مشاهدة النسخة كاملة : ديوان الشاعر / حبيب ظاهر الحسيني
حبيب ظاهر الحسيني
18-10-2011, 05:54
عسى غر السحاب اللي يعده كاتب النشـرات..
الا يالله طلبتك ياكريمٍ تعلم النيات=تعز العاهل اللي يخدم البيتين وجنوده
عسى غر السحاب اللي يعده كاتب النشرات=على نجد العذيه يسقي الاجلاد ونفوده
سحابٍ ساقه الغربي هماليله تجي سوقات=من الغربي يجاذبله هبوب الشرق ويقوده
ليا سالت فيافي نجد وعشبه صار له زافات=حلو ريح الخزامى والنفل لا ذعذعت نوده
حلو عقب المطر ريحه ليامر السحاب وفات=وحلو شوف الخباري عقب نو المزن ورعوده
وتربع روضة التنهات والصمان والشامات=ويقولون الكماء موجود من لينه لساموده
ويعم ارض الجزيره بالحيا والعشب والخيرات=بلاد الامن والاسلام بحكم الشرع ممهوده
انا قلبي يحب البر وتمشّيه والسجات=على جيب جديدٍ مع جهاز الياس وكنوده
وشب النار في دوٍ خلا ما شوف به لمبات=اسلي خاطري عن ضيقته والنار موقوده
انا قلبي يشوق لشوفة الحيران والخلفات=الا يا زين شوف حويراتٍ تو مولوده
حبيب ظاهر الحسيني
18-10-2011, 09:29
قال عبدالله مخلف الجهبل .. ..
يـــارب جـعــل الـسـحـاب الـلــي نـشــا نـــوه=لــفـــروع فـيــحــان بــامـــر الـــــرب يــنــقــادي
ديــــــــمٍ يــســـيـــل طــــمــــان الــــقـــــاع وعــــلـــّــوه=يــــــومٍ ولــيــلـــه حـــقــــوقٍ والـــهــــوى هـــــــادي
عـســاه يـضـفــي عــلــى ام رمــــاح وفــلــوه=الفيضـة اللـي بحـد اللـغـف مــن غــادي
مــن شــان شـخـصٍ عـزيـزٍ سـاكـنٍ جـــوه=ســقــاه مـــــن مــرزمـــات الــمـــزن رعـــــادي
دارٍ عـــــذيـــــه وجـــــــــــاه الـــــوســــــم وأحـــــلــــــوه=مـدهــال بـــدوٍ تـصـلـح وضــــح الاذوادي
ريــــــح الــخــزامــى بــــــروضٍ ســـايـــلٍ تــــــوه=عقب المطر مع هبوب النود يزدادي
يــازيـــن بـــيـــت الــشــعــر يــاولــعــوا ضــــــوه=تلـقـى عـلـى جــال نـــاره صـنــع بـغــدادي
يـــــازيـــــن مـــبـــنــــاه بــــــــــأرضٍ خـــــالـــــيٍ دوه=مـاتـشـوف بــــه لـلـمــزارع شــبــك وحــفــادي
تـــمــــت بـــذكــــر الـــولــــي مــــبــــداه ونــــهــــوه=اعــــــداد مـــانـــاض بـــــــرق ورز رعـــــــادي
ردي عليه.. ..
الــــبــــارحــــه الــــعــــيــــن مــــالــــذيــــت بــــغــــفـــــوه=كـــن اللهب فـــي ضـمـيــري لــــه تــوقــادي
بــاســـبـــاب خــــــــطٍ قــريـــتـــه ســــاعـــــة الــــفـــــوه=وبـكـيـت انـــا مـــن قـريـتـه لـيــت مــاعــادي
رسـالـتـك يـابــو مـشـعـل كــيــف بــــي ســــوه=خــلـــت دمــوعـــي عــلـــى الــخــديــن ورادي
لاشــــــــك الانــــســــان مــــابــــه لــلـــقـــدر قـــــــــوه=تـــدبـــيـــر الالـــــــــه يـــفـــعـــل كـــــــــل مـــــــــارادي
دار ذكـــرتــــه ســـقــــاه الـــمــــزن مــــــــن نــــــــوه=من اول الوسم سالت واخضـر الـوادي
كـــــل الـمـصــامــد وكــــــا الـــغـــدران مــمــلــوه=ثـم ابـذرت واخـضـرت نـفـده والاجــلادي
فـــيـــهـــا الـــزبـــيـــدي يــــفـــــز الـــقـــلـــب لـــلـــقــــوه=لاجــيــت فــــي روض رقــــروق وجـــــرادي
وفــيــهـــا الــخــزامـــى نــبــاتـــه غـــــــظ مـــــــاذوه=يـــامـــــحــــــلا نـــــبـــــتــــــه لاصـــــــــــرت روادي
فـــيـــهـــا ام ســــالـــــم تـــلـــحــــن كــــــــــل غـــــنـــــوه=يـــاحــــلــــو صــــــوتــــــه بــكــالــخـــيـــران ردادي
ارض عـــــذيــــــه وتـــلــــقــــى مـــــــــــاه بــــجــــبــــوه=يــــامــــحــــلا شــــوفــــتــــه لاصـــــــــــــرت مدادي
هــي مـنـوة الـلــي يـبــي المـقـنـاص ومـنــوه=فــيــهــا الــحــبــاري تــــــدارج كـــنـــه الـــعــــادي
يـا امسيـت بــه والعـشـاء مــن كــل فـنـدوه=ومـعــك اشـقــر يــاولــد لـلـخــرب صــيــادي
مـاتــســمــع الا خــــطــــاة الــصـــمـــل يــــــــادوه=مـسـتــانــس عـــنـــد جــــــل الــــــذود ويــــــدادي
وسـلامـتــك يــابــو مـشـعــل طــيــب الــخـــوه=وكل الرفاقه بلا تخصيص واعدادي
حبيب ظاهر الجهبل
حبيب ظاهر الحسيني
18-10-2011, 10:16
اديار حاتم طي ..!!!
