ديوان الشاعرة / ماتهاب

[ماتهاب]

هذي قصيده كتبتها وكانت مناسبتها
ارسل لي مره واحـــــــد
في احد المنتديات
وقال لـــــــي:/ ( اريد تعارف )...!

نصير اصدقاء..، ونتعرف على بعض....!

قلت انا بنت ابوي ماتعقب لأني بصراحه

اعصب من هالأشياء اللي مثل هالشي
وكتـــــــبت هالأبيـــــــات
مادخلت المنتدى لجل التعارف/مصافحه أولى .. ..

مادخلت المنتدى لجل التعـــــــارف= مادخلته لجل اسولف لرجالـــــــي
مادخلت الا لجل انشر قصيـــــــدي= ولا افيد الناس في اية مجالـــــــي
ولانزل موضوع وجاني لـــــــه ردودي= اشكر الي رد لي بكل امتثالـــــي
وان نصحني واحد منهم نصيحـــــــه= اتقبلها عساهـــــــم للعلالــــــي
ماتسكع في السوالف وآتغنـــــــج= ولا تلبا له بقولة ياحلالــــــــي
ولا اقول انته حياتي ياحبيبــــي= او اقول اني معك طول الليـــالي
بنت عود"ن" حافظه عقلي ودينــــي= والعقل والدين والله راس مالــــي



وسلاامتـــــــــــــــــــــكم ,

ماتهاب القحطاني

[ماتهاب]

السلام عليكم ورحمة الله وبركاته

هذي قصيده كتبتها في قبيلتي علما اني لست من النوع كثير التفاخر لاكن لابد من اعطاء قبيلتي حقها ولو بقصيده واحده
ربعي الجحادر ومنهم نسل جداني=العزوه اللي عساني من فداياهم .. ..


قحطان ربعي هل الشدات قحطاني=عيال عودن على الفزعات رباهم

اللي لهم صولتن في كل ميداني=قحطان قحطان كل الناس تخشاهم

لامن حضرذكرهم صدق اعتلى شاني=جعلي فداهم من اولهم ليا اتلاهم

ربعي الجحادر ومنهم نسل جداني=العزوه اللي عساني من فداياهم

ربعي قرومن وهم للطيب عنواني =اللي ليامن عطو جزله عطاياهم

فرسان شجعان وقوم تزبن الجاني=اهل الكرم والوفا والطيب يزهاهم

معروفه افعالهم من ماضي الأزماني=مايمحي فعلهم ولااحد ينساهم

وانا ترا بنت شيخن ابن شيخاني=اجنب اهل الردى ولا افعل سواياهم
وسلاااااااااااااامتكم

ماتهاب القحطاني

[ماتهاب]

حبيت اهديكم في شبكة نشامى شمر جديدي
@@@

يـــــــــاخوي .. ..

انا اشهد ان من ذل نفسه وراء الناس=انا اشهد ان مافيه ذرة كرامه
ياخوي عيش بدنيتك شامخ الراس=ولا ينحني راسك عدتك الملامه
الا لربك خالقن كل الاجناس= باعث عبيده في نهار القيامه
خلك صميدع راس ياطيب الساس=وجنب عن دروب الردى والرخامه
(ا)وخل لك في مجلس الطيب مجلاس=وابعد من مخاوى الردي والهلامه
(ا)وخاولك من فيه نخوه ونوماس=اليا زهمته شاش وطش العمامه
وخل العدل لك دايم'ن'خير مقياس=وأخذ حلال الشي واترك حرامه
ياخويه احذر تمشي دروب الادناس=درب الدنس للرجل يدني مقامه
وآخر كلامي ياعسى ماترا باس=وتعيش دايم في هناة وسلامه


وسلاامتـــــــــــــــــــــكم ,

[ماتهاب]

هذي ابيات كتبتها على لسان احدى صديقاتي (اسأل الله ان يفرج همها)
والله مابيحه على كل ماراح=ويحاسبه رب'ن' خلقه وخلقني .. ..

