طير السعد

[عبدالله خليف الرمالي]

السلام عليكم ورحمة الله
كما يقال ان الرجال مواقف
واليكم هذه القصيده بدون مقدمات وهي اهداء:
للاخ العزيز طامي راشد الزعبي حفظه الله
والذي لن اوفيه حقه اتجاه معروفه بي



ياسامعين الصــوت للصوت عنــــوان =عنوانها ينصى بعيد الهقــــــــــاوي
شيال حملٍ مايشيله بليهــــــــــــان=وطير السعد شاله ودونه ثــنـــــــاوي
حرٍ ومنزاله على كل مابـــــــــــــــان =ماهو من اللي منزله بالمهـــــــــاوي
هذاك طامي لاختفى ناقص الشـــــان = يبين لك والعلم جاك متســــــــــــاوي
طامي ولد راشد فزع كل بلشــــــــــان=عز الرفيق الى بلته البــــــــــــــلاوي
مواقفه عندي كثيرات وسمــــــــــــان=من العدد محصي لو انه حـــــــــــراوي
نصيت غيره مار عودت ندمــــــــــان =صارت على ماقيل رمين سمـــــــاوي
قال أزهله عندي وأنا اقول وكــــــدان = وخل الردي من دونه ألفين عــــــاوي
أنا زبونه وارق من فوق الأمتـــــــان=والصعب يسهل لو أدروبه مـــــلاوي
ولاهي غريبه والمواقيف برهــــان = ياقف له الزعبي بوقت النخــــــاوي
ربعه هل النخوات ذربين الأيمــــــان =خيالة الحيزا كبار العطــــــــــــــاوي
تاريخهم معروف من ماض الأزمان =وصويبهم بالكون ماله أمــــــــــداوي
قبيلتن بـين القبايل لـها شــــــــــــان =عزاز النفوس مدلهين الجــــــــــلاوي
هذا الصحيح وزايد الهرج نقصـــان =وقولٍ بدون أثبات ماله عـــــــراوي


الشاعر عبدالله خليف الرمالي

[مطلق البخيتان]

صح لسانك

وطاب فالك

وكثّر الله من أمثال هذا الرجل


وأدام الله التكاتف بين المسلمين عموماً

تحياتي لك

[الطيار]

صح السانك وطاب فالك شاعرنا عبدالله خليف الرمالي
الف نعم بالمادح والممدوح
تقديري لك

[غالية الاثمان]

يسلم منطووووقك شاعرنا القدير
ارقي التحايا لسموك النبيل

[مشعل عسام التريباني]

صح لسانك يابو خليف على هذه القصيده
ومن لايشكر الناس لايشكر الله وراع الطيب
يستاهل مايقال به بيض الله وجهك شاعرنا القدير

[نهير النمش]

الاخ الشاعر عبدالله خليف الرمالي

الف صح لسانك وطاب فالك والف نعم بك على ذكر ومدح ورد الثتاء

والف نعم بالممدوح ومن حصل شي يستاهله والله لايقطع اهل الشهامه

قصيده رائعه وشامخه بشموخك وبمن يستحقها بلا شك وبيض الله وجهك ووجهه

تقبل تحياتي

[عويد المغيليث]

العزوة ابومعتز
صح الله لسانك
وسلم بنانك
ورفع الله قدرك وشانك
ابيات رائعه بمن يستحق
ونعم بالمادح والممدوح
لاهنت يالعزوة
وننتظر جديدك الرائع
سلمت ولاندمت

[عبدالله خليف الرمالي]

صح بدنك عوافي على الجميع الف شكر على مرورك

[مفوز التبيناوي]

من طول الغيبات جاب الغنايم،، حياك الله يابو خليف،، تثمين الطيب يدل على طيب المعدن،، واكيد قلتها بمن يستاهلها.... لاهنت.

[المشرف العام]

من حصل شي يستاهله والف نعم بالفاضل طامي راشد الزعبي
لاهنت على هذه الرائعة شاعرنا القدير عبدالله خليف الرمالي
صح السانك مدد بلا عدد
خالص التحايا لسمو شخصك النبيل

[عطر الحكي]

ونعـــــــم فيك وفي زعب

: :

طرق ثمين ومدح سمين

صح لسانك ملاييييييييييين

دمت بسعــــــــــادة

[احمد الجريفاني]

جزلة من راس جزل
سلمت وغنمت