اصحابي

[مرزوق الرمالي]

مع التحيه والتقدير لكل العابرين:fmf :


كل ما فكّرت باصحابي اعزاز النفوس=اتعب هجوسي واماريبهم صبح ومسا
ماعلي دامي مع الركب مشدود الهجوس=مانسيت وخالقي مابهم واحد نسا
روسهم هي هامت المجد والذل محبوس=طيبهم هو ديدن الطبع والهيبة كسا
زارعين احساسهم زرع والود مغروس=والهقاوي فوق مركب على القمّة رسا
كل واحد للصعيبات من راسه يروس=ماكتمت الحس لا قلت للروس ريسا
النفوس معودينه على الحرب الضروس=من شوامخ نجدهم لا قطيف ولا حسا
المخوّة درس ودروس من ضمن الدروس=وخوياي دروس لو قاسي الحاضر قسا
ما نزل بصفوفهم لا حقود ولا بلوس=تاركين بليس لبليس وابليس يخسا
افتخر برقامهم واحتمي رقم الجلوس=واعساي اصل على حد ما وصلو عسا
كل ما فكرت باصحابي اعزاز النفوس=اتعب هجوسي واماري بهم صبح ومسا

[عبدالعزيز بن بليهد]

كفو يامرزوق ونعم بخوياك ولاعليك قصور والطيب يرافق هل الطيب ويذكرهم

صح لسانك ولاهنت

[عويد المغيليث]

الشاعر العزيز مرزوق الرمالي
صح لسانك
وقصيده شامخه
من شاعر شامخ
كفو يالعزوة
لاهنت يالغالي

[عيد ابن شايع التويمي]

الشاعر مرزوق الرمالي

صح لسانك طاب فالك
جزل

تقبل مروري

[بهلول الزميلي]

صح لسانك والنعم بالجميع ومن ادرك شيء يستاهله 0 تحياتي

[غالب الشلاقي]

الشاعر مرزوق الرمال


صح لسانك وعلا شانك


لاهنت

[المشرف العام]

شاعرنا القدير مرزوق الرمالي
صح السانك مدد بلا عدد
خالص التحايا لسمو شخصك النبيل :gtre :

[ابو ناصر]

كفو يالنشمي وصح السانك ملايين
تحياتي لك

[أخو صرخه]

مرزوق الرمالي
كفو وصح السانك ملايين
تقبل مروري

[الغريبة شوق]

كفووو يا مرزوق

والنعم بخوياك

وصح قلبك

[نهير النمش]

مرزوق الرمالي

صح لسانك وكفو يالقرم جزل ووافي لاهنت

تقبل تحياتي

[مرزوق الغانم]

صح لساااااانك يالسمي على هذه القصيده

التي تنم عن حسن الخلق وتدل على طيب راس قايلها


تقبل مروري ولك تحياتي

[أبو كادي]

الشاعر / مرزوق الرمالي
تسلم وصح لسانك لاهنت ابداع رائع جداً وفقك ربي ورعاك
وألف نعم بك وبأصحابك.
تقبل تحياتي،،،

[مقبل الدخيل الزميلي]

اخوي مرزوق الرمالي

صح للسانك يابعدي وتسلم على جزالة منطوقك الطيب لاعدمتك اخوي بيض الله وجهك

تحياتي لك وكل تقديري واحترامي لشخصك الكريم

[رويضان الجسار]

ماعلي دامي مع الركب مشدود الهجوس
................. مانسيت وخالقـي مابهـم واحـد نسـا
روسهم هي هامت المجد والذل محبوس
................. طيبهم هو ديدن الطبـع والهيبـة كسـا
زارعين احساسهم زرع والود مغـروس
................. والهقاوي فوق مركب على القمّة رسـا

الله الله الله عليك يامرزوق

صح لسانك مدى الحياة

هنا شعر حقيقي لله درك ولا فض فوك ايها الجزل والمبدع والرائع

ابداع ابداع يفوق الخيال

دمت بهذا التميز والتفرد

ودمت بكل ود

[لاند كروزر]

ﺼـــحـﮯ لـﺴـــانـــﮝـﮯ

عــلــﮯ ـهــذهـﮯ القصيدهـﮯ الرائعهـﮯ