يالـــيـــت ربي ياخـــذ الـــروح وارتـــاح=وامـــوت واتـــرك كـــل هـــم"ن" ذبحنـــي

ابـــوي ظـــالـــمني لـــه سنيـــن ياصـــاح=شـــفــت القــسا وبـــكل شي"ن" قهرنـــي

شفـــت العذاب ومنـــه في قـــلبي اجـــراح=حتـــى كلامـــه كـــل كلمـــه جرحـــنـــي

عشريــن عــام"ن" منه ماشفـــت الأفــراح=عـــزي لـــحالي واللـــه انـــه ظلمـــني

واللـــه مابيـــحه عـــلى كـــل مـــاراح=ويحاسبـــه رب"ن" خلقـــه وخلقـــنـــي

وســــــــــــــــــلامتـــــــــكـــــــــم

[ماتهاب]

السلام عليكم ورحمة الله وبركاته

هذه القصيده كانت مناسبتها أنه حصل لي موقف مع أحد البنات وكان ردي عليها بهذه الأبيات
صحيح بنت`ن` بس في عزمها باس = بنت أبدوي ساسه قوي وأبدويه .. ..


يكــون في علمك وفي علم هالناس = ماني بمن تمشــي دروب `ن` رديه
أمشي وأنا بين البشر طيبة ساس= ولاأرضى على نفسي هوان وأذيه
صحيح بنت`ن` بس في عزمها باس = بنت أبدوي ساسه قوي وأبدويه
أبوي كاسب كل عز ونوماس = اللي يمينه جزلت`ن` بالعطيه
الشايب اللي ماوطا درب الادناس=ولا هازته نفسه لدرب الرديــه
وخوالي اللي ذكرهم يرفع الراس = عيال عود`ن` غيبته المنيه
طابو على طيب الفعايل والأرماس = وحازو على كلمة« نعم ». مقدريه
وصلاة ربي خالق”ن ” كل الأجناس = على رسول الله وخير البريه






وسلاامتـــــــــــــــــــــكم

[ماتهاب]

السلام عليكم ورحمة الله

عذراً منكم على الانقطاع الفتره الماضيه

--------
تفضلو الجديد

خذا الموت اطيب اخواني تخير صامل الوقفات !!!

ياليت انسى حدث محزن حصلي من زمان فات=ولاكن ماقدرت انسى علي ياصعب نسيانه

حدث سبب لي الضيقه حبس في داخلي عبرات=الى مني تذكرته تزود بقلبي احزانه

يقولون الفهد ميت وانا اقول الفهد مامات=فهد لازال في قلبي وسط دمي وشريانه

خذاه الحادث اللي يعتبر لي اكبر الصدمات=خذاه ولا رحم *عينٍ قضت الايام سهران

خذا الموت اطيب اخواني تخير صامل الوقفات=خذا الشهم الكريم اللي *فتح للضيف بيبانه

عسى الله يغفرذنوبه ويتجاوز عن السيات=عسى الله يقبل دعايه عظيم العفو سبحانه

اختكم /// ماتهاب

[ماتهاب]

وجهي طليق ولالحقني مناقيد=غصبن على اللي ودهم بالخطيه !!!

* *وجهي طليق ولالحقني مناقيد= غصبن على اللي ودهم بالخطيه
* * في ذمتي ماهمني *زيد وعبيد=* * اللي حكو فيني صباح وعشيه
* * امشي حسب عاداتنا والتقاليد=* * واتبع سلوم اجدادنا الاوليه
* *ماني بصيدٍ هيّن لقانص الصيد=* *ولاني بصدّق كل ماقيِل ليّه
* *ولاني من اللي دايم لها مواعيد=* * *مع واحدٍ ولا اجيب الرديه
* غيداء ولاكن غير عن ساير الغيد=* * *يكفيني انها عزوتي(..... ؟.....)
* * * * * * **(ماتهاب)

[ماتهاب]

ياللي تدور للبنات المزايين =الزين يوجد في بنات..؟ !!!

