ديوان الشاعر / سطم فهد الخليل

[سطم فهد الخليل]

السلام عليكم

متواضعه اتمنى انها اتجد شيئاً من القبول

مناسبتها هي

( رداً على احدهم عندما قال شمر يعتقدون انفسه فوق مستوى الناس)

شمر اخيار القوم .. !!!



قال الذي بيت القصيدة بدابه = من ورّدن قامن يحومن على الراس

يشدن لمزنٍ مدلهمن ضبابه = مزنٍ خيالي حرك شعور واحساس

حييتهن في كل حُبْ ورحابه = واجلستهن على الورق خير مجلاس

واصدرت امرٍ للقلم بالكتابه = واخذت ماطابق مزاجي بمقياس

واللي دعا شعر المشاعر وجابه = اشوف لي مدحٍ يعبّا بالأكياس

اشوف انا الشعار مثل الذيابه = كلٍ يقول انه قطع راس جساس

ومادام كلٍ يفتخرله بلابه = انا بماضي لابتي أرفع الراس

ألحمد الله لابتي كل مابه = مصدرفخر للمنتمي له ونوماس

شمر لهم بين القبايل مهابه = ميراثهم مجدٍ تحاكا به الناس

وكان القبايل بالفعايل تشابه = بضرب المهند ولبسة الدرع والطاس

شمر خيارالقوم كلٍ حكابه = قولٍ صحيحٍ ما دخل فيه هوجاس

يكفيك قول أهل الوفاء والنجابه = قـول الـرواة وشـي دون بكراس

دوك الشريف اللي نواهم حرابه = اسقوه من ضرب القناء مر الأتعاس

وحلف يمين وهوغميقٍ صوابه = يا دار شمر مالنا فيه مجلاس

يحرم علينا وطيةٍ في ترابه = كود نتواجه عند خلاق الأنفاس

ووديد ابن عروج كلٍ درابه = خلوه شمر لأشقر الريش مفراس

حليلته شقت حراير ثيابه = تقول واخلي طوت دونه الياس

ودوك العواجي ون من حر مابه = من حرةٍ منها المعاليق يباس

على عياله عض صبعه بنابه = يون من عقب المعزه ومحتاس

وقال السنيدي يوم جاهم بطابه = شمر يجونك شيخهم يضرس اضراس

شيخ الطنايا قام يضرس بنابه = يبي بهم يومٍ مثل ضرب نحاس

وماقاله العوني بنوادر عذابه = والله يا لولاهم فلا للوفا ساس

ولا للحمية من يحسّب حسابه = إلا الطنايا مفنية قب الأفراس

يقول شــمر عـز منهـو لجـابه = أهل المرؤة والعطايا بلا قياس

عز الصديق وللمعادي كئابه = هذا ينام وذاك لُه سهر وعماس

وايضا .لويمر. في مثاني كتابه = يقول شمر للكرم خير نبراس


سطم فهد الخليل (ابو فهد

[سطم فهد الخليل]

احيانا

وفي بعض المجالس يكون هناك مجال للشعر

فيقول بعض الحضور وشو جديدك يابوفهد

هنا الاقي بعض الإحراح لأني مقل بالقصيد

ولأن بعض القصيد له ظرف خاص ليس للمجالس

من هنا جاءت فكرت هذه القصيدة

يارب شفني في رجا رحمتك ضيف !!! ..





قالوا, جديدك قلت أببني على, آف = آف , البداية , والنهاية , على أيف

وحاولت أصوغ ابيات شعري على قاف=وارجو السموحة كان بالوزن تكليف

والشعر له حافظ ورافض وعراف = وله ناس نقّادٍ وناسٍ عواريف

احدٍ بشعره لأجمل الورد قطاف = وأحدٍ ,مثل شعري , يجمّع , سواليف

وياما وياما قلت ياناب الأرداف = يامرحبا , يابو , ألثمان , المراهيف

واليوم عنمافات أعلنت الإنكاف = ماهوعيافٍ , مار, ماهي , على الكيف

فكرت ليا ماضٍ لي سنينٍ عجاف = وما باقي إلا الموت أو عمر تخريف

وأبي ازبن اللي بي رحيمٍ ورواف = يارب شفني في رجا رحمتك ضيف

يامن يشوف الكون كله ولايشاف = ويامن عُرف بالعقل وهو مابعد شيف

يا منزّهن مالك شبيهٍ بالأوصاف = جلاّ جلالك عن شبه أي وتوصيف

يا بادي التنزيل بالألف والقاف = أقـرأ , بأسـم ربك رساله وتثقيف

يا جاعل القرآن تهذيب وإنصاف= ياحافظه عن كل زيفن" وتحريف

يامنزلن, عمى وطه ,والحقاف = ياللي بأمرك تمّن الخوف وتخيف

يامكوّن الدنيا بنونٍ بعد كاف = يامقدر الأقدار بحكمة و تصريف

يامعتني بأحوال ديدانٍ ضعاف = وما بالبحر و اللي بروس المشاريف

وشيٍٍٍٍّن كثير ماعرفنا له أصناف = خلقك وكلٍ " لـــه نظامٍ" و تصنيف

لطفك ليا حطو على جسمي لحاف= طين ولبن وقالوا, لــه, الدفن تشريف

وهالوا علي تراب و ثنتينٍ رهاف = واقفوا عيالي و الجماعة مناكيف

انك تأمّن روع قلبي ليا خاف = على الصراط وكن حده شفا السيف

وثقل موازيني لايأ تني خفاف = يوم الخلا يق عند بابك مواقيف

يوم الخلايق كلها صفوف وقاف = في ساعةٍ يحين كشف المظـار يف

الشمس, به تدنو, والأرياق نشاف = ولا فيه , لاعذرٍ" ولافيه , تزييف

حفاة غُرلا حضور والكل ينشاف = أرواح , تخفق , والمدامع مذاريف

الكل من هول الفزع يرجف ارجاف =وجْلا وخجلا , حاسرين و ملا هيف

خلقن, تراجف من هاكا اليوم خـوّاف = يومن , يشيّب عـارفه بالتواصيف

الطف بنا حيثك رحيمن ولطّاف = حيثك حكيم وفي يديك التصاريف

وياللي بكيت وليش ياعل ماخلاف = هوّن عليك ولطف الجو تلطيف

ان كان ماقدامنا جموع واسلاف = الموت ماله عند سطم مصاريف

هذا وصلى الله على سيد الأشراف = اعداد مالا حن, بروقن , رفا ريف


سطم فهد الخليل

[سطم فهد الخليل]

الحقيقة ايه الاحبه انني لااحب التذكير بالمواجع
وبنفس الوقت اود ان ا طرح امامكم القصائد الاقرب لنفسي
وهذه الشاركة هي مرثية قديمه في طلال العبد العزيز الرشيد رحمه الله

راع اللقـــب !!! ..




هل دمعي من عيوني وانسكب =يوم جانا من القنص علمٍ نكير


واظلمت دنياي والضوءانحجب=واكسفت شمسٍ على مثلي تنير


وش عجب دنيا الندامه وش عجب =وش عجب شرك على الراس الكبير


وش عجب دنياً تقصين العصب =وش عجب دنياي شرك مستطير


وش عجب ملتي علينا وش عجب =وش عجب هذاك امير وذاك امير


ابتديتي من جهة شط العرب=والجزاير حل به عرضٍ اخير


اعرف انك من على جدود العرب =لين يومك ذا. بك شروشرير


آآآآه يادنيا التعاسة والتعب =مثل ماقال المثل مافيك خير


آآآآه من علمٍ على قلبي ضرب =آآآآه من دمعٍ على خدي يحير


آآآآه من امرٍ بأمر الله وجب=آآآآه من سيفٍ على قلبي شطير


كاتبه ربي وهيأ له سبب =وكل شيئاً كاتبه ربي يصير


نافذٍ امره ليامنه كتب =واقعاً حكمه ولا منَه مطير


اللقب وين انت ياراع اللقب =اللقب عندي و وينك يالامير


اللقب تبقى على اوراق الكتب= والاميربآآآآلةٍ حدبا يسير


آآآآه ياطلال بحروف الذهب=نكتب اسمك وآآآآه مع اسمك تصير


آآآآه ياجا طاري اسمك وانكتب =آآآآه تكتب معْه بالخط الكبير


آآآآه عيت لاتفارق ياعرب =آآآآه احسه بين ضلوعي تستدير


آآآآه اجره جرت اغصون الحطب= آآآآه اخفّي لا يحسه ناس غير


لو اكرر آآآآه ماتبري عطب =مار امرك ياولي عساه خير


وانت يا نواف من معدن ذهب= يالامير ابن الامير ابن الامير


اقتنع في امرربك وأحتسب =ولو صغر سنك ترى شانك كبير


ذا كلام اللي بكلامه ماكذب= صورةٍ أبثها عبر الاثير


اتسلى بالشعر ماهو طرب= ساهرٍ بالليل والخاطر كسير


ماخذيته من مجلات وكتب =اتصفح من الضمير الى الضمير


سطم فهد ال خليل الشمري

[سطم فهد الخليل]

مختصر لرحلتي
الى حفل ديوانية شمر بمنطقة الجوف
بتاريخ1-3-1427 هـ

رحلتي كانت بمعية اولاد او احفاد عدي ال غرير وهم
الشيخ سعود بن وبران الكتفاء وهزاع بن جامل الشيشي
وسالم بن غراي الشيشي رحمه الله واسكنه الفردوس الأعلى من الجنة
عندما مشينا من الرياض قالو يابو فهد عندنا امرٍ نريد رايك فيه
وهو ان ثامر الفديد وابنه عبدالعزيز علموا اننا سوف نسافر الى الجوف
ولزموا علينا اننا نمرهم برفحاء
والآن الامر بيدك حيث انت اكبرنا سناً
فقلت لهم طالما ان الأمر بيدي انا سوف اطرح امامكم امرين
لتختاروا واحد منها وللعلم فان أي الأمرين اخترتم فنتيجته هي
تساوي نتيجة الآخر
وهما
1- انتم الغريرعلى رأس شيخكم الكتفاء وانا خويكم والأمر بيد الشيخ0
2- طالما ان الذي عازمكم الفيديد فأنا ابن عم له اقرب واعزمكم بأسمه0
خلال هذا الحديث
اتصل الفديد بالكتفاء قائلاً ياسعود ترى عشاكم صار
انتهى الأمر بدأت الرحله0
كنت انا بالمقعد الأمامي الايمن والعدوات يتبادلون القيادة
وعندما نتوقف عند محطة وقود تصوروا ماذا يحدث ( الذي راكباً حلفي ينزل
ويغلق الباب حتى لا انزل والسائق والذي خلفه عفيسي عند فم التانكي
اللي مايحصل له تعبية التانكي ينطلق الى البقاله ومن ثم يلحق به الذي
كان مغلق الباب علي ومن ثم عفيسي عند المحاسب وهكذا هي الحال)


وكان لنا الشرف بأن نكون بضيافة
الشيخ ثامر الفيديد واولاده بمدينة رفحاء اثنا مرورنا بالمنطقة
و نشكر الله على اننا تخلصنا بأعجوبه بعد ان كا دوا المعايا اجبارنا
على الاقامة الجبريه لديهم لمدة غير معلومه وكادوا ان يمنعونا من
حضور الحفل

قلت ابيات لاتساوي جزء من الواقع
من اولاد عدي او المعايا

أولاد عــدي والمعـايـا .. !!!



خبروا( عدي) وقولوا لك حفيد = لك احفادٍ بالكرم تحفظ وصايا
لك احفاد من هل البأس الشديد = والتجارب خير من سرد الحكايا
انتوينا والسفر دربه بعيد = من ورى الألف السفر عدة ميايا
الخوي سعود ياعله سعيد = سعود ابن وبران من شيوخ الطنايا
و اخويانا كلٍ في طيبه يزيد= سالم و هزاع وا فيــن السجايا
باذلين نفوسهم مثل العبيد = يكرمون0 و قصدهم مكسب رضايا
اركبوني بأيمن الجيب الجديد = والطريق عن الخوي يعطي خفايا
ان وقفنا يابو فهد ويش تريد = وان مشينا تبدي أعلوم و روايا
كلهم آل (غرير) مطوعة الضديد = حاتميٍ أصلهم ما هم شـوايا
لابةٍ تاطى على خشم العنيد = وفي نهار الكون يردون المنايا
والعشاء عقب المساء عند الفديد = نوخِـن بأطراف رفحاء يالمطـــا يـا
وبالفديد انا الفخر عندي يزيد = يرتفع راسي ليا قيل ( المعايا )
حفلةٍ ما يوفيه نظم القصيد = فطّح الخرفان من فوق الصنايا
حفلةٍ ماكنه إلا حفل عيد = الدخون يدور ودلالٍ ملايا
و العقيد بمركبه يأتي عقيد= والسرايا يخْلفه عقبه سراياسطم فهد الخليل



فكان هذا الرد من حمدان الفديد


رد حمدان ثامر الفديد .. !!!




الوفاء لاهل الوفاء دايم يزيد=والمراجل فنها جزل العطايا
ياسطم يانسل ضيغم ياالعميد=صح فكرك قالها كل المعايا
من قديم الوقت للوقت الجديد=قدركم فوق السماء فوق البرايا
أنتم اللي لاحضر يومٍ شديد=توردون النفس لحياض المنايا
الكرم فيكم ومنكم يستفيد=والشهامه ساكنه خلف الحنايا
والرجوله طبع لايمكن يبيد=طبع ثابت ماتغيره النوايا
لو بغينا نجمع حروف القصيد=ماجمعنا ياسطم كل المزايا
جاك شاعر من نسل شيخ الفديد=القصيده سوت بصدره سوايا
صح كلك قلتها واثني واعيد=جيتك تسوى جزيلات الهداياحمدان ثامر الفديد

[سطم فهد الخليل]

رؤوس اقلام

اتمنى انها تجد قبول النشامى
رؤوس اقلام ..!!!




مبداي ذكر الواحد العلآم= اللي نحج لبيته الحرام

وصلاة ربي عد من حج واعتمر=على نبياً وضّح الاسلام

ومن بعد ذكر الله وصلاةٍ على النبي= أدنيت انا القرطاس والاقلام

*

واكتب من الاشعار ماطاب ذكره= ومن غير نومٍ هاضة الاحلام

احلام يقضانٍ ولاهو بنايم= وفكره غرق وسط البحور وعام

ومن غاص غبات البحور العميقة =يبحث عن الؤلؤ في جوف ظلام

وانا غصت ببحور الخيال الوسيعة=واصيد في بحر الخيال كلام

*

اصيد بالسنار ماصيد بالشبك=اخاف كثر الصيد يجيب ملام

ولو قيل صيد البحر كله محلل=ولا الميت من صيد البحور حرام

أخاف أنا من صيد طير المسمّى= طيرٍ لأبن برمان من فـوقـه حــام

ياللى تبي صيدٍ من الصيد وافي= شايم وطيرك عن الهزيلات شام

*

خلك معي ياصاح واسمع كلامي= كلام. وترى بعض الكلام إسهام

كلامٍ عند اهل العقول اللبيبة= الذّ من الفنجال من بعد عيام

للي يبي حلو الكلام الطيب= وإلا ترى بعض الكلام أوهام

ولخصت ماعندي بخمسة معاني= شيٍ على ماقيــل رؤوس أقلام

*

الاولة. احرص على الخمس يافتى= خمسٍ عليهن ينبني الإسلام

من ضيع الإسلام لو عاش بالغنى= يموت وأمواله تروح أقسام

ولابد ماتعْرف نهاية مصيرك= وسط اللحد في قطعةٍ من خام

مهما عطاك الله من قوة الجسد= يبلى وتبقى باللحود عظام

*

والثانية . ايّاك لا تدنس الشرف= ولا تجعل البنيان يصير هدام

ترى الشرف ياصاحبي مظهر الفتى= وفقد الشرف اشد من ضرب حسام

ورجلٍ بلى شرف حياته مذلة= مثل الحصان اليامسك بإلجام

والعار يبقى لو تتالت سنينيه= على المحيّـــا بصمةٍ ببهام

*

والثالثة. مهما حصل لك من العنا= ايّاك وايّا مقاطع الأرحام

لاتقاطع الارحام مهما حصل لك= ولو حصل لك موقفٍ وخصام

تحصل على رضا الإله بوصلهم= وصل الرحم يلبسك خير وسام

واصلاح ذات البين بين القرايب= اخير من الدنيا وحمر انعام

والرابعة. ان جـاك نقّال هــرجة= لا تقبل الهـرجة من النمــام

ابـق بشموخٍ كالجبال الرواســي= وروس القمم ما تنالها الأقـزام

خله تر ى الحقران سيفٍ ســاطي= يجيه من الحقران قهر و هيــام

وترى ان سفهته ولا وجد منك مايبي= حطيت في خشم الغبيث و خـزام

*

والخامسة: لا تخيب اللي هقا بك= خلك على ماقيل هديب الشام

ابذل له المجهود بقدر استطاعتك= وليّن جوابك للرفيق شمام

لا تبدي الأعذار لو كنت صادق= من شان مايجي الرفيق اوهام

ومقابله في طيب نفس وبشاشة= خصله كرم وصى بها الإسلام

*

قلته وأنا فعلي على قدر حالي= لاشك احب من الطيبين اعلام

هذا وصلى الله على سيد الملا= المرشد الهادي القائد المقدام

نبينا اللي ساكنٍ وسط طيبة= اعداد من قام رمضان وصام


سطم فهد الخليل (ابو فهد)

[سطم فهد الخليل]

ماجد بن مطرود الضوّي
رجل من الرجال الذين يتميزون بحسن المنطق و بآداب الاستماع
فانه من الرجال الذين يعمرون المجالس فهو رجل يحترم المجلس ويحترم المتحدث
وان تحدث جاء بالمفيد الممتع , لديه مخزون من أطايب الكلام بأنواعه شعراً وقصصاً
وجهت له الأبيات التالية

يا ماجــد الضــوّي !! ..

هات القلم وأيضا من الطرس قرطاس=وشطر القصيد, العجز يأتي مقاسه
واكتب لمنهو حاز طيبٍ ونو ماس=طيبٍ قديمٍ من على ساس ساسه
رجلٍ أديب وللأدب منه نبراس=يا حل بالمجلس يطيّر عماسه
سوالفه تبعد عنك كل هوجاس=يدخل على المجلس سرور وناسه
من لابةٍ يوم انها سيوف وافراس=كل المراجل فايزينن بكاسه
أولاد الأزمل للعدو سم وعماس=افخر بهم والكل يفخر بناسه
ياماجد الضوي تمعنت بالناس=ومن التجارب صار عندي فراسه
وجربت بعض الناس خوّة ومجلاس=فيهم دواء للجرح من طيب باسه
لقيت انا العالم له اشكال واجناس=واخذت من كثر التجارب دراسه
لقيت ناسٍ عنده شعور واحساس=ولقيت ناسٍ به غرور وخساسه
ولقيت ناسٍ عرفم يرفع الرأس=ولقيت ناسٍ طايحٍ مابراسه
ولقيت ناسٍ هرجهم وزن وقياس=ولقيت ناسٍ هرجهم به نحاسه
وناسٍ سوالفهم كما عقود الألماس=وناسٍ سوالفهم مهارش بساسه
وبعض البشر الله مشقيه بالناس=شره على الغايب يفصّل قياسه
يحلله من اخمص قدميه للراس=حكي القفا في شرع طبعه وناسه
وعلى المغالط دائماً يضر س اضراس=يقول لك عني ويطق راسه
السالفة ياجابها مصدره واس=حطّاب ظلما مايتدرّا بفاسه
أما يجيك بهرجةٍ مالها ساس=وإلا تعرض للمسولف وحاسه
هذا وأنا مانا وكيلٍ على الناس=ولآبي على العالم شموخ ورياسه



سطم فهد الخليل




وهذا الرد من ماجد الضوي !! ..

حي الجواب عداد ماهب نسناس=وعد النهار وعد مظلم دماسه
من ابوفهد الضيغمي طيب الباس=عسى الولي ينجيه من سو باسه
من لابةٍ عرضه نزيه من الادناس=سلالة طهاره ماذكر به نجاسه
ويالضيغمي انتم هل الفوز بالكاس=من لابة لكم بشمر رياسه
وكنتم ولازلتم لكم وزن وقياس=وتاج الفخر يزها الضياغم لباسه
وقايع التاريخ تكتب بقرطاس=بخزاين اسطنبول عليه حراسه
ولو ماهرجنا ياسطم تدري الناس=مخبورٍ اللي صار مابه دساسه
ويومنها بالرمح والدرع والطاس=كم فارسٍ جبتوا سلاحه وطاسه
بالمعركة خلوه بالدم محتاس=مثل ماقالوا فجّ راسه بفاسه
للخلد من تجند بسيف عباس=ومن لاامتثل رايه بالأقدام داسه
اخو عبيد اللي علي الضد مدباس= شهوده بجلده والعدو قص راسه
وعينه وراه ومصممٍ عقب مرواس= يرجع ويعالج مسببات التعاسه
ومن قو عزمه مادخل قلبه الياس=ومبدا المناضل مايسكّر قياسه
وبغير حايل ماتهنى بمجلاس=رجع وهدّ ى من براسه شراسه
ودانت لأخو نورة عقب شق الأنفاس=عن الميل عدّلها وبأمره تواسه
وياما بها داسوا على كل منداس=ياما صفت بالسيف ماهي بلاسه
ومدحك لنا ياشوق من تزهى الألاباس=خلاني اشعر بالفخر والحماسه
وقصيدتك تبعد عن النفس وسواس=تشفي غليل اللي بكبده يباسه
ويابو فهد ذكرت طيّب وهلاس= وذكرت ناسٍ مزعجتكم حساسه
مثلك نعاني ياسطم كيد الأنجاس=الله يكفينا شر من به نجاسه
ياكثر من شوفه يغثك وتنحاس= لكن تبي صبرٍ و تبي سياسه
وصلوا عدد اشراق شمسٍ والإدماس= علي النبي الهاشمي خير ناسه


ماجد مطرود الضوي

[سطم فهد الخليل]

ابيات من الارشيف

لعلها تجد القبول بين النشامى

مانـيـل المعـالـي بـالأمـانـي !! ..



حـداني للشـعر شـــيءٍ حـدانـي=وعسـى الله لأطيب القول يهدانـي


اعـبر عـن شـعوري فـي قصيـدي=لـعـلـي آصــل لبـعـض المـعـاني


معـاني صغتـها من وحـي فـكـري=نتـاج الــراس يلقيـها لسـانـي



وهـدفـهـا واضـحٍ للـي سمـعـهـا=تــلالا كنـهـا سهـيـل اليـمـانـي



أقـول ان الهـذر ماهـو بطـيـب=يقال لصـاحـبـه يالهـذرمـانـي



واقـول الصمـت بليغٍ ولـكن=سكـوتٍ مايصـل حـد الهـوانـي



ان كان القـول قد يقيّـم بفضـه=يقيّم مـن ذهـب حفـظ اللسانـي



كذلـك يعتبـر شيـطـانٍّ اخــرس=سكـوتٍ عـن ذكِـر حـقٍ يبـانـي



فمـن يعمـد مخالـفْـتْ الحقـايـق=يجـوز انــه يسـمّـى بالجبـانـي



وأقول ان الرجـل يرفـع مقامـه=ولايـرضـى لنفـسـه بالطمـانـي



وترى من طاع نفسـه أو ميـولـه=لابـد لمـيـلـةٍ فـيـهـا يـهـانــي


وترى التـاريخ والأنسـاب ذمـه=فحـاسـب ذمـتـك يالمـودمـانـي


وتـرى لابـد مـن يـوم يـمرك=وحــيـدٍ لافــلان ولافــلانـي


فـلا انسـاب تشفـع لـك ولـكـن=تُحاسـب فـي لسانـك والجناني


ألا يـاراوي التـاريـح فضـلاٍ=تريـث فـي كلامـك لاتُـداني


وتـرى الامجـاد ماتأتـي تمـنّـي=(ومانـيـل المعـالـي بـالأمـانـي)



وكـلامٍ بيـن قوسـيـنٍ وضعـتـه=قبسته كـي يكـن شاهـد عيانـي


سطم فهد الخليل

[سطم فهد الخليل]

السلام عليكم جميعاً
اتمنى انها تجد الأستحسان
ولكم الشكر

000 بدون عنوان !!! 000


أعوذ برب الناس من ضيقة البال= والهم والوسواس والفقر والدين
وأعوذ به من كل حاقد ودجال =من الحَسَد و النفس والسحر والعين
واعوذ به من الغم والبخل بالمال=ومن الكسل و الحزن ومن الشياطين
واعوذ به من كل مايقهر الحال = قهر الرجال و شر جور السلاطين
واعوذ به من أرذل العمر ياطال = عمرن تعــوذ منه ســيد المصـلــين
وياللـــه يا عــلاّم بأســـرار الأحوال=يامنـــزلٍ عمــى0 وطــــه 0 وياسـين
ظلّن بظلّك يوم ماغيرك ظلال= واغفر ذنوبي يــوم وزن المــــوازين
انا ومن امّن على قولي وقال= رجواك يارب الضعوف المساكين
وجميع عبدٍ له على بابك آمال= قريب وإلا من اهل الهند والصين
يالآدمي مادام في عمرك امهال = اغنـم ترى أيّـام الفتى بس يومين
يومٍ تعدّى وسجلن فيه الاعمال=باللي عملته من عمل زين أوشين
واليوم هــذا باقيٍ مابعد زال= ولا لـك على باكـر ضمانٍ وتأمين
احذر من التسويف وبعاد الآمال=الموت تره اسرع من ارماشة العين
جهّز معاميل السفر ترك رحّال= لابد من يومن عن الدار مقفين
كثّر زهابك وأربط العفش بحبال= وجهّز رفيقٍ للسفر مذهبه زين
لاهو ولد عمك ولاهو ولد خال= لكنه انفع لك من الربع الأدنين
يبقى معك في عودة المال وعيال= رفيق وافي من خيار الوفيين
وارفع يديك لمن لنا فيه الآمال= اللي خلقْكْ بأول الخلق من طين
هذا وصلى الله على سيد بلال = اعداد ما يلبّى الحجيج الملبين



سطم فهد الخليل











.

[سطم فهد الخليل]

السلام عليكم
اشارات الى صاحبي اعرضاها امامكم

000 ياصـاحبـي !!! 000

ياصاحبي افهم كلامـي أليـا جـاك = كلام واضـح يفهمـه كـل فاهـم
واللغز يحله من النـاس شـرواك = امـا يحـل اللغـز و إلا يسـاهـم
تر للبشر ياصـاح تفكيـر وإدراك = وإحساسهم ما ينشـرى بالدراهـم
إن كان ودك تكسب الناس لرضـاك = لا بد ماتسعـى وتكسـب رضاهـم
تكسب رضاهم إلى لقوا من محيّـاك = هرجٍ يعادل ماحلـى مـن غذاهـم
من الصعب انك تجبر الناس بأرياك = وأصعب منه انـك توافـق هواهـم
أفضل عمل انك تحيي بمـن جـاك = تحيـةٍ تليـق فــي مستـواهـم
ومن خالفوا رايك ولوهم من ابناك = عليك نصح وهم علـى الله هداهـم
والمقبـل احـذر لا تلقيـه علبـاك = واللي هقو بـك لا تخيـب رجاهـم
وأحذرْك من قولة ترانـي أتحـداك = يغويك ضنك نوب وتصيـر واهـم
نوبٍ تحـدّا نـاس يمكـن تغـداك = وإلا يحطونـك يــدام لعشـاهـم
ولا كل شيٍ يلزمه هوش وعـراك = بعـض الأمـور نحلهـا بالتفاهـم
ولا تقصر الخطوة ولا تطول خطاك = واحذر تعمد بالخطاء وانـت فاهـم
يمكن يقال لك خبل ياشيخ ما اغباك = وإلا يقـال انـك خبيـثٍ يتـاهـم
واحذر يجيك غبار من فتح شبـاك = تمـوت حـر ولا نسايـم هواهـم
ليا صار ماوردك على ألمي برشاك = وبعض العرب احذر ترد في رشاهـم
واحرص على شَعرٍ نبت في ملحّاك = والناس هم وشانهـم فـي لحاهـم
وان كان بك حِرصٍ على عفة نساك = مثلك تهـم النـاس عفـة نساهـم
واحرص على دربٍ يناسب لممشاك = والناس نَعَرْف سلوكهم من خطاهـم
وان كان ماصابك سبب فعل يمنـاك = تراك مـن نـاسٍ صعيـبٍ دواهـم
واعمل بأمر اللي من الطين سـواك = اللي بلـى عمـدان سبـعٍ بناهـم
لا تغرك الصحـة ولـذات دنيـاك = خلك تحسب حساب شـيٍ وراهـم
خلك تحسب حساب دارك ومثـواك = يوم إن كلٍ مـن عملهـم جزاهـم


سطم فهد الخليل

[سطم فهد الخليل]

خليفة


ارسل لي ابيات عبر الجوال يعتب عليّ


ويحاول فيها ان يثيرني للرد على الكل بسبب تصرف البعض


فكان الرد هو


000 تبي تعرف ويش السبب ياخليفه !!! 000


حي الجواب اللي حروفه ظريفه=ويعيش من صاغ المعاني وقاله


تبي تعرف ويش السبب ياخليفه=قولك جـوادي قاصـرٍ له حباله


هـذا ان قلبي من القلوب النظيفه=ويحرس على لم القلوب ووصاله


اعيش حـرٍ شـهم نفسي شريفه=والآ حياةٍ خـير منـها زواله

مهما حصل لبعض الأمور تحريفه=الكلمـة الشـينه نـدور بـداله


نبي بها ترضى النفوس الاليفه=وترتاح خطّرها وتهدى حواله


وادمح واسامح بألأمور الضعيفه=وامدح بني عـمّي لياجا مجاله


والرجل يدمح عيب جاره وضيفه=وغلـطة بني عمّه عليه احتماله


دام ابن عمـك ماتهـدد بسـيفه=جنب عن العـوجا تولي بفاله

وحـنا لياجانا مـدرب عسيفه=نثقل ونركب ماثقل من جماله


ونستقبله في طيب نفسٍ لطيفه=علّــه يبدّل كلمةٍ امـس قاله


تر ربعنا يـوم الليال المخيفه=سقم الحريب وعز منهو لجاله


حازوا على كل العلوم المنيفه=ستر العذارى ليانتخة في رجاله


وكد قيل( واديار الجماعة مريفة)=ولّـلّـه درّ الـي سـبقنا وقاله


اما أنت لاترمي على النار ليفه=اكبح جموح النفس عما طراله


مـالك ومـاله, الـمزيف وزيـفه=ارفع يمينك عن مصافح شماله


دامك تقول انه مزيف, بكيفه=الريح عمر ماتحرك جباله


ومسيلمة ماضـر وادي حـنيفه=وانت تعرف كل العلوم ومقاله


وياما حصل بعد المغازي نكيفه=ولاكـل نفسٍ لـه تحقـق مناله


وصلاة ربي عد مالشمس شيفه=علـى نبياً كلـمة الحــق قاله

سطم فهد الخليل






.

[سطم فهد الخليل]

مساجله
بيني وبين الشاعر وعلان بن شرهان

اطرحها امامكم مع وافر الأحترام
ليامن ضاق الصدر والرجل ساجه ..!!!

يـامــن ضـــاق الــصــدر والــرجــل ســاجــه=اســجــهــا وادلـــــه الـــصـــدر لاضـــــاق


وكــلٍ عـلــى مــا قـيــل يـمـشــي بـمـزاجــه=ولـلـنـفــس رغـبـاتــه ولـلـقـلــب مــاشــاق


وانــا لـيـامــن الـــروح بـالــصــدر لاجـــة=كـنــه تـبــي عــن داخــل الـصــدر مـنـطــاق


أورّده شــبــيـــه تــيـــمـــاء وهـــداجــــه=الـلــي عـلــى الــطــولات مــغــرم وعــشــاق


راعـــي دلالٍ بـريــحــة الــهــيــل فــاجـــه=مـــع عـــودٍ ازرق لـلـرجـاجــيــل يـنــســاق


الـلــي يـحـيــي بـــك ويـضــحــك حـجــاجــه=مــن مـعــدنٍ طــيــب ولـلـطــيــب يـشــتــاق


لــه مـجـلــسٍ فـيــه الـنـشــامــا تــواجــه=والـقـلـب لـمـقـابــل هــاك الـجـمــع تــواق


ســوالـــفٍ مــاهـــي ســوالـــف ســمــاجـــه=عـلـوم الـرجـال الـلـي لـه الـنـفـس تـشـتـاق


مـابــيــن شــعـــارٍ ومــابــيــن هــراجـــه=مــا طــاب مــن هــرج الـنـشــامــا ومـــالاق


والــبــاب مـايـقــفــل بـقــفــلٍ ومــزلاجــه=مـفـتــوح بـابــه مــن قـبــل وقــت الاشــراق


الـطــيــب يـــا وعـــلان لـبــســت تــاجـــه=تــاج الـشــرف مــاهــو بــتــاجٍ بــالأســواق


ذا قــول مـــن لاقـــال مـــن شـــان حــاجــه=لابــاغــيــاً شــرهـــه ولا هـــــو بـــمـــلاق


لاشــــــك راع الــطـــيـــب لازم يـــواجــــه=بـكـلـمــة ثـنــا لـوهــي سـطـورٍعـلــى اوراق


وصـلـواعـلــى مـــن خــصــه الله بـمـعــراجــه=اعــــداد مــاهـــل الــمــطــر ولاح بــــراق
سطم فهد الخليل
:shm :
هـــذا رد الـشــاعــر وعـــلان الــشــرهــان ..!!!



قــال الـــذي نــظــم الـقــوافــي مــزاجــه=يــادق بــه مــن هــاجــس الـشــعــر دقـــاق


لــو غــاب عــن ســوق الـقـصـيــد وحــراجــه=دولاب فـكــره مــع هــواء الـشـعــر يـنـســاق


مــالــه ومـــال مـقــلــديــن الــخــواجــه=يـمـشــي وراء ســيــرة شـريـفــيــن الأخـــلاق


يـاصــار فــي بـيــت الـقـصـيــد اعـوجـاجــه=مـهــجــور لـــو دون عــلــى بــيـــض الأوراق


ولــو زاد فـــي كـــل الـمـحــافــل رواجـــه=الـشــعــر لـــه حــافــض ورافـــض وعــشــاق


سـطــم خــذا الـصــافــي وخــلــى هـمــاجــه=والـيــوم اجـمــع مــا بـقــا جـــل ودقـــاق


ان طـار بـعـض الـمـجـتـمـع بــا الـعـجـاجــه=وصــاروا وراء بـعــض الــعــرب مـــوس حـــلاق


ابـــو فــهــد وضـــح لــهــم كـــل حــاجــه=وبــيــن لــهــم درب الـهــدايــه والأوفـــاق


عــلــى الــوفــا مـتـبــيــنٍ بــالــزراجــه=وعـلـى الـعـهـد مـاهــو مــن الـنــاس بــواق


يـــدري وش الــعــلــه ويــبــخــص عــلاجـــه=لـــه ذوق مـتـمــيــز عــلـــى كــــل الأذواق


نـقــرأ عـلــى وهــج الـقـوافــي انـتــاجــه=هـو راعـي الـمـعـنــى وانــا صــرت مـلـحــاق


يـالــي تــبــي طـــب الـنــفــوس وخــراجــه=فـــي ســاعــة فـيــهــا يـجــفــن الأريـــاق


احـســن عـمــل دنـيــاك قــبــل الـمــواجــه=والــرزق عـنــد الـلــي كـفــيــلاً بـــالأرزاق


ان مــا صـفــت لــك بـيــض الأيـــام نــاجــه=يـسـمـعــك لــو انــك ورى ســبــع الأطــبــاق



وعلان حماد الشرهان





.

[سطم فهد الخليل]

قبل حوالي اربع سنوات
كنت اتردد مابين الرياض والدمام
ساعياً لنقل ابني من معهد سكيكو بالدمام الى الرياض
الحاصل انها تعقدت الأمور نسبياً بالنسبة لنقل الولد
لذلك جاءت الأبيات التاليه شبه لاإرادية
كنت اتغنى بها في الطريق كفضفضه وترويح
والحقيقة ان كانت لي نظرة ثاقبه و ماخابت
كانت نظرتي برجل احسست انه عاش معي في واقعي
هو (على بن محمد الشهراني)ادارة الرياض
الأبيات
00 ابيات و مناسبات !!!

هــاض شـعــري مــن ضـمــيــري وابـتــديــه = بـأســم ربٍ فــي خـفــا قـلــبــي عـلــيــم
ويــالله انــك تـحـفــظ ابــنــي وتـهــديــه = وتـجـعــل امــره فــي يــدي رجــلٍ رحــيــم
راكــب الـلــي مــن حـفـيــزه مـشـتــريــه = مــن مـكــانٍ خــابــره غـــرب الـنـســيــم
بـالـمـعــارض و الـشـريــطــي مـايـجــيــه = مـا يـجـيـه الا الـكـريــم ابــن الـكـريــم
لــو دفــع بـــه رأس مــالــه وشـعـلــيــه =مــا حـســب مــيــراث مـــالٍ لـلـيـتــيــم
جـيـب لـكـسـز صـافـيــاً مـثــل الـجـنـيــه = كـــن صــوتــه لااشـتــغــل هــتــان ديـــم
يـالـوكـيــل الـبـازعــي حـافــظ عـلــيــه =لاتـبـيـعـونــه عـلــى غــيــر الـحـشــيــم
لا يــجــي فـــي مـركــبــه الا الـنـبــيــه =الـحــذر لا يـركــبــه خــطــو الـغـشــيــم
اركــب الـبـطــران يـالــرجــل الـنــزيــه = واسـتـعــذ بـــالله مـــن نـــزغ الـرجــيــم
وانــص رجــلٍ مـــن ذوي بــيــض الـوجــيــه = مـــن بــنــي شــهــران رجّـــالٍ حــكــيــم
لابـــةٍ مـــن لاذ بـحــمــاهــا تـحــمــيــه =طـيـبــهــم مــيــراث مـــن جـــدٍ قــديــم
ولا وصـلــت ل(عـلــي) سـلــم لــي عـلــيــه =مـحــزمــي وســنــاد راســـي والــبــريــم
وقــل لــه انــي بـعــد ربـــي ارتـجــيــه = والاشـــارة تـكــفــي الــحــر الـفـهــيــم
وكـانـهــو لـــي ده صـــدره فـــي يــديــه = والله انــــي فــايـــزٍ فـــــوزٍ عــظــيـــم
وان حـصــل لــي يـارسـولــي مـــا ابــيــه =اعـلـنــوا قــيــام حــفــلٍ بـالـنـظــيــم

سطم فهد الخليل

حصلت على إيميله وارسلت القصيدة وبعد يومين ذهبت اليه بمكتبه
وكان عنده اجتماع وقتها ودخل عليه السكرتير وطلع من الأجتماع بنفسه
قال0 انت سطم الشمري قلت ايه0 قال بشر ولدك بالنقل ياشمري
انتهى الاجتماع وخلت عليه وكان يقول والله انتم يالشعار ينخاف منكم
قلت له0 لا0يابو حاسم انا ان حصل لي مطلبي شكرت وان ماحصل عذرت
.
النتيجة يااخوان انه تم نقل الولد على يد هذا الرجل وبجهد جبار منه
شكراً له مني كل دقيقة وثانيه وجزاه الله صلاح النية والذريه والحياة الهنية

00 ابيات و مناسبات !!!

قــال مــن نـظــم الـقـوافــي يـبـتــديــه = والـبـدايــة ابــتــدي بــســم الـرحــيــم
واحـمــد الله واشــكــره واثــنــي عـلــيــه =جـــل شــانــه فـــوق ذو عــلــم عـلــيــم
وبـعــد هــذا شــد حـيــلــك يـالـنــزيــه = فــوق جــيــبٍ واصـفـيــنــه مـــن قــديــم
وخــذ كــلامٍ مـــن ضـمــيــري مـنـتـقــيــه =أســأل الله يـجــعــل الـمـنــطــق سـلــيــم
وانــص (عـلــي )فــي بــيــاضٍ يـعـتـلــيــه =مــثــل بـــرقٍ لامـــعٍ فـــي وســـط غــيــم
خـــص عــلـــي بـالــبــيــاض ووالــديـــه = وعــم شـهــران الـعـريـضــة يـالـهـمــيــم
وصـح لـشـهــران الـعـريـضــة هـيــه هـيــه =اسـمـعـوا مـا اقـول مــن غـيــر تـعـلـيــم
يـابـنــي شــهــران بـيــضــان الـوجــيــه =لـقّـبــوا رجــال لـكــم بـأســم الـزعـيــم
والله انـــه مـكــســب لـخــالــه وابــيـــه =طـيــب ســاس مــن الـرجــال الــى حــريــم
يـوم جـيـتـه0 قــال( سـطــم)0 قـلــت إيــه =قـال انـا ابــي اقــول قــولٍ بـالـصـمـيــم
بـشـر ابـنـك يـا (سـطـم ) بـالـلـي يـبـيـه =امــر نـقـلــه مـصـدريــنــه بـتْـعـمــيــم
صــاب ظـنــي يــوم انــا اسـنّــد عـلــيــه =اشـهــد انـــه حـــر مـاصــيــده هـلــيــم
بــيــض الله وجـــه عــلـــي مــــع ذويــــه = واكــرمــه بــرضــاك يــالــرب الـكــريــم
واسـعــده يــارب واصــلــح لـــه بـنــيــه = واجـعـل امـره مــن نـعـيــم الــى نـعـيــم
واحـفـظــه مــن ســـو بـقــعــا لايـجــيــه = وثـبّـتــه فــوق الـصــراط الـمـسـتـقــيــم
غبت عن مجلس ابو عبد الله بزيع بن سودان الوبير
خلا ل هذه الفتره وقبلها ذهبت الى مكة المكرمة لأداء العمرة
لذلك افتقدني في مجلسه الذي نجتمع عنده كل يوم الصباح
فصار يتصل بي ويتطمن عليّ وعن سبب غيابي ويقول
وينك ماشفناك من يوم السبت
مجاءت هذه الهجينية

00 ابيات و مناسبات !!!


بــزيــع0يــزهــم يــامـــنـــي غـــبــــت = يــــقــــول يــــاعــــل مـــاخـــلافــــي
يـقـول0ويــنــك مــــن يــــوم الــســبــت =لـــــك عـــــدة ايـــــام مــاتــشــافــي
واقــول0طـــيـــب ســلـــمـــت وطـــبــــت =عــــســــاك طــــيــــب ومــتــعـــافـــي
اخــبـــرك بــالــلــي حــصـــل لا خــبـــت = يــاطـــيـــب الاصـــــــل يـــالـــوافـــي
الأولـــــــة0 لـــلـــحـــرم غــــربـــــت = واطــــوف مــــن عــــرض مــــن طـــافـــي
والـثــانــيــة0 لــلــخُــبــر غــيــبـــت =اســـعـــى عـــلـــى لـــــم الأطـــرافـــي
يــابــو عــبــد الله نـحــاضــي الـنــبــت = عـــســـاه لـــنـــا ولـــكـــم يـــافـــي
عــلـــى مــثـــل حــضــرتـــك اوجـــبـــت = لــعـــلـــي الــقـــالـــي ســـنـــافـــي
وان كــان انــا لـنـقــل عـيــســى جــبــت = نــذبـــح لـــكـــم حـــيـــل وخـــرافـــي
ويــابـــو عــبـــد الله لــوانـــي غــبـــت =عــلــيــكـــم الــقـــلـــب مــيـــلافـــي

سطم فهد الخليل

[سطم فهد الخليل]

كونك ليس شاعراً هذا شيء عادي
ولكن الشيء الغير عادي هو ان تعيب الشعر بجميع اغراضه

اليكم هذه المقطوعه الشعريه موجهه الى من قال
ان الشعر لامفرح صديق ولا مغيض عدو

0000 الشــــعــر0000 .. !!!

ياللي تقول الشعر مامنه مصلوح = لامفرّح صديق ولا للعدو غاض
احذر ترى هرجك مع العالم يروح=احفظ لسانك عن بعض قول الألفاظ
لايلحقك من بعض الألفاظ ساموح = وتبلش بقالاتٍ طويلات وعراض
اما انا اقول لك روح مسموح = وهاك استمع نرف المشاعر لياهاض
الشعر للشاعر يخفف عنى الروح = مثل العلاج اللي يداوي له أمراض
وكنّك بسرك لأقرب أصحابك اتبوح = اصدق صديقٍ لك للأسرار حفاظ
يعني. كما تضميد جرحٍ لمجروح = وإلا الشعر ماقيل يقضى به أغراض
وبه يتسع صدرك مثل مفرش السوح = والشعر وبلٍ يسقي السوح يافاض
وأحيان توجس داخل الصدر ذابوح = اوكن يقرض داخل القلب مقراض
وتحس بعض اشعار تعالج لك جروح=وبه تكتفي وعن بعض الأصحاب تعتاض
مفهوم وإلا ماهو بمفهوم يا ( ؟ )= احذر قبل ينحط بالسانك ( ؟ )



سطم فهد الخليل

[سطم فهد الخليل]

هذه الابيات قلتها قبل حوالي عشر سنوات
الا انها دائماً ماتطلب مني في المجالس
لهذا اطرحها امام النشامى مع التقدير

00ياللي تمنون الفلل والملايين00 .. !!!


يـالـلـي تـمـنـون الـفـلـل والملايين=مـانـي معـارضـكـم بماتطـلـبـونـه
ادعــي لـكـم واقــول يـاربـي آمين =حـقـق لـهـم يــارب مــايرغـيبونـه
لكـن تعالـوا يالربـع نـاقـف شوين =بـالله عليـكـم هرجـتـي تسمعـونـه
ترو الحظيظ اللي سليـمٍ مـن الدين =وجماعتـه فـي مجلسـه يدهلونـه
ويقدر على وصل الضعوف المساكين =ويقضي لزوم اللي بحاجه يجونه
وان حل ذكره بمجلـسٍ قيـل نعمين =وليـا سعـى فـي مطلـبٍ يقـدرون
وعنـده عـيـالٍ عــن الرذيـلـه بعيديـن =راس الابــو بأفعالـهـم يرفعـونـه
وعنده من الخفرات وحـده عـن اثنين =تربّـي عيالـه وسـر بيتـه تصونـه
ودايـم يكـون اول صفـوف المصلين =ولـه بيـت ملـكٍ عيلـتـه يسكنـونـه
وكافيـه ربـه شـر انـس وشياطين =شـر المظـل وشــر مــن يلمـزونـه
هـذا قبـل يوضـع علـى راسـه الطين =وقبـل الـربـوع بحـفـرةٍ يدفنـونـه
وإلا بعدْهـا مابقـى مـن المنـى شين =إلا رجــا رحـمـة حكـيـمٍ بكـونـه
ارجيـه يلطـف بـي ومـن النار ينجين =انـا ومـن لطـف الـولـي يرتجـونـه
واليا حصل صحة وستر وحفظ دين =باقي الامور ان ماحصـل يجـازدونـه

سطم فهد الخليل

[سطم فهد الخليل]

مشاركتي بحفل ال عبيدل بقطر

السلام عليكم
توني ياي من قطر
الله يحييكم
**
بكل شرف
تلقيت دعوة من الأخوان الاعزاء ال عبيدل( العبيدلي)
لمشاركتهم فعاليات احتفالاتهم باليوم الوطني القطري
حضرت الى هناك يوم الأحد الموافق 18 ديسمبر
اطرح امامكم المشاركة مع جل الأحترام لكم ولهم

**

00 مشاركتي في احتفال ال عبيدل في قطر00 ..!!!


