ديوان الشاعر / دايود الخلف

[دايود الخلف]

أول موضوع لي هنا , واتمنا ان ينال على رضاكم واعجابكم


انشـــودة / رفيق البال .

كلمات واداء / دايود الخلف .

الحـان الصديق المبدع المنشد / غازي الحماد .

هندسة وتوزيع الرائع / عمر اللويش .

وشكرا ً لشبكة اذواق على مجهودها الواضح لهذا العمل .


http://www.youtube.com/watch?v=nTRVpvHa5hs

رفيق .. البآل .. لا .. تبعد ..! ..



انا لا جيت ابوصف لك شعوري حرت مدري كيف ؟=كثير اشياء تجعلني افكر فيك واتأمل
حنانك طيبتك حتى هذا الطبع مو تزييف=حروفك والحكي لاجاء من اشفاهك يكون أجمل
إلى من غبت عن عيني يلازمني كثير الطيف=اهوجس بك مادام انك بعيني دايم الأمثل
سكنت القلب واحساسه وصرت بداخلي (تعريف)=( يوضح صورة الخاطر لمنهو دايم ٍ يسأل )
تعال وشوف في قلبي غرام ٍ للأبد ماشيف=كتمته داخلي فرحه ( دخيلك خلها تكمل ) !
سعادة خافقي تكبر بذكرك وانت عندي ( الكيف )=اذا زاد الحزن فيني تجيني ( خير ) وهو يرحل
رفيق البال .. لاا تبعد ( ابيك الظل وقت الصيف )=( وابيك الشمس في بردي , وابيك تكون لي منهل )
( وابي منك تعاهدني ) .. عهد ماخالطه تحريف=نخلّي صفحة الامجاد تبقى ( خير مستقبل )
انا وإن جارت الدنيا .. عليّ وشفت انا تكليـف=ابصبر إيه .. انا بصبر .. عليها ماني / مستعجل !
شعوري جاك في غفله عليك الباقي بالتخفيف=تداري حال من عــزّك وصرت بقلبه ( الأول )
انا لاجيت ابكتب لك كثير الشوووق مدري كيف ؟=يحيـر البال مااايدري , وحرفه منكم : يخجل !



.......

عساها ان تكون قد نالت على رضاكم والقبول



تحيتي واحترامي اخوكم : دايود الخلف

[دايود الخلف]

بسم الله الرحمن الرحيم




اقدم لكم اول الاعمال التي ظهرت بصوتي وهي انشودة سعيد الحظ
التي افتخر بها كثيرا ً لأنها عن الحبيبه ( حائل ) .


سعيد الحظ


كلمـات واداء : دايود الخلف .

الحان الصديق الفنان : احمد فهد عبدالمحسن .

هندسة وتوزيع الرائع : عمر اللويش .

شكر خاص لشبكة اذواق الاعلامية .





http://www.youtube.com/watch?v=NDLWUzgbF40


سعيد الحظ من يسكن بحائل ..! ..! ..



سعيد الحظ من يسكن بحايل وسط اراضيها=يشوف الفرح في وقت ٍ به الاوجاع ملتمّه
أنادي يا عرب حايل عروس بكل ما فيها=مزاياها كثيره حييييل ( انا وشلون ابلمـّــه ) ؟
كرم والطيب في ارضه وناس ٍ به تحلّيها=شهامه والاصاله مع سجايا كلها همّه
شوارعها .. مساكنها .. نفوده .. ربي حاليها=جبلها الشامخ .. يعآنق / سحآب الكون ويضمّه !
نجوم الليل تسري بي واشوفه في مساريها=تعلّت كالبدر واصبح , مكانه دوم بالقمّه
حشى والله مافيها عيوب ٍ في مواريها=( واذا بـ/يذمها حاسد ؟ ... اشوفه : ناقص الذمّه )
على هذا الولع نبقى نحبه دوم نفديها=وصار الحب يجري بالعروق ملازم ٍ دمّه !
بقربه .. عايش براحه ونفسي دوم تغليها=الاا يـاااحيي لا شفته من اعماقي / رحل همّه !
عسى الامطار تلفاها ويملأ السيل واديها=وعساه الحاسد الحاقد .. يموت بغيضه وغمـّه
طلبتك .. يا إلهي .. من .. جميع .. اخطار : تحميها=وترجع .. كل .. منهو .. غاب .. / للغالين واللمّه
كريم ٍ إنت ياربي جعلتن وسط اراضيها=وشفت الفرح في وقت ٍ كثير اوجـاااع , ملتمّه



