ديوان الشاعر / طلال حمود الاسلمي

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته
هذي متواضعه أولى عسى أن تنال على رضاكم

ذكرياتي ترجمتها حروفي


ذكرياتي ترجمتها حروفي = وصمتنا يضفي ملامح حزينه
لو حكينا نبتدي بالحسوفي = ليت تقدر قصّتن تستبينه
دربها مظلم كثير العطوفي = وليلها ركّم سحابه حزينه
تلتفت له نظره ابعين خوفي = ما حوى دمعه سوا راحتينه
مات بالناس الوفا وين توفي = ركضها بالمال شينه وزينه
باعة اقرابه حصيل التروفي = لو سلامك ترفعه قال عينه
من يسلّم في زمانه نعوفي = بسمته تخفي مشاقي دفينه
ناس تعكس درب لازم تطوفي = هي مصيبه دور وقتي غبينه
والحظوظ اتميل ساعة عزوفي = ميلة اعقال الشمالي حنينه
تنطرب نفسي على هالهنوفي = منزرع له داخل الجوف تينه
صرحها بالورد تصعب وصوفي = تجذب القاصي نغم ياسمينه
صرخت الفرقى تلاطم كفوفي = بعد هالعشره غدرتي سنينه
منتحي لك بالهنا خطّ كوفي = والقرابه قاطعه وقت حينه
ما بقى لي غير ذكرى الرفوفي = ودمعتن طاحت لهبها تعينه
صكّت الضلعان زحمة صروفي = ولجل عينه ما هوينا مدينه
الهوى فالقلب جرحه يلوفي = باقين نزفه مطاعن سمينه
وسلامتكم أخوكم // طلال الشمري

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته
هذي مجاراه بسيطه لأختي الشاعره // عنود الصيد ..
أتمنى أن تنال على إستحسانكم وترقى لذائقتكم ..
تقول إختي عنود الصيد :-

ان قلتلك:برتشف كيفي من عروقك = عطني ع قد عقلي يابعد حالي
صببلي اللي صفا من لحن طاروقك = نضبط به اعصابنا لازاد غربالي
نشرب سوى كلنا واستسمح ابوقك = في محكمة سرقتي لاتقطع شمالي
لان العقل غايبً من سبة حروقك = حذّر سكارى الهوى من رشفة الحالي
لاتشكي اللي ظلم لاضاعت حقوقك = سحابة العاطفه مابلّت رمالي
شمس الغلا تحتضن ملامح شروقك = وتضمّها ضمّة المشتاق للغالي
ثم تبتسم وردتي لالاحت بروقك = ترقص تحتها طرب وتعانق ظلالي
حمامتي ودّعي ياملهمة شوقك؟ = قولي ياليل الشتاء ماشفت عذالي
هزي كسير الغصن غني ع ذوقك = دوسي رماد الجمر مالك وانا مالي
في عاصفة ثورتي مافادني طوقك = غرقة في موجها ثم ضاعت حبالي
صح لساانها ولاهانت
-------------------------------------------------------
فرديت أانا عليها واقول :-

كان الهوى عيبتن تحرم لنا اشروقك = وإن كان به ما يذلّ النفس بالتالي
إنثر شتات التمني وخايل ابروقك = وإرفع جبينك حقيقه وإترك الجالي
هي يا عنود الجفا بالناس مفروقك = بالحبّ ترسم علاقة كذب محتالي
يا بنت انا ما نفعني بالفضا طوقك = لو صيحتي في ديار السجن بالخالي
قصه عليها بكت عين وجرح موقك = من واحدن يزرع اشواكن لغربالي
مدّت يمينه عطتني بنت مرموقك = لله يمسه نهيمك لين تعتالي
ومرّن سنين التّلاقي وأنتظر شوقك = اللي عشانه زمان المرّ يحلالي
بالخافق اعرف وش الخافي بمعلوقك = ونا دموعي على خدّي بهمّالي
واللي عطتني وعود الكذب مشنوقك = أخلف وهو بالندم يرثي بالأحوالي
والله لسوق القدم واستسق بحلوقك = وعسى خليلن مايبعد خلّه ابصالي
وسلامتكم أخوكم // طلال الشمري
تعليقاتكم ونقدكم شرف لي

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته
متواضعه عسى ان ترتقي لذائقتكم

حظ الصباح اللي تبسم عليله!!!


حظّ الصباح اللي تبسّم عليله = من يبتسم ثغره ينابيع شيره
لو ذقت طعمه سكرتن في مقيله = ما شفت زيّه بالبشر أو صويره
في شفّته سكّر نبات ورسيله = وفي شفّته جمرن تلاضى سعيره
وصفّت ثناياها شعاع الصقيله = والفرجه اللي حيّر الزين حيره
وحوّل على توت البراري نزيله = له وجنتن كما البرد في نزيره
يمين خدّه غيم ترقب مخيله = ويسار خدّه برق ينهب ضريره
وعينن كما عين المهاة الهزيله = مثل السهم طرفه لزيمن دحيره
وسيعة العينين ما هي كحيله = نظرة عيونه طير يرقب مغيره
وخشمن شطيرن مثل شامان ميله = مرهف شموخه بالشواهيق صيره
حجاجها هلّت معايد تشيله = لا غرّد الحمام اللي تناهض مطيره
ريحة شعرها بنّن يحيّيك هيله = يجذب نزوله يوم تسمع هديره
جديلها خيلن تناهض صهيله = مثل الحرير ان كان تلمس حريره
ونهود رمّانن جديدن مديله = حمرن طلوعه رطبتن تستنيره
تبطن وتبطن ما تجيبن مثيله = في جسمها الريّان عوده دميره
والله فلا العينين شافت زميله = شوري تطيعه بالعلامه بريره
تغضّ طرفه بالحيا والثّقيله = تصبر عضيده يومها طاح غيره
غنّيت لعيونه مواويل شيله = على الوفا دربه يحوفه عبيره
وسلامتكم أخوكم // طلال الشمري

[طلال حمود الاسلمي]

ليه يا يمه غدا وقتي شقي!!!


ليـــه يا يمّـــه غـــدا وقتـــي شقي =ما رحـم جرحــي وانــا فيهـا شقي
ينهمـــر هلـــــــه عنــــا ليله شقي =نــبلـــع امراره فنــاجـــيل انسياب
يمّــه الجـــرح انطـــوى فيني طوي =واستباح الضحــك فــي عيني طوي
وانحــرق حلــم الطفولـه بــه طوي =ليش نلقى حلمنا مثل السراب ..؟؟
بيـدي الــورده عطـــر مسكــه ذبل =وصاحب الــدرب انتكس طلعه ذبل
والحبيـــب اللــي مجـــد حبّـــه ذبل =إرتفع صوت الخطا بعين الصواب
الوطـــن ما عـاد بــه ضمّة وطن =والعـــــرب تبتـــدي رحلـــة وطن
الطفــل يصــرخ يبـــه وينـه وطن =يشتكي جور الزمن يرجي جواب
ألتفـــت يمــه عســى ألقـى جسد =ويرتجف جسمي ولا حولي جسد
ناس تمشي ما حمل روحن جسد =يمّــه اتعبني زمانــي ويـش جاب

وسلامتكم أخوكم // طلال الشمري ..

[طلال حمود الاسلمي]

يا ديمة العين امطري لشقاوي !!!