ســلام مـنـي يـالـوجـيـه الـمـسـافـيـر= تــحــيــةٍ اوصــى بــهـا ديـن الاـسـلام
والله يـمـسّـي مـن حـضـر حـفـلنا بخير= الــحــاضــريـن بـحـفـلـة رجـالٍ كـرام
حـفـل ال عـبـيـدل وافـيٍ دون تـقـصـير = وحـنـا0وفـاهـم خـابـريـنـه مـن العام
مــاهـو جـديـدٍ طـيـبـهـم تـوه يـصـيـر= مـن الـعـام وقـبـل الـعـام وقـدمه وقدام
قـومٍ لـهـم فـي صـفـحـة المجد تسطير =بـحـد الـمـهـنّـد مـاهـي اساطير ووهام
مـيـراثـهـم حـدب الـسـيـوف الـبواتير=عـز الـصـديـق ولـلـعـدو عـوق وكعام
وبـبـيـوتـهـم صـفـر الـدلال الـمـباهير= لـلـضـيـف0والا الـضد له رمح وحسام
وحـنـا نـتـشـرف لـيـادعـون المناعير= وكـريـم دعـوتـهم على صدورنا وسام
والـحـفـل0حـنـا0يـوم جـيـنـاه0تقدير = اجــابــة الــدعــوه0ولـلـداعـي اكـرام
وعـيـد الـوطـن ودعـوة رجالٍ مشاهير=وحـفـل العبيدل لازم نشارك به الزام
وعـيـدك مـبـارك يـاقـطـرشـعب وامير = جـيـنـا نـسـاهـم بـالـفرح معكم اسهام
وعـسـى قـطـر واهل قطر دوم في خير= حــب وتــآخــي بـيـن شـعـبٍ وحـكـام
وقـطـرتـغـيـروصـار شـكـله قطر غير=وفـيـمـا نـشـوف الـيوم فرقٍ عن العام
تـغـيـرت بـيـديـن مـن واصـل الـسـير= ســواه لــوحــة رسـم ريـشـه ورسـام
الـشـيـخ ابـو مـشـعـل سـليل المواكير=مــن مــاكــرٍ صـيـده جـزيـلات يـاحـام
عـاش الأمـيـرمـسـطّـر الـمجد تسطير =حــمــد0 مــســيــره دايـم الـدوم قـدام
وهــذا مــجــرد بـوح روحٍ وتـعـبـيـر = وإلا الـقـصـايـد يـاقـفـن عـنـكـم اقـزام
قـلـتـه وانـامـن دولـة الـعـز والـخـيـر= الـلـي عـلـمـهـا غـيـر عـن كـل الـعلام
للراس تاج ولي ذرى عن المعاصير= دار ال ســعــود مــزبـنـة كـل مـنـظـام
وخـتـامـهـا بـتـسـبـيـح وحـمدٍ وتكبير = مــبـداه بالسلام وحـمـداً لـهـا خـتـام


سطم فهد الخليل
(ابو فهد)

[سطم فهد الخليل]

خلال زيارتي لقطر انا والأخوين الفاضلين
الأديب والشاعر عواد ابن شقاء الخليل
والعضوالبلد مدغش بن محمد العجيلي
قمنا بزيارة للأخوين الكريمين
سعدي ونهار ابناء هيشان الوبير
وجلسنا جلسة ضحى ممتعه بكل المقاييس

بعد ان عدنا جلست مع نفسي بنفس التوقيت واستحضرت الصورة
وارسلت الأبيات التاليه
0000000تبادل رسائل000000!!

عبر الفضاء 0 ازكى سلام وتحية=تحمل معه عنبر وكادي وريحان
هديةٍ لأهْلْ الوجيه الرضية=ارسلتها مخصوص لعيال هيشان
سعدي ونهار لهم حقوقٍ عليه=وانا بعد لهم محبٍ وشفقان
جلست معهم جلسةٍ اريحيه=عز الله انه ماتقدر بألأثمان
جلسة ضحى مع الوجيه النديه=منها عليل القلب يصير طربان
قبلتْ علوم ودلةٍ شاذليه=فنجالها يغدي خوى كل عمسان
وابن شقاء وابن العجيلي خويه= كني مجيدع وكن الأثنين شلقان
سطم فهد الخليل
:shm :
فرد نهار بن هيشان الوبير عبر الجوال ايضايقول!!


يامرحبا واهلين بأهل الحمية=وان قيل منهم قلت بالاسم يتمان
مرورهم يزيدنا معنويه=وياشفتهم يطري علي سور برزان
حازوا علوم الطيب بألأقدميه=ماهم جديدين يريدون برهان
ابو فهد نفرح بحزة مجيه=وابو شقاء هو والعجيلي كحيلان
ربعن لنا يوم العلوم المضية=يومن نجدٍ بس نارٍ ودخان
ماتمشي الآ بالعزوم القويه=سدناه من عمّان لحدود نجران
في قول ابن حثلين زبن الونيه=شهادتن حيّه من الشيخ راكان
نهار بن هيشان الوبير

[سطم فهد الخليل]

اقـــول ان الأبــو و الجــد شــــمـر

ابـيـات مـنـبــريــه مــن الأرشـــيـف

تســتعـرض امــام النشــــامـى مع التحية


000اقـول ان الأبــو و الجـــد شــــمـر 000 !!


سلام الله بمسكه وبعبيره =يعم الكل من شمر وغيره
اقوله واحترم كل القبايل=واخص بكلمتي ربعٍ ذخيره
بداية كلمتي يارجال شمر=بذكر الله وابطلب منه خيره
وثاني كلمةٍ ياعيال عمي= سلام الله على وجيهن سفيره
سلام الله على عبده وزوبع= وسلام الله على الأسلم واميره
جمعنا الله بين اجاء وسلمى= بمجرى الطيب او انه محيره
بدارٍ جاد به حاتم وعنتر= وجعلها الله للاجواد ديره
وشمر جادو بحايل وسادو= لهم تاريخ وامجادٍ وسيرة
ولو ان الهرج عن حايل وشمر= يطول الشرح بعلومٍ كثيره
ولكن مقصدي باقول كلمة =ولا تخفى على وجيه العشيره
اقول ان الابو والجد شمر =ولاجدٍ لنا بعده وغيره
واقول احنا السناعيس الطنايا= واهالي لحيسةٍ لوهي كثيره
واقول اجاء مع سلمى وحايل= وشمر نجد وشمر بالجزيره
اسامٍ لامعه بين القبايل= اهل امجاد وصحونٍ كبيره
واقول لمن بغى نيل المعالي= يحاذي بالعمل ذيك المسيره
وترى شيءٍ يناله من سعاله= يعم الكل في شره وخيره
وترى الفرقه ذهابٍ للقبايل= تعادل سـل سيفٍ من جفيره
وانا ماحب اطول بالقصيدة= لو ان القافية ماهي عسيره
وكلامي يفهمه من كان منكم = سديد الراي او حسن البصير
وختام القول انا اصلي على اللي= عمر جاره وابو بكرٍ قصيره



سطم فهد الخليل
ابو فهد

[سطم فهد الخليل]

تعززوا للعود وان هزه الشوق
00000تعززوا للعود وان هزه الشوق00000 !!


الله من شي ٍلقيناه بالسوق=بدولة قطر ياليت ماجيت سوقه
غروٍ بصدري حط له قطعة فتوق=والقلب قطّع في يدينه عروقه
يمشي وهو ثوبه على الساق مشقوق=وياليت في ثوبه كثيرٍ شقوقه
وثوبه على جسمه وسيعٍ وبه ضوق=وتحت الحزام شوي, يبين ضوقه
إن قلت زملوقٍ فهو شكل زملوق= وان قلت لا. شمسٍ بدت في شروقه
بنظرة عيون بدون هرجٍ ومنطوق=كنه يقود القلب, وانا تقل اسوقه
ياهيه هاك القلب مهدا ومسيوق = وخذلك هدية, دونك الروح فوقه
سبحان ربي, يوم سواك مخلوق=وأعطاك شيءٍ, مابعد شيء فوقه
يعني عسل شهدٍ مصفّى ومغْلوق= ياحظ من يفتح غلقْه ويذوقه
وتعززوا للعود و ان هزه الشوق=يبي يطير ويربطنّه ا سبوقه
مضى ثلاث ايّام ماغمّض الموق=عيني لذيذ النوم عيت تذوقه



سطم فهد الخليل ابو فهد



تقديري واحترامي للجميع
اعتز بهذا المرور


يامن مرافقكم به العز مرفوق= الله جعلني بينكم من وفوقه
مروركم تاجٍ على الرأس من فوق=والكل منكم فوق راسي حقوقه
شكرا على التعبير والحس والذوق=لايابعد عشقة سطم ومعشوقه
انتم فزع من ضيّع القلب بالسوق=وهلكم فزع من شلّوا القوم نوقه
والعشق مهما كان للقلب لاحوق=كم واحدٍ ذاق الخساير بسوقه
دوك ألزميلي انقطع بقلبه عروق=ومشعل ولد عسام طاح معلوقه
الكل منهم يشتكي تقل مفلوق= ويقول كبدي من الغرام محَرُوقه
ان طاوعوني فيه لحْمة بمرقوق=مابه دسم وأيضا الحلا مانذوقه
أحسن لنا من عاشقٍ ماهو معشوق=حظه من ألوسمي مخايل بروقه





طبعاً ذكرت شابين من النشامى
وللجميع جزيل التحايا والشكر
من أخيكم ابو فهد

[سطم فهد الخليل]

(اضعف ضعيف)0(اقوى قوي)0(افقر فقير)0(اغنى غني)

00 (اضعف ضعيف)0(اقوى قوي)0( افقر فقير)0( اغنى غني) !!!


يالله يامن بالفضاء تجري الأفلاك =وخلق السماء والأرض ماهو مكلفك
أنت الملك والخلق كله لك أملاك = وجميع مابالكون لك و بتصرفك
يا مطهّر المسلم بعودٍ من الراك = يامبرّيٍ زوجت رسولك من الأفك
سترك من الخسران في يوم لقياك = يوم ان كلٍ يلتجي فيك خايفك
ألطف بحال اضعف ضعيفٍ بليّاك = واقوى قوي لياخذا من وصايفك
وافقر فقير ليا حُرِم من عطاياك = واغنى غني ٍ ليا عمل في وضايفك
عبدك ذليلٍ لك وسجّاد لرضاك= في هيبتك مؤمن وهو ماهو شايفك
يالله في لطفك وعطفك وحسناك= ياغافر ذنوب المسيئن ما لطفك
تغفر ذنوب اللي نصاك يترجّاك=يرجي منك رحمه ويرجي عواطفك
ويا المستمع أفهم كلامي لياجاك = اعمل بأمر اللي على الغير شرفك
اللي خلقك من العدم ثم سوّاك=كمّلك عقل وخيّرك يوم كلفك
وا شكر فعل ربك على كل ماعطاك=واعرفْه حتى انه ليا احتجت يعرفك
وليا حفظته بالرخاء ماتناساك=يحفظك بالشدة ليشتد موقفك
واحرص على من فيهم الرب وصّاك=أولهم اللي في يديها تنظفك
أمك ثم أمك ثمٍّ أمك وأباك=عطف وحنان بين الاثنين يلحفك
ابذل لهم وسعك من أقصاك لدناك=واخفض لهم جناح ذلٍ يشرفك
للحي في جهدك وللميت بدعاك=عند الله اجر وعند خلقه ينوفك
وسبحانك الله وبحمدك دعيناك=أنت الكريم وجاك مسكين ضايفك

سطم فهد الخليل
ابو فهد

[سطم فهد الخليل]

السلام عليكم

من الأرشيف الى النشامى

نبحث عن مايرضي اذواقكم
00 00000يالآدمي مادام مبداك من طين00000 !!!





يالآدمي مـادام مبـداك مـن طيـن=أولك طيـن وصـرت دمٍ بالأصـلاب


وتكوْنك مـن نطفـةٍ بيـن زوجيـن=من الصلب مي يقابله مـي الأتـراب


ومن علقهْ مابين. حيـوان. اوجيـن=أو مُضغةٍ مابه عظـامٍ ولا أعصـاب


الله رعاك وكـوّن اعضـاك تكويـن=وأصبحت كاين حي يحسب لك حساب


ومن ظلمتك خرجت مع ناس حييـن=مبداك طين ونشأتك حمـل وانجـاب


ثم صرت. قوة ضاربـه بالمياديـن=عظيم شانك مـدركٍ كـل الأسبـاب


ويحسب حسابك من حساب السلاطين=وسويت عن سطح القمرعلم وكتـاب


لكن ترى يحل ضعـفٍ بعـد حيـن=لاتغـرك القـوة وتفتيـل الاشنـاب


مهما بلغت من العلا فأنـت مسكيـن=نها يتك تعـود فـي طيـن وتـراب


وحفره. وقطعة خام. وغسلٍ . وتكفين=هذا الذي يقـدر يسويـه الأحبـاب


وبحفر تك يأتيك مـن ربـك اثنيـن=واحد بشير و واحدٍ خوف وارعـاب


احسب حسابك قبل عـدل وموازيـن=قبل الوقـوف بلابشـوتٍ ولا ثيـاب


قبل الوقوف وكلنـا حفـاة عاريـن=عُُراة غُرلا حضـور مافيـه غيّـاب


لا تنخدع في طـول ألايـام وسنيـن=وتْقـول . إن الله غفـورٍ وتــواب


الله غفور. يغفر. ذنـوب المسيئيـن=لكن ترى عنده لنا حسـاب وعقـاب


واعلم ترى عمرك فقط بس يوميـن=يومٍ مضى واليوم هذا علـى البـاب


احـذر تكـون مطـاوعٍ للشياطيـن=من الجن وإلا من شياطين الأصحاب
سطم فهد الخليل
ابو فهد

[سطم فهد الخليل]

البرق يلعج والمزون استهله =وقصيدتي هذه بليا عنـاوين

قصيدتي هذي بليا عناوين ..



ياصاحبي صاحبك بالله قل له = قله يتعوذ من شرور الشياطين
وقل له ترى شيطان نفسه يظله = والناس مثله له نفوس وشياطين
وترى العمى يلقى بصيرٍ يدله = مار العمى ياصاح ماهو عمى العين
نصيحةٍ من واحـدٍ ناصحٍ له = قل لايزيد إراقة الماء على الطين
ويا صاحبي قل له ترن عزوت ٍله = لايحسبني ناوي إيسار وأيمين
وقل له ترى صيته وبيته وبلّـه = روحي فداهن كان حصل لهن شـين
وابي انصحه لا شـفت عليه زله = والنصـح يشرونه بجلّ البعـارين
وحـنا مـاحـنا فئـة مسـتقـلـه = شـراكـةٍ بالدم والعـرف والـدين
والجـد ضيغم جـد عبـّود كلـه = رفـاقةٍ واللـه تعـدْل المـوازين
وتجاهل الجاهل ومثله وخله = واحشم عن الهزلة شعور الشريفين
ترى الجماعة مثل سيفٍ تسله = يجبر بهم عظمك وتوفي بهم دين

سطم فهد الخليل
ابو فهد

[سطم فهد الخليل]

اكـــــبـــــر غـلـــــــــــــــط

بعيداً عنكم

00000000اكــــبــــــر غــــلــــــــط0000000 !!!

اكبر. غلط . لامنك . اخلصت . لانسـان=تعطيـه. مجهـودك . ويعطيـك . صـده

وهو يدري. انه . بك مقصر. وغلطـان=لكن. يديـره . واحـدٍ . عنـك . حـدّه

ودك . يتحوّل . مثـل هـاذاك . دخـان=وتهب . ريـحٍ . مـن شمـالٍ . بشـده

وتطيره . بين .السماء وبين .الاوطـان=تبعـده عنـك . ولأهـل بيتـه . تـرده

وتعمل(Delete) لأسمه بلا كثر صدقان=ولا . للكـــراهـيـة . ولا . لـلـمـــوده

واسمـه . بجوالـك. تسميـه. (نسيـان)=وتحط . له . نغمتْك . مـن غيـر. رده

وان لاح .لك يأشّر. وموتـره . خربـان=اضرب هرن قل (طيـط) ومـر وتعـده

طيرك. ليامنه . خـرب طبعـه. وشـان=اقطع سبوق . الطيـر . وبالجـو هـدّه

سطم فهد الخليل
ابو فهد

[سطم فهد الخليل]

نبي نتسامح
نبي نتسامح !!!

الله يبيض وجه وقت المعاسير = يكشف خفا ما يجهلنك من أخبار
ويعرَفنّك ناس عرفك لهم غير = عن ماتظن تشوف ممشاهم يسار
وأيضا تبيَن لك رجالٍ مناعير = لأجل الرفيق تسوق ماله والأعمار
ناسٍ تبيع الروح بأردى المخاسير = لرضاك وان حصل الخطأ منك صبار
ولولا الفعل وش يفرق الطير عن طير= الكل منهن له مخالب ومنقار
وكل الطيور تخلق بريش ومناقير = لكن بعضهن له مناقيره قصار
وبه فرق حتى بصرف بعض الدنانير = ما كل دينارٍ يجي مثل دينار
دينار عن دينار في قيمته غير = وحتى الذهب يكون له وزن وعيار
والفرق حتى في صغار المسامير=فيهن ردي وصلب وطوال وقصار
ومن بينهن ماهو صبورٍ على الكير = اسأل ويعطيك الخبر عنه نجار
ويا صاحبي الله يذكرك بالخــير = والله يحرَم والدينك عـن النار
منك السموحة ان حصل مني تقصير = واناابي أسامح حضرتك بكل ماصار
نبي نتسامح قبل ربح ومخاسير = قبل الفراق وقبل قصاف الأعمار

سطم فهد الخليل

[سطم فهد الخليل]

السلام عليكم

عندما أُعلن بأن الشيخ غازي الياور رئيس للعراق

صار هناك كلام كثير وتعليق بين الكثير من الناس

مثل شمر صارو حكام وحائل للتقبيل ومثل ذلك من باب المزح

واستحثني بعض الأخوان بالرد على من ياخذ ذلك بماخذ الإستهزاء

فقلت
0000الحرّ يفهم والبهيمه بهيمه0000 !!!

أبو فهد يقول زينات الألحان =تسمَعوا يااهل القلوب الفهيمه
إنذار بالمخفي شديدٍ ليابان =ولاكل غلطه تقتفيها تعليمه
الخيل يرفع روسها لجام وعنان =والعوص يعبا له خزام وشكيمة
والكدش كدش وتنربط بأردي الأرسان =والحرَ يفهم والبهيمة بهيمة
ومن يلمز الاجواد في هرج حقران =لو انه اقرب حي أنا خصيمه
حنا قديمٍ بالجزيرة لنا شان =وأمجادنا مع الجديدة قديمة
حنا الطنايا مجدنا بكل الأوطان =ايَِام بضعات الغريم بغريمه
ماهو بتوه حكمنا اليوم يافلان =حكام من حكام سنينٍ مقيمة
من عصر اخو خنسا إلى يومنا الآن =عند العرب لنا مقامٍ وقيمة
وعبد الله المصطور وعبيد الاخوان =بنوا لنا مجدٍ بعزم وعزيمة
يشهد لنا قصر الاعيرف وبرزان =وتشهد لنا ارض الرياض وقصيمه
ومن الجبل ياما تجي ديرة عمان =ومن المدينة لين شرقي رحيمة
ومن شرق سورية إلى غربي إيران =ايضاً بعد منا وفينا زعيمة
ان قيل منهم قلت ياهيه جربان =مثل الجبال الراسيات المقيمة
تاريخهم يعرف على مر الأزمان =وأفعالهم بين القبايل عظيمة
حكام بالقالات فرَيس ميدان =ساس الكرم أهل الوجيه الكريمة
وأيضا بعد عندي كلامٍ وبرهان =ان عودة على طبوعه حليمة
واليوم في حكم الفهد ما نبي ثان =بالعهد نافي والنوايا سليمة
حنا العهد نعطيه وزنٍ بميزان =ومن يبخس الميزان اكبر جريمة
وأبي السموحة كان بالقيل نقصان =ما أخذت أنا ضد الخطأ أي بيمه
وصلوا عدد ما ردد حروف قرآن =على الذي بالغار زاره كليمه

سطم فهد الخليل

[سطم فهد الخليل]

0000النصيحة تشترى بسوق الحراج0000!!!

قال من يازن كلامه ياهرج = مايتخبط لين يودع له عجاج


هرجتي اختار له بعض الفرج = واتحرص لاجي فيها اعوجاج


وآزنه وزنن مثل مشي الدرج = واحبسه حبسة اسير في سياج


لين يأتي له مكان ومخرج = وبالمقابل انتظر حسن المزاج


ثم أقوله لمن بغاه بلا حرج = النصيحة ماتجي بسوق الحراج


جـاك مضمـون النصيحة يافرج =من نصوحٍ فوق طرس بلون زاج

في البداية خذ مكانك بالزرج = خل دربك واضح مع الزراج


وانتبه من منطقك لامن خرج = لايجي به زلةٍ ولا ارتجاج


ولاتقاطع هرج رجال هرج = ولا تحذف وأنت بيتك من زجاج


وانتبه من مسلك الدرب العوج = والظلام ليا حلك دوّر سراج


وأحذرك من هرجة مع الهوج = والهوج يجذبك لدروب الهواج


وابتعد من مشية مع الهمج = والهمج دايم تورد للهماج


ولاتوقف ماقفٍ منه الحرج = مايفيدك لو رفعت الاحتجاج


ولا تباها في كبيرات الحجج = ومايجييك من الحجج الا اللجاج


وكل شيء بعد ما يكثر سمج = والتسمم سبته كثر العلاج


والقطا مي بالنظر لامن بلج = يرفع النظرة عن فروخ الدجاج


وكل موقف صعب يقفاه الفرج = وكل ضيقة دوم يقفاه انفراج


ومن مشى بالدرب لو انه عرج = يظهر الله بعد ذلك له خراج



سطم فهد الخليل

[سطم فهد الخليل]

هذه احدى المراسلات بيني وبين بندر بن مياح الوبير0000مساجله بيني وبين بندر الوبير0000!!!

سطم على ايّام البداوة فجاني=دلّى يحاورني على اسرار دربي
ذكرتني ياسطم احلى زماني=يوم الهوى بسوق المحبة تجربي
اللي لعب بي لعبة البهلواني=جاءبالضماير بالحشاء وانتحربي
حب الشرف رجمٍ براس البياني=وانا براسه والردى ماعثربي
سلامنا وكلامنا بالبناني=بروس الأصابع مثل جمعٍ وضربي
من خوف لايدري بنا السرمداني=اللى جنوبه بالهرافيل جربي
تعللةٍ مع مرهفات الثماني=ولياطرق بالرمش ثمّن نظربي
اوجس مثل بنج الأطباء يغشاني=وعجزت اميز بين شرقي وغربي
ليا اخذت معهن من حياتي ثواني=ولياجلس ناب الردايف بقربي
اعطيه معسول الكلام وعطاني=الدر والياقوت زادي وشربي
تسوى حياة ٍعايشينه اهداني=واهل المثل قالو خدينه وزربي
صخاف البطون وليّنات المثاني=ناب الردوف وحارس الصدر كربي
يوم ان سلطان الهوى ماجفاني=غدى البخت عقب المحبة نكربي
يابن خليل اظن ماجاك جاني=الكبر لحاقٍ يقص الأثربي
الشيب ياريف النشاما بلاني=شيب الصبا يأخو الضياغم ظهربي
اخفيه يوم وعقب يومين باني=بيني وبين الشيب كرٍّ وحربي
انا بلاي ليا زماني دهاني=تنكرت لي يوم مال الدهربي
ياصرت مثل القوس وهلال ثاني=والراس من بين المتون انحدربي
مثل الجمل ياصار بالدار واني=يهدر ليا مرّنه الحيل سربي
ينوض بالأقدام والحيل فاني=حنانةٍ بالصدر والفكر خربي
والضغط والسكر بجيشه ولاني=ابي الهروب ولادري وين اهربي
جيت الطبيب واحتينن عطاني=ولاتقرب الحالي ترى الحلو يربي
والحلو غربلني وعمري تماني=وعشر سنوات يوم يبدا السهربي
واليوم بالسبعين والشوف داني=بدل شرايين الشباب وغدربي
لاتوب انا وخلف المطوع مكاني=غدي العمل فوق السراط يعبربي
الله يجمعنا بهن بالجناني=حورٍ حراير محصناتٍ وعُربي

بندر بن مياح الوبير

ردي على الشاعربندر بن مياح الوبير !!!


يامرحبا باللي جوابه لفاني= القاف جزل وقايل القاف ذربي
بندر يصخّر نادرات المعاني= القافية والوزن شاربه شربي
يحط في روس القوافي عناني= ويدرّب اللي هايبن ماهو دربي
وانكان بندر في صعيبن نخاني= قولو لأبو مياح شد الظهربي
حنّا للي شرواك لازم نعاني= نحفظ كرامة من لنا فيه قربي
ورفيقنا حقوقه علينا سماني= عيناك ياشاكي من الوقت كربي
ضياغمٍ نعطي بليّا مثاني= ومالا يجي بالطيب ياتي بحربي
وبندر شكى يقول سطم حداني= عن واقعي يم القديم وعبربي
يقول ذكرتن ليالي زماني = ايّام كان البال والقلب طربي
ذكرتن اللي بالمحبة كواني= اللي جرى غلاه مع الحمربي
غروٍ على غالي حياتي بلاني = عز الله انه بالغلا ما وجربي
واليوم بندر يشكي الحيل واني= يقول لي ياصاح بان الكبربي
يقول كِِثِر ْ الشيب فيني وباني= الحيل واني ومني الوجه خربي
يابندر المياح يالمعشراني= اللي تعرض لك لقيته بدربي
انا بعد يابندر الشيب جاني= بدا شوي شوي ياما انتشربي
وحولني الدكتور للصيدلاني= جاب العلاج وحدد اكلي وشربي
والكبر يابندر بجيشه غزاني=والعمر مثل الغيم يا هب غربي

سطم بن فهد الخليل
.

[سطم فهد الخليل]

0000 ابتسامة الذيب !!!

درست بالتجويد اقلاب وادغام = يومي صغير وناقصتني فهامه
ومع الزمن عرفت انا كل الأحكام= من كثر تقليب الزمان لنظامه
وعرفت فيه دروس صعبات وعظام=وبعض البشر صرنا نفسر حلامه
واخذت درسٍ من الليالي والأيام = وحفظت دورات الزمن وابترامه
وعرفت وقتٍ لأكثر الخلق ظلام = وقتٍ به الأجواد قل احترامه
وقتٍ به الحصني حمل رمح وحسام= من ورث جدانه يبي له زعامه
وفيه الفهد يمشى على اطراف الأقدام= خوف من الحصني يتكدر منامه
والذيب يمشي طايعٍ وسط الأغنام= يعطي تحيه للغنم و ابتسامه
وبالمنتدى واكثر قنوات الأعلام= كل على كيفه تقلد وسامه
ولقيت لي ناسٍ تبنّي له احلام= جماجم الموتى تجمّع عضامه
تبني لها مجدٍ بتسطير الأوهام =كلٍ جعل جده كبيرٍ مقامه
يقول جداني اهل خيل وكرام = ومن رث جداني ورثت الكرامه
ولو هو فعل فعلاً بيمناه مايلام = لكن يقول انه وريث لعمامه
وطيب الجدود للحي ماضنه الزام= الطيب له ناسٍ تعلّى سنامه
صحيح للماضي مع الحاضراسهام=وماضٍ بلى حاضر بذكره ملامه
ومن يعتبر امجاد جده له حزام= اخطى وفعله مثل فعل النعامه
نصيحتي له لا تزغويه الأوهام=احلى تعامل للنفوس احترامه

سطم فهد الخليل

0000 تعليق نهار بن هيشان الوبير !!!


يابـو فهـد من طـاح بالنار ماقام = واقرب قريب ٍ قام يشوي اعظامه

والناس مبطي ثار تقطع بالارحام= ماعندهم عطفاً ولطف ورحـــــامه

ومن كان مسكين ٍ توطاه الاقدام = وياطا على بطنه هجيج الجهــامه

ودنياك معروفة قبل عصر الاسلام = السيف يفرق نورها عن ظلامه

ومن لا كسب يالقرم في ذيك الايام = اليوم كل الناس صارت نعــامه

والسالفة ماهي بحاجة للادغـــام = وتبقى الفهامة عند راع الفهام

0000 تعليق عبد الله بن محمد المفضلي !!!


سطم عداك السؤ وصدوف الايام = هذا الكلام اللي عليه العلامه

تلخيص حال المجتمع شعر وإلهام = على الاصول وكل رجل ومقامه

المرجله ماهي مواريث وعظام = ان جنّب الحاضر دروب الكرامه

هذا وانا مثلك و لي بعض الاسهام = حول الذي ينقل بقايا عظامه

[سطم فهد الخليل]

السلام عليكم

احياناً يكون الشعر اضطرارا لاتفاخر

او بالأصح هو ردت فعلٍ تثير المشاعر


اليكم رحلة الضياغم

0000 00000 رحلة الضياغم 00000 !!!


من جبل خولان سرنا باتجاه جبال طـي = اسمها رحلة ضياغم اعرفوها يارجـال


كل وادٍ له حدرنا نبتغي عشـبٍ ومـي = يالها من رحلةٍ من الجنوب إلى الشمال


يوم سرنا وانتشرنا ضاق فينا كل فـيْ = انحدرنا من الجبال وامتلت فينا السهـال


واستدرنا بالجزيرة مثل استديار الرحـيْ = وكلٍ جنّب عن خطرنا عارفٍ ماله منال


واللي يصير بنحرنا ماحسبناه أي شـيْ = ماهو حقران وتكبر لكن من كثر الرجال


كل أبوهم عزوتلي ضيغمي عن ضيغمـيْ = فوق صهوات الاصايل مايهابون القتـال


والتقينا بجيش مارد . ويا لمقابر افتحي ْ = شيخهم سلطان مارد. راح وطياً للنعال


دزه حميدان منّا . اصقهٍ مـا يسمعـيْ = انفجر عرقٍ برأسه اخو ميثا يوم قـال


يوم قاله اخو ميثا مااعطي ميثا وأنا حيْ = لوتجينا الترك كله النساء هي والرجال


و استوينا بالجزيرة ويالمجاهيم ارتعـي = ماقصدناها غزاةٍ قصدنا مرتـع حـلال


واستقرينا بدارٍ فيها فـيْ وفيهـا مـيْ = بين أجا وما بين سلمى دائما عليه ظلال


وقلنا لأهلْها تنحوا ماهي لكم هذي لـيْ = هذي دارٍ للضياغم وانتم روحوا للشمال


راحوا اهلْها وتنحوا والمدامـع تذرفـيْ = ياقشر غدر الزمان وياصعب غلب الرجال


والله ماراحوا جبانه لكن شياً يغطى شيْ = الزمن هذي سواته بين حلٍّ و ارتحال


واستقرينا بــ(عقدة) والبنـات. تزغرتيْ = والجبـال ألنايفات زادن جماله جمال


ديرةٍ يا حلوها ميً عذب وطلع حليْ = الصبح بظلال سلمى العصرمن اجا بظلال


قلنا يالله . يالله نبني قصرنا ألمشيـديْ = قصر برزان الذي حايـلٍ بيـن الجبـال


وقمنا ننشد و نتغنّى. بالسـلام الوطنيْ = يابعد حيي لحنّا, شعارنا ميْـل العقـال

اسعدي يادار حاتم . بالسناعيس اسعديْ = شوفي عيال الطنايا صايرينٍ لك عيـال


واسعدي بسلومهم اجودي من اجـودي = وان حصل يوم الملاقا مثل هدير الجمال


سطم فهد الخليل

[سطم فهد الخليل]

الفقر عيب
الفقر ماهو عيب
الفقر ماهو عيب أي ماهو عار نعم
لكن الفقر يعجز الرجل احيانا كألعائب
كفاني الله واياكم شعر الفقر وضيق الصدر

00000الــفــقــــر00000

لوقال بعض الناس ما بالفقر عيب = لاوالله إلآ فيـه عيـب ومذلـة
لآو الله إلا فيه عـدة عذاريــب = إلا الفقـر فيـه العذاريـب كلـه
إلآ الفقر يسقيك كدر المشاريـب = ومنه النفوس تهيم من زود غلّـه
يكفيه عيب انه يحدك عن الطيب = ويحط في كبــدك ثمانيـن علـه
أولهن اللـي لا بغيت المراقيـب = تكفخ وفي رجلــك سبـوقٍٍ تتلـه
ودام الفقر يردني عن المواجيـب = أيام عمــري كثرهـا مثـل قلّـه
طيّب!إذا كانك رجل خالي الجيـب = ويأتيك من يطلب قضـي لازمن له
ليا قال( لك وإلآنقطه على الذيب) = والســالفة مابين ( ِشلّه و خلـه)
وأنت الذي لاانته تودي ولا تجيب = تعال فهّـم ثـور عنتـر و قلـه
ابي اسأل اللي ماضياً له تجاريـب = عن قول مابه عيب سائلـك بالله
ابيك تكتب لي عن الوضع تعقيـب = وتناول الموضـوع دقـه وجلـه
ودقق, وفكر, وانتبه , قبل ما تجيـب = وكلمـه تقولـه , اثبتـه بالأدلـه
الفقر, ماهـو (عار) لكن به (العيب) = إعرف معانـي العيـب يافاطنلّـه
كم واحـدٍ , لـه بالثريّـا مطاليـب = مار الفقر, عن مطلبه واقـفٍ لـه
وكل شيٍ أمره بأمر ربك مواهيب =وانا علـى مـا يقـدّره , شاكرٍلـه


سطم فهد الخليل

[سطم فهد الخليل]

0000 الهذر في وسط المجالس ملاهـه 0000 !!!

ياصاح. والله من امور البداهه = ان الرجل يبقى بحاله أديبه
**
ومغالط الجاهل أساس المتاهه = تطـخ دلـوه في جوانب قليبه
**
مليان جوفه بالجهل والبلاهه = سيله يجنّب عن مجاري شعيبه
**
لا يحترم نفسه ولآبه نباهه = مسكين عنده كثرة الهرج طيبه
**
قليل ميز وفي لسانه شراهه = خله مع ألعالم يدوّر لِعِيبه
**
والهذر في سط المجالس ملاهه = لاصار ماللهرج داع وجذيبه
**
والصمت اخير ولا كلام السفاهه = والهرج لاجنّبْك جنّب وسيبه
**
وهرجٍ بلا داعي هبال وبواهه = نوبٍ على راعيه يجذب معيبه
**
ياصار ما بالهرج صدق و نزاهه = مالك بهرجٍ يلحقك منه ريبه
**
روّض لسانك وأحفظه في شفاهه = ولا كل مايطرق أذانك تجيبه
**
وكثر اللجاجة ماوراها وجاهه = ولا نال ساكت من سكوته غليبه
**
يكفيك ما قال الرسول وإلاهه = حذراكْ عن قول النميمه وغيبة




سطم فهد الخليل

[سطم فهد الخليل]

بالخيل عز و للرجاجيل هيبه

000000بالخيل عــز و للرجـاجيل هـيـبـه!!!


ياصاحبـي دنيـاك هـذا عجيبـه = تغيّـر احداثـه لجيـلٍ بعـد جيـل
واشهر مثل عند العـرب نبتديبـه = وعلى المثل نبني معانـي وتأويـل
(بالخيل عـز للرجـاجيل هيبـة) = شطرٍ يقولونه هل الخيـل والهيـل
وهذا بمـاض الوقـت ماينحكيبـه = ايّام دور السيف والرمـح والخيـل
يـوم ان كـلٍ يعتبيهـا لحريـبـه = يازين فوق الخيل صوت الهلاهيـل
واليوم صارت هيبة الرجـل جيبـه = المـال يصنـع هيبـةٍ للرجاجيـل
ومن زاد ماله صار كـلٍ صحيبـه = يسمع صدى صيته بعـزٍ وتبجيـل
والمـال للرجّـال ماهـو معيـبـه = ورجلٍ بلى مالٍ قليـل المحاصيـل
وقصرة يدك عمـا تريـده غليبـه = مثل الذي يبرك لحملـه ولايشيـل
اغنم شبابـك قبـل حـزة مشيبـه = واحرص على العليا ولو تسهر الليل
وعمرٍ بليّا نعـم ويـش ينبغيبـه = أكثر عمار الناس مثل غثا السيـل
لاصـار ماعلـم المراجـل تجيبـه = (ماكنك الا من حسـاب المعاميـل)
(الطيب سندا والمراجل صعيبـه) = قبلي يقولونه صعول الرجاجيل
ولاتامـن الدنيـا بعلمـه وغيبـه = احسب حساب ايّامه اللـي مقابيـل
تضحك بناب وناب يحمل مصيبـه = فيهـا مسـرّاتٍ وفيهـا غرابـيـل
واحذرك بعض النـاس لاتقتديبـه = اللي مناهجهم على القـال والقيـل
وابعِد عن اللي يلحقك منـه ريبـه = ابعَد من الجدي الشمالي عن سهيل
وان شفت بالمجلس نميمه وغيبـه = احفض لسانك عن كثيـر الأقاويـل
(ورفيقك الداني ليـا شفـت) عيبـه = كبر الجبل . خلك مثل مظلم الليـل
وفي محنتـه خلـك دواه وطبيبـه = ما بالرفاقة يافتـى الجـود تبديـل
وصلواعلى اللـي سنتـه نهتديبـه = اللي هُزم في مولده صاحب الفيـل


سطم فهد الخليل

[سطم فهد الخليل]

نـبـي اجـتـمـاع فـيـه نـدرس قـضـايـا!!!

يقول من يبدأ سلام وتحايا= للحاضرين السامعين المجاليس

يالابتي خوذو علوم ووصايا = من واحدٍ يقرأ بكل القواميس

ويكتب حروفٍ بالمعاني ملايا =سبك الذهب ماهو بحبر وقراطيس

ناديتهن بين الضلوع الحنايا = وتواردن من فكر راسي مرا ميس

وادليت في كل الموارد رشايا= وارسلت في كل المواطن عواسيس

لقيت لي ناسٍ تحث المطايا = ولقيت لي ناسٍ تدق النواقيس

واقول لكم ياطيبين السجايا = يالابتي ياكاسبين النواميس

الى متى وحنا نتنخى طنايا = الى متى وحنا نتنخى سناعيس

راح التنخي مابقي له بقايا= راح ومضى وقت العيال المطاويس

راحت علوم عبيد وهاكالبرايا= ابن رشيد مؤسس الحكم تأسيس

وابن علي شيخ الجبل القرايا= والصديد والجربا وغضبان ونعيس

والحثربي وفنيخ وأخو المعايا= والربع والتمياط والقعيط ومنيس

وكثير ناسٍ ماتجيلي على آيا =والقاف يحكمني على آيا وعلى ايس

راحوا من الدنيا وبقية حكايا= وابقوا لنا علوم الفخر والنواميس

ومن بعدهم لازم نسوي سوايا= شيئاً لحاضرنا وللنشأ تدريس

يالابتي وصوا للأقصى وصايا= نبي ا جتماعٍ نأسس الرأي تأسيس

نبي اجتماعٍ فيه ندرس قضايا= ماهو (حُكم) صندوق لأجل المفاليس

صندوق خيري لاجل ناس حفايا= وتحديد مهرٍ للشباب المعاريس

ونحدد العانات هي والعطايا= وننظر بوضع المعسرين المحابيس

ونسعى لحل المعضلات البلايا= ونجعل لنا بالعرف حد ومقاييس

وايضا بعد ننظر بأمور خزايا= ندري بها لاشك سكته وتدليس

وبعض النساء ياناس شبه العرايا= بفستان حفلة عرس يلعب به بليس

كنه من اللي يطلعن بالدعايا= وإلآ من اللي يذكرن يم باريس

وين الرجال اللي تقود السرايا= وين الرجال اللي تحل اللواليس

ان قلت راحوا مطوعين السبايا= حنا بعد فينا رجالٍ أشاويس

ادري بهم والامر مابه خفايا= وادري بهم بسود الليالي مدابيس

وكلٍ بصدره مثل صدري نوايا= لكن تروا نحتاج للجهد تكريس

والساس تحتاجه كبار البانايا= ولا ينبني بنيٍ على غير تأسيس

وصلاة ربي عد نبت الشغايا= وعداد ماهبت هبوب النسانيس

على الذي يشفع لكل البرايا= بيومٍ عظيم ٍييبس الريق تيـبّيس

سطم فهد ال خليل

[سطم فهد الخليل]

خلّك مع اللي يعتلون السنودي
خلّك مع اللي يعتلون السنودي0000 !!!


يقول من شاف بزمانه شهودي= دنياه جرّب عدلها وشاف مايله
شفنا زمان للجمايل جحودي= الحق هو والطيب قفة رحايله
اشوف لي ناس صيام سجود= لكن قلوب الحقد فيها غلا يله
نمامةٍ سمامةٍ للكبودي=الكذب والبهتان جملة خصا يله
رفيقهم وان غاب كنه يهودي= تسابقو هرج لردا في خمايله
هذا يسوق الهرج وهذا يقودي= تقابلو على سجلة وفايله
وليا حضر مدحه وشكره يزودي = مابينهم صارت تعدد فضا يله
ناسٍ يتمنون المصايب تزودي= على بعض ناسٍ تدور جما يله
يا لله تلعن كل واحد حسودي= اللي يتمنى نعمت الغير زايله
وان قلت تم القاف جاني بزودي= اترك ردي الهرج وآخذ صما يله
هذي نصيحة ياشبال الاسودي= نصيحة تكسب منه كل طايله
انصحك يا لطيب عريب الجدودي= والا ردي الخال ماهو بشا يله
خلك مع اللي يعتلون السنودي= تكسب برفقتهم مماشي حما يله
مدارسٍ تنهل منه كل فودي= وتشوف من بعض المعاني دلا يله
واحذر من اللي يمشطون الجعودي=اللي على لعلبا تمشط جدا يله
قصة اسودٍ مار ماهم اسودي= ما ضنهم اسود ولا الله قايله
ان قلت هنودٍ يشبهون الهنودي= وفيهم بعض صفات ماني بقايله
يقوله اللي شاف بيضٍ وسودي= مصايبا قامت تهيض مثايله

سطم فهد الخليل

[سطم فهد الخليل]

(((((عند الله ملايين الأفراج)))))!!!

ياقلب عندي لك نصيحة بها علاج = عن الهم وعن بالٍ تكدّر مزاجه
ياصرت بالدنيا متضايق ومحتاج = اطلب من الرب الكريم انفراجه
لاتلحق النفس الملامة والإحراج = ماينقضي من دون الإله حاجه
اصبر وعند الله ملاجٍ و مخراج = وما ضيقةٍ الا ومن وراه افتراجه
ويالعبد عند الله ملايين الأفراج = ارفع يديك بتالي الليل ناجه
ياتنك الارزاق من عنده افواج= وعن الظلام ينير دربك سراجه
تشرب قراحٍ من ينابيع هدّاج = من واحدٍ ماهو يغضلم حجاجه
أجاب دعوة من دعى تحت الأمواج=واللي شكى من الضرّ عجّل علاجه
وأسرج خيالك بين إسراء ومعراج = واعمل مثل عمل النبي وانتهاجه
وخذ من حياة المصطفى خير منهاج = يغنيك عن كسرى وملكه وتاجه
وصلاة ربي عد ماحج حجاج = على الذي يشفع نهار المواجه


سطم فهد الخليل

[سطم فهد الخليل]

وصلتني هذه الرساله عن طريق الجوال
وهي من الاخ فلاح عبيد البلاجي الحربي

الرسالة


الـبـارحــة كـثــرة عــلــي الـتـفـاكــيــر = ودعــيــت ربـــي خــايــفٍ مــــن عــذابـــه
يــالله يـالـلــي تـعـلــم الـشــر والـخـيــر = يـــالله تـجــعــل طـلـبــتــي مـسـتـجــابــه
تـسـقـي ديـار اهـل الـوجـيـه الـمـسـافـيــر = مــن غـربــي الاجــفــر تــراكــم سـحــابــه
واسـنـدتـهـا لـلـي مـع الـفـهــم تـعـبـيــر = مـــن لابـــةٍ كـــل الـقـبــأيــل تـهــابــه
سـطــم شــوق الــلــي نــهــوده مـزابــيــر = عــجــل بــرايـــك يــاســريــع الاجــابـــه

هنا انا مادري وشهو طلب الاخ فلاح
فرديت له الرساله التاليه لعلها تصيب شيئا مما في باله
اطلب ترى اللي تطلبه لازم يصير !!!

جـانــي رسـولــك يــازبــون الـمـنـاعــيــر =ومـرســول أبــو تـركــي هــلا ومـرحـبــابــه
جـهــزت لــه صـفــر الــدلال الـمـبـاهــيــر =وســويـــت فــنــجــالٍ لــذيـــذٍ شــرابـــه
هــاذي لـنــا عــادة ولـكــم زود تـقــديــر =وإلا الــرســالــة ادري انــــه كــتــابـــه
يـا مـرسـل الـمـرسـال يــا الله عـســى خـيــر = يـامـسـنــدي امــرك عـلــي بـــه تـشــابــه
لاشــــك والله مـالــتــجــي لـلــمــعــاذيــر= ولأجــل الـرفــيــق الـكــايــدة يـاهــلابــه
اطـلـب تـرى الـلــي تـطـلـبــه لازم يـصـيــر = بـالـطـيــب يـأتــي أو يـجــي بـالـحـرابــه
انـكــان تـطـلــب مــال راســـي دنـانــيــر =تـــراي مــحــزم حـضــرتــك والـعــصــابــة
وانـكـان تـبـي الـجـاه مـنـي عـلـى الـغـيـر = لــي هـقــوةٍ بـكــل ابــلــجٍ يـنـهـقــابــه
وانـكـانـهـا بـضـرب الـسـيـوف الـبـواتـيــر = انـــا احــمــد الله خــابــرٍ لـــي قــرابــه
قـرابــتــي (لاصـــار شـــرٍ بــلــى خــيـــر) = بـالـيـوم الاقـشـر سـعــد مـنـهــو لـجـابــه
مـركــاضهــم مـرتــع لـعــوج الـمـنـاقـيــر= ودخـلـيــهــم دايـــم عــزيـــزٍ جــنــابــه
سـلـمــاً لـهــم مــن دور عـــرار وعـمــيــر =ولأبـا ألـوقـي يـمـنــاً زهــة فــي خـضـابــه
شـمــر سـنــد راســي بـوقــت الـمـعـاسـيــر = هــــم لابــتـــي يــــاويْ ســنـــد ولابــــه
ولااقـول انـا فـي بـاقـي الـنــاس تـقـصـيــر =كـلـن عـلــى (الـطــولات يـتـعــب ركـابــه)

سطم فهد الخليل

[سطم فهد الخليل]

السلام عليكم

هذه ابيات ارسلتها الى الأخ فهد بن شويش الخليل

خلك ليا جاك القدر به تهلي !!!


