ابيات معايدهـ

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري

((ابيات معايده 13\12\1432هـ))



جعل عيد النشامى كل عامــــن يعـود= بالمسرات والافـــــــراح للغانمــين

اسعدالله مسا كل النشامـى الاســــــــود= واسعدالله صباح اسودهذا العــرين

التهاني لكم يامعــــــــــربين الجـــــدود= ارفع اسما التهانـي جعلكم سالمـين

ارفع التهنيئات مغلـّـفــــــه بالــــورود = وريحة المسك والريحان والياسمين

ودي اكتب حروف الخط في دهن عود= وارسله مع هبوب الريح للطـــيبين

يشهدالله غلاكم كل يومــــــــــــن يزود = واني افخربكم في كل وقتن وحين

ويشهدالله غلاكم شـــــــــــي ماله حدود = جيت ابازن غلاكم بس ماله وزين

والمحبه مـــــــــــــن الله ماتجي بالنقود = ماتجي كود من عندارحم الراحمين

الغلا موهبه مــــــــــــن عند ربن ودود = كلكم مثل عينـــــي داخل الحاجبين

كل ماجيت اعدالاسم اوقــّف واعــــود = ثم اقول المهم اني مـــــن الرابحين

ياعسالله يكفيكم عيون الحســــــــــــــود = يبعدالله عنكم شـــــــــــلة الحاقدين

[قمرا سماه]

صح لسانك
ابيات وافية
كل عام وانت بخير

[المشرف العام]

هلابك شـــاعرنا القدير مشعل التريباني
عساك من عوادة العيد دايم
عيدك ســـــــــــــعيد ومبارك
بيض الله وجهك على شعورك النبيل ونحنُ بالمثل وهذا ليس مستغرب من شخصك الكريم وافي طال عمرك
:987h:أياديك يابو عبدالرحمن
صح السانك مدد بلا عدد
تقديري لسمو شخصك الكريم ؛؛؛

[مشعل عسام التريباني]

الاخت مزون شكراللمرور الله لايهينكي اختي الفاضله

[مشعل عسام التريباني]

الاخ الغالي ابو غازي صح بدنك واطال الله عمرك وبارك الله لك بالمال والاعمال والعيال ويشهد الله على محبتك الله لايحرمنا من وجودك انت واللي مثلك

[عبدالعزيز بن بليهد]

بيض الله وجهك يالغالي وعاد عيدك وانت بأتم الصحه والعافيه وكل عام وانت بخير

صح لسانك واعتلا شانك

[مشعل عسام التريباني]

الاخ العزيز عبدالعزبز البليهد صح بدنك وشكرالك على المرور الله لايهينك اخوي الغالي يسعدني ماكتبت يالغالي

[أبو كادي]

شاعرنا الرائع الغالي / مشعل التريباني
صح لسانك ملايين وبيض الله وجهك ابيات رائعة جداً لاهنت
وكل عامٍ وأنت بخير وصحة وسلامة.
تقبل خالص تحياتي،،،

[دباس]

بيض الله وجهك يالغالي وعاد عيدك وانت بأتم الصحه والعافيه وكل عام وانت بخير

صح لسانك واعتلا شانك

[مشعل عسام التريباني]

الاخوان الكرام
عياده الجهيلي
ابو كادي
دباس
شكرالكما جميعا على المرور والاطرى الله لايهينكما ايها الاوفياء

[محمد الذرفي]

هلا هلا بالجزل / ابو عبد الرحمن

اولاً من العيدين الفايزين أنت ومن تحب ياغالي

والثانياً مبروك زواج عبدالرحمن وان شاءالله تشوف عياله

وثالثاً ابشرك با لمطر على المنطقة الشرقية عساه مطر خير وبركة يارب

رابعاً صح لسانك واعتلاء شانك

جزل جزل ولاتاتي الابالجزل يابو عبدالرحمن لله درك

الف شكر لك على المبادرة الطيبة

دمت بأتم حال

[وحيد الدرب]

صح لسانك شاعرنا ابو عبد الرحمن وبيض اللهـ وجهك

وكل عاام وانت والجميع بخير وصحهـ وسلامهـ

لكـ مني خالص التحيهـ وفائق التقدير

اخوك/ ابو بدر

[درويش]

الشاعر مشعل التريباني
عيدك مبارك
صح السانك الف
ودي لك يسبق ردي

[دغش]

الشاعر مشعل التريباني
عاد عيدك يالعزوة
صح السانك عمي ملاييين
تقديري لسموك

[طلاع الزميلي الشمري]

هلاوغلا بابو عبدالرحمن شاعرنا القدير
وافي وانت راع الوفا عساك من العايدين الفايزن
وكل اخواننا والمسلمين
وصح الله لسانك وعلى شانك علي هالمعايده الجميله
لك جل تقديري لشخصك الكريم
حفظك الله يالعزوه

[مشعل عسام التريباني]

شكراللجميع على المرور والاطرى الله لايهينكم جميعا ايها الاوفيا وشكرا لاخي الغالي محمد الذرفي على البشرى الطيبه بالمطر الذي على الشرقيه جعله الله مطر خير وعم بنفعه جميع البلاد شكر له ايضا على المباركه لي بزواج ابني عبدالرحمن ونقول العقبا لك ان شالله اذا ماسبق لك ذلك واذا سبق لك الزواج نقول زود خير بدون ماتزعل المعزبه الاولى وشكرا للجميع الله لايهينكم

[مفوز التبيناوي]

من العايدين الفايزين أخي مشعل،، أشكرك على طيب المشاعر، وهذه القصيدة الرقيقة التي تكتسي بحلل العيد وأطيابه،، لك تقديري.
أخوك/ مفوز التبيناوي.

[احمد الجريفاني]

سلمت وغنمت يا الغالي ادام الله عليك نعمه
قصيدة عن الف رحم الله والديك ورعاك واطال في عمرك يا النشمي

[محارش]

صح السانك شاعرنا ابو عبد الرحمن وبيض اللهـ وجهك

وكل عاااام وانت والجميع بخير وصحهـ وسلامهـ

لكـ مني خالص التحيهـ وفائق التقدير

[مشعل عسام التريباني]

الاخوان الكرام
مفوز التبيناوي
احمد الجريفاني
محارش
شكرالكما جميعا على المرور المشرف والاطرى المشجع الله لايهينكما وكل عام وانتم ومن تحبون بخير والف عافيه