اتمنأ ان يكون العمل قد نال على رضاكم جميعا ً


اخوكم .. دايود الخلف

[دايود الخلف]

http://www.nshama-shmr.net/up/uploads/images/ns-5d60fdd6db.jpg
بسم الله الرحمن الرحيم

اقدم لكم هذا العمل البسيط والمتواضع وعسى ان ينال على الرضا والقبول
البارحــــة

كلمات و اداء /

دايـود الخلـف

الهندسة الصوتية والتوزيع /
ابو خـلاد

شارك بالكـورال /
ابو خـــلاد

البارحة : كلمات واداء .. دايود الخلف

للإستمـاع والتحميل :

http://www.youtube.com/watch?v=rDJ1IYWIzvg

الكلمــات
البارحه - كلمات واداء / دايود الخلف ..! ..! ..

البارحه زارني طيفك بوقت المنام= العين .. تبكي فـرح والشوق .. يكتب قصيد

فزيـت من نومتي لاجله وقلت السلام= هلـّـيت وصار المساء في نظرتي هو سعيد

تبهر وتفتن كما بدر السماء بالظلام=لك طلة ٍ تجذب الخفــّـاق شــي ٍ اكـيـد

سبحان من صوّرك بالزين وحسن القوام= وسبحان من جمـّلك واصبحت شخص ٍ فريد

بعيونك ألقى الهوى والود والقى الغرام= وبهمس صوتك رجــف قلبي ونبضه شديد

يقول طيفك عسى ماشر ؟ وين الكلام != إهرج .. تكلـّم تراه الوقت ماهـو مديـــد

قلت العفو لا تلوم اللي رمته السهام= مات الحكي مثل مـا يموت نبـض الشهيد

الله عطاك الحلا وكل المزايا تمام= معذور لاجيت لك بخطـاي اسرع وازيد

مفتون بك يالغضي والقلب ماهو يلام= انشهد إنه جرى حبـّـك بوسط الوريد

عسى السعد ما يغيب تلقاه في كل عام=وعسى المقابيل به تشوف مانته تريـد

ياصاحبي لا رأيت زولك بوقت المنام= يفـز قلبي واقول .. إنت الغرام الوحيد !
تم بحمد الله
وعسى ان نكون قد وفقنا باظهار العمل بالشكل المطلوب والمناسب

اخوكم : دايود الخلف

[دايود الخلف]

بسم الله الرحمن الرحيم



السلام عليكم ورحمة الله وبركاته


|| الفآجعه ||

كلمات / دايود الخلف
إنشـاد / محمد الجاسر
الحـان / أبو خــلاد



للمشاهده والاستماع
http://www.nshama-shmr.net/up/uploads/images/ns-3cb8bf1856.gif

http://www.youtube.com/watch?v=csruZp-ipjs



للتحميل والاستماع


http://www.4shared.com/audio/4JLo03rU/___.html




الكلمات


.........

على الدموع أسهر...أنـوح وما أقـدر
يا ربنـّا تجبـر ... ما صابنـا يا اللـه
الغآليـه مـاتت ... ورموشنـا شآبت
من كثـر ماشفنـا ... من يوم هـي غآبت
يآجدتي لآمـاك
مافارقـت عيني
والله .. ما انساك
لو طالت اسنيني
معروفة ٍ بالطيب ... ولاجيتي آلترحيـب
بالناس يآ كثـره ... من دون شك وريب
ربيتي كبـّرتي ... احسنتي وصرتي
يآجـدتي إنتي ؟ ... منـّك تعلمنـّا
ياما جمعتي النآس
عندك كثير ايـام
واليوم صآر اتعاس
ذاك الوصل مادام
النآس من بعدك ؟ .. ماعاد مهتمّه
كل ٍ تباطى وراح .. من بعدكم يمّـه
الفاجعه وصارت .. وبدنيتي جارت
علينا هالاحزآن .. وافكارنا حآرت
يا ام سعود الله
يمنّـك بفضله
وينزل على قبرك
كل الرضا .. كلـّه



رحم الله الفقيده واسكنها فسيح جناته

اللهم اغفر لموتانا وموتى المسلمين اجمعين


............

