ديوان الشاعر / مفوز التبيناوي

[مفوز التبيناوي]

بسم الله الرحمن الرحيم
أهديكم هذه المصافحة الأولى علـّــها تحوز على رضاكم:

مصافحة أولى.. ..


كنت أكتُب الشّـــــعْر قبل الشّـعْر يكتبني = حتـّـى غدا الشّــعرْ نبض القلب ولساني
من بعـْـدَها صار بعض الشّـــعْر يتعبني = يبحث خفا هــــاجسي والنّـــاس تقراني
ان جيــت اباأخفيــــه جمهوري يعاتبني = وان جيـت اباأبديــــه حُبّ الذات ينهاني
قِلـْت الغمـوض الفصيح اصبَح يناسبني = وهو اصعَب الشّــعْر بالمعنى والاوزان ِ
يقراني الكلّ وان غنّيــــت يطربــــــني = اللفظ مفهـــــوم والمعنى ( تبيــــــناني )
أطـــــوِّح الصّــوت وافكاري تجاوبني = ولو ماسمَع غير (ابومنصور) كفـّـــاني

أبني واهــدّ القصيـــــده وابتدي وابني = وهــذا هو الحــال مع شِعْري وشيطاني
والشّــعْر نوبٍ يطيـــع ونــوب يغلبني = ونوب اكتب البيت واعجِزلااكتب الثاني
ومــــرّات أغنّيـــــه والنّسمه تلاعبني = ومرّات يسري مع الهـاجــوس واحزاني
ومــــرّات للي على بـــــالي يقــرّبني = ويصبح هديّـــة وفاء لعيـــون خِـــــلاّني
ونــوبٍ يسدّد خطـــاي ونوب ينشِبْني /= واحِسّ بالذنْب وآقـَـفْ مـــوقف الجــاني
واضحَـك واضحِّــك واداعِب من يداعبني = وان جيت للبَــرّ والمقنــــاص تلقـــــاني

ماني بالأوَّل ولآبي من يرتـِّــــــبني = والشّــعْر عندي شعــــورٍ يعكس ألواني
ولا كــلّ من قال،شاعر، لاتطالبني! = مـادام مايــــــاصِف احسـاسه ولايعاني
وكان أصبح الشّعْر مهنه لو تكسّبني = والله مايقـــــال لي شـــــــاعر سليمــان ِ
وبريـق الاعـــلام ماظنّيت يجـــذبني = واللي يبيـــني على ماقيــــــل يلقــــاني

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

مفوّز التبيناوي

[مفوز التبيناوي]

بسم الله الرحمن الرحيم
إهــــداء إلى مدينتي (حايل) .. ..



سرى بي هواي لدارحاتم وحان السّيـر=على ال(أيرباص)اللي بدت تطوي الكـوره

سرى بي وسرّاني لـحايل بلا تأخيـر=لدارٍ على ســاسٍ من المجد معمــوره

حـايل مقر الجـود لاقلّ جود الغيـر=قصِّة فرس حاتم بالاذهــان محفــوره

وصلْـتَه بليل، وكان ساعدني التّصوير= كأنّه بحضن جبـالها السّــود بلـّـوره

عـروس الشمال وحبّها عند أهلْها غير=ولها في خيال أهل الأدب والشّعر صوره

عروس الشمال اللي تغنّى بهواها الطير=يجيبه لها صوت الشخاليل وحيوره

لبْسَتْ أجا جلباب، والتاج شمس عصير=عذوق النـّخَل عَـقده والاشجار تنـّـوره

وكأنّ الجبال اللي توسّـد نفـود الخيـر=تفــرّج على طلـّة محيّـاه مبهـوره

توسّـط جبال العِـزّ من قبل عهد الزير=وبقيَت على البـاغي عصيّه ومستـوره

وفي عهدنا الحاضر ومع رغبة التغييـر=صـدّت عن العالم وشامت لاخو نـوره

وفي ظِلّ(عبدالله) بدَت رحلة التطويــر=يقـودَه(سعود) اللي بدا واضـح ٍ دوره


تأخـّرْت ياحايل وعذراً على التقصيـر=تجيـك البيوت الغرّ وتعـود معـذوره

ومعـذور من قبلي ولو خـانه التعبيـر=يتيه الشـِّعِر لاصار في وصف مشهوره



ــــــــــــــــــــــــــــــــــــــــــ


مفـوّز التبيناوي (ابوفيصل)1430هـ

[مفوز التبيناوي]

بسم الله الرحمن الرحيم

بعد تبرع صاحب السمو الملكي الأمير/ تركي بن طلال بن عبدالعزيز بعلاج الطفلة (ريم الشمري) وتركيب أطراف صناعية لها على نفقته الخاصة، كان من الواجب شكر سموه مع علمي انه لا يحب ذلك، ولكن لإظهار مدى تلاحم مجتمعنا المسلم والقدوة الحسنة لأهل الخير...


ردّ ثناء .. ..




تنبّه يا قصيـدي من تعيبه غفوته ما نــام= وما دام ان الهدف سامي، بدا يالجنة التحكيم

يابو منصور في عصر الكلام وثورة الاعلام = فقدنا الفعْل، والشعر الرزين، وهيبة التعليـم

سلامْ أزكى من انفاس النفل جابه هبوب الشام = تمثنى فيضة(التنهات)مع(حسنا السبق)و(خريم)

سلام أجمل من شعور الطـِّفِل لاحقق الاحلام = على من حقق احلام الطفوله وإقـْبَل التسليم

سلام الله على(تركي) كريم، وينتمي لكـرام = عظيم ولوماهو ياصاحبي في حاجة التفخـيم

اذا الوالد(طلال) وجـدّه اللي بالجزيره حـام = يجي كلّ الشّعِر دونه ومدحه للشّعِر تكريـم

وانا ياسيّدي عاجز، ومثلي شعري المقدام = ولكن هاك شعري بالنّيابه عن مشاعر (ريم)

عبَسْ وجه الزّمَن في وجهها وانشلّت الاقدام= تشوف اليأس مرسومٍ عليه وبالعيون الضّيم

صحيح عيوننا تدمع وهاذي نعمة الاسلام = ولكن دمعَتك ياسـيـّدي تشبِه دموع الغيــم

تبسّـم وجه (ريم) بلفتتك وانزاحت الآلام= مثل مايبتسم وجه الصّحاري لاغـشاه الدّيـم

دعا لك والديها والجزاء من واحدٍ عـلاّم= عساها في موازينك هنـاك بساعة التقسيــم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

(مفوّز بن مقبل التبيناوي/ جمادى الأولى / 1430هـــ)

[مفوز التبيناوي]

بسم الله الرحمن الرحيم



فلسفة .. ..


لي هجــــــــوس ٍ كل مايطري لها سهيل اليمـــــاني = تستفز احلى القصـــايد وابعد افكاري تجيـــــــني
تمتحنّـــــي لين ابـــــوح بمـــا أحِسّ وما أعــــــاني= والمشــــــاعر يوم شـــوك ويوم فـُـلّ وياسميـــن ِ
واصنَـع من الشـّـــعر قيثــاره وقانـــون وأغـــــاني= ويوم أســـوّي منه ربّـــــابه واحـــوّلها هجيـــني
وارتفِـع به للسّحــــاب ويمطر حـــروف ومعـــاني= وانزِل لأعمــــاق بحره واخـرِج الكنز الدّفيـــن ِ
والرّبيـــــع أحــــوّله لوحـة خــــــزام وقحويـــــان ِ= وارسم أوراق الخريـــف بلــوحةٍ تحكي سنيني
والشّـــعِر حـــاله وصــــوره وارتفـاع وشي ثاني=وحــــالتي هاذي غريــــبه ياحيـــاتي صدّقيـني
فلسفه، وافكــار هدّامه، وتخــــريف، وأمـــــــاني= والمعـــــارك مستمــــرّه بين شيطاني وبيــــني
يوم أحِــسّ انّي مثل غيـري وعايش في زمـــاني= ويــوم أحسّ انِّي من الماضي وللماضي حنيني
ويوم أحِِـسّ انِّي لحـــالي بالزّمــــان وبالمكــــان ِ= وكِـــل ماحولي مُجــرّد وهم صوّرته لعيــــني
لاشخـــوص ولاغيــــوم ولاجبـــال ولامبــــاني=حتـّى انا مـــرّات اضيّع صورتي واقول ويني
غرّبتني وحشَة افكــاري وضيّـــــعت المـــواني= ياحيـــــاتي قـــــرّبي كانِك حقيــقه وابعــديني
عن خيــــالاتٍ تســـاورني واعــايشها ثــــواني= وانتبـِــه واستغــــفر الله واتذكّـــر والديـــــني
أدري ان الخـــالق الــــواحد ولالله ثـــــــــاني=ولو يحـاول بي(طويل العمر) ماغيّر يقيــني
لــــكن التفكيــر من حَقـّي وتفكيـــري خـذاني=خـارج المألـوف والواقع بوسطه يحتريــني
كل ماجيـــت أتحـــرر من قيــــودي والهوان ِ=يفـرض الـواقع علـَي مجراه ويكبِّــل يديـــني
مابقى لي غـــير محبــوبٍ لوانسى مانســاني= بانفعـــــالاتي بطيـــشي بكل مافيني يبيـــــني
مع رفيـق ٍ ماحَسَـب وشـّـو خذا لامن عطاني= عــارفٍ قدره بصدري وكل ماجـاه يعَنيــــني
وفـــوق هـذا رحــمةٍ من عـالِم السِّر تغشاني= أستعيـــــنه واسـأله يغفر ذنــوبي ويهَديـــــني


(مفوز التبيناوي)

[مفوز التبيناوي]

بسم الله الرحمن الرحيم
هذه رسالة إلى الأمتين العربية والإسلامية بمناسبة حلول شهر رمضان المبارك وتحذيراً من المخطط الصهيوني الكبير الذي بدأ يتحالف مع الدولة الصفوية(الشيعية) الجديدة نظراً لتوافقهم في المصالح والأهداف:

رسالة إلى الأمتين .. ..


