ديوان الشاعر / عبدالله مخلف الجهبل

[عبدالله مخلف الجهبل]

اخواني واخواتي الاعضاء الكرام

هذي قصيده لي اسندها للشاعر حبيب ظاهر الجهبل وردوه علي بقصيدة ايضا
------------------------------


اقول بالقصيدة.. ..




يـــارب جـعــل الـسـحـاب الـلــي نـشــا نـــوه=لــفـــروع فـيــحــان بــامـــر الـــــرب يــنــقــادي

ديــــــــمٍ يــســـيـــل طــــمــــان الــــقـــــاع وعــــلـــّــوه=يــــــومٍ ولــيــلـــه حـــقــــوقٍ والـــهــــوى هـــــــادي

عـســاه يـضـفــي عــلــى ام رمــــاح وفــلــوه=الفيضـة اللـي بحـد اللـغـف مــن غــادي

مــن شــان شـخـصٍ عـزيـزٍ سـاكـنٍ جـــوه=ســقــاه مـــــن مــرزمـــات الــمـــزن رعـــــادي

دارٍ عـــــذيـــــه وجـــــــــــاه الـــــوســــــم وأحـــــلــــــوه=مـدهــال بـــدوٍ تـصـلـح وضــــح الاذوادي

ريــــــح الــخــزامــى بــــــروضٍ ســـايـــلٍ تــــــوه=عقب المطر مع هبوب النود يزدادي

يــازيـــن بـــيـــت الــشــعــر يــاولــعــوا ضــــــوه=تلـقـى عـلـى جــال نـــاره صـنــع بـغــدادي

يـــــازيـــــن مـــبـــنــــاه بــــــــــأرضٍ خـــــالـــــيٍ دوه=مـاتـشـوف بــــه لـلـمــزارع شــبــك وحــفــادي

تـــمــــت بـــذكــــر الـــولــــي مــــبــــداه ونــــهــــوه=اعــــــداد مـــانـــاض بـــــــرق ورز رعـــــــادي

رد الشاعر حبيب الظاهر.. ..


الــــبــــارحــــه الــــعــــيــــن مــــالــــذيــــت بــــغــــفـــــوه=كـــن اللهب فـــي ضـمـيــري لــــه تــوقــادي

بــاســـبـــاب خــــــــطٍ قــريـــتـــه ســــاعـــــة الــــفـــــوه=وبـكـيـت انـــا مـــن قـريـتـه لـيــت مــاعــادي

رسـالـتـك يـابــو مـشـعـل كــيــف بــــي ســــوه=خــلـــت دمــوعـــي عــلـــى الــخــديــن ورادي

لاشــــــــك الانــــســــان مــــابــــه لــلـــقـــدر قـــــــــوه=تـــدبـــيـــر الالـــــــــه يـــفـــعـــل كـــــــــل مـــــــــارادي

دار ذكـــرتــــه ســـقــــاه الـــمــــزن مــــــــن نــــــــوه=من اول الوسم سالت واخضـر الـوادي

كـــــل الـمـصــامــد وكــــــا الـــغـــدران مــمــلــوه=ثـم ابـذرت واخـضـرت نـفـده والاجــلادي

فـــيـــهـــا الـــزبـــيـــدي يــــفـــــز الـــقـــلـــب لـــلـــقــــوه=لاجــيــت فــــي روض رقــــروق وجـــــرادي

وفــيــهـــا الــخــزامـــى نــبــاتـــه غـــــــظ مـــــــاذوه=يـــامـــــحــــــلا نـــــبـــــتــــــه لاصـــــــــــرت روادي

فـــيـــهـــا ام ســــالـــــم تـــلـــحــــن كــــــــــل غـــــنـــــوه=يـــاحــــلــــو صــــــوتــــــه بــكــالــخـــيـــران ردادي

ارض عـــــذيــــــه وتـــلــــقــــى مـــــــــــاه بــــجــــبــــوه=يــــامــــحــــلا شــــوفــــتــــه لاصـــــــــــــرت مدادي

هــي مـنـوة الـلــي يـبــي المـقـنـاص ومـنــوه=فــيــهــا الــحــبــاري تــــــدارج كـــنـــه الـــعــــادي

يـا امسيـت بــه والعـشـاء مــن كــل فـنـدوه=ومـعــك اشـقــر يــاولــد لـلـخــرب صــيــادي

مـاتــســمــع الا خــــطــــاة الــصـــمـــل يــــــــادوه=مـسـتــانــس عـــنـــد جــــــل الــــــذود ويــــــدادي

وسـلامـتــك يــابــو مـشـعــل طــيــب الــخـــوه=وكل الرفاقه بلا تخصيص واعدادي

تحياتي عبد الله مخلف الجهبل الحسيني0

[عبدالله مخلف الجهبل]

السلام عليكم

ابيات متواضعه والسموحه تروني استعين بمن ينزل ويكتب لي

الجو برّد وبان سهيل .. ..

