بليا السلاح=قوم العرب بدعت فيها

أزعلتني يارفيق ابدااح=مدري بعد وين تنهيها

موج البحر يغرق السباح=ياعمر جنب بلاويها

الطير حمله على الجناح=ياضاقت القاع يطويها

وحول النهر يفرس التمساح=والذيب رجله يعنيها

يمرح ردي النصيب امرااح=يصبح رعيته مفنيها

ياعمر تبقى النويا اصحاح=مابه لكاعة مسويها

نصايح(ن) ماعليها ارباح=كان العرب قبل تشريها
وسلامتكم جميعاً

[عمر الفضلي]

السلام عليكم ورحمة الله وبركاته


هذي قصيده أرسلتها للعم الشاعر محمد الذرفي

و قد رد محمد الذرفي بقصيدة الحكمه ولا يا سعني ألا أن أقول للعم الذرفي صح لسانك وعلا شانك يالغالي

ردك علي أعتبره نصيحه وحكمه لا بد أن أقتدي بها .

أترككم مع القصائد و لعلها تحوز على إستحسانكم /




أقول أنا عمر الفضلي /
آلا يا محمد الذرفي يا زين مجاذب الألحان .. ..
آلا يا محمد الذرفي توكل سم بالرحمان=إبن مسعر عمر لاهنت مرسل لك مناديبه

آلا يا محمد الذرفي يا زين مجاذب الألحان=على لحن القصيد اللي ليا ضقنا نغني به

ترى سلك الحرير اللي يسمونه بـ وردشان=نسجت أفكار فكري منه و أصبح له معي هيبه

مسا ليل(ن) علينا فيه ديم المدلهم هتان =ملا بطن الشعيب ولذ لي لذة مشاريبه

و أنا لو قلت لي رويان أنا ما قلت لك رويان=و أنا و قتي حقيقه حيل ترهقني مضاريبه

أنا أدري ما يطير الطير يا محمد بلا جنحان=و قدر الحر ما به شك في سطوت مخاليبه

ترى بطن البحر يحوي ثمين اللول و المرجان=ولا من طب في بطنه جزيل الكسب يحري به

وأنا والله يا محمد بلشت و خاطري عمسان=أسوق اقدام رجلي بين تشريقه و تغريبه

سبب حظ(ن) معاندني و له واقع وله برهان=اليا زلت مصيبه لحقني من بعده مصيبه

ألا يا صاحبي ما دام أحسبك حسبت الشيبان=ترى رايك على عيني و لك قدر(ن) و لك هيبه

نبي حل(ن) يحل المعضله و الحل بالقيفان=و أنا خابرك من ينصاك ما تقصر مواجيبه

نبيها منك يالذرفي نبي الحبه على النيشان=نبي الحل في وقت(ن) بلشنا في غثاريبه




/
ويقول في رده محمد الذرفي .. ..


توكلت و ذكرت الله وهرب عن وجهي الشيطان=وتناولت القلم حيث القريحة جائع(ن) ذيبه

عوى بين الحنايا و يقض النايم و صوته بان=تسمعت لــعواه أبداخلي قد عاد من غيبه

هجم يبغى المشاعر يفرس الاحساس وقته حان=وأنا له مستعد في كل يوم(ن) فات ودي به

هلا بالخط واللي يرسله يمي على العنوان=على الهتميل يرسل لي و تاصل لي مكاتيبه

هلا ياعمر ابن مسعر هلا يا ترثت الشجعان=هلا يا بن الرجال اللي سمعنا في صدى طيبه

تشرفت برسالة حضرتك لاهنت ياذيبان=أهلـي به قبل مقراء و ثم أقراء وهلي به

علي فيها شكيت من الزمن يا معرب الجدان=وأنا قبلك كواني يا فتى حامي لواهيبه

ترى منت اول اللي يشتكي من جاير الازمان=ولكن الصبر ثم الصبر من يفتح لواليبه

تصبر وحتسب يأخي يقولون الكريم أمعان=يجي لك يوم تسعد به و يوفي لك و توفي به
ليا منه صفى جوك و وقتك يا سنافي زان=فلا تطغى ترى الايام نجهل يا فتى غيبه

ترى الايام مهما كان مهما كان مهما كان=حشى تبقى على حاله وهذا يا فتى عيبه

تجي بـ فراح و أكثر شيء تاخذنا ورا الاحزان=ترى ياكم راس(ن) شاب والدنيا سبب شيبه

لكن ياصاحبي يثبت بوجهه صاحب الايمان=قوي الدين ماهمه زمان الغدر والريبه


وسلاامتكم

و يكفيني من قصيدة الذرفي البيت التالي /

ليا منه صفى جوك و وقتك يا سنافي زان=فلا تطغى ترى الايام نجهل يا فتى غيبه

تحياتي للجميع