ابــــــــــــــيات عن قــــــــــــصائد

[احمد الجريفاني]

وددت ان اطرح هذه الفكرة لعلها تروق للجميع
هنالك ابيات (وقد يكون بيتا واحدا) خلدها الزمن
او اعتبرها من قرأ قصيدة للقدماء او المحدثين
ابياتا خالدة , وذالك لقوتها وتاثيرها في نفس المتلقي
احيانا نقتبس بيتا او بيتين من قصيدة شاعر او شاعرة
وقد يتفاوت الاقتباس من فرد الى آخر حسب تأثر المتلقي في الابيات المقتبسة
وهنالك مقولة قديمة حديثة وهي (بيت القصيد) وهو البيت الذي يتمكن من خلاله الشاعر او الشاعرة
من اختصار ما يصبوا اليه في القصيدة في بيت واحدكما اننا هنا سوف نثقف انفسنا والاخرين بطرح ابيات قد لايعرف البعض قائلها او قائلتها وعند ادراجها هنا باسم الشاعر او الشاعرة فاننا حتما ثقفنا انفسنا وعمت الفائدة
ارجوا ان تلاقي هذه الفكرة استحسانكم وتفاعلكم وأن لايكون ردود هنا فقط نضع بيت الشعر لكم الشكر سلفا .

[عبدالعزيز بن بليهد]

يامل قلبٍ والروابع تمسه=مست حبال مهاوزات الاضله
طس السبيل من اصفر اللون طسه=الشاورى يجلى عن النفس عله
من كيس قرم ضارىٍ مايدسه=تلقاة مقروط على جال دله
لو عندنا من غيب الايام رسه=الادمى مصلوح نفسة يدله
لاشفت ضول الناس بالك تعسه=وان جنبك شر المخاليق خله..!
ياللة ياللى كل درب تجسه=عقد البلش غير انت ماحد يحله
تفرج لمن مثلى زمانة يرسه=علية من قرب الرفاقة ممله
البوم يفرس والاسد صار بسه=وتغيرت دنياك يافاطنله
سبح الفلا جاب الضوارى بحسه=والصلح من فرق الغنم ماحصله
لاصار عن خصمك سلاحك تدسه=ماينقعد لك فى حضون المذله..!



الشاعر محمد بن مهلهل الشعلان رحمه الله

[أبو عارف]

شكراً لك ابو فراس على هالمقترح الجميل بارك الله فيك.

أبيات راقت لي/ للدقيس وأمها:

يـا ونتي يـامـا بكبدي من الجور = ونة ضعيفٍ ضـاهـدينه رفـاقـة
ودِّه سمر قلبي ورا مشّة الزور = سمر الحديد اللي جوادٍ حلاقة
---------------------------------------------------------------------------------
سمعتها أمها تردد الأبيــات فبادرتها قائلة محذرة لها من العشق و أللاعيب الرجال :
--------------------------------------------------------------------------------

برقٍ يجنّب عنك لو كان به نور = بالك تخِيله لو ربيعك شفاقة
ترى الرجـال بهم تمازيح وغرور = ومن قبل بخصه لا يجي لك عشاقة

الدقيس بادرة أمها بقولها:

من لاستشارك لاتباديه بالشور = ومن لايودك نور عينك فراقه

تقبلوا :bfghjkl :

[عبدالعزيز بن بليهد]

هذه احدى قصائد الشاعر الأمير

:

:
عبيد العلي الرشيد وقيل انها لعبدالله
:
وهي من اشهر قصائده وقصائد موروث الجزيره الشعبي

وتحمل الكثير من الابيات الحكيمه والجميله . . . وصارت مضربا للامثال

يقول :