ياللي تلومن في عروس الشمالي=حائل بلادي يا بعد كل الاوطان
يازين جوه يا غشاه الخيالي=وليا غشى ضلعانها وبل الامزان
يا سالت الوديان ياهمالالي=عندي تساوي جو الاردن ولبنان
اديار حاتم طي ريف الهزالي=معروف تاريخه على مر الازمان
دار الكرم دار الشرف والمعالي=الطيب برجاله شبابٍ وشيبان
حبيب ظاهر الجهبل
حبيب ظاهر الحسيني
18-10-2011, 10:19
لابتي شمر .. !!!
قال من جاب المثايل وغنا=غايتة ترتيب بدع المثايل
ياعريس اليوم جعلك تهنا=تهتني بالزين ضاف الجدايل
مرحبا باللي حضرنا وهنا=عد ما هلت حقوق المخايل
لابتي شمر هل الطيب حنا=من قديمات العصور الاوايل
انشد التاريخ ينبيك عنا=فعل شمر له شهود ودلايل
كم زعيمٍ طامعٍ في وطنا=طاح بالميدان والدم سايل
كم شجاع ٍ باللقا طاح منا=داسته شقر المهار الاصايل
الشريف بغزوته ما تهنا=يوم صكوا به سناعيس حايل
حرّم الغزوات يمّت وطنا=خص شمر من جميع القبايل
حبيب ظاهر الحسيني
18-10-2011, 10:21
الوعد فيحان ..!!!
ماحلا المطلاع مع ربعٍ قرومي=مع قرومٍ كل ابوهم شوشليه
منتوينٍ ديرةٍ جتها الوسومي=باول المرباع شبعانٍ طليه
عشبها غطى على روس الحزومي=سِيلت قاعه قبل عيد الضحيه
يوم وصلتهم تواكيد العلومي=كل واحد يمها ينخا خويه
روحو والعفش بالحبل محزوومي=والوعد فيحان وفروع اليديه
حزة المسرى يعرفون النجومي=ما يبون القارمن لو هو هديه
حبيب ظاهر الجهبل
حبيب ظاهر الحسيني
18-10-2011, 10:24
اول الوسمي ..!!!
الوسم طاح وكثّروا طاري السيل=والعشب جونا الباديه يذكرونه
بارضٍ سقاه الوسم من طلعت سهيل=من اول الوسمي تملت ركونه
من اول الوسمي سقتها الهماليل=تشبع غنمها والكماء يلقطونه
برض خلا مابه شبوكـ ومخاييل=به ام سالم بس تسمع لحونه
عشبه طري قفعا وبسباس وكحيل=والربل والحوذان زايد فنونه
يفرح بها راع النياق المهازيل=اللي ليا طاح الحيا يتبعونه
يا زين شوف ابكارهن والمخاليل=يتلن فحلهن لونهن مثل لونه
مع نجع بدوٍ ربعو بالغراميل=تتبع حيا وسمٍ تقافت مزونه
حبيب ظاهر الجهبل
حبيب ظاهر الحسيني
18-10-2011, 10:25
زماليق الخزامى ... !!!