يا ديمة العين امطري للشّقاوي = اللي شقى حبّه عظيمن قدرها
واسقي حدايق عشقها بالنقاوي = لين المتيّم يلتقي في حجرها
في بعدها برد وقناديل ضاوي = تشعل عيون المنتظر ينظرها
يرجف من البعد ارتجاف العراوي = ما يستره ملبس وصابه مطرها
حتّى مناشي غيم غرب النحاوي = هلّة معابرها نتيجة هجرها
يا وردة الصبح انثري مسك داوي = وتقول ممشاهم تقطّع أثرها
أكتب مراسيلن تنوح اللحاوي = من قصتن باقصى الضماير ضمرها
أخفي قنيب الذيب بالضلع عاوي = وتسمع صدى صوته حضارة مصرها
أدمت خفوقي بالطعن والمكاوي = وليا نزل دمعي سريبه سهرها
ما شفت زيّه خلقتن باللقاوي = أفرش لها ميّة ورد تحتضرها
إسمع كلامي بالنشر والحجاوي = لو شيبنا ما لاح برقه خطرها
إترك رذيلن به ضعيف الهقاوي = خوّة عزيزن تنشرى تحتكرها
وأكتم صديد الوقت بوح الشكاوي = عن الذي يبحث مفاتح بحرها
واحفظ لسانك عن كثير الحكاوي = يحسب لك الحسبه ملامع سطرها
والدين تاجك فالمدن والقراوي = لا ينخرب بيت المعالي واجرها
وشرّع مداخيل الصدر والقهاوي = وصوت النجر يطرب كثيرن قصرها
واحرص على رفقة عشيم العزاوي = تذكر ويثمر لك محالي ثمرها
وازرع منابت طيب تجني دعاوي = واثبت مفاعل صيت يكبر شجرها
تمّت قصيده صوتها صوت راوي = فاحت ثناياها معاطي عطرها

[طلال حمود الاسلمي]

ابيات رد ثناء لأخوي / حماد سعود الرشيدي ..
اللي اسعفني يوم صار لي حادث الاربعاء اللي طاف ..



النص :-

جريت حبر القاف بالمدح زامي !!!

جرّيت حبر القاف بالمدح زامي = تراقصي يا أمّ الترف في هواها
أدندن ألحاني طريبه حمامي = تنشد معي باللحن هزّك شداها
حمّاد نعم ٍ بك وأكرّر كلامي = حمّاد نعم ٍ بك يلجّك صداها
وقف معي وقفة عظيم الكرامي = غرّد بها كلّ الملا في حجاها
ما بلّلت ريش المحابر غمامي = لو يرتمي جزل المعاني شقاها
يلمس طرف ثوبك قصيدي تنامي = ويثمر مطاليعه محالي رواها
أهديك يا سيّد عريب العمامي = جنّه تحوفه بالحدايق رشاها
فعلك سحابه هيّضت موج طامي = أسقت شغايا أرض ٍ كسير ٍ رجاها
أقرا مراسيل الوفا والسلامي = وأتلي عليك اكتاب مجد ٍ قراها
وارفع يميني بالتحيّه غرامي = تطول حمّاد السنافي دباها
وسلامتكم أخوكم // طلال الشمري

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته





مساء الخير والحب على الجميع ..
أمس كنت طالع للبر والجو خيالي والمكان اللي فيه ربيع خيالي بعد ..
أترككم مع الصور ,,




http://store2.up-00.com/Mar12/jra67422.jpg

http://store2.up-00.com/Mar12/akj67423.jpg

http://store2.up-00.com/Mar12/dti67559.jpg



صبوا لنا من صافي الكيف فنجال !!!

صبّوا لنا من صافي الكيف فنجال = فنجال يبري علّة ٍ مستكنّه
العقل غايب والمخاييل همّال = أشقابها لكن هجوسي تعنّه
سبّة هنوف ٍ شوفها كيف تختال = عيني شقاها يوم راعت مظنّه
تمشي على الهون وتمايل تميّال = في روضة ٍ تنشد عصافير جنّه
تقطف من الورد المرابيع بالحال = ويكسي جسدها ملبس ٍ ما محنّه
عين ٍ نعيسه والمظاليل مرسال = صابت خفوق ٍ بالحنايا مونّه
الصدر يندف لبسها وسط محتال = لا سجّة اقدامه بريقه حمنّه
لا نطحت اردافه سبق كلّ خيّال = ولا من تقفّت للهوى يعبدنّه
حكيه ينابيع الشهد فيه تنسال = تحتار بين اشفاتها والمغنّه
وصبّوا لنا من صافي الكيف فنجال = فنجال يبري علّة ٍ مستكنّه
وسلامتكم أخوكم / طلال الشمري

[طلال حمود الاسلمي]

http://www.youtube.com/watch?v=_a_vUt29U-o&feature=youtu.be




ياصبر صبري وعن ظروفي تمليت !!!

ياصبر صبري وعن ظروفي تملّيت = والشوق جمّر وسط ضلع ٍ نحايف
مبطي وانا شوقي تزايد وخفّيت = ياقف شعر جسمي وأردّ الحسايف
اللي تحايل بيننا حين لدّيت = داره بعيده والمراويح طايف
شدّيت قلب ٍ شاقها يوم شدّيت = حبّه تهادى بالعروق وتسايف
شمّ المطر لاقبل مزونه تناشيت = تجذب عطوره غير بين الولايف
إسبر عيون المنتظر مالها بيت = يحتار دمعه فوق خدّه نوايف
شفني مريض ٍ وان ذكرتك تشافيت = ضحكي علا والروح تسلى مصايف
خيّطت لك من كفّي اليا تمشّيت = حرير ياقى لا تواجعت عايف
أخفيت جرح ٍ طال لله تشكّيت = والعين يذرف دمعها بالمضايف
خانت تعابيري حروفي وقفّيت = ممشا ً يسوده ليلها اعيون خايف
خايف زمان ٍ ضامني ما تعشّيت = من قطفة المحبوب يوم الزوايف
فاحت معاميله نهار وتقهويت = علّ وعسى محبوبتي لي طوايف
قصّة تعلّة روميو به وجوليت = وأحلى من افراح اللقى بالصدايف
وسلامتكم أخوكم / طلال الشمري .
عذرا على رداءة الصوت .

[طلال حمود الاسلمي]

شمر !!

أرهيت جزلات ٍ طربها يزمّر = إقرا مراسل جود كانك تشوفي
شمـر تـعــمّــر بيتها ما تدمّر = شامخ مطاليعه عظيم الوصوفي
شمّر وكلّ أركانها فيه شمّر = ما يختلف لونه ولا به عسوفي
كم ليلة ٍ خضنا ويدينا تحمّر = من دمّ مطفوق ٍ ضرب بالحسوفي
إنشد هل التاريخ مجد ٍ تسمّر = فوق النوايف مبسمه والقطوفي
من حاتم الطائي كرمنا تومّر = يوم الملا تجمع محاصيل خوفي
حنّا هدينا والعطا ما تخمّر = يوم الملا مليانة ٍ بالضعوفي
فوق الجبل نار الغضى ما تجمّر = يشوفه الطرقي لهبها خطوفي
مزبن دخيل الدار لا من تغمّر = وقت اللقى نقلب قمرهم خسوفي
نشوش للقوم وكموم ٍ تشمّر = ونضفي على أمّ الدلال الهنوفي
ما واحد ٍ فينا بيوم ٍ تذمّر = وغداننا تسوى مشايخ تلوفي
إسمع على ما قيل شطر ٍ تعمّر = شمر على كلّ المخاليق نوفي
وسلامتكم أخوكم / طلال الشمري

[طلال حمود الاسلمي]

غنت مواويل العذوبه من شباط !!