سر ياقلم واكتب بصفح السجلَي= مثايل (ن) قامت بصدري تفيضي
واكتب لمنهو زاد همي وغلَي = بقصيدة(ن) غديت منها مريضي
ياللي تقول الحض ماهو متعلي= انت المداوي كان حضك نقيضي
ليا فهد خل التعاسة تولَي = وخلك مع الدنيا بشوش وحضيضي
وخلك لياجاك القدر به تهلَي = وكثر التظلم من سرور البغيضي
واحذرك من راع الطمع والتغلِي= با لك يجي له وسط قلبك مقيضي
ودنياك هاذي بين شمس(ن) وظلَي= من خلقة الدنيا تزود وتغيضي
ان سانعت دنباك فهذا منلَي= رحب بها وامسك رسنها الغليضي
وان عاضبة يالقرم خله تولَي= تر كل مفقود(ن) يجي له عويضي
تر القمر عقب مغيبه يطلَي= وترا ليال الشهر سود(ن) وبيضي
والليل ياتي وبظلامه يحلَي = والصبح يجلى ظلمته له وميضي
وسنة(ن) مطرها ديم دايم يهلَي = وسنة(ن) يروح الوقت ماجا نفيضي
وانته فهيم وفاهم(ن) مقصدنلَي = وانا على الاسرار بير(ن) حفيضي
وصلاة ربي عد نجم(ن) يطلَي = على نبيٍ للرساله حفيضي

سطم فهد الخليل

[سطم فهد الخليل]

ابيات وجهتها الى
الشاعر والاديب نهار بن هيشان الوبير
والمعني في بطن القصيدة وليس بطن الشاعر


ســـلام يـا رجــلٍ حـفـظـت الـكـرامـه !!!

يا عيال مدوا من ديار أليمامه = للدوحة الغنّا عسى مالكم عوق
تلفون من حط المراجل حزامه = نهار ابن هيشان حرٍ بشاهوق
(نهار. اسمه.) و(الصراحة نظامه)=(اسمك صريح) وماانت بالأسم مسبوق
سلام يا رجل حفظت الكرامة = عمّا يشوبه حفظ مالٍ بصندوق
اقبل سلام اللي بعث لك سلامه = تقدير للي مثلكم ياخو مرزوق
المحترم يلزم علينا احترامه= والأبن عم به ترتفع روسنا فوق
يابن الرجال اللي عزيزٍ مقامه = عز الرفيق وضدهم يشكي العوق
عدوهم يشكي مواجع لجامه = وإلا الرفيق لشوفهم يشكي الشوق
وبيرات هم ساس الفخر والزعامة = مبطي لهم اسمٍ رفيعٍ ومرموق
يا مسندي اسمع لا جتك الندامة = اشوف بصدور البشر صايرٍ ضوق
عند الرجال النفس قل احترامه = الله 0أكبر0 ناس.ما عندهم ذوق
اشوف لي ناسٍ تحوس بكلامه= لا هرجةٍ حلوه ولا علم موثوق
ناسٍ تقمّز بين جرف وعدامه = صحيح لا قالوا بعض ناس مطفوق
لا صاد خير ولا سلم من ملامه = لوهو سكت اخيرمن بعض منطوق
بعض العرب سوّا سوات النعامة = دنق براسه والقفا يرفعه فوق
بين الغراب وبين مشي الحمامه = وحتى ام سالم وده تصير غرنوق
والثور ايضا يفتخر في سنامه = والديك في رجله يبي يربط سبوق
وحتى الرخم عنده فخر بالرخامة = ودوك الغنم تضحك على شمخ النوق
واشوف كلٍ يدّعي بالزعامة = بلا تحفّظ يعطي( الطاق مطبوق)
والبدرٍ ما يخفى ليالي تمامه = والشمس في وسط السماء نور وشروق
وختامها بأزكى صلاة وسلامه = من الرب نهديها على خير مخلوق
مرد نهار بن هيشان الوبير !!!

يامرحبا والله براع اليمامه= ترحيبة الممحل برعود وبروق
ابو فهد يالعبقري بالفهامه = ياشاعرأ يلعب على كل طاروق
شبلٍ تسلسل من اسود الزعامه = مكانكم فوق الرعيلة بعد فوق
راعي شدادأ مأ نت راعي مسامه = ياصار بالميدان فاهق ومفهوق
نسل الخليل اللي ربوا بالشهامه = تاريخكم مافيه ثغرات وفتوق
انتم قديمأ قاضبينٍ زمامه = لولا اليتيمي كان ياكلوننا روق
انتم حكمتوها شرقه وشامه = بوضح النقاء ماهي حيالات بالبوق
وشمر وراكم سايقين الجهامه = يتلونكم مع كل فجٍ وطاروق
وأن جيتوا المارد تارد حيامه= وعدوكم في حافر الخيل مسحوق
انتم قمرنا كان عتم ظلامه = ومن ينكر المعروف بالنار محروق
يوم الفعايل لابسينٍ او سامه = بالسيف ماهي في مطاليب وحقوق
وكم واحدأ عايل صرتوا خزامه = بدل هديره بالرغى راح مسيوق
وياجاكم المضيوم حقق مرامه = يلبس حريرأ بدل ثوب مشقوق
انتم وفيتوا يوم مسكت خطامه = وكل شي معروفأ بالاوراق مرفوق
وكل الطنايا يدركون الكرامه = يوم الفعايل رووسهم دائمأ فوق
لاشك كثر الطق فكك لحامه= والحظ دايم له تصاديف ووفوق
ودنياك لو انه دامه ودامه = ماكان قالوا كل مطرود ملحوق
واليوم نبغي يالعشير السلامه= وعيوننا دائم تراعي على السوق
ومن عندنا مسكٍ وعنبر ختامه = لابو فهد راعي العرف والذوق
وصلاة ربي عد ماعين نامه = على الرسول الصطفى خير مخلوق

[سطم فهد الخليل]

السلام عليكم جميعا

الأخو
الذي احتواك وايّاه بطن وتربيت معه بين ابٍ وام

وعشت معه ايام الصباء و ايام الشباب وليالي الكهوله

سوف يكون بينك وبينه الشيء الكثير من التواد والتآخي

فما بالك بأخٍ يمثل لأخيه القلب الذي يغذي كامل الجسم بالدم

انه اخوي بندر فهد الخليل اطال الله في عمرة :فهو يسندني اسناد الذي بأيمن القير

لمواقفه الكثيره جاءت هذه الأبيات بدون اي تكلف حبيت اعرضها امامكم
ابو جمال يافرحة اللي شكاله.. !!!


يالله ياللي في يديك التدابير= يامن اليا ضاقت على العبد ساله
يامن بحكمه يحكمنّ المقادير = ويامن سجد عبده لوجهه رضاله
ترفع مقام اللي وجوده علي خير= اللي ما ميز بين مالي وماله
اخوي بندر مايجي منه تقصير= أبو جمال يافرحة اللي شكاله
جوده غمرني بأكتراب المعاسير=ويقول لي ياخوي مابه جماله
يسندني إسناد الذي بأيمن القير= ليامن نخاه القير.ثم ارتكاله
وان شافني ضايق و ادير التفا كير=بأطيب اسلوبٍ شال همي وازاله
وبالحرب رمحٍ لي وغرّاف بالبير=وليا ثقل حملي بالأمتان شاله
كني كليب التغلبي وهو كما الزير= الفرق شلفا اخوي غالي حلاله
يسلم اخوي الجزل ماهو مثيبير= ايوالله انه هو حليف الجزاله
هو ذخرنا يكملن المذاخير= يومه. عسى يصير يومي بداله
والله0 ماقلته مبالغ وتكبير= مار اتنومس و افتخر في فعاله
وانا الذي في عرفه ابخص من الغير = واعرف قبل يقول وشّهو مقاله
واطلب واعيد واقول يالله تكرير= يواحدٍ ما احدن سواه وبداله
يامعتني بأحوال عوج المناقير = يامستجيب لحال حيّن لجاله
ياواقي العثرات يالله يا مجير=تاقاه من العثرات وتصلح عياله
وصلاة ربي عد مارفرف الطير = على نبي الله وصحبه وآله

سطم فهد الخليل

[سطم فهد الخليل]

من الأرشيف


تدري وش العبره من اعدام صدام ! !!!


الغرب ارسـل للعـرب عبـر الاعـلام = رسالـةٍ مخصوصةٍ لأولي الألباب
عنوانها شوفوا وترى الوعـْـد قدام = وإلا0 على مانريد صيروا لنا أصحاب
وتخيروا 0 افضل زمن0 عيد الإسلام = يوم يتوحد شملنا 0 بأطهر تراب
تدري0 وش ألعبره 0من إعدام0 صدام؟ = في يوم0 مشهودٍ0 ويحسب له احساب
إذلال 0 لأهل الدين0 وتأديب حكام = علمٍ 0تره 0 يجمد على كل الأِشناب
وداسوا على نبض ألكرامه بالأقدام = وحنا لنا عض الأصابع بالأنياب
سيف العروبة0 ياعرب اعدم اعدام = بأيدي غزاة الدين0 مع شلّة أذناب
وحنا العرب0 عشنا على ماض الأوهام = لو كان بعضه صح 0 ياكثر الأكذاب
عشنا 0على ذكر التفاخر والأحلام = طيب0 وكرم0 وأمجاد0وعلوم0 وانساب
وباقي الأمور نعيشها عيشة اغنام = مي و علف 0 مابين شاري وجلاب
صرنا ضحايا العيد0 لجدود الأقزام = سجله يا تاريخ 0 في صفحة كتاب
وليت العرب0 كله مثل قلب صدام = وإلا فداء لصدام 0 في قطع الأرقاب
عاش بشموخٍ0 نال به( مجد و وسام) = ومات و شموخه 0( يعد للي بالأصلاب)
ونال الشهادة0 (والشجاعة له حزام) = واكبر فخر0( يومه رفض يلبس نقاب)
الله كتب له 0 (خير وإجلال وإكرام) = ومابين كاف ونون 0 هيأ له أسباب
مرحوم 0 ياليثٍ0 غضنفر وضرغام = عساك0 بالفردوس 0تفتح لك أبواب


سطم فهد الخليل

[سطم فهد الخليل]

ابيات ارسلها لي الاخ فهد بن شويش الخليل

هات القلم والبوك يافهد عطنيه ! !!!


الله من قـلبٍ كثارٍ طواريه= باليوم يطري له ثمانين طاري
نوبٍ شمال ونوب شرقٍ توديه=ونوبٍ يصيب ونوب عليه زاري
(ياسطم) يامشكاي ماكثر بلاويه= نوبٍ يعرضني البلاء والخطاري
ولو ينشكي على هل العرف لاشكيه= وارتاح من قلب العنا والمزاري
نوبٍ يسليني ونوبٍ اسليه= وارتاح انا واياه بأرض البراري
وياما بزينات التماثيل اهديه= واصيد لياحصلت بعض الحباري
بأرض النقاء اللي بها الصيد تشويه= وتصرفات العبد عندالمبار
الواحد اللي ماخسر من يراجيه= والله عليمٍ بالربح والخساري
وياصاحبي راعي الخطا مااداريه= واطاوع الميمن واعصى اليساري
وصلاة ربي عد بايع وشاريه= وعد النبات وعد ليل ونهاري
علي النبي اللي تبعنا مماشيه=محمد محل الخير هو الخياري


فهد بن شويش الخليل

وهذا الرد مني على الأخ فهد بن شويش
واخاطب في البيت الاول فهد بن سطم ابني!!!

هات القلم والبوك يافهد عطنيه= وقرب دوات الحبر يامستشاري
ابوك نظم له كلامٍ ويمليه= واكتب على الاوراق يوم انت قاري
سميك ارسل لي كلامٍ مسويه= يشكي هموم القلب هن والطواري
يقول قلبه كاثرات بلاويه= نوبا يعرضه العنا والخطاري
حي الجواب اللي لفا وحي راعيه= تحيةٍ تملى البحر والبراري
جواب من شخصٍ نعزه ونغليه= ونكن له كل احترام و وقاري
يافهد يابن شويش يامسندي ليه= تشكي وقلبي في مشاكيك حاري
يافهد قلبك مادري وين اوديه= احترت كني بصالة الاختباري
تشكي الالم وعنا السبب ليه تخفيه= ياليتني في علة القلب داري
لو كنت اعرف اسعاد قلبك ومافيه= اشريه انا لوكان بأغلى المشاري
إن قلت تحب وفيه شيئا مخفيه= عندك من الخفرات عذرا خياري
وراع الهوى لابد تظهر مواريه= والا انت قافك من مواريه عاري
حيرتني مار اتوقع محاريه= اخطية والاصبت بعض المحاري
ثلاث في قلبك ولاظن تخطيه= وان اخطن الثنتين وحده اجباري
الاولة.قرب البلد مايدانيه= يحب شمات الهواْ بالصحاري
والثانية.نظم الشعر ماهرٍ فيه= على الورق يحب نظم الشعاري
الثالثة.قلبك يبي من يناجيه= ولوهو كتم يمكن يحصل انفجاري
وابوفهـد تر الهدف نوب يرميه= ونوبات يحط الهدف باليساري
ويامسندي ترى جوابك نراجيه=عطني الجواب ولايطول انتظاري
وخلاصت الموضوع وخيار مافيه= تر حلاة الهرج بالاختصاري
اطلب وماتطلب لزومٍ نلبيه= ولاني من اللي يلتجي للغذاري
اللي يجي بالمال بالمال نشريه= واللي يجي بالجاه نفزع بضاري
يفرح لياسمع المنادي يناديه= ويبشر المظيوم بالانتصاري
وعلى محمد كل ماحل طاريه= ازكى صلاةٍ عد نبت البراري


سطم فهد الخليل

[سطم فهد الخليل]

الشيخ / محمد بن بعيجان العلي
عمل عملٍ جليل وجبار ويعجز عنه التعبير
ولا اعتقد انه يخفي على الجميع وهو انه ادرك العفو
من لدن خادم الحرمين الشريفين لمن حكم عليهم بالقتل
وكان مع الشيخ محمد البعيجان العلي كل من
الشيخ مطني بندر الشريم والشيخ فهيد عراك الهباس
الشيخ عواد خلف الطوالة والشيخ نايف عبدالمحسن الجبرين
الشيخ خالد جدعان اللغيصم ووالشيخ منها حمود الرخيص




ابيات بالشيخ محمد بن بعيجان العلي !!!

قدام ياشيخ السنا عيس قدام = قدام ليامن قيل يأهل العوايد
يامحمد البعيجان يارمح ياحسام= ياعيلمن يزمي بوقت الشدايد
عوايدك ماهن جديد اتٍ العام=ورث الجدود من السنينٍ البعايد
ياشيخنا ورثك من جدود وأعمام=مزبان من باتت بقلبه ضهايد
يافزعت اللي جاره الوقت وانضام=اللي بقلبه جور الأيام زايد
ويا مسند اللي بأسود الليل مانام=ينظر متى يأتيه سايق وقايد
يافرحت اللي صادرٍ فيه الأعدام= اللي يتحر مرهفات الحدايد
يامزبن اللي صا يبه هم وهيام=ويا مسعد قلوبٍ به الحزن زايد
حليت يالحلحيل في دار حكام = وحل الفرح محلّ ماكان كايد
حليت في جاهك على ولد الإمام=وحل السعد واستبعدن الشدايد
تزهى بك الشيخة وله فيك الإكرام=ولاتأتي الشيخة بلين الوسايد
واللي معك أجواد وأبطال وكرام= ويستاهلون من الثنى والحمايد
كلٍ بذل جهدٍ ومجهود واسهام=زحول الرجال وبالفعايل ولايد
كلٍ حمل حمولة هديب بالشام=ابطال والأفعال ماهي جدايد
ومطني ولد بندر عضنفر وضرغام= ابن شريم للكايدة والشدايد
وفهيد ابن هباس ياحل زهّام= ياسعد من ينخاه لياحل كايد
وعواد بن خلف شجاعٍ ومقدام= اسم الطواله دوم بالطيب زايد
ونايف على اسمه من زبن فيه مايضام=موارث الجبرين نعم البدايد
وخالد ولد جدعان ليثٍ لياقام= سفير شمر ولآل لغيصم عوايد
ومهنا بن حمود موارث كرام= ابن رخيص اللي ذكر بالقصايد
قال اقبلوا وانتم هل البيت ياكرام=ومواقف الرخيص هم وابن ذايد
تبقى على طول الليالي والأيام= دينٍ على اللي يعرفون العوايد
ذاقول من فعلك على صدره وسام= ولا خير في قولٍ بليا شهايد
وما قلتها مجرد أساطير و أوهام=لاقلتها اطلب وراها الفوايد
تمت وصلى الله على نور الأسلام =اعداد ماتكتب بيوت القصايد




سطم فهد الخليل

[سطم فهد الخليل]

فقط لأطلاعكم

وننزهكم عن صفة ذلك الساعي


0000 الســـــــاعــي0000 !!!

الساعي اللي جايبٍ لي دسيسة=يبي الصواب ولاهو حول ألصوابي
يرقص على دقة موسيقة اليسه=مايدري انه ينرجم بالشهابي
دسيسته يحافظ عليها بكيسه = أطيب جوابٍ له مني اهْبْ هابي
وراعي النقيلي والعلوم الخسيسه= حشى الحضور احط بأفمه ترابي
وبعض الأمور يحتاج أفكر وأقيسه= من دون ما تأثر بحضرة جنابي
وكانه رفيق ٍ بجلد شوكة ضريسه= أخفيتها بين القدم والجرابي
واللي يبي حليب من ضرع تيسه=شرواه تيس وماحسب له حسابي
الذيب ما يأكل لحمْة الفطيسه= و للــقافلة مـا يعيق نبــح (أل****ي)
والنفس ليا طاوع هواها إبليسه = اغســل يــدك ترها دمـارٍ خــــرابي
ويابغض قلبي للعلوم الدنيسه=وعسى الدنس واهل الدنس للذهابي
وياحُبنِي لراعي العلوم الونيسه= ياصار طيّب ولأطيب الهرج جابـي
ماينطق الا من العقود النفيسه=بهرجٍ يعــوضك عـن طعام وشــرابي
واحب من بالدين ينفع جليسه =اللـي ارتـبـاطه دايـمـــاً بالـكتـــــابي
يرفع جنابك عن الحياة التعيسه=بالفعل والآ من الصفات اكتسابي
وأحب أبو خوذه وراعي اللحيسه=ومكازي السعيّد معشي الذيـابي
و احب حاتم و الكرم هو حبيسه=و بن العلي لاياقيل(سمن العرابي)
ويالله النجاة من الجحيم ووطيسه = بيومٍ يهيل وبه يحـل الرعابي

سطم فهد الخليل

[سطم فهد الخليل]

هذه البيات وجهتها الى الشاعر الاديب نهار بن هيشان الوبير

واعقبها هذا الرد الجزل والذي افتخر به



( ثنين , صفر , واحد , ثنين)

0000نهار بن هيشان رجلٍ صراطي0000 !!!


ياراكبين اكوار فــج الأباطي= قصار ألأذان دقيقات العرانين
حيلٍ على قطع الفيافي نشاطي = ثنتين والثنتين ركبـــوهـــن اثـــنـــين
طفقات بالممشا لهن اختباطي=واللي عليهن كل الاثنين طفقين
ان زرفلن لعيونهن التقاطي=شعل العيون وفي حجم حبة التين
مثل ألمهـا وإلا المهـار المعــاطي= وفي روسهن تقول يرقص شياطين
مصيفهن ميْ ونصيْ وحماطِي=ومقيضهن رُوثه ورغل وعلى عين
رعن زماليق القفر والشواطي= يما بنى بظهورهن بنيت الطين
شدّوا عليهن وقللوا بالقشاطي=وارخو لهن بأرسانهن مستعجلين
أو راكبٍ من فوق أرقط مواطي= ميلاد عـــــــــــــــــــــــــــــــا م (2 , 0 , 1 , 2 )
يشرب حمر كنه عصير الطماطي =مايقبل إلا شِرب خمسه وتسعين
واليا مشى بالبر تقل متعاطي= يهز هز , يمين , يسار , يمين
مافوقه الآ ثنين هم والشناطي= ياويْ اثنينٍ بالمزاج متصافين
ماسولفوا بالثرثرة والغلاطي=ولاهم سكوتٍ تقل سكتة محازين
سوالفٍ على احمدي ألبساطي= والشك زايل والثنين متغالين
وليامشيتو صبح مع الغطاطي=مع العصر في أم صلال متقهوين
تلفون بيتٍ به رخام وبلاطي=ولا احدٍ منشّدكم على وين ومنين
حِلّوا على هيلٍ وبن ولقاطي=وعقبه على غالي حلال المربّين
بيتٍ اساسه عاليٍ ماهو واطي=بيت الشيوخ اللي قديمٍ مسمين
ذاك الوبير بكلمة الحق صاطي =هو مقدم الصفران اول وهالحين
تلقون رجّالٍ بوجهه شماطي = شماط شيب وبه وقار الكريمين
وبينه وبين اسم النهار ارتباطي=ومتحالفٍ هو والصراحة له اسنين
نهار ابن هيشان رجل ٍصراطي= يصدع بقول الحق من غير تلحين
رجلٍ يضع على الحروف النقاطي=ماهو من اللي يلوّن العلم تلوين
سوالفه ماهي سوالف هياطي=تاريخ وسلوم العرب والقوانين
صريح يكرم عن خطات الرهاطي=وكلمة رهاطي حطها بين قوسين
وأنا مع الطيب يزود انبساطي=قريب والا من الرجال البعيدين
ويا حُبني للي يجدد نشاطي=بالإرث والموروث والشعر والدين
والله لامجامل ولاني متواطي=لاشك كلمة حق للمستحقين
وشكرا حماك الله من كل خاطي=وصلوا على اللى بين الحق تبيين

سطم فهد الخليل

الاخ العزيز
ابو فهد
صــــــــــــــــــــــــح الســــــــــــــــــانك وعلا شانك وماعليك زود يالطيب
ومبدع كأ العادة شاعرأ متمكن ومجيد ومتألق دائمأ ،
والحقيقة انا توي شفت القصيدة وهي طويلة وحجزت علينا القاف وحجزت الهجن وحجزت السيارات ،، وطوقتنا من الجهات الاربع ، وليس لنا مخرج الا نطير في الجو ؟
وقد استحضرت هذه الابيات القليلة على عجل حتى لايتاخر الرد ويفقد حرراته ،
واسمح لنا من التقصير ،
0000 رد الشاعر نهار بن هيشان!!!


يــاراكب اللي لـــه ثلاثة مواطي = تدرج عليهم دوب بهـــوين بهوين

ومشيه خفيف بس ماهو بواطي= من شان راعيها يشوف الهوى وين

ثم استدارت صوتها بنشعـــاطي = واستبدلت رجـــلينـها بالــجـــناحـين

وأمر على الركاب حزم الرباطي = من سرعته يخـــاف يصيبهم شين

وقامت تمغـــط بالسما بنمغاطي = وتمشي من الدوحة على غرب يبرين

بـــدار اليمامة نزلت بنهباطـــي = وركـــابها مــن زين ركبه مـريحـــين

وتدخل مطاره ماعليك اشتراطي = وتمشي وامورك كلها زين في زين

وانص النظيم وعنه بالك تخاطي = تلفي سطم زبون من كان عــــانين

في مجلسه تلقاء دلاله قلاطي = وصحون في وسطه كباشن سمينين

وياجيت عنده بالكرامة تحاطي = زحول الرجال اللي على القوم صلفين

ابو فهد ماهو بخيل ٍ يطــــاطي = من راس قــــوم بالحـــرائب عنيدين

لو طال وقته مايجيه انحطاطي = صبار جبارأ على الــعسر واللـــين

ياجاء نهار فيه مثل الغطـــاطي =ماتسمع الا فيه صوت المثـــارين

تلقى مضاربهم كبارأ وغاطي = ومضرابهم دائم براس المسمين

يابو فهد ياعزوتي واحتياطي = انت الصديق اللي يغيض المعـــادين

ياشفتكم زاد الفرح واغتباطي = من يوم جيتونا على الجمس ناصين

مار البلاء شخصأ صار متواطي = سوالفه مثل سوالـــف زعينين

لقوه مدري وين راع الخراطي = يبــغــي يخــــلبصــنا وحنا ذكيين

بعض العرب هرجه بليا انضباطي = يقوده الشيطان قود البعارين

واضح بعقله خلتن وانفراطي = وراع المصالح يستغل المساكين

لاشك حنا عارفين الخـــلاطي = حيث اننا ياطيب الفــــال صافين

ياجاني الطيب فرشت البساطي = لو خالفأ بالراي ما قلت له شين

واللي عدا مني عدي القطاطي = ماله مجال ٍ بين راس الحصانين
تقبل تحياتي
اخوك نهار بن هيشان

[سطم فهد الخليل]

.. ما للبلاوي يالربع غير اهلها..
0000 ما للبلاوي يالربع غير اهلها !!!

ان وسوس الشيطان والنفس ضاقه=حماقة الجهال ما انا من أهلها
وان جتني الزلّة من احدى الرفاقه = افتح لها بابٍ فضي واحتملها
والصاحب اللي في اسلوبه حماقه= اصبر على عوجاه وأنا جملها
احمل حمل وأحط فوقه علاقه = ماللبلاوي يا لربع غير أهلها
اقدّر الأصحاب واحمي الصداقه=وأجزى راع الشينة بزينه بدلها
مار البلاء اللي مايجي باللباقة = خبلٍ جرح روحك وكبدك دبلها
هذاك والله لو حصل لك فراقه=تسجد شكر وتقول يارب اطلها
وياحي مطنوخٍ قباله أشفاقه=روحه على حسن التعامل جبلها
صدره فضيْ وفاتحن فيه طاقه=هذا خرج منها وهذا دخلها
مثل العسل سلسٍ وحلو ٍ مذاقه= من حشرةٍ لكن غلبها عسلها
وياحي عشّاق المراجل عشاقه= نفسه على باب المراجل عقلها
مزبان للي قاسي الوقت ساقة= يفزع ونفسه مايجيها مللها
بشوش وجه وفي حجاجه طلاقه=وسفينته دايم يصلّح عطلها
وياحي من قوّى مع الله وثاقه=يخشى عذابه ساعةٍ مايحملها
دايم وهو بالله قوي العلاقه= يعمل قبل روحه يجيها اجلها
يبي ليا من لِف ساقه بساقه= والكل يجزى في امورٍ عملها
به يتقي حر الجحيم وحراقه=ويبقى على ربك بواقي املها
وصلوا على اللي بذكره النفس راقه=امين. صادق. والرساله حملها


سطم فهد الخليل

[سطم فهد الخليل]

عبد الله الداموك الرشيدي
شاعر من فطاحلة الشعر المعاصرين
شاء الله انه زارني في منــزلي بالرياض
وقد اتحف الحضور بطرائفه العذبه
ومن بين تلك الطرائف قصيدته الغزليه
التي يصف بها رمش معشوقته في قوله

والرمش كنه من طوابير شمر=لاصفّها عبد العزيز الجنازه
لاطقوا اللطمه على ظهور ظمر=قدامهم عدو يطلب نجازه
كان لذلك الوصف ابلغ الاثر في النفس
وعندما عاد الى مقر اقامته حفر الباطن
ارسلت له رسالة جوال بابيات تعبيرا عن المشاعر
الا انني تنحيت بها عن قافيته

0000 0000عبد الله الداموك00000 !!!

عبد الله الداموك شعري لياجاك= اقره شرف لي منك ربي يشرفك
انا اتشرف باللي مثلك وشرواك= وإلا ادري ان الشعر ماهو مكلفك
انا يابو ممدوح اشكرك واجزاك = عن بيت شعرٍ مرني في طرايفك
يومك توصّف رمش منهو تحداك= اللي على غالي حياتك مناصفك
لله0 درّك و درّ0 وصفك ومبداك=لك منهجٍ ماغيرنه عواطفك
ولعل قولي بك يوصلني ارضاك= وإلا لعله لو بعض شيء ينصفك
شكراً يقابل لك0 و شكراً يتقفّاك=و شكراً فراشٍ لك0 وشكراً يلحفك

سطم فهد الخليل


وكان هذا الرد

0000 وكان هذا الرد !!!

يامرحبا عداد ماسارت خطاك=وعداد ماللعز نادوا عوارفك
يابو فهد هاض الفكر زين معناك=سمعت عنك وقبل ماجيك عارفك
شعرك جزيل وسبك معناك ينحاك=على شوارد طيب الشعر يحرفك
قلبك لبيب ويامر الفكر ينهاك=غير الذهب ماتصرفه في مصارفك
النعم ثوبك كل ماحل طرياك=والعز والناموس تبري مواقفك
يالضيغمي النور في الليل مسراك=هجت المحيط الأطلسي في عواصفك
شموخ نفسك للعلا دوم يقداك=على ذلول المرجله لك مرادفك
واختامها عداد ماسارت خطاك=تحية التقدير تشمل عوارفك

عبد الله الداموك الرشيدي

[سطم فهد الخليل]

كيبوردية شف 0مغفرة ربك ذنوب العبادي000 !!!

ياصار ماتدمح لزلات صاحبك = تر0مركزك بين البشر شخص عادي
ويا صار ماتافي بفتلة شواربك = تر0يلحق اسمك عند ذكره سوادي
ويا صار مالك عُبرةٍ من تجاربك = احيان غادي وتقتدي بشخص غادي
صاحبك ترله واجبٍ مثل واجبك=وعليك حقه مثل حقك وكادي
اخفض جناح اللين ولين جوانبك = اكسب قلوب الخلق لا0 لاتعادي
خلك تغطي عيب ماهو بعايبك = شف 0مغفرة ربك ذنوب العبادي


سطم فهد الخليل

[سطم فهد الخليل]

ارشيفيه حتى اتواصل معكم

000ممشاه ما بين السماء و المزوني000!!!


يا راكب اللي بالوطى مالها عج = ممشاه مابين السماء والمزوني
تمشي على قاز(ن) ونار(ن) توهج = هذا طعامه يوم له يصنعوني
فوقه غلام(ن) له اسبوع(ن) تخرج = يبي يبرهن خبرته والفنوني
إن أقلعت قامت ترج المدرج = وتسبق عيون اللي لها ينظر وني
واليا استوت قامت تفج الهواء فج = شعيط خام(ن) يوم له يشرحوني
صوته بفج(ن) بالسماء وجسمه بفج = عجزو هل الصنعة لهن يجمعوني
بالله يا لكابتن أحب أتفرج = على مقدمة الجناح اركبوني
واليا وصلتو ديرة(ن) قيل به عج = الله يسهل دربكم حولوني
لي به رفيق(ن) عنده الصدر يثلج = يشفق على شوفي وأنا له حنوني
يابو.روان. تر شوفتك تشبه الحج = عندي ترى شوفك يكحل عيوني
أنا وأبو نايف نجيك انتهرج = نشفق عليكم مثل ماتشفقوني
نبي بها لدنيا سوا ليف مع هرج = لابد من يوم(ن) هلي يدفنوني
لابد من يوم(ن) يجي موفقه حرج = لاني بنافعكم ولا تنفعوني
عسى لكم من عند الإله مخرج = صحا يف(ن) بأيمانكم تحملوني
وصلاة ربي عد من للحرم حج = على نبيا(ن) لسنته يتبعوني
سطم فهد الخليل

[سطم فهد الخليل]

قصيدتي رحلة الضياغم والتي مطلعها من جبل خولان سرنا بأتجاه جبال طي

انتحلها شخصٍ ما وشارك بها في منتديات التريبان علما ان الشخص ليس من التريبان

فانزلت بمنتدى التريبان قصيدة فيها ترميز لذلك الآ ان الشاعر مشعل التريباني قرأ الترميز

وقام بالرد في وقت وجيز وما اقول الآ شكرا يابا عبد الرحمن

اليكم الحدث

000 الفاطر اللي عندكم يالتريبان 000 !!!

أبو فهد قال المثايل والألحان = ياهل العقـول الفاهمات افهمـوها
الخيل تنسب للمرابط والأرسان=والبنت تنسبها العـرب لأسـم ابوها
والفاطر اللي عندكم يالتريبان = حِطـو عليها وسـمنا واحفظوها
الرحلة اللي بيـن طـيٍ وخولان = بعـض العـرب لحسـابهم جيروها
إنتاج فكر الرأس منطوق بلسان=بسـيرة جدودٍ ماضيــه سـطروها
ياربعنا الدهمان ذربين الأيمان=أما احفظوها زيـن وإلا اطردوها
وللحق ميزانٍ وللحـرب ميـدان = وبالضيغميـه نعطـي اللي بغـوها
وغير العطا لا مانبيعه بالأثمان = ومـادام هـي في نزلكم احتمـوها
والآ بصيح صياح واقول يتمان = ياحــق ابـوي السـالفة سـنعوها
واللي بسبأ ذكرْه هدهد سليمان= الجــن هـي وعرشـها حضــروها
سطم فهد الخليل

--------------------------

الرد من مشعل عسام التريباني

000 الفاطر اللي شفتها شوف الاعيان 000!!!


يابو فهد يالليث ياطـــــير حوران = رسالتك كل الخلايق قــــــروها
والفاطر اللي شفتها شوف الاعيان = مع ذود ربعن بالرسن جودوها
اللي رسنها يافتــى الجود طمعان = مــــايدري ان اهل الامانه لقوها
مايدري انك شفتها شـوف بمعان = مع ذود ناســـــن بالفلا طيحوها
بعض البشـــر يابو فهد فيه جنجان = كم كــــبد عاقل يالفهيم ادبلوها
ناسن سوالفها خطـــوطن بجدران = حتــــــى الاسامي ياسطم قلبوها
تعلمت قلب الاسامــــي على شان = تضــــيع يامـــن العرب دوروها
لكن نبــــــي ننخا مواريث دهمان = واليا لــقوهـــــــــا يمّكم رجعوها
نجـــدع شداد الضد عنها ولو كان = يحرم عليهم كان هم يركـــــبوها
يحــــــــــرم عليهم ركبها يابليهان = والله ولافـــــي وسمهم ياسموها
مشعل عسام التريباني

[سطم فهد الخليل]

ابيات ترحيبيه بمناسبة زواج فايز لزام ملوح الخليل
وبحضور المحامي الشاعر/عواد بن سلامه الجهني من المدينه
0000 ابيات ترحيبيه !!!


انا اول شي فِــ بداية كلامــي = على محمد صـلاتي والسلامي
نبيٍ خصـه اللــه بالـرســاله =يوجّه بالحلال عن الحرامي
وثاني شي انا اهني وابـارك = لأبوالعريس وجـده والعمامي
حضرنا في زواج الشبل فـايز = معـزه لـه وحـبٍ واحترامـي
واقـول الله يبارك فـي زواجٍ = حضـر في حفلته ناسٍ كرامي
وثالث شـي انـا الضيف المعزب = ومرام اهل الحفل نفسه مرامي
وبأسم اهل الحفل اهـلاوسـهلا= برجل جـامعٍ شــعر ومحـامـي
عــواد ابن سـلامة من جهينه = عريب السـاس خـوال وعمامي
عريبين النسب بنو قضاعه = لهـم مجــدٍ على رأس السنامي
هلا بعواد في حفل الضياغم = كـريمٍ في حفـل قومٍ كـرامـي
احيــي بالنيابـة والأصاله = لأنـي واثــقٍ واعـرف مقـامي
واحيي في رجــالٍ شـرفــونا = جـميع ولا نعـدد بالأســـامـي
هـلا باللي لفـونا ونتشـرف = ولا نلقــي على الغايب مـلامي
والآياللـــه ياجزل العطايا = تديـم افـراحنا في كل عـامـي
واختم القـول في شـيٍ بدابه =على محمد صــــلاتي والسلامي
سطم فهد الخليل

[سطم فهد الخليل]

في اولى ليالي هذا الشهر الكريم

في مساء يوم الخميس ليلة الجمعه 1/9/1433هـ

دعانا الاخ حميد النزاري الخليل لحضور مناسبه على شرف كل من

(الشيخ سلطان والشيخ خالد) ابناء جدعان اللغيصم في قاعة هلا بحفر الباطن

حضرت من الرياض بدعوة من الاخ حميد وتشرفت بالوقوف امام الجميع والقاء الأبيات التاليه

0000 خالد0 جدعان0عواد0اللغيصم!!!

انا اول شي وبـداية كلامـي = على محمد صــلاتي والسـلامي
نبـي اللـه وآلـه والصحابه = عدد مالبـس في مكة احرامي
وثاني شي على الجميع اسلّم = ســلام الله على جمـعٍ امامـي
سـلام الله عليكـم يالنشامى = وعـذراً عن ذكر كل الأسامي
وثالث اشي ابشكر من دعانا = كريم قام في دعوة اكرامي
عريب الساس حميد النزاري = عريبٍ بين خوال وعمامي
دعانا في حفل من شاع ذكره = سما و اسمه سما بين الأسامي
دعانا في حفل ســفير شمر = سـفيرٍ حـل في راس السنامي
خالد 0جدعان0عواد اللغيصم = اسـامي له معــزه واحتــرامي
هـلا بك مرحبا يابن لغيصم = وترى لك عندنا اكبر مقامـي
ترانا نفتخــر ياحل ذكرك = ولبسنا من سـبب اسمك وسامي
اعرف أمجادكم ماهي جديده = قِطامـيٍ ورثهـا مـن قطامـي
واللي غذاه ابو بدم جده = ورضعه من صباه الى الفطامي
يجي مثل خالد0 ليثٍ مجرب = رسَم رسْمه الى العُليا المرامي
ويعيش الشيخ سلطان اللغيصم = سـند لأخوه ودرعه والحزامي
يميـنه هو ضمينه هو معيـنه = على الشـدات في كفه حسامي
وسلام الله على كل اللغصـم = اخـوان و بني عـم و عـمامـي
واختم القول في شيٍ بدابه = على محـمـد صــلاتي والسلامي

سطم فهد الخليل

[سطم فهد الخليل]

الشاعر عبدالله بن زويبن الحربي
من الشعار الذين يشار لهم بالبنان له من شعر الجزل مايتردد على الالسن
قابلته في احد المجالس مرة واحده بدون سابق معرفه وجدته رجل متزن المنطق
الا ان قصيدته الاخيره في مدح ابن عمه يجعل ممن يعرفه يعيد حساباته تجاهه فيما ذهب اليه
حول تعمدة النيل من تاريخ شمر ليس على حساب الممدوح فحسب وإنما بمالا يمت لذلك بصلة
مما قال

وقفته يوم الضياغم نوو حربه= مثل ميقاف العوارض بمشذوبه
كل ماجت سربت(ن) خلفها سربه = عودة من قوة الضرب مرعوبه
من قسى وضرب ربعه ومن ضربه = راحت الغلبا هاك اليوم مغلوبه
شيخهم جا للطمع لاكن اعذربه= ماغزا واد الرمه من هكا النوبه

حول هذاكتبت الأبيات التاليه

0000 ابن زويبن نذكّره مانشهربه0000 !!!

راكب اللي يعرفه من سلك دربه=ركبتة عند اضعف الناس مرغوبه
من مهب الريح ماكوله وشربه = ولوحته بحروف(مهذاب) مكتوبه
انص رجلٍ(ن) حالته حيل مضطربه =عقب ماهو عاقلٍ(ن) غيّراسلوبه
ابن زويبن نذكّره مانشهربه=اشترك بأكل السديري ومشروبه
خابرينه تشرب الناس من غربه =سيرته بالشعر جزلة وموهوبه
وصاريصور كذبته ويتفاخر به= لابسٍ ثوبٍ كبيرٍ ماهو ثوبه
بارك الله له بسوق(ن)يتاجربه=وكل لحية له وقاره وماجوبه
والحصان اللي بحفرة تقنطربه= مادرى انه يركب السرج مقلوبه
والضياغم وقتهم انتم اخبربه= الهدايا جت لهم خيل مجلوبه
دولة (ن) كل (ن) يبي ظله وقربه= تأتيه ناسٍ(ن) مطيعه ومغصوبه
والفعايل ماتجي نبت من تربه=ولانقول انه عن الناس محجوبه
وانت بشت(ن)ماهولك لاتصوربه=ولانت0 ورّيث العوارض بمشذوبه
والعوارض سربةٍ شافته سربه=والاميرارسل ورى الركب مندوبه
وارسل المندوب الآخر على دربه=قال عودوا لياظلم الليل بغروبه
وحنا علوى طيبهم مانتحاقربه = مار لاهي غالبه ولاهي مغلوبه
وحرب نثني عليها بسلمه وحربه = مار تطنينا تصاريح مكذوبه
والسديري يوم حربٍ(ن) رسم دربه =كل حرب اللي بهم خيرقالوبه

سطم فهد الخليل

[سطم فهد الخليل]

عقد ملتقى الجعفر الاول بمدينة حائل في قاعة رويال للإحتفالات

بتاريخ 7|5|1431هـ



وكانت هذه القصيدة هي مشاركتي ضمن الشعراء


0000 (مشاركتي في ملتقى الجعفر)

ياطي طبت وطاب لي فيك تعبير= وبالطاري الطيب يطيب الكلامي

ياتربةٍ نبته صقور وصقاقير= اليوم وايضا ماضيات العوامي

ويادار حاتم اسعدي باطيب امير= لك السعد بسعود حرٍ قطامي

وقت الشدايد قاسيٍ كنه الزير= وقت الرخى نسيم برد وسلامي

وحرٍ على يمناه من ماكر الطير= فرق اختلافه عن بس الاسامي

حرٍ بلا برقع ولا بالقدم سير= ومن المؤسس ناس اسم ومقامي

احفاد من قاد السرايا طوابير= عبد العزيز الفيصلي العصامي

بناء كيان المملكه بحسن تدبير= وارسى بها الدين الحنيفي نظامي

ويامرحبا ويامسهلا ويامساء الخير= يالحاضرين بحفلنا يالكرامي

بسم الذي يشرف على الحفل ويدير= وبسمي وبسم عيال كل العمامي

آقف واحيي ضيوفنا والمسايير= عمومهم من غير ذكر الأسامي

وجودكم يضفي على الحفل تنوير= نور الوجيه اللي ينير الظلامي

هلا بكم واكرر القول تكرير= لنا الشرف ولكم علينا احترامي

في حفلة اليتمان ربعٍ مغاوير= حفلٍ هدفنا منه وصل وسلامي

اللي حضر به له تحية وتقدير= ومن لاحضر وابدا عذر مايلامي

وياعيال هيّا بالدلال المباهير= ترى حلاة الشي يجيك حامي

وحطو من الجاوي بشدق المباخير= نحافٍ مقاضبهن وساع الافامي

ومن بعد هذا ودي اشيد واشير= ربعي لهم علي حقٍ الزامي

يامرحبا بجمع العصاة المناعير= مكاسر العنبر سنادي حزامي

افرح بجمعاهم واسوق التباشير= واصغرهم اللي فوق صدري وسامي

واجبربهم لو ان ضلوعي مكاسير= فيهم دواء راسي وجبرة عضامي

ربعٍ لهم في صفحة المجد تسطير= تسطير تاريخٍ بحد الحسامي

تاريخهم من دور عرار وعمير= عالي مكانه فوق راس السنامي

ضياغمٍ من ساس ضيغم مشاهير= الله خلقهم للمعادي كعامي

على العدو يركون حام المسامير= وصديقهم ينسى الهموم وينامي

ومدحي لهم مابه مذمه على الغير= كل على حقه جزوعٍ يحامي

ولا اقول انا في باقي الناس تقصير= الطيب قسمه بين يامي وشامي

وخلاف هذا باقيٍ قول تذكير= لك انت يامن كنت بالفكر سامي

يابني يابن اخي نصيحة وتحذير= في كل حال احذركم الأنقسامي

احذركم الفتنه ترى مابها خير= بالمجتمع بالدين أو بالنظامي

واحذركم المشبوه بفعلٍ وتفكير= قرب الحمي يدني لقرب الحرامي

ولا. للتطرف و التحزب وتكفير= ونعم نعم الدين دين السلامي

تمت بشكر الله وحمداً وتكبير= سبحانك الله وبحمدك الختامي

وصلاة ربي عد نبت النواوير= على النبي الهاشمي والسلامي

شعر: سطم فهد الخليل الجعفري

[سطم فهد الخليل]

الحقيقه الأبيات ليست جديده بل هي موجود بهذا المنتدى
ولكن اضطريت لتكرارها بسبب مجارات بعض الأخوان لها اللي لم تكن مصاحبة لها بهذ المنتدى

0000 سطم


ياصار ماتدمح لزلات صاحبك=تر0مركزك بين البشر شخص عادي
ويا صار ماتافي بفتلة شواربك=تر0يلحق اسمك عند ذكره سوادي
ويا صار مالك عُبرةٍ من تجاربك=احيان غادي وتقتدي بشخص غادي
صاحبك ترله واجبٍ مثل واجبك=وعليك حقه مثل حقك وكادي
اخفض جناح اللين ولين جوانبك=اكسب قلوب الخلق لا0لاتعادي
خلك تغطي عيب ماهو بعايبك=شف0مغفرة ربك ذنوب العبادي

0000 عواد العلي


ياللي قريتك ود ودي لكاتبك= استاذي المعروف يعرف مرادي
ياعل يومي قبل توضع نصايبك=ياللي على طاريك يطرب فؤادي
بالموقف الغصاب محدٍ يغالبك=واقرب مثل رد الثناء لأبن وادي

0000 سطم


عواد0 تر ودك وصل عند شايبك=ياطيّب السيرة وحسن المبادي
خلوق0 بأخلاقك وربك مهذبك=ومن ساس حماية عراض التوادي
ومابين0 خال وعمٍ العرق جاذبك=عهدٍ علي ماقلت غير الوكادي
عواد0كان السالفة سبكٍ وحبك=انا لكم تلميذ وأنت الــ ستادي
عواد0جزل الشكرمني يناسبك=ياعـل مـايعلـن عليك الــحدادي

0000 علي السليطي




ياشين يا من اقرب الناس حاربك=واعلن عليك الحرب في كل نادي
ياقلت له اقطع يدي قبل تضربك=تزود منه الغطــــرسه والعنادي
ولوقلت اباابعد تايه الراى ينشبك=بسوالف مابين حـادي وبـــادي
والوقت لو غثك يزود تجـاربك=خلك صبور مثل صبر المهــادي


0000 سطم


علي السليطي اصلح الله نسايبك =لاتقرّب الأصبع لــِلمس الزنادي
احذر من الملعون يركب بغاربك=حذراك لايكرب عليك الشدادي
واحذر يجي ذراك مثل ذرى الشبك=خلك ذري ربعك وخلك سنادي
وصفحك عن المخطي تره مايعذربك=ياصار ماهو في خطاه متمادي
ويا علي لك حق ٍعلى الراس واجبك=وشكروتحية بريح جاوي و كادي

0000 على السليطي


نسابتي بالحرب والضرب تعجبك =وابشر بعزك ياحدوك الاعادي
واللي على بعض المواضيع غالبك=اضعف من حلمة الجمل والقرادي
وانا اعرف ان الوقت قطع مخالبك=والله عليـــم بالهدف والمرادي
ياابو فهد ياحظ من هو يصاحبك =لين وطــيب ياحليــل الركــادي
واحذر من اللي تالي الليل يتعبك=ويحرمك من نوم الكرا والرقادي

0000 سطم


المعذرة ان كان به شي مااعجبك=ان كان بالحفرة تقنطر جوادي
وان كان به شيءٍ يكدّر مشاربك=منك السموحة ياكريم المبادي

0000 خيّال


ياماحلا قافٍ ينومس قرايبك=فيه الفوايد والنفع والمبادي
اقديت في قولن معانا يشببك=لو كان ضد النصح هزلٍ ربادي
انصح وخل اللي يعذرب يعذربك=ماسلم شخصٍ من كلام المعادي
الطيّب الصاحي لقلبه يقـــربك=والهافي العايب فراقه ســعادي
مادمت مقفي عن حياتك مكاسبك= كثر النفع بين الحضر والبوادي

0000 سطم


خيّال0 تبي النصح من راس شايبك=اللــــه ايوفّـقك الهدى و الرشادي
واعرف ترى ربك بكلّش محاسبك=جهّــز عمـل ينفـعك يـوم المعـــادي
واقبِل على المقبِـل0 وجنّب محنّبك=وكـثّـر هلا0 وفي ماعـــداها اقتصادي
وان كان ماتغزِل لربعك حواجبك=يعنــي (تََرَكْ) مثل ايّت انسان عـــادي
وتجـاوِز الغلطة تره ما يعذربك=يـرفــع مقامـك عنـد ربعـك وكـادي

0000 علي السليطي


ياابو فهد تسلم ونعم بشواربك =صيتك ظهر في كل ضلع ووادي
والساقط المجهول مايعز جانبك=ناقص ولايعرف طريق السدادي
ياالضيغمي بكل المشاعر نخاطبك=نعم بكم اول وتالي وكادي
والمعذرة ماارسلت لك في مكاتبك= ولك التحية من شمال البلادي
من الرعيلة مرقب المجد مرقبك =كم شيخ قوم من السليطات غادي


0000 سطم


من ردك الثاني كأني معذربك = احساس مني, ويمكن اكون غادي
حسيت كني قائــل ٍشي يغضبك=حـدّك علـى ذكر الحَـلَم والقرادي
ويش الذي تقول بالليل يتعبك= اللي يحرمني من لذيذ الرقادي
وعن ردك الثالث أهلي وأجاوبك = هلا ومعه 0عودٍ وفلْ وزبادي
تحيــهٍ لــك ياعلي ولقــرايبك=أهـل المدن منهم وأهـل البوادي
واعز من عزك واحارب محاربك =وأنا ورى وأنت اركْبَكْ بالشدادي

0000 على السليطي


من ردك الاول وكلمة ناسائبك =صلاحهم يعني احتمال الفسادي
يمكن حقيردائم الكذب والدبك=راعي النمائم مثل طبع القرادي
واللي عن نوم الخلائق محاربك =كلمةحقود تقومك من رقادي
ومن ردك الاخير انا اختار مركبك=لك مركب الشيخ الحكيم القيادي
يابو فهد بعض الكلمات تربك=وبعض الحكي يصير مثل الهوادي

0000 ســـــــــــطم



ابي السموحه ياعلي منك طالبك=توي عرفـــت ان احتمالي وكـــــادي
وعن احتمالك انت تكرم شواربك=واقـول هــذا الـضن مــاهــو مـرادي
واقول لأبن سبيل اللـ آــه ماطيبك =(مــاواديٍ ســيله يفيّـض بــوادي)
لاتاخــــذ الهقوات من يــم جانبـك=(يقطعك من نقـل الصميل البـرادي)
اما لياجت بالشعر والسبك والحبك=انا لكم تلميذ وانت الــ ســـــتادي

علي السليطي
مشكور ابو فهد وانا اسف اذا ظني بغير محله
وبصراحة ياابو فهد اثبتت انك حليم وحكيم وكريم
وانا اللي اطلب منك السموحة
وتقبل خالص تحياتي

[سطم فهد الخليل]

بسم الله الرحم الرحيم
هذه القصيدة قلتها بمناسبة زيارة( آلرِبْعِي ) من الجعفر من سكان تيماءمنذو القدم
عندما استضافهم الأخ محمد بن سميّان بن نعيّم الجعَفْري الشمري بالرياض في ليلة الخميس11/11/1433هـ

0000 حي الله اللي من بعيد متعنين!!!

