ياجماعه شركة ساهر علينا عقوبه في 28\4\1433هـ

[مشعل عسام التريباني]

بسم الله الرحمن الرحيم
الشاعر\ مشعل عسام التريباني الشمري

سافرت بالجمعه والخميس للديره وخالفن ساهرفي مدينة بريده وفي هذه المناسبه كتبت هذه الابيات

((شركة ساهر في 28\4\1433هـ))


ياجماعه شـــــــركة ساهر علينا عقوبه = شــــــاركتنا عيشت الوغدان والحجيّه

كلما شــــافــو رويتبنا نزل عشّــــــــوبه = يلقطــــونه قـبل لاينزل مــــن المــاليه

للظعيّف جــــــايعين كــــبودهم مسلوبه = مــــــــابهم رحمــــه ولابقلوبهم حــنيّه

كلما شــــــافو طعامٍ للظعــــــيف الووبه = لقمـــة المسكــــــين له لــــذه ولابه زيّه

ينهبونه مــــــن يده ويفتشـــــون جيوبه = ولويصـــــير يقطّعون ايديه بالجـــنبـــيّه

عندهم مــــــبدى الظعيّف رزقته منهوبه= كان مـــاراحـــــت بفم الذيب والاخــيـّه

والقوي اللــــــي كـــثير المال ماطمعوبه = القــوي دايم حشيم وغلطـــته منســــــيه

اكلت اموال القوي فيها شــــــوي صعوبه= كيف تقدر تاكل اللحمه مهــــــــي مطهيّه

اكلتن تنشب بعـــــــرض الحلق ماهمّوبه = جنب الشجــــره وتسلم مـن فحيح الحيّه

واليتيم اللي دموعه دايمٍ مسكــــــــــوبه = لقمتن سهله ولاحــــــــــدٍ يستظل بفيّه

لقمت الايتام لقمه عندهم مـــــرغـــوبه = لان لذات الطـــــــــعام قليّله وشــــويّه

وعندهم مبدى الحليب الزين للمغصوبه= ولايصــير الزين در الناقه المـــــــــرعيّه

الظعيّف ينهبونه ماحســـــــبو لذنوبــــه = مايضـــــــــــــر ابطونهم لو ياكلون النيّه

[احمد الجريفاني]

اجل صادوك يابو عبدالرحمن
بس سمعت يقولون ان صديقنا (المقبل )لاشاف صورة المصيود (مطوع )
خفض المخالفة
حنا نتمنا ساهر بحايل ذبحونا ها المستهترين بكل شي ويتموا عيالنا
قصيدة رائعة متقنة
بصمة استاذ (بس ما علمتنا نوع المخالفة)

[مشعل عسام التريباني]

ابو طارق
احمد الجريفاني
شكرالكم على المرور الله لايهينكم واخوي احمد يقول
وش نوع المخالفه طبعا سرعه يقولون اني زايد على
السرعه المقننه 15 كم بالساعه الله لايعوضهم
مايدانون اللي يروح لحائل ههههههههههههههه

[أبو عارف]

:gfd : بالشاعر صاحب الإحساس والمشاعر الصادقة ابو عبدالرحمن

شكراً لك على هالهجوم على شركة ساهر هالي تختل وتلصص على لهالمساكين على الطرق السريعة وشتغلي ياكاميرات الخفية وسجل ياعداد وحط رجلك يامسافر ولايهمك الراتب جاي وإلا دبلنا المخالفة وسر ياساري قدامك ساهر ولد ماهر الي للفقير قاهر لابدن لك خلف ساتر ويعد المواتر :h i:.


بيض الله وجهك فيهم وتقبل فائق التحية والتقدير لاهنت.

[مشعل عسام التريباني]

اخوي الغالي ابو عارف

شكرا لك على المرور والاطراء بيض الله وجهك
والله ياخوك رحت ابي يم عرس نسيبي وطرحوني بالقصيم الله لا يجزاهم خير

[شايب كويس]

مارتخالف عيونهم ورجلينهم ... ياخلف ابوي انت ... حسبي الله على من فرضها علينا هالتسلاب ... صح السانك بعد حيي

[المهاجر]

ابو عبد الرحمن
الله يكفي بهم والله هذولا مثل المنشار ولا قدصهم خوف علينا الا والله يبون يغسلون رواتبنا غسل
صح السانك والله ايعيننا واياك ياعم مشعل
تحياتي لك

[المشرف العام]

ابيات معانات صغاها شاعر جزل على حال ولسان كل مواطن بهذا البلد ؟ وعدوه اللدود شركة ساهر
شركة ساهر ,, لمن .. ولماذا اسست هل تأسيسها مدروس وبعنايه .. وهل ساهر .. يستطيع رصد أهل الكراسي والكروش المنتفخه ؟؟؟ .. من نعمة الدولة ... الاتكفيهم السرقات ؟؟؟ .. وبهذه الطريقة البشعة مثل حرامية شركة ساهر ؟؟؟
ابو عبدالرحمن
صح السانك مليار ولا يكفون ...