غنّت مواويل العذوبه من شْباط = وحشرت قيري بالمراويس تفحيط
وآخذ من الملبور موشة تنشّاط = وكنّ عجّة عبرتي دون تقليط
تذرف هماليل الشواهد بالإفراط = وأكتب من جْروحي على لوح تحنيط
اللي تحايل دوننا قبل ينشاط = فرقاه كسر ٍ ما لقى قيد تربيط
عدّلت كسر وصاب قلبي تجلّاط = من وين ما طقّيتها عوج تسليط
أندب على حظٍّ توفّى بالأشواط = عزّاه يا شوقي ولا حولك وْسيط
هبّت سموم القيض عانيت ببساط = وضحكت عيوني ما غشاها تباسيط
الجرح ينزف ما لقى خيط خياط = والحال منكوبه هواها تخابيط
ليل ٍ سواده موحش هْناك يحتاط = وصوت الهوى يصفق صفيره تشاحيط
جنّبت عن درب المقفّين الأنشاط = اللي خذوا مع جادّة الدرب تفريط
وسلامتكم أخوكم / طلال الشمري .

[طلال حمود الاسلمي]

اقف على درب المحبين واذكرك !!

آقف على درب المحبين وأذكرك = لا بالله أتعب بالمشاوير ذكراك
طيفك دفى عيني وعيني تسامرك = في ليلها تضوي دموع ٍ تحرّاك
ياما ذرفت ازرق على خدّ مسهرك = وانا انتظر لقياك يا عين لقياك
تعكس دموعي صورتك يوم صوّرك = ولدّ عيني صوب دار ٍ تبنّاك
أحبّك وتشهد جوارح تباشرك = في حضنها تبكي من الشوق باقصاك
مالي ومال الناس لا شفت عابرك = به تبتسم دنياي تشتاق دنياك
قرّب على نار الغلا لين يغمرك = نعسة جفونك لا منامك تبلّاك
صدري وسادة وارقدي لين تشعرك = بانّك شبعتي من حنان ٍ تمثناك
لا تسألي غفوة رموش ٍ تكبّرك = مع كلّ غمضة عين تصرخ وتلقاك
عن نومها بالليل والصبح باكرك = والليل برد ٍ من عراياه يكساك
ملّيت من طول الصبر شوف شاعرك = جروحه النيّه بلاها التهلّاك
يا جرح مبطي بالحنا لحظه اشكرك = طعنتك بيّن وسمها لو تخفّاك
وانا صغيّر لكن الشوق عمّرك = ألبس شماغ الشيب والراس عدّاك
إسمع كلامي لو كلامي يشهّرك = ما همّني قولت قصيده بمرماك
همّي ورود العرس بالنور تنثرك = وأجلس على جال الحزن فوق مرقاك
لله عيوني بالنظر لو تجمّرك = تشوف غيرك والفرح يوم عيناك
http://www.youtube.com/watch?v=dRg6RTftRWA&feature=youtu.be


وسلامتكم أخوكم / طلال الشمري

[طلال حمود الاسلمي]

بسم الله الرحمن الرحيم

السلام عليكم ورحمة الله وبركاته


هذي وقفه تضامنيه مع أخواننا في سوريا

أسأل الله العظيم أن يفرج همومهم وكربهم وان يريهم النصر ويرفع راياتهم

وان يذل الرافضي بشار واعوانه ..
يا امة التاريخ بالهون!!



يا أمة التاريخ بالهون بالهون = ليش الضجيج وليش كثر الحكاوي
حنّا تعوّدنا مهانات صهيون = إكتابهم نتليه صبح ومساوي
نرضع من المسموم والوضع بسكون = لا تلتفت والوضع بين التساوي
صرنا على ما قيل شاكر وممنون = نرفع تحيات العهد يا الخواوي
لو يضرب الطبلون يهتز طبلون = الله علينا بالشجاعه دواوي
معلومه وكل السواليف بلعون = تلقى سلامي بالشواهيق عاوي
مديت يمنى الخون لله اتخون = حنا عرب كيف الخيانه ضناوي
لعب الخيانات وتخاطيطها هون = وللخارج ارقاب اخويانا عطاوي
صرنا فهيمينن بإشارات وعيون = ما نختلف فيها ولابه نراوي
مقيود بالغارب وهاماتنا اقرون = هذي سياسه وفتهم يا العزاوي
تال الزمان اصبحت يا ذيب مطعون = والـكـلـب ساد ونبحها بالعلاوي
ينبح ورى بحرن شواطيه احصون = يا رافضي والعلم صوته يداوي
تبطي تمس الدين والدين مضمون = للي حمى بيت الحجيج النحاوي
يا أمة التاريخ تاريخكم وين = بشار في دم المساكين زاوي
وين الأخوّه وين شدّات بالعون = درعا وجوله طفلها بالشقاوي
طفلن يصوّر والدينه بلا لون = وينحر كما نحرة خروف الضحاوي
والبنت مغصوبه غريرات بلحون = والخدّج اللي عمرها بالطراوي
كلّن على موته بالأوقات يدنون = وكلّن طرق بالوقت ما صرت قاوي
على شواطي دمها رسم مشجون = تقول انا توي كسير الخطاوي
يا أمة التاريخ تكفون تكفون = وين الغبينه بالنفوس النقاوي
تحرّكوا بالنصر والمجد تحظون = خلوا لكم صفحه بالحجا والمراوي
إسلامنا بثباتنا ليه هلون = والقلب يرثي بالعزا والدعاوي
وين انت يا صدام يا قايد الكون = عقبك نجرّ احسوفنا والعزاوي
أيامنا صارت مساهير وحزون = هذا فقد أمه والآخر لقاوي
وانا سعودي غيرتي لو تقولون = سمعن وطاعه للمليك العفاوي
نفداك والروح ابصماصيمها اتمون = لجلك نموت ولا نخيب الهقاوي
شف سوريا ما عاد باقي بها اغصون = والعين بالدمعه لحقها بكاوي
شرع على بيبان عيناك مخزون = واجمع من الناس العطايا رهاوي
قلته وانا بالقول غايب ومجنون = السيف حامي والقصيده غناوي
الشمري بالقول وابليس ملعون = الوقت يطحن مثل طحن الرحاويوسلامتكم أخوكم / طلال الشمري

[طلال حمود الاسلمي]

http://www.youtube.com/watch?v=R9stAC47dNw


ردي على المجاهد الشمري!!