حي الله اللي من شمال متعنين = ربعٍ لنا بديار تيما لهم صيت
أولاد رِبْعِي من الضياغم عريبين = قشاعمه والجد جعفر ليا أشفيت
يتمان واليتمان ماهم خفيين = والرمح مايطوى على حربته بيت
راحوا على عوص النجايب مقفين = ومابيننا حل افتراقٍ وتشتيت
وعنا تنحّوا ومرة سنين وسنين =ومهما حصل من البُعد نبقى اهل بيت
وطال الزمان وجا حنين البعيدين = حنّوا وأنا على البعيدين حنيت
والحمد اللي في يديه الموازين = يالآدمي جت لك على ماتمنيت
حصل المواصل والتواصل من الدين = واليوم هدّاجٍ يورّد على هيت
واقول ياهداج ماحنا ناسين = في ديرتك عزيز وان جيت حييت
الساس ياهداج بنت الجبلين = انحيت عنها انت وانا ايضاً,انحيت
وهذي ظرفٍ,واضحه للفطينين = تعيشها يالعبد لو انك آبيت
ويامرحبا ياعيال عمٍ عزيزين = ترحيبةٍ مني ومن صاحب البيت
محمد ابو متعب على العسر واللين = للطيب نبراسٍ وللمرجلة صيت
ياعل مثله بالجماعة كثيرين = ولو ابي اعدد في سجاياه ماحصيت
باب الكرم مايغلقه لو هو بالدين = وعندي على ماقلت شاهد وتثبيت
واكبر دليلٍ ثابتٍ بالبراهين = انه بنا في جنب بيته لنا بيت
وهلا وغلا,ويامرحبا بالقريبين = وصلوا وانا على اشرف الخلق صليت

شعر : سطم فهد آلخليل الجعفري الشمري

[سطم فهد الخليل]

لحن شيلة


(يقول اللي مضا له في) (تجاريب الحياة سنين)=(تراي اعرف خفا القلوب ) (بشوف وجيه أهاليها)
(أنا ما رافق الأنذال ) (وأنا اللي أجامل المسكين) =(وأنا اللي خوة الطيب ) (بغالي ما املك اشريها)
(وأنا بنصح بعض ناسٍ) (وأسجلها عليهم دين)=(سداده يوم يعرفونه) ( دعواتٍ منهم نرجيها)
(أنا أحذرك يا لجاهل ) (من الرجال أبو وجهين) =(ترى هروجٍ نقلها لك ) ( لزومٍ فيك يثنيها)
(تحسبنه صديقٍ لك) ( ويلمح بالكلام الزين)=(وهو لك حية ملسا) (تموت وسمَها فيها)
(وأقول ان الزمان أول ) (ماهومثل الزمن هالحين)=(ترى قل الحياء والمر) (جلة قل العمل فيها)

الصمت اخير ولا كلام السفاهه
0000 الصمت اخير ولا كلام السفاهه!!!


ياصاح. والله من امور البداهه = ان الرجل يبقى بحاله أديبه
ومغالط الجاهل أساس المتاهه = تطـخ دلـوه في جوانب قليبه
مليان جوفه بالجهل والبلاهه = سيله يجنّب عن مجاري شعيبه
لا يحترم نفسه ولآبه نباهه = مسكين عنده كثرة الهرج طيبه
قليل ميز وفي لسانه شراهه = خله مع ألعالم يدوّر لِعِيبه
والهذر في سط المجالس ملاهه = لاصار ماللهرج داع وجذيبه
وهرجٍ بلا داعي هبال وبواهه = نوبٍ على راعيه يجذب معيبه
ياصار ما بالهرج صدق و نزاهه = مالك بهرجٍ يلحقك منه ريبه
والصمت اخير ولا كلام السفاهه = والهرج لاجنّبْك جنّب وسيبه
روّض لسانك وأحفظه في شفاهه = ولا كل مايطرق أذانك تجيبه
وكثر اللجاجة ماوراها وجاهه = ولا نال ساكت من سكوته غليبه
يكفيك ما قال الرسول وإلاهه = عن كاظمين الغيظ أخبر حبيبه
سطم فهد الخليل

[سطم فهد الخليل]

اكتم السر واخشى قول راعي علوم

اعرضها امام النشامى للتواصل

0000 من الأرشـــيف:اكتم السر واخشى قول راعي علوم!!!

والله اني بصدري للسوالف كتوم = دام حد السوالف للخطوط الحمر
خايف أقول شيٍ يلحقن منه لوم = وما يحس الحرارة كود واط الجمر
اكتم السر واخشى قول راعي علوم = أويقولون عني ماصدق في خبر
لكن ان زاد الأمر لحدّ لمس الخشوم = التدري اعرفه مايزيد العمر
هيه ياللي تحاول مسح بعض الوسوم= النجوم اللوامع ما يتحولن سمر
والله اني أحاول اقتدي بالسلوم = وادري ان المراجل ينبغي له صبر
واترفع بروحي عن ردي العزوم = واتجنّب مرافق كل صاحب كِبر
وان لقيت اليتامى صرت ابوٍ رحوم = وان لقيت الأسُود اصير ليثٍ نمر
وانتخي بالحرار ولاانتخي بالرخوم= ومن يريد الصقارة يقتني له صقر
والضيافة ما أحبه لوكثر به لحوم = مطعمي زاد بيتي لو هو مي وتمر
وان نويت الضيافة عند بعض القروم= مطعمي منه بنٍ من دلا لٍ صفر
وكل رجلٍ يناظر نظرته للنجوم = ان تردى مسيره وصّله للقمر
ويالله اني دخيلك عن خطات الظلوم= ان تركته تمادى وان نصحتة فجر
كنه اللي يدلل وبيعه اليوم كوم = تشتري من خمسٍ خذ هدية عشر
في لسانه كأنه راكبن له عزوم = ويتقمز تقمز بين جرف وشجر
والبحر من نزل به لازمٍ انه يعوم = ومن جهل بالسباحة على عمره خطر
وآخر القيل اختْمه في صلاةٍ تدوم = على من صار جاره ابو بكر وعمر
مرقده وسط طيبة وعن خطاه معصوم = عربيٍ بأصله وسِيد كل البشر

سطم فهد الخليل

[سطم فهد الخليل]

حي الله ابو بشير الشاعر الجزل

اسعدني انضمامك لهذا الصرح الشامخ بما تعنيه الكلمة

بلاشك انك ستفيد وتستفيد تفيد لمعرفتي بجزالة شعرك

وتستفيد مما يحتويه هذا المنتدى من نخبه تفرض احترامها

هلا بك بين اصحابك

تقبل مني هذه الكيبورديه

0000 ......في منتدانا يالنشامى حصل شي...... !!!

في منتدانا يالنشامى حصل شي=وصول ضيفٍ جاب أغلى الهدايا

أولى الهدايا جاء يغازل جبل طي= (بالضيف حيّوا) كلكم يالطنا يا

شاعر جزاله يازن الشي بالشي= وعلى الجزاله حافظٍ له وصايا

بالشعر عدٍّ وارده فاله الرّي= خزا ينه بأحلى القوافي ملايا

ابو بشيّر واحدٍ من هل الحي= و كل النشامى وقّفوا له تحايا

عواد بن بدّاح في جيتك ضي= نورت في نورك على منتدايا


سطم فهد الخليل

مغازلة جبل طي(

[سطم فهد الخليل]

(لوالحدث مابين شخصين لاباس)

***
0000 لوالحدث مابين شخصين لاباس.......... !!!

يـاصــاح عــنــدي حـمــســةٍ تـقــعــد الـــرأس=تـشـفـي غـلـيـل الـلــي عـلــى الـكـيــف خــوّى


فـنـجـالــهــا يــغــد الـهــواجــس وعــمـــاس=وشـرّابــهــا عــلـــى الــهــمــوم يــتــقــوّى


حـمـســة يــدي مـانـحـمــســه عــنــد حــمــاس=ولا هــي مــن الــلــي بـالـمـطــابــخ تــســوّى


خــذ شــفــةٍ تـبــعــد عــنــك كـــل هــوجــاس=تـجــلــى هـمــومــاً وســـط قـلــبــك تــلــوّى


وشـلــك بـحـمــســة واحـــدٍ مــابــه إحــســاس=يــلـــوم غــيـــره ومــــادرى ويــــش ســــوّى


يـحـمــس ويـحـمــل فــي يـــده رمـــح جــســاس=هـــاوي وغـــاوي ومــــن رفــيــقــه مــغـــوّى


خـلــه يـبــرد بـالــهــواء طـبــلــة الـــرأس=عــطــشــان, يـــشـــرب بـــــاردٍ ويـــتـــروّى


أمـــا ان رأســـه خـالــيــاَ مــابــه عــطــاس=وإلا ان رأســــه فـــــي صــلــيـــبٍ مـــكـــوّى


والـصـبــر طـيــب فـيــه شـيــمــه و نــومــاس=وكـــلٍ حــســب عــرفـــه مــكــانــه تــبـــوّى


ولأنـتــه مـكـلــف بـقــول زيــدٍ مــن الــنــاس=ولاهـــو وكــيــل آدم عــلــى عــيـــال حــــوّى


ولــو الــحــدث مـابــيــن شـخـصــيــن لابـــاس=مـــار الــحــدث بــيــن الـرفــاقــة تــطــوّى


بـأسـم الـقـبـيـلـه والـقـبـيـلـة عـلـى الـرأس=والـسـالــفــة فـــي داخـــل الـبــطــن جـــوّى


مــادام يـحـمــس بـغـيــر مــيــزان و قــيــاس=وخــلـــه يــبـــرد حــرقــتــه و يــتــهـــوّى


سطم فهد الخليل

[سطم فهد الخليل]

مساكم خير وصباحكم سعادة

موقف

رجل بانت عليه الحاجه

ويقدم اوراق اثبات ادوية

يستعطف بها قلوب الرحماء

ظهر له انسان يتفلسف عليه بلا أدب ولارحمة

اخذ المحتاج يتوسل الى ذلك المتفلسف هداك الله يأبني

دعني بحالي عسى الله الذي أذلني أمامك مايذلك أمام الآخرين

لم يتركه الا بتدخل بعض العقلاء


و جاء ت من ذلك الموقف هذه الأبيات

0000 وأمّا الســائــل فـلا تـنـهــر )!!!

لاتنهـر السايل ليا جاك محتاج= أما عطه و إلا اتركه في سبيله
أما عطه مايُعتبر قيمة علاج= وإلا أدع له دعوة وكلمه جميله
ماتدري انه مامشى درب الإحراج= إلا من الحاجة و قل الو سيله
ماكوله العلقم على حامي الصاج= مابين مر0 و حر 0وا عزتي له
تكفى ترى مافيه كافيه الإزعاج= لاتزيد فيه الويل من فوق ويله
اخفض جناح اللين يالابس التاج= لطفا بحال اهل النفوس الذليله
ولاتحسب انك دائم بفلّة حجاج= تر0 دورة الدنيا بيومٍ و ليله
ولا تحسب الدنيا حريرٍ وديباج= تحصل ظروف أحيان ماينقوي له
ترى الذي يملك عمارات وابراج= ماتنفعه في ضعف حاله و حيله
ياسعد من له من العمل نور وسراج= في يوم موعودٍ يجيه ويجي له
وياسعد من له تالي الليل منهاج= وقت النـزول ليا نزلٍ يلتجي له
ويا سعد منهو بالروى مثل هداج= عدٍ رويْ 0وبالروى 0 ينعنـي له
ان جاه محتاجٍ لقى فيه الأفراج= وان جاه طلابٍ خذا اللي يجي له
واحذر ترى الدنيا مذلات وإحراج= ما احدٍ على طول الزمن تستوي له
دوك الذي حطّنه البيض مسهاج= اكبر قهر عقب المطامع حصيله
وصلو على اللي سار بأسرى ومعراج= بأعداد ماكبّـر وعد تهليله

سطم فهد الخليل

[سطم فهد الخليل]

الشاعر مبارك بن طناء التبيناوي

له قصيدة أُطلِق عليها(ملحمة التبيناوي)

موضوعها عن بعض تاريخ جبل شمر

اطلعت عليها في احد المنتديات

وبنفس المنتدى كتب رداً عليها عبارة عن شكرا له على مابذله

علما انه لم يكن بيني وبين الشاعر مبارك بن طناء اي معرفه سابقه

بعد ذلك وجدته يتصل بي بالجوال ويسمعني الرد من لسانه



الى النصوص

0000 سطم فهد الخليل!!!


قال الذي مبدآه في خيرالأقـوال =قبل القصيد وقبـل ياتي مجاله
مبداه بسم اللي خبيرٍ بالأحوال =عـلام غيب العبـد واللي ببـاله
بسم الاله الهادي القادي الدّال =الأرض ملكه والبشر والسمالـه
أمره ليا منه بغى الامر لـه قـال =كن. كان. امـره نافـذٍ لامحالـه
من بعد ذكر الله صلاةٍ بالأكمـال= على رسول اللـه وصحبـه وآلــه
وخلاف هذا جيت في بعض الأمثال= اللـه يقدرنـي لـقـول الجزالـه
جيـت ومعي لــي كلمةٍ لازم تقـال=كلمة الثنـاء مـانـا مـدور جمـاله
كلمة ثنا كلمة شكر قدر واجلال =منـي وممـن حـملـونـي وكــالــه
للشاعر اللـي لــه مكانـه ومنـزال =وكــلٍ علـي مــاقيـل ينـال فـالـه
شاعر علم وأبين اسـمه لمـن سـال=اسـمٍ من الألمـاس يسـوى إعدالـه
مبارك طـنا تبيناويٍ منسبٍ عـال=ونعمين بالملحـا وباللـي اعتزالـه
يابن طـنا ياشـوق مـن تلبس الشـال=بنت الذي لأجـل النسـب ينعنالـه
اسمع سمعت من السعد اطيب الفـال=واقبـل قبلك اللـه فـي كـل حـالـه
اسـمك ينال من الشـعر كل ماطـال=نـــال المعـالـي والمعـالـي مـنـالـه
شـاعر ويارث بالشـعر عدة اجـيـال=سـليل شـعر وحـي هــاك السـلالـه
سليل. من شـعره تقـداء به رجــال=مبيـرك بالقـالات يوخــذ مقـالـه
بالقول. فصـل ومع هل الخيـل خيال=وبالكف. رمـح ومن لسانـه رسـالـه
يشهد له التاريخ بفعلـه وماقــال=ولو أبي اعدد مــا حصرنا مجالـه
واليوم يامبارك لك الشـكرينقـال=من واحـدٍ ياقـف ويرفـع عقـالـه
شـكراً ينـال رضـاك ويريـح البـال=نيـابـةٍ عنـهـم وعنـي اصـالـه
نيـابةٍ عــن لا بتـي كــل رجّـال=علـي . وابن علـي. وعـمـه وخـالـه
وعن الرشـيد عبد الله و عبيدالابطال=وهـلْـه وبني عـمه وجملة رجاله
وعمن سـكن حائل بوديان واجبــال=شـمر و عمـن جـاوره والتجـالــه
شـكراً يخصك وانت للشـكر مـدهــال=حيثـك على التاريخ عنـدك كفالـه
فصـلت تاريخ الجبـل حـي تفصــال=بالصـدق بالتوثيـق مابـه ميـالـه
لاتـرفـع الطـامن ولا تطـمن العـال=كـلٍ ورد ذكره حسـب مـا مضـاله
الحق يرضي ولا على الحق مدخال=ومن لارضي يرجع قصارٍ حباله
هـذا وصلى اللـه على سـيّد بلال=سِـيد البشر و شـفيعها في مـآله

0000 مبارك بن طناء التبيناوي!!!

هلا برسل معرَب العم والخال = صَخَر حراير شحص عمق وسلاله
يزهن سفايفهن على الكور وحبال = ذورات مالمس الملَوَّح حباله
هلا عدد ماهللوا عقب شوال = وأحرم ومن زار الحرم وإهتداله
وإلا عدد ماهل من يوم وهلال = لشخصك وأبثني به لربع الشكاله
لعموم من شخصك ذكرهم بالأمثال = نوادر(ن) تبعه ينومس مشاله
مني جزيل الشكر يالجَزِل وإجلال = رد الثنى جمّل جمال الجماله
وإسم القبيلة مانييعه بالأموال = لا والذي مرسي رواسي جباله
يوم إستحال حلول حملات حيّال = صبر المهادي صبرنا وإحتماله
قلته على المكشوف ياطيّب الفال = يابن خليل أنت العوّض عن هزاله
ماهي سوالف مسردن عقب مقيال = يشعر بنقص (ن)فيه مع دفنناله
قلته شهادة حق نزعن للإشكال = حقائق(ن) قلناه بإثباتنا له
ومرفوع راسي عن هل القيل والقال = ولا حركو بي خصلة (ن) من خصاله
يازبن محتار(ن) عليه الدهر مال = أبو فهد يافرحت اللي شكاله
نسل الرجال اللي بهم تضرب أمثال = مكارمه حميته وإنفعاله
مقدم سناعيس الطناياء بالأفعال = هم عزوتي والعين تبخص حلاله
يابو فهد ماشيّب القاف لو طال = ماقل دل وللحمية رجاله


0000 سطم فهد الخليل!!!

أبو فهد يازن كلامه ليا قال=وابن طناء لاقال عذبٍ مقاله
وصار التواصل بيننا عبر جوال=ولمصنّع الجوال عندي جماله
حيثه يحوّل حالة البعد بالحال=أسرع من المندوب وشدة رحاله
واليوم انا مبسوط ومريح البال=والحمد لله والشكر والثناله
جاني جواب معرب الجد والخال=مكالمه ثم(ن) تبعها رساله
لأذني من لسان التبيناوي تقال=واكبر شرف لي يوم كلم وقاله
يقول لي مشكور ياطيب الفال=اسمع بصوتي واستلمها رسالة
وأنا أقول الشكر لمبارك يقال=رجلٍ جمع بين الشعر والأصالة
شاعر جبل شمر وراوي للأجيال=ليا قال قوله فيه صدق وجزالة
سطر لنا ماطاب من ارث الابطال=مسيرةٍ في جزل الأشعار قاله

[سطم فهد الخليل]

نعود الى الأرشيفيات


0000 شمريٍ انتمي لجبال حائل 0000 !!!

يا حسافة هقوتي مامـن صمايـل = رميتي ورى الهدف وهو صار دونه

وياحسافة من حسبناهـم حمايـل = يدعـون بكلمـةٍ مـا يطبقـونـه

الكلام مـن الرجـل اكبـر دلايـل = و الرجال من المواقـف يعرفونـه

وأن حفرت الطعس يجيك متهايـل = وان بغيت من الجبل ترسي ركونه

والحمايل تحتـرم قـدر الاصايـل = والاصايل بالرجل تكحـل عيونـه

والاصايـل بارجـال تنـال طايـل = بالرجال اللي المراجـل يعرفونـه

يابنـات العـم ياشقـر الجدايـل = دام راسي حـي لاتشكـن مهونـه

شمـري(ن) انتمـي لجبـال حـايـل = مثل جفن ٍ يحتمي بيضـة عيونـه

من حذف له كلمةٍ ماهـو بسايـل = فيه ناس ٍ عـن كلامـه يسألونـه

والله الا يشوف لنجـوم القوايـل = الـنجـوم اللـي قديـمٍ يذكـرونـه

ومـن تعايـل لازمٍ ياتيـه عايـل = ومن تمايل فيـه نـاس يعدلونـه
سطم فهد الخليل

[سطم فهد الخليل]

ردي على قصيدة الشاعر منصور البخيتان

0000 رد: نية العاقل ليا منه نوى 0000 !!!

الشعر لو كان مانسجه طويـل=المهم اللي قـرا منـه ارتـوى
الجميل بحـق يتسمـى جميـل=والثمر يقطف ليامـن استـوى
وانت يامنصور لك شكرا جزيل=عد ماهبـت ذعاذيـع الهـوى

[سطم فهد الخليل]

الشاعر الكبير والملقب بشاعر الأندلس

نــاصــر القحطاني

الكل يعرف قصيدته
( دام اتجاهك شمال مودعك حاجه, سلم على حايل وسلم على شمر)

طبعاً كان هناك الكثير من الردود من شعراء شمر في حينها


وكان هذا ردي في ذلك الوقت

0000 حيو بصبي قحطان حيوه ياشمر 0000 !!!

حي الله اللي لحايل مرسلٍ حاجه= حيو بصبي قحطان حيوه ياشمّر
حيو بناصر غياب وحيو به مواجه= يجلس على جاعد ومركاً شدادٍ مقمّر
حيه على بريةٍ ريحته فاجه= زال الخضار ولونها مابعد سمّر
وحيه على هيلٍ من الهند مدراجه=وحيه على زعفرانٍ كنه محمّر
وحيه على عودٍ ازرق يرفع حجاجه= بديار جاوا مغن العود ومخمّر
حي الله اللي سلوم الطيب منهاجه=والطيب بأهل الطيب لو الدهر عمّر
حي الصبي وحي منهو من انتاجه= انتاج قحطان اهل الكنس الضمّر
الآبة اللي للمعادي تطحن علاجه=وحريبهم لو يطول الوقت ماثمّر
ان جا نهار المواجه تعجب امواجه=امواج بحرٍ من تعرض له مدمر


سطم فهد الخليل

[سطم فهد الخليل]

بمناسبة الأحتفال باليوم الوطني لدولة قطر
تلقيت دعوة من قبيلة العبادله( آلعبيدل)
وإجابة للدعوة وتقديرا للداعي ووفاء مع الأصدقاء
حضرت الى دولة قطر الشقيقةالثلاثاء الثامن عشر من الثاني عشر
18/12/2012م شاركهم الأحتفال بهاذه المتواضعه اطرحها مهامكم

0000 ( ثــامــن عـشـــر أيــّام و ثــانــي عـشـــر شـــهـور ) 0000 !!!

أول كلامي ياهل الحفل ياحضور=سلام من قلبٍ محـب لـمحبين

وثاني كلامي يا مسا الخير والنور=لأهل الحفل هــم والحضور الميامين

وثالث كلام لراعي الحفل مشـــكور=وجه لنا دعوة وجينا ملبين

حفلٍ أقامـه كل خيّــر ومسطور=متوارثه حيين من بعد ميتين

حفل العبيدل عبر الأعلام منشور=وحنا يشرفنا نجيهم مهنين

جينا أنشاركّهم بالأفراح وسرور=بأفراحهم نفرح و ناتي متعنين

وعسى احتفال الشعب بالعيد ماجور=بذكراه تأريخٍ له اعوام وسنين

يومٍ لأهل قطر مخلد ومحفور= وشعبٍ على ذكرى هاكاليوم وافين

ثامن عشرأيام,وثاني عشرشهور=بألف وثمان أمية , وثمانٍ وسعبين

دولة قطر بدا بها يشعشع النور=وتأسست وحدة كيا ن وعلى الدين

وجاسم, بنا كيانها وصار اله سور=بأيديه و إيدين الرجال الوفيين

وحّد كيان اطرافها وشد. إله كور=وحمى حماها عن الفتن و المعادين

وحطم مطامع كل باغي ومسعور=بالراي بالحكمة بعدل الموازين

بالسيف بالبارود باللين بالشور=بالعلم بالتعليم باللبن بالطين

رسم خريطتها و عمم على الفور=للعالم إنــــّا دولةٍ مستقلين

وأصبح لهــا بين الدول مركز ودور=دوله لها تاريخ وعــرف وقوانين

وصار العلم فوق السفارات منشور=ورفف علمها فوق كل الميادين

ابيض بعنابي و ذا رمز مخبور=رمز السلام و رمز دم الشريفين

عاش العلم ومؤسس المجد مشكور=و عسى مـع الأبرار ينعم بعلّين

وتعاقبو بعده على الماكر صقور=على التقدم بالبــــلاد متواصين

كل بما قدم من الشعب مذكور=حتى وصل دورٍ إنشاهده بالعين

دورٍ لأبو مشعل بدا الخير بظهور=يصرف على النهضة كثارالملايين

دورٍ قطر , صارت عمارت وقصور=صارت تنافس دولة الروس والصين

وعسى قطر بأهل قطر دوم معمور=وجوّه مطر ولابه خطر قولو آمين

قلته وانا من اسود في غابة نمور=من شمر سعودي و الإسلام لي دين

ماضي مع الحاضر وكل شي مخبور=شعاري أجا و سلمى ونـخلة و سيفين

وإن ماقصدت اليوم ماني بمعذور=عيبٍ على مثلي يـجي مامعه شين

والمعذرة إن كان في شعري قصور=والعفـو مـن عـاداتكم يالكريـمين

وصلوا على اللي بأطيب القول مامور=وآلـه وصحبه واللي فـيـه متقّـدين

سطم فهد الخليل

[سطم فهد الخليل]

في حفل زواج ابناء حمد العطوني
شاركة بهذه القصيد اطرحها امامكم
0000 الشعر به حكمة وصورة وتعبير 0000 !!!



مبداي احيي بالوجيه المسافير = تحية المسلم على جمع الأسلام

والشعرحل ووردن المباكير = شعرٍ جديد اليوم ماهو من العام

والشعر به حكمة وصورة وتعبير = وعند العرب يحل محل الأعلام

واحلاه مايعطي عن الوضع تصوير = ويكفيك عن لوحة وريشة ورسام

ولأجل العطوني مانقول المعاذير = نقول يابو عبيد دام الفرح دام

وعسى السعادة فالكم والتباشير = وافراحكم تدوم عامٍ بأثر عام

وياعبيد يازامل عسى فالكم خير = وعسى الفرح يبرالكم طول الأيام

ياعيال عودٍ من رجالٍ مناعير = من لابةٍ له بالعلا مجد ووسام

من سلسلة غالب الى جدنا خضير = عيال اليتيمي حي والله من ايتام

اهل الصياني والدلال المباهير = في وقتنا الحاضر وفي ماض الأيام

واهل الرماح اللي تفج الاباهير = يومنها برماح وبشلف وحسام

قومٍ لهم في صفحة المجد تسطير = بحبرٍ حمر وحد المهند له اقلام

وتاريخهم من دور عرار وعمير = له منزلن بين اكثر الناس قدام

ربعي وانا اللي فيهم ابخص من الغير = ما قلت زور ولا تحذيت الأوهام

ومدحي لهم ما يلحق الغير تقصير = كل القبايل به مداغيش وكرام

لاشك ربعي لي مثل ماكر الطير = والطير يعرف ماكره كل ماحام

وانا احمد الله من خيار المواكير = ماينتج إلا مثل غاشم وغشام

واليوم من فضل الولي حالنا غير = امن وامان وسلم واسلام وانعام

في ظل من غطوا جميع المشاهير = سادات في شبه الجزيرة وحكام

آل السعود اهل الفعول المغاتير = بيضٍ فعايلهم مثل بيض الأعلام

اللي حكموا بالسيف هو والدنانير = ودستورهم بالحكم من هدي الأسلام

وصلاة ربي عد نبت النواوير = على النبي اعداد من طاف بإحرام

[سطم فهد الخليل]

نغيمش بن حماد الغريري

ينطبق عليه المثل اللي يقول

(فلان يحط على الجرح ويبرى)


نجتمع عنده كل مساء

سافر هذه العطلة الى الشنان

وارسلت له هذه الرساله الجواليه


0000 مريّت حروة بابكم... 0000 !!!

مريت حروة بابكم يابو سلطان= نسيت سفرتكم عساكم تعودون
يانغيمش الحماد ياطيّب الشان= ياكثر منهم عن غيابك يسالون
مابين جيرانٍ ومابين صدقان = ومابين شيبانٍ عليكم يحنون
والشيخ والمذن وحلقات الأحسان= وجماعة المسجداللي به يصلون
وعندي انا لو المحبة بميزان = اكثر بني آدم لكم مايعدلون
خليتنا مابين ديراب والعان = وبيت واهل لاشك تقول مسجون
ولو هي بكيفي واتخير بالأوطان = سكنت انا بالديرة اللي تخبرون
من الخوير0لياجبّه0لموقق0ليالشنان=احبها والحب راعيه مجنون
واحب سكانه كبارٍ وشبان = اللابة اللي بالمسير يحيون
حيي بعد حيي طليقين الأيمان = ياعلهم بأحلا حياةٍ يعيشون
واسلم وسلم لي على كل من كان =يودكم وانتم لشوفه تودون
ولا تطول الغيبه ترى الكل شفقان=يبون ابو سلطان عنده يتقهوون

.

[سطم فهد الخليل]

اليوم الخميس سيرت على محمد الدوح كالمعتاد

ولكن وجدت الباب مصكوك عسى خير 0ان شاء الله

قلت ابي اسأل نهير النمش عن ابو عبد الرحمن

0000 يـا بـو نمش 0000 !!!

يابو نمش القاف ياجاك مسبوك=يبي منك هرجٍ مفصل ومشروح
عجّل علي عطني جوابك وانا خوك=عطني خبر وشو سبب غيبة الدوح
ماهي بعادة بابه اليوم مصكوك=العادة انه دايم الباب ومفتوح
وانا اخـْبر الخميس للدوح مملوك = في مجلسه هذا يسلّم وذا يروح
ربعن وكن صدور هم خزانة بنوك=ماتصرف إلا مايعالج به الروح
يابو نمش مايلحقن فيه مشكوك=لاشك ابا اسأل عل مافيه ساموح
اسألك يوم انك على الطيب ربوك=يأخو الهيافا عطني العلم بوضوح
يامسندي الوضع بالحيل مضنوك = يعني تصور مادري وين بتروح
ان قلت اروح البر0 للبر مشبوك = يعني طلوع البر ماهو بمسموح

0000 رد الشاعر نهير النمش0000 !!!

يابو فهد ياعل مايصيبك ادروك=يامعاشر الاخيار يامبعد الشوح
جاني سؤالك باجزل الشعر محبوك=وتقول عطني وش سبب غيبة الدوح
ابشرك تر غيبته مابه زنوك=بأم القرا وابشرك خير وفروح
في طاعة الرحمن عسى لك شروك=ياللي علومك بالجزايل لها فوح
سلمت من شر المهاليك والشوك=وسلمت يامشكاي من كل مشفوح
ولاهنت ياريف الخطاطير لاجوك=دايم وبابك للمطانيخ مسفوح
تبري تعبهم من عنا كل داكوك=لامن لفو وانين من عقب لافوح
ياعل يفداء شاربك كل صعلوك=اللي عن الخلان ماهو بداموح
والدوح يملك قمة المجد بصكوك=بصدورنا يملك عمارات وصروح
وعساك ماتفقد رجالٍ يحبوك=وعساك دايم بالطويلات لك ضوح
والبر فعلاً ياسطم كله اشبوك=هي مهزله والبوح كالسم ذابوح

[سطم فهد الخليل]

هذا التكتيك الى معلوم لدي مجهول للآخرين

اطرحها امامكم مع التقديري

0000 هذا التكتيك الى معلوم لدي مجهول للآخرين 0000 !!!

البارحة حسيت بالقلب دكاك = دكاك يـفرق عن كـثير الدواكيك
وبين الفكروالنفس هوشات وعراك=ومابينهن صارت شكوك وشرابيك
ياللي نسيتن اوتناسيت وشجاك = وانا تراي ياصاحبي ماني ناسيك
ادري عن معشّاك واعرف مغداك = واعرف مصابيحك واتابع مساريك
ولياشكيت اوحس بك شي وأوذاك = ادعي لك المولى لعله يشافيك
اهم شي الله يحييه اللي جاك = وايضا بعد انت الله يحفظك ويبقيك
تقول أي خدمة اقول ابد رضاك = السالفة ياصاح ماغير تكتيك

0000 وبعد ايـّام اتبعتها بألأبيات التاليه 0000 !!!

يامن دخلت وشفت مضمون ماجاك = شكراً على المرور ربي يحييك
هلا هلابك جعل الأنذال تفداك = جعل الردي يفداك ويفدا مواطيك
وان ماقريت رسالتي ترني اقراك = مبطي وانا اقراء سيرتك مع خوافيك
واعرفك عرفٍ زين وابخص نواياك= لك قلب مثل الشاش ومافيك تشكيك
طيب وغير الطيب حاشاك ماجاك = ولو فيك عكس الطيب تر مالنا فيك
اصيل و اصلك لمنهج الطيب ينحاك = وترسم على ماضيك سيرة مباديك
ومن شجرةٍ اصله كما شجرة الراك = والراك شجرة منتجـه للمساويك
وانت اعتبر نفسك من الراك مسواك = يعني طهور للفم و يارب مرضيك
ومن جل روس القوم حنا اعتبرناك = والهقـوة انك من وراء ظننا فيـك
وأقـول0 لو انـه واحدٍ ماهو أيـّّاك = ( سبع العوذ ياجريس خلـن و اخليك )

[سطم فهد الخليل]

في بعض منتدياتنا( شمر)
هناك مايسمى الحوار التاريخي
الآ ان البعض منه بعيداً كل البعد عن الحوار
وقد يصل به الحال احياناٍ الى ما يخدش الموروث الشمري
فالي بعض المشاركات الشعريه النبطيه التي تدعو للوحدة ولم الشمل

اخيراجاءت فكرة بلونا آخر من الشعر
فبنيت قصيدتي هذه على معلقة لأمرؤ القيس
هي (قِــفــا نـبــكــي)
اطرحها امامكم وتروها تجربه

0000 ....... قـِـــفــــــا نــبـــكــــــي ........


قفا نبكي لحال تاريخنا الأولي = بعينٍ تذرف العبرات دمعا وتهملي
على حال ارثٍ لطال ماعلا بنا= واليوم ما بين مأجورٍ و مقهورٍ يحملي
شكى وبكى ويبكي اساً لحالتِهِ = ومن الأحفادِ, لا من الأضداد ابتلي
يصيح وينخى ويستجير بأهلِهِ = ويقول بصوت عالٍ صليبٍ ياااااهلي
أتداس الكرامة بعد الشموخ بارجلٍ = أيجوز دوسا على الرؤؤس بأنعلي
أيتسابق الأبناء في عقوق أجداد هم = وهل يرضون أحرارنا بهذا التحولي
يقول تاريخنا , اشكوا حال حالتي= من أقلامٍ أساءت ليّ , بقصد ألتجملي
أُ ناسٌ لا يحملون لخوف الله عاقبةً = كجيوش نظاماً يحاربون عُزّلي
امأجورون هم بأجرٍ من لدن حاقدٍ = أم أن لهم صدورٌ , من الأحقاد تمتلي
اقول لهم هل التسابق يكون للردى= ام التسابق للأحرار يكون إلى العُلي
اتعقلون ام تجهلون ماحل بأرثكمُ = سواد أ قوا لكم , فيه بياضكم ينطلي
إلى متى تحقير الذات لحال ذاتها = كفى كلاماً كثيرا ككلام الجهّلي
تسابقتم بأمجادكم إلى رؤؤس قممٍ = بأفعالكم ومن الأقوال أطيب الجملي
اتعلمون كيف كسبتم اسم غلبا لقباً = لم تكن لكم نسباً بل جاءت بالأفعلي
وبلغتم من الشموخ مابِهِ يُعانق السماء= وحل بكم كما حل بالشهب من تحللي
تتساقط الشهب من السماء تتابُعاً = إلى مالا يُعلم له مكاناً وليس له اجلي
اخشى عليكم بعد غدٍ من حالةٍ = لاتملكون سواء الأسم ورقم السجلي
اخشى عليكم بعد غدٍ من حالةٍ = لاتملكون سواء الأسم ورقم السجلي
اخشى عليكم بعد غدٍ من حالةٍ = لاتملكون سواء الأسم ورقم السجلي

[سطم فهد الخليل]

شيٍ جديد يناسب لموقـف جديـع

شيٍ جديد يناسب لموقـف جديـع .. !!!

يقول منهو طوّع القاف تطويع=مبدآه ذكر الله وفيه متأمّل
ياهاجسي خلك على الكيف ومطيع=واحرص على شيٍ جديدٍ يجمّل
شيٍ جديد يناسب لموقف جديع=اللي على روس المعالي مصمّل
رجلٍ يسوم الطيب ولا يطري البيع=طِيبٍ جديدٍ فوق طيبٍ مسمّل
ميراث أب و جد أهل المفازيع=وهذا أبو مذود للمسيرة يكمّل
نادر ومن ماكر حرارٍ بواتيع=مثل الأصايل في سباق التحمّل
وافي وكافي يابعيد المراميع=زودٍ على فعلك ترى اسمك يجمّل
والله مالي من ورآها مطا ميع=ولا أنا من اللي للعطايا يأمـّـل
وماقلتها ياكود طنخة وتشجيع=واحس راسي بالطناخه ينمّــل
واختم بحمــــد للـي له المسلم يطيع=اللــــي لخلـــقه حــــافـــظٍ مــايهمّــــــــل

سطم فهد الخليل





.

[سطم فهد الخليل]

يابو مشعل لشمروالمزاين نروح إلى جديع ابن لغيصم الحاتمي الطموح

بمناسبة انضمام الشاعر الكبير شاطي مجول الخليل الى هذا الصرح

وجب ان اطرح امامكم هذه المتواضعه كي تتجمل بمروركم
0000 يابو مشعل لشمروالمزاين نروح إلى جديع ابن لغيصم الحاتمي الطموح 0000 !!!

يابو مشعل تولم للمزاين نروح = خاوني يابو مشعل و إلا خذني خوي
لأجتماعٍ لشمر به دواء للجروح = يشفي الجرح ويبري كل حرة كوي
جعل رجلٍ سعابه واعلنه في وضوح =من حياةٍ هنيه يرد حوضٍ روي
ابن لغيصم جديع الحاتمي الطموح = للمعالي عشوق و للمراجل هوي
فيه نفسٍ شموخ وفيه روحٍ تفوح = وفيه رايٍ سديد وفيه راسٍ قوي
وبين ربعٍ هممهم فوق عال الصروح = وبين تاريخ ماضي للشموخ يحوي
وبين قومٍ كرام ولادخلهم شحوح = وبين قومٍ طنايا مثل عدٍ روي
وبين ساسٍ قديم وبين مجدٍ يلوح = وبين ميراث طيبٍ لحضري وبدوي
وارفعوا لأبو مذود فوق عال السطوح = رايه للبياضٍ و للثناء تحتوي
مثل شمس النهار ومثل ضوٍ يضوح = فوق عال البروجٍ العاليه تستوي
واذكر فهيد ابوسطام شيخ مزوح = لأبو مذود عوين و دافع معنوي
مثل عودٍ بريح الطيب دايم يفوح = بالمواقف شجاع وبالحميا حموي
شوق من لون خده لون برقٍ يلوح = عندليبٍ بصدره تقل طلع ثروي
ومرني على جيبك يابو مشعل نروح = والآ أمرك على جمسي وتركب خوي

.

[سطم فهد الخليل]

هذه الأبيات تشرفت بها من الأخ العزيز الشاعر طلاع الزميلي الشمري

فأقوله له شكرا يأبو طلال وصح لسانك ورفع الله قدرك




يقول



هـلاهـلا فـرحـه ومـعـزه وتـقـديـر= يالضيغمـي راع العلـوم الشريفـه
سطـم فهـد خليـل وجـه المناعـيـر= حلوالنبـا ونفـسـه عفيـفـه خفيـفـه
من شيوخ شمر مخضبن البواتير= ضياغـمـاً تخـيـف ولاحــداً يخيـفـه
الضيغـمـي الي نتـخـا كـنــه الـزيــر= ضربات صرخه بالجماجم مخيفـه
ضياغـمـاً لاصــار ورداً وتصـديـر= صطواتهـم علـئ المعـادي عنيفـه
اخـوان نـوره مدمـريـن الطـوابـر= جنـايـزاً سـتــر الـعــذار العفـيـفـه
وخـتـامـها اجـمــل تـحــيه وتـقـديـر= لسطم فهد وجه الرجـال الشريفـه

شعر طلاع الزميلي الشمري

0000 رديت عليه بالابيات التاليه اقول0000 !!!

الشعر وهبة والمعاني تعابير= وكلٍ يقول اللي بمزاجه وكيفه
وانا بـقول طلاّع ياطلة الخير= يابو طلال راعي العلوم اللطيفه
يامرحبا تقدير بدال تقدير= راعي وفاء وراعي مبادي الشريفه
رجلٍ وفي مايلحقه أي تقصير = وطلقٍ حجاجه ودوم نفسه خفيفه
وخدين عذبات الدلال المباهير= وحلو النباء وسمح المحيا لضيفه
ومن لابةٍ ضربه يفج الأباهير = ايّام اخذ الحق في خشم سيفه
اولاد الأزمل بالليال المعاسير= منزالهم بأقصى الديار المخيفه
ونعمٍ بهم وكرر النعم تكرير= حازوا على كل العلوم المنيفه

[سطم فهد الخليل]

من مكان مزاين شمر تربة حائل لعام 1434هـ
اطرح اماكم هذه المشاركة لأنهم هم انتم وانتم هم
0000 على الماضي تواصوا ما حييتوا مبادي مـانبي عنها بدالي !!!

