يعل عمرك طول عمر النبي نوح

[مشعل عسام التريباني]

بسم الله الرحمن الرحيم

في 27\7\1432هـ
الشاعر\ مشعل عسام التريباني الشمري

((ياعل عمرك طول عمر النبي نوح))





ياعل عمرك طول عمر النبي نوح = ياللـــــي كسبت المـدح والمدح يزهاك

الطيب ماياتـــي بضحكات ومزوح = مايدركه ياكود مـــــثلك وشـــــــــرواك

بنيت بالامجاد لك عـــرش وصروح = عســــــــــــى المنايا يابو غانم تعـــداك

الشعر فــــي مدحك مخيّر ومسموح= ولو نكـــــــــتب اكثر ما نوفـّـي مزاياك

وانت الكرم ياخذ منك شكل ووضوح = هـــــدّاج تيما رابحـن مـــــــن تنصاك

وانت الخريف اللي بروقه لها ضوح = وغيث النفوس اللـي مـن البعد تنصاك

يحق لـــــــــــي فيك افتخر حيل وابوح= بافعالك الجــــــــزلات وافخر بطرياك

حرن عديمٍ وافـــــــي الباع طحطوح = قليل والله مـــــن يســــــوي ســواياك

عسى الولـــــــي يذريك من كل ساموح = ياالنادر اللـــــــــــي صـــافياتن نواياك

طيبك لنا ماطـــيبتك بـــــــــس للروح = نفخــــــــــر بفعلك كلنا لاعـــــــدمناك

لا يابعد مـــــن يجمع المال مشـــــفوح = لو يجـمع الامــــــــــوال جعله فداياك

[ابوعبدالله الشمري]

الف نعم بالمادح والممدوح

ابو عبدالرحمن

صح السانك ملاييييين

[نهير النمش]

عميد الشعراء

صح لسانك وطاب فالك ولاقطعنا الله من كل الرجال الأخيار امثالك
من حصل شي يستاهله والممدوح يستحق المدح والشعر بلا شك

لك كل التحايا

[المشرف العام]

الطيب يستاهل المدح والثاء الله لايقطعنا من الطيبين مثلك وشرواك وابو غانم يستاهلها

أبو عبدالرحمن
صح السانك مدد بلا عدد فاضلي

تقديري لسمو شخصك الكريم ؛؛؛

[أخو صرخه]

الشاعر الكبير مشعل التريباني

ياعل عمرك طول عمر النبي نـوح
صح السانك الف

تقبل مروري فاضلي

[الشيخ منحاش]

صح السانك ملاييييين يابعدي

تسلم والله

[دواس]

من حصل شي يستاهله

صح السانك عمي مشـــــــــــــــــــــــعل

[أبو كادي]

الشاعر المبدع / مشعل التريباني
صح لسانك ملايين يالغالي دائماً مبدع حفظك ربي ورعاك.
وألف مليون نعم بك وبالممدوح ومن حصل شيءٍ يستاهله.
تقبل أطيب تحياتي،،،

[مشعل عسام التريباني]

شكرا للجميع على المرور والاطرى الله لايهينكم جميعا ايها الافاضل واخوي ابو نايف منك نستفيد ولكن انا قصدي انه بيّن والربيع كما ذكرت ياتي بعد البرق على كلا انا منك استفيد يابو نايف الله لايخليني منك يالغالي اشكرك على هذا التوضيح

[أبو عارف]

عميد شعراء نشامى شمر ابو عبد الرحمن

صح الله لسانك وإعتلى شانك على مدح الطيبين بارك الله فيك


مبدع في كل حالاتك وإذا لي ملاحظة في شعرك الذي يمثل الحكمة وقوة العبارة والغزارة وحسن المفردة فهي تكرار بعض المفردات مثل تنصاك على التوالي فهذا التكرار له قاعدة مجازة وهي بعد البيت السابع أي بين الكلمتين المتشابهتين باللفظ والمعنى الواحد يمكن لك إستخدام نفس المفردة إن لم تجد بد من ذلك بعد سبعة أبيات.

