ارشيفيات

[متعب الشمري]

هذه بعض القصائد القديمه وفيها اول قصيده كتبتها بالشعر . والقصائد
فيها الحب - والعتب - والفراق - والخيانه .

اترككم معها عساها تنال على رضاكم

(( فتيل المحبة ))



البارحه يوم كلن راقدٍ فكره=وانا فتيل المحبه مشعلٍ قافي
ماهي سهر حبتٍ ولا بعد سكره=الا كما قلت حبٍ طاوي لحافي
وكله من اللي وصوفه يتعبٍ ذكره=آية جمالٍ حشى ماتوفي اوصافي
لأن الحلا والغنج والملح في وكره=لا الطول طولٍ ولا بالجسم نحافي
وليا مشت إختها وهي إختها تكره=ماوده الخلق تحكيبه وتنافي
جمالها يبهر اللي للنساء يكره=لو هو مطوع تغزل واظهر الخافي
نعمه من اللي علينا واجبٍ شكره=لجله احب الأصابع عكس بخلافي

[متعب الشمري]

(( انتهينا ))



انتهينا يابعد عمري انا=وانتهت ذكرى الليال الماضيه
وإبتدا مشوار حزني من هنا=وانتهت رحلت محبٍ حاضيه
الشقاء مشوار لي هم وعنا=والفرح ممسوح برضن فاضيه
السموحه حضي الباقي دنا=قسمتي ماراح وادري قاضيه
ارحلي معك السعاده يا(...)=واتركي متعب وروحي راضيه

[متعب الشمري]

(( قسوة زمن ))





حان الوعد للسفر يازين=مضطر اوادع ولا اشوفك
قسوة زمن سافرتبي وين=حطت بي الخوف من خوفك
يمكن يطول الغياب إسنين=واحط لومي على اظروفك
اجلس ودمعي على الخدين=والعين تبكي على شوفك
وان شان وقتي علي بعدين=وابعد طيوفي عن طيوفك
خوذي وعد والوعد يازين=لنقش بقلبي انا حروفك

[متعب الشمري]

(( يكفي عتاب))


عجزت المّح بالقصايد والاشعار=بكتب قصيدي واتركه تحت بابك
ابيك تفهم مقصدي وأنت تختار=تستقبلاً باهلاً هلا ياهلابك
ولا بلا استقبال يكفيني اخبار=لاجتني علومك يزيد الهوا بك
يكفي سنينٍ عشتها سر واجهار=من الطفوله لين صفوت شبابك
بني احبك حب والحب جبار=حكم على نفسي احبك وهابك
خايف اصارح واكوي الجرح بالنار=بأنك تباعد تجرحٍ في صوابك
وينك ترى حالي من البعد تنهار=انا دخيلك بس !! يكفي عذابك
تعبت المّح بالقصأيد والأشعار=بي مردك لايطوّل بابك

[متعب الشمري]

(( جيت المكان ))


جيت المكان اللي جلسنابه اسنين=جيته ولا شفتك تمرين حوله
حسب الوعد جيتك تحت رجمت الطين=بعد الغياب اللي تحملت طوله
وقفت به ساعات والناس نيمين=متحرين يازين وعد الطفوله
بس انتظر وقول من وين تلفين=لين اشرقت شمسه ولا شفت زوله
وعاوتله مرات وسهربها لين=ضاقتبي الدنيا على عرض طوله
وقررت انا اسئل وانشد الناس هي وين=ورد الصديق وقال يابن الحموله
ترى الحبيب بشهر سته من الفين=يُذكر تزوج والبشر لي تقوله
بأول سنه من روحتك جاه زوجين=وتزوجت ذاك الغني في عجوله
دنقت وانا دمعتي داخل العين=واقفيت والدمع يتسابق نزوله
اذكر تقول انه على العهد والدين=مصدوم يادنيا بحب الطفوله
ورجعت للغربه عقب هم همين=مدري غصيبه او ضفر بالبطوله

[متعب الشمري]

(( بلا معنى ولا عنوان ))



نزل دمعي على خدي وانا حالي تبكيني=لأني عايش الغربه لأني عايش الحرمان
أنادي دنيتي لحظه أنادي تايه اسنيني=اساهر ليله القمراء أراقب نجمي السهران
ادور قصتي وينه ادور من يواسيني=غريبه حالتي مره كأن الهم لي عنوان
مثل شخص ٍمع الغربه يعيش الهم هميني=بلا موطن يدورله اوناس ٍتعتبر صدقان
أو اني زي ماطفلٍ تشبّه حالته فيني=وعى يبكي بموت أمه يدوّر هالحنان الآن
ترى حالي مثل حاله طلبتك لاتخليني=احبك أعشقك أهواك انا ترني انا الولهان
أشوفك حلمي الساهر حبيبي يانظر عيني=انا عندي طلب واحد اذا انتا تحب انسان
تقلي انت ياعمري حياتي انت وسنيني=ترى تضحك لي الدنيا لو إني بغربة الأوطان
انا عمري بلا صوتك ترى ماله عناويني=كتابٍ تاركه راعيه بلا معنى ولاعنوان