قـــــلبٍ يشيـــل الهمّ لو هــــام ما نــــام = يسري مع الهــــاجوس والعيـــن نيــــمه
يستعـرِض الــــدنيا وتِشـْـغِلْه الارقــــام = ويرجي المــطر لاشـــاف بالجوّ غيــــمه
ويكـــاد من جــــور الليــالي والايّـــــام = ينهــــار لولا إنّـــه قـــــويّ الشـّـــكيـــمه
يا قلـْــب خلّـك واقعي وانْـس الاحــــلام = ومن يعـــكس التيّـــار يعــطى قسيـــــمه
دام الحقــــايق عندنا صـــارت أوهــــام = والصّـــدْع بالمعـــروف يصبح جــريمه
وانا معَــك ياقـــــلب والــــوَعْد قــــــدّام = واهْــــل الأمَــلْ مايقبلــــون الهــــزيـمه
أشــــوف واسمع والجـِم النّـفس بلجــــام = واقـــول هـــوْدي والسّـــــلامه غنيـــمه
وسـلاحي الحـــاسوب واوراق واقــــلام = وبحْــــرٍ من المــــعنى تــــزايد لطيــمه
وأخــاطب اصحاب المبادي والاَفهـــــام = حتى يصيــــر لكل مـــاقِلـْــت قيـــــــمه

فكّـرْت بالأحـــداث وصــراخ الإعـــلام = واحتـرْت مابين الخصيــــم وخصيــمه
قِـــدّام كـلّ النّــــاس عِــدوان واخصـــام = ومِن بيـــنهم تلقى الصّـــداقه حميــــمه
ويصبـِح صديق اليـــوم عــدوّك العــــام = ويصيـــر عربــون الصّـــداقه شتيـــمه
لقيــت كلّ السّــــــالفه كِـــذب وافــــــلام = وشفـْـت الحقيـقه في عيــــون اليتيـــمه
صــدَّقـْت كِــذْبَة عمّـــنا وانكشف(ســـام) = لــــكن بَـعَــــد ماجهّــــــزوا للوليـــــمه
وتحــالـَف الجيــران واعــداء الاســـلام = وعــادت عــــداوات العصور القديـــمه
هَـــمْ نفـْـــسَهَم(كسرى،وقيصر،وهمّـــام) = و(ابن سبأ) يرســـم لهم وســـط خيـــمه
مع إختــــلافٍ بالمـــــواقِع والاحكــــــام = لـــكن يجمّـــــعهم رضــــاع(الفطيـــمه)
ويجمـــعْهم التّـــقديس لقبـــور واصنـــام = وعــداوة اصحـــــاب الفتوح العظيــمه
الــــرّوم في بغــــداد والفُـــرْس بالشّـــام = واهْــــل النّـفــــاق بكل صوبٍ مقيــــمه
ومصـــوّبين لذبْحَــــنا فِــــكْر وسهــــــام = ولايجْــهَل السّكيـــــن غيــر البهيـــــمه
وحنّـــــا غطَسْـــنا بالمــلاهي والانعــــام = أفــــــواج والشّيــــــطان بشداد ريـــمه
وشــــاخَن بنا نســـواننا،لـَبْسَن حــــــزام = وهــــذا جــزى اللي مايغطّـي حريــمه
واهل الجَهَل صــاروا مشاهير واعـــلام = وضـاقت نفوس اهل النفـوس الكريـمه
وشبــــابنا الصّـــاعِد ليانـــــام ماقــــــــام = يااللـــــه تجعَـــل عـــــاقبتها سليــــمه

يالغـــــافلين الوضْع لو طــــال مـــــادام = تنَـبّـــهوا يااهلْ العقـــــــول الفهيـــــمه
ويـن العــــراق وويـن صولات(صـــدام) = عســــــى لنا في كـــلّ كَـــفّ تعليــــمه
لازِم مـــن التغييـــــــر والله عــــــــــلاّم = إن كـــان تغييـــــر الفتى من صميـــمه
شَهْــر الكـَـرَم نحييــه بصيـــام وقيــــــام = ونَقــضي على كل الحَسَــــد والنّميـــمه
ونصيــر صفّ ولِبْسنا سيـــف وحْــــرام = ونـــواجـِـه العـــالـَــم بحَـزْم وعزيـــمه
ونِلـْـــغي(جَواد) ونِلـْـغي(أحلام)و(انغـام) = ولاصـــار بَعـْــد العيــد نَـدْفِن حليــــمه
ولا ّ ننـــــام وننتِـــظر حكــم الاعْــــــدام = ونسْـــرَح ونمْــرَح والعواقب وخيـــمه



(مفوز التبيناوي)

[مفوز التبيناوي]

بسم الله الرحمن الرحيم

موسمية 1424هـ.. ..



يابو حاتم برّد الليــــلْ.. مع طلعة سهيــلْ = والليالي صارت طوالْ.. والمنشا خيـالْ
ماحلا باقفاية سهيـــلْ.. شوف المستخيـلْ = مع دخول الوسم همّالْ .. ديمٍ باحتمــالْ
ضافيٍ يسقي من(عصيل ْ).. ليا( بيضاء نثـيـــــلْ) = يستمرّإسبوع والجالْ .. حدّه من شمالْ
مرزمٍ كن الهماليـــل ْ.. للغيـــمة شليــــــلْ = ريّضٍ بقدومه الفالْ..لاصحاب الحلالْ
سرّعيني منظرالسيلْ..و(الديرع) يسيـــــلْ = والنفيض شلون يختالْ..مع روس الجبالْ
مثل مجرىوادي النيلْ..والمنظرجميــــــلْ = منظرٍماجا على البالْ ..ضربٍ من خيالْ
والتلاع من الشخاليلْ .. قامت تستغيــــــلْ = (والرفاعي) صارشلالْ.. للــــه الكمــــالْ
وشاقني صفّ المعامــيل ْ.. في بطحا المـسـيــــلْ = ليا شعمت النّار فنجالْ..ومجادع رجــالْ
وربّعت كلّ المداهيلْ..صارت كالخميــــلْ = مسعدٍ من صارجمّـالْ..غربٍ من(خثـالْ)
ليارقيت ومعك دربيلْ..في راس الطويــلْ = ماتغبط اصحاب الاموالْ..حرّاس الرّيـالْ
يعجبك شوف المطافيلْ..باطراف النزيــلْ = عندهن زينـات الازوالْ .. والمقنع جلالْ
يابوحاتم دون تعطيلْ .. جهّز للرحيــــــلْ = جهّز(مليعيط) بالحـــالْ .. ياقَرْم العيــــالْ
حِـرٍّ اشقر كل ماقيـلْ .. في حقّه قليــــــلْ = النّداوي ماضِ الافعــالْ..محمود الخصالْ
ليا نظَرْتَه يعجبَك حيلْ..لو ماهو جليـــــلْ = وليانخيته مثل الابطـالْ..في يوم القتــــالْ
هدّ مع صوت الهلاهيلْ..شرقيّ الجبيــــلْ = يوم شفته صال واجتالْ..طوّحْت العقــالْ
صارهووالخِرْب(درفيلْ)..في حَطٍ وشيـلْ = كل ما ذا صابه جفـــالْ..هو صابه هبـالْ
مانِحقّه بالدرابيــــــــــــلْ..قلنا مستحيـــــلْ = لكن ْ(مليعيط) مـــــازالْ..لـ(الحُبْرُم) زوالْ
نَزّلَه من فوق تنزيـــــــلْ..حيثه مِستزيــــلْ = علّـقَه والــدّم شـــــــلاّلْ..جِعْـــلَه مايشــالْ
في مِدَاســه ياالمشاكيـــلْ..قرّرنا المقيــــــلْ = المضَحّى زان ياعيـــالْ..ياماجد تعــــــالْ
يابوحاتم صارللقيــــــلْ..في صدري دليلْ = قرَّب المقناص شــوالْ..باقٍ له ليـــــــالْ
يابو حاتم ماحلا الليـــلْ..ياصارت صليـلْ = والذّرى ماغير طُربالْ..مع فروَة طفــالْ
وابتديــنا بالتعاليــــــــلْ..لاقالٍ وقيـــــــــلْ = ولايغثـّك صوت جوّالْ..ماحولك ارسالْ
أطلب اللي يوفي الكيلْ..ياقـَــلّْ الحصيـــلْ = الله اللي يرحم الحــــالْ..ويجيب السؤالْ
استجاب لـ(واني الحيلْ)..مقطوع السبيــلْ = وكل وادٍ عقب الامحالْ..بامرالله ســـالْ
ولاتحَسِّب للمقابيـــــــلْ..والرّازق كفيــــلْ = والعُمرياخوي لوطـــالْ..ملفاه الـــزوالْ



مفوّزالتبيناوي(ابوفيصل)1424هـ

[مفوز التبيناوي]

رحلة عمر.. ..



غِصْت في بحر القوافي والمعـــــاني =لَيْن ميَّزْت الهزيله والسميــــــــــنه
وامتطيت الشِعْر واسرَجْت الحصــانِ = وقالوا (السّابق تطلّعها يميـــــــــنه)
مرٍّ أقصر من جمـــــوحه بالعنــــــانِ = ومَرّ يسبقني ليا شاف الثميــــــــــنه
ونوب لو صِحْت ونخيته مايـــــــداني =ونوب يرمي بي على الشّلفا السنينه
ونوبٍ يكسِّرْ كلامي ويعصــــــــــاني =ونوبٍ اطوَعْ لي من سيور المكيــنه
ونوب يفرَحْ لي ويرسل لي تهـــــاني =ونوب يطرَبْ للمواويل الحزيــــــنه
لَيْن حَطّ البيت واستوطن كيـــــــــاني =واصبَح اقرَب للبنادم من وتيـــــــنه
واستوى سيفي وكيفي واللســــــــــانِ =واقتِسَمنا قاسي الدنيـــــا وليـــــــــنه
وصار لي مرسول طيف وترجمـــانِ =وكل ما كَبْرت بعيني يستهيـــــــــنه
هاجسي يامنيف للشعْر يحـــــــــداني =كل ما هبّ الهوى من يمّ (ليــــــنه)
جايبٍ ريــح النّــفَــــــل والقحـــويانِ =من فيــــاضٍ كنّها وصف الجنيـــنه
و(امّ سالم) كل يومٍ له غـــــــــــواني =ما شِقَتْ في زيف وزحام المديـــنه
يا(ام سالم) غرّدي صوتِك شجــــاني =واهنيّــــك كل صبحٍ تزعجيـــــــنه
مادهاك من الزمــان اللي دهـــــــاني =واصطلاح (العولمه) ماتفهميـــــنه
افتِكَرْت بما مضى لي من زمـــــــانِ =شــارَفَتْ خمسيـن عامٍ من سنيــــنه
يازمــــاني منْك جـــاني ماكفـــــــاني =كم جرى للمسلمين من الغبيــــــــنه
وهمّي اللي لو نسيــــته مانســــــــاني =مايروح و(قبّة الصخره) رهيـــــنه
يا عُمَــر والمسجد الأقصى يعــــــاني =وين جيشَك ياصلاح الدين ويــــــنه
ابتديـــــنا نمتلك كــــــل المـــــــــواني =وانتهيــنا في مؤخَّــــــرْة السفيـــــنه
كنّا الاوّل يـــوم باقِ النــــاس ثـــــاني =يـــوم كنّا راس مال الشخص ديـــنه
وصِرْنا الاوّل بالملاهي والاغــــــاني =والنّـفـــــاق الاجتمـــاعي مبتليــــــنه
وارتضيـــــــنا بالمذلّـــــه والهــــــوانِ =وابتدأ يلعـب بنا (بوش) و(عويــــنه)
وكذبة(الإرهاب) وحقـوق الغــــــواني =أحيَتْ الماضي والاحقاد الدفيــــــــنه
و(الديموقراطية) أوهــام وأمـــــــــاني =دام عند(البيــك) مفتــاح الخزيــــــنه
واستفدت من الزمــــــان القلّبــــــــانِ =إنّ ما كلّ الحقيـــــقه مع(جهيــــــنه)
وانّ مالايُعقل أقـــــــرب للضّمــــــانِ =في زمــانٍ غمّــض العاقل بعيـــــنه
في زمانٍ يصبح المظلــــوم جانـــــي =ويصبح الظّــالم ضحيّة من يِدِيْـــــنه
وانّ حُبّ الذات من طبع الأنــــــــاني =وانّ حُبّ المـال هو ساس الضغيــنه
وانّ كل النـــــــاس من قاصي وداني =همّـــهم واحد وهُم من كل طيـــــــنه
وانّ بعض الشِّــعْر من سِحْر البيـــانِ =واكثره في مجتمعنا صــار ِزيــــــنه
وانّ حكّــــام الدّوَلْ من غيـــــر أذانِ =وانّ كـــلٍّ مستــــبدٍّ في عريـــــنه
وانّ ما للوقـت والدنيـــــا أمـــــــــانِ =ناظروا (صدّام) والقيــد بيديــــنه
وإنّ مهـــــما كــان،رِزْق المودمــاني=كـافله ربّــــه ومكتــوب بجبيــــنه
والزمـــان اللي خذا منّــي عطــــاني =نعمة العقل المفكّــــــر والسكيـــنه
فضل معبــــودٍ لتوحيــــده هـــــداني =واحــــــدٍ كل الخلايق تستعيــــــنه
أسكن العـــالي ولااحـب الطّمـــــــانِ =عــــادة الطّيـــــار وانتم عارفيـــنه
وأرغَبْ الطيّـب واعـدّه من اخــواني =لويشيـــن الوقت له طبعٍ يزيــــــنه
والرّدي لـــــــو هو قريـبٍ لي تراني =ما تركت الاّ الرّحَم بيني وبيــــــنه
وانتخي لاجل الخوي لامن نخــــاني =واتجاوز زلّــة الصّـــاحِبْ بحيـــنه
واترفّــــع عن كــــلام المكلمــــــــانِ =عن كثيــر الهرْج تكـفي(ياسميـــنه)
أنتقيــــها من غريبـــاتٍ حســـــــــانِ =للعقـــول المستنيـــره والفطيـــــنه
مانظمت استـــجدي فلان الفــــــلاني =مــابي الاّ قــــولة (الله لايهيــــــنه)
وماحلا يامنيــف كان سهيــــل بـــانِ =واعْــقبَـــه وسمٍ يفــرّح مرتجيــــنه
وقالوا ابشِر سال وادِ الديعجـــــــــانِ=وتاجر الاسهم عسى ربّي يعيـــــنه
حُـبّ مقنــاص الـقَـفِـرْ بين المَحـــاني =ثابتٍ لوكان ما للصّـــيد عيــــــــنه
مــرّتْ أيـــام الـــزّمن مثل الثــــــوانِ =مالحَقْـنا غاية النّفــس المهِيـــــــنه
غافليــنٍ ونتطـــــــــاول بالمبـــــــاني =عن تصاريف القَدَرْ ماهي حصينه
نطلب الدنيـــــا وهي دار امتحـــــــانِ = كــــم اهــــانتنا وحنّـــا مهتويـــنه
لو على كيـــفي توقّــــفت بمكـــــــاني =اتجهّـــــزقبل مااطيح بكميـــــــنه
لــكن الايّــــام مافيــــها تـــــــــــوانِ = والعُمـر يمضي ولااحدٍ سدّ دَيْنــه