هلا حييت يطارٍ طرالي= عساه الياطرى يصدح بفالي
عساه الياطرق باب القوافي= يجيب ولايجيب إلا الجزالي
يجيب من المعاني ما يجيبه= وابرمجها بصدري وبخيالي
وابث رموزها لأطراف شمر= من النهرين الى سمر الجبالي
ومن غيرقصور0 في شعب الجزيرة= عموم 0 من الجنوب إلى الشمالي
ولاكن ماقفي هذا لشمر= بني عمي زحازيح الرجالي
وبعال الصوت انادي بالأسامي= بصوتٍ عالـيٍ من راس عالـي
الآ ياهل الطنا. ياهل اللحيسة= سناعيس الجبل ياراس مالي
ملكتوا بالفعل غلبا كسابه= ماجتكم بالنسب جت بالفعالي
وملكتوا ميزةٍ بين القبايل= طناخة راس وميلٍ بالعقالي
وعليتوا بالمعالي واعتليتوا= قبل عرف السعاده والمعالي
ورثتوا بالكرم والدار حاتم= وعلوم الطيب والصدر شمالي
وعلى الماضي تواصوا ماحييتو= مبادي مانبي عنها بدالي
كفانا بالعطا فعل ابو خوذه= كفانا بقول (خوذ ) من الجلالي
وكفانا بالصخــى السمن العرابي = يصب السمن إلين السمن سالي
وكفانا بالكرم كريم سبلا= يوصّف به كريمين الرجالي
وكفانا بالضيوف ابن سعيّد= معشي الذيب يوم عواه طالي
وكفانا بالخوي عبيد اخو نوره= خويه في سنام المجد عالي
يقول العيب هذا وارثينه= قديماً من عمام ومن خوالي
وكفونا الدعوج في شيلة مجيدع= على الأمتان حملٍ واحتمالي
وكفانا دغيم بقوله وفعله= بشب النار وتقليط الدلالي
وكفي البايح محيي بالطراقي= واهل جبه هل الخل الشمالي
وكفى ابن هذيل فايز والحُريرِي= زهّيد ولابهم زود احتمالي
وكفانا القعيط هايس في فعول= صليب الراي زيزوم العيالي
وكفانا بالوفا فـزعات ضاري= راع السودا ولو هو ميت غالي
اخو صلفة على الشـدات يرسي = كما ترسي الكبار من ألجبالي
وكفانا بالوغي فعل( الجنازه)= اللي لأبوه يضحي بالرجالي
وكفى برزان وحاز المجد كله= كمال المجد ولله الكمالي
وكفانا عز في دولة معزي= عسى عزه يدوم ولايزالي
هل العوجا عريبين المناسب= رجالٍ تحترم قدر الرجالي
بنوا دوله على هدي الشريعه= ولا غير الشريعه احتمالي
وصفينا ومع حكومتنا وفينا= ولهم منا الولاء أول وتالي
وحل الأمن والخير بوطنا= وشربنا من البحر ميٍ زلالي
وكفانا بالمزاين من كفانا= رجالٍ ارخصوا غال الحلالي
تواصوا بالمراجل لأجل شمر= لهم بيضاء على اعلا راس عالي
ذخر عواد0 عواد اللغيصم= لهم ارفع شكر و ارفع عقالي
ويعيش جديع وقـوموا صفقوا له= وقـولوا معي يعيـش بصوت عالي
يابو مذود0 ترى بقول الأوائل= مايـزهى بالرجال إلا الفعالي
وترى لك لابةٍ تفخر بفعلك= هذا بن عمٍ لك وذا بن خالي
وعلى طيب ومحبه اجتمعنا= وترى الجمعا بها عز وجلالي
ترى الجمعا ضمن سنّة محمد= اذا كانت على شيٍ حلالي
كفى وا خـْـتم كلامي بالتحيه= واعذراً كانهـو طوّل مقالي
وانا سـنعوسيٍ من روس شـمر= جعفري ضيغمي والراس عالي
ولا اقول انا الفهيم بكل حاجه= بشر واخطي وأصيب بكل حالي
وعن أي, قصورٍ مني سامحوني= ترى بثي على قدر اتصالي
وختامه مسك صلى الله وسلم =على اللي لمسجده تشد الرحالي


سطم فهد الخليل

[سطم فهد الخليل]

قصيدة بدأت خاصه للجعفر مع بداية انطلاقة بناء المضايف المصاحبه لمزاين شمر
وبعد اكتمال بناء مضيف الجعفر( الضياغم ) اتخذت منهج التعميم الى عموم شمر


0000 الرأس شاش من السطر!!!

الرأس شاش من السطر ودواه عندي بالقصيد=والعلم واضح مايخفى شـمر سجع موالها
ولي حاجةٍ في خاطري ودي اقوله بتحديد= ولاحدٍ يلوم احدٍ على وجهة نظر ياقالها
دونك رساله ارسله بالمنتدي يابن رِشيد= يم الرجال شبه الجمال اللي تشيل اثقالها
وأنخ الضياغم لابتي اللي يضدون الضديد= اولاد جعفر عزوتي اللي يظل ظلالها
السالفة ياربعنا شوفوا لنا العلم الأكيد= ياشيوخها يارجالها ياكهولها يااشبالها
نبي لنا مع العرب شي نحطه بالرصيد= يالعنبو نفوسٍ تموت همه تصرر مالها
كانه ماجاء رد الخبر أعطيك أنا الراي السديد= افتح حساب المنتدى وكلٍ يقول انا له
وأنخ العلى وأنخ الخليل وأنخ الرزانا والعبيد= وأنخ الحيامرة والعطون وأنخ آلقشعم أبطالها
وكان الضياغم مافزعو ندور لنا اصلٍ جديد =وللي عقدة روس الحبال يحلها حلالها
لاوالله الآ يفزعون وياسعد منهم له عضيد=ضياغمٍ مجد وفخـر ولا نبي بدالهـا
والكلمة اللي قلتها قصدي اثاره وتحشيد=كلمة تقال بوقتها ليامنه جاء مجالها
وأقول لشمر لابتي تسمعو بيت القصيد=من رأس شاعر كلمته يعرف متى مدخالها
اللي يبي الراي السديد يفطن للي قاله عبيد= وترى الولي يامسندي كفيل بوصل حبالها
العز بأطراف الظفر في بني مجدٍ من جديد=مجدٍ يتبع مجدٍ مضى على اختلاف أحوالها
وكريم يامزنٍ نشاء يرعد ويبرق من بعيد=غيمه ثقيل وعلى تربة هلت حقوق خيالها
بأمر الولي وعزم الذي مشو على الراي السديد=شمر بطيب أفعالها تفخر أجيال أجيالها
اللابة اللي لياضربة تضرب بيدٍ من حديد=واليوم تضرب وضربها على رؤؤس أموالها
نعم كذا وإلا بلاش, مجدٍ يورث للحفيد= ومن فضل ربي لابتي افخر بطيب أفعالها
هذا لنا مجد هنا يمشي ورى مجدٍ تليد= بعزم الرجال اهل العزوم اللي تهد جبالها
وياللي تشك بوضعنا تفضل العلم الأكيد=بعينك تشوف أفعالها قبل سماع أقوالها
وراسي لياجاه السدر تدري وش دواه المفيد؟= بجمعا رؤسٍ لبسها يعرف بميل عقالها
رؤسٍ تميل من الطنا وله بالفخر اكبر رصيد=شمر سناعيس الجبل عسى السـفاير فالها
وصلوا على خير البشـر شـفيعنا يوم الوعيد= بعـداد مـا تعـاقبــة أيـامـهـا وليـالهـا

سطم فهد الخليل

[سطم فهد الخليل]

هذه قصيدتي التي ارسلتها إلى مسابقة شاعر الملك
المصاحب لمزاين قبيلة شمر للأبل في تربة حائل
اطرحها امامكم

0000 جانا الخبر عبر الفضاء برساله !!!

جانا الخبر عبر الفضاء برساله=وعــــم الفرح جنوبها وشماله
وغنا الحجازي بللحون حجازي=والساحل الشرقي نهـــم مواله
ونجدٍ تغنت في لحـن نجداوي =وانــا احـمــد اللي عزنا تبراله
وانا احمد الله يوم شـافا وعـافا=اللي يحسبنا مثل حساب عـيـاله
مليكنا اللـي كلنـا ندعـيلـه=وهـو يستحق بحـق منا الدعــاله
راعي وفاء ويقول شعبي وافي = وشعبه يبقى على العهـد وفـاله
اجروشفاءوتمحيص يابو متعب=ومن كان مثلك الشفاء يرجاله
لأنك تحب الله وتحب شعبك =واللـه حكيـم ولاتخفـاه الحـاله
وندعي لك الله ياسجدنا نصلي=ونسجد شكر يومه شفاك رضاله
عسى الذي شافاك يمهل عمرك=بأحلى الحيـاة أيامهـا وليـاله
ياخادم البيتين ياصقر العرب =صحتْك كل الشعب كن الغلاله
نالك دعاء عودٍ كبير بسنّه=عـلـق عـلـى بـاب الإلـه آمـالــه
وتدعي لك اللي مات عنها زوجه =كفيتها هـمـه و هـم عيـاله
تُصرف لهـا البطاقة الصـرافـه=وتصرِف رواتبها من اقـرب آله
شيٍ ضمان وشي سموه حافــز=ومساعدة لأجل تحسين احوالـه
الله يديمك في لباس الصحة =وتبقى للأمـه سـترها وظــلاله
وتبقى لبيوت الله درع ٍوخادم=واللـه يمـدّك فـي قـوي حبـاله
هـذا كـلام الشـاعر الخليلي = سطم فهد عـسى السفاير فالـه
تمت وصلى الله على سيدنا = المصطفى محمد وعلى وآلـه

سطم فهد الخليل

[سطم فهد الخليل]

السلام عليكم

ابيات صبحتني مع هذا الصباح

للعل لترديدها اثر في النفوس

0000 .......اللهـــم....... !!!

اللهم انني عبد ضعيف= عايش مابين شكور وصبور
يارحيم وياحليم ويالطيف= ياعليمٍ في خفيات الأمور
سايق اللقمة الى الداب الكفيف= الله اكبر سقت له لحم الطيور
اسألك وارجيك باليوم المخيف=موقفٍ من بعد حشرجت الصدور
ساعةٍ ماينفع الجمع اللفيف=ولاتفيد احلى القصور عن القبور
ولايميز بين وضيع وشريف=وكل خافي عند الإله مخبور
رحمتك لاجيت يمك مستخيف=شاكيٍ ذنبي الي ربٍ غفور
ضايفك ملهوف يا اكرم مضيف=انزله دار السرور وشوف حور



سطم فهد الخليل

[سطم فهد الخليل]

هذه مساجلة قديمة بيني وبين الأخ فهد شويش الخليل


حي الجواب اللي من الرأس ناقيه= من فاهما ما يلحقن به ملامة
قرما شجاعا يعجبك في مماشيه= سطم فهد ليامن تردا الخمامه
قال الذي طرد الهوا ما يدانيه= من خلقت الدنيا ليوم القيامة
والقلب ماله شف باللي أنت هاقية= لوطا لت الأيام وأيضا عوامه
علمه عميق ويعلم اللي مسويه =وعجزت لأكشف غايته من مرامه
يدور من دورات ألازمان وبكية= لولا ضلوعي جيدات عظامه
وسطم رمع له رمعتا في محاريه= شوف العصور الماضية والجهامه
صجا مثل ما قلت ياسطم باعيه = ودار الدهر بي يالاديب بندامة
افر من نومي ليا جيب طاريه= ريح الهوا الممتاز وأيضا الجهامه

وبيت الشعر في عالي الحيد بانيه= يجلى هموما بانياتٍ خيامه
........................الى قوله=..........................................

ردا على قرما يهمن تحرية= على السطر جاك واقبل ختامه
فهد شويش الخليل

الرد


0000 ردا على قرما يهمن تحرية= على السطر جاك واقبل ختامه !!!

يقول من حط القلم بين صبعيه= بين اثنتين وثالثتهن بهامه
خطا لفاني يا هلا ومرحبافية= من واحدٍ عندي عزيزٍمقامه
حي الجواب اللي لفا وحي مافيه= وحي الكلام وحي منهو كلامه
حييت بالمكتوب من شان راعيه= مكتوب من يلزم علينا احترامه
مكتوب من يشكي الزمان وبلاويه= يشكى الزمان بدورته وبترامه
وساعة قريت الخط عرفت مافيه= وأدركت مقصد من كتبه ومرامه
يا باغي الماضي ويامن تراجيه= اعرف ترى ربك امربأنصرامه
وقتٍ مضى ما ظن ترجع لياليه= وحنان للماضي جداه الندامة
بيت الشعر والبر لأعاد تطريه= راحن مراح اللي عليه الردامه
نسكن ببيت من المسلح مبانيه= وبابه تر الحداد جود لحامه
هو منوة اللي يبي قولت ماهو فيه= يضفي عليه من الستايرظلامه
متمركا عند الحبيبة تقهويه= مابين مجلسها وغرفة منامه

يا فهد خذ مني كلاما منقيه= واسمع كلام اللي يرتب كلامه
الله خلق للعبد عقلا يقديه= كرامةٍ ياوي والله كرامه
اعرف زمانك ولا تناظر بماضيه= تر الحكيم اللي يناظر أمامه
هذا زمان اللي كثارٍ مصاريه= لوكان مملوكا يشيخ بعمامة
تجيه عصمان الشوارب تراجيه= وليا هرج ماحدٍ يقاطع كلامه
والمال مثل السيف بيدين راعيه= ولازم حدا الأمرين يلبس وسامه
امّا كسب به خير وطيب بعوانيه=والا جداه من اقرباه الملامه

وهذا الزمان الله يزين تواليه= ونطلب من الرب الستر والسلامة
زمان يابن العم كثر العجب فيه= ماحدٍ يميز صاحبه من خصامه
الذيب يطلب من ألحصيني يخاويه= والحر الأشقر يستجير بنعامه
وراع النميمة والنقيلي برز فيه= واللي يقول الحق يلحق ملامة
هذا كلام اللي يقدي مواطيه= يخاف من حيفا يدمي بهامه
والحيف مايفهم ولو قلت له ليه= ومالي ومال اللي قليل مهام
والهرج كثره يا فهد مالنا فيه= وصلو على المختار وهذا ختامه


سطم فهد الخليل

[سطم فهد الخليل]

0000 ان ضاقت الدنيا عليك وتكدرت !!!

اليوم انا لبعض المعاني تخيرت =للجزل وإلا هزلها مالنابه

يالعبد لامنك بدنياك فكرت =لذت نعيمه مايعادل خرابه

ان سقت فكرك بالحياة وتبصرت = يعاف منها من يحسّب حسابه

ومهما قعدت اوقمت اوسرت او طرت=مالك عن اللي أنكتب لك كتابه

اعلم ترى مالك عن اللي على الكرت= اللي كتب لك خالقك واعتنابه

ان ضاقت الدنيا عليك وتكدرت= فأعلم ترى الإلـه مفتوح بابه

وان زان لك وقتك وطغيت وتكبرت= فأعلم ترى دنياك عجل انقلابه

حتى لو انه زان وقتك وعمرت = آخر مطافك حفنةٍ من ترابه

مار ان سجدت لوجه ربك وكبرت = اعرف ترك وافقت وقت الأجابه

اطلب ليا منك عن الحي غادرت= انك رفيقٍ للنبي و الصحابه




سطم فهد الخليل

[سطم فهد الخليل]

عنده الشبة العصر
وراح للمسجد يصلي المغرب وترك الباب مفتوح

0000 الباب فتحه سلم طيب ومحمود !!!


رجلٍ فتح بابه ولاهو بموجود= قولوا لراع الباب يصك بابه
السالفة ماهي خباريك يالعود= هذا الزمن ملزوم تحسب حسابه
مرارت الشارع سرلانك وهنود=تجمعت ثعالبه مع (كـلابـه)
أبو الكلام ونان وسيد ومسعود=لا بالكلام ولا المبادي تشابه
الباب فتحه سلم طيّب ومحمود=وحي الذي حافظ عليه ومشابه
مار البلا يالعود من شي موجود =وضعٍ كثر من يشتكى من مصابه
قلْ الحيا يالعود والأمن مفقود=ولاتامن البوقة من ادنى القرابه
وكانه سلندر غاز اللي منك مفقود=اسجد شكر لله وانس رجابه
تر صكتك للباب مافيه منقود= وبيتٍ بلى راعيه مثل الخرابه
سطم فهد الخليل

[سطم فهد الخليل]

هذه الابيات كدت ان
اشارك بها حفل الهيافا بمزاين شمر
ولكن
كان سبب عدم المشاركة تأخري بالوصول
واعتذاري عن المشاركة عندما شاهدة ازدحام الشعراء

0000 من بين شـمر خص هم وضعهم غير0000 !!!

مبداي بسم اللي عليه التياسير=وعلى النبي افضل صلاة وتحايا

والله يمسي كل منهو حضر خير= الشمري او من جميع البرايا

الشعر والشاعر وحلو التعابير= اسـوقهن على الهيافا هدايا

الجزل يزهي بالوجيه المسافير= في ملتقى المجلا بوسط الطنايا

ربعٍ لهم عندي معزه وتقدير= كرام النفوس جزال مد العطايا

نجيب داعيهم وناتي مسايير= هذا هو المطلوب وغاية منايا

واكبر فخر ياجيت يم المناعير= بنوكٍ الرجال وبالمفاخر ملايا

وهم مزبن اللي وهقته المقادير= اللي تعرض له سهوم المنايا

مزبان من حده زمان المعاسير= مجلا وتدريبه جمع البرايا

من بين شمر خص هم وضعهم غير= مزبن ومأمن من حدته البلايا

وان طوحن بأصواتهن الغنادير= بالموقف اللي به يباس الشفايا

بان السعد بوجيههم والتباشير= وعند اللزم يردو حوض المنايا

رديهم مابين ابازيد والزير= همه الى العلايا يسوق المطايا

هذا وانا ماقلت كذبٍ وتزوير= والناس تدري بالعلن والخفايا

وصلو على اللي سيرته كلها خير= الـلـي تــرك فـيـنـا خـيـار الوصايـا



سطم فهد الخليل



والسبب في تاخير نشرها هنا هو ضياع النسخة الأصليه
وكان جاري البحث حتى وجدت المسودة بين اوراقي

[سطم فهد الخليل]

ماتدري ليه

..........ماتدري ليه..... !!!


نشن بالرأس جزلات المثايل = كما تنشا المزون من المخايل
رعد رعّاد مزنه واستهلة = بقولٍ صادقٍ صدقٍ صمايل
وأنا. ياقلت قولٍ لي دليلي = ولا ارضى اقول قول بلا دلايل
اقول . ولا اقول إلا الحقيقه = ولآ لي من ورى قولي جمايل
أقوله . لأجل يفهم من تجاهل = ليحوي سيل راسه بالمسايل
الى اللي قال . والله مادرينا = اثر شمر بها أجواد وحمايل
يقول إنـّا لشمر ماعرفنا = الا بمزاينن للبل بحايل
واقول . أحنا نتشرف بالمزاين = ولكن عندنا قبله فعايل
وانا بعطيك موجز تهتديبه = ولالك في كثيرات الوسايل
تنبّه واستمع كانك ماتدري = من راس لرأس ماهو برسايل
ماتدري ليه سمونا الطنايا = وماتدري عن سنا عيسٍ بحايل
ماتدري ليه لُقّبنا بغلبا = وماتدري منهم خيار القبايل
ما تدري ويش معناة اللحيسة = وماتدري منهم كرام السبايل
ماتدري منهو السمن العرابي = وماتدري من بنى برزان حايل
ماتدري عن عطا الشيخ ابو خوذه = اصايل خيل يبراله زمايل
ماجاك العلم عن فعل السعيّد = مع سبعٍ طواه الجوع جايل
وماجاك العلم عن ليلة ثويني = وماجتك اخبار الحمزي وابن وايل
وماتدري حنّا . شيخ العفو منّا = ابن طوعان كسّاب النفايل
وماتدري عن فعل ولد الزبيلي = من اجل الجار لأحدى كلاه شايل
وماتدري عن فعل ولد الرمالي = لصبي قحطان لأحدى كلاه شايل
وماتدري عن فعل ولد الجعفري =لبنت مطير لأحدى كلاه شايل
نماذج.اسلم وزوبع وعبده = خذوها ورث. من نهج الأوايل
ماتدري اننا نفخر بحاتم = معشّي الضيف من لحم الأصايل
ماتدري عن شموخ الراس عالي = ماتدري ليه عقال الراس مايل
ماتدري منهو الحي الجنازة = لاقضّن روسهن شقر الجدايل
ماتدري اننا حنّا ياشمر = نشوش ونفتخر بقولة حوايل
كذالك نفتخر بأجا وسلمى = وجبل سنجار وفعول الأوايل
ماتدري . اننا شيوخ الجزيرة = وما تدري . اننا حكام حايل
وما تدري إننا مهما بلغنا = رجالٍ نحترم كل الحمايل
ماتدري. وما عرفت إلا المزاين = سقى الله نجد حقوق المخايل
وجزى الله من حكمها بالحساني = جعلها دفئ وبردٍ بالقوايل
وخلّى الريم ينام متريّح = ولاهو عن اسُود الغاب سايل


سطم فهد الخليل

[سطم فهد الخليل]

تعلمنا التويتر والتغريدات
واثناء تجوالي
في تويتر لاح لي اسم منادي ندا المايق
فغردت اليه تغريدة لأجل ايصالها لأخيه فواز
الذي كان من سكان الرياض ثم انتقل الي حائل ,
منادي قام بأيصال التغريدة الى فواز
التغريدة

...تغريد...!!!

ياصباح الخير والا يامساه = بشرن عن حالكم يابن نداء
ياسلايل من لهم جاه و وجاه = اسرةٍ محدٍ ذكر فيهم رداء
بلغ اللي حل في دار اقرباه = ان له عند الربع اكبر صداء
الله انه يحفظه بأي اتجاه = ويجعله مابين توفيق وهداء

سطم فهد الخليل

فواز المايق بعد ان وصلته التغريدة
رد علي بالتغريدة التالية
التغريدة

ياهلا براع البيوت المنتقاه = عد ماالقاري بذكر الله بدا
بيض الله وجه من بين وفاه = من رجال هم ويا البخل ضددا
لابة يم الثريا مستواه = شامخين وطيبهم ماله مدا
كم جعفري يوم برزان إحتماه = قال عمري دون بيبانه فدا
فواز نداء المايق

[سطم فهد الخليل]

لاتعجبك سكبة عقالي

يامساء كل الأحبه والولايف= الله انه يسعدك خلن بحالي
ماهقيت اني انا ويّاك الايف = بيننا مثل الجنوب عن الشمالي
ليتني لاقيك في روس النوايف= يوم عيني معجبه صورة ظلالي
في زمانٍ ماالتحقنا بالوظايف=همنا الربيع في روس المفالي
امّا عرف اليوم تقفاه الحسايف = شايبٍ .لاتعجبك سكبة عقالي
انتهيت وتبت واعلنت النكايف= بين روضة مسجدي وشبة دلالي
سطم فهد الخليل









.

[سطم فهد الخليل]

ان كان في رفقة ,,نهــار,, الملامه كثرعلىْ من الملامات تكثير
.
هذه المتواضعه ماهي الا امتداد لجسر التواصل فيما بيني وبين
الشاعر العملاق . الأديب . الراوي .نهار بن هيشان الوبير
وهي عباره عن ردة فعل تجاه شخص آخر
ان كان في رفقة,,نـهــار,,الملامـه كثر عليْ من الملامات تكثير !!!

يامرحبابك يارسول السلامه=الله يجازي فاعل الخير بالخير
ترى عيوني ماعليها غمامه=وانا فطين ولاابي منك تذكير
مقصدْك فعل الخير والا نمامه = السالفة مابين يتمان ووبير
واللي مثل شرواك يحفظ كلامه =ويش دخلك بالسالفة خير ياطير
وان كان في رفقة نهار الملامه= كثر عليْ من الملامات تكثير
هذا رفيقٍ لي ليوم القيامه= ويبقى رفيقٍ لي على الشر والخير
ولي الشرف ولي الفخر والكرامه= هذا ابن عمٍ يرفع الراس وامير
هذا ملك بالمجد ذروة سنامه=من شخصه الحالي الي جده عمير
عريب ساس من الخوال لعمامه=ولااقول انا في باقي الناس تقصير
والمحترم يفرض علينا احترامه=وباقي الملاء الله يوفقهم الخير
وترى الذي نقلت ماهو كلامه= تأكدو ياهل الوجيه المسافير


سطم فهد الخليل
.
وهذا رد نهار ابن هيشان الوبير
* من صادقك ماعض كف الندامة *
وهذا رد نهار ابن هيشان الوبير* من صادقك ماعض كف الندامة *


يابو فهد ياتاج راسي وسامه = انشهـــد انك صــادقــأ بالتعــــابير

يابو فهـد بالطيب عندك علامه = تشوم للعـــالي كـــما شومت الطير

حـــرأ ولا بترثك سلالة نعـــامه = ويمتاز تفكيرك على كــــل تفكير

من صادقك ماعض كف الندامه = تصمد ولو طالت عليك المشاوير

وانتم وحنا كـــل ابــونا رحامــه = ولاهــمنا من بيننا نافـــخ الكير

وانتم وحنا من بيوت الزعامه = وليا صفينا كـــلنا سالم الــــزير

يالحـمة مافــك طـــقــه لحــامه = كـــف ٍ بكــف ولا حصل فيه تغيير

واللي يحاول فكها به غشامه =جاهــل ولايـدري عــديم التــدابـير

مايدري ان الساس فيها ضخامه = البيت بانينه بحــكــمة وتبصير

يتمان مع صفران قمة سنامه =بالمجـــد والتاريخ مــابه تناكير

ياصارت القالات نمسك زمامه = صيارم ٍ مانلين لو يدهن السير


نهارهيشان الوبير

[سطم فهد الخليل]

يـاكـبر غلـطة كـثـير العِــرف يـاكـبره

يـاكـبر غلـطـة كـثـير العِــرف يـاكـبره !!!

الله يدرّ الزمان يكوّن الخبره=والله يدر الظروف تبيّن الخافي

والله يدر المواقف تعطي العبره=تعطيك درسٍ مفاده اصح ياغافي

ياكبر غلطة كثير العِرف ياكبره=تجعلك تأخذ عنه صورة وميقافي

لأن التعمد لو انه وخـزةٍ بأبره=مع صغر حجمه تعادل ضرب سيافي

وان خاب ظنك باللي تبيه لك جبره=سج القدم عن دياره وامش لو حافي

وانا عتابي على اللي وافياً شبره=ولالي عتابٍ على المسكين والهافي

ومن بعد كسر الخواطر ياصعب جبره=لاشك بيقى الفضل للسامح العافي

وياحي صدرٍ على غيضه غلب صبره=واسدل على عيب غيره بشته الضافي

وتبقى علوم الرجل لو كان في قبره=ينير بنوره على اللي نورهم طافي

وياتيك خط القلم على حسب حبره=ياصار به حبرصافي , خط لك صافي

سطم فهد الخليل

[سطم فهد الخليل]

اجمل ذكريات الذاكرة


http://store1.up-00.com/Aug13/MwE89980.jpg

[سطم فهد الخليل]

شحذ الهمم

البحر له سواحل والدول لها حدود

البحر له سواحل والدول لهاحدود =والبشر له عقولٍ تدرك الواجبات


والعرب لهم وشيخ ولهم رجلٍ يقود =مقدماً للجماعة مثل إمام الصلاة


واتفاقٍ بالآراء واتحادٍٍ بالجهود =ولم شمل الجماعة من نجاح الحياة


شيخنا يابو وادي فيك نرقى سنود =وفيك نشمخ شموخ جبالنا الشامخات


وانت مافوق راسك غير حكم آلسعود =حاكم جبال شمر سنينه الماضيات


ولابتك في وجودك ترى همهم تزود =وأنت فيهم تنال العـز والطايلات


يأخو قرحا مادامك حاضرٍ بالوجود =مايـنـوب الوكيل ولا تسد الوصاة


يأصيل المناسب و ياعريب الجدود =ويا رفيـع المقـام وياحميد الصفاة


جودنا في وجودك ياخو قرحا يجود =ولا لنـا عـن وجـود دام فينا حيات


اصعب الصعب عندك هيـنٍ مايكود =وأنت من ساس طبعك تروض الكايدات


دوك بيت الضياغم شامخـا بالنفود=مثل اجـا بالشموخ ويشبهه بالصفاة

سطم فهد الخليل

[سطم فهد الخليل]

محمد بن عقيل بن محارب الطواله
اهدى علي ذود مغاتير من الأبل
اعجاباً منه في قصيدتي التي القيتها في مزاين الابل لقبيلة شمر
وفي مابين اصراراً منه ورفضاً مني إلا انه حسم الموقف باليمين والطلاق
فهذه الابيات هي في نظري اقل من الحدث الا انها تعطي صورة صريحه لكل ماحدث


: دام بالدنيا طوالي باقياً بالوجود / الوفا والحميا باقياً له بقايا



لوتطول الليالي بأهل الجود جود= ولو تجف الموارد به حياضٍ ملايا
ودام بالدنيا طوالي باقياً بالوجود= الوفا والحميّا باقياً له بقايا
وكل شيٍ اقوله له دليـل وشهود= والطواله بدون شهود ماهم خفايا
شف كبار العطايا من سليل الفهود= جل ذودٍ هديه من كريم السجايا
من سليلٍ اصيلٍ من عرين الأسود= من سلالة شيوخٍ من شيوخ الطنايا
بين عتيبة خوال وبين شمر جدود=من الطنايا والهيلا آخذٍ له مـزايا
شف محمد عقيل وشف شموخ السنود= شف وشلون القصيدة فيه سوت سوايا
انا قلت القصيدة بأجتماع النفود= يوم شمر تجمّع لأجل عرض الرعايا
يوم حنا نتجمّع في شمالي زرود= يوم كلٍ يقلط بالمضايف صنايا
ويوم اقول القصيدة في فعول الجدود= مابغينا وراها لا عطاء ولاهدايا
ويوم سمعه محمد قام جوده يجود= كن عنده على عموم شمر وصايا
قال جتك الهدية من المغاتير ذود= قلت حنا ماناخذ للقصايد عطايا
كثر الله خيرك وجعل ذودك بزود = وجعل يطول عمرك ماتجيك المنايا
قال علي يمينٍ واشهدو يالشهود = واتبعه بالطلاق أمام كل البرايا
حالفٍ له يمين ولاحوارٍ يعود=قالو الربع تقبل مابقي به حكايا
الطواله وفاهم من قديم العهود=لابةٍ للمعالي يتعبون المطايا
واللحيسة واهلها من جدود الجدود=بالعطايا إجزال و بالحمايا حمايا
الله اللي جعلهم غيث يبس الكبود = والله اللي فرقهم في كثير المزايا
من قديمٍ كرمهم مثل جم العدود = ياردنه عطاشا ويصدرنه روايا
ويا محمد عقيل عداد وبل الرعود= من جميع الطنايا لك جزيل التحايا

سطم فهد الخليل

[سطم فهد الخليل]

مشرفنا الفاضل / صالح الغازي مايجيب الا مايروق ويناسب للجميع فلك الشكر
يابو غازي على النقل الجميل وللشاعر الشكر على الشعر الجميل ونعم بك وبشهران العريضة
ودائما ما ياتي الثناء الا ممن يستحق الثناء

فـ الى الجميع رابط ماجاب ابو غازي وماقال الشهراني
http://www.nshama-shmr.net/vb/showthread.php?t=30989

واليكم هذه البيات الكيبورديه





بسم شمر بسم حايل بسم اهلها

بسم شمر بسم حايل بسم اهلها=رجالها وجبالها وايضا سهلها
بسم غلبا والسناعيس الطنايا=واللحيسة والحميه هي واهلها
مرحبابك يابن شهران العريضة=لابةٍ لاصارت العوجا تعدلها
لابةٍ مكانها روس المعالي=والمعالي والقيم شهران اهلها
يانهار ابن سعيد الصوع ارحب=بارك الله بساحةٍ شعرك نزلها
مرحبا حييت ياجزل المعاني=المعاني اللي لنا صالح نقلها
ابو غازي جايبٍ منك الثمينة=جابها بالمنتدى بأحلى حللها
وعادةٍ له مايجيب الا الجزالي=والجزالة دوم ابو غازي جملها
وياهلابك يابن شهران العريضة=عد ليله جت ورى ليله بدلها
حي ابن شهران بديار الطنايا=شمر اللي للثقيلات تحملها
حل بديار الطنايا ياهلابك= يابعد حيي نقوله وانت قلها


سطم فهد الخليل

[سطم فهد الخليل]

السلام عليكم يالنشامى
هذه الأبيات قلتها اهداء الى بعض من شعار شمر مجتمعين في قروب بالواتس آب

ياهل قروب العزوة الشمريه

ياهل قروب العزوة الشمريه = اهدي لكم اطيب سلام وتحيه
الأوله ابداء واسلم عليكم = من بعد ذكر الله وذكرى نبيه
والثانيه مما اديره بخاطري = اسدي لكم بعض النصايح هديه
ترى خيار القوم حصة جدودكم = ورثٍ لكم هي والوفاء والحميه
وترى لكم بين القبايل مكانة = وترو السلوم لكم اطيبه واوليه
من غير قاصر في جميع البدايد= لاشك اذكّركم وابيها وصيه
وهذا كلامٍ للرجال الأوايل = لاهوب لانسجي ولاهوب ليه
ولايفتحر في طيب الموات الا حيا = الا بفعلٍ زاده او صار زيه
لياصار لك ماضي يحاكيه حاضرك= وترسم عليه حروفك الابجديه
أشمخ براسك فوق يشمخ صديقك = وعسى العدو سنام على طميه
سطم فهد الخليل

[سطم فهد الخليل]

السلام عليكم جميعا
عذرا من الجميع سبب الأنقطاع عدم وجود الجديد
ولكن اطرح امامكم ما استجد
هي مشاركتي بحفل زواج الشيخ سعود بن وبران الكتفاء

ياعيال عـدي الحاتمي ياهل العدوة ياهل الشنان

سلام الله سلام الله سلامٍ يرضي الرحمن=على الحفل واهل الحفل وضيوفهم قبل ابتدي
وعلى النبي اليعربي سيد البشر ولد عدنان=ازكى صلاةٍ والسلام لسابع سماءٍ تصعدي
و بعــــده ابنقل كلمةٍ مرت على سمع الآذن=وبران يقول يامرحبا وهلا بكم0بعرس ولدي
وانا سطم ابن فهد ابن خليل من اليتمان=آقف هنا ولي شرف يأحفاد ابن حاتم عدي
حضرت البي دعوةٍ للشيخ سعود ابن وبران=واجب على مثلي يجي ليامن دعاه الأجودي
جينا نبارك للجميع لأبوه وله وللأخوان=وندعوا لهُ فيما دعى فيه النبي المرشدي
اللهم بارك لهم وبارك عليهم يامنان=واجمع مابين قلوبهم ياخير رب يعبدي
ياعيال عدي الحاتمي يأهل العدوة يأهل الشنان=يالابةٍ منذ القدم مأحدٍ ذكر فيكم ردي
الله يديم افراحكم ويمدكم بامن وامان=وراع الحسد عن شوفكم عسى عيونه ترمدي
وانا فخورٍ في حضور حفلة زواجٍ للكتفان=لان الكتفاء اسمٍ علم بين العرب مثل الجدي
اسمٍ ينومس لاذكر وبين السامي له مكان=اسمٍ هرم وماكر كرم وابن عدي وجهٍ ندي
ومن لابةٍ نفخر بهم اليوم وايضا من زمان=اهل اللحيسة محزمي وقت الشدايد مسندي
أهل امجادٍ ماضية والحاضرله شاهد عيان=كرم رحم فرسة وفاء فزعه باليوم الأسودي
واكبر دليلٍ للوفاء يشهد زمانه والمكان=وتشهد فعولٍ ماضيه وسود الليالي تشهدي
الجوف وحائل تعتزي وقت الشدايد باسفوان=راع السوداء ياسندي قال انا حاضر يابعدي
يأهل اللحيسة والجوار ياهل سبلا ياهل السنان=نبذه والا لوهي عدد يطول شرحي وعددي
الله يعز جموعكم ويديم جمعاكم بأمان=يامن بكم فخرٍ قديم و فخرٍ جديدٍ جددي
وياسعود ياطيرالسعد ياللي تصيد من السمان=يابن وبران اطلب عسى بأطيب حياةٍ تسعدي
المهرة اللي عندكم من مربط خيلٍ للصفران=من ساس عمير الضيغمي محفوظةٍ صلب وثدي
ادري تعرفون اصلها ولاهي لي بحاجة بيان=لكن انا من واجبي ادي الياقلت جهدي
وختامها على النبي اليعربي ابن عدنان=ازكي صلاةٍ والسلام لسابع سماءٍ تصعدي
سطم فهد الخليل

[سطم فهد الخليل]

ابيات ضمن حملة سجين شمر ( يـاســر ) المحكوم بالقصاص
أو فدية واحد وثلاثون مليون واربعمائة الف ريال سعودي


شــــمــر ترو الفزعات هذا مجالها

شمر تـرو الفزعات هذا مجالها = وتـر أم ياسر مالها الا رجالـها
تشكي و تبكي بالعيون الحزينة = وتـرجي متـى نوم العيون يحلالـها
وانتـم لها كل الأمل بعد ربها = شمر بكم عز وملز وذرالـها
ياحضها يوم انّها تـعـتزيــبـكم = وتنخـــى منـاعـيرٍ كــرامٍ سـبالـها
وقـولـوا معي تبشــري يأم ياسـر = حــنا هل القـــالــة وحـنا جــمـالـها
وحنا زمولٍ للثقيـلات تـرتـكي = شـــــمر تسوق ارواحـها قبـل مـالـها
سطم فهد الخليل الجعفري الشمري

[سطم فهد الخليل]

ابيات بمناسبة حملة الجعفر(الضياغم)
لعتق رقية سجين شمر (ياسر)

لابتي يالضياغم

لابتي يالضياغم لاعدمناكم = يامنارات شمر واكبر ركونه
شيخكم باللوازم يوم ينخاكم = يدري ان الفعايل تكحل عيونه
ابو وادي بصوته يوم ناداكم = وقال ياسر ياربعي لاتخلونه
لابتي عادة المظيوم ينصاكم = ياهل المجد الأول لاتناسونه
وين شمر ترو ياسر تحراكم = وترو الأرواح كله معه مسجونه
ابو ياسر برجا الله ثم رجواكم = وام ياسر بدمعه تذرف عيونه

سطم فهد الخليل

[سطم فهد الخليل]

السلام عليكم اعتذر للجميع عن الأنقطاع
اشادة بشاعر الضياغم/شاطي مجول الخليل

دونك اسمع جوابي كان تبي الأكيد = انا اعطيك الأجابة على قدر السؤال
أبو مشعل تربع فوق عرش القصيد = في كلامٍ مهذب كالقراح الزلال
شاعرٍ للضياغم وللضياغم حفيد = واللقب يوم حازه اشهد انه حلال
حي راسٍ تغنى بالكلام السديد = وحي قولٍ حقيقي مابني باحتمال
وحي شاعر محنّك بالقوافي زهيد = مايروق لمزاجه كود نظم الجزال
حي شاطي واكرر حي شاطي واعيد = وآقف لكل حرفٍ من كلامه اجلال


سطم فهد الخليل

يقول ابو مشعل
الشاعر شاطي مجول الخليل

كبر حجم الشهادة كم انا به سعيد=من رفيقٍ شموخه كشموخ الجبال
لو قراه الفرزدق في عبارة لبيد=ينحني له تذلل دون شك وجدال
من سطم ضيغميٍ بالقصايد يشيد=شمس عزٍ تبهرج في وضوح وكمال
يالها من مفاخر كبر وزن الرصيد=الفخر بالفعايل والرصيد الرجال
له سلامي مكرر مايميل الجريد=مايضم الجنوب وماحواه الشمالشاطي مجول الخليل

[سطم فهد الخليل]

في عتق رقبة سلمان هليل الويباري الشمري

حنا مع الصفران في كل حاله


سلم على سلمان ليارحت يمه=وقل للويباري الطلب لايهمه
قل له ينام ويهتني في رقوده= لايشيل همٍ شمر عيال عمه
شمر ليا ثقل الحمل وارتكوله= مايقبلون بمنزلٍ دون قمه
عاداتهم شيل الحمول الثقيله= وهذا عليه اثبات وابراء ذمه
شف فعلهم يوم ان ياسر نخاهم= كلن تعزوى وقال عيناك يأمه
ليااجتمع عبدة والأسلم وزوبع= وقامت على ساق وقدم والتمه
يا عنك من يزبن عليهم بعيطا= يشرب من العد الروي وجمه
شمر ياشمر يافزع من نخاكم= يافرحة المظيوم وابعاد همه
لاتذخرون جهودكم عن ولدكم= الهمة.الهمة. تروها. مهمه
قولوا. حنا الويبار حنا الخميّس= ودم الساير. دمنا من دمه
حنا مع الصفران في كل حاله= ومع كل من اسم القبيلة ضمه

سطم فهد الخليل

[سطم فهد الخليل]

في يوم الخميس ليلة الجمعة تاريخ 18/10/1435هـ
كان هناك ملتقي لآلجعفر في قرية الخوير بمنطقة حائل
على شرف الشيخ/ محمـد بن بعيـجـان ال عــلــي
حضر الملتقى نخبة من الشعراء من غير الجعفرشعللوالأحتفال
بعد ذلك اتت مشاركات شعار الجعفر وكان لي من بينهم نصيب
اليكم المشاركة
مشاركتي في ملتقى الجعفر بالخوير

سلامٍ احلى من حلا شمّخ الغيد= واطيب طعم من در أم القعيّد
للحاضرين بحفلنا دون تعديد= جميعهم من غير خص وتحيّد
ويا شيخنا الله يعيدك على العيد= ياللي على جمعا الجماعة تعيّد
ياطير شلوى ياحفيد الأجاويد= ياللي على سلم الجدود متقيّد
تسلم يابو وادي عدتك المناقيد= حاشاك عن طبع المراجل ماتهيّد
وسلام لليتمان خصٍ وتحديد= اللي لهم مجدٍ قديم وتسيّد
اللي لهم في قمة المجد تخليد= يتمان لحصون المراجل تشيّد
ربعي وانا منهم ولاعنهم احيد= ولا خير باللي عن الجماعة يحيّد
واليوم انا لي بالقصايد مواعيد= ولأقول انا في ساحة الشعر سيّد
لانا التبيناوي ولأقول انا رشيد= ولا محمد القاضي ولابو زويّد
ولانا لُبيد ولا الهلالي ابو زيد= لاشك انا لاحتجت نفسي جويّد
وعندي بعض خبرة سنينٍ جراهيد= سنينٍ عن المولد خذني بعيّد
وادلي بروس اقلام لعلي افيد= لعلي ادلي في بعض شي جيّد
واقول ياليتمان واقول واعيد= قولٍ له العقل الحقيقي يأيّد
العز بالجمعا وكادٍ وتأكيد= وقفت اثنين ولا وقوف الوحيّد
وياللي تبي مجدٍ تشيده تشييد= ايّاك عن جمعا الجماعة تحيّد
احرص على جمعا رجال الصناديد= واترك بعض شيٍ لحيلك يبيّد
ولياختلط بالراي صدر ومواريد= وحضر به اللي حاصراً للتصيّد
خلك مثل قاسي حديد البواليد= والطف بحال الذيب من بن سعيّد
وان جت من الأدنين عوجٍ مساريد= خلك لهم مثل ليان النفيّد
واصبر على بعض كلام المقاريد= ترى الجمل ماشال حمله قعيّد
وان مرتك حرداء ولافي يده قيد= غض النظر عنها وخله اتسيّد
ان نوخت عندك فجهز له الحيد= وان سيدت تنحر نفود اللبيّد
وصلو على محمد وللرب تمجيد= وسبحانك الله ولك الحمد جيّد


سطم فهد الخليل

[سطم فهد الخليل]

ابتهال الى الله في يوم عاشوراء

ابتهال الى الله
يالله ياوالي على كل والي=ياللي بجودك جدت على اهل الجود
يامن على بابك اعلق آمالي=ولولا وجودك كان ماكنت موجود
اطلبك تقبل دعوتي وابتهالي=ابي اطلبك يارب والعمر محدود
مادمت بالدنيا فجّمل حوالي=بسترٍ و يسر وعلم غانم ومحمود
وان صرت في قبري وحيد لحالي=فوقي تراب داخل القبر ممدود
وفارقت غاليني وكل الأهالي=ولامعي حيٍ بقبري سوى الدود
لطفك وعطفك ياعزيز الجلالي=لا تجعلن عن شربة الحوض مردود
وان مار حمت الحال واعز تالي=جميع بابٍ غير رحمتك مسدود
وعساه تشمل كل شخصٍ دعالي=مسلم ولا له غير الإله معبود



سطم فهد الخليل

[سطم فهد الخليل]

يارب
يالله انا بدعيك في اعظم اسماك= واعظم صفاةٍ لك , بها ياصفونك
ياكاشف الكربه ويامدير الافلاك= ويامكون الدنيا بكافك ونونك
انك تجود بجود جودك لمن جاك= وله حاجةٍ مايقضيه حي دونك
حيثك عليم الحال ماشي يخفاك=(ومالا نراه احنا ), يرنّه عيونك
يارب انا كلي امل بك واترجّاك = وانت العليم بحاجة اللي يجونك
يارب في عطفك ولطفك وحسناك= وعفوك وتوفيقك وتصريف شونك
كن لي دليل ومرشدٍ لي على رضاك= انا وكل اللي بالعفو يطلبونك
واعوذ في وجهك وبأسمك وبحماك= وعظيم سلطانك وشانك وكونك
من شر ما تخف الليالي بدنياك= وبالآخرة عن قو باسك بهونك

سطم فهد الخليل

[سطم فهد الخليل]

اليكم جديد الانتاج
بمناسبة اليوم الوطني لقطر
مبداي بسم اللي عزيزٍ جلاله=وعلى نبي الله افضل صلاته
ومن بعد ذلك ابتدي بالرساله=للي يبي طيب الكلام وحلاته
قال الذي ياقال يحفظ مقاله= ويحط من ذاته رقيبٍ لذاته
ياقال يوجز مايحب الاطاله= وهذي صفة متأصله في صفاته
الأوله على رجال الشكاله=مقدار مايعطي القلم من دواته
سلام صافي وافيا كا لزلاله=واحلا من الحالي وسكر نباته
واطيب مذاق من مباهر دلاله=والذ من طعم العسل في شفاته
وازكا من الكنبود عن اشتعاله=ياخالطه ريح النفل من فلاته
لعموم منهو حاضر من رجاله=واللي على الشاشه يتابع قناته
وعلى العبيدل كلها بأكتماله=يعمهم عموم وهم منتهاته
اللآبة اللي حيها من سلاله=الجد الأول حافظينٍ وصاته
رجالهم بالطيب يرخص حلاله=وعند اللزم يرخص بغالي حياته
عبادله مذهب وطيب واصاله=وليت العديد يبوح في ذكراياته
وأخص رجلٍ كل ماجا مجاله=كلمة نِعِم يقول عندي وهاته
ماقالها لسانه تقوله فعاله=يكفيه عن قوله فعل ماضياته
ابن خميس اللي يشرف قباله=يضفي على كل المراجل عباته
على شرف ربعه وحفلٍ دعاله=حـق الوطن يقول ندّي زكاته
واللي دعا حـقٍ علينا نعناله=واجب وكلٍ يحتمي واجباته
ردّت ثنا ماهي عليهم جماله=حتما علي اجيه بمناسباته
وجينا نشارك مع قطر بأحتفاله=مبروك يادولة قطر ياولاته
دارٍ لأبن ثاني عسى الخير فاله= عسى السفاير فالها بمقبلاته
الشعب ينعم في ذراها وظلاله=ياطيبها وياطيب شعبه حماته
الشعب عن داره يفادي بحاله=وهي تحفظ حقوقه ومستلزماته
وقبل الختام آقف وابين مساله= قبل السلام ورحمته وبركاته
انا من اللي كل مسلم عناله=وإلا توجه يمها في صلاته
ومن لابةٍ شعاره تميّل عقاله= توضيح عن كثر الكلام وشتاته
وصلو على محمد وصحبه وآله= واللي نهج نهجه وسوّا سواته


سطم فهد الخليل

[سطم فهد الخليل]

السلام عليكم
منتدانا نشامى شمر
لعلي اشارككم عن الأنقطاع


في ليلة الأحد
26/3/1436
تشرفت بالمشاركة ضمن الشعراء في احتفال زواج
ابناء الأخ غالي صالح الخليل بقصر الملكة بحفر الباطن