آمل أن تتسع صدورنا لتذكير بعضنا البعض ولك حق الرد والمناقشة الهادفة برحابة صدر والكل منا يستفيد من الآخر وقصيدك ولاشك بأنه يمتلك من الجمال مايغطي على اي ملاحظة ولكن رأيي صواب يحتمل الخطأ ورأي غيري خطأ يحتمل الصواب والله يحفظك ويمد في عمرك على حسن العمل آمين.

تقبل فائق وصادق تحياتي وتقديري العالي

[هايدي اليتيمه]

قصيده واصله صح لسانكـ يالشاعر مشعل مليـــ،ــ,ووون

وربي يسعدك

[الكاش]

صح السانك الف

تحياتي لك

[مشعل عسام التريباني]

[size="6"]]شكرا للجميع على المرور والاطرى الله لايهينكما جميعا
وشكرخاص للاخ الغالي ابو عارف نعم ملاحظتك صحيح ولاشك فيها وانا كررت هذه الكلمه لان القصيده جت بو قت ضيق لايحتمل التمهل نظرا لما واجهت من ذالك الرجل من المعروف وكتبت القصيده وانا مسافر بالجوال وارسلتها له على الفور وبعد ما وصلت البيت وجدت التكرار ولكن بعد ان وصلت القصيده للمذكور والا احبيت التغيير شكرا شكراشكرالك يابو عارف وانا وانت نكمل لبعض وما انا الا تلميذ اتعلم منكم انت واللي مثلك الله يطول عمرك يابو عارف

[دعفس]

صح السانك وسلم وبنانك ياعم مشعل

تقديري لجناك

[مشعل عسام التريباني]

شكرالك اخوي دعفس على المرور

[أبو عارف]

[size="6"]]شكرا للجميع على المرور والاطرى الله لايهينكما جميعا
وشكرخاص للاخ الغالي ابو عارف نعم ملاحظتك صحيح ولاشك فيها وانا كررت هذه الكلمه لان القصيده جت بو قت ضيق لايحتمل التمهل نظرا لما واجهت من ذالك الرجل من المعروف وكتبت القصيده وانا مسافر بالجوال وارسلتها له على الفور وبعد ما وصلت البيت وجدت التكرار ولكن بعد ان وصلت القصيده للمذكور والا احبيت التغيير شكرا شكراشكرالك يابو عارف وانا وانت نكمل لبعض وما انا الا تلميذ اتعلم منكم انت واللي مثلك الله يطول عمرك يابو عارف

------------------------------------------
أخي الشاعر المتألق المبدع ابو عبد الرحمن حفظك الله وبارك فيك

وافي يالغالي وكنت واثق بأنك لو راجعت النص لوجدت التكرار لإن ذلك مايفوت على عميد شعراء نشامى شمر على أي حال مشكور على التواضع وعلى الإيجابية المعهودة من شخصكم الكريم لاعدمناك.

تاتا باتا كان متوتر يقول يمكن إنك أزعلت ابو عبد الرحمن قلت له إذا زعل علينا ماله إلا رضاوة الخاطر قال كيف ترضيه ؟ قلت إرسلك له وأخليه يرجفنك نيابة عني لين يخيب لقك ويطيب خاطره ويوم شاف ردك إستانس وشعر بالأمان ويقول عزالله إن أبو عبد الرحمن رجل حكيم وعاقل وشاعر فذ متمكن ويسلم عليك.

شكراً لك مرة أخرى وتقبل فائق وصادق التحيات والتقدير العالي يالغالي.

[صويدر]

الشاعر العزيز مشعل التريباني

صح السانك حتا ترضى فاضلي

تقديري لك

[مشعل عسام التريباني]

الاخ الفاضل ابو عارف انا مازعل من الحق ولله الحمد وانت اخو اعرف انك تحب لي مثل ماتحب لنفسك الله يرضى عليك ويطول عمرك ههههههههههههههه سلم لي على تاباتا وقله يرش قلبه بمانن بارد هههههههههههههههه شكرا شكر يابو عارف

[مشعل عسام التريباني]

صويدر شكرالك على المرور والاطرى الله لايهينك

[مشعل عسام التريباني]

ماجد مطر صح بدنك الله لايهينك اخوي الغالي