[مفوز التبيناوي]

القصيدة العروس..

هنوفٍ تمخطر لانّـها تملك الميـــــــدان = تنادي بعالي صـوتها وين من شِــــقـْته
تباهى بعودٍ فيه من وصف عود البــان = وشَعـْرٍ ليا غطى مضاليــــلها فهَــــقـْته
تقول انّي اجْمَل وصف يخطر على الوجدان = وكم خـــاطبٍ مــرّ بحيــاتي وطلـّــــقته
انا حــرّةٍ ماحابت فــلان دون فـــــلان = ولــكن ولي أمري يحـــابي من شفـقته!
انا افصح حروف الضاد في خطبة(القطــان) = انا حرفٍ استعصى على(شوق)وانطقته
انا دارة التاريخ واسطورة الشجعــــان = وكم مــــرّةٍ ضاعت رسومه ووثـّــــقته
انا الملحَمَه ومجــادَل النـاس والعِرْفان = كـــم قــوم جمّـعْــتـَه وكم قوم فرّقـــــته
انا النـّـور للسّـــاري بدربٍ بلا عنوان = وانا النـّارلاقرّب فرَاش المساء احـرقته
انا عِلـّـِةٍ بالقلب في غـــالب الاحيـــان = وانا البلسم الشــــافي ليا جاء على وقته
انا البحْر بامواجه،انا الرّيح والبركـان = ومن مايجيد العـــوم لو حــاول اغرقته
انا الكنز باعماقه،انا الدّر والمرجـــان = انا البحْر بهـــدوئه، وانا البحْر بزْرقـْته
انا الدّهْربفصوله،انا الطـّيف والالوان = ونسيمٍ صحى في روضة خريم واعتِقته
انا الحب بانواعه،انا الكرْه والشيطان = انا المجتمع:أهل الوفـــاء مع منـــافقته
انا لعنة الحــاره،انا طيــبة الجيـــران = انا الشـّــايب الرّايق،وانا الطـّفل بطفقته
انا ضحكة الفرحه وتنهيــدة الأحـزان = انا اليعربي كلـّــــه: لســـــانه ومنطقته
انا لحنه اللي ردّده بالفـَــرح فنـّّـــــان = وانا العبرة اللي في فلسطيــــن خـانقته
انا الواقع اللي ديدنه كان ياما كـــان = وانا حلــمك الــوردي تمنّيــت ما فــقته
انا السّلـْم وجهوده انا الحرب والفرســـان = انا غصن زيتـونه وانا السيــف ودرقته
انا بي مرارالحنضل الكامل الرويان = وانا احلـى من اللي تحْـلـَم ولابعَد ذقته
انا الكذبة اللي حمّلوها شهر نيســان = بدا الكِذ ْب يكــثر وآفته من مصـــدّقته
انا أصدَق من الدّمعه على وجنة النّـدمان = وانا أكذب من اللي كِـذبته دون مشنـقته
انا باختصارالسّالفه نبض كل انسان = رفعت اسهمه مـرّه، ومــــرّات وهّــقته
انا كنت مثل المهرة اللي بدون عنـان = وكم ســايس ٍحاول يروضني ارهــــقته
برزلي(محمّد)وانتخى لاجلي كحيلان = مزاياي غارت من مزاياه وعشِـقـْــــته
تواضـَع- وهوطبعه- تبسّم وهوفرحان = وتطــاولت له واحيـا طموحي وعانقته
محمد ولد زايد محمد رفيــــع الشـّـان =أميــر ٍ رقى بالمـجد واخلاقه فرقـــــته
نصيرالأدب غلطان من نافسه غلطان = عجَــز من يحـاول يتبعه عن ملاحـقته
بفضلك يابوخالد حديثي بكل لســـــان = وذا كـــان حلم ٍ لي قديـــــــم ٍ وحقـــقته
انا ادخل على اللجنه،على راســـها(غسّان)=يصكـّـون بـيـبان الشـّــعِر عن ملفــّـقته
غرورالأنا من حقي وعندي البرهان= من اجلي حضَــر شيخ الشـِّعِر مع بطارقـته
ولاجْـلي تجمّـــعنا وحِنـّـا مِـلل واوطــــان= ولاجلي، تســـــاموا بالشـِّــــعر ياعمــــالقته

[مفوز التبيناوي]

لوحة..


صــورةٍ تستاهل الـرّسم ياعـــالَم صحيح=فيضـــةٍ خضراء وقِطعـــان واشجار وخيـام

وريشة الرّسام يختارها من غصن شيــح=وزيّنت خلفيّة اللوحه زهـــــور الخـــــــــزام

ووسطها طفلٍ ملثّم وعذروبه شحيـــــــح=ماظهَر لي منّـها الشمس وعيونَه ظـــــــــلام

ناطـَحَتْني غِـرّ تمشي، لها زولٍ مليــــــح=ينتمي للطّـــول عَدْلٍ معَــــزّلة القــــــــــــوام

وطار عن ردفـَـه اجلاله بعَد ماهبّ ريح=واستـــــــدارت تستردّه وبَلـْـــشت باللثــــــام

يوم حَطّـــت فيه يَدْها مخـــافة لايطيـــح=ماتفــــرِّق لمعَـــة الكفّ من بــدر التمــــــــام

يامنيف القلب عيّــا يريــح ويستريــــح=شــــاقي ٍ بالوقت كنّـــــه مكلّــــــف بالعَــــوَام

وقتنا اللي قـام يقسى على الوجه الفليــح=وينهَظِــم به راعي العِــرْف وتســود الطّغَــام

العَدِلْ والصّدْق والطـّـيب حطّوا له ضريح=وشيّعـــوها الظُّـلم والكِذْب وابليـس الإمــــــام

مجتمعنا صار فـي الغـالِب نفاق ومديــح=دام هــــذا مجتمعنا، على الدنيـــــا السّــــــلام

[مفوز التبيناوي]

موسمية1432 (الربيع العربي) ..



ياللــــي تنشـّـــدني عن الموسميّــــــــه=أبشِر، ولــكن هالسّـنَه شكلــها غيــــــر
علــى ربيــــع الثـّـــورة اليعربيـــــــه=قـامَتْ تشيــل الصّــوت وسط الطوابير
ولـ(البوعزيزي) جَتْ تقـدِّم تحيّـــــــه=مـــوته قلـَـــب خوف الجمــاهير تغييـر
موسم قنـَــص من بعْد عيــد الضّحيّـه=زحْـمَة طـرايد، رغمْ كــل المحـــــاذير
شـفت الارانب ماتهـــــاب المنيّـــــــه=وتشرَه على عشّ النّســـور العصــافير
ونســــورها كــلٍّ يلعِّـــــن خويـــــــه=وعَجْـــزَتْ مخــــالبها تعين المنـــــاقير
والشّـــرْق هبّــت ريــحه الموسميـــه=والسُّحْب لَـقْحَـتْ وامْطَرَت وابتدا الخير
والبيـــر ردّ ومــاه وصْــل الرّكيّـــــه=ودجـــــاجهم دلّــى يبيّـــــض دنانيـــــر
وبـــانَتْ قـــرون النّمــلة الفارسيّـــــه=والـــرّوم حـــامَتْ والحباري مخـــامير
واللي فطَمْها الغــرْب صارت صبيـّه=كِـــلٍّ ينـــاضرْها بعطــفٍ وتقـــــــدير
تبــكي على فــــرْقا النسـور الوفيّــــه=وحِنّـــا على الفـــرقا نزِفّ التبــــــاشير
وتكشّـــــفَتْ عــــــوراتنا الدّاخليّــــــه=خــــلاص يكفي يا(معمّــر) معـــــاذير
الظّـــلْم للنّـــفس الكريـــمه خطيّــــــه=وشــــوفوا، ترى في كل دارٍ منــــاعير
وعنـدي يابوحاتم لمـــثلك وصيّــــــه=قبـــل المشيـــب وقبل حكم المقــــــادير
عليـــك بالسّجــــات بارضٍ خليّـــــه=في خــــايعٍ زادت حــــلاه النّواويـــــــر
شـوف الفيـــاض، وشفّــت الشاذليّــه=واوقــــافتك بالجيــب بيـن المغـــــــاتير
وطلي الرّبيــــع، وخوّة الشوشليّـــــه=واشـــرافة المـــرقاب، واطلاقة الطيــر
تنسيـــــك كل همـــومك الاوّليّـــــــه=وتعــــــالج اللي غـــــاطسٍ بالتّفاكيـــــر
ولاّ القَـنَص ماهو لـــراع الرّديّــــــه=صـار القـَــنَص بديــــارنا للهواميـــــــر
تحـــــالفوا مع كــل نفسٍ دنيّــــــــــه=وحنّـــــا رجعــنا بالعَـــناء والمخـــاسير
يــــاهَل حلب، والدّيـْـــر، واللاذقيّـه=على خُطــى من قبـــلكم حثّــوا السّيــــــــر
ضــدّ الخطا، والظّـلم، والعنجهيّــــه=ماللجنـــــايز عنـــد بشّـــــــار تبـريــــــــر

[مفوز التبيناوي]

وقفه ..!!!