ياماحلا وإن قالو الربع ماشين=باكر مغدانا على خط لينه
على الجيوب اللي مديلاته الفين=وجميع عازات الخلا معتبينه
مع القروم الطيبين الوفيين=اللي سوالفهم جزال وثمينه
نبي فياضٍ ربعت بأول الحين=وسمٍ على وسمٍ لنا ذاكرينه
باول ربيعه يشبعنّ البعارين=والفقع شافو له بكاالقاع عينه
شوف الزبيدي والكماء يطرب العين=ياغلوها عندي وحلوه وزينه
لاصار قبل غيبت الشمس بشوين=يبين وسط العشب لمدورينه
وشوفة زماليق الخزامى تسلين=حزة غروب الشمس يا خابرينه
لاصار له عقب المطر بس يومين=وقت الغروب ونارنا شاعمينه
هاذي طراة العمر ياهل الملايين=من قبل وقت العمر تقضي سنينه
حبيب ظاهر الجهبل
حبيب ظاهر الحسيني
19-10-2011, 10:37
http://www.nshama-shmr.net/up/uploads/images/ns-04cfdaa3a9.gif
ياحلو شـب النـار ..!!!
القـيـض راح وبــرَّد الـجـو ياسـعـود=والـوَسـم قــرَّب والمـطـر محتريـنـه
قلبـي يفـز لشوفـة المـزن ورعــود=وشوف السحـاب لياتقافـا غشينـه
عقـب المطـر يازيـن ياذعـذع النـود=فــي ديـرتـن يـابـو بـــدر خابـريـنـه
ياحلو شـب النـار والكبـش موجـود=شــرقٍ مــن ام رمـــاح ياعارفـيـنـه
أرضٍ خــلا مـابـه مـغـازيـز وحـفــود=مــدهــال بــــدوٍ تــوهــم نـازلـيـنـه
مـنـزال بــدوٍ دلَّـهـو شـمَّـخ الـقــود=تـرعــى نـبــات الـقـفـر ومدلهـيـنـه
لاشفت أنا الخلفات مع تالي الذود=وصغِّـيـر الحـيـران تـسـمـع حنـيـنـه
لايابـعـد شــوف الدلافـيـن وقـــرود=شـوفــة مغـاتـيـرٍ هـلــه قاهـريـنـه
لاقالـوا الَّلبـة بهـا العـشـب مـاكـود=وفيحـان شافـوا للكمـا فـيـه عيـنـه
أنا أشهد إنه غايتي يافتى الجـود=ياسعود هـو طـب القلـوب الحزينـه
قـلـتـه وكـــلٍ لـــه مـــرادٍ ومقـصــود=وختـامـهـا الـريـحــان ياسامـعـيـنـه
حبيب ظاهر الحسيني
19-10-2011, 10:39
ياهل الطلعات ..!!!
ياهل الطلعات جاء وقته وحله=جهزوا للبر عجلات المماشي
الجيوب اللي ركوبه ما تمله=عاش منهو ورّد التايوتا عاشي
يابو تركي ليت عندي قيمةٍ له=والله اني لدفعه بالجيب كاشي
حلو مشيه والسحايب مستهله=لاسريت بليل ينعشني انعاشي
سايل فيحان وفياضه تمله=زاد سيله واكبر الوديان ماشي
من خريف ودجه الوسمي وعله=وقيل عشبه راتعٍ فيها المواشي
قلت حطوا عزبة المطلاع كله=وجهزوا لي فروتي واطووا فراشي
ماحلا المغرب وخيمتنا نفله=يوم عشينا عذيات المعاشي
ياحلو تسواة برادٍ ودله=هي طراة العمر ماريد النقاشي
حبيب ظاهر الحسيني
19-10-2011, 10:41
شامة مغيلث .. !!!
ياوجودي على اللي مركبه شف بالي=اشهبٍ فوق بابه مثل كف العروسه
جيب شاصي من التايوت من نوع تالي=آه ياليت عندي يابو تركي فلوسه
حالفٍ لدفعه بالجيب والعمر بالي=مركبه طب قلبي لاتدانت هجوسه
لاسرى بارق بالليل شرقٍ شمالي=وحددولي مخيله يم حروة طعوسه
عقب ماعله الوسمي بعدة ليالي=ابذرت واخضرت والعشب جونا عسوسه
قيل شامة مغيلث مثل لون الزوالي=وحمصيص القعوره تو طلعت جروسه
قلت بالله حطو عزبتي مع دلالي=ناويٍ ديرةٍ قفرٍ ماهي بمعيوسه
ياحلو شبتي للنار في دو خالي=ثم سويت فنجالٍ يطيّر عموسه
حبيب ظاهر الحسيني
19-10-2011, 10:41
يابو مرام ..!!!
