ابوحاتم جار عزيز علي وعلى جميع جيراننا (وهو محمد بن نحو الغريري الاسلمي)

[مشعل عسام التريباني]

بسم الله الرحمن الرحيم

الشاعر\ مشعل عسام التريباني الشمري
قصيده بالجار محمد بن نحو القطيبي الغريري الاسلمي عندما رحل من الرياض الى محافظة الشنان فنحن
الجيران فقدناه حقيقه لانه شروى الجميع لحيتن غانمه وجار عزيز على الجميع وعندما رحل حقيقه
تضايقت وكتبت هذه الابيات ارجو ان تحوز على رضا الجميع وهو يستحق الكثير

(ابو حاتم)في15\7\1433هـ


عــــز الله انا يامحـــــمد فقــــــــدناك= ليتك بقيت وشــــــد يالقرم غـيرك

والله لو طال الدهــــــر مانســـــــيناك= يالنادر اللـــــــي ماتضايق قصيرك

الله يكثـّر بالبشر مثل شـــــــــرواك= والله مــــــن شـــــر الليالي يجيرك

الله يابو حاتم مـــــن الشــــــر ياقاك= ياللي على درب الرجوله مسيرك

اناشهد انك واجـــــــداتن مــــــزاياك= يصعب على الشعار شرح اتعبيرك

فتحــت بابك للمســـــايير تنصــــاك= عســـاه يكثر يفتى الجود خـــــيرك

عـــــز الله انك غالين لاعــــدمــناك= وانا اشــــــــهد انك ماتكـدّر عشــيرك

تفز فــــي وجه المســــير اليا جـــاك= وحكيم راي لمن يجي يستشــــيرك

تحط جــــــارك مثل دانــــــي دناياك= كنه بمالك يالقطيبـــي خشــــيرك

دايم بوجه الجار يضحك محــــــياك= ماطلـّعة طــــــول الليالي حفـيرك

عـــــد الروى هــــداج كلٍ ورد مـاك= وهمال غــيثن ماتغـثبر غــــديرك

عسى طريق الخــــــير دربك وممشاك= وعساه يلفح في فضا الخير طيرك

ياعل رديان العرب تحـــــت مـاطاك= يامرخصن للجار من زين ميرك

ياللـــي قصيرك كل عمــــره تمـــناك= ربيع قلـــب الجار ينعـش عبيرك

عزالله انـّا يالقطيبـــــي خســــــرناك= ليته رحل عنا مــن الناس غيرك

لكن عزاي انك على الدرب وانصاك= وانت اعتبرني يابو حاتم سفيرك

[احمد الجريفاني]

رائع وافي كافي جزل
احترت وش اسميك
وربب الكون اغليك
قصيدة وفاء رائعة
ولي طلب ان توصلني به لاجل ازوره واتشرف بمعرفته
وبعده نعرف شلون نجيبك عنده وعندي لو تحبي
لك الود
مستانس لانك تعرف غلاك بجوف احمد

[صدمة الأيام]

يسلم راسك شاعرنا الفاضل والمميز مشعل التريباني

لاشك ان جارك له معزة خاصك لديك ولعلنا نقتدي بصفوة الخلق الرسول صلى الله عليه وسلم الذي وصى بسابع جار

عشت وصح لسانك واعتلى شانك

[مشعل عسام التريباني]

احمد الجريفاني
صمت الايام
شكرالكم جميعا على المرور الله لايهينكم جميعا
اخوي احمد يبي يعرف وين جاري العزيز ابو حاتم
هو في محافظة الشنان موجود واذا جيت الشنان
اي واحد تساله عنه يعلمك في بيته شكرالك يابا فراس

[سطم فهد الخليل]

وافي يابو عبد الرحمن

وابو حاتم ماهو غريب عليه الطيب مع الجيران واكرامهم
وهو ابو حاتم وهو حفيد عدي بن حاتم الطائي اكبر مثل للكرم