حمامة(ن)ناحت على راس مرقــــــاب=وقت العصـير وكل لحن(ن)تجيـــــبه
جاوبتها بالصّــوت والقلب منصــــاب=أسمع مـــواويله واجـــاوب نحيــــــبه
هــواجس(ن)تجتاحني مالها حســــاب=والــهمّ بــــاوّلها يقــــــود الكتيـــــــبه
أسرجت لـَه من سُبّق الخيــل مــهذاب=تزهى بـقصّـتتها وضـــافي سبيــــــبه
وانــا عليـــها مثـــل ابــازيد وذيــــاب=وكـلّ(ن) من الميــدان ياخذ نصيــــبه
الوزن سيف وحبكة البيـــت نِشـّــــاب=ورمح(ن)من المعنى يخصّ الضريبه
تـاصل بلا استئـذان لاصحاب الالباب=والمنثِــــبر توطـّــــته مـــــا دري بـه
بعيـــدة المغــزى لو الوقــت غـــلاب=ومن كـــل حـــالات المعنـّى قريـــبه
جتني مثل طلـّة عروس(ن) من الباب=على العــريس وهي من اوّل حبيـــبه
واستنطقت كل الـــدّوافع والاسبــــاب=واستوطنـَت كل الفجـــوج الرّحيـــبه
الـرّاس شاب وخاطري مابَعَد طــاب=ولازالــت الدّنيــــا على هقـــوتي بـه
تضحَـك بسِـن وتطحن الناس بالنّـاب=ولاهي على الدّنيــا الدّنيّــه غريــــبه
أمعَـنـْـت في نفسي مشــاريه وعتـاب=وأســرَفت، والعـاقل ضميره طليــبه
يانَفسي اعتادي على حَرْق الاعصاب=والــوضْع واسلـــوب الحياة الرتيــبه
واحتـَـــرْت في بعض الجماعه والاصحاب=مــادام له حـاجه يورّيـــك طيـــــبه
يكـَـــثـّر الترحاب وليااغتنى غــــاب=وان طاب طيبه صـار بس لنسيــبه
للطـّـيب في قلبه مثل هيبة الــــــدّاب=ولاّ الـــرّدى لو يلــبسه مايعيــــــبه
ماينفِـقِـد لاغــاب وان عــاد ماثـــاب=والله مــــادري زوجتـه وش تبي به
همّـــاز لمّـــازٍ جــــزوع ٍ وسبّــــاب=ولياجَلـَس يستــعرض النّاس غيــبه
مـــار البلا كــانِه من الرّبع الاقراب=معيــــبةٍ تـركه وقـــربه مصيـــــبه
وعَجـِـبْت من وضع(ن)رضيناه بالغاب=ويلقى المهـونه من رضي بالغليـــبه
نفعـَـل حكي، وسلاحنا فتـْل الاشنــاب=وكل(ن)بذمّـة ضاري(ن) يحتمي به
نستنكر الاصحــاب ونودّ الاغـــراب=أقطــــاب مغناطيس! والله عجيــــبه
نمشي بتال الــــرّكب حتى بالالعــاب=لكـــن مع أوّلــــهم بهــزّ التـّريـــــبه
ونستدعي الماضي على صفحة كتـاب=شوفواعلى الــواقع وش اللي بقي به؟
تبقى الجـِمال جياع وطموحنا اعشاب=ولاعــادت دمــوع السّحايب تثيــــبه
ياما رجينا العون من جوف سرداب=ولاّ عظــــام(ن) باليه في زريـــــبه
لاعــــوّد الماضي ولا شيّـــب غراب=واللي عليــها العِـلـْـــم بقيَت سليـــبه

[مفوز التبيناوي]

إخواني وأخواتي أعضاء شبكة نشامى شمر، عيدكم مبارك قبل الزحمه وكل عام وأنتم بخير، أرجو قبول هذه المتواضعه:

الجــــاه ..!!!


لو كــلّ من دوَّر على الجـــاه يلقـــــاه= كان إستوَت والطـّيـْــب يفقِد معــانيه
ولو تستوي مـراتب النـّــاس والجـــاه= تضيـــع من بين الرّجــال المشــاريه
ويبقى المميّــــز ماتميَّــــز مزايــــــاه= ولايُعرَف الخــــايب ولو فيه مافيـــه
وترى إختــلاف النّاس من حِكمة الله= وكــلٍّ محاصيــــله تبيِّــن دعـــــاويه
حتّى ليامن حِـدّ كــــلٍّ على أقصــــاه= يبيــن من فِـعْله ينـــومس بني خيـــه
تصــوّروا، والمجتمع دولة أشبـــــاه= وشلـــون نلقى من يجـــامل معاليـــــه
من يخدم اللي غـــرّته حيــل دنيـــاه= وهو يدري ان الله يميــــته ويحييــــــه
من يمــدحه، من يغضِب الله لرضاه= وليــا تضـــايق خاطره، من يسلـّيـــــه
من يعتني قصره، وبشته، ومركــاه= ويصيـــر له ســـوّاق ولاّ يقهــــــــويـه
من يحْـــرُس أمواله ويحفظ رعاياه= وليا تدلـّـــــت كـــرشته من يداويـــــــه
هــذا هو الــــواقع،وحنـّــا رضينــاه= دربٍ لنا من بدّ الاجنــــــاس نمشيـــــه
لو للخطأ يمشي مشيـنا على خطــاه= ولااحْدٍ ولو شــاف الخطيّـــه يخطّيــــه
وفي حَضْرته كل المعاني عكسنــاه= والشـّـي بغير اللـي عِـرِف به نسمّيــــه
صِرْنا نخاف الصّدق والكذب منجاه= وراع المبــادي يستحي مــن مبـــاديـــه
كـــل الأمم فـــاقت وحنّا بعميــــــاه= الله يعـــزّ البيــــه ويخلـّـــــي البيـــــــه
ومعذور راع الجاه لو جاهه أغـواه= مــادام من حـــوله يزيّـــن مســـــــاويه
يرعى بظِلّ حمـــاه ويكمّم افـــــواه= واللّــه ماادري ويـــــن ودّه يودّيـــــــــه
واللــي مشى بالدّرب مثله وشرواه= ماذاق من كــــاس المذلّــــــه يكفّيـــــــه
امّـــا يعـــود ويمكن العــمْر باتـلاه= ويســـتدرِك اللــي باقيٍ من هقـــــــاويه
ولاّ ياعلَّــــه هفّــــة مقيــط ورشاه= ولـــومك على اللي بعد هذا يماشيــــــــه
ياهاجسي كلٍّ تغنـّــــــى بليـــــــلاه= وانا على ليـــلاي دوّهــــت تدويــــــــــه
خاف الكلام وصـوّتت صرخة الآه= بـسّ العزيـــــز مصمّــه الله ومعميــــــه
العـــزّ طــاح ولابقى غير ذكــراه= متى (صلاح الدين) يــرجع ويبنيـــــــــه
ياصاحبي ليل الهوى طاب مسراه= مـــادام طــــال الوقت في رحلة التّيـــــه
نبــعد عن زحــــام المدينه بليّـــــاه= كـــلّ الشــــوارِع صارت عيون ووجيــه
والآدمي لو كــــلّ شـيٍّ تمنّـــــــاه= بشْــتٍ على شيـــخ الــعرَب مايدفّيــــــــه
يكفيـه ماسـاقت له ظروف دنيــاه= ليــــــه يتضـــايق دام ربّـي معافيــــــــــه

[مفوز التبيناوي]

الإزدواجية ..!!!

العمر يمضي والليــــالي معاشيـــــــــــر= عسى لنا في وضْح الايّـــــــــام خيره

وان كان دخـْـــنا واتعبتنا المشـــــاويـــر= فالكــــــل للمحتــــــوم يشعب بعيـــره

والحكم حكم اللي يديــــــــر المقاديـــــر= وكـــــلّ ٍ على ماقيــــــل يلقى مصيـره

والله هو اللي كــــافلٍ مرزق الطـّيــــــر= وحِنـّـــا نتحـــاسَد عند حبّـــة شعيــــره

كِــــلّ ٍ يحب الـــــذات ويهمِّش الغيــــر= وغنيّ ديــــرتنا يلعِّـــــــــن فقيــــــــره

وامراضنا زادت ومن غيـــر تبريـــــر= حِنـّـــــا السبب في مـــرتبتنا الاخيـــره

مافــــادنا صجّــــه ولجّـــــه وتنظيــــر= و(المستقلـّــــه) شـــاهده و(الجزيـــره)

نقــــــول شيّ وفعلنا يالعــرب غيـــــر= و(الازدواجيّـــــة) صِــفتنا الخطيــــــره

نعيــــش في (بغداد) ذبــح ٍ وتهجيــــر= وتثيـــــرنا بـ(دبي) حفلة (شكيـره)

وبالليــل رقص وبــاكر الصّبح تفجيــر= حيـاتنا صــارت (مشـــاهد مثيـــــره)*

واحفــاد زيــد الخيـل وعْـدَيّ والزيـر= رضيَــوا من الحَـق المسمّــى يسيــــره

والجــادل الرّعبــوب سيد الغنـــادير= بـــاقت بانوثـَــتها وصــارت وزيــــره

وكــان استمـــرّينا على عبد واميــر= نبي نطـــــوِّل ماطلعنــــا الحظيــــــره

- ياهاجسي وش فيك قل لي عسى خير= نسيت نفســك واعترضــــت المغيـــره

تعـــال سولف لي عن البرّ والطيــر= واترك عْـنَـــك قصّـــة سميروسميـــره

دام السّـــواني جُـرْب والدّلو بالبيــر= مــاللــــرّشا واهل اليديـــــن القصيــره!

[مفوز التبيناوي]

أيها الإخوة الإعزاء، بعد ماكتبت قصيدة(الازدواجيه) لامني أحد الاخوة عندما أرسل لي أبيات مضمونها أن أترك الكتابة في مثل هذه المواضيع، فهناك مواضيع كثيرة أخرى، فأرسلت له هذه الأبيات أرجو أن تعجبكم:
شوّوقه ..!!!


