البس البشت يصبح لك مقام وقدر

[احمد الجريفاني]

ياهل العرف عقب اليوم مالي صبر=ولا لعيني هناتن فـي لذيـذ المنـام

وقتنا يحسد المييـت بوسـط القبـر=وش يبي في حياتن كل ابوها عـدام

المريح الذي بـاع الحيـاة وظفـر=صار همه رضى ربه وصلى وصـام

ما حدن فكر بويـلات يـوم الحشـر=استوت عندهم كلمة حـلال وحـرام

السروق امتهنـي والعفيـف بفقـر=والصدوق امتعني والكذوب ابسـلام

والنحييف يضيع بجنب واف الهبـر=الجهامه تضييع كـل قرمـن همـام

البس البشت يصبح لك مقام وقـدر=افصخ البشت ما يبقى لشخصك مقام

الغني لو هو اهبل قيل كلـك نظـر=اشهدوا في نبوغه واسعيـن الافـام

والمسيكين ضايع مـا لليلـه فجـر=وان شكى قيل له يكفيك كثر الكـلام

وصنفوا كل نسل ادم نظيـف وكـدر=تقل فيه ادم(ن) ثاني طلع عقب سـام

من مسك صنعتن تغنيه نززل حدر=ومن قعد ينطر الشرهه له الاحتـرام

راح عصر الرجال اللي تفك الاسر=راح عهد الفحول الطيبيـن الكـرام

صابهم من عجاج الوقت ضيقة صدر=وخيلهم لو تهده ما يثور العسـام

كدرتهـم تهاويلـن بتـال العـمـر=اشهد ان الذي في وضعهم ما يـلام

من يلوم الذي باالفرش ماتـوا قهـر=شاقهم شيلة الشلفى ولبـس الحـزام

ذا زمانن حرام يعيش فيـه الصقـر=والرخم مشبعاتن في مكـب القمـام

ومن كدح يحلم ان فكر تملك قصر=وحاملين الاقامـه يعتلـون السنـام

والوفا عقب ماهـو جاريـن كاالنـهر=صار مثل الذهب نادر مقاسه غرام

آه واشيب حالي من صـروف الـدهر=ناشف الريق ملتاعن وروحي تضام

اكتب ابيات شعري والمحاني جمـر=انتخي با القصايد يوم طـال السقـام

شعر ما يشرح الواقع فلاهو شعـر=وشعر مايوقف القاعد مجـرد كـلام

[المشرف العام]

:mnb:بــ شـــاعرنا القدير أحمد الجريفاني

البس البشت يصبح لك مقام وقـدر=افصخ البشت ما يبقى لشخصك مقام

الغني لو هو اهبل قيل كلـك نظـر=اشهدوا في نبوغه واسعيـن الافـام


الله الله عليك يابوفراس
ياقوها حيل قويه كان ودي اقتبس كل القصيدة لجمالها
امتعتنا فاضلي
:987h:أياديك يابو فراس
صح السانك مدد بلا عدد
:vcxf :
تقديري لسمو شخصك الكريم ؛؛؛

[ابو ناصر]

ابوفراس .... رساله مدويه استاذي لله درك
شاعرنا احمد الجريفاني
صح السانك حتى ترضا

[الكتراز]

الشاعر الكبير أحمد الجريفاني

صح السانك مليار

ياعزوتي

[أسيرالوفاء]

آه وا شــيـب حالـي مـن صـروف الدهـــر
ناشــف الريـق ملتاعـــن وروحـي تضـام
اكــتب ابـيـات شــعـري والمحـانـي جمــر
انتخـي بـا القصـايـد يـــوم طـــال السـقام
شعـر مـا يـشـرح الـواقـع فـلا هـو شـعـر
وشــعـر مايـوقـف القـاعــد مجـرد كـــلام


:ip :
ماشــاء الله .. تـــبارك الله ..
الله يــــديم علـــيك يابوفـــراس ولا يضـــرّك بشــــر..
أركــيت عـــلى الجـــرح .. وجـــبت الزبـــده .. ما أقـــول إلا الله يحمـــاك ويحـــفظك لنا ولكل من أحـــبك .. إشـــراقة فخـــر وضـــياء تمـــيز .. يملك زمام الإبــداع مروضــاً عـــناد جــياد القـــوافي ..

فارس أمســك برســن الــبوح الصــادق ليقــف كل حـــرف قـــبل كل كــلمه من كلـــمات القصــيده تــاركاً الكـــثير من الصــور الدلالـــيه المتشــحه بالشـــجن ، وكــوامن المعــاناة ، وزخــم من عــــلامات الإســتفهام ..
المعــذره أبوفـــراس ..لو تركــت الفـــرصه { لصــدى حــرفك ســيطول إســـترســالي برجــعه }..
مـن كل قلــبي أقـــول بــارك الله فـــيك .. وذلك القـــلب النابـــظ بأوجــاع كل ما حـــولك ( قريبه والبعيد )..
أبلغــــك الله كل ما تصــبو إلــيه ودام نبظـــك وراقـــي إحســاســك..
كل ودي وعمــيق تقـــديري لســمو شــخصك .