يالله يا منبت طمان المرابيع = يا عالمن سرّ الدبايب سمعها
إتجمّل إلساني على قول وتشيع = صوت ٍ تقطّع ما توصّل طمعها
ما همّنا كم حصْدنا بالصواميع = ولا همّنا تالي شهرها شبعها
ولا هّمنا صار الذّهب عالي وبيع = سدّيت سمعي من كلام ٍ فقعها
خذ واستلم يا صقر من خافق أوجيع = وجعت عجوز ٍ ذلّها منتفعها
بعد السلام وبعد رفع القبابيع = كان السلام اسلامنا وش وضعها
تعال نقرا والصبايا مفاريع = والليل ساكن في سواده هجعها
مات الشعور وبالشرف مابه إرفيع = والوقت عزّ الذليل ورفعها
نفرك قلمنا بالمذلّه تواقيع = هدنة حروب وبالنقايض قطعها
إخشومنا ما قطّعتها مقاطيع = مدقومة ٍ يا حيف ذلّ ٍ رمعها
نرقص طرب بالهون صرخات تسميع = لين الرجاجيل إنقرض مجتمعها
الحلم ما صار إيتعدّى المقاشيع = والنقل بالشهوات بالله ذعها
يا سوريا نار الأخوه مجاميع = ونار الفتيله محترق من جزعها
من المنيه بحرنا والقراطيع = إما حياة ٍ بالنصر نقترعها
ولا شهاده بالسعد دون توزيع = تفرح بها نفس ٍ جزيل ٍ شجعها
صاحت حريم الجار بالجار تفزيع = والجار نومه سكّرت به سَمِعها
شقّة ملابس سترها مْن التشانيع = يسلب شرفها والدموع إتّبعها
يا رافضي والله فلا راسك إنبيع = دونه مماتي بالغصب ننتزعها
حنا هل الغوش الأصيل المكابيع = بسيوفنا راس الأسد نقتلعها
ودام المحابر عايشه بالطوابيع = لكتب على روحي سلام ٍ ودعها
وسلام يا شاعر من القول توديع = جعل الفرج بيبان كفّك صفعها
وسلامتكم أخوكم / طلال الشمري ..
نقدكم وتعليقاتكم شرف لي ..

[طلال حمود الاسلمي]

الضيقه اللي صوتها بين الاضلاع!!

الضيقه اللي صوتها بين الأضلاع = هزّت حنايا بيتها وغدرت بي
لا ذعذع الغربي لحن حزنها ذاع = صوت الفراق اللي صرخ وش غدت بي
حنا بلانا بالزمن كيف طماع = ولا بلانا بالبشر لا قرت بي
كتمت ضيقاتي ولا حولها واع = لين الصباح انسامها إشرقت بي
بانت على وجهي رسوم ٍ تلمّاع = والدمع الأزرق ذرفها ما درت بي
طعنا الزمن لكن زمان ٍ بنا طاع = ما يرحم احوالن رديّه شقت بي
كل البشر تستر على عيبها اقناع = والعيب فيني والخلايق هدت بي
الصاحب اللي بالخيانه تخدّاع = في غيبتي إسمع كلام ٍ عطت بي
والحبّ كذبه صدّقتها بالأسماع = وانا على مركب جروحي سرت بي
شدّيت عن صوت المخاليق وان شاع = وامسيت فوق اجبال ديره وعت بي
سلمى عسى هتان وبله تنقاع = يا ديرتي ياللي حروفي نخت بي
ويا صاحبي لا صحت لك ليش ترتاع = لا متّ تبقى ذكريات ٍ طرت بي ؟
ما عاد فيه اصحاب واحباب شفاع = بترك مكاني دام دنيا عثت بيوسلامتكم أخوكم / طلال الشمري
تعليقاتكم ونقدكم شرف لي .

[طلال حمود الاسلمي]

هذي أبيات بسيطه مهداه لـ [ أميره ]
كنت أتمنى أن يكون صوتي جميل .. لكن أعلم أن صوت المشاعر [ أفضل ] ..

لو تنشدي بالشوق والصوت الجميل!!

لو تنشدي بالشوق والصوت الجميل = ما يروي الضامي من الشوق ابرسول
طال انتظاري والصبر وقته طويل = اشتقت لك والشوق في سيفه يجول
قطّع خفوقي بالبعاد وبالمكيل = من شاف حالي يرتجي حبّن مثول
ايه الغلا بانت مواريّه تخيل = يدبك رعدها مثل دبكات الخيول
جيتك وانا حافي على رمضى المقيل = رجواي في شوفت عيونك يا الخجول
لبطيت عني جيت كني مستزيل = أركض كما المجنون والعقل امعزول
لو الزمن بيدينه العسره يغيل = ولو قفّلت بيبانها الدنيا وتحول
لله تناسيت المحبّه يا عميل = ولله عن اعيوني تغيّب يا الجفول
طارت فراشة حبّنا فوق النزيل = بين البساتين العليله والهطول
منك الغزال ايغار يا العين الكحيل = لا هبّ نسناس ٍ تلاعب بالكسول
غطّت رموشك خدّ يلمع كلّ ليل = وتداعب اجفاني على ليل امعسول
فيك الحلا والطيب والغنجه تميل = وفيك الغرور اللي مثيلك ما يطول
لا قفّت اردافه هوى ثوبه يشيل = من زينها الفاتن ملانا بالذهول
ما طاحت ادموعه سوى يوم الصهيل = يوم الزمن فرّق وليف ٍ بالرحول
واليوم تطلب منّنا بالصوت اشيل = وانا اقول الصوت ما ساعد أقول

وسلامتكم أخوكم / طلال الشمري .
تعليقاتكم ونقدكم شرف لي ..

[طلال حمود الاسلمي]

ياحروفي والليالي بالندم!!

يا حروفي والليالي بالندم = أضرب أخماسي ولا حولي مجيب
مركي ٍ كوعي على ضلع الحلم = ودمعتن طاحت تردّد بالنصيب
شاعر ٍ ما يمتلك فلس وخدم = يملك العزّه سواها ما يصيب
لو تجرّدنا وماضينا عدم = وش هو الحاضر وصاحيها عطيب
ما ملينا بالورق لحظة ألم = والألم وش لون للحرمه نسيب
لبّس الطّربوش بدماغ الجلم = وإستلم دفّة سفينه لصّحيب
خلّها قدّام سنّك تبتسم = وأقرع الكاسه على ضوّ الحبيب
النجوم اللي ضواها بالظلم = تشترق شمسن مواريها مغيب
يا ربيع الوقت والوقت انبلم = باخر الصفحات عزّن يستعيب
تبكي الصفحه مخاطيط القلم = تحت شمعه بالعزا ماله رقيب
وين راحت بالسيوف وبالقمم = مجدنا اللي بالمشارف والعريب
لا تجدّد بالورق منزوف دم = فتّق المجروح والجرح الطبيب
إسمع أنفاسي ولو مابه نسم = يارفيقن خانني وين القريب
وسط وقتن بالتشابه والكلم = كلن السانه كتم حين القنيب
وش يقولون اخويانا بل علم = رايكم معلوم ما عنه نخيب
كلنا وسط ابدماهم نستحم = والمضاحك بالنفل والريح طيب
سدّد اذنك وارتقص بين النغم = ما علينا دام للبترول بيب
وش تبينا للعشا نذبح غنم = ونختم الكبسه على طاسة حليب
السوالف ماهي ابقولت نعم = مذهبك ينجيك من سوط اللهيب
باكر اتدور الليالي والطعم = مرها حالي وحاليها مشيب

وسلامتكم أخوكم / طلال الشمري
تعليقاتكم ونقدكم شرف لي ..

[طلال حمود الاسلمي]

يا سيدي بالقول كيف الحريري!!