آخوكم : دايود الخلف

[دايود الخلف]

[ بسم الله الرحمن الرحيم ]



شبكة أذواق الإعلامية
تـقـدم وحـصـريـاً :
WWW.ATHWAQ.NET



{ أنتي بخير }









كلمات لحن وأداء :
[ دايود الخلف ]


الهندسة الصوتية و التوزيع :
[ عمر اللويش ]


تصميم :
[ وائل الغامدي ]







لحفظ العمل :


http://www.athwaq.net/anashed/anti-bekhayr.MP3



يوتيوب :


http://www.youtube.com/watch?v=vGu3Xz5JiYg



تصميم اليوتيوب المبدع :


[ احمد الاسلمي ]









.... الكلمات ...


ماجت على ميعادها .. كثرت جروح اعنادها
ابقى انتظر لحد الفجر .. اشكي هموم بعادها


اجالس الليل الحزيـن
اعاني اجروح و ونين
احاكي الليل بـ انيـن
ياليل .. تكفـى نادها !!


كنت افتكر حـبه مطر .. يبقى يغـذّيني دهـر
كنت افتكر جري برى .. واليوم هوّى لي طرى


عاد الألم عـاد الشقى
والهم في صدري بقى
يمكن خفوقه هـو لقى
غيري .. يكون مرادها !!


ياما عطيت الحب له .. لأجله بعيني مذهله
ياما عنيت ولا شكيت .. وكنت دايم اسأله :


إنتي بخير ؟
او يا ترى همـّك كبير !!
إنتي بخير ؟
بس خبّريني وش يصير !!



لا لا تهلّين الدمــوع
اصير في دربك شموع
لامن قسى وقتك عليك
تلقيني من خوفي أجيك


والحين ماشوفك تجين .. يرضيك عني تبعدين ؟
من دون علم ٍ او خبر ! .. وياليل .. طال بعادها !!
.......................... وياليل .. طال بعادها !!
.......................... وياليل .. طال بعادها !!










ان شاء الله يكون العمل نال على رضا الجميع
تحيتي واحترامي لكم
اخوكم :
دايود الخلـف






رأيكم وانتقاداتكم تهمني








.
.
.

[دايود الخلف]

http://www.almarzoq.net/up/uploads/13434131771.jpg



كلمات

[ دايود الخلف ]





أداء و ألحان


[ محمد المرزوق ]






توزيع


[ أحمد البريك ]






مكساج

[ محمد ال****ي ]





تصميم

[ سلمان النمر ]




النسخه الأولى : مؤثرات فقط .


للتحميل

http://almarzoq.net/music/Elly1.mp3


للمشاهده

http://www.youtube.com/watch?v=f2iGdcV2rZ8




النسخه الثانيه : ايقاعات .


للتحميل

http://almarzoq.net/music/Elly2.mp3


للمشاهده

http://www.youtube.com/watch?v=G7IVswh6jnM



النسخه الثالثه : موسيقى .

للتحميل

http://www.almarzoq.net/music/Elly3.mp3


للمشاهده

http://www.youtube.com/watch?v=EADuSg18Th4




الكلمــــــات :




اللي بقلبي كبيـر ٍ لــك يالغـلا ما يــروح

لو طال ليل البطـا واصبحت عني غريب

تبقى الهوى والمنى واضح كثير الوضوح

ماهو صغير ٍ ترى وبالبال منتـه تغيــــب

ايامنا اللي مضت فيها بنينا الصـــــروح

عن الغلا يـ الغضي واصبحت اغلى حبيب

في وقتنا نهتـني بالهمس واطهر مزوح

كنت الدواء لعلتي للجرح كنت الطبيــــب

واليوم جانا الفراق من وقت طبعه شحوح

ماهو يدوم الوصل ولاشـك هذا نصيــــب

عيني بكت والخفوق والله إنه ينــوح

حاله حزين ٍ و انا الحال حالي صويب

لا ماشكيت الهجر لا ماشكيت الجروح

إنت الوفي الحنون من دون شك ٍ وريب

مع السلامه انا راحل ودمعي فضوح

بيّن مآسي الخفـوق وبانت ليالي النصيب

ودعتك الله وابي منك العذر والسموح

إن كان في يوم جاك مني خطأ يالحبيب

اللي بقلبي , حزن .. ودموع عيني تنوح

الصبر ابلزم عسى الخيـر ياتي قريـــب



................................


