تاتااااااااااا [الأرشيف] - منتدى نشامى شمر

مشعل عسام التريباني

10-05-2011, 11:10

بسم الله الرحمن الرحيم

الشاعر\ مشعل عسام التريباني الشمري

هذه القصيده رد على تاتا خاص به لوحده في 7\6\1432هـ

((تــاتــا))

اشوف تاتا شن حمله علينا = متحيزمن خنجر وبالكف ســـــــــــــيفين

هـــــو مادرى انا باللقا كايدينا؟= وانـّا علـــــــــــى جمع المعادي شديدين

قولولــــــي تاتا الشين لايبتلينا= لايفكـّر انا لقمتن بين ضــــــــــــــرسين

حنا ترونا شـــــــــوكتن بالوتينا= خصــــن اليا بلينا من الناس الاقصين

فرسان حـــــربن باللقا قاطعينا= نبيع غال الروح عــــــــــــند السمارين

وحنا نجندل كل مــــــن يبتلينا = يبغـــــــــــــــى بهمنا والغنم والبعارين

ننحاه فــي حد الرهيف السنينا= لاشــــــــــــك جنّب جمعنا ياحمر العين

طعنـــي وجنـّب جمعنا لاتغزينا= جنـّب حــــــــــــــدود بلادنا والبساتين

والله يالولا اللـــي عزيزن علينا= عميدنا اللــــــــــــــــي كلنا له مطيعين

ونقدّره مثل حـــــــــــدا والدينا= والــــيا دعانا كلـــــنا له ملـــــــبّـين

الاّ نحدّك مــــــن شمال ويمينا= ونطردك طرد اجرب نزول السراحين

لكن الياشفناه نرخــــــي يدينا= تقضـــــــــي مشاطرنا ونبقى ولاشين

نخشا نياب الليث تبرز بحـــــينا= اللــــــيث ابو عارف زبون المجلين

وسلامتكم جميعا

نهير النمش

10-05-2011, 11:23

والله ان تاتا باتا صار له علم غطى على التلخ ابو حسن
ماطلع علمه الا انت ياعميد الشعراء وعميد شبكة نشامى شمر
صح لسانك ياأبو عبدالرحمن ولاهنت على القصيده الجميله

تحياتي

سلمان النبهان

10-05-2011, 11:29

صح لسانك ماقصرت:Jl :
:jbhjk:ههههههههههههههههه:jbhjk:
ونشكر لك التقدير لعمدتنا الغالي ابو عارف:alm :
ولاجل عين تكرم مدينة:987h:

المشرف العام

10-05-2011, 11:39

تبون الحقيقة يالنشامى والنشميات والله اني خايف ن من القنواة الفضائة تخططف السيد تاتا باتا هالمذهوب
انتشر علموه وطلع لوه ريش غير شكل مار يابو عبدالرحمن لونخيتواطعران اغديه بخبز علمتوه بس قبل مايختفي
شاعرنا الكبيرمقاماً أبو عبدالرحمن
شاعرنا الكبير مقاماً أبو عارف
شاعرنااالكبيرمقاماً ماجد
الله يسعدكم عزالله انكم ونستونا وامتعتونا بقصائدكم والتي لها طابع ونكهه غير وجت في وقتها حفظكم الله

http://www.nshama-shmr.net/vb/images/icons/110.gif ؛؛؛

مشعل عسام التريباني

10-05-2011, 11:44

الاخوان الكرام
نهير نمش
سلمان النبهان
المشرف العام
شكرالكما جميعا على المرور والاطرى الله لايهينكم واخوي الغالي ابو عارف يستاهل التقدير والاحترام

أبو عارف

10-05-2011, 11:58

كفو ياعميد شعراء شبكة نشامى شمر الشاعر / مشعل بن رسام التريباني على الإطرى والترفيع للعميد بارك الله فيك وماعليك زود جزاك الله كل خير.

صح الله لسانك على هذه القصيدة الجزلة والقوية الموجهة إلى السيد تاتا باتا وهو رجال شاعر ونشمي ولا إستبعد بان يرد عليك لكن إنه الآن رايح مشوار وإذا رجع سوف أقراء عليه قصيدتك فيه وإبلغك في ردة فعله وإن جادت قريحته برد فسوف إترجمها لكم إن رغبتم بذلك.