هبّ نسناس الشمـال وحرّك(المعشوقه) = واستثارت همّة احساسي وفيض اشواقي

واقبلـَت يمّي تخطّى كنّـــها (شوّوقـــه) = أنا مشتــــاق لشقاوتها وهي لعنــــــــاقي

وانتهض شعري كما وسمٍ تنوض بروقه = والمغاتيـر الورَق، واستبشري يانيـــاقي

والمعــاني كنز، واليوم انفتَح صندوقه = وقمْت أنـقـّــي من جواهر مهجتي مالاقِ

فِكرةٍ تـــوّه تصير وفكرةٍ مطــــــروقه = ســــابحاتٍ في خيـــالي كنّـــهن بسبــاقِ

- قلتها يـــوم البنــادم يفضحه منطـــوقه = و يُعْرَف الصّوت الصّدوق ويُعرَف الهلاّقِ

يابونايف خلّ هاجـوسي على طاروقه = أدري إنّ الدّرْب شــايك لــكن الله واقــي

وكان كـلّ النّـفـْخ صار بقربةٍ مشقوقه = يابونايف كــلّ حيّ ٍ في حيــاته شــــاقي

والشّعِر عندي رساله،والخيار بسوقه = وكان للمعــــروف نبته،سجّلوني سـاقي

ولو زهى لحم الفطيسه حالفٍ ماذوقه = سمّـنَتْ كل الحَصَاني ورفضَتْها أخلاقي

والعُمُر محسـوب والظّالم يد الله فوقه = راح من عمري كثير وماادري وش باقي

والشّبـاب اقفـَت ضعونه والرّطب بعذوقه = شَــــيْب عيني كل ماارقى كرسي الحلاقِ

ولو بغيت أسلى بمقناصٍ حوالي(لوقه) = مع مثِل شرواك ربع ٍ مستـــواهم راقـي

وانـقـــل اللي مايغرّك كان تلّ سبوقه = حِـــرّ ٍ أشقر مثل (الالعط) صاملٍ لحّـاقِ

رجّعَــتْني للحقيقه عبْرةٍ مخنــــــوقه = عــاشها طفلٍ فلسطيني وطفل عــــراقي

[مفوز التبيناوي]

هذه القصيدة امتداداً للموسميات، وقد ولدت على متن الطائره، أرجوا أن تعجبكم.
موسميه ( من جرف لدحديره ) ..!!!

تركت أرض المطار ولا حسبت حساب للاخطـــار= رقيــت الرّيــــح ياالله ياعسى لي بالسّــــماء خيـــــره
تركت الارض واطلقْت العنــان لســـابح الافكــــار= تســــاميـــــت بخيــالي عن جميــــــع النّــاس والديره
لقيــت إن الفضاء يشـبه خيــالي، والغيــوم أشعــار=وانا شــــــــاعر، إذا الغيْـم الشِّـعِرْ فالبرق تفكيـــــــره
ضَرَب حِيـْـل السّحـايب ولـْـقَحَت واهتلـّت الامطار= سِقَتْ كِـــلّ العطــــاشى والشـّــجر غنّت عصـــافيره
رسمـت بريشة الشـّــاعر، وانا في موقع الطـّيــــار= يحسّ الارض في كفـّـــــه يشكّـــــلها بتصــــــــويره
يشـــوف الخـــافي اللي ماتشـــوفه باقي الانظـــــار= يشــــوفه من ثـــلاث أبعــــاد ويطـــوّر تعابيـــــــره
تقــــــاربْت المســـافات وبــدَت كل الكبار صغـــار= بعيـــني، وانعَكَس هـــذا على المشـــــوار والسّيـــره
وتعلـّـــمت إنْ ماللكـــــون آخِــــر والــفـَــلـَك دوّار= وإنْ الارض هي واللــــــــي عليـــها كنّــها شْعِيــــره
وإنْ الكــــون فيه أســـرار، والله يــعـلم الاســــرار= وتَـقْـدَر تخْتِــــصِر كــــل المــــدى هـــذا بتكبيــــــره
- ألا ياهـــــاجسي لاتشتكي لي والهمـــــوم كثــــــار= تــراك أشغلتني يكفي خـــــــلاص وفُضّ هالسّيــــره
واذا ماتعــكس التيــــار خلـّــك خــارج التيـــــــار= ريــــاحه هـــــدّمَتْ برج الحياء واجتثـّــــت الغيـــــره
تصيــــح ولاحَدٍ يســـمع وكــل اللي تبي ماصـــار=ومـدام الصّــــوت يرجَـعْ لك صــدى، دوِّر على غيـره
وســـولف لي- وانا الصّقـار-عن مايرغب الصّقار= ليـــال سهيــــــل عــدّت والــوَسِم طـلـّــــــت تباشيـــره
- يابوحاتم تجهّــــــز وانتخِب من ربعــنا الاخيـــار= قـــــرومٍ كـــل واحـــد يعـــطي الـرّجّـــــال تقديــــــــره
يسلـّــــونك وبك يسلـــــون مهما طــوّل المشـوار= ولاتلقــــى على هاكـ الوجيــــــه البِيـــــض تكشيـــــــره
على بتــــرول ولاّ واحــدٍ من عايلة جكـــــس آر= موديـــــلاتٍ جديـــــده والــدّبل من غيـــــر تحضيــــره
نبي هاكـ الشّعـــــاف اللي جذبْنا يمّــها التذكــــار= سقـــــاها الــــواحد المعبــــــود وبلٍ من مباكيــــــــره
يبـــدّل وجههــا البـــاهِت خضَر،وتغرِّد الاطيار= ربيــــــع ومن قَـعَـدْ بالبيــــــت ماتِقْبـَـــل معــــاذيــره
ويكثر خير الارض وتكتسي وينوِّر النّــــــوّار= وهــذا مع مجـــــاهيمه وهــــذا مع مغــــــــــــاتيره
ومعنا حُـــرٍّ،أشقر،فرخ،من طرْح الشّبَك،مغتـار=هَجِـرْ، والصّــدر فيه بــروز، ووســـــاعٍ منـــاخيـره
على التّــكيَه ركــاده، ويتطلّـــع كنّــه الـــــرّادار= حقَــــوق الطّـلـْـــع، وابْـشِـر بالسّـــعَد كانِه شتَل سيــره
ليـــا منّـــه لمحهــا طْيَـار،حَقّق واستدار وطار=ورقى لـَــه فـــوق، كِــلٍّ صـــاح: من هوْ يالرّبع طيره؟
بلحْـظَه زَمّ نفـسَه واختفى، ذكّــرْني بـ(بشّـــار)=وعَــرَفْنا إنّــه دَرَع بالخِـــرْب من لمْـــعَة دواغيــــــره
والايــــــاماحلا وقت المغيـــرب ياشعَمْت النار= تــــروق بخـــــايعٍ ممطــــــور تلقيـــــمه وتبهيـــــــره
- نبي نتــرك حمـــام الــــدّار واللي يعبد الدّولار=ومن يستثـــــمر الاوقــــــات بمعسّــــــل وتعميــــــــره
نبي نخرج عن المألــوف،كذا، ونحطّم الاسوار=نبي نســـرَحْ، نبي نمــــرَحْ، ولا نـــدرَى محــــــاذيره
نبي نَكْسر عصا الرّوتين لو لحظه نعيش أحرار=نبي ننـــفض غبــــار الـــوقت ونهــــوّن مقــــــاديــره
نبي نستمــــتع بجوّ الخـــلا ونقـــاطع الاخبـــار=لأنّ أخبـــــارنا ياخـــــوي من جــــــرفٍ لدحديــــــره

[مفوز التبيناوي]

هذه القصيدة قدّمتها في المهرجان الربيعي لمدينة النعيريه، عندما دعاني الأخ/ عبدالله النومسي للمشاركة في فعالية الخيمة الشعبيه في المهرجان، وقد تمت تغطيتها من قبل قناة الساحه:

النعيريه ..!!!

ياهــــــــاجس الشِّـعْر لاهبّت شماليّــه= مع أوّل الوســـم والغيـــمه تحيّيــــها
زِجّ الغْنــاء طـــــول حِسَّـك بالهجينيّه= لاتستحي خَلّ كل النـــــاس توحيــها
ويا مِنّــك اشمَـلْت مع خطّ ابو حدريّـه= ياهـــــاجس الشِّـعْر تكفى لاتداريـها
شمــــالي ٍ وانتشى مع ريـــح وسميّــه= وش عـــاد لو قــالو انّـه رايحٍ فيــها
- غَــنّ الوفـاء والرّبيــع وصـــافي النيّه= واحلى المواويل حاضِرْها وماضيها
قِم غَـنّ هديّــــتي لاهْــــل النّعيـــــريّه= بـــاقة شِعِرْ من فياض العشب أنقـّيها
وانظُم خزيِّم، ومخنــاقه، وتركِيّـــــــه= ومن النّفَل والخزامىافْرِش واغطّيها
لعيـــون بنتٍ هنـــوفٍ تــــرفةٍ حيّــــه= بنت الرّبيـــع إسمها كاني باسمّيــــها
تتنفّس من البحر والــــرّوح نجــــديّـه= والشِّـــــعِرْ لامَــرّها لازم يحيّيـــــها
واجــواءها بيــــن برّيـَّــه وبحــــريّـه= والــرّمْث من حـــول طلـّتها محلـّيها
- تـَلـْـــقى هَل الصّيد فيــها والهـــواويّه= واهْل الأدب والثـّقــــافه في نواحيها
الصّــبْح بالسّــوق حاجـــاتٍ تُراثيّـــه= والطّيب من بيـــن بايعها وشـــاريها
والعَصْر حِرٍّ، وشيهــانه، ووكــــريّه= تشَـرّفـَـت يوم(تركي) صار راعيها
والليــــل يشتـَـبّ عرضاتٍ ورديّــــه= مع أُمسيـــاتٍ مثل هـــاذي تمسّيــها
صارت من المهرجـــانات السّيـاحيّه= فيها السّيـاحه رقـَتْ لااسمى معانيها
معَرْفـَـة رجـــال واجـــواءٍ ربيعيّــــه= ووجهٍ بشـــوشٍ من اوّلـها لتـــاليها
والكـلّ فرحـــان والفرحَه طبيعيّـــــه= بوجيــــه زوّارهــا بانت مـــواريها
- وان كـــان قــالوا ليــال البَرْد مجفيّه= دفء الأحـــاسيس بامكــانه يدفـّيها
أقــــولها واكـْــثـَر الحِضّــار طرقيّه= زوّار والنّفس رغبتـــها تمشّــــيها
ياهــــاجس الشّـعْر دامَــك بالنّعيريّه= هيــجِن، ترى النّــاس فيها مايكفّيها

[مفوز التبيناوي]

وجه الحقيقه ..!!!

