مـن قبـل عصـر الفخفخـه والفخامـات,,ومـــن قـبــل حــتــى يـمـدحــون الــزلايــب

[قبلان الخمسان]

بسم الله الرحمن الرحيم
قصيده القيتها في حفل الشيخ الشاعر / محمد بن سعود البايح
(امير الجثاميه(

قال الشاعر قديما"
ياهل الركاب الضمر
يمينكم للبايح
تلقون تمر الحلوه
والسمن فوقه سايح

فـ قلت


يـأهـل الـجـيـوب الـفـاخـرات الثـمـيـنـات=يمـيـنـكـم مـجــلــس مـضــيــف الـركــايــب
مضيـف شيخـن بالعـصـور القديـمـات=يـوم البشـر بظهـور عــوص النجـايـب
مـدهــل كـــرم يـــوم المعـيـشـه كـسـافــات=يــومـاً دلـــو الــمـاء عـلـيــهـا نــشــايــب
مـن قبـل عصـر الفخفخـه والفخامـات=ومـــن قـبــل حــتــى يـمـدحــون الــزلايــب
ومــن قـبـل شيـخـة عـابـديـن الـريــالات=ومــحــمــد الــبــايــح مـــســـوي الـعـجــايــب
شيخاً ورث مجداً رفع روس الأموات=وصيتـن يـطـاول ناطـحـات السحـايـب
مــــــرو تــقــهــوو ووصـــلـــوه الــجــزيـــلات=مــن شـاعـرً عقبله الشعر شـايــب
فــيــهـــا احــتــرامـــي لــلــكـــرم والـتــحــيــات=وفـيـهــا فــخـــر شــمـــر وقـــــدر الـقــرايــب
ســــــــلام يــــــــاراع الــــــــدلال الـــمـــركـــات=الـلـي شـكـت مــن حــر صـلـو اللهايـــب
بالمـجـلـس الــلـي شـامــخ مـثــل أبـانــات=يـدهــل لـونــك يـابـيـض الـوجــه غـايــب
رمــــــــزاً لــشـــمـــر بـــالـــكـــرم والــــمـــــروات=يفخـر بـه ألـي تحـت عـوج النصـايـب

[قمرا سماه]

ياسلااااام عليك ياخو ميثاء
ابيات راااائعة جداً

يعطيك الف عافية

ودي

[فردان]

قبلان بن خمسان
صح السانك
تقبل مروري

[نهير النمش]

الله الله

الشاعر المبدع / قبلان الخمسان

صح قلبك وسلم فكرك يالجزل وام ذكرك وشعرك

نص يفوق الوصف حبك وسبك بمن يستحق الشعر والمدح

سلمت ودمت ياأخو ميثاء مايمدح اهل الطيب الا اهل الطيب

بيض الله وجهك وطاب حظك ودمت على العو والمعزه يالقرم

تقبل كل الود

[بشير اللويش]

صح لسانك يالغلا

والبايح كفو ويستاهل الشعر والمدح يزهاه

ابو سلطان

[المشرف العام]

شاعرنا القدير قبلان الخمسان
صح السانك مدد بلا عدد
خالص التحايا لسمو شخصك النبيل

[عويد المغيليث]

والنعم من المادح والممدوح
الشاعر قبلان الخمسان
صح لسانك
وسلم بنانك
ابيات رائعه
بمن يستحق
لاهنت يالغالي

[راضي طاري الذرفي]

صح الله لسانك الف ياخو ميثا
القصيده جزله من راس(ن) جزل
والممدوح يستاهل والمادح ابدع في قوة وبساطة المفرده وسلاسة البيت.
قل مانجد الابداع في المدح .الا انه مع الشاعر المتمكن تتميز القصيده وتجذب القارئ حتى يعيشها
احساساً حياً لايسعه الا ان يقرئها اكثر من مره. وأعتقد ان هذا ماحصل فعلاًمع قصيدة شاعرنا قبلان .
هناك شيء مميز ايضا شد انتباهي في القصيده او في الشاعر نفسه وهو العقلانيه والموضوعيه في المدح
وهذا مايضيف المصداقيه للشاعر وبالتالي شعره.
اود ان اكرر شكري لاخي الشاعر قبلان على هذا الابداع وهذا الطرح الجميل واقول اننا ننتظر كل جديد منك.

[مفوز التبيناوي]

صح لسانك أخي/ قبلان والبايح يستاهل وهو فخر لكل شمر،،، لاهنت.