على أي حال أشكرك مرة أخرى وصح الله لسانك ملايين ولايكفون

وتقبل فائق تحياتي وتقديري العالي لشخصك الكريم

طخطيخ

11-05-2011, 12:03

:h77 :

:sarty : اما تاتا باتا هذا بليه يابو عبدالرحمن
بخخخخخخخخخخخخخخخخخخخخخخخخ

صح السانك الف والله ايونسكم بالعافيه وربي يوجعني ضلوعي من الضحتس

تسلم بعد حيي

دباس

11-05-2011, 01:25

الشاعر ابوعبدالرحمن ............. دبوه بس يابعد حيي

صح السانك ياعم

مشعل عسام التريباني

11-05-2011, 06:16

مشعل عسام التريباني

11-05-2011, 06:18

شكرالجميع الاخوان والاخوات على المرور والاطرى الله لايهينكم ايها الافاضل والفاضلات

أبو عارف

11-05-2011, 07:42

شكراللاخ ابو عارف على خفة نفسه الله لايهينك يابعدي لكن ترنا خوافين كان تاتا باتا شاعرقوي فكنا منه ترنا بوجهك منه الله يعافيك يالغا لي اخوي الغالي ابو عارف للمعلوميه اسم ابوي(( عسام)) ليسى رسام هذا للتعارف اكثر الله يديم وجودك بيننا
---------------------------------------

هلا وغلى بالأخ العزيز الشاعر مشعل بن عسام التريباني ملايين.
آسف على الخطا المطبعي في إسم الوالد.
شكراً لل و بارك الله فيك على التذكير تخبر يا ابو عسام إذا طاف العداد عند الواحد يصبح كثير النسيان والأخطا الغير مقصودة والعميد طاف عداده مبطي.

أما من ناحية تاتا فتكفل له قوانين حقوق الإنسان الدفاع عن نفسه وما أدري عن قدرته الشعرية ولكن إن ماهداه الله وتعرضك بشيء فعليك فيه أفرك خشمه تراه هندي ضعيًف ماعليك منه ولامن شعره.

سوف أحاول فيه أن لايرد ولكن إذا رد سوف تجد رده خيطي بيطي

إعتذر مرة اخرى عن الخطأ وتقبل فائق الإحترام والتقدير

مشعل عسام التريباني

11-05-2011, 11:36

شكراللا خ عياده على المرور والاطرى الله لايهينك

مشعل عسام التريباني

11-05-2011, 11:41

الاخ ابو عارف معذور الله يعافيك وانت ماشالله ولد الله يطول عمرك انا اللي مطوف منذو مبطي على قولتهم اما من ناحية الشاعر تا تا باتا هذا قصيده يخرع مهو خيطي بيطي الله يفكنا من شره ومادام حقوق الانسان تكفل حقوقه والله مشكله حنا يالله نجمع لنا بيت اوبيتين وهذا داهيه لكن تدري عاد احسن لي انحاش مدامي بالسعه قبل يسكر علي المنافذ ههههههههههههههه استودعك الله يابو عارف الله يبيض وجهك ويطول عمرك على الطاعه ولايهينك يالغالي

عجلان

11-05-2011, 12:30

ابو عبدالرحمن

الله ايونسكم بالعافيه يالشعار

صح السانك عمي

منقاش

11-05-2011, 01:22

صح السانك شاعرنا مشعل

الوافي

11-05-2011, 03:56

صح لسانك

تحياااتي

بنت السلاطين

11-05-2011, 04:10

ههههههههههه

وابوحسن كسر خاطري لاتنسووونه مظلوم هالمقرود حتى في الشعر لاحول ولاقوه الا بالله

الجزل ابوعبدالرحمن

صح لسانك ملالاين

ولاهنت طال عمرك

مشعل عسام التريباني

11-05-2011, 06:05

شكرا للجميع على المرور والاطرى الله لايهينكم جميعا