القلب من كثـر الهواجيـس قـزّان=ما يستريح من الدهر ربـع ساعـة
يا غافر الزلات يا والي الاحسـان=تجعل من التقوى لنفسـي بضاعـة
أنا على لان و ربعـي علـى لان=متخالـف رايـي و راي الجماعـة
مانيب شاري غير بت من الضـان=يقنع باشراك البهم فـي ارضاعـه
أنا ولـد علـي سلايـل كحيـلان=و ربـي خلقنـي للسبايـا وداعـة
الناس ما تسقيك لا صرت عطشان=ولا يشرب المظمي حذا من ذراعه
اضرب على الكايد لا صرت بحلان=و عند الولي وصل الرشا و انقطاعه
عيبن على اللي يتقي عقب ما بـان=و عيب طمان النفس عقب ارتفاعه
اما تجي بعقود حـص و مرجـان=ولا فهي لابليـس طـار بشعاعـه
واطرابة الدنيا مـع الفجـر دخـان=واكرارةٍ باطراف خطو الصعاعـة

[نهير النمش]

شكراً ابا فراس

متصفح قيّم جداً يسلم فكرك ايه الفاضل الجزل

بيت اسمعه اظنه للشيخ الفارس / سعدون العواجي

شبراً من البيدا يعوضك بالافزاع=وسود الليالي يبعدنك عن الضيم

تحياتي

[هوجاس]

كل الشكر والتقدير لجنابك الراقي على هذا الإقتراح الجميل ابا الفراس
ومن خلال هذا المتصفح سوف نسفيد جميعاً ان شاء الله ونطور منتداتنا للأفضل

هذا بيت اعجني كثيراً لقوته من قصيدة للشاعر الإسطورة عبدالله المفضلي




الإعتراف




أرتبشت وعشت أنا في معمعـه=ودي أثبت لاكن أعصابي تخون

[احمد الجريفاني]

هذا البيت لشقيقي عبدالعزيز (شاعر الجبلين)


لاصار ما نزعل ويزعل علينا=نصبح كما نصلة جفيرِ بلا سيف

[المشرف العام]

يامل قلبٍ والروابع تمسه=مست حبال مهاوزات الاضله
طس السبيل من اصفر اللون طسه=الشاورى يجلى عن النفس عله
من كيس قرم ضارىٍ مايدسه=تلقاة مقروط على جال دله
لو عندنا من غيب الايام رسه=الادمى مصلوح نفسة يدله
لاشفت ضول الناس بالك تعسه=وان جنبك شر المخاليق خله..!
ياللة ياللى كل درب تجسه=عقد البلش غير انت ماحد يحله
تفرج لمن مثلى زمانة يرسه=علية من قرب الرفاقة ممله
البوم يفرس والاسد صار بسه=وتغيرت دنياك يافاطنله
سبح الفلا جاب الضوارى بحسه=والصلح من فرق الغنم ماحصله
لاصار عن خصمك سلاحك تدسه=ماينقعد لك فى حضون المذله..!



الشاعر محمد بن مهلهل الشعلان رحمه الله

الحقيقة اعجز عن شكرك ابا الفراس
دائماً سباق للجميل وللمفيد بنفس الوقت لنا حنا يا اعضاء وعضوات الشبكة
أو زوراها بارك الله فيك واكثر الله من امثالك
لاحظت ملاحظة بسيطه ولعل اخي الكبير ابو محمد
لم ينتبه وقراء الموضوع على عجله وانزل قصيدتين كاملتين هنا والمطلوب من الفكره أصلاً يكون بيت ولايزيد عن بيتين
معجب فيها ناقلها للشاعر فلان بن فلان مثلاً
كي نتعرف على البيتين ونعرف من شاعرها ولا نطيل على القاريء والزائر المتابع
هذا مااحببت توضيحه هنا للجميع
وعساكم على القوة يالنشامى والنشميات

[الرحـــال]

كـــل الشكر اخونآ أحمـــد آلجريفآني ع هذه آلفكـــره الطيبه

هنآ ابيآت للشآعر محمد بن أحـــمد السديري لمآ فيهآ من حـكمه وتجربه

لولا الهرم والفقر والثالث الموت = يا الآدمي بالكون ياعظـم شانـك
صخرت ذرات الهوا تفهم الصوت = طوعتها اطوع من تحرك بنانـك
جماد تكلمها وهي وسـط تابـوت = تعطي وتأخذ ماصدر مـن بيانـك
وعزمت من فوق القمر تبني بيوت = من يقهرك لوهو طويـل زمانـك
لولا الثلاث وشان من دبر القوت = نفذت كـل اللـي يقولـه لسانـك



