ديوان / الشاعر راكـــــان

[راكـــــان]

السلام عليكم

يشرفني ان اضع بينكم هذه المشاركه التي اتمنى ان ترتقي الى ذائقتكم


الــبــــــــارحــــه!!!

البارحه والليل بيني وبينه=علوم نصدرها وتارد لنا علووم
مابيننا صارت علاقة متينه=علاقة ٍ ماتقبل الحد والسووم
اهيم واجيب البيوت الثمينه=نوادر ٍ صفق لها سيد القووم
كله لجل من له حياتي رهينه=ياكيف وهو مني سرق لذة النووم
اسرح بهاجوسي وانا اقول وينه=ماغير طيري انهكه كثرة الحووم
من شافني يقول يالله تعينه=معطى ولكن من عطيّته محرووم
اهب ياحظ ٍ يجيب الغبينه=قام وتعثر ماقدر بعدها يقووم

[راكـــــان]

صباحكم/مساكم شعر


يـــا ذيــــــــب!!!

ياذيب ياللي تتعب العالم ليامنـك عويـت=حسيبي الله من صدى عويتـك لاعويّتهـا
سريت في همك وانا ياذيب في همي سريت=حديت عيني ليـن ياذيـب الخـلا بكيّتهـا
جرحتني وانا ادري انك يوم تجرح مادريت=قصدك تعبر عن همومك ليـت ماجريّتهـا
خليتني كل مانتهي من هم ٍ بهـم ابتديـت=النفس زاد ابها التعب والحال قـد هديّتهـا
الصاحب اللي كنت اعده صاحب ٍ ولـه وفيـت=اصبح يـدوّر زلتـي لـو زلتـه عديّتهـا
اعطيته كل حاجه ممكنه ولكـن ماخذيـت=غير الطعون اللـي تعنينـي ولا عنيّتهـا
لكني ابعز نفسي دام لـي بالعـز صيـت=والصحبه اللـي ماتعـز ابوابهـا لديّتهـا

[راكـــــان]

اسعد الله صباحكم // مساكم بكل خيرر

نساير هموم الزمن بابتسامـه=ونخفي هموم ٍ خلفها تبتلينا


نساير هموم الزمن بابتسامـه=ونخفي هموم ٍ خلفها تبتلينا
نخاف لا تبدي علينا الملامـه=من واحد ٍ يفرح ليا شاف فينا
ماغير تسمع ذكرنا في كلامـه=قصده يفرح ربعه الشامتينا
لا يازمن لو قلت وين السلامه=انا ادري انك مانت صاير عوينا
طبعك كذا منّك وفيهم علامـه=عرفت طبعك وكشفتك السنينا
نتعب ولكـن تاليتهـا ندامـه=اما نجيها قود ولا تجينا
يعني نهاية مانبيـه وختامـه=(ياليتنا من حجنا سالمينا)