يابوحــاتم تعبت من السّــفَر يابعَــــدِي= كــلّ ماطـال ليلي قمت أسـولف قصيـــد
أترقّــــب سهيـــــل ويمّــــــتي للجـدي= أتلهّــف على المـــاضي واحبّ الجديــــد
نوب وحْــدي وكنّــي فى نهـار الهَـدي= ونــوب وانا بوسط النــاس كنّي وحيــــد
ونوب أسولف وكلـّـن عارفٍ مقصدي= ونـوب أنا ياعضيدي مادري ويش أريـد
دام يومي مســالِمْ، وش علَي من غدي= أمْــس عندي قضى نحبه وبــاكر بعيــــد
في تجــارة هلِي حطـّيـــت كل جهَـدي= واحمِد الله بـبنْك الحُــبّ عنـدي رصيــد
ولو قلـــوب البريّـه حـــاجةٍ في يــدي= كــان كـــلٍّ غسَـل قــلبه وروّح سعيـــــد
لــكن الله يضلّــــل من يشاء ويهَـــدي= ميّـــــز النّــاس ذا جــاهِل وهذا رشيــــد
ياكفـــوفٍ ترجّــى كل كــــفٍّ نـــدي= يـوم قــــام (العزيز) يْمـدّ كــفٍّ زهيـــــد
جـــرحكم مايطيـب وليـــلكم سرمدي= السّيـــــوف أشغلَـتكم عن حصيل الجريـد
البعــــارين جوعى، والطّلي معتدي!= الــوَعَد بالظّحيّـــــه يالشـّــــقي البليــــــــد
ياهجـوسي تحَلّــي بالصّـبر واركدي= يـــــوم مـــاني مكلّـــف في همـوم العبيــد
وســـافري بي لجــــوٍّ مخليٍ مبعدي= صار وجْـــه الحقيــقه بالمديـــنه طريـــــد
يابوحـــاتم تجهّــــز دام وقتي مــدي= مــاتهـمّ المســــافه لو وراء البيــــد بيـــــد
مـــاحلا وان جلسنا والبساط أحمدي= وســـط روْضٍ به النّـــــوّار تـــوّه ولِيْــــد
قِلْت واسمَعْت صوتي يالبيوت اشهدي= كـل ماضـــاق بـــالي قمت أكـرّر واعيــد
ياسمـــــوّ المشـــــاعر ردّدي ردّدي= ضاع صوت القناعه وسط هل من مزيـد؟

[مفوز التبيناوي]

وضعنا غلط ..!!!


تضـــايقت يافـوّاز واشرَفْت بالمرقـــاب=وهبــوب الشمال تـداعب النفس بعـذوبه
تهافـتْ فَرَاش همـومنا والصدور شهاب=ومن حــاوَل يخفّف سنــاها كلَتْ ثــــوبه
كأنّ الحصى حولي لفيفٍ من الاعراب=ومكاني على المرقاب يكشف لي عيوبه
وقَفْت وبديت ألقي على الحاضرين خْطاب= وغريــب العرب ماقــــاطعوني ولانوبه
حصى،واكثر انصات ويجوزأكثراستيعاب= وبصبرٍعلى الظيم العَرَب فـاقت الطـّوبه
ســلامي عليكم ياعرب، والسّـلام عتاب=محِـبٍّ غيـورٍ واعـذروا قــاسي إسلــوبه
اش اللي حصل يااحفاد أبي بكروالخطّاب=غير المهـــايط يالــرّبع وش طلعتوا به
مزايَن بعـارين وحمــام ومعَزْ وكـــلاب=ملاييــن نصرفها والانفــاس محســوبه
اليامن تجمّـعنا،كـروش وعِقِلْ واشنــاب=وبنينا الخيام اللي على الزّيف منصوبه
وكذوب المشاعر يمدح ويبدي الترحاب=ومفــاطيح تكفي كل من يسكن (النّوبه)
وعزيز الفلــوس يقدَّم ويحشَم وينهــاب=وهَـل العلـْم هينوا والمـوازين مقلـــوبه
يقـدَّم على غيره، ولو مـــايفك كتـــاب=وإذا قـــام يخطُب ينشب البشت بعقوبه
ولاميّــز الصّــادق ولاميّــز الكـــذّاب=مسيكيـــن تجّــار الحكي كيف خفّـوا به
هذاك افتَخَربانساب وهذا افتخربالقاب=وفلسطيــن تصرَخ والمجـاويخ عيّوا به
وبقيـّـة عربنا كمّلت حسبة الحسّـــاب=وهِي من قـَبِل يونيو حزيران منكـــوبه،
من أحزان رام الله على القدس بعدغياب=إلى عبْرَة الجولان ودمـــوع بعقـــــوبه
كُتَلْ داخل الاحزاب واحزاب فوق احزاب= وهوْ حزب واحد، دايم يفوز باعجــوبه
جمــاهير حرّكها الهوى، والهوى غلاب=تُجيــد النّـكَت ويهــزّها ردْف رعبـوبه
مهــازِل عربنا زادت وللهـــوان اسباب= ولــكن رديّ العِرْف مايعـرِف عيــوبه
واذا جيْت للواقع، ترى كل ابونا اذناب=فريقيــن، كلٍّ يتبع الذّيــخ من صـــوبه
فريــقٍ يحِبّ الفرْس ويراقب السّرداب=وفريــقٍ يهاب الرّوم والرّوم مغلــــوبه
تركنا الصّـداره للـعدا والــزّمن دولاب=تفـــاصيلها من وعْد (بلفور) مكتــــوبه
مادام إن صرخَة طفل غزّه تسمّى ارهاب= أجَل قنبلة فسفور الاحقـــاد مطلـــــوبه
ومادام إن باشات العرب للعدو اصحاب=تبي تستمر غـلاّت الاجيــال منهــــوبه
وابَـدْ مايضيـع الحـقّ مادام له طـــلاّب=وترى مايصيــب النّــاس من سبّة ذنوبه[/

[مفوز التبيناوي]

هذه القصيدة إمتداداً للموسميّات ولتصادفها مع ذكرى استشهاد احد أطفال الحجارة الشهيد بإذن الله (محمد الدرّه) فقد خرجَتْ بهذا الشكل:وقد أنشدها حامد الضبعان في مقناص2
هب البراد ..!!!

هبّ البــَرَادْ وهيّض القلب عصفــــــــور= واشتـقـْـت لبروق الشمـــــال ورفيـــفه
وسجّـلْـت مايطري على البال بسطــــور= وش عــــاد لو مابه جديـــدٍ نضيــــــفه
- يامحمّــد الدرّه صدَق وعــد (بلفــــــور)= حتى لو (اسطنبول) كـــانت حليــــــفه
لانّه يعَـرْف ان العَـرَب بس جمهــــــور= وفـّـــى بوعده واستبــــاح العفيــــــــفه
والدّرْب طـــال وكلّــه اهوال وحفـــــور= والليــل ظلماء والوســـايل كفيـــــــــفه
وكان اكتِـمل صمت الجماهير والسّــور= بـــاكر نقول (القدس) كــانت شــــريفه
- مرحـــوم ياوقتٍ بالاحســان مذكـــــور= وقت الجمــايل والقلـــوب النظيـــــــفه
الطِّيْب يـِجزى طِيْب والعيب مســــتور= يوم ان اهلـْـنــــا يقسمـــون الغـــــريفه
واليوم وقت الكذب،والظلم،والــــــزّور= وقتٍ على الاجــواد طـَــوَّل خــــــريفه
الحقّ ينقص والمبـــــادي بحــــــــادور= واوجـِــس بقلبي من تواليــــــه خِيــــفه
- مشكــــور يااللي صمّم الجيب مشكـور= لسُــفْن الصّحـــاري صار نِعْم الخليـــفه
زينـــات رِكْـب الكور مضى لهن دور= واليـــوم دور اللي علـــومه مطيــــــــفه
يشتاق للمشى ويصبر على الجــــــور= ويبْـعِدْك عن فـوضى المديــنه وزيــــفه
وينـوز لو دربَـه غرازات ووعــــــور= وكم مـــرّةٍ وصّــــــل وليــفٍ وليــــــفه
مع الــوَعَرْ في مشيته طيــش وغـرور= ومع السّــــهل تسمع لمشيــــه وحيــــفه
وحِنّـــا من الشّــامه ليا كتيـفة الخـــور= ليا عويرض الغــربي لحــدّ الحليــــــفه
وشمـال لين حـــدود عرعر واباالقـور= دجنـــاه لو كــــانت عليـــــنا كليـــــــفه
نقــوم للمقنـــاص مع فجّــــة النـــــور= خمســة جيـــوبٍ والحمــــوله خفيـــــفه
منقيّــــةٍ بس المعــــاميل وطيــــــــور= ولايخـــــــاوينا خطــــــاة الهديـــــــــفه
متفــــاهمينٍ والخوي دوم معـــــــذو= حتى اللغيـــــــفه بيــننا بالنّصيــــــــــفه
نهـــــارنا يمضي مداويــر وسبـــــور= والليـــل وقت امثمّنـــــــــاتٍ طريـــــفه
والله لو انّك عنــــدنا يابو منصــــــور= شهـــادة الاركــــــان يمــكن تعيـــــــفه
ياماحلا ياصـــرْت باطراف منظـــور= ربيـــع، وشعــــــاف الثريّــا مريــــــفه
والعشب زان وزيَّــن القاع بزهـــــور= (وتشــابك النّـــــوار مثــل القطيـــــــــفه)
انا اشهـــــد ان القلب دالِـه ومســـرور= معـــــذور حتى لو تركــت الوظيـــــفه
اقـــــولها والعَـــبْد مَنهي ومامـــــــور= هــذا هــــواي وكــل حــيّ ٍ بكيــــــــفه

[مفوز التبيناوي]

التضاريس( إهداء لعبدالله المفضلي ) !!!

الاوّل اللــــي صلـّـــــح النّــــــــــوق= ومـع كـــل فــــجٍّ تعّـــب العيــــــس

غـــــدا بتـــــال الـــوقت مســـــروق= هجّـــــوا بها نـــــــاسٍ مفـــاليــــــس

تتــــابعوا مع ســـــوق ماســـــــــوق= وضــــــاعت نفـايس عرش بلقيـــس

يالمنـــــــدفِع تــــــراك مسبــــــــوق= لا لاتحمّــــــس خفّــــف الرّيــــــــس

هــــوّن عليك، الطـَّــــرْق مطــروق= وش عــــــاد لو تمـــلا القراطيـــــس

بغيــــت أصـــرِّح باسْـم مــــرزوق!= تــــوّي بديـــت أعَــذْر (أدونيـــــــس)

ياهـــــــاجسي وش فيـك محــــروق= خلّـــــك طبيـــــعي والعَـن بليـــــــس

خِــــذها يابونــــايف على الـــــذّوق= فنجـــال لك، من فــــــرْعَة الكيــــس

ياصــــاحبي بالــــرّاس طــــــاروق= جَنّــــــي يـــــلاعبْن المقـــــــاويــس

أثْــر الهـــــوى لــــــلآدمي عــــوق= واثْـــر الشِّـــــــعِرْ للنّـفس تنفيــــــس

حتّــى الهـــــوا لاهـَــبّ بالسّــــــوق= تبيْــــــن بالليـــــــــل التّضــــــاريس

بُعْـــــد الحبــــــايب حـرّك الشّـــوق= واعْــتَق من السّــــــجن المحــــابيس

[مفوز التبيناوي]

أهدي لكم هذه القصيدة من الأرشيف

الجيل ..!!!


