للمتزوجين فقط تعال شوفي الشفايه هههههههه

[طلاع الزميلي الشمري]

للمتزوجين فقط هههههههههههههههه
عسى تنا أعجابكم
نبي المسأله ضحك
و مزح ورزح
لتوضيخ
طبعالمقصود بهذهي القصائد
هو الأنسان المهل لسرته
يعني يسهر الليل ولايأتي الأ الصباح ويخرج لدوام وياتي وينام
يعني من الدوام لسهره لنوم لايهتم بشئون عايلته ولا ياصل أرحامه ولا اقاربه وتروح الأيام وهو على هالحال
او يركض وراء فلانه وعلانه والعياذ بالله تاركن زوجته

ألزوجة تبيلها بيتــــــــــــوت= بالليل مايفارق الغــــــــرفه
ياقبل عليها يطش الكــــوت = يسلم ويمسح على عـرفه
وضحكً والعبً ومزح وشوت = حريف مع كيف محــــترفه
ماتبي سهران مع بالــــــــوت= عينه عن الزين منطرفه
هيمان ومنفسناً مفلـــــــوت = نفسه وراء الغي منجرفه
يدور بخيته هاك المبخـــــــوت =جرفه تحدر علي جـــرفه
خلا الشهد وذاق سم المـــوت = الله لايعيد أكا الصـــرفه

وياهلا فيكم جميع يالغالين
رد الشاعر القدير ابراهم حريري العنزي

ماهو ارخوين تبيله حوت = والحفرة اللي هدم جرفة
يجيلها بوجه المبهوت = وهي ادور على صرفه
ليته يجيها مع التابوت = ولانام في اخر الغرفة
الفجر يظهر وهو مزتوت = نام وهو شايلن زرفة
ناسي ايام لبس لبشوت = ايامها بالعسل قرفة
لوهي تشابه جماله نوت = خلاه كن ماهو ايعرفه
يبيله عجرى بها مثبوت = حدر الاذن جته منحرفة

هذا رد الشاعر طلاع الزميلي الشمري

الوائلي جابها مثبوت = مزحاً ورزحاً وبه طرفه
كالنقش على الصخر منحوت = من شعر ألأجدا ويعرفه
صلط قناته على المفلوت = وفي وذقت الخبل له حرفه
قافك صواريخ باتريوت = إيطير الخبل مع جرفه
وهذا ردي الشاعر أبراهيم العنزي




الصوت فوق البحر له صوت=ويـــــرده الــجـــال مــــــع جـــرفـــة
يـالـشــمــري دايـــمـــا مــبــخـــوت=تلـقـى مـــع الـخـبـل لـــك طـرفــة
وامثـالـي لـــو يـسـكـن ابـيــروت=غــشــيـــم بــافـــكـــار مــنــخــرفــة
مــــع الـدواحـيــح يـلـعــب تــــوت=واكـل البصـل بالعـشـاء ايغـرفـة
وهذا رد طلاع الشمري




الوايلي بحة بالصوت=زئــــيـــــر ألأســـــــــود ونـــعـــرفــــه
ضـربـاتــهــم بـالـمــلاقــأ مـــــــوت=فـــريـــس والـــمــــوت مـاتــعــرفــه
وكــبــت قــــاف الــحـــلا كــبـــوت=مـثــل الــذهــب يـاحـلــو صــرفــه
يـفـدونــك الـــــلاش والـســربــوت=زبــــايــــن تـــريـــفـــت و تــــرفـــــه

وهذا ردي لشاعر أبراهيم حرير العنزي



حيل المودة غـدى مسمـوت=من يوم مضحي خذى ترفة
مـع المصنـع طـلـع زغــروت=ويلعب معاها علـى الشرفـة
ابيـوتـهـم مامـعـاهـا ابــيــوت=غـيـر الحـبـاري رفـــع عـرفــة
اخـبـارهـم روحـــت بـالـهــوت=ونــاخــذ سـوالـيــف مـطــرفــة
الف مليون صح لسانك يابن وائل
لله درك يالعزوه جبتها وحبكته حبك شاعر خبير متمكن من اغراض الشعر
ومفعم بمعانيه الحكيمه والجزاله والعذوبه لله درك يالغالي
والله أستانسو عليهاهالشيبان ويشكرونك جزيل الشكر ويهدونك جزيل السلام
الف الف الف شكر لك بعد الله
سمؤ تقديري لسمؤ شخصك الكريم

[عويد المغيليث]

صح لسانك يابو طلال
وصح لسان العنزي
وساهر صادك ورح شف وش كتب عنك هناك ههههههه

[طلاع الزميلي الشمري]

هههههههههههههه
الله يستر صرد بدل بليهدوه
اتصيد ماه منا تخبر ليل وبدر التسعي وشيبان هههههههههههههه

[عبدالعزيز بن بليهد]

انت يابو طلال نرشحك مصلح اجتماعي ولولا حسن ذاتك وطيب قلبك وشاعريتك ماخليناك تزوزي هنا ، كان كتبنا
لإدارة الشعر تنقفك للمحاوره لكن احتراماً لك وتقديرا للوايلي ومن جاراك نخليكم هنا يما يجي المدير العام ويشوف لكم صرفه