ما كل ما يطري بالانفس يصيري = والحال هي حال الردى كل الأحوال
قلت السوالف والمدامع نصيري = في راس ضلعي مرتكي فوق الأجبال
أتبع هوى بالي وأرفرف مطيري = وأسد سمعي عن مقاويل تنقال
ما قلت بالوقت أنغطى فيه خيري = أقول نصبح وسط كربه وغربال
ياسيدي بالقول كيف الحريري = عسى دياره تشتكي قلة المال
الوضع بالداخل يحوفه عسيري = شوف الدموع اللي غمامه تهمال
وان كان طيرك ناوي ٍ بالمغيري = شف سوريا وامّن تويّل بالأهوال
ولّا هو ابقول اخويانا نديري = باللي تبي نفسك خواتيم واقفال
ماتت ورود البال مابه عبيري = وارخيت رجلي وسط مرباع ينسال
ياحظّ من هو غافي ٍ بالسريري = مكمل فروضه والفرح فيه يختال


وسلامتكم أخوكم / طلال الشمري
تعليقاتكم ونقدكم شرف لي

[طلال حمود الاسلمي]

حان الوداع!!

حان الوداع وبالحنايا جروحي = تومي يدي والروح عيت تنوشه
لو خاطري بالشوق عينه تشوحي = بدّد زماني رسمة ٍ ما تحوشه
ارفع يديني والزمن قال توحي = مالك مكان ٍ مع وليف ٍ تطوشه
نبرة حنيني للّيالي فضوحي = ما عاد نسلى والمكادر نموشه
أكنّ عجّة غيمة ٍ له تفوحي = وتنسال وديان السوالف عطوشه
اقرا تعابيري وشيبي يلوحي = وسط السطور احبار شوقي نقوشه
ياما سهرنا والملاقى طموحي = وتدمع عيوني لا عرضنا رموشه
الليل مظلم والمضايق تطوحي = دكّت على صدر الشمالي طروشه
جريت صوتن وسط صدري ينوحي = في راس ضلعن عالياتن عروشه
اندب حظوظن بالدناوه شفوحي = ليت اشتريها والعوض في قروشه
يا عاشقه صوتي وصوتي يروحي = بين الهبايب لا يغرّك بشوشه
اخفي عن اعيونك جروحن صبوحي = مثل النهار اللي تباين نعوشه
صحيح وقتي حطّم اوراق بوحي = وصحيح وقتي عاد ينبث خروشه
وانا على وعد المصادق صروحي = لو بالمهار انسوق سبعين كوشه

وسلامتكم أخوكم / طلال الشمري

[طلال حمود الاسلمي]

هذه قصيدة الشاعرة القديرة





الاميرة غرنوق شمر


التي وجهتها لي


غرنوق شمر!!



دام الشعر عند البشـر حـب واشـواق=مابيه انا جوزاء وشعبي على عـوق
حنا بنـات شيـوخ نكتـب بالاخـلاق=ونعـدد الافعـال بالحـق و الــذوق
ونفـزّع الاجـواد لا ثــارت تـفـاق=يوم الردي يسرد سواليـف مسحـوق
هزل السوالـف ينثـره فـوق الاوراق=ويـدور الهـزلات يـم كـل غرنـوق
يا مل قلبن كـل مـا صـاح مشتـاق=يزداد هم و مطلـع الشمـس بشـروق
شوقه نهـر دجلـه بالاعمـاق حـراق=وحب الفرات اللي بالانفـاس منشـوق
حـب الطنايـا معتلـي فـوق الافـاق=و ربعي هل العليا علـى كـل مخلـوق
ربعي هل الطولات يـا يبسـت ريـاق=ذباحـة العايـل الا ثــار مطـفـوق
والشاعر اللي نظمـه بكـذب ونفـاق=ينثر هزيـل القـول ويجافـي الـذوق
لابد من ساعـه علـى النـار منسـاق=يتبع هـل الرايـات مذلـول ملحـوق
ماينفعـه غيـر العمـل ثـم الاخـلاق=راجـي كريـم ٍ كافـل ٍ كـل مخلـوق
وياطير يلي معتلي فوق الافاق = احمل سلام اسلام من قلب غرنوق
يم الطنايا مقصده بيت الاخلاق = بيت الطنايا وباب الاجواد مفهوق
بنت الطنايا عنده للهم ترياق = خطر الطنايا تجمع الذوق بمنطوق
خطر الذي صيته بالافاق شعاق = حسن ومحاسن زاهي الخلق بشعوق
دام الشعر عند البشـر حـب واشـواق=مابيه .. انا جوزاء وشعبي على عـوق
وصـلاة ربـي عـد مـا لاح بــراق=على شفيع ٍ تمـم الديـن مـن فـوق
/
/
وهذا ردي المتواضع عليها
وارجو المعذره لأني كتبتها على وجه السرعه


طلال الشمري!!




من الموصل الحدباء تحيات واشواق = تاصل على بنت المناعير غرنوق
بنت الذي دايم على الطيب سباق= جواد ٍ كرمهم يلحق الوصف ويفوق
صحيح نعشق ياغلاتي ونشتاق=نعشق ولاكن ؟ عندنا مبدى وذوق
نهوى الكرامة عزة النفس وعراق= القلب عن دنيا المحبين مغلوق
حب الوطن مغروس في وسط الاعماق=فينا الحميا غيمها سحب وبروق
بيني وبين الشعر عهد ٍ وميثاق = اصبحت انا وياه عاشق ومعشوق
قافي على مدح الصناديد يشتاق= شوق البدو للبيد ومرافق النوق
تجذبني هوسات الطنايا على ساق= مع سامرٍ يطرب مزاجي وطاروق
ماقول انا الشعر بـعفن ٍ ومرواق =الشعر له صدق التعابير وحقوق
بعضه يباع اليوم سلعه بالاسواق=مغالب ٍ مابين عاقل ومطفوق
وســــــــــــــلامتكم




الشمريه المجهوله!!




العشق ما هو عيب والعود ميثاق = يوم البدو رحّل معاشيق وطروق
سلمى وجا تشهد مناقيل واوراق = كلن عرف عن عشقهم والقصص سوق
تال الزمن ولّوه وغدان الاسواق = وعرّوا بياضه كذب والليل مسروق
ليلن جمع بين المهابيل وانساق = وغطّت نواياهم على سود منتوق
لو بالليالي والعزا ما بها اشراق = غير المحبّه تشرق اليوم وتروق
ونشرب ينابيع البساتين بغراق = لو عكّروا صافي محاليه بفروق
افرك من الضيقه مسابيح منعاق = مثل الضرير اللي فقد شوفت ابروق
لو صارت الدنيا ربيعن بالاطواق = داخل خفوقي ممحل العشب بحروق
تقنب ضلوعن بين صكّات وغلاق = وعينن جفاها النوم والدمع مخروق
صكّت تقاليد القبايل بلا افراق = لكن بعيده والنظر يبتصر فوقوسلامتكم أخوكم / طلال الشمري
تعليقاتكم ونقدكم لا هنتوا ....

[طلال حمود الاسلمي]

روح القصيد!!

روح القصيد اللي شذاها بالانفاس = يبري خفوقن ما عرف وش مدسّه
لو خالط الشعر وتمايل بالافلاس = يبقى جزيله فارقن عن مخسّه
سلام من بغداد يدعيك رماس = لين الجزيره والليالي تعسّه
مثل الخيول اللي تدابك بالاجراس = تضرب طبول الحرب والوقت هسّه
مبطي وانا اغنّي على ليل كراس = ودمعي كتب مالا كتبت ابمحسّه
إليا متى وحنّا نطبّل للأجناس = يكتب قصيدن والعماوه ترسّه
لجل الغوالي والأسامي لها الماس = جامل على كيفك وكيفي يجسّه
العيب لا من قلت وش زين الإحساس = وتطبع مجلّه صوتها ذاع حسّه
وياكمّ من شاعر بالألحان لناس = غنّا قصيد المرجله والمرسّه
يلحق فعوله عيب والفعل مقياس = ما هو كلامن بالقصايد تنسّه
وسلامتكم أخوكم / طلال الشمري ..