[متعب الشمري]

(( الاسير ))



ضاق الصدر وانهال قافي للحضار=كل ماتذكر يوم ماضي نهاره
ايام كنا نجتمع ليل ونهار=ونقضي على الافكار ف وسط حاره
واليوم دار الوقت والوقت دوّار=وابعد بعيد الزين عني بداره
وانا قضيت الوقت مستنّا الاخبار=عل الرساله ماتعثر مساره
خوفي هل النمّه رديين الاذكار=ولا بربي جيتها وسط داره
وقول له وشفيك يازين وش صار=مابين هالثنتين الافكار حاره
من غيبته عدي على صالي النار=امازح العالم بضحك استعاره
بوصافها تحتار زينات الاشعار=ماله شبه عدى القمر في مساره
في عينها تقتل عيون الف حضار=وفي رمشها ترمي سهوم الخساره
صرت الاسير بنظره وصار ماصار=معزول عن دنيا السعاده خساره

[متعب الشمري]

(( الخيانه ))

هذا الطريق اللي يسرك ويرضيك!=روحي وانا بفرح بُعدك وفرقاك
دام الخيانه غيرت ساس ماضيك= يحرم حرامٍ حرم ممشي ورى اخطاك
يكفي كفاني ماظهر من مواريك=في مامضى ماضي من الوقت وياك
ليّا كرامه ماتنازل انا ارضيك=بعز نفسي وتناسى وابى انساك
حتى ولو جابو مع الناس طاريك=لاصد بذني غصب مسمع لطرياك
دامك مشيتي درب مظلم ومقديك=عزت علي نفسي وخليت ممشاك
ماهو بنا اللي يالكذوبه يراضيك=ولّي عسى تلقين مثلك ويرضاك

[متعب الشمري]

(( لانسم الغربي ))



لانسم الغربي وذعذع هبوبه=زادت على قلب المعنا بلاويه
خص العصر وايلين حزت غروبه=والنفس تسجن من همومه وتأويه
ذكرى تذكرني زمان ٍ حكوبه=وقتٍ مضى ياناس محلا حكاويه
وذكرى تذكرني زمان اللعوبه=اللي سواد الوقت راسم مساويه
وذكرى تذكرني زمان الحبوبه=اللي مكانه بين الإضلاع حاويه
احاول انسى وترك الحب نوبه=ويِرجع هبوب عصير يمي ملاويه
ما اقول لا تسرح ولاهي بتوبه=إسرح وخل الجرح تكبر مكاويه
من خلقت الدنياء وهاذي عيوبه=الحب داء ولالقينا مداويه
كتمته بصدري وشعري دروبه=واثر الشعر مجبور يكشف بلاويه
واليا اختفت شمسه وبين غروبه=عاودت انا منها وانا الفكر طاويه

[البتول]

صح لسانك وعتلي شانك
قصايد في قمة الرؤؤؤعه والجمال
دام لنا ابداعك وحضورك المميز
احترامي

[طلاع الزميلي الشمري]

هلابك يالعزوي في الرشيفياتك وصح الله السانك كل حلا وذوق يالغالي
كما قال اخينا الشاعر القديرعبد الله المفضلي وعتقد كل الشعار اول مايبدوبالغزل كما بديت ومع مرور الوقت
يكسب الخبره وينوع في قصايده
انت شاعر قدير يالعزوه تملك الجزاله والعذوبه
اتمنالك التوفيق وحليفك النجاح باذن الله
لك كل التقدير
حفظك الله بحفظه

[متعب الشمري]

نعم من الواضح انها قصائد بدايات ومن الواضح ايضاً انها نابعه من موهبه شعريه متدفّقه ماشاالله

نماذج من الشوق واللقيا والامل والفراق والحزن والاعتزاز 0

اي شاعر شاب سيكتب كما كتبت وسيدور في هذا الفلك كما فعلت يامتعب

انت شاعر تملك موهبه ومتمكّن من توضيف المفردات المطلوبه 0

سلمت ودمت بخير0

استاذي عبدالله المفضلي
فعلاً هذي هي البدايات وللامانه لم ارد التعديل عليها لتلميعها
احضرتها بعفويتها كما كانت

شرفني مرورك وتعليقك المميز
كل حرف اشاده منك بمثابة الشهاده لاهنت يا ابو نايف

تقبل تحياتي

[متعب الشمري]

صح لسانك وعتلي شانك
قصايد في قمة الرؤؤؤعه والجمال
دام لنا ابداعك وحضورك المميز
احترامي


خفايا الروح

صح بدنك
والف شكر على مرورك وتشريفك
تحياااتي لك

[متعب الشمري]

هلابك يالعزوي في الرشيفياتك وصح الله السانك كل حلا وذوق يالغالي
كما قال اخينا الشاعر القديرعبد الله المفضلي وعتقد كل الشعار اول مايبدوبالغزل كما بديت ومع مرور الوقت
يكسب الخبره وينوع في قصايده
انت شاعر قدير يالعزوه تملك الجزاله والعذوبه
اتمنالك التوفيق وحليفك النجاح باذن الله
لك كل التقدير
حفظك الله بحفظه