صح لسانكم ولاهنتو ولاتعوده

[المشرف العام]

شاعرنا القدير طلاع الزميلي
والله يبون حلقك هم وشنوحهم عليك وساهر افندي هذا مالقى الا انت ياليل مااطولك عليك يابو طلال الله ايعنيك على ســـــــــــاهر
اما من عندي الضؤ أخضر للحبيب ابو طلال
ابد اجمش على كيفك يالعزوة اذا هم سامحين عاد لائن الأمر يخصهم وهم جزاهم الله خير لولسوني عمداً بالموضوع لاكن مايحصل هم أبخص والصراحة قصائدك هادفه وممتعه بالحيل
صح السنكم يالشعراء
خالص التحايا لسمو شخصك النبيل :gtre :

[نهير النمش]

الف صح لسانك يابو طلال ولسان ابراهيم العنزي

سلمت ودمت ياعمده ولاهنت وعسى عمرك طويل

لك كل التقدير يالشهم

[أبو كادي]

تسلم أبو طلال وصح لسانك ملايين يالغالي وصح لسان ابراهيم العنزي
ابدعتوا وفقكم الله بكل خير يارب وأسعدكم الله دنيا وآخرة.
تقبل فائق أطيب تحياتي،،،

[طلاع الزميلي الشمري]

يابعدين حيي والله ابو غازي وابو محمد وكل اخواننا وخواتناالغالين
اناادري اني ثقيل دم عليكم ياعمكم واخلاف بعض الانظمه ولكن تعرفون الهدف والمقصود من ذالك لانه ان شا الله فيه فايده عامه ومن شان كذ اطمع بكرمكم وادري انك احرص مني على الرسايل الشعريه والمواضيع المفيده
حتى لو كانت قصيره ونا مدامك اعطيتني الضو الاخضر يابو غازابي الدخل على ابو كادي عن بليهدوه هههههههههههههه
اما ساهر عويدوه الله يسعده انا مسوط منه قطع كبدي من الضحك على جمشاتي
ونبي تعليقات الشباب والشيبان والاخوات ىكيد تجززلهن جداً جداً
لي عوده لكم ان شا الله

[مرزوق الغانم]

صح لسانك يابو طلال ولسان ابراهيم العنزي

مبدعين وروح طيبه

تقبل مروري

[طلاع الزميلي الشمري]

صح لسانك يابو طلال
وصح لسان العنزي
وساهر صادك ورح شف وش كتب عنك هناك ههههههه

:gtre ::gtre ::gtre :
هلابك شاعرنا ساهرالقدير ههههههههههه
كل حلا وذوق يالعزوه وصح الله بدنك وعلى شانك
حضورك تاج على راسي يابعدي
لك كل التقدير
حفظك الله بحفظه

[طلاع الزميلي الشمري]

انت يابو طلال نرشحك مصلح اجتماعي ولولا حسن ذاتك وطيب قلبك وشاعريتك ماخليناك تزوزي هنا ، كان كتبنا
لإدارة الشعر تنقفك للمحاوره لكن احتراماً لك وتقديرا للوايلي ومن جاراك نخليكم هنا يما يجي المدير العام ويشوف لكم صرفه

صح لسانكم ولاهنتو ولاتعوده

:gtre ::gtre ::gtre :
الغالي ابو محمد لاهنت على هذه اللعبارات الراقيه الهادفه
وان اعرف اني خالفت النظام لكن من اجل حبي لكم وخب المصلحه العامه
حيث ان هذه المحاوره كما تعرفون تعالج موضوع اجتماعي نصيحه وهادفه
مقدر وشاكرر حسن تعاونكم ياحبايبنا
وصح الله بدنك وعلى شانك
الف شكر لحضورك المشرف
لك كل التقدير لشخصك الكريم
حفظك الله بحفظه

[عيد بن سعود الحسيني]

صح لسانك ياابوطلاال وصح لسان ابراهيم العنزي والله انكم شعار ومن كبار الشعار الذي نتعلم منهم والله يطول اعماركم ودمتم واعذروني على تاخير الرد بس الضروف والله يديم العز والمعزه

[رويضان الجسار]

الجزل ابو طلال صح لسانك ولسان الوايلي

الله يونسكم بالعافيه

مبدع بكل حالاتك

دمت بكل ود

[مفوز التبيناوي]

ابوطلال،، صح لسانك ولسان ابن وايل،، كلام في محله ونستونا وغيّرتوا المود،، لاهنتوا.

[بهلول الزميلي]

صح لسانك يأبو طلال وصح لسانك العنزي مبدعين مراد يستفاد منه يعالج بعض المواضيع الزوجية والحدّة من السهر غير المفيد الله يعافيكم ,,

[علوش الشمري]

الشاعر ابوطلال
موضوع فكاهي وطريف جداً
وحقيقة اعطيتوه اهتمام كبير وجملتوه بشعركم الطريف الممتع
وانت لاتجيب الا مايعالج الروح ويصحح البدن
تسلم اخوي تقبل تحياتي