الجو برّد وبان سهيل=والقيض قفت لواهيبه
واللي يحب القنص بالحيل=بدا يشيّك على جيبه
صفط فراشه وشال الشيل=وخذا الاذن من معازيبه
ياماحلا ياغشاك الليل=في ديرةٍ عاويٍ ذيبه
قفر ومن يوم جاه السيل=ترتاح له يوم تمشي به
سويت فنجال بن وهيل=والزعفران من ابو شيبه
معك مثل ساير الحلحيل=مبسوط لو طالت الغيبه
هذا هوى القلب ياقعيميل=خوة هل الطيب ياطيبه

[عبدالله مخلف الجهبل]

هذه ابيات بمناسية الاجواء الممطره نسال الله ان يجعلها امطار خير وبركه
ويعم بنفعها البلاد والعباد 0 والسموحه يالربع تروني لازم استعين بمن
يكتب لي ارجو منكم العذر والسموحه

فيه من صيد الخلا والفقع عينـه

الغدا اول يوم مع اقصى خثالي.. ..!!!


زانت الطلعات لديار الشمالي=يم قاعٍ يابو يوسف خابرينه
مع مثل شرواك ربعٍ شف بالي=من خيار القوم خوتهم ثمينه
فوق جيبن مايغرز بالرمالي=وارد اليابان عاشو صانعينه
كامل مكمل ولله الكمالي=وكل مانحتاج فوقه شايلينه
الغدا اول يوم مع اقصى خثالي=من ورى عرق تربه من دون لينه
والعشاء في موقعن قفرن وخالي=خالين ماطبه الشاوي وظينه
خضرَنن قاعه حزومه والتلالي=والفياض من المطر ماقف طينه
نزلو كل الاواني والدلالي=وصلحو فنجال بنن حاكرينه
والعشاء حافوه قرمين العيالي=فيه من صيد الخلا والفقع عينه
سجتن بالبر لو عدة ليالي=عندي احسن من جلوسٍ بالمدينه

[عبدالله مخلف الجهبل]

مع التحيه والتقدير للجميع

بس أم سالم تجر الصوت بلحونه ..



سهيل نجمه طلع يااللي تحرونه =والقيض باقي ليالي من تواليه
قطانة العد هالايام يخلونه =يوم البداوه حلو ذكره وطاريه
يالله بنوٍ ينوض البرق بمزونه =من مقدم الوسم ينشي من مناشيه
يسوقه اللي ننام وتسهر عيونه =اللي كفل رزقنا والاجل بيديه
سيلٍ حقوقٍ هل النشرة يعدونه =على عموم المناطق بالسعوديه
ياعل ربي يعين البدو من عونه =تزين لأهل الدبش وأهل الغنوميه
عقب العلف والشعير اللي يكبونه =ترعى بأفامه وتشبع في مفاليه
يازين ياقامو المرحال يطرونه =وكلٍ على موتره حمل مقاضيه
رادو ؤشافو مهو قولٍ يقولونه =شمال حد الحيا عرق الخليفيه
والعائدي شغلوه وهز غليونه =أربع وعشرين مهو حجم حصنيه
حرك ورا الذود والخانات مشحونه =مع الوعر والسهل يمشي مماشيه
نهارهم من طلوع الشمس يمشونه =ويمسون على ظهر والصبح طرقيه
يبون قاعٍ هل النوق يتمنونه =فروع الأفيح وفيحان ونواحيه
ربيع والقشع ساق الوسم بغصونه =والطين ماقف وإلغدران ممليه
متساويٍ نبت الأرض وزاهيٍ لونه =الحزم والروض والفيضه وواديه
والفقع في منبت الرقروق يلقونه =حلو الكما والطلاسي والزبيديه
بس أم سالم تجر الصوت بلحونه =تصعد وتنزل تردد كل غنيه