أحلى صدفة

[سراب الكحيلة]

اذا جيت ارسم الفرحة على جدار الزمن بالوان=تبعثر حبر كلماتي وشتت فكرتي حزني



ولكن انتقي من ركن فرحي بصمة الفنان=واصخرها عباره باخر اللوحة عمل فني



بهالدنيا تورينا دواليب الزمن احيان =صدف من فرحنا نعجز نعبر وش لنا تعني



وكم صدفة نمر بها تروح وينسي ماكان=واثرها ينمحي بلحظة مثل فنجان متعني



وانا مدري اشلفاني وصابني من ذلك الانسان=لا هو طبعي ولا طبعة ولا جينا لقصد معني



يا ذاك الزول والقبلة مثل ذيك الصدف شتان=على قولة هل الامثال عرب لّبعض ماتغنيّ



كما يروي رمال الارض من بعض المطر هتان=وسيل يجرف قراها يدمرها ولآيبني



انا من فرحتي كني غريب عاد للاوطان=والا طفل نهار العيد يعد قروشة متهني



عسى طيبك يعذر اللي اندفع يمك وجاء ولهان=ويغفر زلته ويقول لا منك ولا مني


وسلامتكم


بقلمي


أختكم / سراب الكحيلة

[المشرف العام]

الشاعرة القديرة سراب الكحيله

شاعرة من العيار الثقيل ولشعرها قافية غير
صح السانك بحجم السماء شاعرتنا
فاضلتي ننتظر جديد لاعدمناك




تقديري لسمو شخصك الكريم ؛؛؛

[أبو كادي]

الشاعرة القديرة / سراب الكحيلة
صح لسانك إبداع لاهنتِ
لك أطيب تحياتي وفائق إحترامي وتقديري،،،

[سراب الكحيلة]

مشكور مشرفنا القدير

وخوي بو كادي على المرور المميز

لكم تحياتي

[ماتهاب]

اررررحبي ياسراب الكحيله وصح لسانك وعلا شانك ولاعدمنا ذا القصيد الجزل جعلك تبطين حيه
تقبلي مرووري

[سراب الكحيلة]

شكرا حبيبتي ما تهاب

صح بدنك

ما عليك زود فديتك

لك تحياتي

[القعقاع]

اذا جيت ارسم الفرحة على جدار الزمن بالوان=تبعثر حبر كلماتي وشتت فكرتي حزني



ولكن انتقي من ركن فرحي بصمة الفنان=واصخرها عباره باخر اللوحة عمل فني



الله الله عليك يالشاعرة سراب الكحيلة
ابيات قويه لاهنتي تسلم الايادي وصح السانك الف

تقديري لك

[الكاسر]

ابيات تحوي على رسالة مشــفره اجادة الشاعرة حبكها بإتقان

صح السنها لاهانت الف

[اخو نفلا]

ربما صدفه خير من ميعاد

صح السانك

[محمد الذرفي]

سراااب الكحيله

صح لسانك الف

ابيااات رااائعة

[طخطيخ]

شاعرتنا سراب كحيله

صح السانك يالنشميه

تقبلي مروري بعد حيي

[عساف نجد]

صح لسانك إبداع لاهنتِ
شكري وتقديري

[نهير النمش]

سراب الكحيله

مفردات ومعاني جميله لاهنتي الله يعطيك العافيه

لك تحياتي

[مشعل عسام التريباني]

صح لسانك اختي الكحيله على هذه الرائعه قصيده في منتهى الجمال والروعه

[رويضان الجسار]

وانا مدري اشلفاني وصابني من ذلك الانسـان
لا هو طبعي ولا طبعة ولا جينا لقصد معنـي

يا ذاك الزول والقبلة مثل ذيك الصدف شتـان
على قولة هل الامثال عرب لّبعـض ماتغنـيّ

عسى طيبك يعذر اللي اندفع يمك وجاء ولهـان
ويغفـر زلتـه ويقـول لا منـك ولا مـنـي



سراب الكحيله

صح لسانك ودام ابداعك

لوحة فنيه ومطلع رائع وتصوير لموقف شخصي واعتذار فالف شكر لك على هذا الابداع والشموخ

دمتي كما تحبين

[مدوخ]

اذا جيت ارسم الفرحة على جدار الزمن بالوان
تبعثر حبر كلماتـي وشتـت فكرتـي حزنـي
ولكن انتقي من ركن فرحـي بصمـة الفنـان
واصخرها عباره باخر اللوحـة عمـل فنـي


سراب الكحيله

ودي اقتبست كل شطر والله
صح السانك

[الكتراز]

سراب الكحيله


صح لسانك ودام ابداعك

[سراب الكحيلة]

صح الله ابدانكم جميع

ولا هنتوا على الردود الرائعة

اسعدني مروركم وتشجيعكم

لا خلا ولا عدم

لكم تحياتي

[الطايله]

الشاعره / سراب الكحيله
مبدعه ما شاء الله .. صح لسانك يالغاليه
وتقبلي مروري يا بعدي

[سراب الكحيلة]

صح بدنك اختي

ما عليك زود فديتك

تحياتي

[نجديه]

صح لسانك

واحلا صدفه اني تعرفت عليك

اختي الغاليه ,,

[سراب الكحيلة]

هلا وغلا حبيبتي

ليا الشرف اكثر

لك تحياتي

[عطر الحكي]

انا من فرحتي كني غريب عاد للاوطان=والا طفل نهار العيد يعد قروشة متهني


بقلمي

أختكم / سراب الكحيلة

اعجبتني هذه الصورة البلاغية كثيراً كثيراً كثيراً

وسرحت اتخيل الدراهم بيدين الاطفال كل شوي يطلعها ويعدها
ويردها في مخباته ثم يطلعها ثاني ويعدها ويردها

لقد تم التقاط صورة بكميرا شاعرية متناهيه في الدقه

صح حرفك وسلــــــم شفيف نبضــــــــك

لك ِ تقييمي وازهــــــــــــاري

دمت ِ بسعــــــــــادة

[محمد سوعان الربيع]

الراقية سراب الكحيله
صح السانك احسنتي
خالص الشكر والتقدير
لسمو شخصكِ الكريم
لاهنتي ,,,,,,,,