وكما قلت يابو عبد الرحمن هو على الطريق للجاي والرايح

ابو حاتم يستاهل وابو عبدالرحمن وافي

[مشعل عسام التريباني]

مجمد الشميلي
سطم فهد الخليل
شكرا لكم جميعا على المرور والاطرى الله لايهينكم مروركم شرف لي

[مطلق البخيتان]

شاعرنا الوفي
مشعل التريباني
ماكتبته يدل على معدنك الأصيل وتقديرك للطيبين دليل على طيبك
طال عمرك ويسّر الله أمرك
أما عن محمد النحو القطيبي.. فألأمور الطيبة ليست بغريبة عليه ولا على أهله من قبل
والله والف الف نعم فيك وفيه..ومن حصل شيء يستاهله.
والله يكثّر من أمثالكم الجار الباقي والجار الرحال
هنا للمراجل عبيييييييييييييييييييييييييييييييييييييييييييييييي ييييييييييييييييير

[مشعل عسام التريباني]

اخوي مطلق البخيتان
شكرالك على المرور الله لايهينك يالغالي وما عليك زود الله لايهينك

[نهير النمش]

الله الله

ابو عبدالرحمن الله يرفع قدرك عز الله انك قلت الصحيح

الف نعم والله بابو حاتم انا اشهد انه كفو لكل ماقلت بلا شك

صح لسانك والله ياأمير على مدح الطيبين اللي يستحقون الذكر

انت كفو ولايمدح اهل الطيب الا اللي منهم وانت ومود كفو للطيبات

تقبل تحياتي

[مشعل عسام التريباني]

الاخ العزيز ابو نمش
شكرالك على المرور وشكرا لك على الاطرى
الله لايهينك ياالغالي وماعليك زود الله يطول عمرك

[ممدوح بن زايد القدهي]

لكن عزاي انك على الدرب وانصاك
وانت اعتبرني يابو حاتـم سفيـرك
كفووووووو يابو عبدالرحمن وماعليك زود يالتريباني

وابو حاتم القطيبي الغريري يستاهل ويستاهل
ولاهي غريبه عليه الطيب مادام إنه من سلالة عدي بن حاتم الطائي
والطيب وهبه من جزيل العطايا
يزهاه طلقين اليماني والأكرام
تقبل مروري وتقديري يابو عبدالرحمن

[عويد المغيليث]

الجار قبل الدار
والجار له حق على جاره
وانت كريم يابوعبدالرحمن
وهو يستاهل
صح لسانك
وسلم بنانك
تحياتي لك

[عطر الحكي]

جميلاً ان توظف الكلمة الشعرية

في هذه الصفاة النبيلة للجار وجاره

وجميلاً ان تتاثر برحيل الطيبين

لقد كتبت ونظمت وابدعت

صح حرفك وسلم شفيف نبضــــــــك

لك تقييمي وازهــــــــاري

دمت بسعــــــــــادة

[يحيى العبودي]

من طيبك يا ابو عبد الرحمن صح الله لسانك

ونعم فيك وبأبو حاتم وكثر الله من امثالكم

دمت بخير

[معدي نشمي العتيبي]

صح لسانك وفيت وارتقيت وبالشعر انتقيت الدرر فالله دررررك
تقبل شكري لك

[قمرا سماه]

ابيات جميلة
عساك على القوة

ودي

[مفوز التبيناوي]

مايثمن الطيب الا الطيبين شرواك يابوعبدالرحمن، والخال محمد النحو يستاهل،، دمتم بخير وتواصل.

[مشعل عسام التريباني]

شكرا لجميع الاخوان والاخوات على المرور والاطرى الله لايهينكم جميعا واعتذرعن الردودلاني مسافرولايتوفرلي الاتصال والله اني متسلف الانترنت من واحدمن الربع شكرالكم شكرا من اعماق قلبي ايها الاوفياالله لايهينكم