منيه اسافر بالمدى

[عبدالكريم بن خزيم]

منيه أسافر بالمدى




منيه اسافر بالمدى واوصل الى ارض اليمن=الروح تتعب بالعناء وهموم قلبي شالها

ومن المشاكل يابشر البال عيّا يرجهن=أبغى المكلا مبتلش ودّي ازور جبالها

ودّي بأب واهلها ودّي بيافع مع عدن=قوم ٍ وفيّه بالبشر وحنا نعز رجالها

ودّي على درعا امر قلبي على اهله يحن=أطفالهم ياللأسف في حالة ٍ يرثا لها

حلّة مصايب بينهم والبعث يعلنها علن=واللي يخالف زمرته منيتّه يسعى لها

حكّام ضلّت مفلسه ماله سياسة بالمحن=أهم شيّ ٍ عندها كرسيها يصفالها

أصل الشرارة ولّعت يوم اشتعل ذاك البدن=في تونس اللي قد نهب زين الجريمه مالها

وارض الكنانه راهنت ولا اخسرت ذاك الرهن=شعب ٍ يقاوم للغبن حتى طرد محتالها

والا معمر وش جنى غير الغدر غير الغبن=واصبح بحاله ماتسر حريته مانالها

وصالح يحاول يستمر لكن تحداه الزمن=والشعب اعلن ارتحل خل البلد في فالها

هموم واجد دايره قد داهمت كم من وطن=لكن عسى الخيره لها وتزين كل احوالها

تقديري للجميع
::: أبوابراهيم :::

[برغش]

زفره حزن وشعور نبيل من أخ مسلم لاخوانه بشتى العالم
لله درك ابن خزيم
صح السانك تيريليونات ياعم
تقديري لك استاذي

[احمد الجريفاني]

الغالي ابا ابراهيم
اشكر جنابك الرائع على هذه القصيدة الجزلة
وضعت النقط على الحروف لكن من يرى من يسمع
امد الله في عمرك

[محمد الذرفي]

ودّي علـى درعـا امـر قلبـي علـى اهلـه يـحـن أطفالـهـم يـالـلأسـف فـــي حـالــة ٍ يـرثــا لـهــا
حـلّـة مصـايـب بينـهـم والبـعـث يعلـنـهـا عـلــن والـلـي يخـالـف زمـرتـه منـيـتّـه يـسـعـى لـهــا
حكّـام ضـلّـت مفلـسـه مـالـه سيـاسـة بالمـحـن أهــــم شــــيّ ٍ عـنـدهــا كـرسـيـهـا يـصـفـالـهـا
أصـل الشـرارة ولّعـت يـوم اشتعـل ذاك الـبـدن في تونس اللـي قـد نهـب زيـن الجريمـه مالهـا



اصبت واجدت إستاذي الفاضل لله درك

لك اجل التحايا

[المشرف العام]

شاعرنا الراقي عبدالكريم بن خزيم
جزاك الله عنا وعنهم خير الجزاء وبارك الله فيك على هذا الشعور النبيل
صح السانك ممد بلا عدد
خالص التحايا لسمو شخصك النبيل

[نهير النمش]

ابا ابراهيم

ياسلام عليك يالجزل نعم لقد ابدعت ومررت بكل الجروح
صح لسانك وطاب فالك وبيض الله وجهك ووفقك لكل خير

تقبل كل الود
:gtre ::gtre :

[غالب الشلاقي]

الشاعر عبدالكريم الخزيم

صح لسانك وعلا شانك

لاهنت

[أبو كادي]

تسلم أبو ابراهيم وصح لسانك ملايين وبيض الله وجهك على هالإبداع الجميل لاهنت يابعدي
وأسأل الله لك وللجميع التوفيق لكل خير دنيا وآخرة يارب.
تقبل فائق أطيب تحياتي،،،

[ابو عواد]

عبد الكريم الخزيم
صح لسانك وعلا شانك يالشهم
تقديري لجنابك

[الكيبورد]

الشاعر عبد الكريم الخزيم
كفو والله بيض الله وجهك
صح السانك مليار
تحياتي وتقديري لك

[نواش]

شهم يالنشمي عبدالكريم بن خزيم
صح السانك الف
تحياتي لك

[مفوز التبيناوي]

أخي/ عبدالكريم الخزيم،، أشكرك على هذا الاحساس والشعور بالمسئوليه واختيارك موضوع السّاعه، لاهنت.

[قمرا سماه]

ابياتك تلامس الاحاسيس
دمت ودااام هذا الابداع

ودي

[متعب الشمري]

الجزل // عبدالكريم

صح لساااانك على هذا النص الشاااامخ
والله لايهينك على هالنص

والله يصلح الاحوال

[طلاع الزميلي الشمري]

عبد الكريم الخزيم
صح لسانك على الشامخه ايه الشاعر الشامخ
اخونا وشاعرناالغالي
أن الله تعالى أقسم بصورت العصر
وَالْعَصْرِ(1) إِنَّ الإِنسَانَ لَفِي خُسْرٍ(2) إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
من الرئس للمريوس
من لايطبق دين الله وشرعه وسنت نبيه صلى الله عليه وسلم
لقد ضل ضلالً مبين وخسر بالدنيا الاخره
الله يهدي المسلمين لدينه وسنة نبيه وان يحعل كيد عدوالدين واللمسلمين في نحره
ويدحر اعدا الدين والمسلمين انه على كل شئاً قدير
لك كل التقدير
حفظك الله

[عويد المغيليث]

الشاعر عبدالكريم الخزيم
صح لسانك يالغالي
ونسأل الله ان يرفع الغمه عن الامه
لاهنت يالغالي

[عبدالعزيز بن بليهد]

مشاعر اخويه انسانيه طيبه جزاك الله خير

الله يزينها ويفرجها على المسلمين