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته




اضع بين ايديكم هذه القصيده عسى ان تنال على رضاكم واستحسانكم :-




للمشاهده على اليوتيوب :-
http://www.youtube.com/watch?v=w0D8ftql8AA&feature=youtu.be


وللاستماع لها بصيغة mp3 :-


http://goo.gl/6RXy8


تعليقاتكم ونقدكم ما هو الا شرف لي فلا تبخلوا علينا ..



أخوكم / طلال حمود الاسلمي

[طلال حمود الاسلمي]

الخيل والصحرا تشوق المناعير!!

الخيل والصحرا تشوق المناعير = اللي لهم فوق النوايف عطيّه
بين الربيع وبين مشي المغاتير = وطاسة حليبن شاربينن عذيّه
وخوّة نشاما بالطراوه مسافير = يمناك يوم الوقت ضيّع نقيّه
يفرق هزيله عن معاطي هل الخير = اثقالن احكاهم نفوسن غنيّه
اللي يشدّ النفس والروح تصبير = وتاخذ علومن بين دقّ وجليّه
إلسانك إحصانك بوسط المساطير = وكلّن كسب مفعول مجنى المطيه
لا تحقر المعروف لو بالتصاغير = واحذر سواليف الدنس والرديّه
وكلّن وما رافق من الناس والغير = والناس تعرف وش مواري خويّه
أفتح مجالس بالكرم والتباشير = والعود لا عثور نفح جاذبيّه
لا خير في مجلس قليل المسايير = وش عاد ترجي من وراه الحميّه
شبّ الغضى لا طاحت الشمس بعصير = نارن تواقد في خفوقي لضيّه
واضبط لنا صفر الدلال المباهير = عن لجّة الخلق اسكتي يا شقيّه
سامرت ليلن شاقني دون تفسير = ياما سهرنا بالحلاوه سويّه
على قمرنا ودّنا لجلها انغير = بعدك عذاب وغنجتك هي بليّه
حبّن على وضح النقا والمشاهير = منقوش باسمك بالضلوع الغذيّه
وناخذ مع النجمات جولات تفكير = وسط المرابع والورود الهنيّه
يا صاحبي ما بالحنايا مقابير = عيبن على الرجال يكشف غثيّه
يا لايمي بالبرّ والشوق تصفير = نفسي بها تطرب وروحي شذيّه
ويا حاسبن جوّ البراري مخاسير = هي سلوتن بالمنتهى مخمليّه
هذا هوى بالي ليا لعلع الطير = يستاسع الخاطر على كيف حيّه


وسلامتكم اخوكم / طلال حمود الاسلمي

[طلال حمود الاسلمي]

يا نجوم الليل !!

يا نجوم الليل لو ليلي ظلام = اقضي ابليلك مسافات وألم
ماحدن شاف المدامع والكلام = كم سترتي تحت جنحانك ندم
العرب راحت قضاياها حطام = والتناقض بالمعاير يحتدم
عملة الإسلام بارت بالهدام = راحت أيّامن بواقيها قلم
تلفظ أنفاسه ولا فيها سنام = عزّها مسلوب والوقت انخدم
لو يشوفوا حالنا يقرا السلام = يا حسافة مجدنا ضاع ابجلم
كلّ ما عيني على الحلوه تنام = موج بحره بالسفينه يلتطم
الوطن فيها المواطن يستضام = والغريب اصبح أميرن بالعلم
عيشنا من خير ربي والصيام = ما هو ابعون الخلايق والقمم
اليهود اتدير صالات الغرام = نعشق اقوالن ترافقها نغم
يسلم العاشق حبيبه ما يسام = لكن ابنار المذلّه ينوسم

http://www.youtube.com/watch?v=JD-XxEIrcPs&feature=youtu.be



وسلامتكم أخوكم / طلال حمود الاسلمي

[طلال حمود الاسلمي]

سلمى بكت !!

سلمى بكت يوم الحبايب قفوها = واجا تهل الدمع فوق المرازيم
عزيت شمر كلهم يوم جوها = ماتت رجالن وسط صدري مداحيم
عبدالله الفندي ودمع لْمحوها = فكّوا قيوده وإرتضوا بالمغانيم
يا من يبشر بسمتن ما سقوها = عبدالله اليوم البري بالتعاميم
واقضى ثلاث اسنين وحده نفوها = وامطر على روضه وسالت شغاميم
وبنته حبت ومن الذهب لبسوها = ودام الفرح بيبان ضحكه مباسيم
وعادة قضيه من سنين اجلبوها = الدين تاجي لكن الدين تعليم
وش لون هل تنعاد نفس اعتقوها = وتارد على سيف القصاص ابمحازيم
يا عبس لا جاكم فتيل إلزموها = والدم بارد من ثلاثين تقييم
دمعن نثرته يوم بنته رموها = والدم طشر فوق ثوبه تحاميم
أمس العصر مكنون عيني بلوها = عبدالله الفندي وابو عادل ايهيم
سكرات موته بينت واحملوها = وشقيت جيبي بالعنا والمراسيم
يالله ترحم كل نفسن نسوها = وترحم ابو عادل وعبدالله اتديم
حنا وراكم وسط دربن دبوها = العبد تاليه القبر والمحازيم
يالله ترحم جثتي لا دعوها = وتخلف علي من يعطي المال تقسيم
ياجاهل الدنيا تراهم مضوها = محدن بقى فيها ولا يقدر ايقيم
هي شجرتن ظلت لهم وتركوها = ما عاد يبقى غير ذكر المزاحيم
اللي لهم وسط الخلايق رووها = بالخير والشر وكثر المجاهيم
بالصدر ضيقه والحدايب حموها = وصار الحزن بيبان وجهه معاليم
اقولها في دم حبر اكتبوها = سلمى واجا تبكي رجاله من الضيم
http://www.youtube.com/watch?v=kiewKW1cToY&feature=youtu.be

وسلامتكم أخوكم / طلال حمود الاسلمي

[طلال حمود الاسلمي]

قالوا علام الضيق غنا لحوني!!

قالوا علام الضيق غنا لحوني = قلت العذر لا صار محكور صنعه
انا المواطن لكن الفقر عوني = اصد به لا جاني الضيف قرعه
اسكن بشقه فوق سطح الحزوني = وذابت على ليل العشاشيق شمعه
كيف اشتري لعيالي الما تبوني = وعيالي اتفوت ابلياليه رضعه
تال الشهر مخباي فاضي يغوني = اسرح كما المجنون بالعين دمعه
البس عباة اختي لكيلا يروني = القسط والتاجير والمر جرعه
مات الكرم في داخلي ومنعوني = وخيلي مع المهرات يا كثر غثعه
الوقت يزداد القسا والطعوني = والخير مدفون وهل الشر سمعه
الشيب يملا الراس والشحب لوني = ياما خذينا بالتجاريب ذقعه
ضحك السنين اعيال عمه جفوني = وتكسيني الخاطه من الثوب رقعه
رجلي على الممشى تحاول تصوني = قدام خطوه والورى ألف رجعه
ليلي يساوي بالنهار الشجوني = يسري على ليلي من الهم قطعه
قال الذي في دور وقته يموني = عشنا حياة الذل والزيف لمعه
اضحك ولو حزنك يغورق عيوني = شفني من الضيقات جربت لسعه
اكل من الجوع المنادي متوني = وفي فرخي اصغارن من الجوع جمعه
ياجار تبطي ما سالتوا شلوني = ليه الزمن عكر مفاهيم نبعه
اقف على ضلعن تعلا جنوني = وتلمح على وجهي من الوقت خرعه
هذاك ركبن لا تقولوا نسوني = راحوا وصار الطيب والحب خدعه
يالله وانا عبدن فقيرن كلوني = اتظلني في ظل بالعد سبعه وسلامتكم أخوكم / طلال حمود الاسلمي

[طلال حمود الاسلمي]

العجب!!

