وقفه

[مفوز التبيناوي]

حمامة(ن)ناحت على راس مرقــــــاب=وقت العصـير وكل لحن(ن)تجيـــــبه
جاوبتها بالصّــوت والقلب منصــــاب=أسمع مـــواويله واجـــاوب نحيــــــبه
هــواجس(ن)تجتاحني مالها حســــاب=والــهمّ بــــاوّلها يقــــــود الكتيـــــــبه
أسرجت لـَه من سُبّق الخيــل مــهذاب=تزهى بـقصّـتتها وضـــافي سبيــــــبه
وانــا عليـــها مثـــل ابــازيد وذيــــاب=وكـلّ(ن) من الميــدان ياخذ نصيــــبه
الوزن سيف وحبكة البيـــت نِشـّــــاب=ورمح(ن)من المعنى يخصّ الضريبه
تـاصل بلا استئـذان لاصحاب الالباب=والمنثِــــبر توطـّــــته مـــــا دري بـه
بعيـــدة المغــزى لو الوقــت غـــلاب=ومن كـــل حـــالات المعنـّى قريـــبه
جتني مثل طلـّة عروس(ن) من الباب=على العــريس وهي من اوّل حبيـــبه
واستنطقت كل الـــدّوافع والاسبــــاب=واستوطنـَت كل الفجـــوج الرّحيـــبه
الـرّاس شاب وخاطري مابَعَد طــاب=ولازالــت الدّنيــــا على هقـــوتي بـه
تضحَـك بسِـن وتطحن الناس بالنّـاب=ولاهي على الدّنيــا الدّنيّــه غريــــبه
أمعَـنـْـت في نفسي مشــاريه وعتـاب=وأســرَفت، والعـاقل ضميره طليــبه
يانَفسي اعتادي على حَرْق الاعصاب=والــوضْع واسلـــوب الحياة الرتيــبه
واحتـَـــرْت في بعض الجماعه والاصحاب=مــادام له حـاجه يورّيـــك طيـــــبه
يكـَـــثـّر الترحاب وليااغتنى غــــاب=وان طاب طيبه صـار بس لنسيــبه
للطـّـيب في قلبه مثل هيبة الــــــدّاب=ولاّ الـــرّدى لو يلــبسه مايعيــــــبه
ماينفِـقِـد لاغــاب وان عــاد ماثـــاب=والله مــــادري زوجتـه وش تبي به
همّـــاز لمّـــازٍ جــــزوع ٍ وسبّــــاب=ولياجَلـَس يستــعرض النّاس غيــبه
مـــار البلا كــانِه من الرّبع الاقراب=معيــــبةٍ تـركه وقـــربه مصيـــــبه
وعَجـِـبْت من وضع(ن)رضيناه بالغاب=ويلقى المهـونه من رضي بالغليـــبه
نفعـَـل حكي، وسلاحنا فتـْل الاشنــاب=وكل(ن)بذمّـة ضاري(ن) يحتمي به
نستنكر الاصحــاب ونودّ الاغـــراب=أقطــــاب مغناطيس! والله عجيــــبه
نمشي بتال الــــرّكب حتى بالالعــاب=لكـــن مع أوّلــــهم بهــزّ التـّريـــــبه
ونستدعي الماضي على صفحة كتـاب=شوفواعلى الــواقع وش اللي بقي به؟
تبقى الجـِمال جياع وطموحنا اعشاب=ولاعــادت دمــوع السّحايب تثيــــبه
ياما رجينا العون من جوف سرداب=ولاّ عظــــام(ن) باليه في زريـــــبه
لاعــــوّد الماضي ولا شيّـــب غراب=واللي عليــها العِـلـْـــم بقيَت سليـــبه

[المشرف العام]

:mnb:بــ شـــاعرنا القدير مفوز التبيناوي
أبو فيصل لاشفت لك قصيدة ارتبش يعلم الله وتضيع عني عبارات الرد لااقول إلا لله درك شاعر تمتع متذوق الشعر بحبك فنك الشعري استاذي

:987h:أياديك يابوفيصل
صح السانك مدد بلا عدد
:vcxf :
تقديري لسمو شخصك الكريم ؛؛؛

[احمد الجريفاني]

الله الله الله



(والله ما ادري زوجته وش تبي به)