المشاركة

مشاركة في اامسية حتفال زواج

بدايتنا. بسـم رب ألجلاله = إلـهٍ .واحدٍ ماحدٍ بـداله
مدير الكون ومدبر شئونه = عليما عالما في كل حاله
وصلاة الله.على المبعوث فينا=بُعث فينا لتبليغ الرساله
نبي الله .وعبد الله مُحمد = وعلى صحبه . وأتباعه وآله
وبعَد هذا.سلام الله عليكم=حضور الحفل يارجال الجز اله
سلام الله على جمعٍ أمامي= سلامٍ يبلغ النفس لـمـنـاله
سلام ومرحبا واهلا وسهلا=اقوله بالنيابه والأصاله
هلا واكرر الترحيب فيكم= بسم غالي وفي حفله عياله
وابنقل كلمةٍ غالي يقوله=سمعته0في آذاني يوم قاله
يقول أهلا.برجالٍ شرفونا= جماعة والمعارف والزماله
ويقول اللي حضر حفلة عيالي=حضوره يعتبر عندي جماله

ومن ثم

سلام ياجمع الرجال المناعير=في ريحته كادي وبالذوق حالي
وتسمعو ياهل الوجيه المسافير=الليله اغني على ماطرالي
والليله الليله ترى وضعها غير=متميزة عن باقيات الليالي
ليلة فرح لأبوفرح عم وكْبير=وكبيرنا قدره على الراس عالي
وانا حضرت واسوق بعض التعابير=لعلي اوصل لو بعض ما ببالي
جينا لابو خالد معزة وتقدير= جينا نبارك له زواج العيالي
مبروك ياغالي عسى فالك الخير=والله يحقق غايتك و الآمالي
وللي مثل شرواك مابدي معاذير= غالي يا بوخالد وبالاسم غالي
وسلام ياقشعم وسلام ياخضير=من ياصله صوتي ومنهو قبالي
ياولاد جعفر يالرجالٍ مشاهير=ياللي لكم مجدٍ قديمٍ اوتالي
ويالابتي يأهل الدلال المباهير = مكاسر العنبر بعاد المدالي
المجد ماجاكم بحكي الأساطير=جاكم بحد السيف وخشم الريالي
وتاريخكم من دور عرار وعمير= قمة هرم عالي بروس الجبالي



سطم فهد الخليل

[سطم فهد الخليل]

الفرق بالاسماء عبد الله وسلمان
مات المليك اللي عقدنا الرجابه=بعد رجانا بالولي عالي الشان



لاوالله الا الموت جاه وغدابه=عمره قضا وحان القضا وجاه ديّان



عساه بجوار النبي والصحابه=عمر و ابوبكر وعلي ٍ وعثمان



ويارب حقق له صحيح الاجابه= لاقيل من. ربك. نبيك والأديان



وعساه في يمناه يحمل كتابه=وعساه ينعم بين روح ٍ وريحان



اللي لشعبه دوم مفتوح بابه=ساحات بيته دوم للشعب ميدان



اللي جمع حكمة وعطف ومهابه=والين من الحرير ياصار طربان



للشعب به لين بنباه وخطابه=وللضد فولاذ ٍ وصُـلب ٍ وصُوان



وقت الشراسه شرس كل ٍ يهابه=قوي باس. وبالرحم ارحم انسان



رحل وترك دنياه حتى ثيابه=يالله عساه يمر مع باب رضوان



وحل بمحله واحد ٍ ينهقابه=اللي يسمونه خواصه كحيلان



الساس واحد وبينهم به تشابه=والفرق بالأسماء عبدالله وسلمان



سطم فهد الخليل

[سطم فهد الخليل]

يوم الأربعاء ليله الخميس29/4/1436هـ
احتفى الشيخ /عودة بن فهيد ابن رخيص
بمنزله الكائن بحي الندوة شرق الرياض
احتفى بالأمير الدكتور/تركي فيصل الرشيد
تشرفت بالقاء هذه القصيدة
اخوان ميثا..........
يا تركي الفيصل الأشعار تنقاد=والموقف الحاضر يذكّر بماضيه
يا بن رشيد احداث الأيّام تنعاد=يعيدها اسم المعزب وطاريه
يعيد ذكرى بيت زيزوم الأولاد=بيتٍ لأبن رشيد ماحدٍ بناسيه
ابن رخيص ونازلٍ حد الأجراد=قال اقبلوا وانتم هل البيت ياهيه
بيتٍ علم. ياللي عن البيت نشّاد=من قول عبد الله وانا اليوم اجاريه
ماهو بلجل ياقال شاعر وقصاد=لاشك يوم اطريه لي مقصدٍ فيه
قصدي ابذكر ماحصل بين الأجواد=واللي حصل مابينهم نفتخر فيه
هذاك جاد وذاك له بالوفاء زاد=هذا يبي يأويه وهذا يجازيه
وتبادلو مابينهم فخر الأجداد=والكل منهم حق الأجواد يدّيه
ومفاخر الأجداد تبقى بالأحفاد=بولد الولد او واحدٍ من بنيخيه
واليوم حنا ببيت كسّاب الأمجاد=عودة.ابن رخيص ولنا الشرف فيه
والله.فلاجينا لجل لقمة الزاد=جيناه لجل اسمٍ نعزه ونغليه
وارجع واعيد وطيّب القول ينعاد=قال اقبلوا وانتم هل البيت ياهيه
واخوان ميثا طيبهم ماله عداد= هم مزبن اللي جاير الوقت حاديه
وجبّة سقاه من اول الوسم رعّاد= بيتٍ يابن رشيد ماحدٍ جهل فيه

سطم فهد الخليل

عذرا تجاهلت بعض الإملائيات تعمداً

[سطم فهد الخليل]

الضوية .من الضو من الزميل من سنجارة من شمر
امرأةٍ متزوجة من رجل عنزي ربيلي من الربيلات ولها منه اولاد
قدر الله على احد الأولاد
وهو ( فيصل) بأن حكم بمبلغ اكتر من مليون وتسعمائه الف ريال ,
الضوية الزوج متوفي والولد سجين حالة لاتحسد عليها .
فقررت مناشدت اهلها شمر فأتصلت بأبن عمها الشاعر طلاع بن مسند الزميلي
واطلعته على ماهي عليه من حالة فما لبث وان تفاعل مع الموضوع
اعلامياً ومعنوياً وشعرياً ومادياً وقام بنشر القصائد الحماسية بكل وسائل التوصل
مما لفت انظار الكثير من شمر وعنزة للموضوع فتكاتف الكل وجمع المبلغ المطلوب
وتم سداد الطلب وتم اخراج السجين فيصل من السجن بجهود مشتركه بين القبيلتين
شارك كثير من الشعارواليكم الابيات شاركت بها بتلك الحمله الأعلاميه
.. لاتشتكين الظيم يالضويّة
لاتشتكين الظيم يالضويّة= مادام شمر لك سناد ولابه
ودام السجن مفتاحه القطيّة=بأذن الله إلا ينفتح لك بابه
قبلك قضينا حاجةٍ لدبيّة=بعود القنا ومشنشلات حرابه
واليوم فيصل حاجته مقضيّة=بين الخوال ولابته واقرابه
بين الطنايا وبين اهلْه وحيه=أولاد وايل له سند وعصابه
تسابقو على سداد الديّة=كلٍ يحول له برقم حسابه

سطم فهد الخليل

[سطم فهد الخليل]

قل للمليك اللي سكن دار رضوان . شعبك من الدعوات ماهو بتاسيك
قل للمليك اللي سكن دار رضوان
ياهاجسٍ بين السعادة والأحزان=بالله وصّل لي كلامٍ به اوصيك
قل للمليك اللي سكن دار رضوان=شعبك من الدعوات ماهو بناسيك
وقلّه عساك بدار روحٍ وريحان=والله على حسن النوايا يجازيك
وقلّه تطمن دارنا بأمن وآمان= المملكة في يد اخوك وبنيخيك
وكفّي دموع الحزن ياخير الأوطان=لاتحزنين الله يحفظك ويحميك
لا للحزن مادام بالحكم سلمان= استبشري مادام سلمان راعيك
حاكم حكيم ومن سلايل كحيلان= ومجربٍ سلمان مافيه تشكيك
قاسي على القاسي وليّن لمن لان=يعمل على مثل نظام التوماتيل
له قلب به شدّه وقلبٍ به احسان= وكفٍّ به الأجرب وكفٍّ به الشيك
حكمه على شعبك كما وبل هتان=بسلمان يالشعب السعودي اهنيك
مليكنا سلمان ياذرب الأيمان=شعبك يابو فهد يحبك ويغليك
الشعب غنّا فيك زينات الألحان=ياسيدي اسمع مواويلهم فيك
قالوا بعال الصوت يعيش سلمان=تعيش ياسلمان وعاشو جناحيك
عاش الملك ونعيش حنا له اعوان= وعش ياوطن بالروح والدم نفديك
عش ياوطن بالروح والدم نفديك

سطم فهد الخليل

[سطم فهد الخليل]

هذا ردي على قصيدة/ سعد بن مطير الخليل
حي الذي ارسل بيوت القصيده=إي والله اني صادقن بتحياتي
تحيتـة ٍعــدد حروف الجريدة = واعداد ماخط القلم بالدواتي
واعداد مالبّو ببيته عبيده = وسعو من المروة لحد. الصفاتي
بابو خلف عسى سـنينه مديده =وعسى تطول سنينه المقبلاتي
سعد.سعد عسى حياته سعيده=الصاحب الصافي حميد الصفاتي
اللي هلا ويامرحبا هي رصيده=حافظ عليها مثل حفظ الصلاتي
يابو خلف جدّت امورٍ جديده=وشرواك مايجهل ظروف الحياتي
الوقت قاسي والليالي عنيدة = ودنياك ما تمشي على المشتهاتي
دنياك ماتأتي على مانريده = حنا الذي .لآزم .لما . تريد ناتي
واللي زرع حان الأوان لحصيده=حصاد عمر سنينه الماضياتي
محصول جهده من سنين ٍ عديده = يوم يتحمل سم برد الأشاتي
يرجي .بعد ذلك . حياةٍ . رغيده = اقـل. ما يقول . كفّيت. ذاتي
وكلٍ بوقت الضيق يرجي عضيده =ويقول يالعضيد ويش السواتي
والعرف انت ابوه وايضا حفيده =وعلى النبي والآل افضل صلاتي
سطم فهد الخليل
القصيدة سعد سوف تصلني وانزلها لكم
انا فقط سمعتها مرة ولا احفظها

[سطم فهد الخليل]

المشاركة ضمن الشعراء
في ليلة خامس من عيد الفطر ليلة شعرية بمناسبة زواج الشاب عادل قناص الخليل

ياحفلنا طاب الفرح والأسارير= بحظوركم الله يطيب مساك
وقبل البداية ودي اقول تذكير= صلوا على اللي للهداية هداكم
ثم ابتدي ومبداي حمداً وتكبير= بسم الذي لو ماترونه يراكم
واطلب من اللي في يديه التدابير= انه يوفقني لغاية رضاكم
وانه يجملني بزين التعابير= ويجعل رقيب الذات للذات حاكم
حيث الكلام اللي بصدري طوابير= واخاف شيٍ فوق شي يتراكم
وياحفلنا ياحضورنا يالجماهير= هذا المعزب واقفٍ مايخفاكم
قناص شرفني عسى فاله الخير= وكلفني احيي بكم في لقاكم
ومني عليكم يالوجيه المسافير= تحيـةٍ , تليـق فـي مسـتواكم
وسلامٍ اطيب من عبير النواوير= به طاب ملفاكم وكرمة لحاكم
ويامرحبا ويامسهلا يالمناعير= يقوله اللي لاحتفاله دعاكم
قناص داعيكم معزة وتقدير= وتشريفكم حفله يزود غلاكم
يهلي بكم ويكرر القول تكرير= ويقول جيتكم دليل لوفاكم
جيران وإلا. ضيوف وإلا. مسايير= هلابكم انتم و منهو معاكم
وخلاف هذا باقياً قول تعبير= تعبير مني ياهل الحفل جاكم
واقول يالقناص كبير و صغير= الله يديم افراحكم في نماكم
ويحفطكم الله من جميع المعاثير= وعلى مسير الخير يقدا خطاكم
وافين كافينٍ ولافيه تقصير= وماهي غريبة عارفينٍ وفاكم
ياخلفة اللي مايهاب المخاسير= اللي على نهج المراجل غذاكم
فنغيش بن قناص يوم المعاسير= ذكره وكامل سيرته ما يخفاكم
ومبروك ياعادل عسى فالك الخير= والله يجمع بينكم ويحماكم
ويحفظكم الله من صدوف المقادير= ويجعل لكم حظٍ على مبتغاكم
وصلو على المختار ما غرد الطير= وعد النجوم اللي تلوح بسماكم

سطم فهد الخليل

[سطم فهد الخليل]

اليكم مشاركتي بالحفل
في الثامن من عيد الفطر ليلة شعرية بمناسبة زواج الشاب نواف شطي الهرماس
يالله. يمنشي حقوق الخيالي= تحفظ لساني من عبارات الافلاس
لأني.لانا المعصوم.ولانا المثالي= والشعر بنٍ والسن الناس محماس
وخلاف هذا. ابتدي في مقالي=الحفل قايم . والمعازيم جلاس
سلامٍ احلى من القراح الزلالي =والذ. من شهدٍ تسلسل من الكاس
على ضيوف الحفل هم والاهالي =وجميع من يسمع كلامي من الناس
وياهاجسي عطني على ماببالي =جهز شعر و اجمع به اللول وألماس
ابيات . انظمها على ما طرا لي =حيثنّها. من قلب وشعور واحساس
وفي راس رجلٍ من خيار الرجالي = رجل دعاني. ودعوته تاج. للراس
لأنّه. ولد طيب. و طيب. وغالي =الأسم شطي. واللقب ابن هرماس
وانا . مع الطيّب اشد الرحالي=انومسه. والا اكتسب منه نوماس
وعسى فرحكم دوم . كل الليالي=الله يديم افراحكم .هي والاوناس
ويجعل لكم. حظٍ رفيع وعالي =ويحميكم الله. من بلا سو الأنحاس
ومبروك. يانواف. حزت الكمالي = شريت مهرة من عريبات الأفراس
ساسه عريب من عمام وخوالي =وتستاهل الاصيل يامعرّب الساس
وانت الذي عالي ومنهجك عالي =وحطيت لك بالطيب منهج و نبراس
وصلو على المبعوث اول وتالي =شفيعنا في حين الأرياق يباس


سطم فهد الخليل

[سطم فهد الخليل]

اليكم مشاركتي بالحفل
في الثامن من عيد الفطر ليلة شعرية بمناسبة زواج الشاب نواف شطي الهرماس
يالله. يمنشي حقوق الخيالي= تحفظ لساني من عبارات الافلاس
لأني.لانا المعصوم.ولانا المثالي= والشعر بنٍ والسن الناس محماس
وخلاف هذا. ابتدي في مقالي=الحفل قايم . والمعازيم جلاس
سلامٍ احلى من القراح الزلالي =والذ. من شهدٍ تسلسل من الكاس
على ضيوف الحفل هم والاهالي =وجميع من يسمع كلامي من الناس
وياهاجسي عطني على ماببالي =جهز شعر و اجمع به اللول وألماس
ابيات . انظمها على ما طرا لي =حيثنّها. من قلب وشعور واحساس
وفي راس رجلٍ من خيار الرجالي = رجل دعاني. ودعوته تاج. للراس
لأنّه. ولد طيب. و طيب. وغالي =الأسم شطي. واللقب ابن هرماس
وانا . مع الطيّب اشد الرحالي=انومسه. والا اكتسب منه نوماس
وعسى فرحكم دوم . كل الليالي=الله يديم افراحكم .هي والاوناس
ويجعل لكم. حظٍ رفيع وعالي =ويحميكم الله. من بلا سو الأنحاس
ومبروك. يانواف. حزت الكمالي = شريت مهرة من عريبات الأفراس
ساسه عريب من عمام وخوالي =وتستاهل الاصيل يامعرّب الساس
وانت الذي عالي ومنهجك عالي =وحطيت لك بالطيب منهج و نبراس
وصلو على المبعوث اول وتالي =شفيعنا في حين الأرياق يباس


سطم فهد الخليل

[سطم فهد الخليل]

#من_تراث_اليتمان || الحلقة الأولى مع الشاعر: سطم فهد الخليل

https://www.youtube.com/watch?v=FwIn-EyNylU&feature=youtu.be

[سطم فهد الخليل]

الأحبه اذا غبنا بعض من الزمن فثقتنا بالحضور كبيره

نعرض امامكم ما استجد لدينا لعله ينال ولو على اذاواق البعض
بوح روح
مما حوى راسي من الفكر جايبه= رسالةٍ جت من محب لحبايبه
رسـالـةٍ ابـديـت فـيها مشاعري= وارسـلـتـهـا عبر الاثير وهبايبه
الـى الـذي نـالـو من المجد قمته= اولأود عـودٍ كـلـهـم من صلايبه
إلـى بـنـو جـعفر واحفاد ضيغم= مـوارث الـرجـلـيـن سبعٍ كتايبه
مـكـاسـر الـعـنبر وكسابة الثناء= جـمـع الـعـصاة اللي كثار غلايبه
وان قـيـل ياليتمان تشوش روسهم= يـفـخـر بـها اللي ماحياةٍ نصايبه
وسـمّـوهـم الطياح من بُعد نزلهم= لـيـاهـيبة الديرة رعو من عشايبه
الـلابـة الـلـي يـعشقون المعالي= ومـن يـعشق العليا يسدد ضرايبه
يـالابـتـي ياعزوتي يالمجد يالفخر= يـامـنـبـع الامـجاد وانتم سبايبه
يـاجـاكـم المرسول يحمل رسالتي= حـيـو بـمضمون الرسالة وجايبه
ورسـالـتـي حـملتها الند والندى= وان جـت بـني عمي تنوخ ركايبه
بالله يـالـمـرسـول يـاجيت لابتي= سـلـم عـلى شبّان ضيغم وشايبه
سـلم على آل خضير هم وآل قشعم= الـلـي عـلى اليمنى تميل عصايبه
ويـا جـيـتهم بلغ سلامي وقل لهم= لـي هـقـوةٍ يـاعنك ماهي بخايبه
ولـي هقوةٍ كبره من الأرض للسماء= ومن مطلع البيضاء الى اقصى مغايبه
وانـتـم رجـال جـزال والضيغميه= قـديـمـة فـيـكـم ولاهي بغايبه
وابـذكـر الموضوع في بيت واحد= عـن كـثـر تـرديد الكلام وطلايبه
الـذيـب يـامن جاع ياكل من الثرى= لايـاكـل عـيـالـه ولا من قرايبه
وانـتـم لـكم مجدٍ يعرفونه العرب= ولـكـم مـع الـعربان افعال صايبه
وانـتـم تـرى العربان تلتم حولكم= وانـتـم ذراهـا عـن لوافح هبايبه
وانـتـم هـل الـقصر القديم بحايل= راس الـهـرم انـتم وشمر جنايبه


سطم فهد الخليل

[سطم فهد الخليل]

السلام عليكم

صباح الخير للجميع

البارح بقاعة الأمبراطورة للاحتفالات بالرياض

تشرفت بحضور حفل زواج ابن لولاس سعود المعيدي المفضلي (طلال)


الحقيقة ابو فارس اقام حفل مشرف يرفع الراس

كان الحفل بحضور قناة الشمال الفضائيه وتخلله العديد من الموروث الشعبي

تشرفت بألقاء قصيدة بالمناسبة وقصيدة بناء على طلب الحضور(قصيدة مزاين شمر)

اليكم قصيدة الحفل
الفضلان الدويلة

اسعد الله مساكم.يا وجيه الفلاح=عد ماهب ريح وعد وما دب روح
مرحبا في وجيهٍ تدعي الأنشراح=عد صوت الرعود وعد برقٍ يلوح
بأحتفالٍ يسر. ويجلب الأرتياح=وعند رجلٍ كريم وللمعالي طموح
جعل حفلٍ جمعنا من نجاح بنجاح=الله انه يحقق فيه اكبر نجوح
مبتداه التآلف ويتّبعْه الصلاح= والحياة الهنية بعاليات الصروح
وحي رجلٍ يحيي واقفٍ مااستراح=وده انه عن اللي وسط صدره يبوح
ابو فارس يعبّر بالجزال الملاح=بين حيّاكم الله وبين طيبٍ يفوح
مفضليٍ من اللي يوم وقت الصياح=اسمهم بين شمر شمس عزٍ تضوح
من رجالٍ جزالٍ بالقسى والسماح= من رجال الدوليه مثخنين الجروح
شاربين المراجل مثل شرب القراح=يشربونه غبوق ويشربونه صبوح
لُقِّبو بالدويلة يوم ضرب الرماح= وحافظينٍ لقبهم باقياً ما يروح
للعدو المعادي سقو سمٍ ذحاح=وللصديق المصادق بلسمٍ للجروح
ربعنا ونعرفهم بالسوالف شحاح=يتركون السوالف للفعايل تبوح
والله اني ماقلته لأجل طُعم الملاح=مار هذي صراحه قلتها بوح روح
وانا ياقلت صح وصار قولي مباح=ماعلي من الآخر يقعد والا يروح
واطلب العذر منكم والعفو والسماح= كان انا قلت قولٍ غاب عنه الوضوح

سطم فهد الخليل

[سطم فهد الخليل]

هـيـّـا . نتـعــالـــج
نصيحةٍ مني الى كل الأحباب= هيّا. نتعالج قبل يكبر مرضنا
هيّا. نتعالج ياطويلين الأشناب=وان ما تعالجنا على الله عوضنا
هيّا. قبل عض الأصابع بالأنياب= هيّا. معي للحل هيّا. نهضنا
هيّا. نتجنب نهشة البعض بالناب=الى متى ياكل بعضنا بعضنا
هيّا. لنا ربٍ غفورٍ وتواب=هيّا. معه نبدا بطيّب ادبنا
الله جعل من كل داءٍ لنا اطباب=وليا حفظنا ربنا هو حفظنا
ندري عن العلة وندري بالأسباب= وننساق للشيطان وننسى غرضنا
ننقد ونستنقد ونسْوي ونغتاب=ونحمّل الغلطات عاتق بعضنا
وندخل مع الشباك ونجنّب الباب=ولانسمع الواعض ليامن وعضنا
وندري نهايتنا تحت طين وتراب=لا شك . لافـقـنا. ولا. اتّعضنا
وندري بعد قدامنا باقياً حساب=عن ما كسبنا بماعملنا ولفظنا
كلّه مسجل عند الإله بكتاب=سوا أعترفنا فيه والا اعترضنا
يا اللاــــه يالمعبود يارب الأرباب=عفوك ليا منّا عليك انعرضنا

سطم فهد الخليل

[سطم فهد الخليل]

ان جاني الطيّب فأنا منه واطيب
ان جاني الطيب فانا منه واطيب= افز بقدومه و ارحب واحييه
ان جاني اللي كن به طبع عقرب=اقرا الفلق والناس وامشي واخليه
وان جاني اجرب راكبٍ له على اجرب=ان قدرن عليه ربي اداويه
وليا مدح من لابتي رجلٍ اطرب =اطيب من طيبه لوني ماحاكيه
عدٍ لنا هذاك من جاه يشرب = الكل يشرب من مساقي سوانيه
تدري وش الغريب والشي الأغرب= تثني على الرجال ثم تحكي فيه
وتدري وش اللي مالنا منه مهرب= جميع ماقلنا وعملنا نلاقيه
وتدري من اللي من القريبين اقرب=اللي ليامسك ضر ترجع تناجيه
ترفع له الكفين. يارب . يارب = وقّف هنا . وتذكر اللي مسويه
وتدري متى ينقال لك( ؟؟؟ )اجرب=ياصار حق الله وخلقه تخليه

سطم فهد الخليل

[سطم فهد الخليل]

الموقف اللي حزّ في نفسي شوي
الموقف اللي حزّ في نفسي شوي=ياليت ماشفته من انسان غالي
حسيت منه بداخلي حامي الضي= وانا اترجّى منه شرب الزلالي
والله يالو ان الخطاء حاصل مني=لالوم نفسي واعترف في خمالي
وانا الخطاء ياصار من اقرب الحي=أمّ ابن عمٍ لي أو ابن خالي
يزيدني حرصٍ على منهجٍ لي=حمل الحمول الكايدات الثقالي
النفس اروضها ليا صار به شي=واعلمه للصبر والاحتمالي
ادري بهالدنيا ماحد باقيٍ حي=ولعل يدعالي لياجاء مجالي
دنياي تمضي كنّه الشمس والضي=لابد من يومِ يزول الظلالي


سطم فهد الخليل

[سطم فهد الخليل]

الكلمة اللي ماتمس بكرامتك
الكلمة اللي ماتمس بكرامتك
الكلمة اللي ماتمسّ بكرامتك=افتح لها بابٍ وتكفي بها الريح
والغلطة اللي من رفقيك لياجتك=لاتبادل الغلطه بغلطه وتجريح
خلك جمل شيّال عثرة جماعتك=صندوق ماتفتحه كل المفاتيح
وترى الصبر طيب ويرفع مكانتك=ومن لاصبر لابد من يومن يطيح
وان صادفك مايثير غيظك ونعرتك=بعض الأمور تحتاج وقفه وتصحيح
تبقى الرجال رجال مايدخله شك= وتبقى الجبال جبال ماتهزه الريح
وبابٍ يجيب الريح ترى يلزمه صك= وبيبان تُفتح للوجيه المفاليح
وترى الرجال اشكال وانت ومعرفتك=فيهم مسابيحٍ وفيهم طحاطيح
ورجلٍ تمنى يكون من ضمن عزوتك= ورجل تمنى عنه بعد المراويح
ورجل تهقابك وبالفعل عند هقوتك=ورجلٍ على ماقيل خيال تصفيح
ودقق وحقق بين عرفك وحكمتك= ترى الليالي بالخفايا لواقيح
وانت الذي بيديك مقياس حالتك=احفظ مقامك.لايقولون بقريح
واشمخ شموخ طويق تكبر مهابتك=ويحسب حسابك من حساب الزحازيح
والصمت به هيبه وتكبر معزتك=وحذرا من اللي للسوالف مشافيح

سطم فهد الخليل

[سطم فهد الخليل]

تقابلت مع احد الجيران (ابو نصار)في الطريق للمسجد في يوم وفاة ابن العم
الشاعر الأديب عواد بت شقاء الخليل
قال لي الجار انت باكي يابو فهد فأنكرت وقال إلا والله هذه الدموع في عيونك وانكرت
وبعد العودة من المسجد الى البيت جاءت الأبيات التاليه
إي والله انه صدق بعيوني دموع

إي والله اني باكياً يابو نصّار= وإي والله انه صدق بعيوني دموع
ابكي على عمود من بيتنا انهار= حدا. الركون اللي به البيت مرفوع
ابكي على اخوي عواد يالجار = صار التواصل معه يالجار مقطوع
عواد عنّا بدل الدار في دار = وليته ورى الخرخير او يم ميقوع
أو ليت داره من ورى كل الأقطار= والطايرة من دونها تاخذ اسبوع
امّ يجي وإلا تجينا له اخبار= الحي مهما غاب يرجى له رجوع
لاشك يابو نصار ربه له اختار= وامر الولي ياجاء نافذ ومسموع
ويالله عساه بدار عدنٍ به انهار=ويارد على خوض النبي ماهوممنوع

سطم فهد الخليل

[سطم فهد الخليل]

افتقد .الرجل الذي يعني لي الشيْ الكثير لااستطع احصاء مايعني لي
إلا انه بنك المعلومه رجل الأدب والأخلاق والأحترام والتسامح الشاعر الأديب: عواد بن شقاء الخليل
رجل يمتلك الكثير والكثير والصفة المتميزة فيه وبشهادة جميع من يعرفه هي في آخر بيت من هذه الأبيات
صافي نوايا القلب سجّاد لرضاك"نزيه منطق عن كلام النقايل
الله واكبر يابو محمد دفنّاك= وهلنا على قبرك كبير النثايل
ياطول مغيابك وياكبر فرقاك=لافيه لامواصل ولامن رسايل
لا والله إلا غبت عنّا وفقدناك= ماهو غيابٍ للحفر او لحايل
اخترت عن دار الفنا دار مثواك=ورحلت مرحالٍ بليا رحايل
وخيّم علينا الحزن من بعد فرقاك= بالقلب حزن وبالمدامع همايل
ويالله يامدير الهبايب والأفلاك= عبدك على بابك اناخ الرحايل
قليل حال وحيل من غير رجواك=عوّضه عن الدنيا جنانٍ جزايل
ويالله ياللي كل مسلم ترجّاك= نزيل دارك اكرمه بالنزايل
وتقبّله بأحسن قبولٍ لياجاك=وابدلْه عن دنياه خير البدايل
صافي نوايا القلب سجّاد لرضاك=نزيه منطق عن كلام النقايل
سطم فهد الخليل

[سطم فهد الخليل]

http://store2.up-00.com/2015-11/1448887607481.jpg

[سطم فهد الخليل]

مشاركة الشاعر سطم فهد الخليل

https://www.youtube.com/watch?v=XPxQIk8d61c

[سطم فهد الخليل]

في عروس الشمال
اقيم نهائي مسابقة شيخات القصيد على قناة الأماكن
وحصل الشاعر/ ممدوح المسطح على (البيرق) المركز الأول
وحصل الشاعر خالد العضاض على ( سيارة) المركز الثالت
وبما ان تلك الحلقة النهائية اقيمة بمدينة حائل فأن خالد العضاض
اعتبر جميع المتسابقين ضيوفا على حائل ونظرا لأن احد الضيوف
لم يحصل على جائزة لكونه صاحب المركز السادس قال خالد العضاض
من يصل الى حائل لن يعود بدون جائزة وقام خالد بالتبرع بجائزته (سيارة)
للشاعر حمدان السليمي الحربي صاحب المركز السادس
وبهذا العمل النبيل والغير مستغرب من ابو سليمان
فأنه اضاف للقبيلة مفخرة جديدة بذاتها قديمةً بصفاتها

لهذا اتت خمسة ابيات
خالد العضاض الشمري يتبرع بسيارته لـ حمدان السليمي الحربي
صـح من قـال شـمر هـم خـيار القبـايل=دام من بيـن شـمر عزوةٍ اسـلميه
عـزوةٍ له مكاسـب مـن كبـار النفـايل=من الجـوار المبجّـل للرحـم والحميّـه
بيـن عـرق اللحيسـة وبيـن كـرام السبايـل=خـالد اليـوم جـدد سـيرةٍ حاتميّه
قـال دام السـليمي ضيف في دار حـايـل=والله, ان السـيّارة جـته منـي هـديه
عشت ياخـالد العضاض واف الخصايـل=عشت فخراً وذخـراً ودعـم للشـمريه

سطم فهد الخليل

[سطم فهد الخليل]

بسم الله
(سعدي ونهار)هيشان الوبير
من الرجال الذين تستفيد منهم في مجالستك لهم
فلديهم مخزون من الثقافة الأدبيه التي تجعلك تتلذذ بالجلوس معهم
فتجد لديهم من الموروث الشمري وغيره ومن الحقائق التي قد لا يتجرّاء
على قولها الآ الواثقين بمايقولون ولديهم من الشواهد مالا يدع شكّ لدى
المستمع وهذا ليس بغريب على ابناء بيت مشيخة من بيوت شمر الكبار
كنت ازورهم في قطر لبضع سنوات مضت وكان الجلوس معهم
ان لم يكن الاجمل فهو من اجمل لحظات العمر بالنسبة لي حيث كان يمر الوقت
سريعا لكنه ليس مرور الكرام بل قد نهلت من عدٍّ روي وارتويت
إلا انني لم ازرهم هذا العام
لذلك جاءت الأبيات التاليه من تلقاء نفسها ولم ابحث عنها
شفّي قبال اهل الوجيه المفاليح

ياهاجسي اسرج خيالك مع الريح=واكتب سلامٍ من نديم لنديمه
سجل مع الذكرى من الشي تلميح=للي لهم عندي مقاماً وقيمه
ارسل لأبو نواف صورة لتوضيح=عن ماحوى صدر الحميم لحميمه
واكتب لأخو نهار نبذه وتصريح=يأبو مطر نفسي عليكم معيمه
افرح بطاري ذكركم يالطحاطيح=ويبقى لكم عندي معزة عظيمه
شفي قبال اهل الوجيه المفاليح= قبالكم يأهل الوجيه الكريمه
وافخر بكم ياصار بالحكي تصحيح=خصيمكم يدفع رسوم القسيمه
فيكم عسل. فيكم ذحاحٍ وذرنيح=ومعكم وشاح وتاج . ومعكم شكيمه
للقاسي اقسى من اجنوب الصلافيح= ولل ليـّن الين من رذاذٍ بغيمه
سمحين.شرسين. زحولٍ زحازيح=لطفين للي يستحق الحشيمه
واللي عنا. يقلط على هبّة الريح=على البشاشه والعلوم القديمه
وعقبه على غالي حلال المصاليح=الله يحيي الضيف على الوليمه
ماحسبو للزود هو والمرابيح=يجي كذا طبع النفوس الكريمه
سلمٍ لهم يوم السنين الشلافيح=واليوم صارت عادةٍ مستديمه
ويوم الرمك بالغوش مثل الزنانيح=ياويل من صار اخوفيضة خصيمه
هيشان. يوم انه شحاح ومشاويح= طيب وكرم ودين وعفافٍ وشيمه
هومقدم الصفران يوم المراويح=وهو شيخهم بعسر السنين القديمه
سطم فهد الخليل

[سطم فهد الخليل]

احتفل الشيخ سعود بن سعد بن شعير العلى
لتكريم الأعضاء الفائزين بالمجالس البلديه لهذالعام من الجعفر والويبار
في كل من ألأجفر الخوير بقعاء حفر الباطن الخفجي وكذلك تكريم نايف الضوري
المتبرع بكليته
كان الأحتفال بمنزل المحتفل في بلدة الأجـفـر- منطقة حائل
تخلل حفل التكريم عدد من القصائد الشعريه وكان لي نصيب بالمشاركة التاليه
نـوّر الأجفر بنورٍ شع من نور الحضور
يالله اني طالبك. ياولي كل الامور= انك تجمل كلامي. بالعبارات الخيار
بالكلامٍ اللي يجمّل لاتعالي . لاغرور= ولاعجب بالنفس. يدّي صاحبه الى الدمار
ويالله احفظ لي لساني لايجي منه القصور= ولايجن منه الهزال. ولايجن منه الكبار
ويالله اجعل ما اقوله.فيه متعه للحضور= واجعل اسلوبي مهذب. بأحترامٍ و وقار
وبعد هذا الحمد لله. زاد نور النور نور= زاد نور النور نور. وصارت الليله منار
نوّر الأجفر بنورٍ شع من نور الحضور= ونورٍ من نور الجعفر. ونورٍ من نورالويبار
بأحتفالٍ وابتهال .وانشراحٍ بالصدور= بأجمل شعور ومشاعر بين ابن عمٍ وجار
وزودٍ عن قرب القصور. اتحادٍ بالجذور= الأصل و الساس واحد مابين عمير وعرار
بأجتماعٍ للجماعه . به محبه به سرور= به تآلف به تكاتف . وبه مواضيعٍ كثار
وبارك الله في همامٍ للمراجل شد كور= شد. كورٍ للمراجل مابحث له عن عذار
جمّع ربوعه بطوعه وصفقوله يالحضور= صفقو له يالكبار و صفقوله يالصغار
ابن علي سعود السعد رجلٍ بالطيب مخبور= ابو بدر عالي القدر حر من ماكر حرار
شيخ من ماكر مشيخه من قديمات العصور= من سلايل من بحايل اسسو اول جدار
ابن عم و تاج راس . وانا بالطيب فخور= زاده الله خير وطيب . وزادني فيه افتخار
وبعد هذا ياحي الله كل منهو شال دور= كل عضوٍ بلديٍ في مناطقنا الكثار
وياحي الله الضويري نايف الشبلٍ جسور= معطي كليته لمحتاجه ما تردد بالقرار
وبعد هذا عندي كلمة واسمعوها يالجمهور= يعني كأنه نصيحة وكلٍ بيديه الخيار
التشاور و تحاور يفتح لك صعب الأمور= يبين لك وجه حقايق وينجلي عنها الغبار
الوقاعه ياجماعة تنبني منها القصور= والصجاجه واللجاجه ماهي من نهج الحوار
وسامحوني ياجماعة ان حصل مني قصور= البشر لوصاب مرة . مرة من جنب المسار


سطم فهد الخليل

[سطم فهد الخليل]

في يوم الجمعه ليلة السبت 10/5/1437هـ

احتف الجعفر بقبيل مطر نظير احتفال مطير بالشاب

نايف معيلي الجعفري المتبرع بكليته للفتاة المطيريه

واليكم مشاركتي بالحفل

الصوت الجهور
هنا ميقاف للصوت الجهور= يعبر فيه عن بوح الشعور
وانا باقف هنا واجهر بصوتي= واقول انا بسترك يالستور
الآ.يالله .تحفظ.لي.لساني = بحماك عن الزلل وعن الغرور
وعساي. ليا وقفت وقلت قولي=يجي قولي بعيد عن القصور
وقبل القول. يلزمني اسـلّم= سـلام الله عليكم يالحضور
وسـلام للدوشان اخوان جوزاء= ويعم مطير فروعه والجذور
وبأسم الشيخ ابن علـي احيي= بأسودٍ من اسودٍ من نمور
احيي مطير حمران النواظر=وهلا ويامرحبا بكل الحضور
احيي بمطيرومن يحضر معاهم=حضورٍ.زاد. بالخاطر سرور
حللتم مرحبا واهلا وسهلا= على الكمبود ودلالٍ تدور
هلا. عند السناعيس الطنايا =على الهيل الخضر هو والبخور
وبعدها ياهلا على اللحيسة = على حشوان وحيلٍ بالقدور
وبأسـم شمر يحيون الضياغم = بني جعـفـر. .سنام من الجزور
لكم علينا سابقة بتكريم نايف = ولـكم علينا اليـوم يحين دور
ترى نايف لوجه الله تبرع = ولا له قصد في بعض لأمور
ولا يبغى جزاه الآ من الله = هو اللي . يعلم بما فالصدور
وجازيتوه يامطير. بهدايا = من الضبطان . وافين الشبور
وفيتو في وفاكم وأحتفاكم = ولا يجزى الشكور الا الشكور
ولو امدح مايوفن المدايح = عن الماضي وكل شي مخبور
ويبقى الطيب يامطيرمتبادل = مابين الناس من ماض العصور


سطم فهد الخليل

[سطم فهد الخليل]

ابيات ظمن المشاركة في حفل زواج اولاد عبدالله غازي النهيت
حياكم الله عند نوماس شمر
رجلٍ دعا حـقـــه علينا نزوره=ونشاركه في فرحته وسـروره
ونقول له مبروك عرس عيالك=وندعو لهم بالدعوة المأثوره
وّاجب علينا ياحضرنا نسلم= على اهل الحفلة و كل حضـوره
وسلام يارجالٍ حضورٍامامي=وجــودكــم بالحفـل كمّـل نـوره
حياكم الله عند نوماس شمر= اهـل اللحيسة. سـيرةٍ مشهوره
ان قيل منهم قلت ذولاك الأسلم= اللابة اللي بالوفـا مخبـوره
فيهم كرم حاتم واكـرام سبلا= وكـل المفاخـر راكبيـنٍ كــوره
ولأقول بباّق الناس نقصٍ وقاصر=اهل الشيم واهل القيم مشكوره
والله يبارك حفلكم يابو ماجد= واللــه يجمٍلـــكم بأحسن صـوره
وافين يالعصـلان والحفـل وافي=واهـل الوفـاء تـافي بكل اموره
هذا وصـل اللـه على محمـد=وألـه وصحبه . عـد نبـت زهـوره

سطم فهد الخليل

[سطم فهد الخليل]

اطلعت على تغريدة لخادم الحرمين الشريفين
الملك سلمان بن عبد العزيز حفظه الله
في حسابه على تويتر
يقول فيها
(فخورون هذا اليوم بتضامننا في رعد الشمال ويشاهد العالم
عزمنا جميعا على ردع قوى الشر والتطرف ومحاربة الارهاب )
وتفاعلاً معها جاءت الأبيات التالية
ســلّ اجربك ياسيدي من جفيره
انت الفخر وفيك المفاخر كثيره= ياخادم البيتين ياولد الامام

يحق لك تفخر بقيادة مسيرة=وحنا بعد نفخر بسلمان الاقدام

ابوك من جمع شتات الجزيره=وانت الذي جمعت عُرْبه والأسلام

ياحزمها ياعزمها يانصيره=يامحققٍ بالحق صعبات الأرقام

نبني عليك من الأمال الكثيره=معك معك ياطيب الفال قدام

سـلّ اجربك ياسيدي من جفيره= هذا زمان الحزم والعزم وحسام

خلّـة تشاهدك العيون الضريره= حتى تنام وعين ذولاك متنام

الجار ليامنه طلب منك جيره= لازم على داره يرفرفن الأعلام

وتبقى الكبيره في عيونك صغيره= عينٍ على صنعا وعينٍ على الشام


سطم فهد الخليل

[سطم فهد الخليل]

في احد زياراتي لحفر الباطن لحضورمناسبة زواج لاحد الأقرباء
عزمني الأخ ساير مطر المهيني الجعفري على القهوة بعد المغرب
فوافقت بحيث نتقهوى ومن ثم نروح للمناسبة
الحاصل انه سوّى عشاء وقدمه قبل صلاة العشاء
وقال هذا اكراما لك والمناسبة للجميع وهذا لايمنعنا عن المناسبة
بالرغم من انني اعلم ان ذلك كرما واكرام إلا انني عاتبته عتاب محبه على هذا العمل
وفي عودتي الى الرياض عبر طريق المجمعة استرضيته عن العتاب بأبيات تغنيت بها في الطريق
البياض يعم سكان الحفر,من جنوب فليج لفليج الشمالي
مع طريق المجمعة بعد العصر= راجعٍ من دار غالي يم غالي
وكن فيني حاجةٍ وسط الصدر=لكن ضيق الصدر ماجاله مجالي
احمد الله . والثنا له والشكر = بالحفر اخذت لي عدة ليالي
والبياض يعم سكان الحفر = من جنوب فليج لفليج الشمالي
ومن شمالي غرب حي ابو قعر= لين شرقي البلاد من العوالي
رايةٍ بيضاء من شمس الظهر= عالية من فوق عاليت الجبالي
للعموم وخصٍ لساير مطر= ابن مهيني والله ونعم الرجالي
ضيغمي الساس من صلب جعفر=حاضراً مشهود مع ماض الفعالي
للروتين المتبع سوّا كسر= والجزال يسوّيه راع الجزالي
وادري ان الكسر من زود القدر=له تحية وافي وارفع اعقالي
منهجاً لك صار يابو احمد حصر=العشاء بعد غروب الشمس زالي
واقبل جزال التحايا والشكر=عد مالاحت بروقٍ بالخيالي
ولو بيوتي ياصلن فهد مطر= المطيري شالهن في صوت عالي

سطم فهد الخليل

[سطم فهد الخليل]

الـعـرب كـلٍ بعـرفـه يعْـرف حتى اصـل جمـلـه
شاقني قول الحقيقة في جزيلات اللحون=واحرص اني ما اجيب من الكلام الا اجزله
واتقــرّب للحقايـــق واتجنب للظنون= واصـدح بقـولٍ جهــور مثـل نارٍ مشــعله
يسمع اصم الآذان ويرى ضرير العيون=ومن جهل به جعل ربه يلهمه عقب جهله
العرب فيهم عرب وفيهم ناس معرّبون= وفيهم ناسٍ من البقايا البايدة ماله صله
يجهلون الجاهلون ويفهمون الفاهمون =والعرب كلٍ بعرفه يعرف حتى اصل جمله
البشركله بآدم واقرب منه شوي دون= اعلى قمة رأس الجودي لهم فيها منزله
راكبينٍ صنعت اللي من خيار الصانعون=يوم يأتي امر ربك كل مخلوقٍ شله
يوم سارت بأمرربه وركبو فيها الراكبون= كل مخلوقٍ ركب به يعتبر احد اهله
فيه ناسٍ بالسفينة للسفينة ينتمون = وفيه ناسٍ بالسفينة مجرّد الأسم شمله
ومن شمله الأسم واجب, انهم له يحتمون=يسندونه في لزومه ويزعلون من زعله
هاكذا نهج الاكابر جعلهم مايذهبون= بهم خوّة بهم نخوة بهم طيب ومرجله
وياللي تبون المعالي ليا بغيتوتكْبرون=لاحدٍ يضن التكبر للمعالي يوصله
لاتحقرون الأوادم ثم يوما تُحقرون=ولاتخفّون الحقايق حتى لو قيد أنمله
البشر من طين وتربه وبعد ذلك يرجعون=الى طين ولبن وحفرة وكل يجزى بعمله
والسلام ختام ودمتم طيبون وسالمون=وصلى الله على محمد الصلاة الكامله

سطم فهد الخليل

[سطم فهد الخليل]

مشاركتي في حفل تخرج الملازم سيف سعد الخليل
مبداي بسم اللي عزيزٍ جلاله = اللي عليه يعود كل اعتمادي
ويالله توفقني لقول الجزاله = ومن لااهتدى بهداك ضايع وغادي
صلوا على محمد وصحبه واله = اللي بُعث بالحق مرشد وهادي
وبعد الصلاة اببتدي بالرساله = عاش الملك سلمان وعاشت بلادي
وعاشو جنودٍ بالجنوب وشماله = حماة الوطن درعه وضد الاعادي
ومَن بعد هذا يارجال الشكاله = حيّاكم الله عد ماسال وادي
سعد يحببكم بيوم احتفاله= واقف يحيي كل من جاه بادي
يقول لِمن جانا علينا جماله = ولنا الشرف باهل القيم والمبادي
جيران ولا اصحاب ولا زماله = من دارنا , او من ديارٍ بعادي
بحفلة تخرجً واحدٍ من عياله = شبلٍ تخير مركبه بالشدادي
سيف السَعد الله يحقق مناله = الله يحقق له دروب الرشادي
سيفٍ لنا والعين تبخص حلاله = وانا على شانه نظمت الجدادي
ينساق جزل القاف ياجا مجاله = وماقول به ياكود قولٍ وكادي
ان كان هي بالساس يالطيب فاله = تقدح ركون مثل قدح الزنادي
عرقه عريقٍ من عمام وخواله = مابين دهن العود هو والزبادي
ومن روس قومٍ يدركون الجماله = ياحل ضرب مصقلات الهنادي
يتمان ياركب الرشاء للمحاله = تلقى مضاربهم بوسط الثنادي
ضياغمٍ عنها تبرهن فعاله = يشهدلهم بالطيب حضر وبوادي
ويوم العطاء وكلٍ يتفاخر بماله = ميقافهم يشفي عليل الفوادي
فيهم لنا ساسٍ ومنهم سلاله = ماضٍ عريق وحاضرٍ تو بادي
مفاخرٍ بين القيم والأصاله=والطيب بين الناس بسوق المزادي
وكلٍ من افعاله يبهر دلاله= وتُجنى ثمار الزرع وقت الحصادي
وصلواعلى اللي كلمة الحق قاله = اللي بُعث بامر الهدا والرشادي


سطم فهد الخليل

[سطم فهد الخليل]