يــابو مرام الوسم بانت مزونه=وسهيل يذكر شايفينه له أيام
نشدت شيبآنٍ لنا يفهمونــه=ويدخلون الوسم عــآمٍ باثر عام
ياماحلآ كان الحيـــآء يذكرونه=من غربي آلشامة ليـــا عرق لزام
وســمٍ وصيـــفٍ من وراها ودونه=من حد لــوقــه للصحن لآم الأرجام
آلعشب وآجد والكــمآ يلقطونه=وخب الحسك متخالط ربل وخزام
بــه آم ســـآلم ساجعآتٍ لحونه=يطرب لـه آللي شآيلٍ مثل غنـــآم
رآع الولع لآجــآه تذهب حزونه=تذهب همومه للـدبش وأهل آلآغنام
حبيب ظاهر الحسيني
19-10-2011, 10:43
غيثٍ يعم الوطن يآسعـود ..!!!
يالله طلبنـآك يالمعـبـود=تنزل لنآ الغيـث بآوطانـه
غيثٍ يعم الوطن يآسعـود=وتسيـل نفـده وضلعانـه
ويربـع الضلـع والنفـود=والعشب ينبـت بخيرانـه
وتشوف رآع الغنم والـذود=مستآنـسٍ عنـد حيرانـه
ألطف بنآ يآ كريم الجـود=مضمين والارض عطشانه
يرجيك غصن الشجر والعود=يبست من الوقت عيدانـه
ترجيك حتى النيآق القـود=اللـي تلآفـت لحيـرانـه
ترجيك بيض الغنم والسود=اللي من الوقـت هزلانـه
حبيب ظاهر الحسيني
09-05-2014, 05:08
الشاعر : حبيب ظاهر الحسيني
بمنآسبة عتق رقبة ياسر آلشمري
بمنآسبة عتق رقبة ياسر آلشمري الشاعر : حبيب ظاهر الحسيني
آلثنآء لله والشكر الجزيل ~=انتهت يالابتي والهم زآل "
قآلو المطلب كبير ومستحيل ~=قلت بإذن آلله مآبه مستحآل "
يآقليل العرف والعقل الهبيل ~=لاتثير شعورنا يآبن الحلال "
لابتي شمّر مزبّنت الدخيل ~=ترتكي للحمل كان الحمل مآل "
باللوازم مآبهم واحد بخيل ~=وحزة النخوه يجي فيهم آهبال "
كل شيخن صاح بالصوت الطويل =وطوّح الغتره ويومي بالعقال "
وجتك شمّر مثل حصنن له صهيل =لابتي غلباء صناديد الرجال "
لآبتي وقت الطناء ماله مثيل ~=ودون يآسر مرخصينن كل مال "
جوك الاسلم مثل مزنن مستخيل~=وجوك زوبع مثل آديرع يوم سآل "
وجوك عبده جيتن تشفى الغليل ~=مثل وبل الوسم لآاجاء باحتمآل "
فرعن يآلبيض وانقظن الجديل ~=عزكن شمّر شغاميم آلعيآل "
زغردن بالصوت وومن بالفليل ~=يآفخركن بالعمآم وبالخوال "
وقال آبن عردان قولن له دليل ~=انتهى الموضوع مآفيها جدال "
يآبدر يآبدرنا في كل ليل ~=بدر شمّر يآاظلمت سود الليال "
بآرك الله في جهودك يالاصيل ~=يآوريث اللي يشيلون آلثقآل "
حبيب ظاهر الحسيني
04-06-2014, 09:29
قصيدتي يوم دق جوالي عند اخوياي وطلع اسم الغالية وضحكوا عليه
امي..وابوي
امي..وابوي
صحيح رقم الغالية يامهابيل=ياخبلكم يااللي علي تضحكوني
احب هذا الرقم واغليه باالحيل=وافرح بشوفتها وتسوا عيوني
حبيبتي من قبل اعرف الرجاجيل=ونطقت باسمه قبل تطلع سنوني
لاحسني محسوس ماتمرح الليل=وتسهر عيونه والعرب يرقدوني
وغــذاي مــن صــدره حليبٍ مباهيل=يحفظــك ربي ياالعطــوف الحنوني
ماهـــو حلــيب من سميلاك وسميل=ولاوردهـ كـــووزي ولانــــوع بــونــي
وحظنه فراشي يوم قل المحاصيل=وركبـــي علــى مـتنه فـدنه امتوني
مازمــتـــن شغـالــته باالمحــافــيل=قلت الحقيقة والصحيح اعذروني
وابوي هو ميزان دربي عن الميل=ويزعل ليامن الرجال ازحموني
هم في حياتي مثل نور القناديل=يارب ترعاهم مثل مارعوني
يامنزلن على ابرهه طير أبابيل=يارب ترحمهم مثل مارحموني
الشاعر/حبيب ظاهر الحسيني الشمري
vBulletin® v3.8.9, Copyright ©2000-2024, vBulletin Solutions, Inc.