ذكرتني قصايد الاولين الذين تغذي الطبيعة البكر مواهبهم الالاهية الفطرية
قصيدة سوف باذن الله احفظها لاتعلم واروي غرور ذائقتي بما هو جميل في عصر اختلط فيه الاصيل با المقلد
الله لايريك اي مكروه ويسلم راسك ايها الداهية الشعرية العبقة
اعجز عن وصف ما قرأت لكني من المحظوظين بكوني حصلت على الاطلاع والاستمتاع هنا من عبقرية تمشي على الارض
الله لايضرك وتقبل كل ماهو جميل من محبك ابو فراس
لك الود يا غالي

[ابو ناصر]

الله الله يامفوز التبيناوي
دام صوتك وبحوك شاعرنا ابوفيصل
امتعتنا بهذه الرائعة لاهنت
صح السانك حتى ترضا

[الكتراز]

الشاعر الكبير مفوز التبيناوي
صح السانك مليار

ياعزوتي

[كنديشن]

الشاعر التبيناوي
صح السانك يابعد حيي

[نهير النمش]

الفخر للشعر بفرزدق الشعر مفوز التبيناوي

نص يستحق الاشاده والاجلال مقدره شعريه ايها الجزل العملاق
شاعر لايشق له غبار ابداع فكر وجزالة معني وسمو بكل مفرده

لك كل التقدير ابها الكبير

[مفوز التبيناوي]

أخي/ عبدالله المفضلي أشكرك على هذه الكلمات الجميلة، إبونايف، انت تمون على الرّوح، يكفي انك تقدّر الجميل، والظاهر ان قلبك باقي بلون فياض (الخشيبي) في شهر مارس ليا من الله عطى. دمت بسلام.
أخوك/ مفوز التبيناوي.

[مفوز التبيناوي]

الله الله الله



(والله ما ادري زوجته وش تبي به)

ذكرتني قصايد الاولين الذين تغذي الطبيعة البكر مواهبهم الالاهية الفطرية
قصيدة سوف باذن الله احفظها لاتعلم واروي غرور ذائقتي بما هو جميل في عصر اختلط فيه الاصيل با المقلد
الله لايريك اي مكروه ويسلم راسك ايها الداهية الشعرية العبقة
اعجز عن وصف ما قرأت لكني من المحظوظين بكوني حصلت على الاطلاع والاستمتاع هنا من عبقرية تمشي على الارض
الله لايضرك وتقبل كل ماهو جميل من محبك ابو فراس
لك الود يا غالي

كلمات ليست كالكلمات، أشكرك أخي/ ابوفراس على هذا المرور الجميل، وستبقى هذه الكلمات نبراساً يدفعني للسمو إلى مستوى ذائقتكم. دمت بخير.
أخوك/ مفوز التبيناوي(ابوفيصل).

[طلاع الزميلي الشمري]

تـاصـل بــلا اسـتـئـذان لاصـحــاب الالـبــاب
والـــمـــنـــثِـــبــــر تـــــوطّـــــتــــــه مــــــــــــــــا دري بـــــــــــــــــه
ههههههههههههههههههههههههههه
الله درك لله درك لله د رك
ايوالله انك صدقت وصدق لسان التبيناوي الي خلفك
توطته مادريبه الخندليس الله مااروعك من شاعر

مــايــنــفِــقِـــد لاغـــــــــــاب وان عــــــــــــاد مــــــاثــــــاب
والله مــــــــــادري زوجـــــتــــــه وش تـــــبــــــي بـــــــــــه
هـــــــمّـــــــاز لـــــــمّـــــــازٍ جـــــــــــــــزوع ٍ وســـــــبّــــــــاب
ولــيــاجَـــلَـــس يــســتـــعـــرض الـــــنّـــــاس غـــيـــبــــه
مـــــار الـــبـــلا كـــانِـــه مــــــن الـــرّبـــع الاقــــــراب
مــــعــــيــــبـــــةٍ تــــــــركـــــــــه وقــــــــربـــــــــه مــــصــــيـــــبـــــه

هذه المشكله الى ليس لها حل والمرض الي ماله علاج سرطان
القريب الموذي ان قطعت الرحم قطعك والله وان وصلته احرقك بالنار

مفوز الغالي انت مدرسه شعريه ادب واخلاق
الله لاخلينا منك ومن شعرك وحضورك يالغالي

سمو تقديري لشكصك الكريم يالغالي
الله يحفظك من كل شر

[محمد عيسى السليطي]

جتني مثل طلّة عروس(ن) من البـاب ==== على العريـس وهـي مـن اوّل حبيبـه



اخوي الغالي مفوز صح لسان وطاب فالك

على هذه الرائعه من روائع الشعر الجزل

سلمت وسلم بوحك

تقديري لكـ

[عبدالعزيز بن بليهد]

الله المستعان يابو فيصل

ستبقى القدس سليبه مادمنا على هذه الحال نعزي انفسنا بالماضي الذي لن يعود

صح لسانك واعتلا شانك ولاهنت

[مفوز التبيناوي]

أخي طلاع/ الظاهر فيه توارد خواطر بيننا، أشكرك على المرور،، لاهنت.
أخوك/ مفوز التبيناوي.