كــثر الســنين اللـي مضــن علمــني
كـثر السـنين اللي مضـن علمـني
كثر السنين اللي مضن علمني = وعرفت مالا يعرفون الكتاتيب
واخذت منهن شي له ماعطني = من واقع الخبرة وكثر التجاريب
وعرفت فيه اثنين مايعوّضَنَّي = ياطيبهن للي يبون المواجيب
صبري على خطا القريبين مني = اصبرعلى الغلطان اجزاه بالطيب
الصبر الاول ثم بالطيب اثني = إلا. بحال ان الصبر يتبعه عيب
واثنين ايضا بغيبتي يحفظني = احفظ بهن نفسي عن الشك والريب
الصدق بللي ينقل الناس عني= وحفظ اللسان وترك شذب العراقيب
واثنين اتركهن ليا جنبني = ياصار مالي من وراهن مطاليب
الاوله , سوالفٍ مانصني = اخير مايجزى المجنب بتجنيب
الثانية , من يقصر الصوت عني= مارخي له اسماعي وراسي بتقريب
واخير منهن كلهن لي ومني = علاقتي مع عالم السر والغيب
ياسامعي انكان لك يعجبني = يمكن ينوبن عن كثير التطابيب

سطم فهد الخليل

[سطم فهد الخليل]

ابيات الى ابني ماجد سطم الخليل.. !!!
ياماجد امنحني المشاعروالاحساس=وانا امنحك مني تـعاليـم ودروس

عطني انتباه اعطيك منهج ونبراس==واعطيك شيٍ غير ماهو عطى فلوس

لـ ابوك ياماجد. تـجـاريب وقيـاس=شيٍ يقوسه وشي. من قبل مقيوس

واليوم ابين لك بعض شي بالناس=الناس. به انيس . وبالناس مأنوس

وبالناس ناسٍ عرفهم فيه نوماس=تكسب بعرفتهم معزة وناموس

وبالناس ناسٍ عرفهم يوجع الراس=بعض معرفة ناس فيهـا وجع روس

وبالناس ناسٍ وصفهم. مثل الالماس=مابين طيب قلوب . وطهارة نفوس

وبالناس ناسٍ لمعته . لمعة نحاس=يبرق بريق وهو نحاسٍ ومنحوس

خلك حذر . تر بالبشر ناسٍ انجاس=يعطي عسل. وبداخله سم مدسوس

وتـرى البحر مايركبه. كود غطاس=وأعط السهم والقوس للي براالقوس

سطم فهد الخليل

[سطم فهد الخليل]

نادى ابو وادي
نادى ابو وادي
نادى ابو وادي وينكم ياهل العيس=واعلـن بصوتٍ واضـح بإنكشافي
نادى يقول يا محرقين المحاميس=وساع الطعون كبار شدق الصحافي
ياشمر الغلبا الطنايا السناعيس=ياهل اللحيسة مطيرين الشعافي
يامن. بكم تفتح قفول المحابيس= يافـزعة المضيوم عــز الضعافي
شوفو فهد يعيش ليله هواجيس=بين الامل. ومابين. حدب الرهافي
وعاداتكم ري الكـبـود الميابيس=عقب العطش مشروبها نبع صافي
يالابتي. ياكاسبين. النواميس= ياسيفي المصقول يادرع ضافي
ترو امس له فريس ولليوم فريس=ارمو بعقل الروس. هي والغدافي


سطم فهد الخليل

[سطم فهد الخليل]

قالوا. كـبرت وقلت. ياراحـم الحـال
قالو كبرت وقلت ياراحم الحال=يارحم من الام الحنون. بولدها

يامن على بابك. يعلقن الامال=عفوك يامن الروح جاها وعدها

ياحطّو الجثة تحت مظلم الجال=تحت اللبن والطين داخل لحدها

اليانقطع مابين الاثنين الارسال=بين اتصال الروح هي وجسدها

أجعل لنا. في جنة الخلد منزال=انا ومن سمع البيوت وشهدها

وتسمعو لمصخر القيـل ياقال=اللي لياجته الجزيلة رصدها

عشنا بدنيانا على كل الاحوال=ذقـنــاً ملـذتهـا وعشنا نكدها

ونجني ثمرمن وقتناكل ماطال=الوقـت يبذرها.وحنّـانحصدها

ونزود عرفٍ كل مايمضي هلال=وناخذ من دروسٍ كثيرٍ عددها

ناخذ دروسٍ من كريمين الاسبال=مدارسٍ تروي ضما من وردها

تجاربٍ له بأوسط الصدر مدهال=واللي يجربهــا لزوم يحمدها

اجلها الاخلاص مع رب الاجلال=واقلـهــا عيـونن نـعـالـج رمـدهـا

سطم فهد الخليل

[سطم فهد الخليل]

شمر وما ادراك ماهم شمر
مبداي راسٍ تجتمع به روس=راسٍ يضم الطيب والناموس

راسٍ تجمّع فيه روسٍ ثلاثه=فيه اللحيسة والطنا وسنعوس

راسٍ . يشرّف كل من يلتجيـلـه=ويضفي عليه من الوقار لبوس

يضفي على من ينتمي له هيبه=ويعطيه من نهج الدروس دروس

راسٍ سما، بأسمه ونال العالي=(شمر) وعرقه بالـوفاء مغروس

(شمر) وما ادراك مـاهـم شمر=عبدة و الاسلم وأهل الدبوس

شمر موارث طي بالجود والكرم=كبارالصحون وللدروع حبوس

نالو من الالقاب ، بالغلب غلـبا=والعــقْ والمنكوس وسود الروس

شمر خيار القوم كسابة الثناء=شمر هل الشيمة عزاز نفوس

(شمر) وفيهم ويش قال العوني=دم الوفاء بعروقهم مدسوس

( يقول. لولاهم فلايذكر الوفاء)=(ولا للحميـة بالـديـار عسوس )

واليوم ياشمر نوصلكم الخبر=هذا ولدكم بالسجن محبوس

بسـجنٍ و سجّانٍ وبابٍ مقـفّـل=وصارت مفاتيح السجون فلوس

وياسِعْد من له لابةٍ مثل شمر=جزالٍ . عطاياهم . كـرام نفوس


سطم فهد الخليل

[سطم فهد الخليل]

في طريقنا من الرياض الى حفر الباطن
انا وأثنين من الرفاق هم (بندر الفهد وفرحان المشعان)
صلينا صلاة الجمعة في قرية الفريده بالصمان
وقام احد المصلين من اهل القرية وعزمنا على القهوة والح علينا بالعزيمة
استجبنا لدعوتة وتشرفنا بدخول مجلسه وتناول القهوة
ومن ثم واصلنا مسيرنا الى حفر الباطن اخذت اسمه ورقم جواله. هو ابو مطلق. خالد الصنعوني المطيري
جادت القريحة بالابيات التالية
............................................
اللي تقدم للطراقي قهاوي
يالله عسى المزن الحقوق الرهاوي=ياخـذ ثلاث ايـّـام ماطره ماطر

يعم من شـويـة. لحد الصداوي=على ديـار مطير حمـر النواظر

وعلى الفريدة خص صبٍ سماوي=سـيلٍ يسـوّي في رياضه محافـر

وبعـده.يجيك العشب فيها متساوي=وتصير في صورة حـديقة مـزاهـر

دارٍ تقــدم للـطــراقي قهـاوي=فنجـال والـم يالغــريب. المسـافر

واللــي يمــر بـدارهـم لا يـراوي=يقلط علـى تقدير مـع طيب خاطر

يقلط علي بنٍ وتمــرٍ حساوي=في بيـت. نادر ينعتـه ساس نادر

في بيت ابو مطلـق شـبيه النـداوي=هو. خالد الصنعوني. ونعـم المـواكـر

قلتـه وانـا مابـي وراهـم جـزاوي=لاشـك انـا لمن يفعـل الطيـب شـاكر

وانـا معـاي اثنين. مانـا. خـلاوي=الكـل. منهـم شـاهد. اعيـان حـاضـر

سطم فهد الخليل

[سطم فهد الخليل]

هذه القصيدة/ قالها طراد بن مطرود
يسندها على / سطم بن فهد الخليل


يابــو فهــد يـاتـاج متني وراسي=نفخر باللي مثلك عصامي وشغموم

واطلـب ياعلك ماتعرّض لبـاســي=ومن خلفك عساه من النار معصوم

وياسطم عيني ماهتنت بالنعاسي=صرنا من حال شعوبنا بحزن وهموم

والوقت مايرحم على الناس قاسي=مايـنْـومـن يابو فهــد دايم الــدوم

حلب من النحسين حلف النجاسي=تسـعيـن بالميــة مدمّــر. ومهـدوم

وقاسم سليماني يحدا. وهـاسـي=(بحلب بني يعرب) صنع نصرمزعوم

ليت سيف الدولة . وليت ابو فراسي=ليت كلٍ منهم حي. ويقعد من النوم

ونكشف لهم ماحل بنا من مئاسي=هجـم علينا الفارسي هجمة الروم

وشهباحلب . كان شـيله متواسي=وسكانها احـرار ومافيـه مظلـوم

واليــوم حلب من المصايب تقاسي=من الاكل والماءوالدواء الشعب محروم

والسنة تذبح. وعلى جثثهم يداسـي=اصحوا قبل ياتيكم الــدور ياقــوم

الفارسي . ماهـو لماضيـه ناسـي=شوفوه حول حدودنا يدرج الحوم

وكم واحدٍ يفهم وعنده احساسي=حذرنا وقال مجابـه الفـرس محتوم

ومن الخليج لحدود طنجة وفاسـي=يطلق علينا امّـة الضـاد معلـوم

وتعدادنا بالكثر يصنف قياسي=بس للأسف يوجد بنا شرح وثلوم

ماعاد بنا فزعة ونخوة وحماسي=واخشى علينا تنطبق كلـمـة رخـوم

ياشعوب نجد وياشعب بني ياسي=وشعب الكويت وقطر يارجالٍ قـروم

وياشعب عمان ياطيبين الاسـاسـي=وشعب البحرين اهل قوانين وسلـوم

احمو حماكم قبل الديرة تحاسي=ياحل بنا المكـروه ماينفـع اللـوم

وترو تكاتفنـا ضروري واسـاسي=والـذود دون الارض. والعرض ملـزوم

ويالله. يامثبـت. جـبـالٍ. رواســي=يافـارض الصلاة. والحـج والصـوم

تنصر امتنا. على كل الخسـاسي=وبقدرتك. تنهـي شقا كل مضيوم


وصلو على محمد صبـاحاً واماسي=اللي ارسـله ربـي لنـا بخيـر تعلـوم

دين الاسلام اللي. رفع شـان ناسي=ماهو اسـلام النمـر محـرّف وملغوم

بأمر الملالي مفصلٍ لـه قياسي=خان الوطن ومن خان مجرم ومذموم

طراد بن مطرود الضوي

الرد من سطم فهد الخليل
مساجلة بين طراد الضوّي وسطم الخليل
ياحـي من راسه تعزوى براسي=وياحي من اسمه حمل وسم وختوم

وسم الاشدة قبل ختم الكـراسي=وسمٍ عزيزٍ وين ماحل . محشوم

واســمٍ كساه من المفاخر لباسـي=ضوّي وشمروخي وبزميل مدعوم

وحي الكتاب اللي يثير الحماسي=خصٍ ليامن. صار من خيرة القوم

كـتـاب من يشـكي كثير المئاسي=واللـه. يابو نايف فلا يلحقك .لـوم

وقـريت انا خط الرفيق السـياسي=خطٍ سياسي وكل مافيه مفهوم

فزيت به . والوضع صار انعكاسي=ساعة قريت خلاصته. صرت مهموم

وعيت. عيوني. لا تطيـق النعـاسي=واصبح علي الصبح ماجـانـي النوم

بأسباب خطٍ كان بالحيل قاسـي=من لـينٍ صدوق والقلب مخموم

رجـلٍ درس نهج الحياة الـدراسي=وعرف بها عـادات. واعـراف. وسلوم

وياطراد. انا والله تبلّــد احساسي=من شي يعرض بالفضا بليلٍ ويوم

وادري تشوف الوضع ماهو متواسي=واثـارتـك . رمـلا . و ثـكـلا . ومكـلوم

شي (ن) يابو نايف يهز الرواسي=بالامـوي. يصلّى على دم. ولحـوم

وعلـى حـلـب تكـالـبـنّ الجـنــاسـي=الغرب هو والشرق . والفرس والروم

واظن بالاسـلام صار انتكاسي=اشـوف مـابـه حيـل . يطيـح و يقـوم

وسـجّل. من الخـذلان. رقــمٍ قيـاسـي=اصبـح. ذليـل. وعنـد الاجنـاب مشئوم

لاشـك انا . عنـدي يقينٍ اسـاسي=شـيٍ جـرى من والي العرش مقسوم

وحتـى ولـو قالو مخطط سياسي=الامـر عنــد اللـه . مقـدّر ومحتـوم

وسـفينـة الاسـلام . لهـا. مراسـي=لابــد مـا تـرسي ولـو طـول العـوم

وخطك مكانه بين عيني وراسي=ورحـبت به. ترحيـب. عازم بمعـزوم

ومـن بحركم اخذت شـي اقتبـاسي=العــذر. منـكم كنـت مجـبر. وملـزوم

وصلو على محمد صباح واماسي=اللي من الزلات سـالم ومعصـوم

سطم فهد الشمري

[سطم فهد الخليل]

توجيه النفس
يانفس. في راسي من الشعر بيتين=توجيه . يانفسي بأوامـر جديـده
خوذي مني . يانفس قولي وتلقين=كل الامور. اللي ذكرته سديده
يانفس . عشنا من العمر فوق ستين=من بينهن. ميـّـزت بيت القصيدة
عشنا.وخذينا من الزمن خبرة سنين=كفيـلـةٍ. بتـرويـض نفـسٍ عنيـده
يانفس . راي بليس. له لاتطيعين=تبقين . يالنفس الشقيه سعيده
وتجاهلي. بعض المواقف وتنسين=وبعض التغافل به صفاتٍ حميده
تعاملي. يانفس. بالصفح واللين=وكوني ليان بحال . وحالٍ شديده
ليني . بأمورنٍ ماتغـيّر موازين=وشدّي . ليامن طِـق راس الحديده
والحلم يانفسي على الربع الادنين=هو مكسب اللي يبي يرفع رصيده
ويانفس. مابه ناس بالعمد مخطين=لاشك. بعض الناس هذا حصيده
يانفس . دلّيتك على المنهح الزين=وتـري.النصيحة من اساس العقيده
وصلي. على اللي مرسلٍ للثقلين=افضـل . بني ادم إمـامـه وسـيده


سطم فهد الخليل

[سطم فهد الخليل]

المجلس
المجلس اللي مدهلٍ للرجاجيل=يشتاق له قلبي ونفسي تشوقه
واجيه لو انّـه بعيدٍ علي حيل=مادام مابالنفس شـيٍ يعوقه
لياصار يسمع فيه حمداً وتهليل=وتذكير بحق الله. على مخلوق
مع مايدورمن القصص والتماثيل=وانساب تتناقل من ألسن صدوقه
يصير كنّه روضـةٍ علّـها سـيل=والا كما حيرٍ تدلت عذوقـه
واشتاق للي ياهرج يازن الكيل=وقعٍ بحكيه دوب هرجه يسوقه
كنه يداري مقدم العين بالميل=الوقت والمجلس يقدّر حقوقه
ماهولياسولف مثل حاطب الليل=خبلٍ ليا سولف تنابل شدوقه
واحب بالمجلس رجالٍ حلاحيل=ناسٍ لها ماضٍ يغذّي عروقه
اللي لياطلوا مثل طلعة سهيل=جو ٍ. جميل ومحريات ٍ بروقه
اللي على الزلة مثل مظلم الليل=ناس ٍ عن الزلات مقفول سوقه
وياحي ريح البن والعود والهيل=طيب ٍ يداوي خاطر اللي يذوقه
وياحي شغمومٍ يحوف المعاميل=فنجالهن يطيب من طيب ذوقه
والمجلس اللي للنشاما مداهيل=نفسي شغوف ٍ له وقلبي يروقه
ياحي مجلاس الرجال المشاكيل=وقبالهم يجلي عن الصدر ضوقه
وصلاة ربي عد وبل الهماليل=في ليلةٍ قامة تكاشف بروقه
على شفيع الخلق يوم التهاويل=اعداد ماتغرب ويبدي شروقه

سطم فهد الخليل

[سطم فهد الخليل]

الحمد للباري
‎الحمـد للباري على مـاهـداني=على طريق الخير، وجنبني الشر

‎والحمد له ثاني ، شكر وامتناني=على قضى المكتوب واللي مقـدر

‎والحمد له ثالث على مـا عطاني=خير ٍ كـثير وراجيٍ خيرٍ اكثر

‎اكـبر عطــا ، اجابتـه يـا دعانـي=بصـوتٍ بلـحـن بـلال قـام يتكـرر

‎حيَّ على الفـــلاح يالمودماني=ليا ارتفـع بالصوت ، اللـــهُ اكــبر

‎وبعده عطـاني عرف عدة معاني=عشت وعرفت اشياء اغلا من الـدر

‎الاولة.. عـرفـت ، ممشى الزماني=وعرفت فيه ان الحوادث تقدر
‎وان القدرلي، ياصلن في مكاني=لو كان من دونه محيطات وابحر

‎ والثانية. ان امـرٍ يقـوله لساني=احلا من الحالي ، وامــر من المـر

‎اما ، من الكـدر المغثرب سقاني=وإلا سـقـاني مـن زلالٍ مفلتـر

‎والثالثة. مـاكــان بيـن المحاني=ماابوح به لفلان ، واقول له سرّ

‎ان ماحفظت اسرار شاني بشاني=مالـوم غيري كانه افشى ومرر

‎ والرابعة. ان اللي سمعته باذاني=ماهو بشرط انه على الناس ينشر

‎احيان الاول يحوّل يصير ثاني=والقول في بعض المـواقف يغـيّر

‎والخامسة . يالمستمع للمعاني =درب الخطاء اياك معك يتكرر

‎احرص على الدب السري البياني=وابعد عن اللي به مطبات وحفر

‎والسادسة امضيت عمراً كـفاني=وعــرفــت بـه كـل الـكلام المشـفّـر

‎وحطيت بالنفس القويـة عناني=وحصرتهـا بدربين مارد و مصدر

‎ومـن بعـد هذا ياولـي الحسـاني=اجـعـل لنـا أمـرٍ بـأمـرك ميسـر

‎وصلاة بي عد ما الصـبح بـاني =على الذي في دين الاسـلام بشــر

سطم فهد الخليل

[سطم فهد الخليل]

يـاحـيْ شـيخٍ كـلنـا عـزوةٍ لـه
الشعر لـه ساعه وللسيف سله=ويحين سل السيف وقـت الحرابه
ومن فضل ربٍ كلنا تحت ظلّه=السيف في غمده وداخـل جرابه
في ظل من سيفه حمى نجد كله=وخـلا شمالـه والجنـوب يتشابه
وانا. معي سيفٍ من الشعر اسله=وعن لايميل السيف امسك نصابه
ومن شـان سيفي مايجي فيه زله=جعلت مـن ذاتي لــذاتـي رقابه
ولا اقول انا ملكي من الشعر جلّه=كــلٍ عـلـى طــولـه يفـصـل ثيابــه
ويا هـاجسي هات المشاعـر وفـلـه=وحط النقط على حروف الكتابـه
وأبـدا الكلام وبالصلاة. استهلّـه=على النبي والال هم والصحابه
وسلام ، اسوقه سوق فنجال دلـه=على الجميـع شيبانها مع شبابه
واقــــول للجميع حياكـــم اللـــه=جميع من حضر وســمـع ياهلابه
بحضـور شيـــخٍ كلنا عزوةٍ لــه=هو شيخنا ، وحنا سند لـه ولابـه
الشـيخ ، ابو وادي محمـد نجـلـه=شيخٍ ، ويحمل تـاج طيـب ومهابه
كم كبد ملـهــوفٍ عـن اليبس بلّـه=كم قالةٍ ، خلص نشبها وجابـه
وكم قالةٍ ، خلص نشبها وحلـه=بالمال ، والا بجاه حضرة جنابه
وبالخـويـِر ، بيـت الشيخ كلٍ يدله=بيتٍ على الطولات ، مفتوح بابه
من صكته سـود الليالي زبن لـه=عن البرد والسموم يلقى الذرابه
البـيــت بـيــتٍ للسناعيس كلـه=والشـيخ ، شـيخٍ لكل منهـو لجابه
ولنا الفخر بالشـيخ ، ومواقفٍ لـه=وعلى مثـل شــرواه ، مابه غـرابه
وخـ.....ــا = لـ......ــد
وخالد ولد محمد وتـرعـرع بظله=يمشي على دربٍ محمد مشابه
شيخٍ ولــد شيخٍ. ويحـل بمحلـه=الــدم دمــه . والفـعــايـل تشــابـه
(هذا ابو هذا ) ( وهذا ولدٍ له)=وهذا لهذا ســيف وهذا إعصابه
وخـالد. نبارك له على ماحصل له=ثقـة ولات الامــر بحضرة جنابه
مبروك. ياخالد وانتــم هلٍ لـه=ومشيختك بالارث ماهي كسابه
وتاريخكم حـــاز المفاخــر سجلّـه=وهذا انت تفتح صفحةٍ من كتابه
ويا خالد. اسمــع كلمةٍ في محله=من راس رجلٍ صادقٍ يوم جابه
درسٍ من اللي بالزمن ماضيٍ له=تجاربٍ ، كنّـه . غــذاه . وشرابه
يسوقها. يـم الـلي هو مخلصٍ له=كلمة وفاء. ويـرجـي من الله ثوابه
الشيخ ، اللي يبي ربوعه. تجله=يسوق نفسه ، دون ربعـه جلابه
يسوق نفســه. للصعاب ويحله=ويقـرّب الوجهات . بين القرابه
ويا خذ . من العاقل . كــلامٍ يدلـه=ويصفح .عن الجاهل ويترك عتابه
وعــن الهزال . يعــز نفسه بجلـه=ويرقى عن الطامن. بعالـي هضابه
والطيب. كل الناس. وده تصل لـه=مار الردا. على الردي ، يعصابه
ويكرم جنابك . عن الردا وطاريٍ له=واللي مثـل شـرواك . يكرم جنابه
مـاضيـك سـمنٍ فـوق حيـلٍ تـزلـه=وحـاضرك سـهـمٍ رابـحٍ من شـرابه
وصلوا على اللي دار طيبة محله=اعداد ماهل المطر من سحابه

سطم فهد الخليل

[سطم فهد الخليل]

الهرج ترخص قيمته كل ماطال
قــال الــذي يــازن كــلامــه لياقال=وقــول المبالغ يقصر القـول دونـه
ماهـوبيـرسـل كـل ماجا على البال=ولالــه بقـوا اللي ماهو من شـئونه
حرصٍ على الصمته ولاله بالاقــوال=إلّا انـهـم عـن السالفـــه يسـألــونـه
وان قـال حط بـكلمتـه قيـد وعـقــال=واخـتـار من جزل الـكلام وفـنـونــه
لأن الـكلام احلاه قـلّــه والاجــزال=والناس ، كـثر الهــذر مايـقـبـلــونـه
والهـرج. ترخص قيمته كل ماطال=يسمج وعقّـيل العرب يسفهــونه
واللي لسانه لكـل مـاجـاه نـقّــال=لابــد مـن قــولٍ عنـه يســألـونه
والصمت خيرمن الحكي الف مثقال=والشاهـد انـه بـالــذهـب ياصفونه
وخـلاف هذا اقـول ياطيب الفال=اسـمع كـلامي جعل مالك مهـونـه
اللي يلالي كن صوته صدى الجال=ابعـد ضعونك عـن مفالي ضعونه
لا تحط معدالـك ولايحط معـدال=خـلَـه لمـن مثـلـه يعالـج جنـونه
ترى العقـل تـاجٍ على صاحبه دالّ=تــاجٍ يتــوج روس مـن يلبسـونـه
و(العقل حلى ماتحلّا بــه الحـال)=بيتٍ عـن ( القاضي ) لـنا ينقلــونه
وانا ، اقول ان العقل ، يحطم جبال=ويبني بـروجٍ بالحياة ويصونه
وياصاحبي خلك صبورٍ وحمال=وخذ من هديب الشام وصف ونمونه
وان مرتـك حـرداء. ويشعاه جهال=خلّـه تعـدّي وسـكّـر البـاب دونـه
ترى الصبر محمود في كل الاحوال=غـــب الصــبر. نتــايجـه يـحمدونه
الصبر اللي ينقال له صبر الابطال=ماهــو بصبرٍ فيـــه. ذل ومهـونـه
(والناس تدري بالجدايد والاسمال)=بـيــتٍ ( لأبن رشـــيد ) مـايـجهلونه
افعـل وتسمع عنك بأذنك وش يقال=والـناس فعـل الطيـب ما يـجحدونه
لياصار فعـلٍ بـاينن فـــوق ماطـال=يصعب على اللي ودهم يبخسونه
وكلمة نِعِم ماهي لكـل واحد تقال=رجــلٍ يعشـق النعم يـبني ركـونـه
والمــدح ذم، انكان ماهو على افعال=عيبٍ على الممدوح، ومـن يمـدحـونه
المدح. يـزهـى فـي كـريمين الاسـبال=وحـلال صعبـات الامــور وزبــونــه
والفـرق ماهـو بالمظاهر والاشـكـال=مايفــرق. الـرجّـال بلبـسـه ولــونــه
فـرق الرجال ، يكون بأفعـال وأقـوال =فعـولٍ جـزال ، وكلـمةٍ ينطقـونـه
ولا يفتخر بأفعـال عــــمٍّ ولا خـال=إلاّ الذي يحافظ عليـها ويصـونه
وياصاحبي ، اعرف ترى الوقت ميال =كم من ، عزيزٍ شـاف منه المهونه
وترى للعرب منهاج من ماض الاجيال=نـــزال بيــن بيــوتـهــم ، يحتمونـه
وللاجـــودي ما بيــن الاجـواد مدهـال=ســلـم العـرب كــل العــرب يعـرفـونه
وياصاحبي ترى المبادي لها رجال=رجالٍ على طول الزمن يحفظونه
وترى بالرجال رجال يبنون الامال=وفيهم رجال امـالهـم يحطمـونه
وراي العرب ياصـار بيدين جهال=عـزي لهـم مـن مـنزلٍ يـنزلـونه
والشـجرة اللي مابهـا فيْ وظلال=عسـاه ماتخضـر، وتيبس غصونه
ومن لايعيـن اللي عليه الدهر مال=لايـامـن الدنيـا بغــدْره تخـونـه
وصلوا على محمد وعلى صحبه وآل=بـيـت النبي. وعلى الذي يتبعـونـه

سطم فهد الخليل

[سطم فهد الخليل]

رسالة الى قطــر
ياربعنا اللي بالعدو بدلونا=قولو لنا ياربعنا ويش جاكم
خوذوا معانا بالأمور وعطونا=من قبل شيٍ فوق شي يتراكم
كان الخطاء من يمنا نبهونا=وحنا علينا بأحترام ادعاكم
وتقبلو من النصح وسمعونا=وتراجعو كان اكتشفتو خطاكم
وحنا معاكم بالوفاء صدقونا=جيرانكم واخوانكم واصدقاكم
اخوان بعروق النسب كل ابونا=من دون كل الناس حنا واياكم
وانكان به من بالخفاء زعزعونا=ميقافنا ميقافكم من عداكم
ياربعنا مهما يكن فأشترونا=وحنا علينا مايغلا مشتراكم
وحنا, فزع جيراننا يانخونا= وانتم هل المفزاع للي نخاكم


سطم فهد الخليل

https://www.youtube.com/watch?v=3l0iHFa7URY



.

[سطم فهد الخليل]

وين شمر لاتناسون الثنين
يالله اني طالبك وانت المعين=ياولي. العـرش. يارب البرايا

يافـزع من هُدِدو بحـد السنين=مـالهم غير انت ثم اهـل العطـايا

ويـن شـمّر. لاتنا ســون الثـنـيـن=الجعفري والشـريفي يالطنـايا

قـرّب الموعـد على القلب الحزين=موعـد المهلـة ولا انحلت. قضايا

السجين اللي ماهو بأيت سجين=السـجين اللي يهــدد بالمنـايا

ويـن شمّر ويـن شمّر ويـن ويـن=ياللحيسة. يالسناعيس. الطنايا

وين شمر ياهل الكسب ، السمين=ويـن اهـل (برزان وعيرف)والقرايا

إنـخ اهل(سلمى واجا) والـّرافـدين=إنـخْ لـي شـمّر كبيريـن العطايا

ويـن شـمّر ومن خلطهم اجمعين=ويـن فعل الخير وين اهل الحمايا

سطم فهد الخليل

[سطم فهد الخليل]

ان حدتك سود الليالي على اقصاك
ياللــه. في عـزة جـلالك وبأسـماك=نـدعوك في اعظم صفاتك واساميك
يامن لياضاقة على العبد ينصاك=ياواحـدٍ حـل الصعيبـات بيـديـك
عبدك سجدلك. تالي الليل ناجـاك=يطلب وشيٍ يطلبـه ماهـو خافيك
وياللـه. لاتخـيّب رجاء من ترجـاك=وانت الذي ماخـاب عبدٍ يراجيـك
ويالله ياللي مالنا غـير رجـواك=تقبل دعاء مـن وكّـل الامـر اليـك
يـاللـه بقلبٍ خاشـعٍ يطلب رضاك=همـه بهـالـدنيـا يطيـعك ويرضيـك
ويالله بياض الوجـه في يوم لقياك=يوم اجتماع اهـل الـرتب والصعاليك
ويالله تجـود بجـود جودك وبغناك=حتى نجـود بجودنا منك واليـك
واعوذبـك. من حـال دورات الافـلا=ومـن حال مابيـن الضَنَـك والضنابيك
يالعبد لا تـامـن مـن الغدر دنياك=لـو اضحكتك. ايّـام لازم تبكيك
لاتامن الدنيا ولـو غيّـه اغــواك=تسقيك عـذب وبعــده المـر تسقيك
ان اقبلت حطت زمامه بيمناك=وان ادبرت قامت تشقق مخابيك
مـرٍ. تخلط المسك والورد مع ماك=ومـرٍتقولً . يجـي الغزيّـل ويسقيك
لاتامنه . الا ان . تامن من اعداك=خـيره كثير وبـه شـرور وشـرابيك
ويـالعبد خذ مني كلامي لياجـاك=عسى الولي على اطيب القول يهديك
خـل الـحـذر منهـج حيـاتـك ومبداك=لاتـامـن الــدنيــا تبيعك وتشـريك
وان حدتك سود الليالي على اقصاك=ارفع الى ابواب السماء كفوف اياديك
واعلم ترى بـه واحدٍ مايتناساك=اللي خلقك من العـدم يعتني فيـك
وايّاك لاتبدي على الناس شكواك=الا . صديقٍ . صافياً لك ويغليك
قلبه . على . قلبك . ومبداه . مبداك=بالكود سيفٍ لك . وفي عازتك شيك
يـفـرح ليـاجيتـه وتـفـرح ليـاجـاك=امَّ . اخــو والا عـن الاخـو يغنيـك
هـذاك. هو عـونك ليـا عمست ارياك=انشـهد انـه بعـد ربي يداويـك
وختــا مهــا يالمسـتمـع انــا وايـاك=نصلي على اللي مابمنهجـه تشكيك

سطم فهد الخليل

[سطم فهد الخليل]

كثر الرواة في تويتر
ياحيف. يا تاريخ ناسٍ صناديد=اليــوم. تلعب به روابض زمنّـا

ناسٍ خشاش من الرعاةٍ الملابيد=قامت تُـؤرّخ لـه صـروحٍ تبنّـا

ناسٍ تسود السيد وتحرر البيد=بأقـوالهـم حنّـا . على الكل كنّـا

واليوم . ياعنتر . يابازيد . ياعبيد=تريحوا . صرنا هل المجد حنا

انتم لها . يومه سيوف وبواريد=واليوم. ( بتويتر ) على مانتمنّـا

سطم فهد الخليل
.
مجارات الشاعر نهار بن هيشان الوبير=.


‏الناس كلن له مرام ومقاصيد=وكلن على ماضيه صوت وغنا

وحنـا نعـانـد يالقينا معانيد=ومن لان معنا. بالمواقيف لنّا

حنا نقول الحق صدقن بتؤكيد=وليـا هرجنا ردوا. العلم عنا

ماهمنا قول العرب والحواسيد=مادمنا لحقوق الاجواد صنا

وحنا بعيدأ عن دروب المناقيد=ومن شان شناله ومن زان زنا

نهار هيشان الوبير

[سطم فهد الخليل]

قامت قبيلة يام بالوجاهة على غريم السجين
بندر سعد الشمري وتمديد مدة القصاص استجابة لنداء والد السجين
كما انهم اعلنو عن قيام حملات ومشاركة شمر في جمع الدية

ابيات من باب رد الثناء
ارحبو. يا يـام بنوك الرجـولة
ارحبو يايـام يابنوك الرجوله=يارصيد اللي جعلكم له رصيد
ياحلول القالة ان عجْزة حلوله=ياهل الفزعات والراي السديد
ياقبيله وزنهـا في وزن دوله=ياذرا الملهوف يـاضد الضديد
يافزع من عندكم نوّخ ذلوله=شاكيٍ من ثقل حمله مايحيد
يامعادن .. للمراجل ..والبطوله=ياسلومٍ. ورث من جـد لحفيد
وشاهدي في صدق كـلامٍ اقوله=الفـعـايـل في مواقفهم تشـيد
يوم ناداهم سعد بالحال جوله=في عزوم. كنها صُلب الحديد
قالو حملك حملنا ثم بركوله=وبدّل الاحزان بأفراحٍ و عيد
انتخوله وقالو الدعوى محلوله=وبشروه بما يحب وما يـريد
سِعْد والله من بني يام فزعوله=لابةٍ شره على العـي االعنيد
راضعين طيبهم منذوالطفوله=راضعينه مثل رضاع الـوليـد
وذا كلام اللي المناعير شهدوله=مايقول من الكلام الا الاكيد
شاعرٍ. ياخذ على التاريخ جوله=في فعايل يـام قديم وجديد
ياكبر تاريخهم بعرضه وطوله=بــه مئآثر مايوفيها القصيد
المراجل .. بالثريا .. وصعدوله=منزلٍ مانزل فيه الا. العقيد
ياقبايل يـام يافـراد وحموله=ياكـبـاره ياشـبابه يالـوليد
كلمةٍ يا يـام عن شمر اقوله=بيننـا. ومابينكـم عهـدٍ جديـد

سطم فهد الخليل

[سطم فهد الخليل]

بصفر ابن نفجان وبشمر يشوش
عاش ، ابن نفجان راع الصُفر عاش=علي ابن نفجان .. للاول .. يحـوش

ياعلي دوك اسمع الموضوع كاش=خذه ، عدٍّ.. مثل .. تعداد القروش

رسم.راس .وحكر.فكر. وجمع جاش=بصوت صدقٍ صافيٍ ماهو مغشوش

دوك راسي. كن.به. ضرب ..الكلاش=لا بدا النتاش. في حذف. القفوش

يوم. شفت. العاليات. الراس شاش=بصُفر ابن نفجـان ، وبشمر يشويش

وشوشةٍ . بالراس . ماهي من بلاش=من صعاطير..الطنا ..راسي .يجوش

شاش .بالصُفر .. الجليلات.. النشاش=بالاجسام . جلال . جـل بلا .كـروش

وروسهنّ ...تقول ..ما فيهنّ ...عراش=والارقاب اسناد ..والذيل.. محشوش

والبراطم .. كنهنّ .. من .. القماش=والاذاني .. كنهن ..وصف .. الدشوش

والفحل ... كنه ... يدور ... للهواش=كالعقيد ... اللي .. بتاليهم .. يهوش

والمزايـن .. سببن .. فيه .. الخراش=من ينافس ..صفرنا ..راح .. مخروش

يالمنافس ..استرح .. على .. الفراش=على .هيل .وحِيل . مع بالٍ .بشوش

استرح .. مابه .. جدال.. ولا .. نقاش=باذن .. رب البيت ..للأول .. نحوش

شعر / سطم فهد الخليل

[سطم فهد الخليل]

قصيدة بمناسبة زواج احمد الدواس المهيني الجعفري
صلوا. على المبعوث بالخير للناس =نبينـا. وبعـد الصـلاة اسمعونـي

يقول من ساق المشاعر والاحساس=في ذكـر منهـم ، دايمـاً يذكـروني

يالله ، تجمّلني. مع عيال. دواس=اللي لهم ، علي . سوابق ديوني

لهم علي دينٍ وقدرٍ على الراس=اللي. على. حفلة. عيـالي يجوني

ورد ، الوفا للدين . عوايد الناس=لياصارهم ، على ، الوفا . يقدروني

واناقدرت وجيت. واقدح من الراس=بـاللـه معـي شوي لـو. تسـمحوني

يامرحبـا ، ترحيبةٍ ، مالهـا ، قياس=نسوقها . سوق ، الهوى ، للمزوني

على حضور الحفل وقوفٍ وجلاس=وجميع منهم يسمعون. ويروني

ترحيبةٍ . فخْـر . ومعـزة . ونوماس=عنـّي وعـن منهـم لهـا. يعلنوني

عن من لهم بالطيب منهج ونبراس=اللي على ، ساق ، وقدم ، يرحبوني

عيالٍ . ودواس المهيني.لهم ساس=وعلى ، فعول الطيب ، يتسابقوني

اللي ، ليا جاء ذكرهم يرفع الراس=يفخر بهم الصديق وينومسوني

ومن لابةٍ يوم انها سيوف وافراس=على عداهم ، يكثرون ، الطعوني

يتمان ، والتاريخ ، تدري به الناس=ضياغـمٍ ، لهـم الشدايد ، تهـوني

قلته وانا منهـم من الفرع للساس=البـس من الامجـاد . مايلبسونـي

والله. فلا قلته . منافق ، وهـلاس=ولاهـو على شان انهم يسمعوني

لاشك فوح وبوح من نبع الاحساس=جـزلٍ ، هـم ، للجـزل . يستاهلوني

واقول لك مبروك ياطيب الساس=مبروك يـا احمد جعلكم تهتنوني

ونعم اختيار الدار والعرق دساس=اللـه . يحقـق ، كـل ، مـا ترغبـونـي

وترى حلات الثوب وخيار الالباس=ثوبٍ قماشه من قماش الزبوني

وصلاة ، ربي ، عد ، خطٍ ، بكراس=واعداد . مالاحت . بروق . المزوني

على . الذي. يشفع والارياق ، يباس=اللي ، عـن ، الضلال ، به ، يهتدوني

سطم فهد الخليل

[سطم فهد الخليل]

رسالة الى ابني ماجد
ياماجد اسمع كلمتي يوم اقوله=ياعل عمرك طول عمر النبي شعيب
ابي اتغانم فيك تالي الطفوله=وتلقى النتايج ياغشى راسك الشيب
ان صنت قول الله وسنة رسوله=تصير في عالي ، طويل ، المراقيب
ياماجد الدنيا بعرضه وطوله=جربتهـا واخـذت منهــا تجاريب
اخذت منها ناتجه ومحصوله=وعرفت ان اصدق صديقٍ هو الجيب
ياماجد ان صارت بجيبك عموله=يصير ، لك ، قدر ، ومعزة. ، وتوجيب
ويقال عنك اقوال لوماتقوله=تصير ، مقبولٍ ، ولابك. ، عذاريب
هذا واهم اقوالي اللي ابي اقوله=من عاملك ، بالطيب عامله ، بالطيب
ترى الرجوله تسـتميل الرجـوله=وتبعـد ، عنك ، ثنتين ، الذل ،والعيب
وان جاك من بالطيب يسرج خيوله=اسرج معه خيلك وخاوه على الطيب
ونزّه. جنابك عن مقرقع طبوله=وجنب عنه مادام لك درب تجنيب
وان ماقبل بالصايبة من حلوله=اصقه عمى ، لاهو بيسمع ، ولا يجيب
اسمع وراع الاوله وش يقوله=موتك ، بعـز ، ولا حياة ، المغاليب
واعرف ترى سماجة الهرج طوله=ترى اللسان ، احيان . يحتاج . تأديب
وحافظ على كلامك اللي تقوله=ترى الكلام هو ساس ، كل العذاريب
والنفس لاتتبع هواها وميوله=ترها. تورد ، بك ، خبيث ، المشاريب

سطم فهد الخليل

[سطم فهد الخليل]

يا الله يامجري النسم جوف الأبدان =عــدلٍ بـتـدبــير الزمـان و صــروفـه

ألطف بنا في محشر الانس والـجان =نــهــار كـلٍ بـــان ذلــه و خــوفـه

وعِـنّا عـلى رد الجــمايل و الاحسان=وانـظـر لـنا بعين الرضـا و المروفـه

وانـا كــتبت القاف هـذا على شـان =نـجزي راع الـمعـروف رد معـروفـه

واثنــي سـلام الود بشعور و لـسان=عد السحاب اللي هطل من قنوفـه

و ابو فـهد للطيب هـاوي و شـفقان=نـفسه على كسب الـمعالي شغوفـه

راعـــي دلال وارده صــنـع رســـلان=مـكرم عـوانـــيه و مــكرم ضـيــوفــه

في مجلـسه تلقى هـلا الطيب ديوان=بيت الصخا مااحـدن يجيـه ويطوفـه

يـشفـق على جمـع الجماعه كحـيلان=يبـذل لـو ان الـوقت تقـسى ظـروفــه

وسـطـم يرحـب بـالــنشاما و لا هــان=ترحــيب مخلـص مـن معاليـق جوفـه

والضيغمي متسلسـلن طــلق الايمان=مــن روس قــوم ماتـوصـف وصـوفـه

ضياغـمن تاريخـهــم يــوم الاكـــوان =سـلـطــان مــارد مــنـهـم زاد خــوفـه

بــحرب ضـروس في قـيادة حمــيدان =خلـو علـيه الـبـيـض تـصفـق كـفـوفـه

حـمو حــدود الـدار في حــد شامـان =وقــصـة بـهـيـج تِــرخت و مـعـروفـه

ضـياغــمـن فــيهـم مــروه وشـجعـان=مـن هــو يـجابـهـم تـراخــت صـفوفـه

ضيـاغمـن يـرسـون فـي كـل مـيـدان =يـوم الزمـان اللـي تصـافـق صـدوفـه

ولا اذم انــا الاجــواد مـن كـايـن كــان=كـلٍ عـلى حــقه يــشــهـر سـيــوفـه

و مبروك يـا يـوسف مـوارث مـطيـران =يـا عــل فـالـك كــل خـير تــشوفـه

و صلوا عــلى اللـي خاتم كل الاديـان =اعـداد مـا سـال القــلم فـي حـروفـه



قصيدة قناص فنغيش الخليل في زواج يوسف سطم وردي عليه
الحمد.لله خالق الانس والجان=ليس كمثْلهْ شي. يشبه وصوفه

وصلاة ربي عد. ماسمع الاذان=على الذي اسمه ثلاثٍ حروفه

هذا وانا جاني جزيلات وسمان=والكل منهـن طـايعة ومعسوفه

عسّافهن. قنـاص طليق الايمان=في عسفهن. ماعنده ايّة كلوفه

يقودهن. ويطاوعن له بالارسان=وانا. ادري ان الشاردة ماتطوفه

جني. وانا بهن فخورٍ. وطربان=حيث ان نفسي للجزيلة شغوفه

وقفت. احييهن . معزة وعرفان=واللي حضرصفّق لهن في كفوفه

يامرحبـا ترحيبـةٍ شـانهـا شـان=ترحيب من رحّب بغالي ضيوفه

هـلا. على ماطاب بدلال رسلان=هيلٍ خضر وانتاج صنعا معروفه

لاهوب لانيّـن ولاهوب حرقـان=انـا. الـذي حمست حبه واحوفه

وماجوبهن.هيلٍ .وحيلٍ. وخرفان=في دار من لايعتذر في ظروفه

قدّرتهن ، من قدركم ، ياكحيلان=وإلا.حروفٍ لها تصفصف حـروفه

هذا وانا بديت في نظـم الاوزان=ونظمتهن. تنظيم . ناظم كشوفه

وصفيتهن. صفّت طوابير الاركان=بعرضٍ. لجل حفلٍ عُمِل له بروفه

وعطيتهن من طيّب القول مازان=لعل يُعجب فيه منهو يشـوفه

قولٍ .يسر اللي سمع له بالاذان=واحلى طعم من در حمرا عطوفه

ويحمل.عَبَق وردٍ معتّق وريحـان=وشيٍ من الكمبود اطيب صنوفه

قولٍ صحيحٍ صدّره قلب للسان=كلمة شكر بأصدق نوايا محفوفه

مني. لابن فنغيش والجد .عدنان=حمولة. بطيب الفعول معروفه

سيوفٍ لنا يوم. انها سنان وعنان=يوم. ان كلٍ يعتزي في سيوفه

ولو ابي اعدد سيرة فلان وفلان=مسيرنا ، يصير ، صعبٍ ، وقوفه

والمعذرة انكان بالقيـل نقصان=والشك زايل دام. حنا محفوفه

وصلو عدد ما يرتفع صوت الاذان=على ، الذي . علامته . في ،كتوفه

سطم فهد الخليل

[سطم فهد الخليل]

ابيات اهداء لمحمد بن سميان النعيم الجعفري
اهداء لـ محمد بن سميان
اليوم ، انا عندي ، من الشعر بيتين =والشعر ياتي سوق بيتٍ ورى بيت
يالله ، تهديني على المنطق الزين =والله ، تسـتر ، زلتـي ، كان ، زليت
و أول بداة ، اقول ، والله ، ونعمين =باللـي ، يحييبك ، ليـامنـك ، الفيت
اللي ، على ، وجهه ، لطيبه ، عناوين =وعلى لسانه ، دايماً ، قول حييت
محمد ابو متعب على العسر واللين =للطيب ، نبراسٍ ، وللمرجلة ، صيت
مدهال ، سمحين ، الوجيه الكريمين =كنك ،على هداج ، والا ، على هيت
وباب الكرم ، مايغلقه لوهو بالدين =وعندي ، على ماقلت شاهد وتثبيت
واكـبر ، دليـلٍ ، ثابتٍ ، بالبراهين =انّـه بنى ، في ، جنب ، بيته ، لنا بيت
واليوم ، هذا البيت ، ســوّاه بيتين =ياحي ، من بيتٍ ، يسرك ، لياجيت
ولو ابي عدد ، فيه ، وحدة وثنتين =قضى العدد ، وانا لمزاياه ماحصيت
يالله ، عسى دنياه ، تمهل له ، سنين =ويبقى لبيته نور ، وسراجن ، وليت
يبقى ،. ويبقاله . عياله ،. جناحين=درعٍ ، لأبو متعبص وسورٍ على البيت
هذا ، وانا ، ماقلتها ، راجياً ، شين =ولا ، العطايا ، من ، يدينه ، تحريت
لاشك ، كلمة ، حــق ، للمستحقين =ويالله عساي بكلمة الحق ما اخطيت
وصلوا ، على اللي ، مرسلٍ ، للثقلين =عليه اصللي كل ماصبحت وامسيت

سطم فهد الخليل

[سطم فهد الخليل]

