ياهل الـ v x r

[مشعل عسام التريباني]

بسم الله الرحمن الرحيم
الشاعر/ مشعل عسام التريباني الشمري
((ياهل الـ v x r في 26\3\1433هـ))



ياهلا ال(v x r) جعل الله يفكه لا يعلق بنصه = يانويتوا تضربون البر للمقناص لاتخلوني

والله اني مهتوي للبر والغزلان شفي قنصه = مار كان انتم نويتو بينكم يالابتي شيلوني

ماحلا المقناص فوق الجيب مع ناسٍ قويٍ شنصه = فوق جيبٍ يوم اوصف يانهمته كنه المجنوني

وفيه من وصف الاسد خشمه عريض وفرته منفنصه = صممه في دولة اليابان عودٍ كافرٍ ملعوني

وانت يالسواق جنّـّب عن طريق القار والطعس انصه = اعرف ان الجيب في قطع الخطر يامسندي ماموني

اضرب الطعس الطويل ولاتنسم بالكفر تحرنصه = مايبي تنسيم يطلع بس لاترفق وتمشي هوني

خايف انك تسحب الطارات ثم تاطا الحصا يقرنصه = وانت رجالٍ كتبت الشيك فيه وبه ربع مليوني

بس دوس اسليتره واصحا تهس وحط رجلك لين تنهي بنصه = اغنم الفرصه ترا الرزاق حي ومرزقك عند الولي مظموني

واعرف انه مايفيد الرجل يامشكاي يامنه تدهور شنصه = كم رديٍ يوم زان الشنص يمسي مالي الماعوني

[نهير النمش]

ابدعت يابو عبدالرحمن وانتعت بهذه الفاخره الرائعه

جزل بكل شكل ولون وسلمت على هالوصف الجميل

صح لسانك وطاب فالك والله يرزقك بالفكسار مع الطاعه

تقبل تحياتي

[مشعل عسام التريباني]

شكرالك اخوي ابو نمش على هذا الرد الله لايهينك
وعسالله يرزقنا الطاعه هذا اهم شي

[محمد الذرفي]

والله يابو عبد الرحمن مابه مقناص
دهر وغبار وقل امطار دهر وغبار
على بلاد االعرب كله على بلاد العرب كله
دماء وشلاء دماء وشلاء تطائر باغلب الا مصار
ودموعي ناضري هله ودموعي ناضري هله


ضيقت صدرك

الف الف صح لسانك يامبدع
لك مني جزيل الشكر

[المشرف العام]

شـــاعرنا القدير مشعل بن عسام
:987h:أياديك يابو عبد الرحمن
صح السانك مدد بلا عدد
تقديري لسمو شخصك الكريم ؛؛؛

[احمد الجريفاني]

رائعة يا رائع بس وش يدريك عن اللي ذكرته في الاتي :
صـــمـــمــــه فــــــــــي دولــــــــــة الـــيـــابــــان عــــــــــودٍ كـــــافـــــرٍ مــلــعـــونـــي

[عويد المغيليث]

صح لسانك
وسلم بنانك
تحياتي وامنياتي لك

[طلاع الزميلي الشمري]

صح لسانك يمروض القيفان
والله هالقاف صعب بالحيل
قصد به الشاعر عبيد الله السالم سته ابيات وقالو الربع يكملها
يابو طلال قلت لهم والله مابقا غير بيت
حلون خشمه ماهي من فنصه هههههههههههههههه
الله يسعدك يالغلي كفيت وفيت لله درك
لك كل الحب والتقدير
حفظك الله

[مشعل عسام التريباني]

شكرا لكم جميع ايها الافاضل على الاطلاع والاطرى الله لايهينكم جميعا
اخوي الجريفاني يقو ل وش يدريك يوم تقول صممه في دولة اليابان عودٍ كافرٍ ملعوني
الجواب هو ان الجيب معروف انه صناعه يابانيه واليابان دوله غير مسلمه والكافر ملعون
بنص القران الكريم شكرا للجميع

[عبدالعزيز بن بليهد]

الله ينهض شنصك يابو عبدالرحمن ويرزقك بالصحبة الطيبه والمقناص الطيب

صح لسانك ولاهنت

[بهلول الزميلي]

صح لسانك سلمت ودمت

[مشعل عسام التريباني]

اخوي(ساهر الشعار) عبدالعزيز
شكرالك على المرور الله لايهينك
يالغالي على هذه الدعوه الطيبه

[مشعل عسام التريباني]

اخوي بهلول الزميلي
صح بدنك مشكور على المرور

[ثامرعقيل الدعسان]

مشعل عسام التريباني
صح لسانك ياعميدالشعرأ

[محمد سند السليطي]

الشاعر //مشعل التريباني

صح السانك
وتمنى ان ي وفقك الله في مقناص وخوت نشامى وجيب وصحه وعافيه وتحقق كل امنياتك

[أبو عارف]

:gfd : بالشاعر الجزل المبدع عميد الشعراء / مشعل عسام التريباني ابو عبد الرحمن

صح الله السانك على القصيده الجزلة ابدعت بالوصف الرائع بارك الله فيك.

تقبل فائق التحية والتقدير العالي

[مشعل عسام التريباني]

شكرا للجميع على المرور الله لايهينكم جميعا ايها الاوفياء

[مفوز التبيناوي]

سلم بنانك يابوعبدالرحمن،، وش يسمى هالبحر ؟ لك تقديري.

[مشعل عسام التريباني]

صح بدنك ياخوي مفوز
الله لايهينك والله اني ماني بخيص
بالبحور لكن هذا من البحور الطويله