تحيتي ,,

آلرحـــآل

[الغريبة شوق]

متصفح رائع

شكرا لقلبك بو فراس

دايما سباق لكل ما هو جميل كجمال روحك

---

[نهير النمش]

مزحك مع اللي ماتعرفه سماجه=وبضاعةٍ ماتنعرف مالها سوق

لو كــل مرضانٍ توفــر علاجه=مالاعة الدنيا ولا مات مخلوق

وان ضاق صدرك بين همٍ وحاجه=لاتبدي اسرارك على غير ماثوق


حسب معرفتي انها للشاعر مفرح الضمني رحمه الله

والله اعلم

[الجمش]

ياعل قصر(ن) ما يجيله ظلالي=ينهد من علي مبانيه للســــاس

محمد الاحمد السديري رحمه الله

[ابو ركبه]

حسايف يازمن ماعاد باقي في الزمان اصحاب=على حسب المصالح كل واحد يحسب حسابه

لااعلم من القائل
دمتم بود

[نهير النمش]

القلب عن طرد الهوى مايتوبي=لو تاب يلقاء من يرده بعمياه
الله لايرزق خطاة الكذوبي=اللي يرد العلم من دون ملفاه
بصري الوضيحي رحمه الله

[نهير النمش]

الردى بعد السماء عن مدهلي=ما تعلمت اجــزي الطيب بقبيــــح

شمت عنك ابي المراجل منزلي=وفي ضلوعي شايب عيا يبيـــــح

مأعتلي بالشعر هو بي يعتلي=دام ميزاني بحسادي رجيــــــح

لا تصدق في حصانك يا جملي=كنت انا وما زلت وابطي لك نصيـح

الأمير / طلال العبدالعزيز الرشيد رحمه الله

[نهير النمش]

ذهـايب الـذود راحت مع ذواهيب قوم=لاصـار لك الف قوماني فلك الف بيت
ترى اصعب الموت موت يذبحك كل يوم=واصعب حياتك تعيش وانت جواك ميت
اوآآه يـاطـول عمري لاحسبت الهموم=يـاكـني اكبر من الدنيا ولاقد شكيت

الأمير / طلال العبدالعزيز رحمه الله

[أبو عارف]

:alm :


نطيت رأس الشوحطة من وطنا = الشوحطة ياوي والله طويله
وطالعت بيوت بالخريزة تبناء = وبخصتهن يا ياه ماهي مخيله
وسمعت حس صويحبي يوم غنا = هو حس مذهان ولاهو بديله

لا أعرف صاحبة الأبيات ولكن الشوحطة هي أطول قمة في جبل جرغ الواقع شرق مدينة موقق .

[نهير النمش]

كنه ليا سولف وسلهم بعينه=طفلٍ يغني لك وبعيونه النوم


لاأعرف لمن هذا البيت....

[مشعل عسام التريباني]

اخـــــو عبيد اليا رقدركل منزوع = اسهر اليا نامت عيون السرادي
القلب مصموعٍ وبالكف قاطوع = مهي سوالف رقصتك يابو هادي

الامير الفارس الشاعر\ عبدالله العلي الرشيد يرحمه الله

[مشعل عسام التريباني]

العـــــــــــنك يارجلٍ بدارٍ تلزيت = مقلوبٍ اسمك مودعٍ ســــــــــرمداني


الفارس والشيخ مغير بن غازي يرحمه الله

[مشعل عسام التريباني]

ترمقعدك بالعزلو ربع ساعه = يسوى حلالٍ عايشينٍ به انذال


الشاعر الفارس خلف ابو زويد على ماعتقد

[مشعل عسام التريباني]

الناس ماتسقيك ياصرت عطشان = ياصار ماشرب الفتى من ذراعه

الامير الفارس الشاعر \عبيد العلي الرشيد يرحمه الله
كذلك له ايضا


هو وش يحرم دمهم بالضحيه = وحنا يحلل دمنا برمضاني

[مشعل عسام التريباني]