غير النبي ماحدٍ من الناس معصوم
ياصـار. لاظـالـم ولانـي بمظلـوم=الحمـد للـه . بالسـنـام السـميـني
ومن صد مااضني على رضاه ملزوم=بســلامـة اللــه. دام هـو مايبيـني
لاضـايـقٍ صدري ولاجانـي همـوم=ولاني. منـه مسـرور ولانا . حـزيـني
ان جاء. وانا في مجلسٍ قاعد، اقوم=وامـد لــه قدام يقعـد ، يميــني
ان مـدلـي يمناه ، يصـير محشـوم=وان جنبـن ، ماهـو حـدا والـديني
من باعني. ماني بأدور بـه السـوم=ولا ارجـي به الاسـوام متى تجيني
اقـول. حقّـي فيــه ماهـو بمقسوم=اضـن . هـذا الحــل. يالفـاهميـني
خطو. الرفيق لو انه اغلا من النوم=نبـي نحســبه حســبة الميتيـني
وبعض العرب حتى لوانه من القوم=اخــير، مـن خطو الـرفيـق البطيني
واللي زعــل بلا سـبب يلحقــه لـوم=ليـتـه. يـبـيـن ويش، بـيـنـه وبيـني
يـارب انـا واللـه. فـلانـي بملـيـوم=داريتهـم. مثـلـي مـداراتت عيـني
الحـر. يبقى بالسماء يدرج الحوم=ولايتـبع الهفـوات ، كـود الــدويني
بعض المواقف ارتفع عنه واشـوم=وتشوم. عن بعض المصافح يديني
وغير النبي مابه من الناس معصوم=يـاللــه . عسـانا. للنـبي تابعيـني

سطم فهد الخليل

[سطم فهد الخليل]

احذرك عن( 3 )يالوجه الندي
اليوم انا بوصيك ، ماجد ياولدي=يومك ، اصيل ، ومن مرابط اصايل
خلـك اسنادٍ لـي لياباد جهدي=ليـا نوخن عقب المسير الرحايل
لياقلت لك يابوك تقول . بَعَدِي=احمل عنك يابوي . ماكنت شايل
وصيـتي ، عساه ، للخـير تهـدي=وعسى. تنـال بـحفظهـا كل ، طايل
احرص على مانلت من خير الهدي=واحرص على منهج سـلوم الاوايل
واعرف ترى للهرج ميزان وقـدي=ولا ينهـرج هـرجٍ بليـّا دلايـل
واعلم ترى بالناس انسان يغدي=وبعض البشر يتيه وقت القوايل
وان كان بعض العوج اتتك ، تعدي=امـّا. اتتك ، بقول والا بفعايل
خلك ، ابو حـدين ، سـيفٍ اجردي=دمـّاح ، زلّاتٍ ، وكعـّام ، عـايل
وليا وعدت وحان وقت الموعدي=حـذرا عن الموعـد تـدور بـدايـل
خـذ من لميع سهيل وثبات الجدي=وخذ من فاء ، سكان حايل لحايل
واوصيك عن ثلاث يالوجه الندي=احـذرك ، لاتقرب ، لهن ، بالنزايل
النفس والشيطان والصاحب الردي=الكـل ، منهـن يـجذبك ، للرذايـل

سطم فهد الخليل

[سطم فهد الخليل]

حنا لنا عادات واعراف وآداب مثل النقط على حروف الكتابة
رسـالـة تاصـل الـى كـل الاحبـاب=تحمل عبيـر شـعور طيب وحبـابـه
ياربعنـا خـوذو من الهـرج ماطـاب=من واحـدٍ صـاغ المعـاني وجـابـه
من واحـدٍ يقـرأ الحـقـايـق بلا كتـاب=والصـدق منهاجــه مـن اول شبابه
وعنـده كـلام وكل شيٍ لـه اسباب=للـي جهـل مغـزاه واللـي درابـه
حنـا لـنـا عـادات اعــراف واداب=مـثـل النقـط علـى حــروف الكتـابه
لاحد يتعالى عن البشربأصل وانساب=ولا احــدٍ يظـن ان لـه بـربــه نسابه
ولا احد يتفـاخـر بالمظـاهـر والالقـاب=الفخـر. اللـي فـي يمينــه كـتــابه
وحنا.(خلقنااللاــه) مـن طيـن وتـراب=ضعـوفٍ نـعــوّد في ثـرهــا وتُـرابـه
اكـرمكم اللي في رضا الرب كسـاب=خــوذو عــبر ممـا عليـه الصحـابه
لا تخـذلـون اللـي لـكم. يطـرق الباب=يعدكـم لـه سـور ، يبـي الــذرابــه
وتــرو الزمن يصـير قاسي وغـلاب=لااحد يهضم اللي قسى الوقت صابه
وحنـا لنا جيران واخوان واصحاب=وايضـا لنا ،في كـل ديـرة قـرابه
واللي نصانا نصيرله درع وحجاب=ونفتـح لـه. صدور الرضى والـرحـابه
واللي يظن انّـه خفيـرٍ على الباب=كـلٍ يشـوف البــاب ملكــه. وبـابه
واللي بنفسه شايفٍ بعض الاعجاب=يفـعــل فعــول الطيـب ويـامرحبابه
وحنّا، نتنومس بأصغر الربع ياطاب=ونصيرله مـن وفـوق راسـه إعصابه
واللي يبي يعمـل حـزازت واحزاب=هــذاك مـا ينعـــد ضـمـن قــرابـه
ومن لااحترم قدر القـرايب والاجناب=لـو هو مـن اقرب حي وش ينبغابه
ومن لاحسـب للناس تقـدير وحسـاب=مثل بمثل ما احد، حسب له حسابه

سطم فهد الخليل

[سطم فهد الخليل]

اشمخ شموخ وهذب النفس تهذيب
اخذت من سمر الليالي تجاريب=وعرفت منهن شي فيه اتقـدّا
وناديت من فيض القريحة مناديب=وبالحال جاني جاهزاً مستعدا
جاني. وجن. معه القوافي جناديب=وجعلت.اسـم الله لهـن ومشـدّا
يالله عساي بكل ماقولـه مصيب=ومن لاقـداه اللـه ماهو مقـدّا
ويالآدمي. ترى الليال المحاديب=مامر منهن فات عنك وتعدّا
واعلم ترى لله حقوق ومواجيب=والرابح اللي حـق ربـه مبـدّا
ناجه ليانامت عيون المعازيب=وللعون والتوفيق منه استمـدّا
و ادعه يحقق لك جميع المطاليب=واخلص معه تر.دعوتك ماتردّا
ويالادمي. نزه جنابك عن العيب=واحرص على مبنى الشرف لايهدّا
واصعـد بذاتك فوق عالي المراقيب=وابعد عن اللي للنزول يتحـدّا
واحرص على الطيّب وبادله بالطيب=وراع الردى احرص.معه لاتردّا
(وحافظ على ) اسم بن عمك لياجيب=حتى ولو اهو عن قبالك يصـدّا
واحفظ كلامك لايجيبـه عذاريب=تر. للكلام. اسلوب. وادب. وحـدّا
وترى اللسان حصان يحتاج تدريب=حصانٍ. من الخيال. لازم يهـدّا
واشمخ شموخ وهذب النفس تهذيب=وخلك على تهذيبها ومستعـدّا
قدّر كـلام اللي ربش لحيته شـيب=وكلمة قليل العرف. خلّـه تعدّا
جنّب عنه مادام لك درب تجنيب=وبابٍ يجيب الريح. يحتاج سـدّا
إمّـا الكلام. اللي يجي عنه تعقيب=خلك على ساق وقدم. له تصـدّا
واحذر من اللي يدّي الهرج ويجيب=تر. من تعشى صاحبك. بك تغدّا
وان جاك. شذّابٍ يحش العراقيب=خـلك. علـى الغيّاب قـوي سـدّا
واصفح. ودع شيٍ يريبك لما يريب=عن حال. من حاله من السو صدّا
وحقك. تكفل فيه من يعلم الغيب=بمحاسب اللي قال. ومن جاب.وادّا

سطم فهد الخليل

[سطم فهد الخليل]

مشاركة في حفل زواج عيد بن عواد المشابي
يقول من صاغ المشاعر وله جـاب=وماطاب من طيـب المشاعـر يجيبه
سـلام ، ياوجيه القرايب والاصحاب=ياحضور حفل اليوم. شـبه وشِـيبه
تدرون.وش اطيب من القول ماطاب=اســوقـهــا لأهــل العقـول اللبيبـه
صلوا. عدد ما تكتب حروف بكتاب=علـى الــذي لــه . ســنةٍ نقتديبه
ومن بعدها نحضر من الشعر ماغاب=ويالله عسى القول. الموفق. اصيبه
الاولــه ، يـامرحبـا ، ما لهـا حساب=يقولها ، المعرس ، وابـوه ، ونسيبه
ترحيب ، ممزوجٍ ، بفوّاح ، الاطياب=بالعود. والكمبود. وريحـه. وطيبه
باللـي لفـولـه من بعيدين واقراب=اللـي بعيـد ديار ، واللـي قريبـه
والثانية ، ياعيد ياعرب الانساب=سـاسـك عريب ومن رجـالٍ عـريبـه
يابن الرجال. اللي يحلون الانشاب=اللـي لها العــدوان تشهد بطيبه
جـينـا. نبارك لك. بحبٍ وترحـاب=وهـذا وصـل بيـن القريب وقريبه
وتقـديـر للشايب، وتشجيع للشاب=العـرس مـبروك. وعسـى تهتنيبـه
نطلب لك التوفيق من رب الارباب=يالله توفق عيـد وتعلـي نصيبه
وصلوا على محمد وآله والاصحاب=افضـل.صـلاة اللـه ، على حبيبـه

سطم فهد الخليل

[سطم فهد الخليل]

مشاركة في حفل زواج حمود عويد الخليل
هاجس الشعر حضّر والمشاعر تزود=واطيب القول قولٍ ، يبتدي بالالـه

يـا للـه اني بعونك ، عن صعيب يكود=ويالله اني بحفظك عن بليس وخطاه

ويالله احفظ لسان ، لايجي فيه زود=ولايجي فيه نـقصٍ ينتقص مستواه

وياسلامي عليكم عـد ماهب نـود=وعـد. ما ذعذع الغربي بنسمة هواه

واسعدالله مساكم بيوم فرحة حمود=طاب فالـه حـالـه واسـعد الله مسـاه

وبعـد هـذا كلامي للمعـزب يعـود=ابو مشـعل يرحب. بكل منهو لفاه

ابو مشعل يــردد مرحبـا بالـوفـود=من لفـو من بعيـد.وحارتـه و خوياه

ومرحبا بالحضور عداد صوت.رعود=وعد ماشيف نجـمٍ ، لامعٍ في سـماه

مرحبا من المهيّل ليا سنام القعـود=وقبلهن عـودْ ازرق وسابقته تحياه

وجعل حفلٍ جمعكم كل حينن يعود=والجميع بسعاده بين جـاه و وجـاه

وانا اهنـي وابـارك ، للبناخي. حمود=الف مبروكٍ. جعلـه. يهتني بالحياه

جعل حاله سعيـد وجعل عمره بزود=وجعل ربي يحقق. له هواه منـاه

ثم اصلي على اللي بالصفاة محمود=من تباـغ باقرأ ، يـوم جبريل جـاه

سطم فهد الخليل

[سطم فهد الخليل]

ياكثر مابك من عذاريب وعيوب
يامدوّر.ن. في سيرة الناس عذروب=قبل مسير الناس فتش مسيرك
ياكثر مابك من عذاريب وعيوب=لاشك عنهن مشغلك عيب غيرك
وبدال ما بالغير تبحث عن ذنوب =ورّد ضواميّك على مي بيرك
ياخوي! عورات البشر يستره ثوب=بالله تكفي كف شرك وخيرك
تراك لاماكول ولانته بمشروب=ارتاح.سِيب الناس. ريّح ضميرك
وكانك بغيت تصير طيب ومحبوب=خل العنيد يصير حسبة عشيرك
داوه بمنطوقٍ.ن. مع الناس مرغوب=امّا يطيب والا يداويه غيرك
ولابد مايوضع على راسك الطوب=ايام معدودة وتلقى مصيرك

سطم فهد الخليل

[سطم فهد الخليل]

سلام يالفضلان في صوت يتمان
سـلام مالاحت بروقٍ بالامزان=وعداد ماهل المطر من مخيله
على حضور بالحفل شبٍ وشيبان=واهل السعادة والسمو والفضيله
جينا نشارك بالفرح كل فرحان=عسى فرحكم كل يومٍ وليلة
وفي حفل ابونايف يزينن الالحان=وحنا ليامنه دعانا نجيله
عبد الله البراك وساس فضلان=الـلابـة اللي تفتخر به قبيلة
وسلام يالفضلان في صوت يتمان=الـلابـة. اللي امثلـه وانتميله
يأهل المواقف في قديمات الازمان=يسعد مساكم يارجال الدويلة
يادويلتن من بين شمر لكم شان=واللي مسميكم يعرف. تحليله
اسـمٍ بمرسوم وفي ختم برزان=وعبدة والاسلم هم وزوبع كفيله
كفالة. افعالٍ بروغات الاذهان=يوم النمش المرهفات الصقيله
وشهودكم حايل اجا ورمان=وسلمى وجلديه وخشم الرعيله
وتاريخكم يوم انها سنان وعنان=مايكسب الا كل بيضا جزيله
بالسلم لطفينٍ وبالحرب فرسان=كم فرقوا. مابين خل وخليله
هذا. بوقتٍ ماضيٍ يوم الاكوان=يومنها بالرمح وام الفتيله
واليوم من فضل الولي امن وامان=في حكم منهو ، قول ربي دليله
شال الحمل عنا ، محمد وسلمان=هذا يحمل الحمل وذا يرتكيله
وتمت بحمد الله وشكره وسبحان=من لـه علـي ، تكبيرةٍ ، وتهـليلة
وصلاة ربي عد ، ماسمع الاذان=على نبـيٍ سنته ننتميلـه

سطم فهد الخليل

[سطم فهد الخليل]

سير على اللي عنده النفس ترتاح
سير على اللي عنده النفس ترتاح=اللي على وجهه ، تشوف الحبابه
اللي ، ليامن جيته ، الهم ، ينزاح=وتدله ليامن جيت حضرة جنابه
اللي ليا جا المزح ، يصير مزاح=وبالجد جد ، وكن ، صدره كتابه
ولياهرج ، لياكنه ، الطيب ، يافاح=والا ، كما ، عذبٍ ، لذيذٍ ، شرابه
ان قيل منهو ، قلت هذاك ياصاح=وعلان ،ابن شرهان ، كلٍ ، درابه
رجلٍ لبس بالمرجلة ، تاج ووشاح=اسمه تنومس ، فيه كل ، القرابه
والله ، لامهايط ، ولاني ، بمداح=لكـن ، على قدر السؤال الاجابه

سطم فهد الخليل

[سطم فهد الخليل]

كريم يابرقٍ كشف له تشعشاع
كريم يابرقٍ.ن.كشف له تشعشاع=بأول سهيل وشاقني في رفيفه

يالله عسى نوه حقوقٍ.ن. على القاع=وبل.ن.،قبل وسمه حقوقٍ.ن. خريفه

سيلٍ.ن. يعل شعاف وسهول وتلاع=سيولٍ.ن.على كل المناطق مطيفه

وبعد حوالي اسبوع ، للوبل مرجاع=لياما عطاش القاع ماها تعيفه

ويجيك نبته كنه زروع زراع=والا على ماقيل مثل القطيفه

ويزين ،للحضر المقيمين مطلاع=ويطرب بها الوبال ويطيب كيفه

يقضي بها مصفار ومشتا ومرباع=ويجي السماك ، ويتبعه نبت صيفه

وقبل الضحى تلقا بها الفطّر شباع=ومشتاه هو مرباعها هو مصيفه

متخالطٍ.ن. بالقاع عشبٍ.ن. وفقّاع=يكسي جميع اوطان نجد العفيفه

خيرٍ.ن. يعم اوطان وديارٍ.ن. وساع=ديار الجزيرة كل ابوها مريفه

من غربي الخنفة الى شرقي نطاع=ومن دومة الجندل لوادي حنيفه

ومن ساحل البحر الحمر والبل شباع=الى الخليج اليعربي هو و سِيفه

والله من قلبٍ مع البرق ينلاع=وده يدوّج به ولاهي بكيفه

ياصار لاشاري ولاني ببياع=ولالي حلال ولنا راعي وظيفه

مالي جدا ياكود تطقيق الاصباع=نفسي شغوفٍ له وبالراس طيفه

الله على اللي ليامشى تقل فزاع=او. لبوةٍ.ن. صوت البنادق مخيفه

اليانحدر مع نزلةٍ عقب مطلاع=ياطا الشجر ،، تقل عيونه كفيفه

ناخذ عليه بأول الوقت. مفقاع=مع من سوالفهم علومٍ.ن. طريفه

ونبي ندوّج من عويد لجزاع=لابو محمد فهيد ابن خليفه

اللي لهم في كل الاوطان منجاع=يتلون، شف الطافحة والرهيفه

اهل القبال السمح وصدورٍ وساع=وينومسون الراس ياصار ضيفه

ربعٍ.ن. لنا جزلين في كل الاوضاع=غاياتهم يرقون راس المنيفه

ماحسّبوا كثر المكاسب والاطماع=المال لعبو به بأمور.ن. شريفه

وصلوا على اللي كلنا لامره اتباع=وآله واللي بعده يسمى الخليفة

سطم فهد الخليل

[سطم فهد الخليل]

ليا حل بين بيوتهم صار منهم
فكرت ثم فكرت وادرت الافكار=باللي عن الدنيا تقافا ضعنهم
اللي لياجاهم غريبٍ عن الدار=لياحل بين بيوتهم صار منهم
ومزبان للخايف ومدهال للجار=وبراااس عيطا كل منهو زبنهم
ويدرون سمعتهم عن العيب والعار=وعن ذكر بعض الشي تأبا شيمهم
ويجزون مثل بمثل لياصا ماصار=رد. الجزاء بالمثل منهج سننهم
وراع الردا ياصاروا الناس حضار=ينثرون فنجاله ولو كان منهم
اهل هلا بالضيف ببيوتٍ كبار=قسوة ظروف الوقت ماتمتحنهم
اهل الرباع اللي بها بن وبهار=اقبل زمنّا اليوم وافقى زمنهم
راحو عساهم في ذرى الله عن النار=يارب. اكرم نُزلهم واعف عنهم
وخلوا لنا من بعدهم طيب الاذكار=يالله. عسى مانجنب الدرب عنهم

سطم فهد الخليل

[سطم فهد الخليل]

الأولة منصاك بيت العقيلي
اللـه من قلـب به الشوق جايل=يجول به ما بين عـوجٍ نحايل
شوقٍ تسبب لي باثارة مشاعري=وهلّت مثل وبلٍ صدوق المخايل
هلت وفاضت واستهلت من الحشا=وفتحت له في داخل الصدر فايل
وادنيت للقرطاس وحضّرت للقلم=وبالـزّاج للمزاج بالطرس سايل
وارسلت مرسولٍ يوصّل رسـايـلي=واعطيت للمرسول بعض الدلايل
بالله يالمرسـول دونك رسـالتي=وعبر الفضاء احمل بيوتٍ جزايل
من العاصمة من دار وادي حنيفة=جِدْ بالسرا والسير لديار حايل
وياجيت دار الجود في واد اديرع=دارٍ . اهلها هم خيار القبايل
يقوله العوني وانا اقول قوله=وماقاله الاول لنا به دلايل
دارٍ ، لأبو عدي، وعنتـر، وشـمر=نالت ،ونالو به كبار الفضايل
دار الكرم واهل الشيم والشهامة=من غير قاصر في عموم القبـايل
ياجيتهم بلـغ سلام ٍ يعمهـم=واحرص على توضيح ما بالرسايل
اسلم وسلملي على من تعزهم=وجميع من عنا عزيزٍ يسايل
وسلم. عـلى بنت الجبلين دارنا=دار الطنايا. دار ، كرام السبايل
وسلم على عيرف وبرزان والجبل=وسماح والسمرا وهاكا المسايل
سلم على دارٍ تشادي حيورها=تلع البني لا قضضن للجـدايل
دارٍ بها. ربيت.في مبتدا الصبا=ولاحل في قلبي محله بدايل
لاشك عنها حدني قاسي الزمن=وعيني ليا جا البرق يمه تخايل
والله يالو لي به كبر مفحص القطا=فلا اقبل سكن في ديرةٍ غير حايل
والثانية ملفاك بيت الضياغم=بيتٍ لنا وملفى لكل الحمايل
بيت ٍ على طيب ،، المبادي تأسس=سـاسـه ونبراسه فعـول الجزايل
ديـوان للـيتـمـان كسـابة الـثنا=اللابة اللي يكسبون الجمايل
بلغهم السلام واحـد واحـد=يتمان راس المال لي والحصايل
هذا وصلى الله على سيد الملا=مـا لاح بـرّاق ٍ وما سـال سـايل

سطم فهد الخليل

[سطم فهد الخليل]

ابيات بمناسبة تفاعل الجعفر( الضياغم)
في حملة سداد دين خالد عواد الخليل
..................................................
الشكر الاول والكبير اكرره - للشيخ ابو وادي عزيز الدار
شكراً عدد ماتحوي الابحار=وعداد ما مر الزمان وسار
اقولها بأسمي وبلسان خالد=لـِ اللابة اللي بالفعول كبار
فكاكة السجين بالمال الحمر=يتمان ياشان الزمان وجار
لاكشرت سمر الليالي بنابها=وذل العزيز وجارع الامرار
قالوا هذي لنا من ماضي الزمن=من ضيغمن وعمـير هو عرار
ليا تكاتف ال خضير وقشعم=بشر بهم من يشكي الاعسار
ذولا بني جعفر واحفاد ضيغم=بالـحاضر الـمشهود وماضٍ صار
عاداتهم فكات سجن المعسر=ووقفاتهم مع الضعيف كثار
واشكر مع اليتمان الشهم صالح=عيدي وعيون الجواء له دار
والشكر الاول والكبـير اكرره=للشيخ ، ابو وادي عزيز الدار
وللي على يمناه الشيخ خالد=شيخٍ على اليمنا ماهو يسار
هذا وصلى الله على سيد الملا=وآلآل ، هـم ، وصحـبة ، الابــرار

سطم فهد الخليل

[سطم فهد الخليل]

ان حصل لك موقفٍ ممن تحبه
لاتشب النار خله لاتشبه=لبّس الموضوع ملبوس الجمالي

وان بدالك موقفٍ ممن تحبه=عالج الموضوع بالصدر الشمالي

وابن عمك لو تردى لاتسبه=ماتعرف الغيب وظروف الليالي

نبّهه في غلطته لجل يتنبه=كان جاء للسالفة ذكر ومجالي

وغير هذا باقي الاقوال كبّه=للجدب. ياشجرةٍ ماله ضلالي

الحياة ليانزع منها المحبة=جعلها عقب المحبة للزوالي


سطم فهد الخليل

[سطم فهد الخليل]

قصائد مسجلة فديو يوتيوب

https://www.youtube.com/watch?v=rH7Fz2l_Kqk

https://www.youtube.com/watch?v=Ofqs4xQ19I8

https://www.youtube.com/watch?v=KHHKW-e5jdo

https://www.youtube.com/watch?v=xHsVw6zfGKk

https://www.youtube.com/watch?v=GcFmLi-7Fq4

https://www.youtube.com/watch?v=CZGOU5sL2qQ

https://www.youtube.com/watch?v=HXm4vO-6-CA

[سطم فهد الخليل]

http://nshama-shmr.net/kleeja/do.php?img=155

[سطم فهد الخليل]

عيدك مبارك وكل عامٍ يعودك
ياصاحـبي واللـه يـالـولاك غالي=لاصد ، مثلك واتجاهل وجـودك

واقـول ماهـو واحـد ٍ من عيالي=واغلق حدودي عن منافذ حدودك

لاشك ، ابن عم ٍ ومن بيت عالي=واحدى جدودي واحدٍ من جدودك

ولاحصل بيني وبينك خمالي=ولاتقـاطـع مـع عمـودي عمـودك

وسلام من قلبٍ من الحقد خالي=وعيدك. مبارك وكل عـام ٍ يعودك

وانا لك احلا من القراح الزلالي=احب من حبـك واعـادي حسـودك

وانا افتخربك كل ماجاء مجالي=نقصـي بنقصـانـك وزودي بـزودك

وبعيوني انك مثل ذيك الجبالي=في هيبتك في طيبتك في صمودك

سطم فهد الخليل

[سطم فهد الخليل]

ياقلب من بعض البشر ليش ترتاب
ياقلـب ، من بعض البشـر ليش ترتاب=وانت الـذي عندك عن النـاس صوره

وانـت الــذي درســت درسٍ بلا كتـاب=عـن ظـاهـر العـالـم وخـافـي صــدوره

وعايشـت نـاسٍ من قـريبــين واغـراب=وجـربت طيـب النـاس وعـرفـت جــوره

بعض البشر ياقلب يحسب له حساب=الـلــي، ينـومـس عنـد الاجنـاب دوره

اللــي. يحـله يـاحصل حــزم كــللاب=ومـواقـفـه ، عنــد الجمــيـع مخـــبــوره

احــدٍ ، يـؤثـر فـي غيــابه ليـاغـاب=واحـدٍ غيابه خـير لك من حضوره

بعض البشر ، لوكان من ناسٍ اقراب=ودّك ،لـو انـه ، سـاكـنن فـي شـروره

واحـدٍ لو انه من بعيدين الاجناب=ودّك ، يــزورك كـل يـــوم وتـــزوره

وبعض البشر من يوم يدخل مع الباب=يدخل على نفسك هـناهـا وسـروره

ويحسسك ان البشــر كلــه اقــراب=وارواحهــم بطيـب وجمـال معمــوره

وبعض البشـر يبحـث خفيات الاسـباب=مثـل الـذي يحفـر خشـاش الجحـوره

سطم فهد الخليل

[سطم فهد الخليل]

الشاعر سطم فهد الخليل / صوتيه / القاء المبدع حمد العيد

https://www.youtube.com/watch?v=5GlSr4ZCFVk

[سطم فهد الخليل]

احرص على حضور جمعا جماعتك
ياصاحبي اقر الرسالة لياجتك=اقره ولو مره على اقل تقدير
ولياقريته خذ قرارك براحتك=مضمونها ياصاحبي شور ومشير
اما انها على بعض شي دلتك=وإلا انت طيّرها بهبوب المعاصير
كانك تبي مع الجماعة معزتك=ويصير قدرك عندهم كنك امير
احرص على حضور جمعا جماعتك=لاتحاول تبرر لنفسك معاذير
ترى حضورك بين ربعك وجيتك=يحط لك بين الرجاجيل تقدير
ومهما يكن تعاملك مع معرفتك=اعلم ترى ربعك لهم حالةٍ غير
ربعك ليامن الليالي تحدتك=تراهم سنادك بوقت المعاسير
ان طعتني لاتطيع نفسك ليا اغوتك=تراك تلقى بعد عصيانها خير
وانكان نفسك في بعض شي زغوتك=تعال خذ مني (بـ بيتين) تعبير
الاولة. اعرف مع الناس حضرتك =تراك لا (عنتر ولا (سالم الزير)
والثانية. يلزمك تعرف نهايتك=مكانك اللي جهزوه الحوافير
ويارب غفرانك وعفوك ورحمتك=واجعل لنا في كل ضيقٍ تياسير

سطم فهد الخليل

[سطم فهد الخليل]

ابيات ترحيبية في حفل زفاف عامر قصيم الخليل
سـلام ياوجيه الـرجـال المشاكـيل=عسى مساكم خير ، وامن واماني

صلوا على محمد صلاة التنافيل=افضل بشر مبعوث باطهر مكاني

ومن بعد هذا نبتدي بالثماثيل=وعسى لياجبنا نجيب السماني

ومبداي بأسم الله وحمداً وتهليل=واحد احد ،،، ماله شريكٍ وثاني

ويالله يامنشي المزون المخاييل=انك. على القول السديد تهداني

ياحافظ البيت الحرم من هل الفيل=تحفظ عن الزلات منطق لساني

وآقف واحيي في وجيه المقابيل=بسمي ، وبسم معزبن مرحباني

بسم المعزب مرحبا بالرجاجيل=ترحيبةٍ. تحمل ، جزالٍ ، المعاني

ترحيـبةٍ من يمّة الجدي لسهيل=تشمل قريب الدار ومن كان عاني

بحضوركم جملتوا الحفل تجميل=حياكم الله ،،، ياطوال ،، اليماني

حياكم الله،،،، ياكرام ،، الاسابيل=في حفل ابو ،ثامر، عريب المجاني

قصيّم. يحييكم على البن والهيل=بــن اليمن ، والهيل ،، والزعفراني

وعلى عيال النوق مع فطح الحيل=بصفر الدلال ، وفي كبار الصياني

في ليلةٍ يفرق مساها،، عن الليل=ليلة فــرح ، ليلة ، ســرور وتهاني

ليلة، بها ، عامر ، تخير من الخيل=تخير ،، المهرة ،، وشـد ، العناني

مبروك يانسل الرجال الحلاحيل=الله يحـقـق لك ،،جميع ،، الاماني

وعساك تسـعد بالليالي المقابيل=سعادةٍ ، تسعدك ،، طول ،،،الزماني

والحمد به نبداء وبه نختم القيل=وطابة مسامعكم ،، وهذا كفاني

وصلوا على من سيرته كالقناديل=اللي عن الشبهات ، جاب البياني

سطم فهد الخليل

[سطم فهد الخليل]

ابيات ترحيبية في ضيوف جزاع الخليل وفهيد الخليفه
بديت باللي يعلم السر والغيب=وكلت له امري وانا لامره اسلمت

يالله يا منشي المزون المحاديب=انك تجملني ليامن تكلمت

وتحفظ كلامي لايجيبه عذاريب=ليامن في قولي من الناس قيمت

لأن البشر ما بين غلطان ومصيب=وبعض الكلام اخير من قوله الصمت

هذا ، واقول بلسان كل المعازيب=بلسان من عنهم وقفت وتلزمت

يامرحبا يامرحبا والف ترحيب=باللي ليامن جيتهم منهم اكرمت

بضيوفنا شمر و وايل هل الطيب=ويا مرحبا ياللي على حفلهم عزمت

ترحيبٍ احلا مـن لذيذ المشاريب=باللي. لياجاء ذكرهم غصب نعمت

اللي ، فعايلهم مسابق على الطيب=اللي. ياجيت ديارهم منهم حشمت

حييت باهل الطيب عند اهل الطيب=وبحفلهم ،لفرايد الشعر ، نضمت

بحفلٍ اقامه طيور شلوى هل النيب=وانشهد انك ياراع الحفل ، تممت

ذبايـح الضيفان حرش العراقيب=ماجل حجمه في نظرك وتلاحمت

وهذي عوايـد في ابليهان وهديب=خصصت ، وإلا للمناعير ، عممت

واعيد واكرر كثير التراحيب=بأولاد صقر اسناد راسك ليا انضمت

قـومٍ لهم بالطيب ،شهود ومناديب=ومحزم ظفر،ليامن فيهم تحيزمت

يكفيهم الحمزي بحفظ المواجيب=وحمود ابن طوعان بالعفو و السمت

اوجزت ، والدنيا ، دروس ، وتجاريب=هذا ولعلي ،مع اهل الشعر، ساهمت

وصلوا عدد ، ماتطلع الشمس وتغيب=على ،، نبيـاً ، من ، دروسـه ،، تعلمـت

سطم فهد الخليل

[سطم فهد الخليل]

ياقلب لا تشكي من ظروف دنياك
ياقلب خذ مني كلامي لياجاك=عساك تلقابه هداك ودليلك
وياقلب لاتشكي من ظروف دنياك=ترى المقدّر لازم انه يجيلك
وانكان بك هـمٍ عن النوم قزاك=لا تشتكيلي هـم ولا اشتكيلك
راجع حسناتك وراجع خطاياك=وحقق ودقق بين عدلك وميلك
وكان الزمن ياقلب اتعبك واشقاك=وانهد من كثر التفاكير حيلك
اعنز على سجادتك في مصلاك=خصٍ ليامن فات ثلثين ليلك
وانظر الى بواب السماء وارفع دعاك=وقل يالله اني طالبك والتجيلك
واعلم ترى لك خالقٍ مايتناساك=هومزبنك هومسندك هوكفيلك
ادعه وقل يارب عبدك برجواك=وبحماك عن شر الزمان ودخيلك
ويارب ياللي مالنا ربٍ حذاك=عبدك قليل الحيل من غير حيلك
جـاك وسجدلك تالي الليل ناجاك=وانت الامل يوم ان عبدك يجيلك
ومـازال يلهـج بالـدعاء ويترجاك=ويبقى على طول الزمن يرتجيلك
وكله امل في رحمتك وبعطاياك=وسترك وتوفيقك وطيّب جميلك
نصيحةٍ ياقلب فيها نصحناك=من ناصحٍ شفقٍ عليك ويبيلك

سطم فهد الخليل

[سطم فهد الخليل]

رثاء العمة. رقية الخليل أم عبدالله العبدالله الرشيد
الاعمار لو طال الزمان محدوده=والاجال ملزومٍ.ن. تحـل بوعوده

والارواح لابـد هـا من رحيلها=سـاعاتهـا عند الاله معـدوده

عفى الله عن نفسٍ زكيه وطاهره=اُسري بها الى السماء من لحوده

في يوم سته من شهر جماد آخِر=في فجر جمعه شاهدٍ من شهوده

حـان القضى. بمن لانود فراقها=وحل العزاء قامت توافد وفوده

ياكثر قولت عظم اللـه اجركم=وجزاكـم اللـه خـير منّـا ردوده

على روح من راحت الى جوار ربها=امّ.ن. لنـا يـامـا حـوتنـا بجـوده

الى الخلد ياروحٍ رقت يم خالقه=عسى الروح عند الله تلقى وعوده

الى الخلد يا أم. عبـد الله وامنـا=امّ.ن. تحسسنا الامـان بـوجـوده

عسى مسكنه في دار.رضوان خازنه=وحوض النبي تشرب منه في وروده

سطم فهد الخليل

[سطم فهد الخليل]

ان جتك بعض العوج حاول تلافاه
ان جـتك بعض العوج حاول تلافاه =وان جت منك عوض خطاك بتراجع

نـفـسك ولــو زعـلـت بـهـا داه ودواه=علاج النفوس افكار روس الاشاجع

والله. يــالـو كــلـن يــبـرّق بـعـوجـاه= ولـيـاكتشف عـوجـاه. عـاد مـتراجع

‏لـتبطِ الـمحاكم فـاضيه ماحدن جاه = وتـنقا الـصدور من الحقد والمواجع

ولـو كـان نـربط كـل شـيءٍ مـع الله =تـهدى النفوس ، وتهتني بالمضاجع

‏ سطم فهد الخليل

[سطم فهد الخليل]

رساله الى عبد الله المشعل الرشيد بعد الزواج
سـلام ، لـك مني ،، معـزه ،، وتقدير=يالشيخ ، عبد الله وريث ، السياده

بشر ،، ياوجه ،، الخير ، ياعلك بخير=وعسى حياتك ، كل ابوها ،، سعادة

قطفت ، زهره ، من خيار ، النواوير=واخترت من نفس القماش الوسادة

ياصار ،، امير ، ونصفك الثاني امير=عبد الله ، المشعل ،، تحقق ،مراده

تحققة احلام ، تفرق ،، عن الغير=يعني ،، مثـل ،، ماقيل ، سكر ، زياده

حمامتك ، من ، نفس ماكرك ياطير=تزها ، بتيجان ، الفخر ، له والقلاده

الماكر ، الماكر ،، معَ ، وجهٍ ، منير=وجه السعد ،، يبعد ، شبوح القراده

الماكر ، اللي ،، من خيار ،، المواكير=شهوده ، بجلده ، مايبي ،له ، شهاده

وانا الذي ابخص ،، بقولي من الغير=ولااقول ، قولٍ ، ماهو ، عندي ، وكاده

اعـرف ،، جنابك ،، يازبون ،،المناعير=الطيب ،، بك ، ورثٍ ،، وطبعٍ ، وعاده

سطم فهد الخليل

[سطم فهد الخليل]

http://n-shmr.com/kleeja/do.php?img=188

[سطم فهد الخليل]

الله يعز اللي يعزون الاسلام
اللـه يعز اللي يعزون الاسلام=اللي يحكمون الوطن بالشريعة
اللي لبيت اللـه جنودٍ وخدام=وللراية الخضراء حصونٍ منيعه
آل السعود، مزبّنة كـل منظام=مزبان. من ضاقت عليه الوسيعة
وليا زبن يشوف تقدير واكرام=ومواقـفٍ كـل المنابر تذيعه
وحنا لهم شـعبٍ وفيين وعـظام=ولنا مع الإمـام عهـدٍ وبيعـه
مجدٍ.لنا يزود مع طـول الايام=ميثاق. تفنا. اعمارنا. مانبيعه
عهدٍ. علينا نحفظه عام عن عام=وهذا لنـا سلمٍ وعُـرف وطبيعه
وثايقٍ. يسري بها الوقت قدام=يافات عهـدٍ حـل بعده تبيعه
نحيا جميع. اخوان شـعبٍ وحكام=ولا بينـنا ايّت فـروق وقطيعه
ميثاقنا محفوظ من وقت الإمام=ومليكنا يامر وامـره نطيعه
وولي عهـده بالمهمات مقـدام=الفكر راقي والمواقف شجيعه
وحنا مقابيس الوغى درع وحزام. =دون الوطن عزم ومقام وضليعه
هامات مايعلى على هامنا هام=لنا بشومات المعالي صنيعه
وصلوا عدد من حج مكة ومن صام=على النبي خير العباد وشفيعه


سطم فهد الخليل

[سطم فهد الخليل]

المجد ماياتي بكثر الدنانير والموت ينال الغني والفقيري
‏جلست مع ذاتي ادير التفاكير=وأقارن أحوال مع أحوال غيري

‏وأقول ليتي واحدٍ من الهوامير=وأملك مع التجار اسمٍ كبيري

‏ومليار بحساب على اقل تقدير=‏بالبورصه يديرهن الي وزيري

‏وسجل توريدٍ و سجل تصدير=بواخر وسط البحر تستديري

‏وذودٍ مجاهيمٍ وذودٍ مغاتير=يبرا لهن تريلات مي وشعيري

‏وعندي لياجوني ضيوف ومساير=غرف صوالينٍ وبيتٍ كبيري

والناس حولي صايرنٍ دواوير=كلن يبي يضرب نياقه بعيري

‏واصير كني عنتر اوسالم الزير=لو كان ماداني سماع الصفيري

‏ويقال لي يأمير وأنا ما نا امير‏=لا ني أمير ولاني ولد أميري

‏هـذا وأنـا لي عـودةٍ يـالمناعـير=لمقارنة حالي مع أحوال غيري

‏لياشفتلي ناسٍ فأنا حالي بخير=ياكبر فضل الله وياكثر خيري

الله مصورني على خير تصوير=بجسم سليم وفيه عقلٍ منيري

‏ورجلين تحملني مع الناس واسير=وأشوف بعيوني سليمٍ بصيري

‏وانطق من لساني جميل التعابير=واسمع بأذاني كل ما قال غيري

‏هذي نِعم من عند والي المقادير =واللي خلقني بي لطيفا خبيري

‏والمجد ما يأتي بكثر الدنانير =الموت ينال الغني والفقيري

‏‏ويالله ياللي في يديك التدابير=تجيرني من شر حر السعيري

انا و أيا اهل الوجهيه المسافير=كل من رجاء ربه وبه يستجيري

وصلاة ربي عد نبت النواوير=على نبـيٍ بسنته نستنيري

سطم فهد الخليل

[سطم فهد الخليل]

مشاركتي في حفل ترقية الصديق حمود حمد القحطاني الى رتبة عميد
قال الذي ياقال يعرف طريقه=وللناس في قوله اسلوب وطرايق

اقـول قـولٍ مايبي له وثيقه=لانه بشخصٍ فوق كل الوثايق

قـولٍ برجلٍ من الـرجالٍ الـعريقه=عـريـق ذات ومـن عـروقٍ عـرايق

يـامرحبا بـراعي الـيمين الـطليقه=تـرحـيبةٍ يـاحـمود مـن بـال رايـق

انـت الـذي تزهى القصيد وتليقه= وانت الذي بك اجزل الشعر لايق

وانـت الـرفيق. اللي يساند رفيقه=ياقف معه. ليامن صار متضايق

يـبـعد عـنـه هـمـه وغـمـه وضـيقهً=ويـحـقق الاحــلام عـنـده حـقـايق

يـاقف مـعه وقـفة شـقيق لـشقيقه=تـقـول هــو وايّــاه اخـوة شـقايق

ويزرع لٰه الـورد الـمعتّق حديقـه=ويـحط فـي دربـه زهور و حدايق

يالـلي تـقول ابـشر وقـولك حـقيقه= ابـشر. وتـتبعه الـفعول الـحقايق

وهــذا لـك اسـلوبٍ ونـهج وطـريقة=والـناس كـلٍ لـه اسـلوب وطـرايق
سطم فهد الخليل

[سطم فهد الخليل]

قصيدة مشاركتي في حفل مخبم الشيخ خالد محمد البعيجان في مزاد تربة حايل
خير مابه نبتدي واطيب مقال=ذكر من بيديه تصريف الحياة

ياعزيز الملك ، ، يارب الجلال=طالبٍ ، منك الوقاعة ،والثبات

وجمّلن في موقفي وبكل حال=وفي لساني لايجي فيه انفلات

وبعد هذا، ياحضور ، الاحتفال=اكثروا ، على ، محمد ، بالصلاة

ثم. اقول ، بقول خالد يوم قال=مرحبا مليون ، ومليون اتحياة

ومرحبا ، مالاح ، براق ، الخيال=بكل منهو حاضراً حفل العصاة

حفل شيخٍ مرخصٍ غال الحلال=حفل من لا يتقي عن الواجبات

خالد البعيجان محمود الخصال= شيخنا ويزهاه نظم المفردات

شيخنا ياشيخنا ، جاك المقـال=ياسليل المـجـد ياجزل الصفات

ياوريث. الجود ،، ياجزل الفعال=ويازبون فعول ،، مجدٍ حاضرات

نشكرك بعداد ،، ماهب، الشمال=وعد ، ماسمع ، المؤذن ، للصلاة

وعد. فوق الروس مامال العقال=وعد ، روسٍ ، عقلهن ، متمايلات

واللـه انك كاملاً في كل حال=طيب بد وطيب جد وطيب ذات

وقالو كايد. حاضرٍ يابن الحلال=شيخ عبدة من العصور الاولات

قلت كايد في حضوره وشيقال=القصايد ، عن مقامه ، عاجزات

شيخنا . الزحزيح . شيال . الثقال=فزعة المضيوم ستر المحصنات

هيلعين ، ماكرك روس ، الطوال=شامخٍ مثل الجبال ، الشامخات

ياشموخ طوق ،، من بين الجبال=ياكـرم نهر ي ،، (دجلة و الفرات)

مرحبا وحييت يا سمح القبال=ياوصي الطيب حفضت الوصاة

لك حضورٍ زود المحفل جمال=بالاصول بالفعول وبالصفات

والشعر ليامنْ، حضرله مجال=يفتخر بأهل الفعول الطايلات

يفتخر بإسم الزحول من الرجال= بمثلكم يأهل الفعول النايفات

واحمد الله من العمام ليالخوال=المناسب ، كل ابوهن ، عاليات

كلكم من ساس من عمٍ وخال=ساس واحد بالاباء والامهات

ولافرق ، من بينكم ، جاهٍ ومال=ولاحسود ، ولاحقود ، ولاوشاة

شجرةٍ فيها ذرا ، وفي وظلال=جعلها تبقى على طول الحياة

والصلاة عداد ، ما أذن بلال=علي خير الخلق راع المعجزات


سطم فهد الخليل

[سطم فهد الخليل]

مشاركتي في حفل عائلة الحويفظ على شرف الاشراف
مشاركتي في احتفال الحويفظ على شرف الاشراف
‏سلام يا ضيوف الحفل والجماهير= اول مايُبدا فيه توريد السلام
وبعد السلام ياهل الوجيه المسافير=بالله لحظه شوي قبل ابدا الكلام
‏صلوا على اللي سيرته كلها خير=نبينا اللي اعز الله بالاسلام
‏والحمد لله خير وامن تياسير=في ظل منهم للحرمين خدام
‏العهد زاهر عهد رؤية وتطوير=وخيرٍ ويتابع خير من عهد الإمام
والشعر حل ووردنّ البواكير=وأنا ليا منه حل لي دور واسهام
‏وأبدابذكر الله وحمدا وتكبير =واقول قولٍ واضحٍ به ادغام
‏يالله جملني بزين التعابير=عن كلمة يفرح بها كل لوّام
‏اما يدربيها على فوهة البير=ولا يحولها على حقول الألغام
‏وأعود للموضوع من غير تأخير=‏وأحط بالموضوع لي بصمة ابهام
‏حنا نتشرف يا دعونا المناعير=وناتى لو ان الدرب سيراً بالاقدام
‏وأن لبّي دعوة معزة وتقدير =لا و الله لا شيء مفروض و الزام
‏لبيك يا دعوة رجالٍ مشاهير =لبيك يالداعي لك إجلال وإكرام
‏دعوة صقور من خيار المواكير=‏ نوادرٍ ما بين غالب وغشام
‏ اللابة اللي ينطحون الطوابير=يومنّها في علط الارماح واحسام
‏عز الرفيق ويحتمون المظاهير=بني حويفظ للعدو عوق وكام
‏ ربعٍ لنا من دور عرار وأعمير=ما عرفها من اليوم والا من العام
‏ولو عنهم اب اعطي مسيرة وتقرير =تعييني الأوراق وتجف الأقلام
‏لكن رؤوس أقلام ونواصل السير =مع الضيوف اللي عزيزين وحشام
يامرحبا ياضيوفنا ويامسالخير=ياشراف مكة ياعريبين الاقوام
اسمٍ سطع من حد صنعا الى الدير=ومن الخليج لبحر جدة الى الشام
متميزينن يالهواشم عن الغير=في عصرنا الحاضر ومن قبل الاسلام
اسمٍ كبيرٍ مايبي زود تكبير=مثل (علم سلمان ) من بين الاعلام
ويامرحبا قدر. ومعزّه وتوقير=في حفلةٍ تجمع بني عم وارحام
الله يحييكم ولكم كل تقدير=تحيةٍ بعداد من لبس الاحرام
هلا على الهيل الخضر بالمباهير=والعود الازرق بالمباخير قدام
وحياكم الله ومرحبا يالمسافير=على صحونن حملوها بالانعام
في حفلة اللي يكرمون الخطاطير=ولهم بميدان الكرم تاج ووسام
وقبل الختام اقول قدم الجماهير=ياطيور شلوى ياعزيزين ياكرام
العذر منكم كان بالقول تقصير=بذلت جهد وباذل الجهد مايلام
هذا وصلى الله على قايد الخير=بعداد من صلى ولبى ومن صام

سطم فهد الخليل