الطيب ضايق ودّه اليوم مخراج

[عبدالكريم بن خزيم]

-(( الطيب ضايق وده اليوم مخراج ))-



كيف ارتفع في وقتنا كم هلباج=وذلوا رجال ٍ ياجماعه كريمين
والطيب ضايق ودّه اليوم مخراج=وصار البخل محمود عند اللئيمين
وبعض العرب في وقتنا دون منهاج=واهل الردى ياكثرها صارت تبين
كيف الغني في هالزمن صارمحتاج!=يأخذ لو انه في حسابه ملايين
محروم عايش في متاهات واحراج=من شاف لبسه قال وشفيه مسكين
يسبح على بحر المذّلة بالأمواج=وفي موتته حتى عياله سعيدين
ياللي مسكت المال مربوط بأدراج=وش ينفعك مادام عمرك ثمانين
بكرا بتحمل للمقابر على ساج=ويعرض سجّلك ماحوى الزين والشين
واستثني اللي فعلها الدر والعاج=قوم ٍ تصّدق بالخفاء للضعيفين
تعطي ولاهي تملك قصور وابراج=تعرف تقول الدار مابه مقيمين
وترى الحساني راعية توّج بتاج=يجني ثمار البذل محفوظ بعدين
والختم صلوا عد مايحرم الحاج=على محمد خاتم ٍ للنبيين

تقديري للجميع ,,,,,

[احمد الجريفاني]

درة ثمينة
ابا ابراهيم
كل حرف كون كلمة له معنى
سلمت يا مبدع
وصدقت يا رائع

[مشعل عسام التريباني]

-(( الطيب ضايق وده اليوم مخراج ))-



كيف ارتفع في وقتنا كم هلباج=وذلوا رجال ٍ ياجماعه كريمين
والطيب ضايق ودّه اليوم مخراج=وصار البخل محمود عند اللئيمين
وبعض العرب في وقتنا دون منهاج=واهل الردى ياكثرها صارت تبين
كيف الغني في هالزمن صارمحتاج!=يأخذ لو انه في حسابه ملايين
محروم عايش في متاهات واحراج=من شاف لبسه قال وشفيه مسكين
يسبح على بحر المذّلة بالأمواج=وفي موتته حتى عياله سعيدين
ياللي مسكت المال مربوط بأدراج=وش ينفعك مادام عمرك ثمانين
بكرا بتحمل للمقابر على ساج=ويعرض سجّلك ماحوى الزين والشين
واستثني اللي فعلها الدر والعاج=قوم ٍ تصّدق بالخفاء للضعيفين
تعطي ولاهي تملك قصور وابراج=تعرف تقول الدار مابه مقيمين
وترى الحساني راعية توّج بتاج=يجني ثمار البذل محفوظ بعدين
والختم صلوا عد مايحرم الحاج=على محمد خاتم ٍ للنبيين

تقديري للجميع ,,,,,
الله الله الله
ماشالله
تبارك الله
الله يجعلها بموازين اعمالك
هكذا يكون الشعر والافلا
اخوي عبدالكريم الخزيم
قصيده لايعلى عليها من
جميع النواحي شعرونصح
وصراحه نعم اللي مايستقيد
من المال بالحيات اذا مات
ليس له مال يتحول الى الورثه
وربما يعصا الله به فيكون وبالعليه
نسال الله العافيه شكرالك من كل قلبي ا
ايها الشاعر الهرم المميزسجل اعجابي

[طلاع الزميلي الشمري]

الهم الصلي وسلم علنبينا وآله وصحبه
شاعرنا القدير
صح لسانك وعلى شانك
المال اما مع الصالح نعمه ومع الطالح نقمه
ولايحب الخايب على ماله الا الخايب
لك كل الشكر قصيده جزله من شاعر جزل
لك كل التقدير
حفظك الله

[شايب كويس]

ابن خزيم .. صح قلبك وصح كلك يابعدي

[نهير النمش]

اللهم صلي وسلم على نبينا محمد

الجزل عبدالكريم

الف صح لسانك وطاب فالك على هالنص الفاخر الحكيم الجزل

سلمت ودمت بهذا الهطول الشعري العملاق ايه الشاعر الجزل

دمت بخير

[المشرف العام]

شاعرنا القدير عبدالكريم بن خزيم
صح السانك مدد بلا عدد
خالص التحايا لسمو شخصك النبيل

[عويد المغيليث]

كيف الغني فـي هالزمـن صارمحتـاج!
يأخـذ لـو انــه فــي حسـابـه ملايـيـن
محـروم عايـش فـي متاهـات واحـراج
من شاف لبسه قال وشفيه مسكين

انا اشهد انك صادق يالغالي
صح لسانك
وسلم بنانك
ورفع الله قدرك وشانك
لاهنت على هالمعزوفه الرائعه
تحياتي لك

[عبدالعزيز بن بليهد]

اللهم صلي وسلم على حبيبنا محمد وعلى آله وصحبه وسلم

البخل كفانا الله شره والحرمان آفة الاوادم

سلمت وصح لسانك

[أبو كادي]

الشاعر / عبدالكريم بن خزيم
تسلم وصح لسانك لاهنت ابيات رائعة جداً جداً بيض الله وجهك يابعدي.
تقبل فائق أطيب التحايا والتقدير،،،

[عبدالكريم بن خزيم]

ماعليك زود أستاذي

أبوفراس

ولاهنت على مرورك الكريم

تقديري ,,,,,