المساعد الشخصي الرقمي

مشاهدة النسخة كاملة : قصيدة بعنوان ( الصيحة التاليه ) مساجله بيني وبين الشاعر الكبير / رجاء عوض الشمري


مبارك طناء
24-11-2011, 10:28
بسم الله الرحمن الرحيم
قصيده بعنوان (الصيحةالتاليّه)
تحول عملي لمنطقة الجوف وأول مره أطب الجوف فكانت بداية معرفه بيني وبين الشاعر/رجاء عوض السنجاري الشمري(أبومسند)عندما تحول عملي إلى سكاكاء قمت بزيارة له أستجابةً لدعوته قلت عطني علوم الربيع والمطر والخير قال سنة خير والربيع والفقع واجد وطلع له خويشة عنده مليانه كما وصف لي محاري قوله وكنت مشغول في وضع العيال ودراستهم بالجبيل وفعلا القلب اللي يشوف وأنا متأكد ماكان حولي قيلات خلاوي ولحضه وابلناس والناس بيني وبين سيارتي وطيحن الله بلي آدمي أمي ودايم عنود الصيد ياتأكدة من أنها إصابتها لك قاتله تسأل عن حالك كما قال الأمير دايم السيف (تسأل عن الحال حالي كيف ماشفته ) ولم أفهم من كلامها إلا كيف الحال رديت أطمأنها عن حالي بإختصار ،



حـالتي باإختصار الجملة الـتـاليه = حللي كل حرف بدون خوف وقلق
مثل عيني غـلاك وكلمتي غـاليـه = مثل روحي قضت روحي ورب الفلق
كان للقلب وآلي فـأنتي الواليـه = إحفظيـه إربطيـه بسلك وإلا حلق
أو يعـله يضيع ولحظتك سـاليـه = ماهو ذنبي لعـله باالجحيم إ يـعلق
لوعت الـمـبتلاء ذنب اللذي باليه = مالي شف(ن) بغيرك لو عرضلي دلق
لأجل عينك ولأجل الصيحـة التاليه = الوفاءعـادتي والصدق لي مـنطـلق
اللي تبينه يـصـير وقيمـتك عـاليه = جل من هو خلق هذا الجمـال وخلق
الليالي بدونك من الفـرح خـاليـه = لـيـه صـوبتي القلب الجريح بطلق
حـالتي شوف عينك ممحـله باليـه = وإنتهى الصبرعندي والطريق إنـغـلق
وإنجلت فرحت الدنياء مع الجـاليـه = موعدك ياحـيـاتي وش بلاه إنزلق
ذقت مـر الليالي مابه الحـالـيـه = مثل شمس الضحى بانت ورب الفلق
يابو مسـند هموم القلب مـتواليـه = والعلاقـة بناسـه مـالقيت إمعلق
يوم كانت بريضـان النفل فـالـيه = فرصت العمرجت لي والحجاج إنطلق
بعد ما كان كفي بالوفـاء مـالـيـه = صـاده الحـر وأبعدها نبيح السلق
ذيروها وراحت قبل لإسـتـالـيـه = خوفوها وصـدّت والجديل إندلق
عنق ريم (ن) تقود الصيد متـعـاليـه = ظنتي من يزاعمها بعد مـا إنخـلق
يابو مسند هموم الحزن مـتـتـالـيـه = قدرة اللي خلق كل البشـر من علق
واحد (ن) يعلم اللي صار والـتالـيـه = رب موسى ضرب موج البحر وإنفلق


((( الشاعر/ مبارك طناء مبيريك التبيناوي)))
بسم الله الرحمن الرحيم
رد الشاعر / رجاء عوض السنجاري أبو مسند
ولحقت بفوارس وشيوخ وأبطال إستاثرتهم أصوات تهز الجبال قبل ومع خيال الصوت التالي
( وكان ذلك في بداية التعارف فيما بيننا وكل منا لايعرف الآخر المعرفة التامه )