هلا وغلا با ابو طلال
هو في احد يقدر يبداء بغير الغزل هههههههههههههه

لاهنت شرفتني بمرورك وتعليقك المميز
ودي لك

[المشرف العام]

شاعرنا القدير متعب الشمري
تسلم يمناك لاعدمناك
خالص التحايا لسمو شخصك النبيل

[محمد الذرفي]

كشكول رائع يابن العم
سلمت ودمت لك كل الشكر

[احمد الجريفاني]

روائع روائع روائع
من اروع
سلمت وغنمت يا الجزل
اسمى التحايا

[نهير النمش]

الجزل متعب الشمري

من البدايه إلى ماله نهايه وانت مبدع
الف صح لسانك استمتعت بكل القصايد
شاعر قدير ومتمكن وجزل الله لايضرك

تقبل كل الود

[مشعل عسام التريباني]

اخوي متعب انت شاعر موهوب
ماشالله تبارك الله الله لايضرك
الحقيقه انها بدايه رائعه وموهبه
جليه شكرالك يامتعب على هذا الابداع

[عويد المغيليث]

ارشيفيات رائعه
صح لسانك يالغالي
وسلم بنانك
لاهنت يالغالي

[قمرا سماه]

يـمـكـن يـطــول الـغـيـاب إسـنـيــن
واحـــط لـومــي عـلــى اظـروفــك
اجـلـس ودمـعـي عـلـى الـخـديـن
والـعـيــن تـبـكــي عــلــى شــوفــك


قصائد جميلة جداً
اتحفتنا بهذه الرواااائع

يعطيك الف عافية
ودي

[بهلول الزميلي]

صح لسانك من اجود البدايات بالقصيد ومع الممارسة والخبرة تكون اقوى من البداية تحياتي

[متعب الشمري]

شاعرنا القدير متعب الشمري
تسلم يمناك لاعدمناك
خالص التحايا لسمو شخصك النبيل

الغالي ابو غازي
لاهنت على مرورك وتشريفك
اجل التحايا والتقدير

ودي

[متعب الشمري]

كشكول رائع يابن العم
سلمت ودمت لك كل الشكر

محمد الذرفي

هلا وغلا بابن العم
لاهنت على مرورك وتشريفك
ودي

[متعب الشمري]

روائع روائع روائع
من اروع
سلمت وغنمت يا الجزل
اسمى التحايا

الغالي
احمد الجريفاني
لاهنت على مرورك وتشريفك

اجل التحايا

[متعب الشمري]

الجزل متعب الشمري

من البدايه إلى ماله نهايه وانت مبدع
الف صح لسانك استمتعت بكل القصايد
شاعر قدير ومتمكن وجزل الله لايضرك

تقبل كل الود

الغالي نهير نمش

صح بدنك والله لايهينك على كل حرف
شرفتني واسعدتني بطلتك البهيه

اجل التحايا

[متعب الشمري]

اخوي متعب انت شاعر موهوب
ماشالله تبارك الله الله لايضرك
الحقيقه انها بدايه رائعه وموهبه
جليه شكرالك يامتعب على هذا الابداع

مشعل التريباني

شرفتني بمرورك وكلامك وسام يا ابو عبدالرحمن
لاهنت

اجل التحايا

[متعب الشمري]

ارشيفيات رائعه
صح لسانك يالغالي
وسلم بنانك
لاهنت يالغالي

عويد المغيليث
صح بدنك
ولاهنت على مرورك وتشريفك
اجل التحايا

[الغريبة شوق]

فعلا روااائع

صح قلبك يا متعب

ودمت مبدع

[مفوز التبيناوي]

أخ/ متعب شكراً على هذا الاهداء وهذا الكرم، قصائد جميله رغم قصر بعضها، لقد شاركناك ذكرياتك الجميله. لاهنت.

[متعب الشمري]

يـمـكـن يـطــول الـغـيـاب إسـنـيــن
واحـــط لـومــي عـلــى اظـروفــك
اجـلـس ودمـعـي عـلـى الـخـديـن
والـعـيــن تـبـكــي عــلــى شــوفــك


قصائد جميلة جداً
اتحفتنا بهذه الرواااائع

يعطيك الف عافية
ودي

قمرا سماه
لاهنتي على مرورك وتشريفك
والله يعافيك يارب
ودي

[متعب الشمري]

صح لسانك من اجود البدايات بالقصيد ومع الممارسة والخبرة تكون اقوى من البداية تحياتي



خالي شرفتني واسعدتني بمرورك

لاهنت يارابو نواف

ودي وتحياتي

[متعب الشمري]

فعلا روااائع

صح قلبك يا متعب

ودمت مبدع


الغريبه شوق
شرفني مرورك واسعدني
اجل التحايا

[متعب الشمري]

أخ/ متعب شكراً على هذا الاهداء وهذا الكرم، قصائد جميله رغم قصر بعضها، لقد شاركناك ذكرياتك الجميله. لاهنت.


مفوز التبيناوي
اسعدني وشرفني مرورك
لاهنا على هذه المشاركه

اجل التحايا