من ادانوه (عاشق) مايكمّل عشاه

[احمد الجريفاني]

يسالونك عن اشعاري وهل من جديد ؟=وين شعر الجريح اللي غرق في هواه

يسالونك يحسبون ان قلبي حديد=لا كساه الصدا يشرف على منتهاه

قل لهم يا نديمي جعل عمرك مديد=ان شعري يبي له جو صافي سماه

القصيده تبي متفرغن للقصيد=تبي منهو ليامن شال شالوا معاه

تبي منهو يجي وقته على مايريد=لانوى يسهر اصطفت (00000 ) وراه

تبي شخصن مدلل يملك اكبر رصيد=ولد نعمه وكل الناس تطلب رضاه

ماتبي له موظف قيدوه الف قيد=لاسهر للقصيده حاسبوه امدراه

الموظف مثل حالي ماهو مستفيد=لو تقاعد مبكر راتبه ما كفاه

يا عزيزي ترا فكري طريدن شريد=انت عاصرتني وتعرف داه ودواه

عالمن عايشينه له طرازن فريد=من ادانوه عاشق مايكمل عشاه

الحيارى يعذبهم تمغناج غيد=والعذارى يموت احساسهن با العباه

للذي مثلنا مافيه شين اكيد=غير منهو تمنى مايحصل مناه

[المشرف العام]

ابا الفراس
اســــــــــمح لي ان اطلق عليها مسمى ملكة القصائد وشيختهن
صح كلك ياعزوتي
خالص التحايا لسموك

[عويد المغيليث]

الشاعر القدير احمد الجريفاني
سلم بوحك
وطابت روحك
كلك حلا ياابوفراس
دمت كما تحب

[هوجاس]

الله عليك شاعرنا الكبير احمد الجريفاني
سلم بوحك الراقي استاذي وصح السانك
ودي لك يسبق ردي

[أبو عارف]

:qwe : ابو فراس

شكراً لك على هالتحفة الرائعة كعادتك مبدع في جميع أغراض الشعر مع تحفظي على بعض ماذكرت في ثناياء هذه القصيدة الجميلة بارك الله فيك.

الحاجة والمعاناة هي التي تفتق الحيلة وتوجد القصيدة الجميلة أما الرصيد والنعمة فهما من أسباب الغفلة والترف والإنشغال في ملذات الحياة إلا من رحم ربي.


تقبل فائق تحياتي وإعجابي العالي يالغالي:qwe :

[مشعل عسام التريباني]

الله الله الله
ماروعها ياخوي احمد
قصيده رائعه جدا ولاغرابه
من الجريفاني ان ياتي بمثل
هذه الرائعه صح لسانك

[نهير النمش]

عملاق الشعر وشاعر الحب والعذوبه / احمد الجريفاني

صح قلبك وفكرك ولاهان راسك ودام هطول شعرك الجميل

لاعدمنا وجودك ولاصوتك والله يديم هذا التوهج الشعري الجزل

تقبل كل الود

[احمد الجريفاني]

الغالي ابو عارف
انت فهمت القصيدة سطحيا فقط
اقدر تعليقك
واجبرتني شرح ما في بطن الشاعر
نعم القصيدة تاتي من معاناة
لكن الشاعر الفقير الذي يعاني وتسهره القصيدة لكتابتها سوف لن يقوم الصباح للدوام فيفصل من العمل
هل وصل جز من الفكرة يا الغالي ؟

[شايب كويس]

تبي منهو يجي وقتـه علـى مايريـد
لانوى يسهر اصطفت (00000 ) وراه


شاعر عذب .. وقصيدك كلوه حكم قبل الغزل .. لافض فوك يالجريفاني .. صدقت

[طلاع الزميلي الشمري]

ماقـــــــــــــــــــــــــــــول
لدكتور الشعرالأ
ممممممممممممليوووووووووووووووووووون
صصصصصصححححححححححححححححححححح
لسسسسسسسسسسسسسسسسسسسسسسسسانك
عذب وجزل لله درك يالعزوه
لك كل التقدير
حفظك الله بحفظه

[متعب الشمري]

ماتـبـي*لــه*مـوظـف*قـيـدوه*الــف*قـيـد
لاسـهــر*للقـصـيـده*حـاسـبـوه*امـــدراه

جميييييييييييييل يا ابو فراس بكل شي
لاهنت على هذا الابداع
ودي واعجابي

[محمد الذرفي]

ابدعت وانتعت يالجزل لله درك
دمت بخير

[سـالم الشمري]

ماتـبـي لــه مـوظـف قـيـدوه الــف قـيــد.....لاسـهــر للقـصـيـده حـاسـبـوه امــــدراه

اي والله انك صدقت يالنشمي ذكرتنا ايام الجامعه لا سهرت على قصيده وسحبت على الاختبار
وكليت هوا ههههههههههه عاد الله يقطع القصيد ما يجي الا على فراش النومه

مبدع يابو فراس وصح الله لسانك يالغالي

تحياتي واعجابي..

[أبو كادي]

عزيزي الشاعر / أحمد الجريفاني
تسلم وصح لسانك لاهنت ابيات رائعة جداً وفقك ربي ورعاك.
تقبل فائق أطيب تحياتي،،،
:gtre ::gtre :

[احمد الجريفاني]

شكرا للجميع
على الردود الرائعة
والاحساس الاخوي الدفاق
دمتم باجمل حال

[صدمة الأيام]

يسلم راسك شاعرنا البارز والمميز ابو فراس

صح لسانك واعتلى شانك

[بهلول الزميلي]

شاعرنا الفاضل صح لسانك بلا عدد مبدع بكل حالاتك قصيد ينتج من واقع تجربة وخبرة حقيقيه ليسى وهميه ماشالله عليك وعلى فكرك وقلبك سلمت ودمت يالجريفاني 00 000 تحياتي واشواقي لكم ,,,