[قمرا سماه]

صح لسانك
كلمات راقت لي كثيراً
يعطيك العافية

[مفوز التبيناوي]

الأخت/ مزون، أشكرك على المرور وطيب المشاعر،، دمتي بخير.
مفوز التبيناوي.

[البتول]

صح لسانك شاعرنا الرائع
خالص تقديري وتحيتي لسمو شخصك الكريم

[ابو عوض]

الشاعر الكبير مفوز التبيناوي
صح السانك الف
تحياتي لجنابك

[درويش]

الشاعر الكبير مفوز التبييناوي
صح السانك حتى ترضا يالنشمي
تقبل مروري

[محمد الذرفي]

تاصل بلا استئذان لاصحـاب الالبـاب
والمنثِبـر توطّتـه مــا دري بــه
بعيدة المغـزى لـو الوقـت غـلاب
ومـن كـل حـالات المعنّـى قريبـه
جتني مثل طلّة عروس(ن) من البـاب
على العريس وهـي مـن اوّل حبيبـه



الله الله

اشهد انها احلى من العروس يابو فيصل

لافض فوك

لك اجل التحايا واعذبها

[مفوز التبيناوي]

أخي/ صالح الغازي،، أشكرك على المرور وطيب المشاعر. دمت بخير.
مفوز التبيناوي.

[مفوز التبيناوي]

الإخوة/ ابوناصر، الكتراز، كنديشن، خفايا الروح، ابوعوض، درويش،، أشكركم على المرور وطيب المشاعر. دمتم بخير.
مفوز التبيناوي.

[مفوز التبيناوي]

أخي/ نهير النمش،، أشكرك على المرور والتعليق، أتمنّى لك إجازةً سعيدة في ربوع الشمال. كل عام وأنت بخير.
أخوك/ مفوز التبيناوي.

[مفوز التبيناوي]

أخي/ عبدالعزيز بن بليهد،، تعليقك على القصيدة أفرحني. دمت بودّ.
أخوك/ مفوز التبيناوي.

[مفوز التبيناوي]

أخي/ محمد عيسى السليطي،، مرورك على القصيدة شرف لي، ورأيك يهمّني.
دمت بخير وعافيه.
أخوك/ مفوز التبيناوي.

[مفوز التبيناوي]

الأخ/ محمد الذرفي،، أشكرك على المرور والتفاعل، سلم ذوقك أيهاالراقي.
أخوك/ مفوز التبيناوي.

[سطم فهد الخليل]

مار البلا كانِه مـن الرّبـع الاقـراب ...... معيبـةٍ تـركـه وقـربـه مصيـبـه


الشاعر مفوز التبيناوي

قصيدتك راقيه من اول حرف الى آخر حرف

هنا شعر يستحق القراءة ويستحق الأحترام

ولكن لايستغرب الذهب من معادن الذهب

الف صح لسانك ويحفظك الله

[الشيخ منحاش]

الشيخ مفوز التبيناوي
لااقدر على التعليق ابد
صح السانك الف
تحياتي لك

[أسيرالوفاء]

مفوزالتبيناوي

أُســـتاذي المتشــح بالجــزاله / مفــــوز التبيــــناوي :ip :
اللــــه
اللـه.. اللـه
ماشاء الله عليك
الله لا يضـرّك بشـــرّ

لقــد إســتعرت المشـــرط ( من الطبــيب ) لتشـــريح واقعــنا الألــيم وإخفـــاقاتنا المـتوليه فـي إطــار دائــرة آخــــذة بالإتســـاع .. بــدأً بأقــرب المحـــيطين الذن إنســـلخوا من قـــيمهم وإســتوطن في نفوســم حب الذات ونفــورهم من كل مايربطهم بطـــباع آبائهــم وأجــدادهم الفاضله وتأســيك عـلى من ينتمي للجمــاعه .. عــندها تكــمن الحـــيره فـي التعـــامل معــه:

واحتـرْت في بعض الجماعه والاصحاب .. مــادام له حـــاجه يورّيـــك طيــــبه
يكـَـــثـّر الــترحاب وليا اغـــتنى غــــاب .. وان طاب طيبه صـار بـس لنســيـبه
للطـّـيب فـي قلــبه مــثل هــيبة الــــــدّاب .. ولاّ الـــرّدى لو يلــبسـه مايعيــــــبه
ماينفِـقِـــد لا غــاب وان عــــاد ما ثـــاب .. والله مــــادري زوجتـه وش تـبي به
همّــــــاز لمّـــــازٍ جــــــزوع ٍ و ســــبّاب .. وليا جَلـَس يسـتعرض النّاس غيـبه
مــار الــبلا كانِـــه مـن الــرّبع الاقراب .. معيــــبةٍ تـركه وقـــربه مصيـــــبه

مـــــروراً بالوضــع الــذي باتــت فــيه شـــريعة الغــاب تطــغى على كــــثيرٍ من أســاليب تعاملــنا فـي الحــياة حتى صــار من يمـــتلك القـــدره عــلى توظــيف نفــوذه بكل الصــور المتعـــدده والمخــتلفه هو المسـيطر ، وصــولاً لتفــضيل الغـــريب البعـــيد ، عـلى الصاحب القـــريب أمــر فعـــلي واقــع غايــة في الغــرابه ، يســتدعي العـــجب :

وعَجـِـبْت من وضع (ن) رضيناه بالغاب .. ويلقى المهـــونه من رضي بالغليـــبه
نفعـَـل حكي، وســلاحنا فــتـْل الاشـــناب .. وكل (ن) بذمّـة ضاري (ن) يحتمي به
نســتنكر الاصحــــاب ونــــودّ الاغـــراب ..أقطــــاب مغـــناطيس! والله عجيـــــبه

وإســــتعراض ما آلت إليــه الحــــال التي فيها إجـــتاحنا العــديد من خـــيبات الأمـــل فـي نــتائح ومكتســـبات منتخــباتنا الرياضـيه الوطـــنيه ومايواجههــا مـن إخفاقـــات متوالــيه :
نمشي بــتال الــــرّكب حـتى بالالعــاب .. لكـــن مــع أوّلــــهم بهــــزّ التـّريــــبه
ونستدعي الماضي على صفحة كتـاب .. شوفواعلى الــواقع وش اللي بقي به؟

حـتى أوقفـــتنا لنبكـــي عــلى أطـــلال خيبتـــنا في ضــياع فلســـطين فرقــــةً وتخــــاذلاً وإعتماداً عـلى بعــض الــذين إتضح لــنا عــدم جــدوى الإعـــتماد عليهم لأنهــم وجهـــان لعمــلة واحــده تعنــي الحــرص عــلى مايـــخصها فقــط .
أبــدعت أُســـتاذي أبافيصـــل برســم لوحــت بالكلمات أثارت الكـــثير من الشــجون وحــرّكـت المشــاعر ..
( والعــذر والســـموحه على الإطــاله .. فــذلك ماتركـــه وهــج أحــرفك على الوجــدان ) ..
:qwe :
لك كل الـــود ووافـــر إحــترامي وتقـــديري وأطـــيب تحــــياتي .


محـــبك / أبومـــراد

[مهاوش]

شاعرنا الكبير مفوز التبيناوي
صح السانك الف
ابدعت وامتعت
تحياتي لك

[مفوز التبيناوي]

أخي/ إبوفهد،،، أشكرك على المرور والتعليق، سلم ذوقك، انّما الشعر الجميل يكتب لمن يقدّر الجمال أمثالك. دمت بسلام.
أخوك/ مفوز التبيناوي.

[مفوز التبيناوي]

الشيخ/ منحاش، الشيخ/ مهاوش،، أشكركم على المرور. دمتم بخير.
أخوكم/ مفوز التبيناوي.

[مفوز التبيناوي]

أخي/ أسير الوفاء(ابومراد)،، تعليقك ألبس القصيدة حلـّــةً بهيّةً وفصّلها تفصيل متمكّن، والشّعر الجيّد إنّما هو لمن يقدّره،، أشكرك على التعليق والتفاعل،، إسلوبك يعجبني. دمت بخير.
أخوك/ مفوز التبيناوي(ابوفيصل).