ياللي تدور للبنات المزايين=الزين يوجد في بنات الجزيره
تلقاه وافي في بنات القحاطين=وعتيبه وشمر تراهم دميره
وشوي زايد في بنات الشهارين=وايضاً بنات مطير في كل ديره
والدوسريه زينها يبهر العين=وبنت عنزه في كل شي مثيره
وماانسى بنات سبيع نعمُ ونعمين=فيهن جمالٍ ولع الناس غِيره
من غير قاصر بمحلفنا السلاطين=عجمان والمره ويام الشهيره
وكثير منهم بالجمال معروفين=مهما اعدد ماوصلت الاخيره
واترك عنْك ميساء وسوسن وشيرين=الزين يًلقا في بنات الجزيره//

ماتهاب القحطاني

[ماتهاب]

كتبت حروفها ليس بيدي
بل بدمع عيني وبدم قلبي
قبل ان تقرؤها اعتذر ان احزنتكم اعلم ان مايخرج من القلب سيصل للقلب فعذراً يااحبه..

من صدمة العلم قمت اشقق لباسي..؟ !!!

مهما تقولون ذا قاسي وذا قاسي=ماقسامن الموت لامن غيّب احبابك
حلت فجيعه وانا بين اهلي وناسي=قالو فهد مات والله يجبر مصابك
من صدمة العلم قمت اشقق لباسي=واقول له صدق صدق الموت قفابك؟
خذيت ياموت مني *طيب الساسي=لو مانت مكتوب ربي مارضينابك
وشفيك ماتاخذ النمام والخاسي=اللي لاجا الناس كلن قال وشجابك
من عقب مامات صاب العقل وسواسي=واحيان اكلّمه: وينك طول غيابك؟
حتى لو امه نست لاماني بناسي=ياكيف ياقلب تنسى خيّر اقرابك
يافهد برثيك دامه عايشٍ راسي=لين اندفن وسط تربه مثلما ترابك

-ماتهاب-

[ماتهاب]

معاناه حقيقيه وواقعيه لفتاه جسدتها انا بابيات


--
ياشينها شيناه ظلم الابوين =لو بشتكيهم مااستطاعه لساني..؟ !!!

لازلت اشوف الظلم والقهْر والشين=من والدي ماهو من انسان ثاني
من سبة افعاله معي تبكي العين=من مر كاسه باالغصيبه سقاني
زوجني لشايب بسن *الثمانين*=نكد علي ومنه لازلت اعاني
بالعمر انا لازلت واحد وعشرين=لاكنّ هذا العود حطم كياني
يضربني وبهذلني وجعل الايدين=اللي ضربتني تنبتر بالزماني
جيت اشتكي لابوي قال اسمعي زين=عيب على الحرمه تجي لو تهاني
وان جيت لامي قلت تكفين تكفين=قالت يابنت ارجوك ماذا بشاني
ياشينها شيناه ظلم الابوين=لو بشتكيهم مااستطاعه لساني
تكفون خافو ربكم يامسلمين=بعيالكم .(كونو بعطف وحناني)
ماتهاب

[ماتهاب]

بشويش ياناقدي بشويش..؟ !!!

بشويش ياناقدي بشويش=ماني ببخوت ياعنيّه
البيت لو نكسره حتيش؟=انحل كسره بجبريّه
مسويٍ ضابط وتفتيش=متمركزٍ عند دوريّه
مسوي لااهل الشعر تشويش*=وانته بيوتك عليميّه
شعرك يالمنتقد تخويش=تحتاج ياهيه وزنيّه
خل النقد لاتقولي ليش=النقد ماانته براعيّه

#ماتهاب

*بخوت /بخوت المريه

[ماتهاب]

بالشكل بنت وبالفعل فعل رجال =واليا حكو بي قالو (مهايطيّه).

بالشكل بنت وبالفعل فعل رجال=واليا حكو بي قالو (مهايطيّه)
هياط طنخه ماهو هياط جهال=وعجولةٍ للطيب ماني بطيّه
مامال عقلي لو كثير العرب مال=واجنب دروب الردى والخطيّه
وسمعت الابو واخوي والعم والخال=حفظتها* حفظ البدو للمـطيّه
وما اذخر على المحتاج بـالفٍ ولا ريال=واليا عطيت امد جزل العطيّه
فيني انوثه مع شوية تمرجال=وعادي لو تقولو لي مهايطيّه

ماتهاب القحطاني

[ماتهاب]

انا احمد الله منسبي منسب الطيب !!!