يالله والتسبيـــــح لك والتهـــــــــاليل = ياواحدٍ فـــوق السّمـــــــاوات عـــــالي
يامِهْلِك أهل الفيــــل بطيور أبابيــــل = تجْـعَل مصيـــر الظّـــــــالمين الـزّوالِي

جتني هــواجيسي تقــافى تِقِل سيـــل = تــــزوْد لانسنس هبـــــوب الشّمــــــالِي
تسري بفكري كل ماعسعس الليــــل= واسري مَعَه واطــــاوعَه من هبـــــالي
أمشي واهوجـِـس واستعيد التفاصيل= ولو صِرْت وسط النـــاس كنّي لحـــالي
وبنـــات فكري كِنّها شِـــرّد الخيــــل= ميـــدانها واســع مـــــــداها خيـــــــالي
قِحْص ٍ خزايزهن بديــــع التّمــــاثيل= غـــوالي ٍ ما تـَـقـْــبَل الاّ غـــــــــــوالي
جَنّي يصـــارِعْن الاعنّـــه مشـــاويل = واسْرَجْتهـِــن واخْترت قــافٍ طـــرالي

وين انت رايح يازمـــــان التّهـــاويل= تمــشي على ما تشـــتهي ما تبــــــالي
ما تِلتفِت للي تـــــردّى به الحَيْـــــــل= ولا تنزّل لي تجـــــــاوِب ســـــــؤالي
خَـــذيت طبْع الجيـل يا طابع الجيـــل = تستهتــــــرون بكل طبـــع ٍ مثــــــالي
جيـــــلٍ تمــرَّد راح جيل الرّجــاجيل = واصْـبَحْت تـــايـِه بينهن عــــزّتــالي
شفـْــــت المهــــونه والعنا والبهـاذيل = عقـْـــب المهــــابه قمْت أجامِل عيالي
جيـــل المهـــايَط والغناء والخـلاخيل = مــــوتى النّهــــــار ومتعبين الليـــالي
جيـــل آخِر القصّـــات جيل البنـاطيل = جيـــلٍ يقلـِّـــد لابســــات الشـّيـــــــاليِ
يقــــول واحدهم كسَـــرْت الفنـــاجيل = أنا كِــــــذا، ما للشّكــــــاله ومــــــالي
والبنطلـــون الجنز من غير تفصيــل = إيـــزي، وانا ملـّيــــت لِبسة عقــــالي
ولا عَـلـَـــي من كثرة القال والقيــــل = (طنِّش تعيش) وشلـّـتي راس مــــالي
ماهَم من اللي حصّــل العلم تحصـيل = واستهدَف صروح الشّرَف والمعالي
ولاهَم على درب الــرّجال المشاكيل = اللي ســعوا للطيـــب باوَّل وتـــــالي
ولاحَسّـــــبوا غيب الليال المقــــابيل = جيـــلٍ نشـــأ مستهــــترٍ واتكــــــالي
ولااعمّ كل الجيـــل من شان مااعيل = فيــهم شبـــابٍ قــــــرّبوا للكمــــــالي
لكن من اللي شُـفـْـــت مثـّلْت تمثيــل = لاواهنيّ اللي من الهـــــمّ خـــــــالي
يابـِـنْت ياللي خَطـّــت العين بالميـــل = تكفيـــــن،ووصــــالِك بعيد المنـــالي
تشيّــمي عن مــــودعين التّعــــــاليل = دخـّــان ومعسّـــــل وعودٍ يـــــلالي

وانا عــــزاي إنّي على الدِّين مااميل = واسترجع من المعصيه وانفعــــالي
وعـــــزاي فوحَة ريحة البنّ والهيـل = في مجلس ٍ مابين غــــالي وغـــالي
وعــــزاي لامنّه نقـَـز طـــالع سهيل = وقمنا على (المنشا) نخيـــل الخيـالي
وجَهّـــزْت شنطة عزبتي والمعـاميل = خـــوّة عزيزيـــن الرّفيــــق الرّجالي
عِشْنــــا وشفـْـــنا وابعدتنا المـراحيل = ولا بقي منـّــــي كِثِــــرْ مامضالي

[مفوز التبيناوي]

أهديكم هذه الموسميه الربيعيه التي تصف أحد رحلاتنا مع انها قديمه شوي، أرجو أن تعجبكم:

يالله تستر على لساني من الزلـّــــه ..!!!

ياالله تستر على لساني من الزلّــــه= واستسمحك من خطايا النّفس واهمــــالي
همّي تعدّى الهموم وعلّتي علّـــــــه= ياللي تلوم المشقّـــى مــالك ومــــــــــالي
والله لولا كلام النّاس والذلّـــــــــــه = واخاف من ميـلة الدنيا على عيــــــــالي
لاسمّي الشئ باسمه واكشف الغلـــّه= واغيّر الوضع وافضح خافي هبـــــــالي
واغادر الدّار واهل الدّار والحلّـــــه = وامسح معالم طريقي واقطع ارســـــالي
- لكن مدامي رضيـــت بما قسمـه الله = نويت احطّ الخلا داري ومدهـــــــــــالي
واركب على جيب شاص مكمّلٍ دلّه = نعم الخوي للخلاوي بالخلا الخــــــــالي
تسمع صفيره مع المقناة يا تلّـــــــــه= صفير صاروخ روسي وقت الإرســـالِ
ما يمشي الاّ قطوع ودربه يدلّــــــــه= ويشوش يا جاء عفاش القاع ورمــــــالِ
أرضٍ ماهوكلّ من يبغاه ياصل لـــه= ياما هبا دونــــــــه جميــــحي وجفّـــالي
كان الخوي جاز لي فلّيتها فلّـــــــــه = وان كان ماجازلي تلّيتــــه لحـــــــــــالي
واسجّ بارضٍ قفـــر توّ المطرعلّــــه= وانطّ راس النّـبـا واجـاوب (الصّــــالي)
يالله ياللي تعزّ النـــاس وتذلّــــــــــه= يامبدِل الحـــال من حالٍ إلى حـــــــــــالِ
يالله واناطالبَـــك نٍوّ على حلّـــــــــه= في تالي الليــــل برقه يشعل اشعــــــــالِ
ينشي ويمشي ويسقي ديرتي كلّـــــه= مزنٍ عريضٍ مريضٍ هلّ همّـــــــــــــالِ
سحابةٍ ماتشاف اطرافها.. مضلّـــــه= جزلٍ مطرها اليا اسقت واديٍ ســـــــــالِ
وتربّع اكالشّـعاف اللي عطاها اللــه= ِزين الطّبيــــعه وللاجـــــواد منـــــــزالِ
ومن النّدى تصبح الاشجـارمبتلّـــــه= على الورَق يرتعـش كنّـــه كرستــــــــالِ
ونوّار عشب الفيـــاض مفرّشٍ زلّــه= وصـوت العصافيـــر قام يذكّرالســـــالي
وريح النّفَل والخزامى الجوّ يحتلّـــه= والليــــل قمرا وصــوت الصّيد رحّــــالِ
وراع البعـارين دايــم بـس مع بِلّـــه= زانت بعيـنه عقب مازانهـــا الـــــــــوالي
من جاه عــاني ولو ماهو رفيقٍ لـــه= يلقى صميــــل اللبن والصّخِن بسحـــــالِ
- ياصــاحبي حطّ عفشك والردي خلّه= وش لك بدارٍ تعلّى فيــــــــها الانـــــــذالِ
يابو فهيــد ان تعبنــا بهّر الدلّـــــــه = في فيضة السّـــدِر بين الطـّعس والجــالِ
وليا حصل شاهيٍ مع خبزة الملّـــــه = تسوى- مع العافيه- كبـــــاب واوصــــالِ
نبي نخاوي مطــــانيخ ٍ على المِلـّــــه = اللّي مقانيصـــــــهم دايـــم على بـــــــالي
خويّـــــهم لو يطــول الوقت ما ملّــه = ينسى همومه لو ان همـــــــومه جبـــــالِ
يلقى البسـاط أحمدي، ماللخوي زلّــه= وابعدهَـــــم اللّي نعــــدّه صاحبٍ غــالي
وليااجتمعنــاوكلّ ٍ جـــاب طيــــرٍ لــــه= يطري علينا مثل مقناصنـــــــــا التــالـي
يوم ان(منظــــور) يدلي به ويمهلّـــه= يلعب عليها وهو مِرْهِي وقتّـــــــــــالــي
ان كانهــا حوَّلت للارض ينزل لـــــه= وان كانهـا عزّمت يرقـــــى لها العالــي
تبي تخلّــــص وهو منها مثل ظلّـــــه= وضاقت عليــها وعجـزت عنه تحتالــي
ويوم (البْنِي) وقّــفَن صفّ ٍيراعن لـه= طَقَّـــه ونجّـــــم لاجِلْ من تلبس جلالــي
وسقَط عليهـا، وصِحْنا ـ من يعجّل لـه؟= ويخَلّصَــه حيّــةٍ ، تكفـــون يا عيــالــي
وكـلّ ٍ فزَع والتهــاني جتــــك منهلّـــه= ولجّــوا على الاجهزه هذا اوّل الفــــالِ
و(قيسيّـة) الخــال قدّامي يدبّــــــل لـــه= و(الجيب)الاسـوَد على يمناي يبرا لــي
نِسي الحطب والخروف اللي علىالسلّه= وراح يتجمّــح تقِــل مركــاض خيّــــالِ
- نهارنـــا بالقنَــــــص والليـــل تعللّــــه= ســوالف اجــدادنا والغـــاز وامثـــــالِ
هاذي حـلاة الخلا ، والعُـمُـر قافٍ لــه= يااللي تحســــبونها قصّــــاف الآجـــالِ
ولاعِمُـر قالوا فقيــــرٍ مات من قلّــــــه= ولاقيـــل خلّـِـــد بها من يكنـز المــــالِ
والسّــــاعة اللي تــــروّح ماتجي للّـــــه= مار اغتنِم سـاعتك في خيــر الاعمـالِ

[مفوز التبيناوي]

قصيدة موضوعها خاص، أرجو أن تروق لكم.

شكوى..!!!

