نايف بن عبدالعزيز ال سعود رحمه الله قصيده مرثيه

[ممدوح بن زايد القدهي]

حتى القوافي حزّنت في رحيله=الصارم اللي للصعيبات مدهال
كم صعبت ٍ صارت بعينه نثيله=بالعزم والحكمه وتقديم الأفعال
أربك جميع مخططات الفشيله=وأركى على منهو عن الدرب ميّال
يزمي ليامن العدو زاد سيله=ويصمد صمود العز في وجه من عال
وقفاته اللي في صفوف الفضيله=تبقى على مر الليالي والأحوال
تأييده ودعمه حصد به نفيله=وتوجيهه اللي يخرس أفواه الأنذال
اللي هدفهم كيف تفشى الرذيله=وكيف القيم تنحط والدين ينشال
هم حاولو لكن بليا حصيله=ماحصلو ألا التعب والتبهذال
الكل منهم راح ويجر ذيله=مادريو إن الدار بيدين عقــّال
يالله عسى اللي قدمه لك يجيله=ولاتحرمه من رحمتك يالله العال
وأجزه جنان ٍ يستظل بظليله=عبدك يبي في رحمتك خير منزال

[غالب الشلاقي]

ابو زايد

صح لسانك وعلا شانك

وفقيد الوطن

عسى مثواه جنات النعيم

[عويد المغيليث]

نسأل الله له الرحمه والمغفره
صح لسانك اخي الكريم
وسلم بنانك
اجمل الاماني

[مطلق البخيتان]

رحم الله ألأمير نايف واسكنه فسيح جناته

وصح لسانك على هذه الباذخة المخلصة

تحياتي لك

[ممدوح بن زايد القدهي]

اخوي المحترم ابو طارق
يسلم راسك على كرم الحضور
وبيض الله وجهك
دمت بخير

[ممدوح بن زايد القدهي]

صح بدنك يابو عساف وشاكر ومقدر حضورك
لاخلا ولاعدم يابعدي

[ممدوح بن زايد القدهي]

صح بدنك اخوي الشاعر عويد المغيلث
وشاكر ومقدر حضورك وتشريفك
لاهنت ولاهان مقداركـ

[ممدوح بن زايد القدهي]

اخوي الشاعر مطلق البخيتان
تسلم ويسلم راسك
ولاهنت على حضورك الطيب
لاخلا ولاعدم

[قمرا سماه]

تسلم ’’ ابياتك راااائعة

عساك على القوة

ودي

[ساره]

وأجـــــزه جــنـــان ٍ يـسـتـظــل بـظـلـيـلـه
عـبـدك يـبـي فــي رحمـتـك خـيـر مـنـزال

::

:

اللهم آآآمين اللهم آآآمين اللهم آآآمين

أبيآتْ توشحتْ بردآء الحزنْ ...http://www.7c7.com/vb/images/smilies/+k9+.gif



ورحم الله فقيد الوطن الامير نايف بن عبدالعزيز وتغمده بواسع رحمته وغفرانه .

وجعل من يخلفه خير من يقود المسيره من بعده بفضل الله ومنّته ..

هلا بك ممدوح بن زايد القدهي وصح لسانك ومشاعر تستحق من كتبت فيه ..

[مسمار جحا]

الشاعر القدهي
صح السان
تحياتي لك

[المشرف العام]

شاعرنا القدير ممدوح بن زايد القدهي
صح السانك مدد بلا عدد
خالص التحايا لسمو شخصك النبيل

[نهير النمش]

الجزل / الاخ ممدوح القدهي

الف صح لسانك وطاب فالك مشاعرك مشاعر الجميع

سلمت ودمت كتبت واجزلت بمن يستحق الرثاء رحمه الله

مشاعر وطنيه من شاعر كفو وغيور الف شكر لك لاهنت

تقبل كل الود

[ابو عبدالملك]

صح لسانك طال عمرك..

[ممدوح بن زايد القدهي]

ياهلا بالجميع اللي حضر وعقب واللي حضر للمشاهده
وبيض الله هالوجيه كما هو حضوركم ومجهودكم اللي يشجع الواحد انه يقدم كل ماهو جديد
دمتم بخير وعافيه