والله يالولا كثير العذاريب=لاقول ابوي فلان ولدْ الفلاني*
شيخ الكرم شيخ الوفا والمواجيب=معكاز ربعه فالقسـا والليانـي

منصى القريب ومقصدٍ للاجانيب=ومقصد لمنهو شان فيه الزماني
ماهو من اللي للدراهم حساسيب=وماهو من اللي سمعته بالطماني

واللي معه بالبنك ولا اوسط الجيب=معطيه للي من ديونه يعاني
واليا مدحته مدحتي مابها عيب=الكفو في مدحه تزين المعاني

زيّن حياتي ياعسى حاله يطيب=عسى عجوز جات به للجناني
وانا احمد الله منسبي منسب الطيب=(.......) خوالي واعتزي باقحطاني

ماتهاب

[ماتهاب]

بويتـات متفرقه من مااكتبه في شمر*
دائماً محبتهم ازليه لدي احببت اضعها لكم رغم بساطتها
وهي قطره من بحر ماكتبه فيهم ولا زلت تستحق قبيلة شمر
كتابة قصيده كامله وليست بيت او بيتين*

لااحدٍ يلوم القلب في حب شمر=في ذمتي احبهم حب قحطان

1


لااحدٍ يلوم القلب في حب شمر=في ذمتي احبهم حب قحطان


2


يالعنبو شعرٍ قصر دون شمر=ويالعنبو من لا مدحهم وهو حي
بيوتهم بالطيب دايم تعمر=ومشابهين بالكرم حاتم الطي


3


اهل الكرم واهل الوفا والمروات=واهل اليمين اللي جزيلٍ عطاها
مافوق شمر غير سبع السموات=وبقمة الامجاد هم معتلاها


4


احب انا شمر هل الصيت والجاه=محبة فاقت جميع الحدودي
الشمريّ عروق قلبه مغذاه=(على الكرم ) والطيب دايم يزودي


5


ياحبي لشمر ووياحـبي لحايل=وياكبر حظي لو اني من بني شمر

[ماتهاب]

شانت بي الدنيا وانا باول صباي

اواه من وقتٍ مشى عكس مشهاي=واواه من طعناتهم في قفايه

اصارع ضروفي مع مصارع اعداي*=وعيت تجي لي مع حداهم نهايه

شانت بي الدنيا وانا باول صباي=وراسي ملاه الشيب لا واصبايه


ابكي من الماضي اجل كيفه الجاي=ياوقتي القادم طلبتك كفايه

كل مانويت اقوم طاحت بي خطاي=حالي كذا من عادني فـ*البدايه

الناس تتغير وانا ايايه اياي*=نفس الحزن والضيق نفس الحكايه

دائي اعرفه لكن اجهل وش دواي=اخاف لابكره مراسم عزايه

طاحت عزومي والسبب كبر بلواي=وخذيت من صكات وقتي درايه

ماتهاب

[ماتهاب]

حفره صغيره لو تطولن الاعمار=مصير كل ينوضع في لحدها

حفره صغيره لو يطولن الاعمار=مصير كلٍ ينوضع في لحدها
اما لقاها جنةٍ او بها نار=وسيعة والا بضيقٍ وجدها
اغنم حياتك قبل ترحل عن الدار=وجدد التوبه وجدد عهدها
واطلب عفو واطلب سماح بإصرار=من رب يعلم بالذنوب وعددها
مترٍ بمتر مقيّسات بالاشبار=مصير كلٍ ينوضع في لحدها


* * * *( ماتهاب. )

[ماتهاب]

نوره ولقبت نفسي ماتهاب..؟ !!!

نوره ولقبت نفسي ماتهاب=يوم قررت النشر قد لي سنين
بنت عود فالملاقا مايهاب=من بني قحطان ذربين اليمين
وعزوت اخوانن مااحد منهم يعاب=بالفعل والقول دايم وافيين
والصدق نهجي ولا عندي كذاب=تابعه سنة امام المرسلين
وجعل جسمي لااندفن تحت التراب=انذكر بالخير عند الطيبين