النذل ماعمره جزع من نذاله

[احمد الجريفاني]

دامك قزم! ما لك مع الناس مقعاد= لا انته من الجرباء ولا بن طواله
ولا العلي ولا من رجالن اجواد=ولا من اللي يكسبون الجماله
انزح ترك حاشي عن البل سر غاد=تر المراجل ما تجي با الهباله
النصح للهافين لو طال ما فاد=النذل ما عمره جزع من نذاله
اسمك ما هو واضح وانا متقن الضاد=ولا يعجبن فيك الكحل والبلاله
تكتب بنكك خايفن يوم تنصاد=ما دمت سافل لا تهاب السفاله
النك ستر لبنت تحتاط نقاد=وللي بهم عز ووقار وشكاله
با الما العكر من حاول يصيد ينصاد=ولا عاش من با التبن بهر دلاله
اركد ترى ما لك كرامات وامجاد=من دور الخيبات والذل ناله
الخيمة اللي ما لها طنب وعماد=ما به ذرى للي يدور ظلاله
تر الجمل ما توجعه قرصة قراد=والناقص اللي ما يثمن مقاله
الاجودي طيبه مع الوقت يزداد =اما الردي يطرب لعلم الرذاله

[المشرف العام]

دمت شامخ القامه والراس مرفوع ابو الفراس
صح كلك وصح السانك مليااااار استاذي

[بتال]

تكتب بنكـك خايفـن يـوم تنصـاد
ما دمت سافـل لا تهـاب السفالـه
النـك ستـر لبنـت تحتـاط نقـاد
وللي بهـم عـز ووقـار وشكالـه
با الما العكر من حاول يصيد ينصاد
ولا عاش من با التبن بهـر دلالـه

لعنت مثوروه يابو فراس
ياكثرهم هالاشكال ولاكن للامنة لاوجود لهم هنا بهالمنتدى ولله الحمد
صح السانك يابعدي

[شايب كويس]

حيل بهم بعد حيي الجريفاني ... هالابيات يبردن التسبد لله درك

[القعقاع]

شاعرنا الكبير احمد الجريفاني
يسلم ثمك وصح كلك فاضلي


‘‘‘‘إإإإحترامي‘‘‘‘

[أخو صرخه]

كفو يابعد حيي انت صح السانك الف
تحياتي لجنابك

[أبو عارف]

:gfdcvh : ذيب وخطيب ولبيب وعجيب ورهيب في كل أغراض الشعر أيها الشاعر الأديب / أحمد الجريفاني :ghj :

كلامك صح 100% المتنكرين من الرجال عليهم أكثر من علامة إستفهام لإن أي شخص يصطاد بالماء العكر تحت أي إسم مستعار يتسبب بالإساءة لجميع هؤلاء المجهولين ويجعل الواحد يشك في أي منهم إنه ما أخفى نفسه إلا لعيب فيه أو من أجل أن يضرب ويهرب شأنه شأن من سمى نفسه ابو تجارب قبل سنوات وذم أهل حائل زور وبهتان بشكل عام وهرب إلى اليوم والناس تبحث عنه وهذا النوع من الناس هم أشر البشر يتعرضون لعباد الله بالإساءة ظلم وبهتان ويهربون كالفئران هؤلاء الأنذال .

أما أنت يا أبا فراس الكلام الصحيح ياجبل مايهزك ريح وماقصرت فيه :vcxf :.

تقبل فائق التحية والتقدير العالي لاهنت:tyiop :

[منيس التويمي]

صح الله لسانك تسلم قصيده جزله

[غالب الشلاقي]

شاعرنا الكبير احمد الجريفاني



صح لسانك وعلا شانك

لاهنت

[بهلول الزميلي]

أبو فراس صح لسانك قصيده رايعه غاية الروعه والموضوع رايع بشكل حاد وكلمات القصيده قنابل عنقوديه تدمر ماتضرب عليه وهو يستاهل يقولون الرجال من أحرج شيء يستاهله 0 وأنت يسلم راسك عالي شاعرنا الفاضل الموضوع اعجبني حيل والقصيده أعجبتي أكثر 0سلمت من كل شر 000 تقبل تحياتي الخاصه لسمو شخصك النبيل أخوي الجريفاني ,,,,

[مفوز التبيناوي]

الله يكفينا الشّر يابوفراس،، شكلك زعلان،ههههههه،، أخي القدير/ أحمد الجريفاني، عندما تنزل نفسك لـ(نكره) فكأنما تمنحه صفة الحضور، وهذا من صالحه،، وبما إنـّــه إختار ليكون كذلك، فهو يستحق أن يبقى هكذا... مع احترامي لمن لديه ظرف خاص للكتابه باسم مستعار مع التزامه بالأدب الذي يميز المنتسبين لهذا الكيان،،، دمت كما تحب.

[نهير النمش]

صح لسانك استاذنا القدير الجزل ابو فراس

لقد اجزلت وادبت هذا الوغد بهذه المفردات الموجعه

سلمت ودمت ولاهنت والله والجبل ماتهزه الريح يالجريفاني

دمت بخير فاضلي

[ابوعبدالله الشمري]

ابو فراس
صح السانك لاعدمناك
تحياتي لك

[محمد الذرفي]

يستاهل سود الله وجه

الغالي ابو فراس

يقول الفقيد طلال

القراده مادرا عنها البعبر

[الشيخ منحاش]

ابو فراس .. صح السانك ملايين ... يابعدي .. عزالله انك غسلت شرعهم غسل بيض الله وجهك

[سكروب عكف]

انا احد منهم خلف معرف مجهول .. ولاكن ياصاحبي اصابعك ليسة مثل بعض
ولاالومك يعلم الله معك حق السفله كثيرين اجلكم الله
صح السانك

[هايدي اليتيمه]

ماقصرت الشاعر احمد صح لسانكـ

وربي يسعدكـ وين ماكنت

كل الشكر والتقدير

[سطم فهد الخليل]

احمد الجريفاني

صح لسانك

اعطيت درس وافي

دمت بخير

[مقبل الدخيل الزميلي]

اخوي الكبيرواستاذي القديراحمد الجريفاني

صح للسانك يابعدي تسلم ولايسلم ردي العزايم الله لايهينك كثرالله من امثالك اكررللمره الثانيه واقول

صح لسانك مدد بلا عدد اخوي على هذه الجزله من شاعرغني عن التعريف لاهنت بيض الله وجهك

تقبل مني كل اللوفاوالمحبه وكل التقديروالاحترام لشخصك الكريم

[احمد الجريفاني]

شكرا احبتي على المرور ورائع الشعور
للمعلومية هذم القصيدة لا اقصد بها احد هنا
بل قلتها قبل سبع سنوات بسبب احد المتخفين تحت اسم مستعار لغرض جلب المشاكل
شكرا لكم مرة اخرى
ومن يعرف با النت جيدا يعرف ان القصيدة قديمة

[قمرا سماه]

ابيات وافية
سلمت شاعرنا العذب

ودي

[احمد الجريفاني]

اختي قمراء
شكرا لك

[عويد المغيليث]

تــر الجـمـل مــا تـوجـعـه قـرصــة قـــراد
والـنـاقــص الــلــي مــــا يـثـمــن مـقـالــه
الاجـــودي طـيـبـه مـــع الـوقــت يــــزداد
امــــا الــــردي يــطــرب لـعــلــم الــرذالـــه

ابو فراس
صح بوحك
وطابت روحك يالعزوة
دمت بخير