محــبك / أبومـــراد

[كنديشن]

الشاعر الجريفاني
صح السانك يابعد حيي

[نهير النمش]

ابو فراس

كالمعتاد ابدعت ولاغرابه فأنت منبع من منابع الشعر الجزل
صح الله لسانك ويسلم فكرك من الخدش ايها الرجل الحكيم

تقبل تحياتي

[طلاع الزميلي الشمري]

صح الله لسانك وعلى شانك
لقد ابدعت واجدت وكفيت وفيت لاهنت يالعزوه
نعم الرجال مخابر وليس مناظر
والمال مازين الرخوم الابعين الرخوم اماطيورشلوي
تميزهم اقوالهم وافعالهم
والعمل والطيب امرين فقط اما بالقول ولابالعل
لله درك اشبعتنا وارويتنا شعر
لك جل تقديري
حفظك الله

[مفوز التبيناوي]

وشعر مايوقف القاعد مجـرد كـلام
صح لسانك يابوفراس، لقد شخّصت الواقع، بكلماتٍ جميلة من الشعر الأصيل. دمت بسلام.
أخوك/ مفوز التبيناوي.

[محمد عيسى السليطي]

صح لسانك ابو فارس

لاهنت بعدي

لك احترامي

[محمد الذرفي]

الله المستعان

قصيدة تحاكي واقعنا المرير صدقت يابو فراس لافض فوك

الف صح لسانك

لك اجل والتحايا واعذبها

[الشيخ منحاش]

هذا واقعنا المرير مع الاسف
صح السانك الف
تحياتي لك

[يحيى العبودي]

الله لا يهينك يا ابو فراس

صدقت وهذا هو الوضع الحالي صار القدر بالبشت ما هو بالفعل (ثقافة البشت) سادت عندنا

وملاحظتك ملاحظة شاعر يجيد توجيه الخطاب ويجيد لفت الانظار الى مايريد بطريقة رائعة

الف شكر يا مستشار الشعر

صح الله فكرك

[مهاوش]

شاعرنا الكبير احمد الجريفاني
لله درك صح السانك الف
ابدعت وامتعت
تحياتي لك

[المهاجر]

ابو فراس
لله درك ابدعت شاعرنا احمد الجريفاني
صح السانك مليار
احترامي لشخصك الكريم

[هايدي اليتيمه]

كدرتهـم تهاويلـن بتـال العـمـر
اشهد ان الذي في وضعهم ما يـلام


ياعساكـ سالم شاعرنا القدير احمد صح لسانك

قصائدك كلهاا ع الجرح :(

ربي لايحرمنا جديدكـ

كل الشكر لسموكـ

[شايب كويس]

ماعندي مشلح يارجل ... هايدي عندتس لي بشت ... ابي ازندخ بوه يابعد حيي
الشاعر الجريفاني
صويدز والله ... صح قلبك ... وصح كلك بعد حيي

[مشعل عسام التريباني]

اخوي احمد الجريفاني
قصيده رائعه جدا من اروع ماسمعت
ومعاني واضحه ومعبره ومعروفه لدى
الجميع وكلمات مؤثره وراقيه جدا ولا
غرابه منك الجزاله والابداع شكرالك يابا فراس
شكرا من اعماق قلبي نعم هكذا يكون الشعر

[الكاش]

الشاعر الجريفاني
يازين الكاش هذا الصحيح ياحيي صح قلبك لاهنت
تقبل مروري

[مقبل الدخيل الزميلي]

ستاذي القديراحمد الجريفاني

هلا يابعدي والله صح للسانك مليون ولايكفون يالعزوه نعم هاذى الشعر الذي يفتح النفس ويشد

الاعصاب بحماسته واثارته ولا بلاش//شعرمايشرح الواقع ماهو شعر/وشعرمايوقف القاعدمجردكلام/

الايابعد حيي والله يابوفراس يعلم الله انك ترفع الراس احلاواعذب واجمل ماسمعت على هاذه الساحه

ياهل العرف عقب الليوم مالي صبر//ولالعيني هناتن في لذيذ المنام
لله درك لله درك لله درك
البس البشت يصبح لك مقام وقدر//افصخ البشت مايبقى لشخصك مقام
لله درك لله درك لله درك
ذا زمانن حرام يعيش فيه الصقر//والرخم مشبعاتن في مكب القمام
لله درك لله درك لله درك
اه واشيب حالي من صروف الدهر//ناشف الريق ملتاعن وروحي تضام
لله درك لله درك لله درك
صح للسانك ستاذي القدير لاهنت يابعد حيي ولاعاش من يضيمك لعنبو الدنياء تحياتي لك اخوي

[عبدالعزيز بن بليهد]

شخصت الواقع بعين وفكر شاعر خبير وصاحب تجربه ولديه مخزون وثقافه دينيه ،،بلورت كل هذا بقالب شعري
ساخر مميز
فعلا هذا زمان المظاهر !!! الله المستعان يابو فراس حتى الشحاذين اليوم يترززون بالبشوت امام ابواب ومجالس الوجهاء

سلمت وسلم بوحك

[قمرا سماه]

ابيات رائعة


ودي

[طخمان]

شاعر جزل لله درك يابو فراس
صح السانك يالنشمي
تقبل مروري

[سعيّدالعمودي]

القصيده

لها مقام وقدر

كيف لا وشاعرها

الكبير شعرا وقدرا ابا فراس

للله درك

[عويد المغيليث]

الشاعر القدير ابوفراس
ابيات في الصميم
صح لسانك
وسلم بنانك
اصبت يالغالي دمت بخير

[بريق الماااس]

صح لسآنك أبا فرآآآس ... وأعلى الله شآنك
شآعر سيدي ومآفيك حيله ... مآأجمل أبيآتك
جد جد قويه ..ولكنها جميله ورأئعه وتكلمت ... رآقت لمحبيك
ولمحبي أشعآرك أيها المبدع دمت بس ع ـــــآآآآآده

[أبو كادي]

صح لسانك أبو فـراس ابداع يفوق الخيال
دائماً مبدع ومميز حفظك ربي ورعاك.
تقبل خالص تحياتي،،،