العجب يا وقت فعلاتك عجيب = رهبتك تضفي ملامح بتعبي
سوريا تنهان والهاين حبيب = ما قروا تاريخ ماجاهم نبي
المطالب نار لو مات الطليب = تشتعل بالجوف والعز اطلبي
حالنا هاليوم والعالم رقيب = فكرهم بالليل يسري ويحبي
المساجد خاليه مابه صحيب = شجعك جمهور وانت ابملعبي
الفتن تارد كما الليل النهيب = والفطين اللي لمح نار احطبي
وعن سواليف الردى مابه قريب = تكرم افعالي وتكرم ياشنبي
من حكى لك قال والشايب طبيب = يطعن ابظهرك كلام ابمكذبي
ومن يعرف الناس مدعاته لبيب = كلن وخوة جليسه يكتبي
ما يموت الذكر لو مات العريب = البلا حيّن ولا يدبي دبي
وسلامتكم أخوكم / طلال حمود الاسلمي
تعليقاتكم ونقدكم يهمني

[طلال حمود الاسلمي]

مراسيل الغرام!!

أكتبي له يا مراسيل الغرام = وين محبوبي غدا وين الهنا
مع غروب الشمس قضيت الصيام = ليلة العاشق تناهيد وعنا
ارسم البسمه على ليل الظلام = يا عجايب غيبتك مابه سنا
أنثري هم المحبه للغمام = تمطر احلامي دموع لْعمرنا
ضمني حزنن عشقته حول عام = انطر اطيوفك تراودني هنا
تسألي راحت حياتي بالهدام = لا تقولي فات يرجع ينبنا
ان رحلتي خلي اعيوني تنام = وان ضحكتي خلي الدمعه لنا
ما بغينا غير ضحكك بالتمام = وما بغينا غير فرحك والهنا
ألبس البشت المنادي للهيام = وأرقد وعيني سما دمعه دنا

وسلامتكم أخوكم / طلال حمود الاسلمي

[طلال حمود الاسلمي]

أبيات إرتجالية أتمنى أن تحوز على رضاكم ..



( كذبة إبريل )

كذبة ابريل !!

ما دام تاريخ اللقى كذبة ابريل = في عامنا حررت صوت المنادي
صليت بالاقصى بسيف المشاكيل = وصارت عربنا كتلتن ما تحادي
وداري رغيده بين ظلن مظاليل = رفرف علمها فوق عاشت بلادي
لكن بعد تقفون ياهل المداليل = لا خلص ابريل ابسعادة فوادي
ترجع حياة الذل والكسر والويل ؟ = ولا الحقيقه صدق زاحت سوادي ؟
ما ظنتي يا عين نبقى مداليل = دام العرب للغرب نفطه يهادي
وقع على اوراق الضمانه براميل = والشام يا عزي لها الحظ غادي
سلام وسلم للقى كذبة ابريل = صارت حقيقتنا والاحلام عادي




وسلامتكم ابنكم / طلال الاسلمي
تعليقاتكم ونقدكم ما هي الا شرف لي فلا تبخلوا علينا

[طلال حمود الاسلمي]

أبيات إرتجالية كتبتها قبل قليل بعد أن رأيت مقطع يدمي القلب
وهي فتاة كانت من عبدة الشيطان ثم أسلمت
وبعد ذلك أتوا إليها عبدة الشيطان ( حسبي الله عليهم ) وقتلوها شر قتله
فقاموا بضربها حتى ماتت .



أعلم أن هذه الكلمات لا تعبر عن صعوبة الموقف .. وأعلم أنها لا تفيد بشي !!

دم العرب !!


دمّ العرب يا ناس بالسوق عادي = في سوريا وعراقنا للمعادين
إختي تعرّا ثوبها والمنادي = يا وين سامع صوتنا بالميادين
تاريخنا بتراث جدي يعادي = ونترك زمانن بالعبر يوم حطين
الوقت داير واللقى حين زادي = ما علمك غيرك دموع السلاطين
ارهابي امجاهد يعد العتادي = واللي زرع بالفكر خبث التلاوين
معكوس مفهومي وفهمي يشادي = والليل بنجومه من الضو يهدين
إترك لذيذ الوقت واسمع مدادي = الحرب حرب العز والعز بالدين
لو كوريا قامت بشن الهدادي = وما قالت امريكا يتم دون حرفين
عينين بالراس وسلامي عمادي = للي فهم واللي جهل بين قوسين
وسلامتكم اخوكم / طلال الاسلمي
تعليقاتكم ونقدكم شرف لي .

[طلال حمود الاسلمي]

حايل!!

هذي ثمان اسنين والشوق فضاح = شوق اليتيم اللي تعلا نياحه
أو يمكن تزود وتزاود بالأطياح = فرقاه لو هو بالدقايق طياحه
أطرب على طاريه وألحق بالأسياح = إن كان بالمسحوب ولا سياحه
حايل عسى غيم الشجن عنك ينزاح = واتجاوب بروقه رعود الملاحه
مهما تغنيت بغلاها بالافراح = عروستن تزهى عيون المساحه
أحب فيك اجبال عزّن ليا صاح = صوت العزاوي حي عالي صياحه
يا عزوتن فوق الثريا به اتلاح = للعزّ مشيه والمعالي مراحه
نور الشمال وصدرها مرتع امزاح = من فاتته بالقول دايح دياحه
لو ما معك غير الفضا خاسر ارباح = باكنافها تملك مساك بصباحه
محلا ربيعه والمطر بالخلا ساح = أحلى من اديار الغريب ومباحه
والله لو لا عازتي والشقى باح = كان اسكنك لو صار صعبن سباحه
سلم لنا يا طير يا خافق اجناح = سلمى واجا وربوع عزّ بجناحه





وسلامتكم إبنكم / طلال الاسلمي
تعليقاتكم ما هي إلا شرف ٌ لي

[طلال حمود الاسلمي]

يدمع سحاب الشوق !!