الهـــوى آفة كثيــر الناس والدنيـــا مغــــــرّه= والزّمـن يبقى على ممشاه والمِيْـد الممـــــاتِ
والقدَرْ شيّ ٍكتـَـبْه الله من خيـــره وشـــــــرّه= والمقـَـــــدَّر لوبغينـــا نمنــــعه لابُــــدّ يــاتي
والحســـود الله يزيـــــله والحَـسَـــــدْ لله درّه= يبتــدي بالحــــاسد الحــــاقد وينسيه المبـــاتِ
ولايدوم الحـــال لاشكّ الزّمَـن كــرّه وكــرّه= والفتـَــــنْ زادَتْ عليـــــنا نسأل الله الثبـــــاتِ
ياالله انّي طــــالبَكْ يامحصي نجوم المجــرّه=إنّـك تسدّد خطــاي وتقـْـبَـل الصوم وصلاتي
يابومشعل داخ راسي،قام هاجــوسي يفــــرّه= والهمــــوم اللي بصــدري وارداتٍ صادراتِ
والسّبب من هوعلـَي يخطي ويسرِف ويتشرّه=مــايبي يترك خطـــاه ولايبي يترك حيـــــاتي
دايم اهديــه اجمَــل ايّــامي ويهديني مضـــرّه= ولو دعيــته صـدّ عنّي مايبي يسـمع صـــواتي
راحَـت أيــام الشــباب وبقيَـت أيــام المبـــــرّه=ولاتبقـّى من ربيـــــع العُــــمر غير الذكـرياتِ
إن حكيت إزداد غيّـه وان سكَـتّ إزددت حَرّه=خُفت من سطوالكلام وصِحْت من جرح السّكاتِ
قِـلـْت ابوح بما بصدري واشتكي له بس مــرّه= بعدها بآخذ جــروحي وانسحِب واجمع شتــــاتي
يابومشعل كلّ شيّ ٍ لازم يعــــــــود لمقـــــــرّه= يمكن إنّـــه بعد هـــذا يستفيـــــق من السّبــــــاتِ

[مفوز التبيناوي]

حبيت اشارككم في هذه الخاطره،، أرجو ان تعجبكم...

ياحيي وملـّــي !!!

دايم(ن) في خيــــالي وجه خلـّــــــي = من جميــــع الزّوايــــــــا محتويـــــــني

قبل أكبِّــــــر تنحّــــى لاجل أصلـّــــي = جيـــت أسلـِّــــــم لقيــــــته عن يميـــني

طيـــــــفه العَــــذب في بُعده يسلـّـــي=وقرْبه الخصْـــب يستـــــوعب حنيـــني

أحْــتري شـــوفته وافرَح واهلـّــــــي = يوم أشـــــوفه واحطـّــــه وسط عيـــني

يااســـوَد العيــــن والــرّمش المظلـّي=وابيض الــــقلب والــــــوجه الحسيــن ِ

إزهميـــــني غلا، واجيــــــك كلـّـــــي = فــــــــــدوةٍ للعيـــــــــون وللجبيـــــــــــن ِ

ولاتخـــــــافين ياحيّـــــــي وملـّـــــــي = مــــــــاتغيَّـــــــــر على مــــرّ السنيــــــن

[مفوز التبيناوي]

هذه القصيدة، مداعبةً لأحد الاخوة عندما أرسل لي قصيدة يلومني فيها على الذهاب للمقناص على مافيه من تعب وقلة صيد، وهو صادق. يقول من بعض قصيدته:


عطنا علوم الحرّ الاشقر اليا راج = طلعه بعيد او للعليقة يراعي
أوّل تباريهم بتصوير واخـــــراج = واليوم لك مع الصقاقير باعي
غديت مثل الليث تصخِر بالادلاج =حبّيت مهنتهم وصرت اندفاعي

الى آ خر القصيـــــــده......... وهي لاتحضرني الآن...

ردّيت عليه بهذه الأبيات أرجو أن تحوز على استحسانكم.....

مداعبه!!!

الكــــون دلّى يلتطم مثل الامـــــــواج =وانا وحيــدٍ والقصيــده شــــــــراعي
ألقى بهــا من قســوَة الوقت مخــراج = واســجّ في كل الفجـــاج الوســـــــاعِ
والقى بهـا عـونٍ على النّـفس وعلاج = وان ضِقت اغنّيهاوتِطْرِب سمـــاعي
وآخِـذ بهـا بالليـل مســرى ومعـــراج = واطيـــرْ من فوق النّـجوم ارتفـــــاعِ
شَــرَعْت بافكـار القصيـده والانتـــاج = وانبَـحّ صوتي واستِـثـََرْت اليـــــراعِ
كتبت بالاوراق مـــزجٍ من الــــــزّاج = واوجَــزْت فيها غايــة المستطـــــاعِ
وهــاضَتْ معانيها تقِـل فوج حِجّــاج = بديت باوّلــــها وجت لك تبـــــــــاعِ
كلّـــه علَي، قصّـه وحبـكه ومونتــاج= ويحتاج للفزعــه قليــل المســــاعي!
والشِّـــــعر ميداني وممنوع الاحراج= ورثٍ قديــــمٍ وارثه من رضــــاعي
ونويت احطّ الصــاج والباقي افـــراج= وحيـلة ضعيف الحيل كِثْـرالمـداعي
مزحات بين احباب مع ضحكةاحجاج = وإِزعال عبدالله مهو من طبــــاعي
ولايفتح الملــعب ولو كان محتـــــــاج = من يشتكي من ضعف خط الدفــاعِ
يااهل العـــراق انا لكم دوم(حجّـــــاج) = و(الشّعرَه إيّـاها) بدَتْ بانقطـــــــاعِ
ياصــاحبي واحذر من الهرْش لاهاج = يااللي تبسّـــم لاتحــاول خــــــداعي
تـَـرا الوضـوح سراج والحق مفـلاج = والاّ التّخفّي من طبوع الافـــــــاعي
ياصاحبي ياشــوق من تــاخذ البـــاج = على البْنِي،بنت الكريــم الشجـــــاعِ
طبّــت بحفل العرس في صالة(التّـاج) = تقــول للميــدان: هـــذا بتـــــــــاعي
منبوزة الردفيـن هيـــفاء ومغنـــــــاج = ترضيــك غنج وتـزعلَك بامتنـــاعِ
تضحك ببيضٍ كنّهن عــــــاج وثلاج = واكبر عذاريـــبه عيــونه وســــاعِ
ياخوي ياحُبّ البنــــادم للازعــــــاج = ماادري يابو نوّاف ويش الــدواعي
متكفّـــلٍ باحوال غيــره وهــــــــرّاج = تقِـل جليس ٍلك ابباص (الجمــاعي)
لوبِعْت حاجـه قال شوفــوه محتـــاج = ولو تشتـري تيـــس ٍيسمّيــك راعي
يالله يامديـــر الكواكب والابـــــــراج = ياللي لك الحجّـاج طايف وسـاعي
تِنْزِل لنا غيـــثٍ مغيــثٍ وثجّـــــــــاج= يِستَـرّ به راع الغنــم والزراعــي
سحابةٍ من حَـدّ عــرعر للافــــــــلاج = تشبــع بها كل البطـون الجيــاعي
ويزين مقناص الحبـــــاري(والادلاج)= ياللي تلومن لاتصيـر(اندفـــاعي)
يا ماحلا من عقب ريغــــا وبطنــــاج = شوف النّـفود وِزين مشي الوقـاعِ
وجيبك جديدٍ وارضك شعاف وهبـاج = هذا هـــواي وعـــاذلي مايطــــاعِ
وحِــسّ امّ سالم يبهج الخاطر ابهـــاج= كان أطربَكْ يا القرم ديكٍ يعــاعي
ورعيّـــةٍ خلفــاتها تخلــِج اخــــــلاج = وطِـلْيَ الربيع امشنكَـــرٍ بالكـراعِ
ولاّ انت دونَــك حِــطّ ضبّـه ومزلاج = بالبيــت حتّى لايطــول النّــــزاعِ
فنجــال، والشّــاهي مذاكيـر حــــوّاج = ولبن بقَـرْ والزّبـْد قشطة مـراعي
وخلّك من(الرّدهه) ليا ســـوق(دوّاج) = واقصى مداهيلك شعيب الرفـاعي

[مفوز التبيناوي]

قصيدة قديمة نوعاً ما، ولم يسبق لي نشرها، قلتها بعد قول بوش( انها حرب صليبيه) وقد حاول أن يعتذر عنها لاحقاً، ولكن كلمة الحق سبقت،، أرجو أن تعجبكم.

الهنوف!!!


بين همّي والطموح وثورة النّفس الطنيّه = ووضعنا اللي مايزين وبين ياعلّ وعساها
راح عمري يامحمّد والخوي يلقى خويّه = أربعينٍ ودّعتني والزمن يجري وراهــــــا
لاتظنّ إنّي هواوي يوم أجرّ السامريـــه = أو بعَد همّي من الدنيا خذاها من خذاهــــــا
والهنوف اللي عليها العلم ماعادت فتيـّه = شاب مفرقها وهي كانت على العالم تباهـا
وين هاكـ الجيدالاتلع والعيون النرجسيه = والجديل اللي ليا من ثار من لونه كســـاها
كان كلٍّ يهتويها عندما كانت صبيّـــــــه = ومن حلاها ياكثر حسّــادها حتّى قصراها
نسيَت إنّه من بنات النّوروالاصل بدويّه = غيّرت ملبوسها من شان ترفع مســـتواهـا
حطّت المكياج واختفّت عقب ماهي خفيّه = فرّعت قدّام أهلها وفصَخت باقي حيـــاهـا
أزعَلَت ناسٍ كثيرٍ عهدهم فيهــــــا وفيّـه = حاولت ترضي(كبير القوم) لكن مابغــاها
وامّها اللي ترتجيها خاب ظنّه باالعصيّه = اللي استعْصَت على(الصفران) ماطبّوا خبــــاها
وينكم يااهل المبادي وينكم يااهل الحميّه = كان ضاعت ضيعتنا وامّها ضاعت معاها
شكلها قامت تخبَّط مادرت ويش القضيّه = ومثل كل الناس قالت: يِحْتمِلْها من بداهــا
والقضيّه واضحه لاهل القلوب(الشافعيّه) = كِلْمةٍ قالَه(كبيرالقوم) ودّه ماحكـــــــــــاها
كانها تدري مصيبه، والهوى شرالبليّــــه = وكان ما تدري عساها تنتصح مني عساها
ترضي الله قبل ماترضي غرورالعنجهيه = وترجع لناسٍ حموها يوم شرع الله حمــاها
تلتفت لعيالها وتطبّــق احكــام الوصيّــــه = كيف ترضى لاهلها بالذّل دام الله عطــاها
عقب عزّالنفس والهقوات رضيوا بالدنيّه = ولايحسّ بجمرة الحرمان غيراللي وطاها
يا محمد لو يروح الصوت ماسقت المطيّه = لكن انّي يوم اشد ركاب فكري من غلاها
يا عزيز النّفس لاتحتار وارض الله فضيّه = صيدةٍ ماهي حلالٍ خلّهـــا للي شواهـــــــا
ومن رضي بالذّل يستاهل قصاميل الشويّه = يستريح ولا يلوم اللي شواها لو كلاهـــــا
يا محمد والزمن دوّار والدنيـــــــا مديّـــــه = والرجال بفعلها والنفس جاهـا ما كفاهــــا
يا محمد في زمان الذلّ ضيعنا الهويّــــــــه = ومن تغيرنا وحنّا من عمــاها في عماهــا
كلّنا جمهور ونتابع فصـــول المسرحيّــــــه = ومن بلاها يا محمد كلنا نضحــك بلآهـــا
صارت النكته ثقافتنا وضحكتنا غبيّــــــــــه = والطرب دستورنا وامراضنا صعبٍ دواها
عندنا الراعي منزّه لو يضحّي بالرعيّـــــــــه = دامنا مثل الرعيّه بس ما تسمع ثغــــــاها
أمّةٍ ما تحترم تاريخها مثل البقيّـــــــــــــــــه = تستحق اللي يجيها لو توطّــــاها عداهـــا