تحيتي واحترامي للجميع
اخوكم : دايود الخلف

[دايود الخلف]

بسم الله الرحمن الرحيم



http://athwaq.net/inshad/3shroon_s.jpg



كلمات الشاعر القدير الاستاذ :


احمد الجريفاني


الحان واداء اخوكم :

دايود الخلف

الهندسة الصوتية والتوزيع :


عمر اللويش




احترت مدري وين احط الموضوع قلت بما انكم كلكم
او الغالب منكم ماشاء الله شعراء احطه هنا وخصوصا
ان ابو فراس متواجد هنا .. وهذا العمل اعتز به جدا ً
حيث انه اول عمل يظهر بصوتي لكن ليس من كلماتي
وابو فراس استاذ اتعلم منه واجد في نصوصه الشيء
الكثير ومنكم انتم شعراء النشامى ..



للأستماع والتحميل

http://athwaq.net/anashed/3shron.mp3


للمشاهده والتحميل يوتيوب :


http://www.youtube.com/watch?v=6xZC7xdV5Ks&feature=youtu.be



الكلمات :



طلبت عين الشمس عود ٍ من الضي=في حلكة الظلماء يولع سراجي
قالت لي ابشر ثم غابت عن الحي=وانا لعين الشمس مازلت راجي
لا مر عام ٍ قلت ابنتظره شوي=ياعل صبري ينتهي بانفراجي
عشرين عام انطر ولا شفت انا شي=غير الظلام وحيرتي واحتياجي
عشرين عام ومهجتي جرحها ني=اكابد الحسرات شربي هماجي
الناس قالت وش لك بطرد مقفي=ماطعتهم واليوم صعب ٍ خراجي
حكّمت قلبي واثري القلب مخطي=الفوت فات ولا يفيد احتجاجي
حفرت قبري ياهل العرف بيدي=يوم اتبع المقفي لموت ٍ مفاجي
رحت ابعالج قالوا الجرح مبطي=العالم الله كانك انسان ناجي
وبدأ يبيع الياس فيني ويشري=وضاقت بعيني واسعات الفجاجي
وجيت ابقوم وعّيت الرجل تمشي=كني سجين ٍ حال دونه سياجي
وامسى نديمي كسرة سراج مطفي=لا ليلي انصفني ولا الصبح باجي
عزاه من خل ٍ ذبحني وانا حي=سكناي الارض وهو سكن برج عاجي
حسيبك الله كانك اسرفت بالغيّ=كيف العزيز يصير برضاك لاجي
ياما دعيتك ريم وخشيف وظبي=ولاهقيت انك تعكّر مزاجي
تركتني في قاعة البير مرمي=ولعبت بي لعب الطفل بالعياجي
اخر علاج العله الخافيه كي=كويتني واخفيت عني علاجي



....

اتمنى اني قد اديت النص بـ الشيء اللذي يستحق ان اوديه به
والعذر على القصور

..

العمل بدون موسيقى ..

..
..

[دايود الخلف]

السلام عليكم ورحمة الله وبركاته



حال المولع

كلمات / دايود الخلف

الحان واداءالصديق العزيز / عبدالعزيز البلوي

الهندسة الصوتية والتوزيع / عمر اللويش

شارك بالكورال / دايود الخلف




http://www.youtube.com/watch?v=HpoOnbawMSI


حال المولع .. بصوت الصديق : عبدالعزيز البلوي ..! ..! ..



كم تمنيت اشوفك بس حلمي محال=هذا حال المولّع يشتكي من ظروف
اكتم الحب لين العقل صابه اهبال=والسوايا اشوفه بس صفق الكفوف
اتحسّر ونادم بس باقي سؤال=كيف خانت ثواني الحب قلب ٍ شغوف ؟
انتي حلمي وفرحي وانتي ميّ ٍ زلال=استقيك العذوبه بالحكي والوصوف
ماتمنيت صدك كنت احسبه خيال=في منامي ولكن واقعي مايروف
دمع عيني بكيته وانت قلبك جبال=قاسي ٍ ما يداري خاطر ٍ لك لهوف
السهر والتوجد كم قضيته ليال=لين مازاد حملي بالعنا والحسوف
ارحم اللي بحبك يشتكي لك تعال=قبل مايذبل الحب والوفاء بي يطوف
كم تمنيت وصلك لكن انه محال=وصار حالي تعاسه , وانت عينك تشوف !