يدمع سحاب الشوق في تالـي الليـل=والبـرد يسكـن بالضلـوع الحـدايـب
أسامـر إنجومـن معـا طلّـة إسهـيـل=صرنـا مـع الأحـزان ربـع وقـرايـب
لا زان وقتي وابتدت شمسي اتميـل=سجّيـت فـي ذكـراك والحـظّ خـايـب
القلـب مفطـورن مـن الـذّل والويـل=والبهـجـة اتسـابـق بـعـدّ الـركـايـب
مـن يـوم قفّـوا صـار لضيـق تقبيـل=يمسي ويصبح وسط سود الهدايـب
أجـي مكانـك وأنتظـر لـك مراسـيـل=ويـن الـوعـود الزايـفـه بالطـرايـب
أرقـى علـى ضلـع الخيـال المظاليـل=عسـى نسيـم الحـبّ يطـرق هبايـب
شوفـي عيونـن ساهراتـن مخايـيـل=العين شابت واسود الـراس شايـب
ارسل لـك ابياتـي ولـو مقـدر اشيـل=صوتي من الونّـه ضعيفـن وعايـب
أنثـر دموعـن فـوق خـدّي همالـيـل=لا شفت بأرض الغير مشي الحبايب
أسئـل وكنّـي مـن جمـوع المهابـيـل=وأردّدك بالـصـوت والقـلـب ذايــب
وان كـان تبغـي قصّتـي بالتفاصـيـل=أكتم مـن الصيحـات والحـال سايـب
عندي من اجروحك قدوع ومعاميـل=وعندي من الصدمات سـدّ ونوايـب
الـدار فـي عيـنـي غريـبـة مداخـيـل=اهلـه غـدوا واظلـم سمـاهـا نكـايـب
عكّازتـي فـي مشيـهـا مابـهـا حـيـل=تقـول مـن راح اعــذره بالسبـايـب
مـا كـان للبعـد الطويلـي لــه انكـيـل=وش حاجتي بالناس لا صرت غايب
سلمن ضـوا والربـع بيدينهـا اتغيـل=مـا همّنـي لـو كـان دمّــي ضـرايـب
سجّيت عـن لـجّ السواليـف والقيـل=الـلـي سوالفـهـم تجـيـب الخـرايـب
خلّونـي إلحالـي مـع اللـيـل والهـيـل=وفوق الصدر جمـرن تواقـد لهايـب
ارجع ترى مـا عـاد بـه باقيـن حيـل=كافـي غيابـك طـال والجـرح طـايـب






للإستماع / http://up.top4top.net/d_9c790b816b1.mp3




أخوكم / طلال الشمري

[طلال حمود الاسلمي]

مسيت يا جرح كواني على خير

مسيت يا جرح ٍ كواني على خير =جرح الوداعي يوم آن الوداعي

يا شمس لا تقفين واقفايتك غير=يعيش فيها قلب ويموت داعي

يدعي عسى سلم القبيله بتحرير=وينوش مضنونه ويَرْم الصداعي

ما نرتوي لونا على جمّة البير=وما فادنا كثر الحكى والخداعي

يا مجتمع فيه المروّه للآخير=فكّوا سلوم الجاهله والبداعي

ولا لجل عينه ترونا نبي نغير=ونقيم ثوره مالها من رداعي

سلام يا عين ٍ بكت يوم تبشير=وداعتك قلب ٍ بكى بالوداعي





لـ طلال الشمري
تعليقاتكم ونقدكم ما هو الا شرف لي

[طلال حمود الاسلمي]

دندن على قلبي وغنا بروضه

دندن على قلبي وغنّا بروضه =وادلى بحبه في مراتع فياضي
وجهت له وجهي ومتمم فروضه =من قبل ينطق جيت والشوق فاضي
اغني بهمسن واخفف حموضه =لين يغفي جفنه على الصدر راضي
أحلى سنين العمر تفنى عروضه =دون العيون اللي تزعزع مهاضي
غلاه مستوطن واكمّل قروضه =لا طاح متني سنّده لنتهاضي
وين أنت يومي للعنا اوردت حوضه =يا مكذب وعودك ومصدق مناضي
أجيك مستسلم واسابق نهوضه =وعن ما جرحني شلت لك بالتغاضي
تقول ما بدّل وجودك واهوضه =وانت المسابق بالقفا والعراضي
خليتني مجنون والحال فوضه =وانا سقيتك من منابع حياضي
يا ليت به للحب قاضي نحوضه =لشكيك واشهر بك بحاضر وماضي
سرى رفيف البرق يجذب بنوضه =أخيل برقن عاد ينبث حماضي
شفني يتيمن ماش حضنن يعوضه =وفجوج ربّي ضيق لو هي عراضي
يا ليل نجمك وش توالي حظوظه=والشمس تفضح دمعتي وانتفاضي
أيا وليفن غاب وشفاك بوضه =والكون تاليته على الكون فاضي
أثر الهوى والحب والشوق موضه =أعدم طواريّه علينا يقاضي


لـ طلال الشمري
تعليقاتكم ونقدكم شرف لي

[طلال حمود الاسلمي]

بسم الله الرحمن الرحيم
السلام عليكم ورحمة الله وبركاته

السنين المرهقه

جيت لك عقب السنين المرهقه=ضامي ومسكين حالي للهلاك

أورده ولا عسانا نفهقه=ما كتمته شي وعيوني تباك

واتكلت وكل خطوه تسبقه=خافق باع الملا واقبل وجاك

الليالي للحبايب عاشقه=إتق الله يا حبيبي وش بلاك

صاحبك باب المجنن يطرقه=كل حرف يكتبه يسعى لرضاك

وانت يا مقسى شعور تنطقه=غيمتك شحت تعلت في سماك

إقبل وصالي وشمسه مشرقه =ما خفاك الشوق وحباله معاك

وان بغيت البعد نبصم بالثقه=وش بعد دمع الرجل يسوى نباك

أنتظر ردك وردك مطرقه=يا حياة ناعمه ولا هلاك


لـ طلال حمود الاسلمي
تعليقاتكم ونقدكم ما هو الا شرف تقلدوني إياه

[طلال حمود الاسلمي]

بسم الله الرحمن الرحيم

السلام عليكم ورحمة الله وبركاته

عتق رقبة ياسر الشمري

شمر وشمر وادبل الصوت صوتين = يا حي طاريهم عيال الطنايا
لهم على الامجاد مجد وبراهين = يجذب لغيثه ضاميين البرايا
مزنه كريم وبالمكارم ميامين = من حاتم الطائي ودوك الحكايا
من ديرتي حايل وغيره فلا دين = تفهق جباله بالسعد والهدايا
وان مسنا جور الزمن بالأمرين = ناقف جميع ولا نهاب المنايا
الشمري في كل ديره بها عين = والشمري من كل ديره عصايا
طناخة عقاله ليا ميل يمين = تصغر كبار ٍ تحت ظله بكايا
لا صك صلب السيف بالسيف حامين = وصاح النظير وفار دم الحنايا
حنا لها نورد على النصر ضامين = من بطشنا نوسم وسوم وسوايا
وش لون لا صاحت طليبة رجا اللين = ترجي ولدها بالفرج والحلايا
فجة نحر ثوبه من البعد والبين = وباضت عيونه بالحزن والنحايا
ونة كما ونة خلوجٍ لها حين = لا طاح قرص الشمس ماله بقايا
مطلوبها سدّ الديه بالملايين = وبعيال شمر عزوته والطنايا
مشي دموعك وافردي هالحجاجين = وبراق سنك يلتعج بالمرايا
دام الطواله بالمروات حيين = من عهد ضاري لين تال الحجايا
وافضى مشل فيصل عليها من الزين = وقال ابشري بالعون عذب السجايا
تكاتفت شمر وقالت لك العين = ياسر ولدنا وكل شمر زوايا
ما هو كلامٍ ننقله للمزايين = الفعل يحجب عيد ضي الضحايا
وما هو بنا اللي يتقي عقب ميبين = وما هو بنا اللي حالكين النوايا
يالله يا منزل لنا آية الدَّين = تنفّس لياسر وتدمح خطايا


http://www.youtube.com/watch?v=NvWfQj5s2HU&feature=youtu.be

صوت :-
http://goo.gl/8P8mIT