من خاف سبع الخلا مايقطع الفرجه

[مشعل عسام التريباني]

بسم الله الرحمن الرحيم
الشاعر\مشعل عسام التريباني الشمري
((من خاف سبع الخلا مايقطع الفرجه))



ماكل من قال لازم نستمع هــــــرجه = بعض الســـــوالف نسكـر عنه الاسـماعي

نصـــــــــبر ولابد مالايام منفــــرجه = لوكان بعــــــض الهـروج يزيد الاوجاعي

من خاف سبع الخلا مايقطع الفـــرجه = ولايحــــــوش المراجل قاصـــــرالباعي

ماينفع الحكي وقت الساعة الحـــرجه = ياصار ماصار وش للحكي مــــن داعي

بعض الاوادم هروجه دوم منعــرجه = موسن علـــــــى غرت الاجواد قطاعي

دايم خيول النميمه يمتطـــــي سرجه = واصعب عليه الوفا مــن حب الاكواعي

ناسن من الطيب والاخلاق ممــرجه = علـــــــى العلوم الهزيله تسرع اسراعي

ومن الهزيلات كلن مالين خـــــرجه = يغرف هزيل الســـوالف شين الاطباعي

دايم مع اهل العلوم العـــوج مندرجه = علــــى الهزيلات يسبق طق الاصباعي

الناس تفرق نجوم الجدي من برجه = وترالعصافـــــــــــيرمافنة عزم زراعي

مانسمع الهرجة اللي حيل منعــرجه = اسماعنا عـــــــن هزيل الهرج تنصاعي

[المشرف العام]

شاعرنا الكبير مقاماً القدير مشعل التريباني

دوووم رائع وتاتي بالجزل لاهنت وبيض الله وجهك يالنشمي على هالأبيات هالرائعة
صح السانك مدد بلا عدد

تقديري لسمو شخصك الكريم ؛؛؛

[فوعان]

بعض الاوادم هروجه دوم منعرجـه
موسن على غرت الاجـواد قطاعـي
دايم خيول النميمه يمتطـي سرجـه
واصعب عليه الوفا من حب الاكواعي
ناسن من الطيب والاخلاق ممرجـه
على العلوم الهزيله تسرع اسراعـي
ومن الهزيلات كلن ماليـن خرجـه
يغرف هزيل السوالف شين الاطباعي

صح السانك بحجم السماء

صدقت شاعرناالفاضل مشعل
وياكثرهم والله نسأل الله لهم الهداية هذا حقهم علينا

[ابو ناصر]

كبير يابو يابو عبدالرحمن

لله درك شاعرنا صح السانك ملاييييييييييييين


تقديري لجنابك

[طواري]

الشاعر الفاضل مشعل بن عسام التريباني

ياسلام عليك ابدعت يالعزوة وجبتها 100 %
صح السانك وعلا شأنك ياعم

تحياتي لك

[الكتراز]

ماينفع الحكي وقت الساعة الحرجـه
ياصار ماصار وش للحكي من داعي
بعض الاوادم هروجه دوم منعرجـه
موسن على غرت الاجـواد قطاعـي

.

,

.
صح قلبك والسانك ياطويل العمر

اشكرك

[طعران]

يرح ابوك ياشيخ الرجال

صح السانك

[عساف نجد]

لاهنت وبيض الله وجهك يالنشمي على هالأبيات الرائعة
صح لسانك مدد بلا عدد
شكري وتقديري

[أبو كادي]

الشاعر القدير / مشعل التريباني
صح لسانك ملايين يالغالي وكعادتك الإبداع والتميز والرقي
لاهنت إبداع غير مستغرب عليك حفظك ربي ورعاك.
تقبل أطيب تحياتي،،،

[محمد الذرفي]

من خاف سبع الخلا مايقطع الفرجـه
ولايحـوش فن المراجـل قاصرالباعـي


صدقت لافض فوك إستاذي الغااالي / ابو عبد الرحمن دايماً مبدع ورااائع

صح الله لساااانك وسلم بنااانك وربي على درب الطيب اعاااانك

لك كل الشكر على ماقدمت من درر

دمت ودااام غاليك

[متعب الشمري]

ناسن من الطيب والاخلاق ممرجـه
على العلوم الهزيله تسرع اسراعـي
ومن الهزيلات كلن ماليـن خرجـه
يغرف هزيل السوالف شين الاطباعي
دايم مع اهل العلوم العـوج مندرجـه
على الهزيلات يسبق طق الاصباعي
الناس تفرق نجوم الجدي من برجـه
وترالعصافيرمافنـة عـزم زراعـي
مانسمع الهرجة اللي حيـل منعرجـه
اسماعنا عن هزيل الهرج تنصاعـي


الله عليك الله عليك الله عليك
هذا هو الشعر الحقيقي
صح لساااااااااانك استاذي / ابو عبدالرحمن لن توفيك وتوفي النص حقه
بصراحه من اجمل ماسمعت من الشعر
هذا النص
اقولها ولا اجااااااااااااااااامل

دمت ودام هذا النبض الجزيل
تقبل اعجابي

[مشعل عسام التريباني]

الاخوان الكراتم
المشرف العام
فوعان
ابوناصر
طواري
الكتراز
طعران
عساف نجد
ابو كادي
محمد الذرفي
متعب الشمري
شكرالكم جميعا على المرور المشرف والاطرى المشجع الله لايهينكم ايها الاوفيا وصلتوني السما بالمدح الله يطول عماركم الله لايحرمنا من وجودكم والله انكم ترفعون الراس

[نهير النمش]

عميد الشعراء وشاعر الحكمه
مشعل التريباني

صح لسانك وطاب فالك شاعر جزل بكل ماتعني الكلمه
الله عليك نص يحمل من المعاني اجملها واجزلها وانقاها
دمت ودام هذا العطاء ايها الشاعر المخضرم الشامخ

لك تحياتي

[عويد ظاهر الجهبل]

صح لسانك
وبيض الله وجهك

[عجب]

ابو عبدالرحمن صح السانك وطاب فالك شاعر جزل بكل ماتعني الكلمه

[رويضان الجسار]

الناس تفرق نجوم الجدي من برجـه
وتر العصافير مافنـة عـزم زراعـي


الشاعر القدير : مشعل التريباني

صح لسانك مدى الحياة

وتستاهل حبة خشم اليوم ودوم

على هذا الابداع المتواصل والرائع وشهادتي فيك مجروحه مهما تكلمت لن توفيك حقك

دمت لنا ذخراً شامخاً مبدعاً للابد

دمت بكل ود ومحبه واحترام

[مشعل عسام التريباني]

الاخوان الكرام
نهير نمش
عويد ظاهر الحسيني
عجب
رويضان الشمري
شكرالكم جميعا على هذا التفاعل المستمر والمرور المشرف والاطرى المشجع الله لايهينكم اخواني الافاضل على هذه الكلمات المعبره عن قصيدتي والمشجعه لي الله لايهينكم بيض الله وجيهكم جميعكم اوفيا الله يعافيكم

[عبدالرحمن الغيثي]

صدقت يبو عبدالرحمن



قصيدة قوية وجزيلة


رائعة بكل المقاييس


صح لسانك ويسلم فكرك

[مشعل عسام التريباني]

الاخ عبدالرحمن الغيثي
شكرالك اخي الفاضل على الاطلاع المستمر والاطرى المشجع لاهنت اخي