احترامي للجميع

[دايود الخلف]

السلام عليكم ورحمة الله وبركاته



اتمنى ان يرتقي العمل لذائقتكم


عروسة وطن


من كلماتي
الحان الصديق :

عبدالعزيز البلوي

اداء /

دايود الخلف - عبدالعزيز البلوي

هندسة ومكساج :

خالد الفهيد

مونتاج :

رائد العوفي


http://www.youtube.com/watch?v=rQwnVWb3C9I

عروسة وطن / دايود الخلف - عبدالعزيز البلوي ..! ..! ..

حايل عروسة وطن متزينه بالجمال=حسنه يشد اللذي يمشي على ترابها
من شرقها لغربها ومن الجنوب لشمال=تختال في زينها وبروعة ثيابها
يلبس نفوده ذهب صنعة عزيز الجلال=وخوص النخل طرزه بالزين لاحبابها
وجبالها الشامخه ياحي هاك الجبال=ما كنه إلا حرس .. ياقف على ابوابها
مناظر ٍ تبهجك فيها , وسحره حلال=القلب يفرح بها والروح تحيا بها
به ناس ٍ انقى من الميّ القراح الزلال=صاغوا حروف الوفاء في صفحة كتابها
هذا يهلّي وذا ما يجرحك بالمقال=اصدورهم شرحة ٍ مفتوح لك بابها
الضيف لاجاء يشوف الخير وطيب الفعال=مكانه العين وما ينزل من اهدابها
يلقى الكرم والسخاء وللجود صاروا مثال=يسترّ خاطرْه ولا يضيق ويشقى بها
ياحايل انتي الغلا , مالك شبيه ٍ محال=يقوله اللي عشق هواه و هضابها
للقلب صرتي عروق وللروح صرتي منال=وللحسن صرتي ورود تفوح باطيابها
حايل عروسة وطن , يزداد فيها الجمال=عسى الولي يحفظه لجملة احبابها

للتحميل بصيغه mp3


فور شيرد

http://www.4shared.com/mp3/mP_agOco/_...


الخليج

http://www.gulfup.com/?FiIRlV

[دايود الخلف]

بعد غياب ..



اقدم لكم هذا العمل البسيط والمتواضع
عسى ان ينال على رضاكم والقبـــــول



اهل الولع

من كلماتي وادائي
الحان الصديق الفنان / محمد الموج
الهندسة الصوتية والتوزيع / عمر اللويش



شكر خاص :


للمصور / دحيم الدحيم
والمصمم / ابو اسامة الشمري




للسماء في عيون اهل الولع إنتظار
................. يرقبون السحاب اللي يزف المطر
يسألون الولي خيرن يعمّ الديـــــار
................ ومنه ينبت بصحراء الجوع فقع وزهر
شاقني يارفيق الدرب شوف الوجار
................ الحطب يشتعل والجو زال الكـــــدر
والمزاج يتعدل مع خليط البـــهار
............... لا غدى وسط دلة تشربه مع تمــــر
وسقت شوفك على مد النظر بالنهار
............... معجبن بـ ارض تلبس لك لباسن خضر
والمساء لامن اقبل ترتقص فيه نار
............... والتعاليل زانت تحت ضوّ القمـــــــــر
معك ناسن على كيفك رجالن خيار
.......................بالوفاء والكرم كلن يصووغ الدرر
طبعهم يعجبك خالي من الاحتقار
.............معهم اشهد تشوف الونس ووسع الصدر
كل مالاح برقن في سماء الكون صار
.......................فز قلبي ودعيت الوالي المقتدر
مثل ماغثت ياربي النفد والصحار
.....................القلوب اغسله من حقدها والقهر





يوتيوب /


http://www.youtube.com/watch?v=nAp4Leryi5o



رابط مباشر mp3 دقة عاليه



http://t.co/cK275xlilf



صورة العمل

http://t.co/TRDOTe7e3U




..
..
..
..
..
..
..