مشراف الشراه

[طلال الاحيوات]

ابيات بسيطه من مقناص
اتمنى ان تنال اعجابكم

اشرفت مشراف الشراه المنيفي=والعين لدت صوب قبله ولديت

شفـت الديار اللي هواها نضيفي=ديرة هوى بالي جديد المنابيت

حيثه غرامي صوب ذاك المصيفي=وطرد المها والصيد انا له تعنيت

جيته عقب مقطاع وقت(ن) كليفي=وقت(ن) رماني بالمشاغل وسجيت

جـيـتـه وانا شـفـقان بندق رهـيـفي=سـتـة عـشـر لامن شـلعـته ومـديت

ترمي هدفها صوب راس الخسيفي=وأم البهم تشقى كثر ما تشقيت

يا عاذل(ن) قلبي كلامك حسيفي=ما ردني هرجك عن اللي تمنيت

( مشراف الشراه جبال الشراه المطله على وادي رم
الخسيفي اسم جبل نقنص فيه )

طلال الاحيوات

[عساف نجد]

صح لسانك وسلم بنانك
كل الشكر والتقدير

[مطلق البخيتان]

صح لسانك .... وطاب فالك

وان شاء الله ماتطول الغيبة


تحياتي لك

[أتعبني غلاك]

صح لسانك وعلا شانك ابيات رائعة الله يحقق امانيك ويحفظك تقديري لسموك سيدي

[نهير النمش]

الجزل طلال الاحيوات

مشراف الشعر والطيب مشرافك ودوم وانت مشرف بالعاليات

الف صح لسانك وطاب فالك ولاهنت ايه الشاعر الشهم القدير

تقبل كل الود

[أبو كادي]

طلال الاحيوات
صح لسانك مليارات يامبدع ابيات جميلة جداً جداً حفظك ربي ورعاك ووفقك بكل خير
وأتمنى لك أوقات سعيدة يارب.
تقبل فائق تحياتي،،،

[عويد المغيليث]

كعادتك ماتجيب الا الجزل يالغالي
صح لسانك
وسلم بناك
دمت كما تحب

[طلال الاحيوات]

الاخوه الكرام جميع
من غير قاصر بأحد
شرفتوني ونورتم متصفحي المتواضع
ابياتي ينقصها الكثير لكن بمروركم الكريم
زادت جمالاً فوق جمال وتألقت وانتشت بعطركم الفواح
يقف البنان ويعجز اللسان عن الشكر والعرفان
فأنتم للعز والمجد عنوان
مروكم تاج على راسي
وشهاداتكم اوسمه على صدري
تحيتي لكم جميع
اخيكم طلال الاحيوات المساعيد