من قريحن تهيض هاض باأمثـاليه = دارت أفكار فكري والطريق إنبلق
حافظن بالهدف رصاص شـعاليه = مخلب الحر دامي ماضربه إنشلق
كن بحر العرب يزوم من عـاليه = بين جزره ومدّه من حشاي إنصلق
دشيت جم إجمام وصفوّة إزلاليه = نرغم القاف الألوى من عدم وإنخلق
نبع هداج تيماء مانقص داليه = ماهو رسـن تلاشـاء لو غرفته يلق
لو تشيب القوافي بس من جـاليه = هيهات أناماتوقف والخفوق إصطلق
مرحبا يارفيق ٍ رفقته غـاليــه = والله إني فرحت ويشهد اللي خلق
سـرني مـاقريته وإنشرح باليـه = فرحتي فرحت المسجون يوم إنطلق
لك معّزه وحشمه فوق متعـاليه = ماهي زيف وسوالف مهلق ٍ به هلق
يابو عبدالله إسمع نبذة أقـواليـه = باالمعـاني نبات(ن) في زيازي ملق
لو تبرج طريق إقفاي وإقبالـيـه = كان أسوق المطاياء والرجاء منطلق
ليه خفيت مابيّنت مـدخالـيـه = وأنت تدري فلاني ظمن حشوالزلق
لأجل عينك وصوت ٍ بأول التاليه = يوم جينا جميع ٍ باالحـدب والطلق
والهوى وإن رجعنا للهوى صـاليه = إبن عمار يلبس له خـياش وخلق
حب نجل العيون السود غرباليـه = عكش رمش ٍحدود السيف يوم إنذلق
ماجحدنا الغرام المر مع حـاليه = والسعد والسـعاده والسهر والقلق
وضح القصد لي با الجمله التـاليه = دلني في طريقك وإتركـه لو غلق
والختام التحيه والوفاء مـاليـه = كاالذهب من معادن مصدره ياإنسلق



((( الشاعر/ رجاء عوض الشمري)))
وللحوار بقيه عندما عرفني تمام المعرفه سأوردها لاحقاً وهي قصيدة له في نضري من شيخات القصيد

أبو كادي
24-11-2011, 12:09
الشاعر / مبارك طناء التبيناوي
صح لسانك ملايين يالغالي ابيات جميلة جداً
وصح لسان الشاعر / رجاء عوض الشمري على هالرد الرائع.
ابدعتوا جميعاً وفقكم الله بكل خير وأسعدكم دنيا وآخرة.
تقبل خالص تحياتي،،،

مشعل عسام التريباني
24-11-2011, 01:56
شاعرين عملاقين صوت وصدى من الروع ماسمعت صحت السنتكم جميع عزالله ماقصرتو كلكم مافيكم حيله

دعفس
24-11-2011, 03:03
صح السنكم يالشعراء
تحياتي لك

الكيبورد
24-11-2011, 03:06
الشاعر مبارك بن طناء
صح السانك والسان الشاعر رجاء عوض الشمري
تقديري لك

المشرف العام
24-11-2011, 03:31
شاعرنا الكبير مقاماً القدير مبارك بن طناء التبيناوي
صوت وصدى لشاعرين عملاقين لهم ثقلهم بين الشعراء
سلم بنانك أبو عبدالله
وصح السانك والسان الشاعر الكبير رجاء عوض الشمري
مدد بلا عدد
خالص التحايا لسمو شخصك النبيل

محمد الذرفي
24-11-2011, 05:00
هلا الف ومرحبا مليون بالشعر وأهل الشعر من اول وتالي

الشاعر / مبارك التبيناوي

صح لسانك الف وصح لسان الشاعر / رجاء عوض

امتعتونا لله دركما

عويد المغيليث
24-11-2011, 07:31
صوت وصدى من شاعرين كبيرين
صح لسانك يالغالي
وسلم بنانك
والله يديم المحبه بين الجميع
لاهنت يالعزوة

عبدالعزيز بن بليهد
24-11-2011, 08:40
من اروع ماقريت من القصايد قاف رهيييييييب ومعنى جزل

صح لسانك يالغالي وصح لسان الشاعر رجاء

صوت وصدى ولا اجمل الله لايهينكم

عمر بن عبدالمحسن
24-11-2011, 10:04
مبارك الطنا

اسمع عنه كثير لاول مرة اقرا له

رائع كل ما قرأت من صوت وصدى

صح لسانك

نهير النمش
24-11-2011, 11:06
صوت وصدى

شعراء كبار فـ لله دركم على مثل هالمساجلات

جزاله في كل شي الف صح لسانك ياشاعر جبل شمر

ولسان الشاعر رجاء عوض واممكم الله للشعر والجزاله

كل التحايا