خالص التحايا لسمو شخصك النبيل

[عويد المغيليث]

وعندهم مبدى الحليب الزين للمغصوبه
ولايصيرالزيـن درالناقـه المرعيّـه
الظعيّف ينهبونـه ماحسبـو لذنوبـه
مايظرابطونهـم لوياكـلـون النـيّـه


انا اشهد انط صادق يالغالي
صح لسانك
وسلم بنانك
وقصيده في محلها
سلمت ولاندمت

[مشعل عسام التريباني]

شايب كويس
المهاجر
المشرف العام
عويد المغيليث
شكرالكما جميعا على المرور والاطرى
الله لايهينكما جميعا ايها الاوفياء مروركم شرف

[بهلول الزميلي]

أخوي / أبو عبد الرحمن صح لسانك هذه القصيده تطالب بحق جماعي بحق شعب بأكمله لعل المسئولين يطّلعون عليها ويقدرون نتائج عمل أفراد ساهر اللي يظر مايسر القدر لايمنعونه والراتب يأخذونه 0سلمت ودمت ,,,

[مشعل عسام التريباني]

اخوي بهلول الزميلي
شكرالمرورك الله لايهينك

[احمد الجريفاني]

ربا ضارتن نافعة
صح انهم سرقوا من راتبك ها الشهر الله يزيده يا الغالي
بس حنا استفدنا من صيدتهم لك !!!
والفايدة انك تحاسب با السواقة ويبقيك الله لنا سنينن طويلات
اطال الله بعمرك على الخير
ادري ودك اني اتوطاهم مثل بقية الربع سلمت يا الغلى

[مشعل عسام التريباني]

الله يشيلهم عن الارض يخي
مانبي لهم الله يقطع نفعهم
هههههههههههههههههه

[مقبل الدخيل الزميلي]

ستاذي القدير مشعل التريباني

صح للسانك مدد بلا عدد الله لايهينك يالعزوه وكفانا الله شر ساهر واعوانه شرحك سرى يالغالي

انا توهم قبل ساعه فتشو مخابي ثوبي هههههههههههههههههه تقبل تحياتي يالعزوه

[محمد الذرفي]

لاوفق الله صالح كامل ولا من ايده

إستاذي الغالي . ابو عبدالرحمن

صح لسانك وعلى المخالفه اعانك

ابيات رائعة تناولت به موضوع مهم

دمت بخير وعافية

[مشعل عسام التريباني]

مقبل الدخيل الشمري
محمد الذرفي
شكرالمروركما الله لايهينكما ايها الافاضل

[فهد الغازي]

صح لسانك يابو عبدالرحمن...


وانا بعض الاحيان اجلس باحد المخططات المرتفعه بالظهران وساهر اشوفوه قدامي...
وكم مرة اللي سيارات الامن العام بغت تسوي حوادث اذا شافوا سيارة ساهر...أنواع الفرامل والربشه...

يعني ماهو بس على الضعوف حتى الحكومه ماهي سالمه!!!


تحياتي...


.

[عباس بن عسل]

صح لسانك والله انك كأنك بقلبي
الله لا يحلهم 1500 ريال بيوم واحد وسفارة وحدة من رفحاء لجدة
دمت بحفظ الله ورعايته

[مشعل عسام التريباني]

اخوي فهد الغالزي
تدري ليش يخافون الدوريات من ساهر
لان النجده مسجله على السائق يعني
المخالفه على السائق جندي مسكين
ولو فرضنا انها على الدوله تؤخذ من الميزانيه
ليس منهم ههههههههههههههههه شكرالك على المرور

[مشعل عسام التريباني]

اخوي عباس العسل
شكراللمرور الله لايهينك
وكل ماتصلي ادع على ساهر
تكفا ههههههههههههه

[نهير النمش]

الجزل ابو عبدالرحمن

صح لسانك مليار في مليار ولايكفون صدقت بكل كلمه

ساهر فعلاً صار عقوبه على المواطن ولاحياة لمن تنادي

سلمت ودمت وبيض الله وجهك على هالرائعه الهادفه

دمت بحفظ الله

[مشعل عسام التريباني]

هلا هلا هلا
ايوالله هلا بابو نمش
شكرالك على المرور
الله لايهينك يالغالي

[مشعل عسام التريباني]

هلا اخوي ابو طارق
شكرالك على المرور والاطرى الله لايهينك
الله يعينكم على سارق ياخي وش تبون بالقصيم
ارحلو منه ياصار القصيم وبعد فيه ساهر (اوسارقب بالاصح)
هههههههههههههه الله يعينكم بس

[سطم فهد الخليل]

يابو عبد الرحمن

اشكرك على الموضوع الذي يجب الطرق له من الكثير

لاهنت ودمت

[أبو كادي]

الشاعر المحبوب / أبو عبدالرحمن
تسلم وصح لسانك لاهنت ابيات جميلة جداً وفقك ربي ورعاك.
تقبل فائق أطيب تحياتي،،،
:gtre ::gtre :

[ابو التجارب]

ابو عبدالرحمن
قال امين
مار تسهر عيونهم ردم ان شاء الله
سحتو رويتباتنا لعنة الله على من اسسها الظالم
صح السانك ياخلف جدي

[مشعل عسام التريباني]

سطم الخليل
ابو كادي
ابو التجارب
شكرالكم جميعا على المرور والاطرى الله لايهينكم