واشيب عيني واهني البهايم = ماميزت درب القدا من عواجه
هنيت دبٍ طـــــول الايام نايم = ماله سوى ماحط بالبطن حاجه
شبنا وحنا مثل ســـود اللثايم = ماضال من حاجاتنا ربع حاجه

الفارس الشيخ مغير بن غازي يرحمه الله

[نهير النمش]

يوم ثـار الدخـن وارتجفنـا=وانتخينا بخطـوا الفروعـي
ما صديقك يطيـح بحظفنـا=والهنادي تقـص الضلوعـي

الامير / حمود العبيد الرشيد رحمه الله

[احمد الجريفاني]

شكرا جزيلا على تفاعلكم
دمتم بخير

[أسيرالوفاء]

والنفـس خـالف رأيهـا قبل ترميــك ... تـرى لها الشـيطان يرمـى بالإهــلاك
ومن بعد ذا لا تصحب النذل يعـديك ... وعن صحبة الأنـذال حاشـاك حاشاك
ترى العشــير النذل يخـلف طواريك ... وأنـا أرجـى أنـك ما تجـى دون أبـاك
والهفـوة إنـك ما تجـي دون أهاليك ... ولا ظــن عـود الــورد يثمــر بتبنـاك
الشـــريف بــــركات

[نهير النمش]

ياللي طلبتم نبذةِ من قصيدي=عن واقع المعقول لاانقص ولاأزيد
أناغرامي وانبساطي وعيدي=تفريعة القرناس بأرض بها صيد

الشاعر الكبير / بدر الحويفي

[مشعل عسام التريباني]

تقولون الدنيا تغيره وهي ماتغيره = هذي هي ايامه وهذي لياليه

تغــــــــيرتو انتم يامشاورت النسا = ترو المره مايســــنعنه دلايله


الشاعر\ عومان بن غصن التريباني يرحمه الله

[مشعل عسام التريباني]

اخير منها ركعتين بالاسحار= ياطاب نوم اللي حياته خساره


الشيخ \ بن هندي العتيبي يرحمه الله

[مشعل عسام التريباني]

المسعد اللي ماسرى الليل حشاش = عقب الحيا يضرب على كل منقود

ترلذة الدنيا معاميل وافــــــــــــراش = وصينيتن يركض بها العبد مسعود


الشيخ الفارس \ مشعان بن هذال العنزي يرحمه الله

[مشعل عسام التريباني]

وانجري اللي بادين به وهومي = يضيع حسه مع ثلومن بدت فيه
من عقب ماهو ياطلقنه بهومي = قنيب ذيبٍ مفلسٍ من معاديه
يفرح به اللي قاعدٍ عقب نومي = مابه رقاد ولا لقا من يحاكيه

الشيخ فدغوش بن علوي يرحمه الله

[عبدالعزيز بن بليهد]

لا تأخذ الدنيا خراصٍ وهقـوات=يقطعك من نقل الصميل البرادي

لك شوفةٍ وحده وللناس شوفات=ولا واديٍ سيله يفيض بـوادي

عبدالله بن سبيّل

[احمد الجريفاني]

من نظمي
لاهل دمع العين يمسح بمنديل=حتى يجف او ياقفن الدموعي
لكن دموع القلب لاجن هماليل=ما يوقفنه ناحلات الضلوعي

[محمد طاري الذرفي]

اخير منها ركعتين بالاسحار= ياطاب نوم اللي حياته خساره


الشيخ \ بن هندي العتيبي يرحمه الله

الله لايهينك على النقل ولكن البيت هذا من قصيده للشيخ تركي بن حميد رحمه الله

[محمد طاري الذرفي]

اشكرك إستاذي احمد على هالفكره ... واتمنى لو نكثّف من ابداع شعراء وشاعرات نشاما شمر .

وهذا البيت من هواجيسي .


الياذكرت اسمك نسيت الكون والناس اجمعين = واليا نسيت اسمك ذكرت اني فقدت الذاكره

[درويش]

صح السنتكم يالشعراء