ردي على غالينا الشاعر/طلال الاحيوات

[مطلق البخيتان]

هلا وغلا بشاعرنا الغالي / طلال..
ياخي والله ماقصدي أزعجك ولاأزعج غيرك...لكنني أنشر مراثيي كل فترة لعلي أكسب لها الدعاء
..وكلن جاريله من الدنيا ماجرى..المصايب ماخلت بيد مادخلته لكنها تتفاوت مستوياتها وتوقيتاتهاوو...الخ.الله يلهمك الصبر عن فقيدك ويعوضك خيراً..
المهم ياعزيزي انا مسيّر يعني عندلي عرب ولكن عجزت الا أرد على قصيدتك الطيبة ولوكان ردي سريع ومتواضع.. فسامحني على القصور :


هلا هلا ماناحت الورق يا أمير=وحي السلام اللي وصل منك مندوب
طلال..وجدي ماكتبته لتكدير=أبي عساي أكسب دعاكم لمحبوب
وتعبير عن مابي لشرواه تعبير=راحت وأنا في عمر عشرين منكوب
وعندي عيال ثنين مدري وش يصير=جاهل على كبر المصيبة ومكلوب
تدري جلست سنين وجروحي تغير=متواصله..والأ الى اليوم معطوب
وجربت مثلك طير ماعاضني طير=وحاولت بالأسفار لو حالتي دوب
وقنعت بعد..سنين سودٍ معاثير=أن المصايب ماله احساس وقلوب
لاتزيد همي هم..ياشيخ وتثير=حزنٍ عليّ يملك مخاليب ونيوب

[طلال الاحيوات]

الغالي والاخ الكبير الشاعر مطلق البخيتان ابو سالم
وافي وبيض الله وجهك ولا عليك اقصور
ابيات من ذهب يا ذهب
الله يرحم ام سالم ويجمعكم على خير في الدار الاخره
ويبقيك لعيالك سالم وسلطان ويجعلهم من البرره بك
اعذرني على الابيات
والله يعيننا وياك وجميع المسلمين
تحيتي وخالص مودتي

[المشرف العام]

أبو سالم
رحم الله الفقيده برحمته الواسعة وأسكنها فسيح جنانه أمين
صح السانك مدد بلا عدد
خالص التحايا لسمو شخصك النبيل

[مشعل عسام التريباني]

اخوي مطلق البخيتان
احسن الله عزاك بمن فقدت
وصح لسانك وجادبيانك ولافظ فوك
على هذه المرثيه واسال الله لميتك
وموتانا وجميع المسلمين الجنه وهذه
الدنيا كفالله شرها ماتدوم لاحد

[مقبل الدخيل الزميلي]

اخوي الجزل مطلق البخيتان
صح للسانك على هالجزله لاهنت اخوي وبيض الله وجيهكم الجميع
تحياتي لك

[محمد سوعان الربيع]

مطلق البخيتان

صح السان اخوي العزيز الحقيقه ابياتك مؤثره جــــداً
والشئ الذي يصدر من القلب له لون وطابع لايشابهه اي تعبير آخر
وش اقولك يا مطلق
يخونني التعبيرلكن عسى الله يرحم ما فقدت
ويجعل مثواها جنات النعيم وان يعيض بخيراً منها
وصح السان اخوي الشاعر طلال الاحيوات وعظم الله اجركم انت وياه
وهذي الدنيا مابين راحل ونزال إنالله وإنا اليه راجعون
شكراً لكم اخواني وزملائي
على هالمرثيات المؤثره
دمتم بحفظ الرحمن
وما تشوفون شر ولا مكروه

[نهير النمش]

رد وافي من وافي ومؤلم بنفس الوقت

ابا سالم صح لسانك ورفع الله قدرك واصلح لك النيه والذريه

وجعل من فقدت للجنه وجمعك الله بها ومن تحب اللهم آمين

تقبل كل التقدير

[ناصر الصراع]

مطلق ألبخيتان 000

أبو سالم 00 رحم ألله ألفقيده وغفر لها - بحوله تعآلى -

وأجزل لكم ألثوآب 00 أبيات رثاء مؤثره00

صورت بها ألمعآناة 00أعآنك ألله تعآلى 00انه سميع مجيب 000

[عويد المغيليث]

رد وافي يالوافي
صح لسانك
وسلم بنانك
ورحم الله ام سالم
والهمكم الصبر والسلوان
تحياتي لك

[مطلق البخيتان]

الغالي والاخ الكبير الشاعر مطلق البخيتان ابو سالم
وافي وبيض الله وجهك ولا عليك اقصور
ابيات من ذهب يا ذهب
الله يرحم ام سالم ويجمعكم على خير في الدار الاخره
ويبقيك لعيالك سالم وسلطان ويجعلهم من البرره بك
اعذرني على الابيات
والله يعيننا وياك وجميع المسلمين
تحيتي وخالص مودتي


الغالي حييييييييييييل

شاعرنا القدير

طلال الاحيوات

أدري ياغالي أنني مقصر مهما جاملتني...ولكن عشمي في سماحك يالنشمي

رحم الله موتانا وموتاكم وموتى أمة محمد برحمته الواسعة...ولابد مانكون من الماضي...ولكن يالله حسن الخاتمه والقبول..ورحمتك التي وسعة كل شيء يا الله.


وفقك الله ياغاااااااااااااااااااااااااااااااااااااالي